Paṭṭhāna

Araṇaṁ paṇītaṁ dhammaṁ paṭicca araṇo paṇīto dhammo uppajjati hetupaccayā. (Saṅkhittaṁ.)

Hetuyā ekaṁ, ārammaṇe ekaṁ …pe… avigate ekaṁ. (Saṅkhittaṁ.) (Sahajātavārepi …pe… pañhāvārepi sabbattha ekaṁ.)

3.14.15. Saraṇaduka, Micchattattika

3.14.15.1–7. Paṭiccādivāra

Paccayacatukka

Saraṇaṁ micchattaniyataṁ dhammaṁ paṭicca saraṇo micchattaniyato dhammo uppajjati hetupaccayā. (Saṅkhittaṁ.)

Hetuyā ekaṁ, ārammaṇe ekaṁ …pe… avigate ekaṁ. (Saṅkhittaṁ.)

(Sahajātavārepi …pe… pañhāvārepi sabbattha ekaṁ.)

Araṇaṁ sammattaniyataṁ dhammaṁ paṭicca araṇo sammattaniyato dhammo uppajjati hetupaccayā. (Saṅkhittaṁ.)

Hetuyā ekaṁ, ārammaṇe ekaṁ …pe… avigate ekaṁ. (Saṅkhittaṁ.) (Sahajātavārepi …pe… pañhāvārepi sabbattha ekaṁ.)

Saraṇaṁ aniyataṁ dhammaṁ paṭicca saraṇo aniyato dhammo uppajjati hetupaccayā … tīṇi.

Araṇaṁ aniyataṁ dhammaṁ paṭicca araṇo aniyato dhammo uppajjati hetupaccayā.

Saraṇaṁ aniyatañca araṇaṁ aniyatañca dhammaṁ paṭicca araṇo aniyato dhammo uppajjati hetupaccayā. (Saṅkhittaṁ.)

Hetuyā pañca, ārammaṇe dve …pe… avigate pañca. (Saṅkhittaṁ.)

(Sahajātavāropi …pe… pañhāvāropi sabbattha vitthāretabbā.)

3.14.16. Saraṇaduka, Maggārammaṇattika

3.14.16.1–7. Paṭiccādivāra

Paccayacatukka

Araṇaṁ maggārammaṇaṁ dhammaṁ paṭicca araṇo maggārammaṇo dhammo uppajjati hetupaccayā. (Saṅkhittaṁ.)

Hetuyā ekaṁ, ārammaṇe ekaṁ …pe… avigate ekaṁ. (Saṅkhittaṁ.) (Sahajātavārepi …pe… pañhāvārepi sabbattha ekaṁ.)

Araṇaṁ maggahetukaṁ dhammaṁ paṭicca araṇo maggahetuko dhammo uppajjati hetupaccayā. (Saṅkhittaṁ.)

Hetuyā ekaṁ, ārammaṇe ekaṁ …pe… avigate ekaṁ. (Saṅkhittaṁ.) (Sahajātavārepi …pe… pañhāvārepi sabbattha ekaṁ.)

Araṇaṁ maggādhipatiṁ dhammaṁ paṭicca araṇo maggādhipati dhammo uppajjati hetupaccayā. (Saṅkhittaṁ.)

Hetuyā ekaṁ, ārammaṇe ekaṁ …pe… avigate ekaṁ. (Saṅkhittaṁ.) (Sahajātavārepi …pe… pañhāvārepi sabbattha ekaṁ.)

3.14.17. Saraṇaduka, Uppannattika

3.14.17.7. Pañhāvāra

Paccayacatukka

Saraṇo uppanno dhammo saraṇassa uppannassa dhammassa hetupaccayena paccayo. Saraṇo uppanno dhammo araṇassa uppannassa dhammassa hetupaccayena paccayo. Saraṇo uppanno dhammo saraṇassa uppannassa ca araṇassa uppannassa ca dhammassa hetupaccayena paccayo.

Araṇo uppanno dhammo araṇassa uppannassa dhammassa hetupaccayena paccayo.

Araṇo uppanno dhammo araṇassa uppannassa dhammassa ārammaṇapaccayena paccayo. (Saṅkhittaṁ.)

Hetuyā cattāri, ārammaṇe dve, adhipatiyā sahajāte pañca, aññamaññe dve, nissaye satta, upanissaye cattāri, purejāte pacchājāte dve, kamme cattāri, vipāke ekaṁ, āhāre indriye jhāne magge cattāri, sampayutte dve, vippayutte tīṇi …pe… avigate satta. (Saṅkhittaṁ.) (Yathā kusalattike pañhāvāraṁ, evaṁ vitthāretabbaṁ.)

3.14.18. Saraṇaduka, Atītattika

3.14.18.1–7. Paṭiccādivāra

Paccayacatukka

Saraṇo paccuppanno dhammo saraṇassa paccuppannassa dhammassa hetupaccayena paccayo … tīṇi.

Araṇo paccuppanno dhammo araṇassa paccuppannassa dhammassa hetupaccayena paccayo. (Saṅkhittaṁ.)

Hetuyā cattāri, ārammaṇe dve …pe… avigate satta. (Saṅkhittaṁ.) (Yathā kusalattike pañhāvāraṁ, evaṁ vitthāretabbaṁ.)

3.14.19. Saraṇaduka, Atītārammaṇattika

3.14.19.1–7. Paṭiccādivāra

Paccayacatukka

Saraṇaṁ atītārammaṇaṁ dhammaṁ paṭicca saraṇo atītārammaṇo dhammo uppajjati hetupaccayā.

Araṇaṁ atītārammaṇaṁ dhammaṁ paṭicca araṇo atītārammaṇo dhammo uppajjati hetupaccayā. (Saṅkhittaṁ.)

Hetuyā dve, ārammaṇe dve …pe… vipāke ekaṁ …pe… avigate dve. (Saṅkhittaṁ. Sahajātavārepi …pe… pañhāvārepi sabbattha vitthāretabbo.)

Saraṇaṁ anāgatārammaṇaṁ dhammaṁ paṭicca saraṇo anāgatārammaṇo dhammo uppajjati hetupaccayā.

Araṇaṁ anāgatārammaṇaṁ dhammaṁ paṭicca araṇo anāgatārammaṇo dhammo uppajjati hetupaccayā. (Saṅkhittaṁ.)

Hetuyā dve, ārammaṇe dve …pe… vipāke ekaṁ …pe… avigate dve. (Saṅkhittaṁ. Sahajātavārepi …pe… pañhāvārepi sabbattha vitthāretabbo.)

Saraṇaṁ paccuppannārammaṇaṁ dhammaṁ paṭicca saraṇo paccuppannārammaṇo dhammo uppajjati hetupaccayā.

Araṇaṁ paccuppannārammaṇaṁ dhammaṁ paṭicca araṇo paccuppannārammaṇo dhammo uppajjati hetupaccayā. (Saṅkhittaṁ.)

Hetuyā dve, ārammaṇe dve …pe… vipāke ekaṁ …pe… avigate dve. (Saṅkhittaṁ. Sahajātavārepi …pe… pañhāvārepi sabbattha vitthāretabbo.)

3.14.20. Saraṇaduka, Ajjhattattika

3.14.20.1–7. Paṭiccādivāra

Paccayacatukka

Saraṇaṁ ajjhattaṁ dhammaṁ paṭicca saraṇo ajjhatto dhammo uppajjati hetupaccayā … tīṇi.

Araṇaṁ ajjhattaṁ dhammaṁ paṭicca araṇo ajjhatto dhammo uppajjati hetupaccayā.

Saraṇaṁ ajjhattañca araṇaṁ ajjhattañca dhammaṁ paṭicca araṇo ajjhatto dhammo uppajjati hetupaccayā. (Saṅkhittaṁ.)

Hetuyā pañca, ārammaṇe dve …pe… avigate pañca. (Saṅkhittaṁ.) (Sahajātavārepi …pe… pañhāvārepi sabbattha vitthāretabbo.)

Saraṇaṁ bahiddhā dhammaṁ paṭicca saraṇo bahiddhā dhammo uppajjati hetupaccayā … tīṇi.

Araṇaṁ bahiddhā dhammaṁ paṭicca araṇo bahiddhā dhammo uppajjati hetupaccayā.

Saraṇaṁ bahiddhā ca araṇaṁ bahiddhā ca dhammaṁ paṭicca araṇo bahiddhā dhammo uppajjati hetupaccayā. (Saṅkhittaṁ.)

Hetuyā pañca, ārammaṇe dve …pe… avigate pañca. (Saṅkhittaṁ.)

(Sahajātavārepi …pe… pañhāvārepi sabbattha vitthāretabbo.)

3.14.21. Saraṇaduka, Ajjhattārammaṇattika

3.14.21.1–7. Paṭiccādivāra

Paccayacatukka

Saraṇaṁ ajjhattārammaṇaṁ dhammaṁ paṭicca saraṇo ajjhattārammaṇo dhammo uppajjati hetupaccayā.

Araṇaṁ ajjhattārammaṇaṁ dhammaṁ paṭicca araṇo ajjhattārammaṇo dhammo uppajjati hetupaccayā. (Saṅkhittaṁ.)

Hetuyā dve, ārammaṇe dve …pe… avigate dve. (Saṅkhittaṁ.) (Sahajātavārepi …pe… pañhāvārepi sabbattha vitthāretabbo.)

Saraṇaṁ bahiddhārammaṇaṁ dhammaṁ paṭicca saraṇo bahiddhārammaṇo dhammo uppajjati hetupaccayā.

Araṇaṁ bahiddhārammaṇaṁ dhammaṁ paṭicca araṇo bahiddhārammaṇo dhammo uppajjati hetupaccayā. (Saṅkhittaṁ.)

Hetuyā dve, ārammaṇe dve …pe… avigate dve. (Saṅkhittaṁ.) (Sahajātavārepi …pe… pañhāvārepi sabbattha vitthāretabbo.)

3.14.22. Saraṇaduka, Sanidassanattika

3.14.22.1–7. Paṭiccādivāra

Paccayacatukka

Araṇaṁ anidassanasappaṭighaṁ dhammaṁ paṭicca araṇo anidassanasappaṭigho dhammo uppajjati hetupaccayā. (Saṅkhittaṁ.)

Hetuyā ekaṁ, adhipatiyā ekaṁ …pe… avigate ekaṁ. (Saṅkhittaṁ.) (Sahajātavārepi …pe… pañhāvārepi sabbattha ekaṁ.)

Saraṇaṁ anidassanaappaṭighaṁ dhammaṁ paṭicca saraṇo anidassanaappaṭigho dhammo uppajjati hetupaccayā … tīṇi.

Araṇaṁ anidassanaappaṭighaṁ dhammaṁ paṭicca araṇo anidassanaappaṭigho dhammo uppajjati hetupaccayā.

Saraṇaṁ anidassanaappaṭighañca araṇaṁ anidassanaappaṭighañca dhammaṁ paṭicca araṇo anidassanaappaṭigho dhammo uppajjati hetupaccayā. (Saṅkhittaṁ.)

Hetuyā pañca, ārammaṇe dve …pe… avigate pañca. (Saṅkhittaṁ.) (Sahajātavāropi …pe… sampayuttavāropi vitthāretabbā.)

Araṇo anidassanasappaṭigho dhammo araṇassa anidassanasappaṭighassa dhammassa sahajātapaccayena paccayo … ekaṁ. (Aññamaññe ekaṁ, nissaye ekaṁ, atthiyā ekaṁ, avigate ekaṁ. Saṅkhittaṁ.)

Saraṇo anidassanaappaṭigho dhammo saraṇassa anidassanaappaṭighassa dhammassa hetupaccayena paccayo … tīṇi. Araṇo anidassanaappaṭigho dhammo araṇassa anidassanaappaṭighassa dhammassa hetupaccayena paccayo. (Saṅkhittaṁ.)

Hetuyā cattāri, ārammaṇe cattāri, adhipatiyā pañca, anantare samanantare cattāri, sahajāte pañca, aññamaññe dve, nissaye satta, upanissaye cattāri, purejāte pacchājāte āsevane dve, kamme cattāri, vipāke ekaṁ, āhāre indriye jhāne magge cattāri, sampayutte dve, vippayutte tīṇi …pe… avigate satta. (Saṅkhittaṁ.)

Nahetuyā satta, naārammaṇe satta. (Saṅkhittaṁ.)

Hetupaccayā naārammaṇe cattāri. (Saṅkhittaṁ.)

Nahetupaccayā ārammaṇe cattāri. (Saṅkhittaṁ.)

(Yathā kusalattike pañhāvārassa anulomampi paccanīyampi anulomapaccanīyampi paccanīyānulomampi gaṇitaṁ, evaṁ gaṇetabbaṁ.)

Paṭṭhānapakaraṇa

Dhammānuloma (1), Tikadukapaṭṭhānapāḷi (4)

4.1. Tika Hetuduka

Namo tassa Bhagavato Arahato Sammāsambuddhassa.

4.1.1. Kusalattika, Hetuduka

Hetu-ārammaṇa

Kusalaṁ hetuṁ dhammaṁ paṭicca kusalo hetu dhammo uppajjati hetupaccayā.

Akusalaṁ hetuṁ dhammaṁ paṭicca akusalo hetu dhammo uppajjati hetupaccayā.

Abyākataṁ hetuṁ dhammaṁ paṭicca abyākato hetu dhammo uppajjati hetupaccayā.

Kusalaṁ hetuṁ dhammaṁ paṭicca kusalo hetu dhammo uppajjati ārammaṇapaccayā.

Akusalaṁ hetuṁ dhammaṁ paṭicca akusalo hetu dhammo uppajjati ārammaṇapaccayā.

Abyākataṁ hetuṁ dhammaṁ paṭicca abyākato hetu dhammo uppajjati ārammaṇapaccayā. (Saṅkhittaṁ.)

Hetuyā tīṇi, ārammaṇe tīṇi, adhipatiyā tīṇi, anantare tīṇi, samanantare tīṇi, sahajāte tīṇi, aññamaññe tīṇi, nissaye tīṇi, upanissaye tīṇi, purejāte tīṇi, āsevane tīṇi, kamme tīṇi, vipāke ekaṁ, āhāre tīṇi …pe… avigate tīṇi. (Saṅkhittaṁ.)

Paccanīya-naadhipati