Ārammaṇe cattāri, adhipatiyā tīṇi, anantare cattāri, sahajāte aññamaññe nissaye dve, upanissaye cattāri, āsevane tīṇi, kamme cattāri, vipāke …pe… sampayutte dve …pe… avigate dve. (Saṅkhittaṁ.)
Nahetuyā cattāri, naārammaṇe cattāri. (Saṅkhittaṁ.)
Ārammaṇapaccayā nahetuyā cattāri. (Saṅkhittaṁ.)
Nahetupaccayā ārammaṇe cattāri. (Saṅkhittaṁ.)
(Yathā kusalattike pañhāvāraṁ, evaṁ vitthāretabbaṁ.)
4.1.22. Sanidassanasappaṭighattika, Hetuduka
Anidassanaappaṭighaṁ hetuṁ dhammaṁ paṭicca anidassanaappaṭigho hetu dhammo uppajjati hetupaccayā. (Saṅkhittaṁ.)
Hetuyā ekaṁ, ārammaṇe ekaṁ …pe… avigate ekaṁ. (Saṅkhittaṁ.)
(Sahajātavārampi …pe… sampayuttavārampi paṭiccavārasadisaṁ.)
Anidassanaappaṭigho hetu dhammo anidassanaappaṭighassa hetussa dhammassa hetupaccayena paccayo.
Anidassanaappaṭigho hetu dhammo anidassanaappaṭighassa hetussa dhammassa ārammaṇapaccayena paccayo. (Saṅkhittaṁ.)
Hetuyā ekaṁ, ārammaṇe ekaṁ …pe… avigate ekaṁ. (Sabbattha ekaṁ.)
(Yathā kusalattike pañhāvāraṁ, evaṁ vitthāretabbaṁ.)
Hetu-ārammaṇa
Anidassanasappaṭighaṁ nahetuṁ dhammaṁ paṭicca anidassanasappaṭigho nahetu dhammo uppajjati hetupaccayā. Anidassanasappaṭighaṁ nahetuṁ dhammaṁ paṭicca sanidassanasappaṭigho nahetu dhammo uppajjati hetupaccayā. Anidassanasappaṭighaṁ nahetuṁ dhammaṁ paṭicca anidassanaappaṭigho nahetu dhammo uppajjati hetupaccayā. Anidassanasappaṭighaṁ nahetuṁ dhammaṁ paṭicca sanidassanasappaṭigho nahetu ca anidassanaappaṭigho nahetu ca dhammā uppajjanti hetupaccayā. Anidassanasappaṭighaṁ nahetuṁ dhammaṁ paṭicca anidassanasappaṭigho nahetu ca anidassanaappaṭigho nahetu ca dhammā uppajjanti hetupaccayā. Anidassanasappaṭighaṁ nahetuṁ dhammaṁ paṭicca sanidassanasappaṭigho nahetu ca anidassanasappaṭigho nahetu ca dhammā uppajjanti hetupaccayā. Anidassanasappaṭighaṁ nahetuṁ dhammaṁ paṭicca sanidassanasappaṭigho nahetu ca anidassanasappaṭigho nahetu ca anidassanaappaṭigho nahetu ca dhammā uppajjanti hetupaccayā … satta.
Anidassanaappaṭighaṁ nahetuṁ dhammaṁ paṭicca anidassanaappaṭigho nahetu dhammo uppajjati hetupaccayā. Anidassanaappaṭighaṁ nahetuṁ dhammaṁ paṭicca sanidassanasappaṭigho nahetu dhammo uppajjati hetupaccayā. Anidassanaappaṭighaṁ nahetuṁ dhammaṁ paṭicca anidassanasappaṭigho nahetu dhammo uppajjati hetupaccayā. Anidassanaappaṭighaṁ nahetuṁ dhammaṁ paṭicca sanidassanasappaṭigho nahetu ca anidassanaappaṭigho nahetu ca dhammā uppajjanti hetupaccayā. Anidassanaappaṭighaṁ nahetuṁ dhammaṁ paṭicca anidassanasappaṭigho nahetu ca anidassanaappaṭigho nahetu ca dhammā uppajjanti hetupaccayā. Anidassanaappaṭighaṁ nahetuṁ dhammaṁ paṭicca sanidassanasappaṭigho nahetu ca anidassanasappaṭigho nahetu ca dhammā uppajjanti hetupaccayā. Anidassanaappaṭighaṁ nahetuṁ dhammaṁ paṭicca sanidassanasappaṭigho nahetu ca anidassanasappaṭigho nahetu ca anidassanaappaṭigho nahetu ca dhammā uppajjanti hetupaccayā … satta.
Anidassanasappaṭighaṁ nahetuñca anidassanaappaṭighaṁ nahetuñca dhammaṁ paṭicca sanidassanasappaṭigho nahetu dhammo uppajjati hetupaccayā. Anidassanasappaṭighaṁ nahetuñca anidassanaappaṭighaṁ nahetuñca dhammaṁ paṭicca anidassanasappaṭigho nahetu dhammo uppajjati hetupaccayā. Anidassanasappaṭighaṁ nahetuñca anidassanaappaṭighaṁ nahetuñca dhammaṁ paṭicca anidassanaappaṭigho nahetu dhammo uppajjati hetupaccayā. Anidassanasappaṭighaṁ nahetuñca anidassanaappaṭighaṁ nahetuñca dhammaṁ paṭicca sanidassanasappaṭigho nahetu ca anidassanaappaṭigho nahetu ca dhammā uppajjanti hetupaccayā. Anidassanasappaṭighaṁ nahetuñca anidassanaappaṭighaṁ nahetuñca dhammaṁ paṭicca anidassanasappaṭigho nahetu ca anidassanaappaṭigho nahetu ca dhammā uppajjanti hetupaccayā. Anidassanasappaṭighaṁ nahetuñca anidassanaappaṭighaṁ nahetuñca dhammaṁ paṭicca sanidassanasappaṭigho nahetu ca anidassanasappaṭigho nahetu ca dhammā uppajjanti hetupaccayā. Anidassanasappaṭighaṁ nahetuñca anidassanaappaṭighaṁ nahetuñca dhammaṁ paṭicca sanidassanasappaṭigho nahetu ca anidassanasappaṭigho nahetu ca anidassanaappaṭigho nahetu ca dhammā uppajjanti hetupaccayā … satta.
Anidassanaappaṭighaṁ nahetuṁ dhammaṁ paṭicca anidassanaappaṭigho nahetu dhammo uppajjati ārammaṇapaccayā. (Saṅkhittaṁ.)
Hetuyā ekavīsa, ārammaṇe ekaṁ, adhipatiyā ekavīsa …pe… aññamaññe cha, upanissaye purejāte āsevane ekaṁ …pe… avigate ekavīsa. (Saṅkhittaṁ.)
Nahetuyā ekavīsa, naārammaṇe ekavīsa …pe… novigate ekavīsa.
Hetupaccayā naārammaṇe ekavīsa. (Saṅkhittaṁ.)
Nahetupaccayā ārammaṇe ekaṁ. (Saṅkhittaṁ.)
(Sahajātavārampi …pe… sampayuttavārampi paṭiccavārasadisaṁ.)
Hetu
Sanidassanasappaṭigho nahetu dhammo anidassanaappaṭighassa nahetussa dhammassa ārammaṇapaccayena paccayo. (Saṅkhittaṁ.)
Ārammaṇe tīṇi, adhipatiyā nava, anantare ekaṁ, samanantare ekaṁ, sahajāte ekavīsa, aññamaññe cha, nissaye ekavīsa, upanissaye tīṇi, purejāte cha, pacchājāte satta, āsevane ekaṁ, kamme vipāke āhāre satta, indriye nava, jhāne magge satta, sampayutte ekaṁ, vippayutte aṭṭha …pe… avigate pañcavīsa. (Saṅkhittaṁ.)
Nahetuyā pañcavīsa, naārammaṇe ekavīsa. (Saṅkhittaṁ.)
Ārammaṇapaccayā nahetuyā tīṇi. (Saṅkhittaṁ.)
Nahetupaccayā ārammaṇe tīṇi. (Saṅkhittaṁ.)
(Yathā kusalattike pañhāvāraṁ, evaṁ vitthāretabbaṁ.)
Sanidassanasappaṭighattikahetudukaṁ niṭṭhitaṁ.
Paṭṭhānapakaraṇa
Dhammānuloma (1), Tikadukapaṭṭhānapāḷi (4)
4.2. Kusalattika, Hetugocchaka
4.2.2. Kusalattika, Sahetukaduka
Hetu
Kusalaṁ sahetukaṁ dhammaṁ paṭicca kusalo sahetuko dhammo uppajjati hetupaccayā.
Akusalaṁ sahetukaṁ dhammaṁ paṭicca akusalo sahetuko dhammo uppajjati hetupaccayā.
Abyākataṁ sahetukaṁ dhammaṁ paṭicca abyākato sahetuko dhammo uppajjati hetupaccayā. (Saṅkhittaṁ.)
Hetuyā tīṇi …pe… vipāke ekaṁ …pe… avigate tīṇi. (Saṅkhittaṁ.)
Naadhipatiyā tīṇi, napurejāte tīṇi, napacchājāte tīṇi, naāsevane tīṇi, nakamme tīṇi, navipāke tīṇi, navippayutte tīṇi.
Hetupaccayā naadhipatiyā tīṇi. (Saṅkhittaṁ.)
Naadhipatipaccayā hetuyā tīṇi. (Saṅkhittaṁ.)
(Sahajātavārampi …pe… sampayuttavārampi paṭiccavārasadisaṁ.)
Hetu-ārammaṇa
Kusalo sahetuko dhammo kusalassa sahetukassa dhammassa hetupaccayena paccayo.
Akusalo sahetuko dhammo akusalassa sahetukassa dhammassa hetupaccayena paccayo.
Abyākato sahetuko dhammo abyākatassa sahetukassa dhammassa hetupaccayena paccayo.
Kusalo sahetuko dhammo kusalassa sahetukassa dhammassa ārammaṇapaccayena paccayo. Kusalo sahetuko dhammo akusalassa sahetukassa dhammassa ārammaṇapaccayena paccayo. Kusalo sahetuko dhammo abyākatassa sahetukassa dhammassa ārammaṇapaccayena paccayo.
Akusalo sahetuko dhammo akusalassa sahetukassa dhammassa ārammaṇapaccayena paccayo … tīṇi.
Abyākato sahetuko dhammo abyākatassa sahetukassa dhammassa ārammaṇapaccayena paccayo … tīṇi.
Kusalo sahetuko dhammo kusalassa sahetukassa dhammassa adhipatipaccayena paccayo. (Saṅkhittaṁ.)
Hetuyā tīṇi, ārammaṇe nava, adhipatiyā satta, anantare pañca, samanantare pañca, sahajāte tīṇi, aññamaññe tīṇi, nissaye tīṇi, upanissaye nava, āsevane tīṇi, kamme pañca, vipāke ekaṁ, āhāre …pe… sampayutte tīṇi …pe… avigate tīṇi. (Saṅkhittaṁ.)
Nahetuyā nava, naārammaṇe nava. (Saṅkhittaṁ.)
Hetupaccayā naārammaṇe tīṇi. (Saṅkhittaṁ.)
Nahetupaccayā ārammaṇe nava. (Saṅkhittaṁ.)
Yathā kusalattike pañhāvāraṁ, evaṁ vitthāretabbaṁ.
4.2.2.2. Ahetukapada
Hetu-ārammaṇa
Akusalaṁ ahetukaṁ dhammaṁ paṭicca abyākato ahetuko dhammo uppajjati hetupaccayā.
Abyākataṁ ahetukaṁ dhammaṁ paṭicca abyākato ahetuko dhammo uppajjati hetupaccayā.
Akusalaṁ ahetukañca abyākataṁ ahetukañca dhammaṁ paṭicca abyākato ahetuko dhammo uppajjati hetupaccayā.
Abyākataṁ ahetukaṁ dhammaṁ paṭicca abyākato ahetuko dhammo uppajjati ārammaṇapaccayā. (Saṅkhittaṁ.)
Hetuyā tīṇi, ārammaṇe ekaṁ, adhipatiyā ekaṁ …pe… avigate tīṇi. (Saṅkhittaṁ.)
Paccanīya
Nahetu-naārammaṇa
Abyākataṁ ahetukaṁ dhammaṁ paṭicca abyākato ahetuko dhammo uppajjati nahetupaccayā.
Akusalaṁ ahetukaṁ dhammaṁ paṭicca abyākato ahetuko dhammo uppajjati naārammaṇapaccayā.
Abyākataṁ ahetukaṁ dhammaṁ paṭicca abyākato ahetuko dhammo uppajjati naārammaṇapaccayā.
Akusalaṁ ahetukañca abyākataṁ ahetukañca dhammaṁ paṭicca abyākato ahetuko dhammo uppajjati naārammaṇapaccayā. (Saṅkhittaṁ.)
Nahetuyā ekaṁ, naārammaṇe tīṇi, naadhipatiyā tīṇi …pe… novigate tīṇi. (Saṅkhittaṁ.)
Hetupaccayā naārammaṇe tīṇi. (Saṅkhittaṁ.)
Nahetupaccayā ārammaṇe ekaṁ. (Saṅkhittaṁ.)
(Sahajātavārampi …pe… sampayuttavārampi paṭiccavārasadisaṁ.)
Hetu-ārammaṇādi
Akusalo ahetuko dhammo abyākatassa ahetukassa dhammassa hetupaccayena paccayo.
Akusalo ahetuko dhammo akusalassa ahetukassa dhammassa ārammaṇapaccayena paccayo. Akusalo ahetuko dhammo abyākatassa ahetukassa dhammassa ārammaṇapaccayena paccayo.
Abyākato ahetuko dhammo abyākatassa ahetukassa dhammassa ārammaṇapaccayena paccayo. Abyākato ahetuko dhammo akusalassa ahetukassa dhammassa ārammaṇapaccayena paccayo.
Akusalo ahetuko dhammo akusalassa ahetukassa dhammassa anantarapaccayena paccayo. Akusalo ahetuko dhammo abyākatassa ahetukassa dhammassa anantarapaccayena paccayo.
Abyākato ahetuko dhammo abyākatassa ahetukassa dhammassa anantarapaccayena paccayo. Abyākato ahetuko dhammo akusalassa ahetukassa dhammassa anantarapaccayena paccayo …pe….
Akusalo ahetuko dhammo akusalassa ahetukassa dhammassa upanissayapaccayena paccayo. (Saṅkhittaṁ.)
Hetuyā ekaṁ, ārammaṇe cattāri, anantare cattāri, samanantare cattāri, sahajāte tīṇi, aññamaññe ekaṁ, nissaye cattāri, upanissaye cattāri, purejāte pacchājāte āsevane dve, kamme vipāke āhāre indriye jhāne ekaṁ, sampayutte ekaṁ, vippayutte tīṇi …pe… avigate cattāri. (Saṅkhittaṁ.)
Nahetuyā pañca, naārammaṇe pañca, naadhipatiyā pañca. (Saṅkhittaṁ.)
Hetupaccayā naārammaṇe ekaṁ. (Saṅkhittaṁ.)
Nahetupaccayā ārammaṇe cattāri. (Saṅkhittaṁ.)
(Yathā kusalattike pañhāvāraṁ, evaṁ vitthāretabbaṁ.)
4.2.3. Kusalattika, Hetusampayuttaduka
Hetu
Kusalaṁ hetusampayuttaṁ dhammaṁ paṭicca kusalo hetusampayutto dhammo uppajjati hetupaccayā.
Akusalaṁ hetusampayuttaṁ dhammaṁ paṭicca akusalo hetusampayutto dhammo uppajjati hetupaccayā.
Abyākataṁ hetusampayuttaṁ dhammaṁ paṭicca abyākato hetusampayutto dhammo uppajjati hetupaccayā. (Saṅkhittaṁ.)
Hetuyā tīṇi, ārammaṇe tīṇi …pe… vipāke ekaṁ …pe… avigate tīṇi. (Saṅkhittaṁ.)
Naadhipatiyā tīṇi …pe… navippayutte tīṇi. (Saṅkhittaṁ.)
(Sahajātavārampi …pe… sampayuttavārampi paṭiccavārasadisaṁ.)
Hetu-ārammaṇa
Kusalo hetusampayutto dhammo kusalassa hetusampayuttassa dhammassa hetupaccayena paccayo.
Akusalo hetusampayutto dhammo akusalassa hetusampayuttassa dhammassa hetupaccayena paccayo.
Abyākato hetusampayutto dhammo abyākatassa hetusampayuttassa dhammassa hetupaccayena paccayo.
Kusalo hetusampayutto dhammo kusalassa hetusampayuttassa dhammassa ārammaṇapaccayena paccayo … tīṇi.
Akusalo hetusampayutto dhammo akusalassa hetusampayuttassa dhammassa ārammaṇapaccayena paccayo … tīṇi.