Hetupaccayā naārammaṇe tīṇi. (Saṅkhittaṁ.)
Nahetupaccayā ārammaṇe nava. (Saṅkhittaṁ.)
(Yathā kusalattike pañhāvārassa anulomampi paccanīyampi anulomapaccanīyampi paccanīyānulomampi gaṇitaṁ, evaṁ gaṇetabbaṁ.)
3.1.6.2. Avitakkavicāramattapada
3.1.6.2.1–6 Paṭiccādivāra
Paccayacatukka
1.6.2.7. Pañhāvāra
Paccayacatukka
Hetu
Hetuṁ avitakkavicāramattaṁ dhammaṁ paṭicca hetu avitakkavicāramatto dhammo uppajjati hetupaccayā … tīṇi.
Nahetuṁ avitakkavicāramattaṁ dhammaṁ paṭicca nahetu avitakkavicāramatto dhammo uppajjati hetupaccayā … tīṇi.
Hetuṁ avitakkavicāramattañca nahetuṁ avitakkavicāramattañca dhammaṁ paṭicca hetu avitakkavicāramatto dhammo uppajjati hetupaccayā … tīṇi. (Saṅkhittaṁ.)
Hetuyā nava, ārammaṇe nava, adhipatiyā nava …pe… kamme nava, vipāke nava …pe… avigate nava. (Saṅkhittaṁ.)
Naadhipati
Hetuṁ avitakkavicāramattaṁ dhammaṁ paṭicca hetu avitakkavicāramatto dhammo uppajjati naadhipatipaccayā. (Saṅkhittaṁ.)
Naadhipatiyā nava, napurejāte nava, napacchājāte nava, naāsevane nava, nakamme tīṇi, navipāke nava, navippayutte nava. (Saṅkhittaṁ.)
Hetupaccayā naadhipatiyā nava. (Saṅkhittaṁ.)
Naadhipatipaccayā hetuyā nava. (Saṅkhittaṁ.)
(Sahajātavāropi paccayavāropi nissayavāropi saṁsaṭṭhavāropi sampayuttavāropi paṭiccavārasadisā vitthāretabbā.)
Hetvādi
Hetu avitakkavicāramatto dhammo hetussa avitakkavicāramattassa dhammassa hetupaccayena paccayo … tīṇi.
Hetu avitakkavicāramatto dhammo nahetussa avitakkavicāramattassa dhammassa ārammaṇapaccayena paccayo … tīṇi.
Hetu avitakkavicāramatto dhammo hetussa avitakkavicāramattassa dhammassa adhipatipaccayena paccayo—sahajātādhipati … tīṇi.
Nahetu avitakkavicāramatto dhammo nahetussa avitakkavicāramattassa dhammassa adhipatipaccayena paccayo—ārammaṇādhipati, sahajātādhipati … tīṇi.
Hetu avitakkavicāramatto ca nahetu avitakkavicāramatto ca dhammā nahetussa avitakkavicāramattassa dhammassa adhipatipaccayena paccayo—ārammaṇādhipati. (Saṅkhittaṁ.)
Hetuyā tīṇi, ārammaṇe tīṇi, adhipatiyā satta, anantare nava, samanantare nava, sahajāte nava, aññamaññe nava, nissaye nava, upanissaye nava, āsevane nava, kamme tīṇi, vipāke nava, āhāre tīṇi, indriye nava, jhāne tīṇi, magge nava, sampayutte nava, atthiyā nava, natthiyā nava, vigate nava, avigate nava. (Saṅkhittaṁ.)
Paccanīyuddhāra
Hetu avitakkavicāramatto dhammo hetussa avitakkavicāramattassa dhammassa sahajātapaccayena paccayo … upanissayapaccayena paccayo. (Saṅkhittaṁ.)
Nahetuyā nava, naārammaṇe nava. (Saṅkhittaṁ.)
Hetupaccayā naārammaṇe tīṇi. (Saṅkhittaṁ.)
Nahetupaccayā ārammaṇe tīṇi. (Saṅkhittaṁ.)
(Yathā kusalattike pañhāvārassa anulomampi paccanīyampi anulomapaccanīyampi paccanīyānulomampi gaṇitaṁ, evaṁ gaṇetabbaṁ.)
3.1.6.3. Avitakkaavicārapada
3.1.6.3.1–6 Paṭiccādivāra
Paccayacatukka
1.6.3.7. Pañhāvāra
Paccayacatukka
Hetu
Hetuṁ avitakkaavicāraṁ dhammaṁ paṭicca hetu avitakkaavicāro dhammo uppajjati hetupaccayā. (Saṅkhittaṁ.)
Hetuyā nava, ārammaṇe nava, adhipatiyā nava …pe… kamme nava, vipāke nava …pe… vigate nava, avigate nava. (Saṅkhittaṁ.)
Nahetvādi
Nahetuṁ avitakkaavicāraṁ dhammaṁ paṭicca nahetu avitakkaavicāro dhammo uppajjati nahetupaccayā.
Hetuṁ avitakkaavicāraṁ dhammaṁ paṭicca nahetu avitakkaavicāro dhammo uppajjati naārammaṇapaccayā.
Nahetuṁ avitakkaavicāraṁ dhammaṁ paṭicca nahetu avitakkaavicāro dhammo uppajjati naārammaṇapaccayā.
Hetuṁ avitakkaavicārañca nahetuṁ avitakkaavicārañca dhammaṁ paṭicca nahetu avitakkaavicāro dhammo uppajjati naārammaṇapaccayā.
Hetuṁ avitakkaavicāraṁ dhammaṁ paṭicca hetu avitakkaavicāro dhammo uppajjati naadhipatipaccayā … nava. (Saṅkhittaṁ.)
Nahetuyā ekaṁ, naārammaṇe tīṇi, naadhipatiyā nava, naanantare tīṇi, nasamanantare tīṇi, naaññamaññe tīṇi, naupanissaye tīṇi, napurejāte nava, napacchājāte nava, naāsevane nava, nakamme tīṇi, navipāke nava, naāhāre ekaṁ, naindriye ekaṁ, najhāne ekaṁ, namagge ekaṁ, nasampayutte tīṇi, navippayutte nava, nonatthiyā tīṇi, novigate tīṇi. (Saṅkhittaṁ.)
Hetupaccayā naārammaṇe tīṇi. (Saṅkhittaṁ.)
Nahetupaccayā ārammaṇe ekaṁ. (Saṅkhittaṁ.)
(Sahajātavāropi paccayavāropi nissayavāropi saṁsaṭṭhavāropi sampayuttavāropi paṭiccavārasadisā vitthāretabbā.)
Hetu-ārammaṇa
Hetu avitakkaavicāro dhammo hetussa avitakkaavicārassa dhammassa hetupaccayena paccayo … tīṇi.
Hetu avitakkaavicāro dhammo hetussa avitakkaavicārassa dhammassa ārammaṇapaccayena paccayo … nava. (Saṅkhittaṁ.)
Hetuyā tīṇi, ārammaṇe nava, adhipatiyā cha, anantare nava, samanantare nava, sahajāte nava, aññamaññe nava, nissaye nava, upanissaye nava, purejāte tīṇi, pacchājāte tīṇi, āsevane nava, kamme tīṇi, vipāke nava, āhāre tīṇi, indriye nava, jhāne tīṇi, magge nava, sampayutte nava, vippayutte pañca, atthiyā nava, natthiyā nava, vigate nava, avigate nava. (Saṅkhittaṁ.)
Paccanīyuddhāra
Hetu avitakkaavicāro dhammo hetussa avitakkaavicārassa dhammassa ārammaṇapaccayena paccayo … sahajātapaccayena paccayo … upanissayapaccayena paccayo. (Saṅkhittaṁ.)
Nahetuyā nava, naārammaṇe nava, naadhipatiyā nava. (Saṅkhittaṁ.)
Hetupaccayā naārammaṇe tīṇi. (Saṅkhittaṁ.)
Nahetupaccayā ārammaṇe nava. (Saṅkhittaṁ.)
(Yathā kusalattike pañhāvārassa anulomampi paccanīyampi anulomapaccanīyampi paccanīyānulomampi gaṇitaṁ, evaṁ gaṇetabbaṁ.)
Hetudukavitakkattikaṁ niṭṭhitaṁ.
3.1.7. Hetuduka, Pītittika
3.1.7.1. Pītisahagatapada
3.1.7.1.1–6 Paṭiccādivāra
Paccayacatukka
1.7.1.7. Pañhāvāra
Paccayacatukka
Hetu
Hetuṁ pītisahagataṁ dhammaṁ paṭicca hetu pītisahagato dhammo uppajjati hetupaccayā … tīṇi.
Nahetuṁ pītisahagataṁ dhammaṁ paṭicca nahetu pītisahagato dhammo uppajjati hetupaccayā. (Saṅkhittaṁ.)
Hetuyā nava, ārammaṇe nava, adhipatiyā nava …pe… kamme nava, vipāke nava, āhāre nava …pe… avigate nava. (Saṅkhittaṁ.)
Nahetu-naadhipati
Nahetuṁ pītisahagataṁ dhammaṁ paṭicca nahetu pītisahagato dhammo uppajjati nahetupaccayā.
Hetuṁ pītisahagataṁ dhammaṁ paṭicca hetu pītisahagato dhammo uppajjati naadhipatipaccayā. (Saṅkhittaṁ.)
Nahetuyā ekaṁ, naadhipatiyā nava, napurejāte nava, napacchājāte nava, naāsevane nava, nakamme tīṇi, navipāke nava, namagge ekaṁ, navippayutte nava. (Saṅkhittaṁ.)
Hetupaccayā naadhipatiyā nava. (Saṅkhittaṁ.)
Nahetupaccayā ārammaṇe ekaṁ. (Saṅkhittaṁ.)
(Sahajātavāropi paccayavāropi nissayavāropi saṁsaṭṭhavāropi sampayuttavāropi paṭiccavārasadisā vitthāretabbā.)
Hetvādi
Hetu pītisahagato dhammo hetussa pītisahagatassa dhammassa hetupaccayena paccayo … tīṇi.
Hetu pītisahagato dhammo hetussa pītisahagatassa dhammassa ārammaṇapaccayena paccayo … tīṇi.
Nahetu pītisahagato dhammo nahetussa pītisahagatassa dhammassa ārammaṇapaccayena paccayo … tīṇi.
Hetu pītisahagato ca nahetu pītisahagato ca dhammā hetussa pītisahagatassa dhammassa ārammaṇapaccayena paccayo … tīṇi.
Hetu pītisahagato dhammo hetussa pītisahagatassa dhammassa adhipatipaccayena paccayo—ārammaṇādhipati, sahajātādhipati … tīṇi.
Nahetu pītisahagato dhammo nahetussa pītisahagatassa dhammassa adhipatipaccayena paccayo—ārammaṇādhipati, sahajātādhipati … tīṇi.
Hetu pītisahagato ca nahetu pītisahagato ca dhammā hetussa pītisahagatassa dhammassa adhipatipaccayena paccayo—ārammaṇādhipati … tīṇi. (Saṅkhittaṁ.)
Hetuyā tīṇi, ārammaṇe nava, adhipatiyā nava, anantare nava, samanantare nava, sahajāte nava, aññamaññe nava, nissaye nava, upanissaye nava, āsevane nava, kamme tīṇi, vipāke nava, āhāre tīṇi, indriye nava, jhāne tīṇi, magge nava, sampayutte nava, atthiyā nava, natthiyā nava, vigate nava, avigate nava. (Saṅkhittaṁ.)
Paccanīyuddhāra
Hetu pītisahagato dhammo hetussa pītisahagatassa dhammassa ārammaṇapaccayena paccayo … sahajātapaccayena paccayo … upanissayapaccayena paccayo. (Saṅkhittaṁ.)
Nahetuyā nava, naārammaṇe nava. (Saṅkhittaṁ.)
Hetupaccayā naārammaṇe tīṇi. (Saṅkhittaṁ.)
Nahetupaccayā ārammaṇe nava. (Saṅkhittaṁ.)
(Yathā kusalattike pañhāvārassa anulomampi paccanīyampi anulomapaccanīyampi paccanīyānulomampi gaṇitaṁ, evaṁ gaṇetabbaṁ.)
3.1.7.2. Sukhasahagatapada
3.1.7.2.1–6 Paṭiccādivāra
Paccayacatukka
1.7.2.7. Pañhāvāra
Paccayacatukka
Hetu
Hetuṁ sukhasahagataṁ dhammaṁ paṭicca hetu sukhasahagato dhammo uppajjati hetupaccayā … tīṇi.