Sekkhañca nevasekkhanāsekkhañca dhammaṁ paṭicca nasekkho dhammo uppajjati hetupaccayā. Sekkhañca nevasekkhanāsekkhañca dhammaṁ paṭicca naasekkho dhammo uppajjati hetupaccayā. Sekkhañca nevasekkhanāsekkhañca dhammaṁ paṭicca nasekkho ca naasekkho ca dhammā uppajjanti hetupaccayā.
Asekkhañca nevasekkhanāsekkhañca dhammaṁ paṭicca nasekkho dhammo uppajjati hetupaccayā. Asekkhañca nevasekkhanāsekkhañca dhammaṁ paṭicca naasekkho dhammo uppajjati hetupaccayā. Asekkhañca nevasekkhanāsekkhañca dhammaṁ paṭicca nasekkho ca naasekkho ca dhammā uppajjanti hetupaccayā. (Saṅkhittaṁ.)
Hetuyā ekūnavīsa, ārammaṇe nava …pe… avigate ekūnavīsa. (Sabbattha vitthāro.)
Paṭṭhānapakaraṇa
Dhammānulomapaccanīya (3), Tikapaṭṭhānapāḷi (1)
13.12. Parittattika
Hetu
Parittaṁ dhammaṁ paṭicca naparitto dhammo uppajjati hetupaccayā. Parittaṁ dhammaṁ paṭicca namahaggato dhammo uppajjati hetupaccayā. Parittaṁ dhammaṁ paṭicca naappamāṇo dhammo uppajjati hetupaccayā. Parittaṁ dhammaṁ paṭicca naparitto ca naappamāṇo ca dhammā uppajjanti hetupaccayā. Parittaṁ dhammaṁ paṭicca namahaggato ca naappamāṇo ca dhammā uppajjanti hetupaccayā.
Mahaggataṁ dhammaṁ paṭicca namahaggato dhammo uppajjati hetupaccayā. Mahaggataṁ dhammaṁ paṭicca naparitto dhammo uppajjati hetupaccayā. Mahaggataṁ dhammaṁ paṭicca naappamāṇo dhammo uppajjati hetupaccayā. Mahaggataṁ dhammaṁ paṭicca naparitto ca naappamāṇo ca dhammā uppajjanti hetupaccayā. Mahaggataṁ dhammaṁ paṭicca namahaggato ca naappamāṇo ca dhammā uppajjanti hetupaccayā.
Appamāṇaṁ dhammaṁ paṭicca naappamāṇo dhammo uppajjati hetupaccayā. Appamāṇaṁ dhammaṁ paṭicca naparitto dhammo uppajjati hetupaccayā. Appamāṇaṁ dhammaṁ paṭicca namahaggato dhammo uppajjati hetupaccayā. Appamāṇaṁ dhammaṁ paṭicca namahaggato ca naappamāṇo ca dhammā uppajjanti hetupaccayā. Appamāṇaṁ dhammaṁ paṭicca naparitto ca namahaggato ca dhammā uppajjanti hetupaccayā.
Parittañca appamāṇañca dhammaṁ paṭicca namahaggato dhammo uppajjati hetupaccayā. Parittañca appamāṇañca dhammaṁ paṭicca naappamāṇo dhammo uppajjati hetupaccayā. Parittañca appamāṇañca dhammaṁ paṭicca namahaggato ca naappamāṇo ca dhammā uppajjanti hetupaccayā.
Parittañca mahaggatañca dhammaṁ paṭicca naparitto dhammo uppajjati hetupaccayā. Parittañca mahaggatañca dhammaṁ paṭicca namahaggato dhammo uppajjati hetupaccayā. Parittañca mahaggatañca dhammaṁ paṭicca naappamāṇo dhammo uppajjati hetupaccayā. Parittañca mahaggatañca dhammaṁ paṭicca naparitto ca naappamāṇo ca dhammā uppajjanti hetupaccayā. Parittañca mahaggatañca dhammaṁ paṭicca namahaggato ca naappamāṇo ca dhammā uppajjanti hetupaccayā. (Saṅkhittaṁ.)
Hetuyā tevīsa, ārammaṇe cuddasa, adhipatiyā ekūnavīsa …pe… aññamaññe soḷasa …pe… purejāte āsevane nava …pe… avigate tevīsa. (Sabbattha vitthāretabbaṁ.)
Paṭṭhānapakaraṇa
Dhammānulomapaccanīya (3), Tikapaṭṭhānapāḷi (1)
13.13. Parittārammaṇattika
Parittārammaṇaṁ dhammaṁ paṭicca naparittārammaṇo dhammo uppajjati hetupaccayā …. (Saṅkhittaṁ.)
Hetuyā ekavīsa, ārammaṇe nava …pe… aññamaññe sattarasa …pe… avigate ekavīsa.
Paṭṭhānapakaraṇa
Dhammānulomapaccanīya (3), Tikapaṭṭhānapāḷi (1)
13.14. Hīnattika
Hīnaṁ dhammaṁ paṭicca nahīno dhammo uppajjati hetupaccayā. (Saṅkiliṭṭhasaṅkilesikatikasadisaṁ.)
Hetuyā ekūnavīsa, ārammaṇe nava …pe… vipāke ekādasa …pe… avigate ekūnavīsa.
Paṭṭhānapakaraṇa
Dhammānulomapaccanīya (3), Tikapaṭṭhānapāḷi (1)
13.15. Micchattattika
Hetu
Micchattaniyataṁ dhammaṁ paṭicca namicchattaniyato dhammo uppajjati hetupaccayā. Micchattaniyataṁ dhammaṁ paṭicca nasammattaniyato dhammo uppajjati hetupaccayā. Micchattaniyataṁ dhammaṁ paṭicca naaniyato dhammo uppajjati hetupaccayā. Micchattaniyataṁ dhammaṁ paṭicca nasammattaniyato ca naaniyato ca dhammā uppajjanti hetupaccayā. Micchattaniyataṁ dhammaṁ paṭicca namicchattaniyato ca nasammattaniyato ca dhammā uppajjanti hetupaccayā.
Sammattaniyataṁ dhammaṁ paṭicca nasammattaniyato dhammo uppajjati hetupaccayā. Sammattaniyataṁ dhammaṁ paṭicca namicchattaniyato dhammo uppajjati hetupaccayā. Sammattaniyataṁ dhammaṁ paṭicca naaniyato dhammo uppajjati hetupaccayā. Sammattaniyataṁ dhammaṁ paṭicca namicchattaniyato ca naaniyato ca dhammā uppajjanti hetupaccayā. Sammattaniyataṁ dhammaṁ paṭicca namicchattaniyato ca nasammattaniyato ca dhammā uppajjanti hetupaccayā.
Aniyataṁ dhammaṁ paṭicca namicchattaniyato dhammo uppajjati hetupaccayā … tīṇi.
Micchattaniyatañca aniyatañca dhammaṁ paṭicca namicchattaniyato dhammo uppajjati hetupaccayā … tīṇi.
Sammattaniyatañca aniyatañca dhammaṁ paṭicca namicchattaniyato dhammo uppajjati hetupaccayā … tīṇi. (Saṅkhittaṁ.)
Hetuyā ekūnavīsa, ārammaṇe nava …pe… vipāke tīṇi …pe… avigate ekūnavīsa. (Sabbattha vitthāretabbaṁ.)
Paṭṭhānapakaraṇa
Dhammānulomapaccanīya (3), Tikapaṭṭhānapāḷi (1)
13.16. Maggārammaṇattika
Maggārammaṇaṁ dhammaṁ paṭicca namaggārammaṇo dhammo uppajjati hetupaccayā. Maggārammaṇaṁ dhammaṁ paṭicca namaggahetuko dhammo uppajjati hetupaccayā. Maggārammaṇaṁ dhammaṁ paṭicca namaggādhipati dhammo uppajjati hetupaccayā. Maggārammaṇaṁ dhammaṁ paṭicca namaggārammaṇo ca namaggādhipati ca dhammā uppajjanti hetupaccayā. Maggārammaṇaṁ dhammaṁ paṭicca namaggahetuko ca namaggādhipati ca dhammā uppajjanti hetupaccayā. Maggārammaṇaṁ dhammaṁ paṭicca namaggārammaṇo ca namaggahetuko ca dhammā uppajjanti hetupaccayā. Maggārammaṇaṁ dhammaṁ paṭicca namaggārammaṇo ca namaggahetuko ca namaggādhipati ca dhammā uppajjanti hetupaccayā. (Saṅkhittaṁ.)
Hetuyā pañcatiṁsa, ārammaṇe chabbīsa …pe… avigate pañcatiṁsa. (Sabbattha vitthāretabbaṁ.)
Paṭṭhānapakaraṇa
Dhammānulomapaccanīya (3), Tikapaṭṭhānapāḷi (1)
13.17. Uppannattika
Uppanno dhammo naanuppannassa dhammassa hetupaccayena paccayo. (Saṅkhittaṁ.)
Hetuyā tīṇi, ārammaṇe nava, adhipatiyā nava …pe… upanissaye nava …pe… avigate tīṇi.
Paṭṭhānapakaraṇa
Dhammānulomapaccanīya (3), Tikapaṭṭhānapāḷi (1)
13.18. Atītattika
Paccuppanno dhammo naatītassa dhammassa hetupaccayena paccayo. (Saṅkhittaṁ.)
Hetuyā tīṇi, ārammaṇe nava, adhipatiyā nava …pe… upanissaye nava …pe… avigate tīṇi.
Paṭṭhānapakaraṇa
Dhammānulomapaccanīya (3), Tikapaṭṭhānapāḷi (1)
13.19. Atītārammaṇattika
Atītārammaṇaṁ dhammaṁ paṭicca naatītārammaṇo dhammo uppajjati hetupaccayā. Atītārammaṇaṁ dhammaṁ paṭicca naanāgatārammaṇo dhammo uppajjati hetupaccayā. Atītārammaṇaṁ dhammaṁ paṭicca napaccuppannārammaṇo dhammo uppajjati hetupaccayā. Atītārammaṇaṁ dhammaṁ paṭicca naatītārammaṇo ca napaccuppannārammaṇo ca dhammā uppajjanti hetupaccayā. Atītārammaṇaṁ dhammaṁ paṭicca naanāgatārammaṇo ca napaccuppannārammaṇo ca dhammā uppajjanti hetupaccayā. Atītārammaṇaṁ dhammaṁ paṭicca naatītārammaṇo ca naanāgatārammaṇo ca dhammā uppajjanti hetupaccayā. Atītārammaṇaṁ dhammaṁ paṭicca naatītārammaṇo ca naanāgatārammaṇo ca napaccuppannārammaṇo ca dhammā uppajjanti hetupaccayā. (Saṅkhittaṁ.)
Hetuyā ekavīsa, ārammaṇe nava …pe… avigate ekavīsa.
Paṭṭhānapakaraṇa
Dhammānulomapaccanīya (3), Tikapaṭṭhānapāḷi (1)
13.20. Ajjhattattika
Ajjhattaṁ dhammaṁ paṭicca nabahiddhā dhammo uppajjati hetupaccayā.
Bahiddhā dhammaṁ paṭicca naajjhatto dhammo uppajjati hetupaccayā. (Saṅkhittaṁ.)
Hetuyā dve …pe… avigate dve. (Sabbattha vitthāro.)
Paṭṭhānapakaraṇa
Dhammānulomapaccanīya (3), Tikapaṭṭhānapāḷi (1)
13.21. Ajjhattārammaṇattika
Ajjhattārammaṇaṁ dhammaṁ paṭicca naajjhattārammaṇo dhammo uppajjati hetupaccayā.
Hetuyā cha, ārammaṇe dve …pe… avigate cha.
Paṭṭhānapakaraṇa
Dhammānulomapaccanīya (3), Tikapaṭṭhānapāḷi (1)
13.22. Sanidassanattika
Hetu
Anidassanasappaṭighaṁ dhammaṁ paṭicca naanidassanasappaṭigho dhammo uppajjati hetupaccayā. Anidassanasappaṭighaṁ dhammaṁ paṭicca nasanidassanasappaṭigho dhammo uppajjati hetupaccayā. Anidassanasappaṭighaṁ dhammaṁ paṭicca naanidassanaappaṭigho dhammo uppajjati hetupaccayā. Anidassanasappaṭighaṁ dhammaṁ paṭicca nasanidassanasappaṭigho ca naanidassanaappaṭigho ca dhammā uppajjanti hetupaccayā. Anidassanasappaṭighaṁ dhammaṁ paṭicca naanidassanasappaṭigho ca naanidassanaappaṭigho ca dhammā uppajjanti hetupaccayā. Anidassanasappaṭighaṁ dhammaṁ paṭicca nasanidassanasappaṭigho ca naanidassanasappaṭigho ca dhammā uppajjanti hetupaccayā.
Anidassanaappaṭighaṁ dhammaṁ paṭicca naanidassanaappaṭigho dhammo uppajjati hetupaccayā … cha.
Anidassanasappaṭighañca anidassanaappaṭighañca dhammaṁ paṭicca nasanidassanasappaṭigho dhammo uppajjati hetupaccayā … cha. (Saṅkhittaṁ.)
Hetuyā aṭṭhārasa, ārammaṇe tīṇi …pe… avigate aṭṭhārasa. (Sabbattha vitthāro. Sahajātavārampi …pe… sampayuttavārampi vitthāretabbaṁ.)
Hetu-ārammaṇa
Anidassanaappaṭigho dhammo naanidassanaappaṭighassa dhammassa hetupaccayena paccayo. Anidassanaappaṭigho dhammo nasanidassanasappaṭighassa dhammassa hetupaccayena paccayo. Anidassanaappaṭigho dhammo naanidassanasappaṭighassa dhammassa hetupaccayena paccayo. Anidassanaappaṭigho dhammo nasanidassanasappaṭighassa ca naanidassanaappaṭighassa ca dhammassa hetupaccayena paccayo. Anidassanaappaṭigho dhammo naanidassanasappaṭighassa ca naanidassanaappaṭighassa ca dhammassa hetupaccayena paccayo. Anidassanaappaṭigho dhammo nasanidassanasappaṭighassa ca naanidassanasappaṭighassa ca dhammassa hetupaccayena paccayo.
Sanidassanasappaṭigho dhammo nasanidassanasappaṭighassa dhammassa ārammaṇapaccayena paccayo … tīṇi. (Saṅkhittaṁ.)
Hetuyā cha, ārammaṇe nava, adhipatiyā dvādasa, anantare tīṇi …pe… sahajāte aṭṭhārasa, aññamaññe terasa, nissaye aṭṭhārasa, upanissaye nava, purejāte aṭṭhārasa, pacchājāte cha, āsevane tīṇi, kamme vipāke āhāre cha, indriye nava, jhāne magge cha, sampayutte tīṇi, vippayutte nava …pe… avigate sattavīsa. (Pañhāvāraṁ vitthāretabbaṁ.)
Paṭṭhānapakaraṇa
Dhammānulomapaccanīya (3), Dukapaṭṭhānapāḷi (2)
14.1. Hetuduka
Hetu
Namo tassa Bhagavato Arahato Sammāsambuddhassa.
Hetuṁ dhammaṁ paṭicca nahetu dhammo uppajjati hetupaccayā—hetuṁ dhammaṁ paṭicca sampayuttakā khandhā cittasamuṭṭhānañca rūpaṁ; paṭisandhikkhaṇe …pe… hetuṁ dhammaṁ paṭicca nanahetu dhammo uppajjati hetupaccayā. Hetuṁ dhammaṁ paṭicca nahetu ca nanahetu ca dhammā uppajjanti hetupaccayā.
Nahetuṁ dhammaṁ paṭicca nanahetu dhammo uppajjati hetupaccayā. Nahetuṁ dhammaṁ paṭicca nahetu dhammo uppajjati hetupaccayā. Nahetuṁ dhammaṁ paṭicca nahetu ca nanahetu ca dhammā uppajjanti hetupaccayā.
Hetuñca nahetuñca dhammaṁ paṭicca nahetu dhammo uppajjati hetupaccayā. Hetuñca nahetuñca dhammaṁ paṭicca nanahetu dhammo uppajjati hetupaccayā. Hetuñca nahetuñca dhammaṁ paṭicca nahetu ca nanahetu ca dhammā uppajjanti hetupaccayā. (Saṅkhittaṁ.)
Hetuyā nava, ārammaṇe nava …pe… avigate nava. (Sahajātavārampi …pe… sampayuttavārampi paṭiccavārasadisaṁ.)
Hetu-ārammaṇa
Hetu dhammo nahetussa dhammassa hetupaccayena paccayo … tīṇi.
Hetu dhammo nahetussa dhammassa ārammaṇapaccayena paccayo … tīṇi.
Nahetu dhammo nanahetussa dhammassa ārammaṇapaccayena paccayo … tīṇi.
Hetu ca nahetu ca dhammā nahetussa dhammassa ārammaṇapaccayena paccayo … tīṇi. (Saṅkhittaṁ.)
Hetuyā tīṇi, ārammaṇe nava …pe… upanissaye nava, purejāte pacchājāte tīṇi, āsevane nava, kamme tīṇi, vipāke nava, āhāre tīṇi, indriye nava, jhāne tīṇi, magge sampayutte nava, vippayutte pañca …pe… avigate nava. (Pañhāvārampi evaṁ vitthāretabbaṁ.)
Paṭṭhānapakaraṇa
Dhammānulomapaccanīya (3), Dukapaṭṭhānapāḷi (2)
14.2. Sahetukaduka
Sahetukaṁ dhammaṁ paṭicca nasahetuko dhammo uppajjati hetupaccayā. Sahetukaṁ dhammaṁ paṭicca naahetuko dhammo uppajjati hetupaccayā. Sahetukaṁ dhammaṁ paṭicca nasahetuko ca naahetuko ca dhammā uppajjanti hetupaccayā.
Ahetukaṁ dhammaṁ paṭicca naahetuko dhammo uppajjati hetupaccayā. Ahetukaṁ dhammaṁ paṭicca nasahetuko dhammo uppajjati hetupaccayā. Ahetukaṁ dhammaṁ paṭicca nasahetuko ca naahetuko ca dhammā uppajjanti hetupaccayā.
Sahetukañca ahetukañca dhammaṁ paṭicca nasahetuko dhammo uppajjati hetupaccayā. Sahetukañca ahetukañca dhammaṁ paṭicca naahetuko dhammo uppajjati hetupaccayā. Sahetukañca ahetukañca dhammaṁ paṭicca nasahetuko ca naahetuko ca dhammā uppajjanti hetupaccayā. (Saṅkhittaṁ.)
Hetuyā nava, ārammaṇe cha, adhipatiyā pañca …pe… avigate nava. (Sahajātavārampi …pe… pañhāvārampi vitthāretabbaṁ.)
Paṭṭhānapakaraṇa
Dhammānulomapaccanīya (3), Dukapaṭṭhānapāḷi (2)