Nahetupaccayā ārammaṇe tīṇi. (Saṅkhittaṁ.)
(Sahajātavārampi …pe… sampayuttavārampi paṭiccavārasadisaṁ vitthāretabbaṁ.)
Ārammaṇa-adhipati
Parittārammaṇo nahetu dhammo parittārammaṇassa nahetussa dhammassa ārammaṇapaccayena paccayo. Parittārammaṇo nahetu dhammo mahaggatārammaṇassa nahetussa dhammassa ārammaṇapaccayena paccayo.
Mahaggatārammaṇo nahetu dhammo mahaggatārammaṇassa nahetussa dhammassa ārammaṇapaccayena paccayo. Mahaggatārammaṇo nahetu dhammo parittārammaṇassa nahetussa dhammassa ārammaṇapaccayena paccayo.
Appamāṇārammaṇo nahetu dhammo appamāṇārammaṇassa nahetussa dhammassa ārammaṇapaccayena paccayo. Appamāṇārammaṇo nahetu dhammo parittārammaṇassa nahetussa dhammassa ārammaṇapaccayena paccayo. Appamāṇārammaṇo nahetu dhammo mahaggatārammaṇassa nahetussa dhammassa ārammaṇapaccayena paccayo.
Parittārammaṇo nahetu dhammo parittārammaṇassa nahetussa dhammassa adhipatipaccayena paccayo. (Saṅkhittaṁ.)
Ārammaṇe satta, adhipatiyā satta, anantare nava, samanantare nava, sahajāte aññamaññe nissaye tīṇi, upanissaye nava, āsevane kamme pañca, vipāke …pe… sampayutte tīṇi …pe… avigate tīṇi. (Saṅkhittaṁ.)
Nahetuyā nava, naārammaṇe nava. (Saṅkhittaṁ.)
Ārammaṇapaccayā nahetuyā satta. (Saṅkhittaṁ.)
Nahetupaccayā ārammaṇe satta. (Saṅkhittaṁ.)
(Yathā kusalattike pañhāvāraṁ, evaṁ vitthāretabbaṁ.)
4.1.14. Hīnattika, Hetuduka
Hetu
Hīnaṁ hetuṁ dhammaṁ paṭicca hīno hetu dhammo uppajjati hetupaccayā. Majjhimaṁ hetuṁ dhammaṁ paṭicca majjhimo hetu dhammo uppajjati hetupaccayā. Paṇītaṁ hetuṁ dhammaṁ paṭicca paṇīto hetu dhammo uppajjati hetupaccayā. (Saṅkhittaṁ.)
Hetuyā tīṇi, ārammaṇe tīṇi …pe… avigate tīṇi. (Saṅkhittaṁ.)
Naadhipatiyā tīṇi, napurejāte tīṇi, napacchājāte tīṇi, naāsevane tīṇi, navipāke tīṇi, navippayutte tīṇi. (Saṅkhittaṁ.)
(Sahajātavārampi …pe… sampayuttavārampi paṭiccavārasadisaṁ vitthāretabbaṁ.)
Hetu-ārammaṇādi
Hīno hetu dhammo hīnassa hetussa dhammassa hetupaccayena paccayo.
Majjhimo hetu dhammo majjhimassa hetussa dhammassa hetupaccayena paccayo.
Paṇīto hetu dhammo paṇītassa hetussa dhammassa hetupaccayena paccayo.
Hīno hetu dhammo hīnassa hetussa dhammassa ārammaṇapaccayena paccayo. Hīno hetu dhammo majjhimassa hetussa dhammassa ārammaṇapaccayena paccayo.
Majjhimo hetu dhammo majjhimassa hetussa dhammassa ārammaṇapaccayena paccayo. Majjhimo hetu dhammo hīnassa hetussa dhammassa ārammaṇapaccayena paccayo.
Paṇīto hetu dhammo majjhimassa hetussa dhammassa ārammaṇapaccayena paccayo.
Hīno hetu dhammo hīnassa hetussa dhammassa adhipatipaccayena paccayo.
Majjhimo hetu dhammo majjhimassa hetussa dhammassa adhipatipaccayena paccayo. Majjhimo hetu dhammo hīnassa hetussa dhammassa adhipatipaccayena paccayo.
Paṇīto hetu dhammo paṇītassa hetussa dhammassa adhipatipaccayena paccayo. Paṇīto hetu dhammo majjhimassa hetussa dhammassa adhipatipaccayena paccayo.
Hīno hetu dhammo hīnassa hetussa dhammassa anantarapaccayena paccayo … dve.
Majjhimo hetu dhammo majjhimassa hetussa dhammassa anantarapaccayena paccayo … dve.
Paṇīto hetu dhammo paṇītassa hetussa dhammassa anantarapaccayena paccayo … dve. (Saṅkhittaṁ.)
Hetuyā tīṇi, ārammaṇe pañca, adhipatiyā pañca, anantare cha, samanantare cha, sahajāte tīṇi, aññamaññe tīṇi, nissaye tīṇi, upanissaye aṭṭha, āsevane tīṇi, vipāke indriye magge dve, sampayutte tīṇi …pe… avigate tīṇi. (Saṅkhittaṁ.)
Nahetuyā aṭṭha, naārammaṇe aṭṭha. (Saṅkhittaṁ.)
Hetupaccayā naārammaṇe tīṇi. (Saṅkhittaṁ.)
Nahetupaccayā ārammaṇe pañca. (Saṅkhittaṁ.)
(Yathā kusalattike pañhāvāraṁ, evaṁ vitthāretabbaṁ.)
Hetu
Hīnaṁ nahetuṁ dhammaṁ paṭicca hīno nahetu dhammo uppajjati hetupaccayā.
(Yathā saṅkiliṭṭhattikahetudukaṁ, evaṁ vitthāretabbaṁ.)
4.1.15. Micchattaniyatattika, Hetuduka
Hetu
Micchattaniyataṁ hetuṁ dhammaṁ paṭicca micchattaniyato hetu dhammo uppajjati hetupaccayā.
Sammattaniyataṁ hetuṁ dhammaṁ paṭicca sammattaniyato hetu dhammo uppajjati hetupaccayā.
Aniyataṁ hetuṁ dhammaṁ paṭicca aniyato hetu dhammo uppajjati hetupaccayā. (Saṅkhittaṁ.)
Hetuyā tīṇi, ārammaṇe tīṇi, adhipatiyā tīṇi …pe… vipāke ekaṁ …pe… avigate tīṇi. (Saṅkhittaṁ.)
Naadhipatiyā dve, napurejāte dve, napacchājāte tīṇi, naāsevane ekaṁ, navipāke tīṇi, navippayutte dve. (Saṅkhittaṁ.)
(Sahajātavārampi …pe… sampayuttavārampi paṭiccavārasadisaṁ vitthāretabbaṁ.)
Hetu-ārammaṇādi
Micchattaniyato hetu dhammo micchattaniyatassa hetussa dhammassa hetupaccayena paccayo.
Sammattaniyato hetu dhammo sammattaniyatassa hetussa dhammassa hetupaccayena paccayo.
Aniyato hetu dhammo aniyatassa hetussa dhammassa hetupaccayena paccayo.
Micchattaniyato hetu dhammo aniyatassa hetussa dhammassa ārammaṇapaccayena paccayo.
Sammattaniyato hetu dhammo aniyatassa hetussa dhammassa ārammaṇapaccayena paccayo.
Aniyato hetu dhammo aniyatassa hetussa dhammassa ārammaṇapaccayena paccayo.
Aniyato hetu dhammo micchattaniyatassa hetussa dhammassa ārammaṇapaccayena paccayo.
Sammattaniyato hetu dhammo sammattaniyatassa hetussa dhammassa adhipatipaccayena paccayo. Sammattaniyato hetu dhammo aniyatassa hetussa dhammassa adhipatipaccayena paccayo.
Aniyato hetu dhammo aniyatassa hetussa dhammassa adhipatipaccayena paccayo.
Anantarādi
Micchattaniyato hetu dhammo aniyatassa hetussa dhammassa anantarapaccayena paccayo.
Sammattaniyato hetu dhammo aniyatassa hetussa dhammassa anantarapaccayena paccayo.
Aniyato hetu dhammo aniyatassa hetussa dhammassa anantarapaccayena paccayo. Aniyato hetu dhammo micchattaniyatassa hetussa dhammassa anantarapaccayena paccayo. Aniyato hetu dhammo sammattaniyatassa hetussa dhammassa anantarapaccayena paccayo. …pe…
Micchattaniyato hetu dhammo micchattaniyatassa hetussa dhammassa upanissayapaccayena paccayo. Micchattaniyato hetu dhammo aniyatassa hetussa dhammassa upanissayapaccayena paccayo.
Sammattaniyato hetu dhammo sammattaniyatassa hetussa dhammassa upanissayapaccayena paccayo. Sammattaniyato hetu dhammo aniyatassa hetussa dhammassa upanissayapaccayena paccayo.
Aniyato hetu dhammo aniyatassa hetussa dhammassa upanissayapaccayena paccayo. Aniyato hetu dhammo micchattaniyatassa hetussa dhammassa upanissayapaccayena paccayo. Aniyato hetu dhammo sammattaniyatassa hetussa dhammassa upanissayapaccayena paccayo. (Saṅkhittaṁ.)
Hetuyā tīṇi, ārammaṇe cattāri, adhipatiyā tīṇi, anantare pañca, samanantare pañca, sahajāte tīṇi …pe… upanissaye satta, āsevane tīṇi, vipāke ekaṁ, indriye magge dve, sampayutte tīṇi …pe… avigate tīṇi. (Saṅkhittaṁ.)
Nahetuyā satta, naārammaṇe satta. (Saṅkhittaṁ.)
Hetupaccayā naārammaṇe tīṇi. (Saṅkhittaṁ.)
Nahetupaccayā ārammaṇe cattāri. (Saṅkhittaṁ.)
(Yathā kusalattike pañhāvāraṁ, evaṁ vitthāretabbaṁ.)
Hetu
Micchattaniyataṁ nahetuṁ dhammaṁ paṭicca micchattaniyato nahetu dhammo uppajjati hetupaccayā … tīṇi.
Sammattaniyataṁ nahetuṁ dhammaṁ paṭicca sammattaniyato nahetu dhammo uppajjati hetupaccayā. Sammattaniyataṁ nahetuṁ dhammaṁ paṭicca aniyato nahetu dhammo uppajjati hetupaccayā. Sammattaniyataṁ nahetuṁ dhammaṁ paṭicca sammattaniyato nahetu ca aniyato nahetu ca dhammā uppajjanti hetupaccayā.
Aniyataṁ nahetuṁ dhammaṁ paṭicca aniyato nahetu dhammo uppajjati hetupaccayā.
Micchattaniyataṁ nahetuñca aniyataṁ nahetuñca dhammaṁ paṭicca aniyato nahetu dhammo uppajjati hetupaccayā.
Sammattaniyataṁ nahetuñca aniyataṁ nahetuñca dhammaṁ paṭicca aniyato nahetu dhammo uppajjati hetupaccayā. (Saṅkhittaṁ.)
Hetuyā nava, ārammaṇe tīṇi, adhipatiyā nava …pe… vipāke ekaṁ …pe… avigate nava. (Saṅkhittaṁ.)
Nahetu
Aniyataṁ nahetuṁ dhammaṁ paṭicca aniyato nahetu dhammo uppajjati nahetupaccayā. (Saṅkhittaṁ.)
Nahetuyā ekaṁ, naārammaṇe pañca, naadhipatiyā tīṇi …pe… napurejāte cha, napacchājāte nava, naāsevane pañca, nakamme tīṇi, navipāke nava, naāhāre naindriye najhāne namagge ekaṁ …pe… navippayutte dve …pe… novigate pañca. (Saṅkhittaṁ.)
Hetupaccayā naārammaṇe pañca. (Saṅkhittaṁ.)
Nahetupaccayā ārammaṇe ekaṁ. (Saṅkhittaṁ.)
(Sahajātavārampi …pe… sampayuttavārampi paṭiccavārasadisaṁ vitthāretabbaṁ.)
Ārammaṇa-adhipati-anantara
Micchattaniyato nahetu dhammo aniyatassa nahetussa dhammassa ārammaṇapaccayena paccayo.
Sammattaniyato nahetu dhammo aniyatassa nahetussa dhammassa ārammaṇapaccayena paccayo.
Aniyato nahetu dhammo aniyatassa nahetussa dhammassa ārammaṇapaccayena paccayo. Aniyato nahetu dhammo micchattaniyatassa nahetussa dhammassa ārammaṇapaccayena paccayo. Aniyato nahetu dhammo sammattaniyatassa nahetussa dhammassa ārammaṇapaccayena paccayo.
Micchattaniyato nahetu dhammo micchattaniyatassa nahetussa dhammassa adhipatipaccayena paccayo … tīṇi.
Sammattaniyato nahetu dhammo sammattaniyatassa nahetussa dhammassa adhipatipaccayena paccayo. Sammattaniyato nahetu dhammo aniyatassa nahetussa dhammassa adhipatipaccayena paccayo. Sammattaniyato nahetu dhammo sammattaniyatassa nahetussa ca aniyatassa nahetussa ca dhammassa adhipatipaccayena paccayo.
Aniyato nahetu dhammo aniyatassa nahetussa dhammassa adhipatipaccayena paccayo. Aniyato nahetu dhammo sammattaniyatassa nahetussa dhammassa adhipatipaccayena paccayo.
Micchattaniyato nahetu dhammo aniyatassa nahetussa dhammassa anantarapaccayena paccayo.
Sammattaniyato nahetu dhammo aniyatassa nahetussa dhammassa anantarapaccayena paccayo.
Aniyato nahetu dhammo aniyatassa nahetussa dhammassa anantarapaccayena paccayo. Aniyato nahetu dhammo micchattaniyatassa nahetussa dhammassa anantarapaccayena paccayo. Aniyato nahetu dhammo sammattaniyatassa nahetussa dhammassa anantarapaccayena paccayo. (Saṅkhittaṁ.)
Ārammaṇe pañca, adhipatiyā aṭṭha, anantare pañca, samanantare pañca, sahajāte nava, aññamaññe tīṇi, nissaye terasa, upanissaye satta, purejāte pacchājāte āsevane tīṇi, kamme satta, vipāke ekaṁ, āhāre indriye jhāne magge satta, sampayutte tīṇi, vippayutte pañca …pe… avigate terasa. (Saṅkhittaṁ.)
Nahetuyā terasa, naārammaṇe terasa, naadhipatiyā terasa. (Saṅkhittaṁ.)
Ārammaṇapaccayā nahetuyā pañca. (Saṅkhittaṁ.)
Nahetupaccayā ārammaṇe pañca. (Saṅkhittaṁ.)
(Yathā kusalattike pañhāvāraṁ, evaṁ vitthāretabbaṁ.)
4.1.16. Maggārammaṇattika, Hetuduka
Hetu
Maggārammaṇaṁ hetuṁ dhammaṁ paṭicca maggārammaṇo hetu dhammo uppajjati hetupaccayā … tīṇi.