Upanissayādi
Hetu vipāko dhammo hetussa vipākassa dhammassa upanissayapaccayena paccayo— anantarūpanissayo, pakatūpanissayo. Hetu vipāko dhammo nahetussa vipākassa dhammassa upanissayapaccayena paccayo—anantarūpanissayo, pakatūpanissayo. Hetu vipāko dhammo hetussa vipākassa ca nahetussa vipākassa ca dhammassa upanissayapaccayena paccayo—anantarūpanissayo, pakatūpanissayo.
Nahetu vipāko dhammo nahetussa vipākassa dhammassa upanissayapaccayena paccayo—anantarūpanissayo, pakatūpanissayo …pe…. (Itare dve anantarūpanissayo pakatūpanissayoyeva.)
Nahetu vipāko dhammo nahetussa vipākassa dhammassa kammapaccayena paccayo … tīṇi. (Sahajātakammameva, saṅkhittaṁ.)
Hetu vipāko dhammo hetussa vipākassa dhammassa vipākapaccayena paccayo … nava.
Nahetu vipāko dhammo nahetussa vipākassa dhammassa āhārapaccayena paccayo. (Saṅkhittaṁ.)
Hetuyā tīṇi, ārammaṇe nava, adhipatiyā cha, anantare nava, samanantare nava, sahajāte nava, aññamaññe nava, nissaye nava, upanissaye nava, kamme tīṇi, vipāke nava, āhāre tīṇi, indriye nava, jhāne tīṇi, magge nava, sampayutte nava, atthiyā nava, natthiyā nava, vigate nava, avigate nava. (Anulomaṁ.)
Paccanīyuddhāra
Hetu vipāko dhammo hetussa vipākassa dhammassa ārammaṇapaccayena paccayo … sahajātapaccayena paccayo … upanissayapaccayena paccayo. (Saṅkhittaṁ.)
Nahetuyā nava, naārammaṇe nava. (Saṅkhittaṁ, paccanīyaṁ.)
Hetupaccayā naārammaṇe tīṇi. (Saṅkhittaṁ, anulomapaccanīyaṁ.)
Nahetupaccayā ārammaṇe nava. (Saṅkhittaṁ, paccanīyānulomaṁ.)
(Yathā kusalattike pañhāvārassa anulomampi paccanīyampi anulomapaccanīyampi paccanīyānulomampi gaṇitaṁ, evaṁ gaṇetabbaṁ.)
3.1.3.2. Vipākadhammapada
3.1.3.2.1–6 Paṭiccādivāra
Paccayacatukka
1.3.2.7. Pañhāvāra
Paccayacatukka
Hetu
Hetuṁ vipākadhammadhammaṁ paṭicca hetu vipākadhammadhammo uppajjati hetupaccayā. Hetuṁ vipākadhammadhammaṁ paṭicca nahetu vipākadhammadhammo uppajjati hetupaccayā. Hetuṁ vipākadhammadhammaṁ paṭicca hetu vipākadhammadhammo ca nahetu vipākadhammadhammo ca dhammā uppajjanti hetupaccayā.
Nahetuṁ vipākadhammadhammaṁ paṭicca nahetu vipākadhammadhammo uppajjati hetupaccayā … tīṇi.
Hetuṁ vipākadhammadhammañca nahetuṁ vipākadhammadhammañca paṭicca hetu vipākadhammadhammo uppajjati hetupaccayā … tīṇi. (Saṅkhittaṁ.)
Hetuyā nava, ārammaṇe nava, adhipatiyā nava …pe… kamme nava, āhāre nava, indriye nava, jhāne nava, magge nava, sampayutte nava, vippayutte nava, atthiyā nava, natthiyā nava, vigate nava, avigate nava.
Nahetu-naadhipati
Nahetuṁ vipākadhammadhammaṁ paṭicca hetu vipākadhammadhammo uppajjati nahetupaccayā.
Hetuṁ vipākadhammadhammaṁ paṭicca hetu vipākadhammadhammo uppajjati naadhipatipaccayā … nava.
Napurejātādi
Hetuṁ vipākadhammadhammaṁ paṭicca hetu vipākadhammadhammo uppajjati napurejātapaccayā … nava … napacchājātapaccayā … nava … naāsevanapaccayā … nava.
Hetuṁ vipākadhammadhammaṁ paṭicca nahetu vipākadhammadhammo uppajjati nakammapaccayā.
Nahetuṁ vipākadhammadhammaṁ paṭicca nahetu vipākadhammadhammo uppajjati nakammapaccayā.
Hetuṁ vipākadhammadhammañca nahetuṁ vipākadhammadhammañca paṭicca nahetu vipākadhammadhammo uppajjati nakammapaccayā. (Saṅkhittaṁ.)
Nahetuyā ekaṁ, naadhipatiyā nava, napurejāte nava, napacchājāte nava, naāsevane nava, nakamme tīṇi, navipāke nava, navippayutte nava. (Saṅkhittaṁ, paccanīyaṁ.)
Hetupaccayā naadhipatiyā nava. (Saṅkhittaṁ, anulomapaccanīyaṁ.)
Nahetupaccayā ārammaṇe ekaṁ. (Saṅkhittaṁ, paccanīyānulomaṁ.)
(Sahajātavāropi paccayavāropi nissayavāropi saṁsaṭṭhavāropi sampayuttavāropi paṭiccavārasadisā vitthāretabbā.)
Hetvādi
Hetu vipākadhammadhammo hetussa vipākadhammadhammassa hetupaccayena paccayo … tīṇi.
Hetu vipākadhammadhammo hetussa vipākadhammadhammassa ārammaṇapaccayena paccayo … nava.
Hetu vipākadhammadhammo hetussa vipākadhammadhammassa adhipatipaccayena paccayo—ārammaṇādhipati, sahajātādhipati … nava.
Hetu vipākadhammadhammo hetussa vipākadhammadhammassa anantarapaccayena paccayo …pe… upanissayapaccayena paccayo—ārammaṇūpanissayo, anantarūpanissayo, pakatūpanissayo … nava … āsevanapaccayena paccayo … nava.
Nahetu vipākadhammadhammo nahetussa vipākadhammadhammassa kammapaccayena paccayo … tīṇi.
Nahetu vipākadhammadhammo nahetussa vipākadhammadhammassa āhārapaccayena paccayo. (Saṅkhittaṁ.)
Hetuyā tīṇi, ārammaṇe nava, adhipatiyā nava, anantare nava, samanantare nava, sahajāte nava, aññamaññe nava, nissaye nava, upanissaye nava, āsevane nava, kamme tīṇi, āhāre tīṇi, indriye nava, jhāne tīṇi, magge nava, sampayutte nava, atthiyā nava, natthiyā nava, vigate nava, avigate nava. (Saṅkhittaṁ, anulomaṁ.)
Paccanīyuddhāra
Hetu vipākadhammadhammo hetussa vipākadhammadhammassa ārammaṇapaccayena paccayo … sahajātapaccayena paccayo … upanissayapaccayena paccayo. (Saṅkhittaṁ.)
Nahetuyā nava, naārammaṇe nava. (Saṅkhittaṁ, paccanīyaṁ.)
Hetupaccayā naārammaṇe tīṇi. (Saṅkhittaṁ, anulomapaccanīyaṁ.)
Nahetupaccayā ārammaṇe nava. (Saṅkhittaṁ, paccanīyānulomaṁ.)
(Yathā kusalattike pañhāvārassa anulomampi paccanīyampi anulomapaccanīyampi paccanīyānulomampi gaṇitaṁ, evaṁ gaṇetabbaṁ.)
3.1.3.3. Nevavipākanavipākadhammapada
3.1.3.3.1–6 Paṭiccādivāra
Paccayacatukka
1.3.3.7. Pañhāvāra
Paccayacatukka
Hetu
Hetuṁ nevavipākanavipākadhammadhammaṁ paṭicca hetu nevavipākanavipākadhammadhammo uppajjati hetupaccayā … tīṇi.
Nahetuṁ nevavipākanavipākadhammadhammaṁ paṭicca nahetu nevavipākanavipākadhammadhammo uppajjati hetupaccayā … tīṇi.
Hetuṁ nevavipākanavipākadhammadhammañca nahetuṁ nevavipākanavipākadhammadhammañca paṭicca hetu nevavipākanavipākadhammadhammo uppajjati hetupaccayā … tīṇi. (Saṅkhittaṁ.)
Hetuyā nava, ārammaṇe nava, adhipatiyā nava, anantare nava, samanantare nava, sahajāte nava, aññamaññe nava, nissaye nava, upanissaye nava, purejāte nava, āsevane nava, kamme nava, vipāke ekaṁ, āhāre nava, indriye nava, jhāne nava, magge nava, sampayutte nava, vippayutte nava, atthiyā nava, natthiyā nava, vigate nava, avigate nava.
Nahetvādi
Nahetuṁ nevavipākanavipākadhammadhammaṁ paṭicca nahetu nevavipākanavipākadhammadhammo uppajjati nahetupaccayā.
Hetuṁ nevavipākanavipākadhammadhammaṁ paṭicca nahetu nevavipākanavipākadhammadhammo uppajjati naārammaṇapaccayā.
Nahetuṁ nevavipākanavipākadhammadhammaṁ paṭicca nahetu nevavipākanavipākadhammadhammo uppajjati naārammaṇapaccayā.
Hetuṁ nevavipākanavipākadhammadhammañca nahetuṁ nevavipākanavipākadhammadhammañca paṭicca nahetu nevavipākanavipākadhammadhammo uppajjati naārammaṇapaccayā.
Hetuṁ nevavipākanavipākadhammadhammaṁ paṭicca hetu nevavipākanavipākadhammadhammo uppajjati naadhipatipaccayā … nava …pe….
Hetuṁ nevavipākanavipākadhammadhammaṁ paṭicca nahetu nevavipākanavipākadhammadhammo uppajjati nakammapaccayā … tīṇi …pe….
Nahetuṁ nevavipākanavipākadhammadhammaṁ paṭicca nahetu nevavipākanavipākadhammadhammo uppajjati naāhārapaccayā. (Saṅkhittaṁ.)
Nahetuyā ekaṁ, naārammaṇe tīṇi, naadhipatiyā nava, naanantare tīṇi, nasamanantare tīṇi, naaññamaññe tīṇi, naupanissaye tīṇi, napurejāte nava, napacchājāte nava, naāsevane nava, nakamme tīṇi, navipāke nava, naāhāre ekaṁ, naindriye ekaṁ, najhāne ekaṁ, namagge ekaṁ, nasampayutte tīṇi, navippayutte nava, nonatthiyā tīṇi, novigate tīṇi. (Saṅkhittaṁ, paccanīyaṁ.)
Hetupaccayā naārammaṇe tīṇi. (Saṅkhittaṁ, anulomapaccanīyaṁ.)
Nahetupaccayā ārammaṇe ekaṁ. (Saṅkhittaṁ, paccanīyānulomaṁ.)
(Sahajātavāropi paccayavāropi nissayavāropi saṁsaṭṭhavāropi sampayuttavāropi paṭiccavārasadisā vitthāretabbā.)
Hetvādi
Hetu nevavipākanavipākadhammadhammo hetussa nevavipākanavipākadhammadhammassa hetupaccayena paccayo … tīṇi …pe….
Hetu nevavipākanavipākadhammadhammo hetussa nevavipākanavipākadhammadhammassa adhipatipaccayena paccayo—sahajātādhipati … tīṇi.
Nahetu nevavipākanavipākadhammadhammo nahetussa nevavipākanavipākadhammadhammassa adhipatipaccayena paccayo—ārammaṇādhipati, sahajātādhipati … tīṇi …pe….
Purejātādi
Nahetu nevavipākanavipākadhammadhammo nahetussa nevavipākanavipākadhammadhammassa purejātapaccayena paccayo—ārammaṇapurejātaṁ, vatthupurejātaṁ … tīṇi.
Hetu nevavipākanavipākadhammadhammo nahetussa nevavipākanavipākadhammadhammassa pacchājātapaccayena paccayo.
Nahetu nevavipākanavipākadhammadhammo nahetussa nevavipākanavipākadhammadhammassa pacchājātapaccayena paccayo.
Hetu nevavipākanavipākadhammadhammo ca nahetu nevavipākanavipākadhammadhammo ca nahetussa nevavipākanavipākadhammadhammassa pacchājātapaccayena paccayo.
… Āsevanapaccayena paccayo … nava.
Nahetu nevavipākanavipākadhammadhammo nahetussa nevavipākanavipākadhammadhammassa kammapaccayena paccayo … tīṇi. (Saṅkhittaṁ.)
Hetuyā tīṇi, ārammaṇe nava, adhipatiyā cha, anantare nava, samanantare nava, sahajāte nava, aññamaññe nava, nissaye nava, upanissaye nava, purejāte tīṇi, pacchājāte tīṇi, āsevane nava, kamme tīṇi, āhāre tīṇi, indriye nava, jhāne tīṇi, magge nava, sampayutte nava, vippayutte pañca, atthiyā nava, natthiyā nava, vigate nava, avigate nava.
Paccanīyuddhāra
Hetu nevavipākanavipākadhammadhammo hetussa nevavipākanavipākadhammadhammassa ārammaṇapaccayena paccayo … sahajātapaccayena paccayo … upanissayapaccayena paccayo. (Saṅkhittaṁ.)
Nahetuyā nava, naārammaṇe nava, naadhipatiyā nava. (Saṅkhittaṁ.)
Hetupaccayā naārammaṇe tīṇi. (Saṅkhittaṁ.)
Nahetupaccayā ārammaṇe nava. (Saṅkhittaṁ.)
(Yathā kusalattike pañhāvārassa anulomampi paccanīyampi anulomapaccanīyampi paccanīyānulomampi gaṇitaṁ, evaṁ gaṇetabbaṁ.)
Hetudukavipākattikaṁ niṭṭhitaṁ.
3.1.4. Hetuduka, Upādinnattika
3.1.4.1. Upādinnupādāniyapada
3.1.4.1.1–6 Paṭiccādivāra
Paccayacatukka
1.4.1.7. Pañhāvāra
Paccayacatukka
Hetu
Hetuṁ upādinnupādāniyaṁ dhammaṁ paṭicca hetu upādinnupādāniyo dhammo uppajjati hetupaccayā … tīṇi.
Nahetuṁ upādinnupādāniyaṁ dhammaṁ paṭicca nahetu upādinnupādāniyo dhammo uppajjati hetupaccayā … tīṇi.
Hetuṁ upādinnupādāniyañca nahetuṁ upādinnupādāniyañca dhammaṁ paṭicca hetu upādinnupādāniyo dhammo uppajjati hetupaccayā … tīṇi. (Saṅkhittaṁ.)