Dassanena pahātabbahetuko nahetu dhammo dassanena pahātabbahetukassa nahetussa dhammassa ārammaṇapaccayena paccayo … dve.
Bhāvanāya pahātabbahetuko nahetu dhammo bhāvanāya pahātabbahetukassa nahetussa dhammassa ārammaṇapaccayena paccayo … tīṇi.
Nevadassanena nabhāvanāya pahātabbahetuko nahetu dhammo nevadassanena nabhāvanāya pahātabbahetukassa nahetussa dhammassa ārammaṇapaccayena paccayo … tīṇi. (Saṅkhittaṁ.)
Ārammaṇe aṭṭha, adhipatiyā dasa …pe… upanissaye aṭṭha …pe… avigate terasa. (Saṅkhittaṁ.)
Nahetuyā cuddasa, naārammaṇe cuddasa. (Saṅkhittaṁ.)
Ārammaṇapaccayā nahetuyā aṭṭha. (Saṅkhittaṁ.)
Nahetupaccayā ārammaṇe aṭṭha. (Saṅkhittaṁ.)
(Yathā kusalattike pañhāvāraṁ, evaṁ vitthāretabbaṁ.)
4.1.10. Ācayagāmittika, Hetuduka
Hetu
Ācayagāmiṁ hetuṁ dhammaṁ paṭicca ācayagāmī hetu dhammo uppajjati hetupaccayā.
Apacayagāmiṁ hetuṁ dhammaṁ paṭicca apacayagāmī hetu dhammo uppajjati hetupaccayā.
Nevācayagāmināpacayagāmiṁ hetuṁ dhammaṁ paṭicca nevācayagāmināpacayagāmī hetu dhammo uppajjati hetupaccayā. (Saṅkhittaṁ.)
Hetuyā tīṇi, ārammaṇe tīṇi, adhipatiyā tīṇi. (Sabbattha tīṇi.)
Naadhipatiyā tīṇi, naāsevane dve, navipāke tīṇi, navippayutte tīṇi. (Saṅkhittaṁ.)
Hetupaccayā naadhipatiyā tīṇi. (Saṅkhittaṁ.)
Naadhipatipaccayā hetuyā tīṇi. (Saṅkhittaṁ.)
(Sahajātavārampi …pe… sampayuttavārampi paṭiccavārasadisaṁ vitthāretabbaṁ.)
Hetu-ārammaṇādi
Ācayagāmī hetu dhammo ācayagāmissa hetussa dhammassa hetupaccayena paccayo.
Apacayagāmī hetu dhammo apacayagāmissa hetussa dhammassa hetupaccayena paccayo.
Nevācayagāmināpacayagāmī hetu dhammo nevācayagāmināpacayagāmissa hetussa dhammassa hetupaccayena paccayo.
Ācayagāmī hetu dhammo ācayagāmissa hetussa dhammassa ārammaṇapaccayena paccayo. Ācayagāmī hetu dhammo nevācayagāmināpacayagāmissa hetussa dhammassa ārammaṇapaccayena paccayo.
Apacayagāmī hetu dhammo ācayagāmissa hetussa dhammassa ārammaṇapaccayena paccayo. Apacayagāmī hetu dhammo nevācayagāmināpacayagāmissa hetussa dhammassa ārammaṇapaccayena paccayo.
Nevācayagāmināpacayagāmī hetu dhammo nevācayagāmināpacayagāmissa hetussa dhammassa ārammaṇapaccayena paccayo. Nevācayagāmināpacayagāmī hetu dhammo ācayagāmissa hetussa dhammassa ārammaṇapaccayena paccayo.
Ācayagāmī hetu dhammo ācayagāmissa hetussa dhammassa adhipatipaccayena paccayo—ārammaṇādhipati, sahajātādhipati.
Apacayagāmī hetu dhammo apacayagāmissa hetussa dhammassa adhipatipaccayena paccayo—sahajātādhipati …. Apacayagāmī hetu dhammo ācayagāmissa hetussa dhammassa adhipatipaccayena paccayo. Apacayagāmī hetu dhammo nevācayagāmināpacayagāmissa hetussa dhammassa adhipatipaccayena paccayo— ārammaṇādhipati ….
Nevācayagāmināpacayagāmī hetu dhammo nevācayagāmināpacayagāmissa hetussa dhammassa adhipatipaccayena paccayo. Nevācayagāmināpacayagāmī hetu dhammo ācayagāmissa hetussa dhammassa adhipatipaccayena paccayo.
Ācayagāmī hetu dhammo ācayagāmissa hetussa dhammassa anantarapaccayena paccayo. Ācayagāmī hetu dhammo apacayagāmissa hetussa dhammassa anantarapaccayena paccayo. Ācayagāmī hetu dhammo nevācayagāmināpacayagāmissa hetussa dhammassa anantarapaccayena paccayo.
Apacayagāmī hetu dhammo nevācayagāmināpacayagāmissa hetussa dhammassa anantarapaccayena paccayo.
Nevācayagāmināpacayagāmī hetu dhammo nevācayagāmināpacayagāmissa hetussa dhammassa anantarapaccayena paccayo. (Saṅkhittaṁ.)
Hetuyā tīṇi, ārammaṇe cha, adhipatiyā cha, anantare pañca, samanantare pañca, sahajāte tīṇi, aññamaññe tīṇi, nissaye tīṇi, upanissaye aṭṭha, āsevane tīṇi, vipāke ekaṁ, indriye magge sampayutte tīṇi …pe… avigate tīṇi. (Saṅkhittaṁ.)
Nahetuyā aṭṭha, naārammaṇe aṭṭha. (Saṅkhittaṁ.)
Hetupaccayā naārammaṇe tīṇi. (Saṅkhittaṁ.)
Nahetupaccayā ārammaṇe cha. (Saṅkhittaṁ.)
(Yathā kusalattike pañhāvāraṁ, evaṁ vitthāretabbaṁ.)
Hetu-ārammaṇa
Ācayagāmiṁ nahetuṁ dhammaṁ paṭicca ācayagāmī nahetu dhammo uppajjati hetupaccayā. Ācayagāmiṁ nahetuṁ dhammaṁ paṭicca nevācayagāmināpacayagāmī nahetu dhammo uppajjati hetupaccayā. Ācayagāmiṁ nahetuṁ dhammaṁ paṭicca ācayagāmī nahetu ca nevācayagāmināpacayagāmī nahetu ca dhammā uppajjanti hetupaccayā.
Apacayagāmiṁ nahetuṁ dhammaṁ paṭicca apacayagāmī nahetu dhammo uppajjati hetupaccayā. Apacayagāmiṁ nahetuṁ dhammaṁ paṭicca nevācayagāmināpacayagāmī nahetu dhammo uppajjati hetupaccayā. Apacayagāmiṁ nahetuṁ dhammaṁ paṭicca apacayagāmī nahetu ca nevācayagāmināpacayagāmī nahetu ca dhammā uppajjanti hetupaccayā.
Nevācayagāmināpacayagāmiṁ nahetuṁ dhammaṁ paṭicca nevācayagāmināpacayagāmī nahetu dhammo uppajjati hetupaccayā.
Ācayagāmiṁ nahetuñca nevācayagāmināpacayagāmiṁ nahetuñca dhammaṁ paṭicca nevācayagāmināpacayagāmī nahetu dhammo uppajjati hetupaccayā.
Apacayagāmiṁ nahetuñca nevācayagāmināpacayagāmiṁ nahetuñca dhammaṁ paṭicca nevācayagāmināpacayagāmī nahetu dhammo uppajjati hetupaccayā.
Ācayagāmiṁ nahetuṁ dhammaṁ paṭicca ācayagāmī nahetu dhammo uppajjati ārammaṇapaccayā.
Apacayagāmiṁ nahetuṁ dhammaṁ paṭicca apacayagāmī nahetu dhammo uppajjati ārammaṇapaccayā.
Nevācayagāmināpacayagāmiṁ nahetuṁ dhammaṁ paṭicca nevācayagāmināpacayagāmī nahetu dhammo uppajjati ārammaṇapaccayā. (Saṅkhittaṁ.)
Hetuyā nava, ārammaṇe tīṇi, adhipatiyā nava …pe… vipāke ekaṁ …pe… avigate nava. (Saṅkhittaṁ.)
Nahetu-naārammaṇa
Nevācayagāmināpacayagāmiṁ nahetuṁ dhammaṁ paṭicca nevācayagāmināpacayagāmī nahetu dhammo uppajjati nahetupaccayā.
Ācayagāmiṁ nahetuṁ dhammaṁ paṭicca nevācayagāmināpacayagāmī nahetu dhammo uppajjati naārammaṇapaccayā. (Saṅkhittaṁ.)
Nahetuyā ekaṁ, naārammaṇe pañca, naadhipatiyā cha, napurejāte satta, napacchājāte nava, naāsevane satta, nakamme tīṇi, navipāke nava, naāhāre naindriye najhāne namagge ekaṁ …pe… navippayutte tīṇi …pe… novigate pañca. (Saṅkhittaṁ.)
Hetupaccayā naārammaṇe pañca. (Saṅkhittaṁ.)
Nahetupaccayā ārammaṇe ekaṁ. (Saṅkhittaṁ.)
(Sahajātavārampi …pe… sampayuttavārampi paṭiccavārasadisaṁ vitthāretabbaṁ.)
Paccayacatukka
Ācayagāmī nahetu dhammo ācayagāmissa nahetussa dhammassa ārammaṇapaccayena paccayo. Ācayagāmī nahetu dhammo nevācayagāmināpacayagāmissa nahetussa dhammassa ārammaṇapaccayena paccayo.
Apacayagāmī nahetu dhammo ācayagāmissa nahetussa dhammassa ārammaṇapaccayena paccayo. Apacayagāmī nahetu dhammo nevācayagāmināpacayagāmissa nahetussa dhammassa ārammaṇapaccayena paccayo.
Nevācayagāmināpacayagāmī nahetu dhammo nevācayagāmināpacayagāmissa nahetussa dhammassa ārammaṇapaccayena paccayo. Nevācayagāmināpacayagāmī nahetu dhammo ācayagāmissa nahetussa dhammassa ārammaṇapaccayena paccayo. Nevācayagāmināpacayagāmī nahetu dhammo apacayagāmissa nahetussa dhammassa ārammaṇapaccayena paccayo.
Ācayagāmī nahetu dhammo ācayagāmissa nahetussa dhammassa adhipatipaccayena paccayo … tīṇi.
Apacayagāmī nahetu dhammo apacayagāmissa nahetussa dhammassa adhipatipaccayena paccayo. Apacayagāmī nahetu dhammo ācayagāmissa nahetussa dhammassa adhipatipaccayena paccayo. Apacayagāmī nahetu dhammo nevācayagāmināpacayagāmissa nahetussa dhammassa adhipatipaccayena paccayo. Apacayagāmī nahetu dhammo apacayagāmissa nahetussa ca nevācayagāmināpacayagāmissa nahetussa ca dhammassa adhipatipaccayena paccayo.
Nevācayagāmināpacayagāmī nahetu dhammo nevācayagāmināpacayagāmissa nahetussa dhammassa adhipatipaccayena paccayo … tīṇi.
Ācayagāmī nahetu dhammo ācayagāmissa nahetussa dhammassa anantarapaccayena paccayo. Ācayagāmī nahetu dhammo apacayagāmissa nahetussa dhammassa anantarapaccayena paccayo. Ācayagāmī nahetu dhammo nevācayagāmināpacayagāmissa nahetussa dhammassa anantarapaccayena paccayo.
Apacayagāmī nahetu dhammo nevācayagāmināpacayagāmissa nahetussa dhammassa anantarapaccayena paccayo.
Nevācayagāmināpacayagāmī nahetu dhammo nevācayagāmināpacayagāmissa nahetussa dhammassa anantarapaccayena paccayo. Nevācayagāmināpacayagāmī nahetu dhammo ācayagāmissa nahetussa dhammassa anantarapaccayena paccayo. …pe….
Ācayagāmī nahetu dhammo ācayagāmissa nahetussa dhammassa upanissayapaccayena paccayo. (Saṅkhittaṁ.)
Ārammaṇe satta, adhipatiyā dasa, anantare cha samanantare cha, sahajāte nava, aññamaññe tīṇi, nissaye terasa, upanissaye nava, purejāte pacchājāte āsevane tīṇi, kamme satta, vipāke ekaṁ, āhāre indriye jhāne magge satta, sampayutte tīṇi, vippayutte pañca …pe… avigate terasa. (Saṅkhittaṁ.)
Nahetuyā pannarasa, naārammaṇe pannarasa. (Saṅkhittaṁ.)
Ārammaṇapaccayā nahetuyā satta. (Saṅkhittaṁ.)
Nahetupaccayā ārammaṇe satta. (Saṅkhittaṁ.)
(Yathā kusalattike pañhāvāraṁ, evaṁ vitthāretabbaṁ.)
4.1.11. Sekkhattika, Hetuduka
Hetu
Sekkhaṁ hetuṁ dhammaṁ paṭicca sekkho hetu dhammo uppajjati hetupaccayā.
Asekkhaṁ hetuṁ dhammaṁ paṭicca asekkho hetu dhammo uppajjati hetupaccayā.
Nevasekkhanāsekkhaṁ hetuṁ dhammaṁ paṭicca nevasekkhanāsekkho hetu dhammo uppajjati hetupaccayā. (Saṅkhittaṁ.)
Hetuyā tīṇi, ārammaṇe tīṇi, adhipatiyā tīṇi …pe… āsevane dve …pe… avigate tīṇi. (Saṅkhittaṁ.)
Naadhipatiyā tīṇi, napurejāte tīṇi, napacchājāte tīṇi, naāsevane tīṇi, navipāke dve, navippayutte tīṇi. (Saṅkhittaṁ.)
Hetupaccayā naadhipatiyā tīṇi. (Saṅkhittaṁ.)
Naadhipatipaccayā hetuyā tīṇi. (Saṅkhittaṁ.)
(Sahajātavārampi …pe… sampayuttavārampi vitthāretabbaṁ.)
Hetu-ārammaṇādi
Sekkho hetu dhammo sekkhassa hetussa dhammassa hetupaccayena paccayo.
Asekkho hetu dhammo asekkhassa hetussa dhammassa hetupaccayena paccayo.
Nevasekkhanāsekkho hetu dhammo nevasekkhanāsekkhassa hetussa dhammassa hetupaccayena paccayo.
Sekkho hetu dhammo nevasekkhanāsekkhassa hetussa dhammassa ārammaṇapaccayena paccayo.
Asekkho hetu dhammo nevasekkhanāsekkhassa hetussa dhammassa ārammaṇapaccayena paccayo.
Nevasekkhanāsekkho hetu dhammo nevasekkhanāsekkhassa hetussa dhammassa ārammaṇapaccayena paccayo.
Sekkho hetu dhammo sekkhassa hetussa dhammassa adhipatipaccayena paccayo. Sekkho hetu dhammo nevasekkhanāsekkhassa hetussa dhammassa adhipatipaccayena paccayo.
Asekkho hetu dhammo asekkhassa hetussa dhammassa adhipatipaccayena paccayo. Asekkho hetu dhammo nevasekkhanāsekkhassa hetussa dhammassa adhipatipaccayena paccayo.
Nevasekkhanāsekkho hetu dhammo nevasekkhanāsekkhassa hetussa dhammassa adhipatipaccayena paccayo.
Sekkho hetu dhammo sekkhassa hetussa dhammassa anantarapaccayena paccayo. Sekkho hetu dhammo asekkhassa hetussa dhammassa anantarapaccayena paccayo. Sekkho hetu dhammo nevasekkhanāsekkhassa hetussa dhammassa anantarapaccayena paccayo.
Asekkho hetu dhammo asekkhassa hetussa dhammassa anantarapaccayena paccayo. Asekkho hetu dhammo nevasekkhanāsekkhassa hetussa dhammassa anantarapaccayena paccayo.
Nevasekkhanāsekkho hetu dhammo nevasekkhanāsekkhassa hetussa dhammassa anantarapaccayena paccayo. Nevasekkhanāsekkho hetu dhammo sekkhassa hetussa dhammassa anantarapaccayena paccayo. Nevasekkhanāsekkho hetu dhammo asekkhassa hetussa dhammassa anantarapaccayena paccayo. (Saṅkhittaṁ.)
Hetuyā tīṇi, ārammaṇe tīṇi, adhipatiyā pañca, anantare aṭṭha, samanantare aṭṭha, sahajāte tīṇi, aññamaññe tīṇi, nissaye tīṇi, upanissaye aṭṭha …pe… āsevane dve, vipāke tīṇi, indriye magge sampayutte tīṇi …pe… avigate tīṇi. (Saṅkhittaṁ.)
Nahetuyā aṭṭha, naārammaṇe aṭṭha. (Saṅkhittaṁ.)
Hetupaccayā naārammaṇe tīṇi. (Saṅkhittaṁ.)
Nahetupaccayā ārammaṇe tīṇi. (Saṅkhittaṁ.)
(Yathā kusalattike pañhāvāraṁ, evaṁ vitthāretabbaṁ.)
Hetu-ārammaṇa
Sekkhaṁ nahetuṁ dhammaṁ paṭicca sekkho nahetu dhammo uppajjati hetupaccayā. Sekkhaṁ nahetuṁ dhammaṁ paṭicca nevasekkhanāsekkho nahetu dhammo uppajjati hetupaccayā. Sekkhaṁ nahetuṁ dhammaṁ paṭicca sekkho nahetu ca nevasekkhanāsekkho nahetu ca dhammā uppajjanti hetupaccayā.
Asekkhaṁ nahetuṁ dhammaṁ paṭicca asekkho nahetu dhammo uppajjati hetupaccayā … tīṇi.