(Yathā kusalattike pañhāvārassa anulomampi paccanīyampi anulomapaccanīyampi paccanīyānulomampi gaṇitaṁ, evaṁ gaṇetabbaṁ.)
Āsavaāsavasampayuttadukakusalattikaṁ niṭṭhitaṁ.
3.4.6. Āsavavippayuttasāsavaduka, Pañhāvāra
3.4.6.1. Kusalapada
Hetu
Āsavavippayuttaṁ sāsavaṁ kusalaṁ dhammaṁ paṭicca āsavavippayutto sāsavo kusalo dhammo uppajjati hetupaccayā. Āsavavippayuttaṁ anāsavaṁ kusalaṁ dhammaṁ paṭicca āsavavippayutto anāsavo kusalo dhammo uppajjati hetupaccayā. (Saṅkhittaṁ.)
Hetuyā dve, ārammaṇe dve …pe… avigate dve. (Saṅkhittaṁ.)
(Sahajātavāropi …pe… pañhāvāropi vitthāretabbo.)
3.4.6.2. Abyākatapada
3.4.5.2.1–6 Paṭiccādivāra
Paccayacatukka
Hetu
Āsavavippayuttaṁ sāsavaṁ abyākataṁ dhammaṁ paṭicca āsavavippayutto sāsavo abyākato dhammo uppajjati hetupaccayā.
Āsavavippayuttaṁ anāsavaṁ abyākataṁ dhammaṁ paṭicca āsavavippayutto anāsavo abyākato dhammo uppajjati hetupaccayā. Āsavavippayuttaṁ anāsavaṁ abyākataṁ dhammaṁ paṭicca āsavavippayutto sāsavo abyākato dhammo uppajjati hetupaccayā. Āsavavippayuttaṁ anāsavaṁ abyākataṁ dhammaṁ paṭicca āsavavippayutto sāsavo abyākato ca āsavavippayutto anāsavo abyākato ca dhammā uppajjanti hetupaccayā.
Āsavavippayuttaṁ sāsavaṁ abyākatañca āsavavippayuttaṁ anāsavaṁ abyākatañca dhammaṁ paṭicca āsavavippayutto sāsavo abyākato dhammo uppajjati hetupaccayā. (Saṅkhittaṁ.)
Hetuyā pañca, ārammaṇe dve, adhipatiyā pañca …pe… āsevane ekaṁ, kamme pañca, vipāke pañca …pe… avigate pañca. (Saṅkhittaṁ.)
Nahetu
Āsavavippayuttaṁ sāsavaṁ abyākataṁ dhammaṁ paṭicca āsavavippayutto sāsavo abyākato dhammo uppajjati nahetupaccayā. (Saṅkhittaṁ.)
Nahetuyā ekaṁ, naārammaṇe tīṇi, naadhipatiyā dve …pe… napurejāte cattāri, napacchājāte naāsevane pañca, nakamme navipāke …pe… namagge ekaṁ …pe… navippayutte dve …pe… novigate tīṇi. (Saṅkhittaṁ.)
(Sahajātavāropi paccayavāropi nissayavāropi saṁsaṭṭhavāropi sampayuttavāropi paṭiccavārasadisā vitthāretabbā.)
3.4.6.2.7. Pañhāvāra
Paccayacatukka
Hetu-ārammaṇa
Āsavavippayutto sāsavo abyākato dhammo āsavavippayuttassa sāsavassa abyākatassa dhammassa hetupaccayena paccayo.
Āsavavippayutto anāsavo abyākato dhammo āsavavippayuttassa anāsavassa abyākatassa dhammassa hetupaccayena paccayo. Āsavavippayutto anāsavo abyākato dhammo āsavavippayuttassa sāsavassa abyākatassa dhammassa hetupaccayena paccayo. Āsavavippayutto anāsavo abyākato dhammo āsavavippayuttassa sāsavassa abyākatassa ca āsavavippayuttassa anāsavassa abyākatassa ca dhammassa hetupaccayena paccayo.
Āsavavippayutto sāsavo abyākato dhammo āsavavippayuttassa sāsavassa abyākatassa dhammassa ārammaṇapaccayena paccayo.
Āsavavippayutto anāsavo abyākato dhammo āsavavippayuttassa anāsavassa abyākatassa dhammassa ārammaṇapaccayena paccayo. Āsavavippayutto anāsavo abyākato dhammo āsavavippayuttassa sāsavassa abyākatassa dhammassa ārammaṇapaccayena paccayo. (Saṅkhittaṁ.)
Hetuyā cattāri, ārammaṇe tīṇi, adhipatiyā cattāri, anantare cattāri, samanantare cattāri, sahajāte pañca, aññamaññe dve, nissaye satta, upanissaye cattāri, purejāte dve, āsevane ekaṁ, kamme cattāri, vipāke cattāri, āhāre cattāri …pe… sampayutte dve, vippayutte tīṇi …pe… avigate satta. (Saṅkhittaṁ.)
Paccanīyuddhāra
Āsavavippayutto sāsavo abyākato dhammo āsavavippayuttassa sāsavassa abyākatassa dhammassa ārammaṇapaccayena paccayo … sahajātapaccayena paccayo … upanissayapaccayena paccayo … purejātapaccayena paccayo … pacchājātapaccayena paccayo … āhārapaccayena paccayo … indriyapaccayena paccayo. (Saṅkhittaṁ.)
Nahetuyā satta, naārammaṇe satta. (Saṅkhittaṁ.)
Hetupaccayā naārammaṇe cattāri. (Saṅkhittaṁ.)
Nahetupaccayā ārammaṇe tīṇi. (Saṅkhittaṁ.)
(Yathā kusalattike pañhāvārassa anulomampi paccanīyampi anulomapaccanīyampi paccanīyānulomampi gaṇitaṁ, evaṁ gaṇetabbaṁ.)
Āsavavippayuttasāsavadukakusalattikaṁ niṭṭhitaṁ.
Āsavagocchakaṁ niṭṭhitaṁ.
Paṭṭhānapakaraṇa
Dhammānuloma (1), Dukatikapaṭṭhānapāḷi (3)
3.5. Saññojanagocchaka, Kusalattika
3.5.1.1. Kusalākusalapada
Hetu
Nosaññojanaṁ kusalaṁ dhammaṁ paṭicca nosaññojano kusalo dhammo uppajjati hetupaccayā. (Saṅkhittaṁ.)
Hetuyā ekaṁ, ārammaṇe ekaṁ …pe… avigate ekaṁ. (Saṅkhittaṁ.)
(Sahajātavārepi …pe… pañhāvārepi sabbattha ekaṁ.)
Saññojanaṁ akusalaṁ dhammaṁ paṭicca saññojano akusalo dhammo uppajjati hetupaccayā. Saññojanaṁ akusalaṁ dhammaṁ paṭicca nosaññojano akusalo dhammo uppajjati hetupaccayā. Saññojanaṁ akusalaṁ dhammaṁ paṭicca saññojano akusalo ca nosaññojano akusalo ca dhammā uppajjanti hetupaccayā. (Saṅkhittaṁ.)
Hetuyā nava, ārammaṇe nava, adhipatiyā nava …pe… avigate nava. (Saṅkhittaṁ.)
Nahetuyā tīṇi, naadhipatiyā nava …pe… nakamme tīṇi …pe… navippayutte nava. (Saṅkhittaṁ.)
(Sahajātavāropi …pe… sampayuttavāropi paṭiccavārasadisā vitthāretabbā.)
Hetu
Saññojano akusalo dhammo saññojanassa akusalassa dhammassa hetupaccayena paccayo. (Saṅkhittaṁ.)
Hetuyā tīṇi, ārammaṇe nava, adhipatiyā nava …pe… upanissaye āsevane nava, kamme tīṇi, āhāre indriye jhāne tīṇi, magge sampayutte nava …pe… avigate nava. (Saṅkhittaṁ.)
Nahetuyā nava, naārammaṇe nava. (Saṅkhittaṁ.)
Hetupaccayā naārammaṇe tīṇi. (Saṅkhittaṁ.)
Nahetupaccayā ārammaṇe nava. (Saṅkhittaṁ.)
(Yathā kusalattike pañhāvārassa anulomampi paccanīyampi anulomapaccanīyampi paccanīyānulomampi gaṇitaṁ, evaṁ gaṇetabbaṁ.)
3.5.1.2. Abyākatapada
Hetu
Nosaññojanaṁ abyākataṁ dhammaṁ paṭicca nosaññojano abyākato dhammo uppajjati hetupaccayā. (Saṅkhittaṁ.)
Hetuyā ekaṁ, ārammaṇe ekaṁ …pe… avigate ekaṁ. (Saṅkhittaṁ.)
(Sahajātavārepi …pe… pañhāvārepi sabbattha ekaṁ.)
3.5.2. Saññojaniyaduka, Kusalattika
3.5.2.1. Kusalākusalapada
Hetu
Saññojaniyaṁ kusalaṁ dhammaṁ paṭicca saññojaniyo kusalo dhammo uppajjati hetupaccayā.
Asaññojaniyaṁ kusalaṁ dhammaṁ paṭicca asaññojaniyo kusalo dhammo uppajjati hetupaccayā. (Saṅkhittaṁ.)
Hetuyā dve, ārammaṇe dve. (Saṅkhittaṁ.)
(Yathā cūḷantaraduke lokiyadukagamanaṁ, evaṁ imampi ñātabbaṁ. Sahajātavāropi …pe… pañhāvāropi vitthāretabbā.)
Saññojaniyaṁ akusalaṁ dhammaṁ paṭicca saññojaniyo akusalo dhammo uppajjati hetupaccayā. (Saṅkhittaṁ.)
Hetuyā ekaṁ, ārammaṇe ekaṁ …pe… avigate ekaṁ. (Saṅkhittaṁ.)
(Sahajātavārepi …pe… pañhāvārepi sabbattha ekaṁ.)
3.5.2.2. Abyākatapada
Hetu
Saññojaniyaṁ abyākataṁ dhammaṁ paṭicca saññojaniyo abyākato dhammo uppajjati hetupaccayā.
Asaññojaniyaṁ abyākataṁ dhammaṁ paṭicca asaññojaniyo abyākato dhammo uppajjati hetupaccayā. Asaññojaniyaṁ abyākataṁ dhammaṁ paṭicca saññojaniyo abyākato dhammo uppajjati hetupaccayā. Asaññojaniyaṁ abyākataṁ dhammaṁ paṭicca saññojaniyo abyākato ca asaññojaniyo abyākato ca dhammā uppajjanti hetupaccayā.
Saññojaniyaṁ abyākatañca asaññojaniyaṁ abyākatañca dhammaṁ paṭicca saññojaniyo abyākato dhammo uppajjati hetupaccayā.
Hetuyā pañca, ārammaṇe dve, adhipatiyā pañca …pe… avigate pañca. (Saṅkhittaṁ.)
Cūḷantaraduke lokiyadukasadisaṁ. (Sahajātavāropi …pe… sampayuttavāropi vitthāretabbā.)
Hetu
Saññojaniyo abyākato dhammo saññojaniyassa abyākatassa dhammassa hetupaccayena paccayo.
Asaññojaniyo abyākato dhammo asaññojaniyassa abyākatassa dhammassa hetupaccayena paccayo … tīṇi. (Saṅkhittaṁ.)
Hetuyā cattāri, ārammaṇe tīṇi, adhipatiyā cattāri …pe… avigate satta. (Saṅkhittaṁ.)
Saññojaniyo abyākato dhammo saññojaniyassa abyākatassa dhammassa ārammaṇapaccayena paccayo … sahajātapaccayena paccayo … upanissayapaccayena paccayo … purejātapaccayena paccayo … pacchājātapaccayena paccayo … āhārapaccayena paccayo … indriyapaccayena paccayo. (Saṅkhittaṁ.)
Nahetuyā satta, naārammaṇe satta. (Saṅkhittaṁ.)
Hetupaccayā naārammaṇe cattāri. (Saṅkhittaṁ.)
Nahetupaccayā ārammaṇe tīṇi. (Saṅkhittaṁ.)
(Yathā kusalattike pañhāvārassa anulomampi paccanīyampi anulomapaccanīyampi paccanīyānulomampi gaṇitaṁ, evaṁ gaṇetabbaṁ.)
3.5.3. Saññojanasampayuttaduka, Kusalattika
3.5.3.1. Kusalākusalapada
Hetu
Saññojanavippayuttaṁ kusalaṁ dhammaṁ paṭicca saññojanavippayutto kusalo dhammo uppajjati hetupaccayā. (Saṅkhittaṁ.)
Hetuyā ekaṁ, ārammaṇe ekaṁ …pe… avigate ekaṁ. (Saṅkhittaṁ.)
(Sahajātavārepi …pe… pañhāvārepi sabbattha ekaṁ.)
Saññojanasampayuttaṁ akusalaṁ dhammaṁ paṭicca saññojanasampayutto akusalo dhammo uppajjati hetupaccayā … tīṇi.
Saññojanasampayuttaṁ akusalaṁ dhammaṁ paṭicca saññojanasampayutto akusalo dhammo uppajjati ārammaṇapaccayā. (Saṅkhittaṁ.)
Hetuyā tīṇi, ārammaṇe pañca, adhipatiyā ekaṁ …pe… avigate pañca. (Saṅkhittaṁ, anulomaṁ.)
Paccanīya
Nahetu
Saññojanasampayuttaṁ akusalaṁ dhammaṁ paṭicca saññojanasampayutto akusalo dhammo uppajjati nahetupaccayā—vicikicchāsahagate khandhe paṭicca vicikicchāsahagato moho. Saññojanasampayuttaṁ akusalaṁ dhammaṁ paṭicca saññojanavippayutto akusalo dhammo uppajjati nahetupaccayā—uddhaccasahagate khandhe paṭicca uddhaccasahagato moho. (Saṅkhittaṁ.)
Nahetuyā dve, naadhipatiyā pañca, napurejāte pañca …pe… nakamme tīṇi …pe… navippayutte pañca. (Saṅkhittaṁ, paccanīyaṁ.)
Hetu