Hetuyā nava, ārammaṇe tīṇi …pe… vipāke ekaṁ …pe… avigate nava. (Saṅkhittaṁ. Sahajātavārampi …pe… sampayuttavārampi paṭiccavārasadisaṁ.)
Kusalo narūpāvacaro dhammo kusalassa narūpāvacarassa dhammassa hetupaccayena paccayo … tīṇi.
Akusalo narūpāvacaro dhammo akusalassa narūpāvacarassa dhammassa hetupaccayena paccayo … tīṇi.
Abyākato narūpāvacaro dhammo abyākatassa narūpāvacarassa dhammassa hetupaccayena paccayo. (Saṅkhittaṁ.)
Hetuyā satta, ārammaṇe nava, adhipatiyā dasa …pe… avigate terasa. (Saṅkhittaṁ.)
(Yathā kusalattike pañhāvāraṁ, evaṁ vitthāretabbaṁ.)
4.7.11. Kusalattika, Arūpāvacaraduka
Kusalaṁ arūpāvacaraṁ dhammaṁ paṭicca kusalo arūpāvacaro dhammo uppajjati hetupaccayā.
Abyākataṁ arūpāvacaraṁ dhammaṁ paṭicca abyākato arūpāvacaro dhammo uppajjati hetupaccayā.
Kusalaṁ naarūpāvacaraṁ dhammaṁ paṭicca kusalo naarūpāvacaro dhammo uppajjati hetupaccayā. (Rūpāvacaradukasadisaṁ.)
4.7.12. Kusalattika, Pariyāpannaduka
4.7.12.1. Pariyāpannapada
Hetu
Kusalaṁ pariyāpannaṁ dhammaṁ paṭicca kusalo pariyāpanno dhammo uppajjati hetupaccayā … tīṇi.
Akusalaṁ pariyāpannaṁ dhammaṁ paṭicca akusalo pariyāpanno dhammo uppajjati hetupaccayā … tīṇi.
Abyākataṁ pariyāpannaṁ dhammaṁ paṭicca abyākato pariyāpanno dhammo uppajjati hetupaccayā.
Kusalaṁ pariyāpannañca abyākataṁ pariyāpannañca dhammaṁ paṭicca abyākato pariyāpanno dhammo uppajjati hetupaccayā.
Akusalaṁ pariyāpannañca abyākataṁ pariyāpannañca dhammaṁ paṭicca abyākato pariyāpanno dhammo uppajjati hetupaccayā. (Saṅkhittaṁ.)
Hetuyā nava, ārammaṇe tīṇi …pe… vipāke ekaṁ …pe… avigate nava. (Saṅkhittaṁ.)
(Sahajātavārampi …pe… sampayuttavārampi paṭiccavārasadisaṁ.)
Kusalo pariyāpanno dhammo kusalassa pariyāpannassa dhammassa hetupaccayena paccayo … tīṇi.
Akusalo pariyāpanno dhammo akusalassa pariyāpannassa dhammassa hetupaccayena paccayo … tīṇi.
Abyākato pariyāpanno dhammo abyākatassa pariyāpannassa dhammassa hetupaccayena paccayo. (Saṅkhittaṁ.)
Hetuyā satta, ārammaṇe nava, adhipatiyā nava …pe… avigate terasa. (Saṅkhittaṁ. Yathā kusalattike pañhāvāraṁ, evaṁ vitthāretabbaṁ.)
4.7.12.2. Apariyāpannapada
Hetu-ārammaṇa
Kusalaṁ apariyāpannaṁ dhammaṁ paṭicca kusalo apariyāpanno dhammo uppajjati hetupaccayā.
Abyākataṁ apariyāpannaṁ dhammaṁ paṭicca abyākato apariyāpanno dhammo uppajjati hetupaccayā. (Saṅkhittaṁ.)
Hetuyā dve, ārammaṇe dve …pe… avigate dve. (Saṅkhittaṁ.) (Sahajātavārampi …pe… sampayuttavārampi paṭiccavārasadisaṁ.)
Kusalo apariyāpanno dhammo kusalassa apariyāpannassa dhammassa hetupaccayena paccayo.
Abyākato apariyāpanno dhammo abyākatassa apariyāpannassa dhammassa hetupaccayena paccayo.
Abyākato apariyāpanno dhammo abyākatassa apariyāpannassa dhammassa ārammaṇapaccayena paccayo. Abyākato apariyāpanno dhammo kusalassa apariyāpannassa dhammassa ārammaṇapaccayena paccayo.
Hetuyā dve, ārammaṇe dve, adhipatiyā tīṇi, anantare dve …pe… upanissaye cattāri …pe… avigate dve. (Saṅkhittaṁ.)
(Yathā kusalattike pañhāvāraṁ, evaṁ vitthāretabbaṁ.)
4.7.13. Kusalattika, Niyyānikaduka
Kusalaṁ niyyānikaṁ dhammaṁ paṭicca kusalo niyyāniko dhammo uppajjati hetupaccayā. (Saṅkhittaṁ.)
Hetuyā ekaṁ, ārammaṇe ekaṁ …pe… avigate ekaṁ. (Saṅkhittaṁ.)
(Sahajātavārepi …pe… pañhāvārepi sabbattha ekaṁ.)
Kusalaṁ aniyyānikaṁ dhammaṁ paṭicca kusalo aniyyāniko dhammo uppajjati hetupaccayā … tīṇi.
Akusalaṁ aniyyānikaṁ dhammaṁ paṭicca akusalo aniyyāniko dhammo uppajjati hetupaccayā … tīṇi.
Abyākataṁ aniyyānikaṁ dhammaṁ paṭicca abyākato aniyyāniko dhammo uppajjati hetupaccayā.
Kusalaṁ aniyyānikañca abyākataṁ aniyyānikañca dhammaṁ paṭicca abyākato aniyyāniko dhammo uppajjati hetupaccayā.
Akusalaṁ aniyyānikañca abyākataṁ aniyyānikañca dhammaṁ paṭicca abyākato aniyyāniko dhammo uppajjati hetupaccayā. (Saṅkhittaṁ.)
Hetuyā nava, ārammaṇe tīṇi …pe… avigate nava. (Saṅkhittaṁ.)
(Sahajātavārampi …pe… pañhāvārampi vitthāretabbaṁ.)
4.7.14. Kusalattika, Niyataduka
Kusalaṁ niyataṁ dhammaṁ paṭicca kusalo niyato dhammo uppajjati hetupaccayā.
Akusalaṁ niyataṁ dhammaṁ paṭicca akusalo niyato dhammo uppajjati hetupaccayā. (Saṅkhittaṁ.)
Hetuyā dve, ārammaṇe dve …pe… avigate dve. (Saṅkhittaṁ.) (Sahajātavārampi …pe… pañhāvārampi evaṁ vitthāretabbaṁ.)
Kusalaṁ aniyataṁ dhammaṁ paṭicca kusalo aniyato dhammo uppajjati hetupaccayā. (Saṅkhittaṁ.)
Hetuyā nava, ārammaṇe tīṇi …pe… avigate nava. (Saṅkhittaṁ.) (Sahajātavārampi …pe… pañhāvārampi evaṁ vitthāretabbaṁ.)
4.7.15. Kusalattika, Sauttaraduka
4.7.15.1. Sauttarapada
Kusalaṁ sauttaraṁ dhammaṁ paṭicca kusalo sauttaro dhammo uppajjati hetupaccayā … tīṇi.
Akusalaṁ sauttaraṁ dhammaṁ paṭicca akusalo sauttaro dhammo uppajjati hetupaccayā … tīṇi.
Abyākataṁ sauttaraṁ dhammaṁ paṭicca abyākato sauttaro dhammo uppajjati hetupaccayā.
Kusalaṁ sauttarañca abyākataṁ sauttarañca dhammaṁ paṭicca abyākato sauttaro dhammo uppajjati hetupaccayā.
Akusalaṁ sauttarañca abyākataṁ sauttarañca dhammaṁ paṭicca abyākato sauttaro dhammo uppajjati hetupaccayā. (Saṅkhittaṁ.)
Hetuyā nava, ārammaṇe tīṇi …pe… vipāke ekaṁ …pe… avigate nava. (Saṅkhittaṁ. Sahajātavārampi …pe… sampayuttavārampi paṭiccavārasadisaṁ.)
Kusalo sauttaro dhammo kusalassa sauttarassa dhammassa hetupaccayena paccayo … tīṇi.
Akusalo sauttaro dhammo akusalassa sauttarassa dhammassa hetupaccayena paccayo … tīṇi.
Abyākato sauttaro dhammo abyākatassa sauttarassa dhammassa hetupaccayena paccayo. (Saṅkhittaṁ.)
Hetuyā satta, ārammaṇe nava, adhipatiyā nava …pe… avigate terasa. (Saṅkhittaṁ.)
4.7.15.2. Anuttarapada
Hetu-ārammaṇa
Kusalaṁ anuttaraṁ dhammaṁ paṭicca kusalo anuttaro dhammo uppajjati hetupaccayā.
Abyākataṁ anuttaraṁ dhammaṁ paṭicca abyākato anuttaro dhammo uppajjati hetupaccayā. (Saṅkhittaṁ.)
Hetuyā dve, ārammaṇe dve …pe… vipāke ekaṁ, avigate dve. (Saṅkhittaṁ.)
(Sahajātavārampi …pe… sampayuttavārampi paṭiccavārasadisaṁ.)
Kusalo anuttaro dhammo kusalassa anuttarassa dhammassa hetupaccayena paccayo.
Abyākato anuttaro dhammo abyākatassa anuttarassa dhammassa hetupaccayena paccayo.
Abyākato anuttaro dhammo abyākatassa anuttarassa dhammassa ārammaṇapaccayena paccayo.
Abyākato anuttaro dhammo kusalassa anuttarassa dhammassa ārammaṇapaccayena paccayo. (Saṅkhittaṁ.)
Hetuyā dve, ārammaṇe dve, adhipatiyā tīṇi, anantare dve …pe… avigate dve. (Saṅkhittaṁ.)
(Yathā kusalattike pañhāvāraṁ, evaṁ vitthāretabbaṁ.)
4.7.16. Kusalattika, Saraṇaduka
Akusalaṁ saraṇaṁ dhammaṁ paṭicca akusalo saraṇo dhammo uppajjati hetupaccayā. (Saṅkhittaṁ.)
Hetuyā ekaṁ …pe… avigate ekaṁ. (Saṅkhittaṁ.)
(Sahajātavārepi …pe… pañhāvārepi sabbattha ekaṁ.)
Kusalaṁ araṇaṁ dhammaṁ paṭicca kusalo araṇo dhammo uppajjati hetupaccayā … tīṇi.
Abyākataṁ araṇaṁ dhammaṁ paṭicca abyākato araṇo dhammo uppajjati hetupaccayā.
Kusalaṁ araṇañca abyākataṁ araṇañca dhammaṁ paṭicca abyākato araṇo dhammo uppajjati hetupaccayā.
Kusalaṁ araṇaṁ dhammaṁ paṭicca kusalo araṇo dhammo uppajjati ārammaṇapaccayā.
Abyākataṁ araṇaṁ dhammaṁ paṭicca abyākato araṇo dhammo uppajjati ārammaṇapaccayā. (Saṅkhittaṁ.)
Hetuyā pañca, ārammaṇe dve …pe… vipāke ekaṁ …pe… avigate pañca. (Saṅkhittaṁ.)
(Sahajātavārampi …pe… sampayuttavārampi paṭiccavārasadisaṁ.)
Kusalo araṇo dhammo kusalassa araṇassa dhammassa hetupaccayena paccayo … tīṇi.
Abyākato araṇo dhammo abyākatassa araṇassa dhammassa hetupaccayena paccayo. (Saṅkhittaṁ.)
Hetuyā cattāri, ārammaṇe cattāri, adhipatiyā pañca, anantare samanantare cattāri, sahajāte pañca, aññamaññe dve, nissaye satta, upanissaye cattāri, purejāte pacchājāte āsevane dve, kamme cattāri, vipāke ekaṁ, āhāre …pe… magge cattāri, sampayutte dve, vippayutte tīṇi …pe… avigate satta. (Saṅkhittaṁ.)
(Yathā kusalattike pañhāvāraṁ, evaṁ vitthāretabbaṁ.)
Kusalattikapiṭṭhidukaṁ niṭṭhitaṁ.
Paṭṭhānapakaraṇa
Dhammānuloma (1), Tikadukapaṭṭhānapāḷi (4)
4.8. Tika Saraṇaduka
4.8.2.1. Saraṇapada
Paccayacatukka
Sukhāya vedanāya sampayuttaṁ saraṇaṁ dhammaṁ paṭicca sukhāya vedanāya sampayutto saraṇo dhammo uppajjati hetupaccayā.
Dukkhāya vedanāya sampayuttaṁ saraṇaṁ dhammaṁ paṭicca dukkhāya vedanāya sampayutto saraṇo dhammo uppajjati hetupaccayā.
Adukkhamasukhāya vedanāya sampayuttaṁ saraṇaṁ dhammaṁ paṭicca adukkhamasukhāya vedanāya sampayutto saraṇo dhammo uppajjati hetupaccayā. (Saṅkhittaṁ.)
Hetuyā tīṇi …pe… avigate tīṇi. (Saṅkhittaṁ.)