මග්ගාරම්මණං ධම්මං පටිච්ච මග්ගාරම්මණො ධම්මො උප්පජ්ජති න හෙතුපච්චයා, අහෙතුකං මග්ගාරම්මණං එකං ඛන්ධං පටිච්ච තයො ඛන්ධා, ද්වෙ ඛන්ධෙ, මග්ගාරම්මණං ධම්මං පටිච්ච මග්ගාරම්මණො ධම්මො උප්පජ්ජති නාධිපතිපච්චයා, මග්ගාරම්මණං එකං ඛන්ධං පටිච්ච තයො ඛන්ධා, ද්වෙ ඛන්ධෙ, මග්ගාරම්මණං ධම්මං පටිච්ච මග්ගාධිපති ධම්මො උප්පජ්ජති නාධිපතිපච්චයා, මග්ගාරම්මණං එකං ඛන්ධං පටිච්ච මග්ගාධිපති තයො ඛන්ධා, ද්වෙ ඛන්ධෙ, මග්ගාරම්මණං ධම්මං පටිච්ච මග්ගාරම්මණො ච මග්ගාධිපති ච ධම්මා උප්පජ්ජන්ති නාධිපතිපච්චයා, මග්ගාරම්මණං එකං ඛන්ධං පටිච්ච මග්ගාරම්මණා ච මග්ගාධිපති ච තයො ඛන්ධා, ද්වෙ ඛන්ධෙ.
මග්ගහෙතුකං ධම්මං පටිච්ච මග්ගහෙතුකො ධම්මො උප්පජ්ජති නාධිපතිපච්චයා, මග්ගහෙතුකෙ ඛන්ධෙ පටිච්ච මග්ගහෙතුකාධිපති, මග්ගහෙතුකං ධම්මං පටිච්ච මග්ගාධිපති ධම්මො උප්පජ්ජති නාධිපති පච්චයා, මග්ගහෙතුකෙ ඛන්ධෙ පටිච්ච මග්ගාධිපති අධිපති. මග්ගහෙතුකං ධම්මං පටිච්ච මග්ගහෙතුකො ච මග්ගාධිපති ච ධම්මා උප්පජ්ජන්ති නාධිපතිපච්චයා, මග්ගහෙතුකෙ ඛන්ධෙ පටිච්ච මග්ගහෙතුකො ච මග්ගාධිපති ච අධිපති.
මග්ගාධිපතිං ධම්මං පටිච්ච මග්ගාධිපති ධම්මො උප්පජ්ජති නාධිපතිපච්චයා, මග්ගාධිපති ඛන්ධෙ පටිච්ච මග්ගාධිපති, අධිපති, මග්ගාධිපති එකං ඛන්ධං පටිච්ච තයො ඛන්ධා, ද්වෙ ඛන්ධෙ, මග්ගාධිපතිං ධම්මං පටිච්ච මග්ගාරම්මණො ධම්මො උප්පජ්ජති න අධිපතිපච්චයා, මග්ගාධිපතිං එකං ඛන්ධං පටිච්ච මග්ගාරම්මණා තයො ඛන්ධා, ද්වෙ ඛන්ධෙ, මග්ගාධිපතිං ධම්මං පටිච්ච මග්ගහෙතුකො න අධිපතිපච්චයා, මග්ගාධිපති ඛන්ධෙ පටිච්ච මග්ගහෙතුකො අධිපති, මග්ගාධිපතිං ධම්මං පටිච්ච මග්ගාරම්මණො ච මග්ගාධිපති ච ධම්මා උප්පජ්ජන්ති න අධිපතිපච්චයා, මග්ගාධිපතිං එකං ඛන්ධං පටිච්ච මග්ගාරම්මණො ච මග්ගාධිපති ච තයො ඛන්ධා, ද්වෙ ඛන්ධෙ, මග්ගාධිපතිං ධම්මං පටිච්ච මග්ගහෙතුකො ච මග්ගාධිපති ච ධම්මා
උප්පජ්ජන්ති න අධිපතිපච්චයා, මග්ගාධිපති ඛන්ධෙ පටිච්ච මග්ගහෙතුකො ච මග්ගාධිපති ච අධිපති.
මග්ගාරම්මණඤ්ච මග්ගාධිපතිඤ්ච ධම්මං පටිච්ච මග්ගාරම්මණො ධම්මො උප්පජ්ජති න අධිපතිපච්චයා, මග්ගාරම්මණඤ්ච මග්ගාධිපතිඤ්ච එකං ඛන්ධං පටිච්ච මග්ගාරම්මණා තයො ඛන්ධා, ද්වෙ ඛන්ධෙ. මග්ගාරම්මණඤ්ච මග්ගාධිපතිඤ්ච ධම්මං පටිච්ච මග්ගාධිපති ධම්මො න අධිපතිපච්චයා, මග්ගාරම්මණඤ්ච මග්ගාධිපතිඤ්ච එකං ඛන්ධං පටිච්ච මග්ගාධිපති තයො ඛන්ධා, ද්වෙ ඛන්ධෙ, මග්ගාරම්මණඤ්ච මග්ගාධිපතිඤ්ච ධම්මං පටිච්ච මග්ගාරම්මණො ච මග්ගාධිපති ච ධම්මා උප්පජ්ජන්ති න අධිපතිපච්චයා. මග්ගාරම්මණඤ්ච මග්ගාධිපතිඤ්ච එකං ඛන්ධං පටිච්ච මග්ගාරම්මණා ච මග්ගාධිපති ච තයො ඛන්ධා, ද්වෙ ඛන්ධෙ, මග්ගහෙතුකඤ්ච මග්ගාධිපතිඤ්ච ධම්මං පටිච්ච මග්ගහෙතුකො ධම්මො උප්පජ්ජති න අධිපතිපච්චයා, මග්ගහෙතුකෙ ච මග්ගාධිපති ච ඛන්ධෙ පටිච්ච මග්ගහෙතුකො අධිපති, මග්ගහෙතුකඤ්ච මග්ගාධිපතිඤ්ච ධම්මං පටිච්ච මග්ගාධිපති ධම්මො, මග්ගහෙතුකො ච මග්ගාධිපති ච ඛන්ධෙ පටිච්ච මග්ගාධිපති, අධිපති, මග්ගහෙතුකඤ්ච මග්ගාධිපතිඤ්ච ධම්මං පටිච්ච මග්ගහෙතුකො ච මග්ගාධිපති ච න අධිපතිපච්චයා, මග්ගහෙතුකෙ ච මග්ගාධිපති ච ඛන්ධෙ පටිච්ච මග්ගහෙතුකො ච මග්ගාධිපති ච අධිපති.
මග්ගාරම්මණං ධම්මං පටිච්ච මග්ගාරම්මණො ධම්මො උප්පජ්ජති න පුරෙජාතපච්චයා, න පච්ඡාජාතපච්චයා, පරිපුණ්ණා ද්වෙපි.
මග්ගාරම්මණං ධම්මං පටිච්ච මග්ගාරම්මණො ධම්මො, න ආසෙවනපච්චයා, මග්ගාරම්මණං එකං ඛන්ධං පටිච්ච තයො ඛන්ධා, ද්වෙ ඛන්ධෙ, මග්ගාරම්මණං ධම්මං පටිච්ච මග්ගාධිපති ධම්මො උප්පජ්ජති න ආසෙවනපච්චයා, මග්ගාරම්මණං එකං ඛන්ධං පටිච්ච මග්ගාධිපති තයො ඛන්ධා, ද්වෙ ඛන්ධෙ, මග්ගාරම්මණං ධම්මං පටිච්ච මග්ගාරම්මණො ච මග්ගාධිපති ච ධම්මා, න ආසෙවනපච්චයා, මග්ගාරම්මණං එකං ඛන්ධං පටිච්ච මග්ගාරම්මණා ච මග්ගාධිපති ච තයො ඛන්ධා, ද්වෙ ඛන්ධෙ, මග්ගාධිපතිං ධම්මං පටිච්ච මග්ගාධිපති ධම්මො, න ආසෙවනපච්චයා. මග්ගාධිපතිං එකං ඛන්ධං පටිච්ච තයො ඛන්ධා, ද්වෙ ඛන්ධෙ, මග්ගාධිපතිං ධම්මං පටිච්ච මග්ගාරම්මණො, න ආසෙවනපච්චයා, මග්ගාධිපතිං එකං ඛන්ධං පටිච්ච මග්ගාරම්මණා තයො ඛන්ධා, ද්වෙ ඛන්ධෙ, මග්ගාධිපතිං ධම්මං පටිච්ච මග්ගාරම්මණො ච මග්ගාධිපති ච ධම්මා, න ආසෙවනපච්චයා, මග්ගාධිපතිං එකං ඛන්ධං පටිච්ච මග්ගාරම්මණා ච මග්ගාධිපති ච තයො ඛන්ධා, ද්වෙ ඛන්ධෙ, මග්ගාරම්මණඤ්ච මග්ගාධිපතිඤ්ච ධම්මං
පටිච්ච මග්ගාරම්මණො න ආසෙවනපච්චයා, මග්ගාරම්මණඤ්ච මග්ගාධිපතිඤ්ච එකං ඛන්ධං පටිච්ච මග්ගාරම්මණා තයො ඛන්ධා, ද්වෙ ඛන්ධෙ. මග්ගාරම්මණඤ්ච මග්ගාධිපතිඤ්ච ධම්මං පටිච්ච මග්ගාධිපති, න ආසෙවනපච්චයා, මග්ගාරම්මණඤ්ච මග්ගාධිපතිඤ්ච එකං ඛන්ධං පටිච්ච මග්ගාධිපති තයො ඛන්ධා, ද්වෙ ඛන්ධෙ, මග්ගාරම්මණඤ්ච මග්ගාධිපතිඤ්ච ධම්මං පටිච්ච මග්ගාරම්මණො ච මග්ගාධිපති ච, න ආසෙවනපච්චයා, මග්ගාරම්මණඤ්ච මග්ගාධිපතිඤ්ච එකං ඛන්ධං පටිච්ච මග්ගාරම්මණා ච මග්ගාධිපති ච තයො ඛන්ධා, ද්වෙ ඛන්ධෙ.
මග්ගාරම්මණං ධම්මං පටිච්ච මග්ගාරම්මණො ධම්මො උප්පජ්ජති න කම්මපච්චයා, මග්ගාරම්මණෙ ඛන්ධෙ පටිච්ච මග්ගාරම්මණා චෙතනා, මග්ගාරම්මණං ධම්මං පටිච්ච මග්ගාධිපති ධම්මො උප්පජ්ජති න කම්මපච්චයා, මග්ගාරම්මණෙ ඛන්ධෙ පටිච්ච මග්ගාධිපති චෙතනා, මග්ගාරම්මණං මග්ගාරම්මණො ච මග්ගාධිපති ච, න කම්මපච්චයා, මග්ගාරම්මණෙ ඛන්ධෙ පටිච්ච මග්ගාරම්මණා ච මග්ගාධිපති ච චෙතනා. මග්ගහෙතුකං ධම්මං පටිච්ච මග්ගහෙතුකො ධම්මො උප්පජ්ජති න කම්මපච්චයා, මග්ගහෙතුකෙ ඛන්ධෙ පටිච්ච මග්ගහෙතුකා චෙතනා, මග්ගහෙතුකං ධම්මං පටිච්ච මග්ගාධිපති, න කම්මපච්චයා, මග්ගහෙතුකෙ ඛන්ධෙ පටිච්ච මග්ගාධිපති චෙතනා, මග්ගහෙතුකං ධම්මං පටිච්ච, මග්ගහෙතුකො ච මග්ගාධිපති ච න කම්මපච්චයා, මග්ගහෙතුකෙ ඛන්ධෙ පටිච්ච මග්ගහෙතුකො ච මග්ගාධිපති ච චෙතනා.
මග්ගාධිපතිං ධම්මං, මග්ගාධිපති ධම්මො, න කම්මපච්චයා, මග්ගාධිපති ඛන්ධෙ පටිච්ච මග්ගාධිපති චෙතනා, පඤ්ච, පඤ්හා, මග්ගාරම්මණඤ්ච මග්ගාධිපතිඤ්ච ධම්මං පටිච්ච මග්ගාරම්මණො ධම්මො න කම්මපච්චයා. පඨම ඝටනෙ තීණි, මග්ගහෙතුකඤ්ච මග්ගාධිපතිඤ්ච ධම්මං පටිච්ච මග්ගහෙතුකො ධම්මො උප්පජ්ජති න කම්මපච්චයා, දුතිය ඝටනෙ තීණි පඤ්හා. මග්ගාරම්මණං ධම්මං පටිච්ච මග්ගාරම්මණො ධම්මො උප්පජ්ජති න විපාකපච්චයා, පරිපුණ්ණං.
මග්ගාරම්මණං ධම්මං පටිච්ච මග්ගාරම්මණො ධම්මො උප්පජ්ජති න මග්ගපච්චයා, අහෙතුකං මග්ගාරම්මණං එකං ඛන්ධං පටිච්ච තයො ඛන්ධා, ද්වෙ ඛන්ධෙ, මග්ගාරම්මණං ධම්මං පටිච්ච මග්ගාරම්මණො ධම්මො උප්පජ්ජති න විප්පයුත්තපච්චයා, පරිපුණ්ණං, අරූපන්ති නියාමෙතබ්බං.
න හෙතුයා එකං, න අධිපතියා සත්තරස, න පුරෙජාතෙ සත්තරස, න පච්ඡාජාතෙ සත්තරස, න ආසෙවනෙ නව, න කම්මෙ සත්තරස, න විපාකෙ සත්තරස, න මග්ගෙ එකං, න විප්පයුත්තෙ සත්තරස, (එවං ගණෙතබ්බං.)
පච්චනීයං.
හෙතුපච්චයා න අධිපතියා සත්තරස, න පුරෙජාතෙ සත්තරස, න පච්ඡාජාතෙ සත්තරස, න ආසෙවනෙ, න කම්මෙ නව, න විපාකෙ, න විප්පයුත්තෙ සත්තරස, (එවං ගණෙතබ්බං.)
අනුලොමපච්චනීයං.
න හෙතුපච්චයා ආරම්මණෙ එකං, අනන්තරෙ එකං, සමනන්තරෙ එකං, (සංඛිත්තං.) සබ්බත්ථ එකං, ඣානෙ සම්පයුත්තෙ, විප්පයුත්තෙ, නත්ථියා, විගතෙ, අවිගතෙ එකං, (එවං ගණෙතබ්බං.)
පච්චනීයානුලොමං.
(සහජාතවාරො’පි පච්චයවාරො’පි නිස්සයවාරො’පි සංසට්ඨවාරො’පි සම්පයුත්තවාරො’පි පටිච්චවාරසදිසො.)
මග්ගාරම්මණො ධම්මො මග්ගාරම්මණස්ස ධම්මස්ස හෙතුපච්චයෙන පච්චයො, මග්ගාරම්මණා හෙතු සම්පයුත්තකානං ඛන්ධානං හෙතුපච්ච-. -පෙ- මග්ගාරම්මණො ධම්මො මග්ගාධිපතිස්ස ධම්මස්ස හෙතුපච්ච-. මග්ගාරම්මණා හෙතු සම්පයුත්තකානං මග්ගාධිපතීනං ඛන්ධානං හෙතුපච්ච-. මග්ගාරම්මණො ධම්මො මග්ගාරම්මණස්ස මග්ගාධිපතිස්ස ච ධම්මස්ස හෙතුපච්ච-. -පෙ- (ඉමිනා කාරණෙන සත්තරස පඤ්හා, කාතබ්බා.)
මග්ගහෙතුකො ධම්මො මග්ගාරම්මණස්ස ධම්මස්ස ආරම්මණපච්ච-. අරියා මග්ගා වුට්ඨහිත්වා මග්ගං පච්චවෙක්ඛන්ති, චෙතොපරියඤාණෙන මග්ගහෙතුකචිත්තසමඞ්ගිස්ස චිත්තං ජානන්ති, මග්ගහෙතුකා ඛන්ධා චෙතොපරියඤාණස්ස, පුබ්බෙනිවාසානුස්සති ඤාණස්ස, අනාගතංසඤාණස්ස, ආවජ්ජනාය ආරම්මණපච්ච, මග්ගහෙතුකො ධම්මො මග්ගාධිපතිස්ස ධම්මස්ස ආරම්මණපච්ච-. අරියා මග්ගා වුට්ඨහිත්වා මග්ගං ගරුං කත්වා පච්චවෙක්ඛන්ති.
මග්ගහෙතුකො ධම්මො මග්ගාරම්මණස්ස ච මග්ගාධිපතිස්ස ච ධම්මස්ස ආරම්මණපච්ච-. අරියා මග්ගා වුට්ඨහිත්වා මග්ගං ගරුං කත්වා පච්චවෙක්ඛන්ති මග්ගාධිපති ධම්මො මග්ගාධිපතිස්ස ධම්මස්ස ආරම්මණපච්ච-. අරියා මග්ගා වුට්ඨහිත්වා මග්ගං ගරුං කත්වා පච්චවෙක්ඛන්ති, මග්ගාධිපති ධම්මො මග්ගාරම්මණස්ස ධම්මස්ස ආරම්මණ
පච්ච-. අරියා මග්ගා වුට්ඨහිත්වා මග්ගං පච්චවෙක්ඛන්ති, චෙතොපරියඤාණෙන මග්ගාධිපති චිත්තසමඞ්ගිස්ස චිත්තං ජානන්ති, මග්ගාධිපතිඛන්ධා චෙතොපරියඤාණස්ස, පුබ්බෙනිවාසානුස්සතිඤාණස්ස, අනාගතංසඤාණස්ස, ආවජ්ජනාය ආරම්මණපච්ච-. මග්ගාධිපති ධම්මො මග්ගාරම්මණස්ස ච මග්ගාධිපතිස්ස ච ධම්මස්ස ආරම්මණපච්ච-. අරියා මග්ගා වුට්ඨහිත්වා මග්ගං ගරුං කත්වා පච්චවෙක්ඛන්ති.
මග්ගහෙතුකො ච මග්ගාධිපති ච ධම්මා මග්ගාරම්මණස්ස ධම්මස්ස ආරම්මණපච්ච-. අරියා මග්ගා වුට්ඨහිත්වා මග්ගං පච්චවෙක්ඛන්ති. චෙතොපරියඤාණෙන මග්ගහෙතුකමග්ගාධිපති චිත්තසමඞ්ගිස්ස චිත්තං ජානන්ති. මග්ගහෙතුකා ච මග්ගාධිපති ච ඛන්ධා චෙතොපරියඤාණස්ස පුබ්බෙනිවාසානුස්සතිඤාණස්ස, අනාගතංසඤාණස්ස. ආවජ්ජනාය ආරම්මණපච්ච-. මග්ගහෙතුකො ච මග්ගාධිපති ච ධම්මා මග්ගාධිපතිස්ස ආරම්මණපච්ච-. අරියා මග්ගා වුට්ඨහිත්වා මග්ගං ගරුං කත්වා පච්චවෙක්ඛන්ති. මග්ගහෙතුකො ච මග්ගාධිපති ච ධම්මා මග්ගාරම්මණස්ස ච මග්ගාධිපතිස්ස ච ධම්මස්ස ආරම්මණපච්ච-. අරියා මග්ගා වුට්ඨහිත්වා මග්ගං ගරුං කත්වා පච්චවෙක්ඛන්ති.
මග්ගාරම්මණො ධම්මො මග්ගාරම්මණස්ස ධම්මස්ස අධිපතිපච්ච-. සහජාතාධිපති මග්ගාරම්මණාධිපති සම්පයුත්තකානං ඛන්ධානං අධිපතිපච්ච-. මග්ගාරම්මණො ධම්මො මග්ගාධිපතිස්ස ධම්මස්ස අධිපති, සහජාතාධිපති, මග්ගාරම්මණාධිපති සම්පයුත්තකානං මග්ගාධිපතීනං ඛන්ධානං අධිපති. මග්ගාරම්මණො ධම්මො මග්ගාරම්මණස්ස ච මග්ගාධිපතිස්ස ච ධම්මස්ස අධිපතිපච්ච-. සහජාතාධිපති, මග්ගාරම්මණාධිපති සම්පයුත්තකානං මග්ගාරම්මණානඤ්ච මග්ගාධිපතීනඤ්ච ඛන්ධානං අධිපතිපච්ච-.
මග්ගහෙතුකො ධම්මො මග්ගහෙතුකස්ස ධම්මස්ස අධිපතිපච්ච-. සහජාතාධිපති මග්ගහෙතුකාධිපති සම්පයුත්තකානං ඛන්ධානං අධිපති පච්ච-. මග්ගහෙතුකො ධම්මො මග්ගාරම්මණස්ස ධම්මස්ස අධිපතිපච්ච-. ආරම්මණාධිපති, අරියා මග්ගා වුට්ඨහිත්වා මග්ග ගරුං කත්වා පච්චවෙක්ඛන්ති. මග්ගහෙතුකො ධම්මො මග්ගාධිපතිස්ස ධම්මස්ස අධිපති. ආරම්මණාධිපති, සහජාතාධිපති, ආරම්මණාධිපති: අරියා මග්ග වුට්ඨහිත්වා මග්ගං ගරුං කත්වා පච්චවෙක්ඛන්ති, සහජාතාධිපති, මග්ගහෙතුකාධිපති සම්පයුත්තකානං මග්ගාධිපතීනං ඛන්ධානං අධිපතිපච්ච-. මග්ගහෙතුකො ධම්මො මග්ගාරම්මණස්ස ච මග්ගාධිපතිස්ස ච ධම්මස්ස අධිපතිපච්ච-. ආරම්මණාධිපති, සහජාතාධිපති, ආරම්මණාධිපති: අරියා මග්ගා වුට්ඨහිත්වා මග්ගං ගරුං කත්වා පච්චවෙක්ඛන්ති.
මග්ගහෙතුකො ධම්මො මග්ගහෙතුකස්ස ච මග්ගාධිපතිස්ස ච ධම්මස්ස අධිපතිපච්ච-. සහජාතාධිපති මග්ගහෙතුකාධිපති සම්පයුත්තකානං මග්ගහෙතුකානඤ්ච මග්ගාධිපතීනඤ්ච ඛන්ධානං අධිපතිපච්ච-. මග්ගාධිපති ධම්මො මග්ගාධිපතිස්ස ධම්මස්ස අධිපතිපච්ච-. ආරම්මණාධිපති, සහජාතාධිපති, ආරම්මණාධිපති: අරියා මග්ගා වුට්ඨහිත්වා -පෙ- පච්චවෙක්ඛන්ති. සහජාතාධිපති, මග්ගාධිපති සම්පයුත්තකානං ඛන්ධානං අධිපතිපච්ච-. මග්ගාධිපති ධම්මො මග්ගාරම්මණස්ස ධම්මස්ස අධිපතිපච්ච-. ආරම්මණාධිපති, සහජාතාධිපති, - ආරම්මණාධිපති: අරියා මග්ගා වුට්ඨහිත්වා -පෙ- පච්චවෙක්ඛන්ති, සහජාතාධිපති, මග්ගාධිපති අධිපති සම්පයුත්තකානං මග්ගාරම්මණානං ඛන්ධානං අධිපතිපච්ච-. මග්ගාධිපති ධම්මො මග්ගහෙතුකස්ස ධම්මස්ස අධිපතිපච්ච-. සහජාතාධිපති, මග්ගාධිපති අධිපති සම්පයුත්තකානං මග්ගහෙතුකානං ඛන්ධානං අධිපතිපච්ච-. මග්ගාධිපති ධම්මො මග්ගාරම්මණස්ස ච මග්ගාධිපතිස්ස ච අධිපතිපච්ච-. ආරම්මණාධිපති, සහජාතාධිපති, ආරම්මණාධිපති: අරියා මග්ගා වුට්ඨහිත්වා -පෙ- සහජාතාධිපති. මග්ගාධිපති අධිපති සම්පයුත්තකානං මග්ගාරම්මණානඤ්ච මග්ගාධිපතීනඤ්ච ඛන්ධානං අධිපතිපච්ච-. මග්ගාධිපති ධම්මො මග්ගහෙතුකස්ස ච මග්ගාධිපතිස්ස ච ධම්මස්ස අධිපතිපච්ච-. සහජාතාධිපති, මග්ගාධිපති අධිපති සම්පයුත්තකානං මග්ගහෙතුකානඤ්ච මග්ගාධිපතීනඤ්ච ඛන්ධානං අධිපතිපච්ච-. මග්ගාරම්මණො ච මග්ගාධිපති ච ධම්මා මග්ගාරම්මණස්ස ධම්මස්ස අධිපතිපච්ච-. සහජාතාධිපති මග්ගාරම්මණා ච මග්ගාධිපති ච අධිපති සම්පයුත්තකානං මග්ගාරම්මණානං ඛන්ධානං අධිපතිපච්චයෙන පච්චයො.
මග්ගාරම්මණො ච මග්ගාධිපති ච ධම්මා මග්ගාධිපතිස්ස ධම්මස්ස අධිපතිපච්ච-. සහජාතාධිපති, මග්ගාරම්මණා ච මග්ගාධිපති ච අධිපති සම්පයුත්තකානං මග්ගාධිපතීනං ඛන්ධානං අධිපතිපච්ච-. මග්ගාරම්මණො ච මග්ගාධිපති ච ධම්මා මග්ගාරම්මණස්ස ච මග්ගාධිපතිස්ස ච ධම්මස්ස අධිපතිපච්ච-. සහජාතාධිපති, මග්ගාරම්මණා ච මග්ගාධිපති ච අධිපති සම්පයුත්තකානං මග්ගාරම්මණානඤ්ච මග්ගාධිපතීනඤ්ච ඛන්ධානං අධිපතිපච්චයෙන පච්චයො.
මග්ගහෙතුකො ච මග්ගාධිපති ච ධම්මා මග්ගාරම්මණස්ස අධිපති පච්ච-. ආරම්මණාධිපති, අරියා මග්ගා වුට්ඨහිත්වා මග්ගං ගරුං කත්වා පච්චවෙක්ඛන්ති, මග්ගහෙතුකො ච මග්ගාධිපති ච ධම්මා මග්ගහෙතුකස්ස අධිපතිපච්ච-. සහජාතාධිපති මග්ගහෙතුකා ච මග්ගාධිපති ච අධිපති සම්පයුත්තකානං මග්ගහෙතුකානං ඛන්ධානං අධිපතිපච්ච-. මග්ගහෙතුකො ච මග්ගාධිපති ච ධම්මා මග්ගාධිපතිස්ස ධම්මස්ස
අධිපතිපච්ච-. ආරම්මණාධිපති, සහජාතාධිපති, ආරම්මණාධිපති: අරියා මග්ගා වුට්ඨහිත්වා -පෙ- සහජාතාධිපති මග්ගහෙතකො ච මග්ගාධිපති ච අධිපති සම්පයුත්තකානං මග්ගාධිපතීනං ඛන්ධානං අධිපතිපච්ච-.
මග්ගහෙතුකො ච මග්ගාධිපති ච ධම්මා මග්ගාරම්මණස්ස ච මග්ගාධිපතිස්ස ච ධම්මස්ස අධිපතිපච්ච-. ආරම්මණාධිපති අරියා මග්ගා -පෙ- පච්චවෙක්ඛන්ති, මග්ගහෙතුකො ච මග්ගාධිපති ච ධම්මා මග්ගහෙතුකස්ස ච මග්ගාධිපතිස්ස ච ධම්මස්ස අධිපතිපච්ච-. සහජාතාධිපති, මග්ගහෙතුකා ච මග්ගාධිපති ච අධිපති සම්පයුත්තකානං මග්ගහෙතුකානඤ්ච මග්ගාධිපතීනඤ්ච ඛන්ධානං අධිපතිපච්ච-.
මග්ගාරම්මණො ධම්මො මග්ගාරම්මණස්ස ධම්මස්ස අනන්තර පච්ච-. පුරිමා පුරිමා මග්ගාරම්මණා ඛන්ධා පච්ඡිමානං පච්ඡිමානං මග්ගාරම්මණානං ඛන්ධානං අනන්තර පච්ච-. ආවජ්ජනා මග්ගාරම්මණානං ඛන්ධානං අනන්තර පච්චයෙන පච්චයො.
මග්ගාරම්මණො ධම්මො මග්ගාධිපතිස්ස ධම්මස්ස අනන්තර පච්ච-. පුරිමා පුරිමා මග්ගාරම්මණා ඛන්ධා පච්ඡිමානං පච්ඡිමානං මග්ගාධිපතීනං ඛන්ධානං අනන්තර පච්ච-. ආවජ්ජනා මග්ගාධිපතීනං ඛන්ධානං අනන්තර පච්ච-. මග්ගාරම්මණො ධම්මො මග්ගාරම්මණස්ස ච මග්ගාධිපතිස්ස ච ධම්මස්ස අනන්තර පච්ච-. පුරිමා පුරිමා මග්ගාරම්මණා ඛන්ධා පච්ඡිමානං පච්ඡිමානං මග්ගාරම්මණානඤ්ච මග්ගාධිපතීනඤ්ච ඛන්ධානං අනන්තර පච්ච-. ආවජ්ජනා මග්ගාරම්මණානඤ්ච මග්ගාධිපතීනඤ්ච ඛන්ධානං අනන්තර පච්ච-.
මග්ගාධිපති ධම්මො මග්ගාධිපතිස්ස ධම්මස්ස අනන්තරපච්ච-. පුරිමා පුරිමා මග්ගාධිපති ඛන්ධා පච්ඡිමානං පච්ඡිමානං මග්ගාධිපතීනං ඛන්ධානං අනන්තර පච්ච-. මග්ගාධිපතී ධම්මො මග්ගාරම්මණස්ස ධම්මස්ස අනන්තර පච්ච-. පුරිමා පුරිමා මග්ගාධිපති ඛන්ධා පච්ඡිමානං පච්ඡිමානං මග්ගාරම්මණානං ඛන්ධානං අනන්තර පච්චයෙන පච්චයො.
මග්ගාධිපති ධම්මො මග්ගාරම්මණස්ස ච මග්ගාධිපතිස්ස ච අනන්තර පච්ච-. පුරිමා පුරිමා මග්ගාධිපති ඛන්ධා පච්ඡිමානං පච්ඡිමානං මග්ගාරම්මණානඤ්ච මග්ගාධිපතීනඤ්ච ඛන්ධානං අනන්තරපච්ච-. මග්ගාරම්මණො ච මග්ගාධිපති ච ධම්මා මග්ගාරම්මණස්ස ධම්මස්ස අනන්තර පච්ච-. පුරිමා පුරිමා මග්ගාරම්මණා ච මග්ගාධිපතී ච ඛන්ධා පච්ඡිමානං පච්ඡිමානං මග්ගාරම්මණානං අනන්තරපච්ච-. මග්ගාරම්මණො ච මග්ගාධිපති ච ධම්මා මග්ගාධිපතිස්ස අනන්තර පච්ච-. පුරිමා පුරිමා මග්ගාරම්මණා ච මග්ගාධිපතී ච ඛන්ධා පච්ඡිමානං පච්ඡිමානං මග්ගාධිපතීනං ඛන්ධානං අනන්තර පච්ච-. මග්ගාරම්මණො ච මග්ගාධිපති ච
ධම්මා මග්ගාරම්මණස්ස ච මග්ගාධිපතිස්ස ච ධම්මස්ස අනන්තර පච්ච-. පුරිමා පුරිමා මග්ගාරම්මණා ච මග්ගාධිපති ච ඛන්ධා පච්ඡිමානං පච්ඡිමානං මග්ගාරම්මණානඤ්ච මග්ගාධිපතීනඤ්ච ඛන්ධානං අනන්තර පච්චයෙන පච්චයො.
මග්ගාරම්මණො ධම්මො මග්ගාරම්මණස්ස ධම්මස්ස සමනන්තර පච්ච-. (අනන්තරසදිසං.) සහජාත පච්ච-. අඤ්ඤමඤ්ඤ පච්ච- නිස්සය පච්ච-. -පෙ- (තීසුපි සත්තරස පඤ්හා කාතබ්බා.)
මග්ගාරම්මණො ධම්මො මග්ගාරම්මණස්ස ධම්මස්ස උපනිස්සය පච්ච-. අනන්තරූපනිස්සයො, පකතූපනිස්සයො, - පකතූපනිස්සයො: පච්චවෙක්ඛනා පච්චවෙක්ඛනාය උපනිස්සයපච්ච-. මග්ගාරම්මණො ධම්මො මග්ගාධිපතිස්ස ධම්මස්ස උපනිස්සයපච්ච-. අනන්තරූපනිස්සයො, පකතූපනිස්සයො, පකතූපනිස්සයො: පච්චවෙක්ඛනා පච්චවෙක්ඛනාය උපනිස්සයපච්ච-. මග්ගාරම්මණො ධම්මො මග්ගාරම්මණස්ස ච මග්ගාධිපතිස්ස ච ධම්මස්ස උපනිස්සයපච්ච-. අනන්තරූපනිස්සයො, පකතූපනිස්සයො, පකතූපනිස්සයො: පච්චවෙක්ඛනා පච්චවෙක්ඛනාය උපනිස්සයපච්ච-. මග්ගහෙතුකො ධම්මො මග්ගහෙතුකස්ස ධම්මස්ස උපනිස්සය පච්ච-. පකතූපනිස්සයො පඨමො මග්ගො දුතියස්ස මග්ගස්ස උපනිස්සය පච්ච-. (සංඛිත්තං.) තතියො මග්ගො චතුත්ථස්ස මග්ගස්ස උපනිස්සයපච්ච-.
මග්ගහෙතුකො ධම්මො මග්ගාරම්මණස්ස ධම්මස්ස උපනිස්සය පච්ච- ආරම්මණූපනිස්සයො, අරියා මග්ගා වුට්ඨහිත්වා මග්ගං ගරුං කත්වා පච්චවෙක්ඛන්ති.
මග්ගහෙතුකො ධම්මො මග්ගාධිපතිස්ස ධම්මස්ස උපනිස්සයපච්ච-. ආරම්මණූපනිස්සයො, අනන්තරූපනිස්සයො, පකතූපනිස්සයො, පකතූපනිස්සයො: පඨමො මග්ගො දුතියස්ස මග්ගස්ස, තතියො මග්ගො චතුත්ථස්ස මග්ගස්ස උපනිස්සයපච්ච-.
මග්ගහෙතුකො ධම්මො මග්ගාරම්මණස්ස ච මග්ගාධිපතිස්ස ච උපනිස්සයපච්ච-. ආරම්මණූපනිස්සයො. අරියා මග්ගා වුට්ඨහිත්වා මග්ගං ගරුං කත්වා පච්චවෙක්ඛන්ති. මග්ගහෙතුකො ධම්මො මග්ගහෙතුකස්ස ච මග්ගාධිපතිස්ස ච උපනිස්සයපච්ච-. පකතූපනිස්සයො පඨමො මග්ගො දුතියස්ස මග්ගස්ස -පෙ- උපනිස්සයපච්ච-.
මග්ගාධිපති ධම්මො මග්ගාධිපතිස්ස ධම්මස්ස උපනිස්සයපච්ච-. ආරම්මණූපනිස්සයො, අනන්තරූපනිස්සයො, පකතූපනිස්සයො, පකතූපනිස්සයො: පඨමො මග්ගො දුතියස්ස මග්ගස්ස, තතියො මග්ගො
චතුත්ථස්ස මග්ගස්ස, උපනිස්සයපච්ච-. පච්චවෙක්ඛනා පච්චවෙක්ඛනාය උපනිස්සයපච්ච-.
මග්ගාධිපති ධම්මො මග්ගාරම්මණස්ස උපනිස්සයපච්ච-. ආරම්මණූපනිස්සයො, අනන්තරූපනිස්සයො, පකතූපනිස්සයො පච්චවෙක්ඛනා පච්චවෙක්ඛනාය උපනිස්සයපච්ච-. මග්ගාධිපති ධම්මො මග්ගහෙතුකස්ස ධම්මස්ස උපනිස්සයපච්ච-. පකතූපනිස්සයො-. පඨමො මග්ගො -පෙ- චතුත්ථස්ස මග්ගස්ස උපනිස්සයපච්ච-.
මග්ගාධිපති ධම්මො මග්ගාරම්මණස්ස ච මග්ගාධිපතිස්ස ච ධම්මස්ස උපනිස්සයපච්ච-. ආරම්මණූපනිස්සයො, අනන්තරූපනිස්සයො, පකතූපනිස්සයො, -පකතූපනිස්සයො: පච්චවෙක්ඛනා පච්චවෙක්ඛනාය උපනිස්සයපච්ච-. මග්ගාධිපති ධම්මො මග්ගහෙතුකස්ස ච මග්ගාධිපතිස්ස ච ධම්මස්ස උපනිස්සයපච්ච-. පකතූපනිස්සයො. පඨමො මග්ගො -පෙ- චතුත්ථස්ස මග්ගස්ස උපනිස්සයපච්ච-. මග්ගාරම්මණො ච මග්ගාධිපති ච ධම්මා මග්ගාරම්මණස්ස ධම්මස්ස උපනිස්සයපච්ච-. අනන්තරූපනිස්සයො, පකතූපනිස්සයො, -පකතූපනිස්සයො: පච්චවෙක්ඛනා පච්චවෙක්ඛනාය උපනිස්සයපච්ච-.
මග්ගාරම්මණො ච මග්ගාධිපති ච ධම්මා මග්ගාධිපතිස්ස ධම්මස්ස උපනිස්සය පච්ච-. අනන්තරූපනිස්සයො, පකතූපනිස්සයො, - පකතූපනිස්සයො: පච්චවෙක්ඛනා පච්චවෙක්ඛනාය උපනිස්සය, පච්ච, මග්ගාරම්මණො ච මග්ගාධිපති ච ධම්මා මග්ගාරම්මණස්ස ච මග්ගාධිපතිස්ස ච ධම්මස්ස උපනිස්සය පච්ච. අනන්තරූපනිස්සයො, පකතූපනිස්සයො, - පකතූපනිස්සයො: පච්චවෙක්ඛනා පච්චවෙක්ඛනාය උපනිස්සය පච්ච-.
මග්ගහෙතුකො ච මග්ගාධිපති ච ධම්මා මග්ගාරම්මණස්ස ධම්මස්ස උපනිස්සය පච්ච-. ආරම්මණූපනිස්සයො, අරියා මග්ගා වුට්ඨහිත්වා මග්ගං ගරුං කත්වා පච්චවෙක්ඛන්ති, මග්ගහෙතුකො ච මග්ගාධිපති ච ධම්මා මග්ගහෙතුකස්ස ධම්මස්ස උපනිස්සය පච්ච-. පකතූපනිස්සයො, පඨමො මග්ගො දුතියස්ස මග්ගස්ස, තතියො මග්ගො චතුත්ථස්ස මග්ගස්ස උපනිස්සය පච්ච-.
මග්ගහෙතුකො ච මග්ගාධිපති ච ධම්මා මග්ගාධිපතිස්ස ධම්මස්ස උපනිස්සය පච්ච-. ආරම්මණූපනිස්සයො, අනන්තරූපනිස්සයො, පකතූපනිස්සයො, පකතූපනිස්සයො: පඨමො මග්ගො දුතියස්ස මග්ගස්ස, තතියො මග්ගො චතුත්ථස්ස මග්ගස්ස උපනිස්සය පච්ච-. මග්ගහෙතුකො ච මග්ගාධිපති ච ධම්මා මග්ගාරම්මණස්ස ච මග්ගාධිපතිස්ස ච ධම්මස්ස උපනිස්සය පච්ච-. ආරම්මණූපනිස්සයො, අරියා මග්ගා වුට්ඨහිත්වා මග්ගං ගරුං කත්වා පච්චවෙක්ඛන්ති, මග්ගහෙතුකො ච මග්ගාධිපති ච
ධම්මා මග්ගහෙතුකස්ස ච මග්ගාධිපතිස්ස ච ධම්මස්ස උපනිස්සය පච්ච-. පකතූපනිස්සයො, පඨමො මග්ගො දුතියස්ස මග්ගස්ස, තතියො මග්ගො චතුත්ථස්ස මග්ගස්ස උපනිස්සයපච්ච-.
මග්ගාරම්මණො ධම්මො මග්ගාරම්මණස්ස ආසෙවනපච්ච-. පුරිමා පුරිමා මග්ගාරම්මණා ඛන්ධා පච්ඡිමානං පච්ඡිමානං මග්ගාරම්මණානං ඛන්ධානං ආසෙවනපච්ච-. මග්ගාරම්මණො ධම්මො මග්ගාධිපතිස්ස ආසෙවනපච්ච-. (අනන්තර සදිසං, නව පඤ්හා කාතබ්බා,) (ආවජ්ජනා න කාතබ්බා.)
මග්ගාරම්මණො ධම්මො මග්ගාරම්මණස්ස ධම්මස්ස කම්මපච්ච-. සහජාතපච්ච, නානාඛණිකා නත්ථි, සත්තරස පඤ්හා කාතබ්බා, මග්ගාරම්මණො ධම්මො මග්ගාරම්මණස්ස ධම්මස්ස ආහාරපච්ච-. ඉන්ද්රියපච්ච-. ඣානපච්ච-. මග්ගපච්ච-. සම්පයුත්තපච්ච-. අත්ථිපච්ච-. ඉමෙ සත්තපච්චයා සත්තරස පඤ්හා, හෙතු සදිසා, නත්ථි පච්ච-, විගතපච්ච-. අනන්තර සදිසා, අවිගතපච්ච, සත්තරස පඤ්හා.
හෙතුයා සත්තරස, ආරම්මණෙ නව, අධිපතියා එකවීස, අනන්තරෙ නව, සමනන්තරෙ නව, සහජාතෙ සත්තරස, අඤ්ඤමඤ්ඤෙ සත්තරස, නිස්සයෙ සත්තරස, උපනිස්සයෙ එකවීස, ආසෙවන නව, කම්මෙ සත්තරස, ආහාරෙ, ඉන්ද්රියෙ, ඣානෙ, මග්ගෙ, සම්පයුත්තෙ සත්ත, අත්ථියා සත්තරස, නත්ථියා නව, විගතෙ නව, අවිගතෙ සත්තරස, එවං ගණෙතබ්බං.
අනුලොමං.
මග්ගාරම්මණො ධම්මො මග්ගාරම්මණස්ස ධම්මස්ස සහජාත පච්චයෙන පච්චයො. උපනිස්සයපච්චයෙන පච්චයො, මග්ගාරම්මණො ධම්මො මග්ගාධිපතිස්ස ධම්මස්ස සහජාතපච්චයෙන පච්චයො, උපනිස්සයපච්චයෙන පච්චයො, මග්ගාරම්මණො ධම්මො මග්ගාරම්මණස්ස ච මග්ගාධිපතිස්ස ච ධම්මස්ස සහජාතපච්චයෙන පච්චයො, උපනිස්සය පච්චයෙන පච්චයො, මග්ගහෙතුකො ධම්මො මග්ගහෙතුකස්ස ධම්මස්ස සහජාත පච්චයෙන පච්චයො, උපනිස්සය පච්චයෙන පච්චයො, මග්ගහෙතුකො ධම්මො මග්ගාරම්මණස්ස ධම්මස්ස ආරම්මණපච්ච-. උපනිස්සයපච්ච-. මග්ගහෙතුකො ධම්මො මග්ගාධිපතිස්ස ධම්මස්ස ආරම්මණපච්ච-. සහජාතපච්ච-. උපනිස්සයපච්ච-. මග්ගහෙතුකො ධම්මො මග්ගාරම්මණස්ස ච මග්ගාධිපතිස්ස ච ධම්මස්ස ආරම්මණ පච්ච-. උපනිස්සය පච්ච-. මග්ගහෙතුකො ධම්මො මග්ගහෙතුකස්ස ච මග්ගාධිපතිස්ස ච ධම්මස්ස සහජාතපච්ච-. උපනිස්සයපච්ච-. මග්ගාධිපති ධම්මො මග්ගාධිපතිස්ස ධම්මස්ස සහජාතපච්ච-. උපනිස්සය පච්ච-.
මග්ගාධිපති ධම්මො මග්ගාරම්මණස්ස ආරම්මණපච්ච-. සහජාතපච්ච-. උපනිස්සයපච්ච-. මග්ගාධිපති ධම්මො මග්ගහෙතුකස්ස ධම්මස්ස සහජාතපච්ච-. උපනිස්සයපච්ච-. මග්ගාධිපති ධම්මො මග්ගාරම්මණස්ස ච මග්ගාධිපතිස්ස ච ධම්මස්ස සහජාතපච්ච-. උපනිස්සය පච්ච-. මග්ගාධිපති ධම්මො මග්ගහෙතුකස්ස ච මග්ගාධිපතිස්ස ච ධම්මස්ස සහජාතපච්ච-. උපනිස්සය පච්ච-. මග්ගාරම්මණො ච මග්ගාධිපති ච ධම්මා මග්ගාරම්මණස්ස ධම්මස්ස සහජාතපච්ච-. උපනිස්සය පච්ච-. මග්ගාරම්මණො ච මග්ගාධිපති ච ධම්මා මග්ගාධිපතිස්ස ධම්මස්ස සහජාතපච්ච-. උපනිස්සය පච්ච-. මග්ගාරම්මණො ච මග්ගාධිපති ච ධම්මා මග්ගාරම්මණස්ස ච මග්ගාධිපතිස්ස ච ධම්මස්ස සහජාතපච්ච. උපනිස්සයපච්ච-. මග්ගහෙතුකො ච මග්ගාධිපති ච ධම්මා මග්ගාරම්මණස්ස ධම්මස්ස ආරම්මණපච්ච-. උපනිස්සපච්ච-. මග්ගහෙතුකො ච මග්ගාධිපති ච ධම්මා මග්ගහෙතුකස්ස ධම්මස්ස සහජාතපච්ච-. උපනිස්සයපච්ච-. මග්ගහෙතුකො ච මග්ගාධිපති ච ධම්මා මග්ගාධිපතිස්ස ධම්මස්ස සහජාතපච්ච-. උපනිස්සයපච්ච-. මග්ගහෙතුකො ච මග්ගාධිපති ච ධම්මා මග්ගාරම්මණස්ස ච මග්ගාධිපතිස්ස ච ධම්මස්ස උපනිස්සයපච්ච-. මග්ගහෙතුකො ච මග්ගාධිපති ච ධම්මා මග්ගහෙතුකස්ස ච මග්ගාධිපතිස්ස ච ධම්මස්ස සහජාතපච්ච-. උපනිස්සයපච්චයෙන පච්චයො.
න හෙතුයා එකවීස, න ආරම්මණෙ සත්තරස, න ආරම්මණෙ ගහිතෙ පකතාරම්මණම්පි උපනිස්සයාරම්මණම්පි ද්වෙපි භිජ්ජන්ති. න අධිපතියා එකවීස, න අනන්තරෙ, න සමනන්තරෙ, න සහජාතෙ, න අඤ්ඤමඤ්ඤෙ න නිස්සයෙ, න උපනිස්සයෙ, න පුරෙජාතෙ, න පච්ඡාජාතෙ, න ආසෙවනෙ, න කම්මෙ, න විපාකෙ න ආහාරෙ, න ඉන්ද්රියෙ, න ඣානෙ, න මග්ගෙ, න සම්පයුත්තෙ, න විප්පයුත්තෙ, නො අත්ථියා, නො නත්ථියා, නො විගතෙ, නො අවිගතෙ එකවීස, (එවං ගණෙතබ්බං.)
පච්චනියං.
හෙතුපච්චයා න ආරම්මණෙ සත්තරස, න අධිපතියා, න අනන්තරෙ, න සමනන්තරෙ, න උපනිස්සයෙ, න පුරෙජාතෙ, න පච්ඡාජාතෙ, න ආසෙවනෙ, න කම්මෙ, න විපාකෙ, න ආහාරෙ, න ඉන්ද්රියෙ, න ඣානෙ, න මග්ගෙ, න විප්පයුත්තෙ. නො නත්ථියා, නො විගතෙ සත්තරස, (එවං ගණෙතබ්බං.)
අනුලොමපච්චනීයං.
න හෙතු පච්චයා ආරම්මණෙ නව, අධිපතියා එකවීස, අනන්තරෙ නව, සමනන්තරෙ නව, සහජාතෙ සත්තරස, අඤ්ඤමඤ්ඤෙ සත්තරස,
නිස්සයෙ සත්තරස, උපනිස්සයෙ එකවීස, ආසෙවනෙ නව, කම්මෙ සත්තරස, ආහාරෙ සත්තරස, ඉන්ද්රියෙ, ඣානෙ, මග්ගෙ, සම්පයුත්තෙ සත්තරස, අත්ථියා සත්තරස, නත්ථියා නව, විගතෙ නව, අවිගතෙ සත්තරස, (එවං ගණෙතබ්බං.)
පච්චනීයානුලොමං.
මග්ගාරම්මණත්තිකං නිට්ඨිතං.
17. උප්පන්නත්තිකං.
උප්පන්නො ධම්මො උප්පන්නස්ස ධම්මස්ස හෙතුපච්චයෙන පච්චයො. උප්පන්නා හෙතු සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්ච-. පටිසන්ධික්ඛණෙ. උප්පන්නාහෙතු සම්පයුත්තකානං ඛන්ධානං කටත්තා ච රූපානං හෙතුපච්චයෙන පච්චයො-.
උප්පන්නො ධම්මො උප්පන්නස්ස ධම්මස්ස ආරම්මණ පච්ච-. උප්පන්නං චක්ඛුං අනිච්චතො දුක්ඛතො අනත්තතො විපස්සති, අස්සාදෙති, අභිවන්දති, තං ආරබ්භ රාගො උප්පජ්ජති, දිට්ඨි උප්පජ්ජති විචිකිච්ඡා, උද්ධච්චං, දොමනස්සං, උප්පන්නං, සොතං, ඝානං, ජිව්හං, කායං, රූපෙ, සද්දෙ, ගන්ධෙ, රසෙ ඵොට්ඨබ්බෙ, වත්ථුං උප්පන්නෙ ඛන්ධෙ, අනිච්චතො දුක්ඛතො අනත්තතො, විපස්සති, -පෙ- දොමනස්සං උප්පජ්ජති. දිබ්බෙන චක්ඛුනා රූපං පස්සති, දිබ්බාය සොත ධාතුයා සද්දං සුණාති. උප්පන්නා ඛන්ධා ඉද්ධිවිධඤාණස්ස, ආවජ්ජනාය ආරම්මණපච්ච-.
අනුප්පන්නො ධම්මො උප්පන්නස්ස ධම්මස්ස ආරම්මණපච්ච-. අනුප්පන්නෙ රූපෙ, සද්දෙ, ගන්ධෙ, රසෙ, ඵොට්ඨබ්බෙ, අනුප්පන්නෙ ඛන්ධෙ අනිච්චතො දුක්ඛතො අනත්තතො විපස්සති -පෙ- දොමනස්සං උප්පජ්ජති, අනුප්පන්නා ඛන්ධා ඉද්ධිවිධඤාණස්ස, චෙතොපරියඤාණස්ස, අනාගතංසඤාණස්ස, ආවජ්ජනාය ආරම්මණපච්ච-. උප්පාදි ධම්මො උප්පන්නස්ස ධම්මස්ස ආරම්මණපච්ච-. උප්පාදිං චක්ඛුං, කායං, රූපෙ, සද්දෙ ගන්ධෙ, රසෙ, ඵොට්ඨබ්බෙ, වත්ථුං, උප්පාදිඛන්ධෙ අනිච්චතො දුක්ඛතො අනත්තතො -පෙ- දොමනස්සං උප්පජ්ජති. උප්පාදි ඛන්ධා ඉද්ධිවිධඤාණස්සචෙතො -පෙ- ආවජ්ජනාය ආරම්මණ පච්චයෙන පච්චයො.
උප්පන්නො ධම්මො උප්පන්නස්ස ධම්මස්ස අධිපති පච්ච-. ආරම්මණාධිපති, සහජාතාධිපති, -ආරම්මණාධිපති: උප්පන්නං චක්ඛුං ගරුං කත්වා අස්සාදෙති, අභිනන්දති, තං ගරුං කත්වා -පෙ- දිට්ඨි උප්පජ්ජති. උප්පන්නං සොතං, ඝානං, ජිව්හං, කායං, රූපෙ, සද්දෙ, ගන්ධෙ, රසෙ, ඵොට්ඨබ්බෙ, වත්ථුං, උප්පන්නෙ ඛන්ධෙ ගරුං කත්වා
අස්සාදෙති, අභිනන්දති, තං ගරුං කත්වා රාගො උප්පජ්ජති -පෙ- සහජාතාධිපති. උප්පන්නා අධිපති සම්පයුත්තකානං චිත්තසමුට්ඨානානඤ්ච රූපානං අධිපතිපච්චයෙන පච්චයො.
අනුප්පන්නො ධම්මො උප්පන්නස්ස ධම්මස්ස අධිපතිපච්ච-. ආරම්මණාධිපති, අනුප්පන්නෙ රූපෙ, සද්දෙ, ගන්ධෙ, රසෙ, ඵොට්ඨබ්බෙ, අනුප්පන්නෙ ඛන්ධෙ ගරුං කත්වා අස්සාදෙති, අභිනන්දති. තං ගරුං කත්වා රාගො උප්පජ්ජති, දිට්ඨි උප්පජ්ජති, උප්පාදිධම්මො උප්පන්නස්ස ධම්මස්ස අධිපතිපච්ච-. ආරම්මණාධිපති, උප්පාදිං චක්ඛුං, කායං, රූපෙ, ඵොට්ඨබ්බෙ, වත්ථුං, උප්පාදිඛන්ධෙ ගරුං කත්වා අස්සාදෙති, අභිනන්දති, තං ගරුං කත්වා රාගො උප්පජ්ජති, දිට්ඨි උප්පජ්ජති.
උප්පන්නො ධම්මො උප්පන්නස්ස ධම්මස්ස සහජාතපච්චයෙන පච්චයො. උප්පන්නො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං සහජාතපච්ච-. ද්වෙ ඛන්ධා ද්වින්නං ඛන්ධානං චිත්තසමුට්ඨානානඤ්ච රූපානං සහජාතපච්ච-. පටිසන්ධික්ඛණෙ, උප්පන්නො එකො ඛන්ධො තිණ්ණන්නං ඛන්ධානං කටත්තා ච රූපානං සහජාතපච්ච-. ද්වෙ ඛන්ධා ද්වින්නං ඛන්ධානං කටත්තා ච රූපානං සහජාතපච්ච-. ඛන්ධා වත්ථුස්ස සහජාතපච්ච-. වත්ථු ඛන්ධානං සහජාතපච්ච, එකං මහාභූතං තිණ්ණන්නං මහාභූතානං සහජාතපච්ච-. ද්වෙ මහාභූතා, මහාභූතා චිත්තසමුට්ඨානානං රූපානං උපාදාරූපානං සහජාත පච්ච-. බාහිරං, ආහාරසමුට්ඨානං, උතු, අසඤ්ඤසත්තානං එකං මහාභූතං, ද්වෙ මහාභූතා, මහාභූතා කටත්තා රූපානං, උපාදාරූපානං සහජාතපච්ච-.
උප්පන්නො ධම්මො උප්පන්නස්ස ධම්මස්ස අඤ්ඤමඤ්ඤපච්චයෙන පච්චයො. උප්පන්නො එකො ඛන්ධො තිණ්ණන්නං ඛන්ධානං අඤ්ඤමඤ්ඤපච්ච-. ද්වෙ ඛන්ධා, පටිසන්ධික්ඛණෙ උප්පන්නො එකො ඛන්ධො තිණ්ණන්නං ඛන්ධානං වත්ථුස්ස ච අඤ්ඤමඤ්ඤපච්ච-. ද්වෙ ඛන්ධා. ඛන්ධා වත්ථුස්ස අඤ්ඤමඤ්ඤපච්ච-. වත්ථු ඛන්ධානං අඤ්ඤමඤ්ඤපච්ච-. එකං මහාභූතං බාහිරං, ආහාර, උතු, අසඤ්ඤසත්තානං එකං මහාභූතං තිණ්ණන්නං මහාභූතානං අඤ්ඤමඤ්ඤපච්ච-. ද්වෙ මහාභූතා.
උප්පන්නො ධම්මො උප්පන්නස්ස ධම්මස්ස නිස්සයපච්ච-. උප්පන්නො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං නිස්සයපච්ච-. ද්වෙ ඛන්ධා. පටිසන්ධික්ඛණෙ ඛන්ධා වත්ථුස්ස, වත්ථු ඛන්ධානං එකං මහාභූතං, බාහිරං, ආහාර, උතු, අසඤ්ඤසත්තානං එකං මහාභූතං, මහාභූතා කටත්තා රූපානං, උපාදාරූපානං, චක්ඛායතනං චක්ඛුවිඤ්ඤාණස්ස, කායායතනං කායවිඤ්ඤාණස්ස, වත්ථු උප්පන්නානං ඛන්ධානං නිස්සය පච්චයෙන පච්චයො.
උප්පන්නො ධම්මො උප්පන්නස්ස ධම්මස්ස උපනිස්සයපච්ච-. ආරම්මණූපනිස්සයො, අනන්තරූපනිස්සයො, පකතූපනිස්සයො, පකතූපනිස්සයො: උප්පන්නං උතුං උපනිස්සාය ඣානං උප්පාදෙති, විපස්සනං, මග්ගං, අභිඤ්ඤං, සමාපත්තිං, මානං ජප්පෙති, දිට්ඨිං ගණ්හාති. උප්පන්නං භොජනං, සෙනාසනං උපනිස්සාය ඣානං උප්පාදෙති, විපස්සනං, මග්ගං, අභිඤ්ඤං, සමාපත්තිං, මානං ජප්පෙති, දිට්ඨිං ගණ්හාති, උප්පන්නං උතුං, භොජනං, සෙනාසනං උප්පන්නාය සද්ධාය, පඤ්ඤාය, කායිකස්ස සුඛස්ස, කායිකස්ස දුක්ඛස්ස, මග්ගස්ස, ඵලසමාපත්තියා උපනිස්සයපච්චයෙන පච්චයො.
අනුප්පන්නො ධම්මො උප්පන්නස්ස ධම්මස්ස උපනිස්සය පච්ච-. ආරම්මණූපනිස්සයො, අනන්තරූපනිස්සයො, පකතූපනිස්සයො, පකතූපනිස්සයො: අනුප්පන්නං වණ්ණසම්පදං පත්ථයමානො දානං දෙති, සීලං සමාදියති, උපොසථකම්මං කරොති, අනුප්පන්නං සද්දසම්පදං, ගන්ධසම්පදං, රසසම්පදං, ඵොට්ඨබ්බසම්පදං, අනුප්පන්නෙ ඛන්ධෙ පත්ථයමානා දානං, සීලං, උපොසථකම්මං, අනුප්පන්නා වණ්ණසම්පදා, අනුප්පන්නා ඛන්ධා, උප්පන්නාය සද්ධාය, පඤ්ඤාය, කායිකස්ස සුඛස්ස, කායිකස්ස දුක්ඛස්ස, මග්ගස්ස, ඵලසමාපත්තියා උපනිස්සයපච්ච-.
උප්පාදි ධම්මො උප්පන්නස්ස ධම්මස්ස උපනිස්සය පච්ච-. ආරම්මණූපනිස්සයො, අනන්තරූපනිස්සයො, පකතූපනිස්සයො, -පකතූපනිස්සයො: උප්පාදිං චක්ඛුසම්පදං පත්ථයමානො දානං, සීලං, උපොසථං, උප්පාදිං සොතසම්පදං, කායසම්පදං, වණ්ණසම්පදං, ගන්ධ, රස, ඵොට්ඨබ්බසම්පදං, උප්පාදි ඛන්ධෙ පත්ථයමානො දානං, සීලං, උපොසථ, උප්පාදී චක්ඛුසම්පදා, කායසම්පදා, වණ්ණසම්පදා, -පෙ- ඵොට්ඨබ්බසම්පදා, උප්පාදිඛන්ධා උප්පන්නාය සද්ධාය, පඤ්ඤාය, කායිකස්ස සුඛස්ස, කායිකස්ස දුක්ඛස්ස, මග්ගස්ස, ඵලසමාපත්තියා උපනිස්සය පච්ච-.
උප්පන්නො ධම්මො උප්පන්නස්ස ධම්මස්ස පුරෙජාතපච්ච-. ආරම්මණ පුරෙජාතං, වත්ථු පුරෙජාතං, -ආරම්මණ පුරෙජාතං. චක්ඛුං වත්ථුං අනිච්චතො දුක්ඛතො අනත්තතො විපස්සති, අස්සාදෙති, අභිනන්දති, තං ආරබ්භ රාගො උප්පජ්ජති, දොමනස්සං උප්පජ්ජති, දිබ්බෙන චක්ඛුනා රූපං, දිබ්බාය සොතධාතුයා සද්දං සුණාති. රූපායතනං චක්ඛුවිඤ්ඤාණස්ස, ඵොට්ඨබ්බායතනං කායවිඤ්ඤාණස්ස, පුරෙජාතපච්ච-. වත්ථු පුරෙජාතං චක්ඛායතනං චක්ඛුවිඤ්ඤාණස්ස -පෙ- වත්ථු උප්පන්නානං ඛන්ධානං පුරෙජාත පච්ච-.
උප්පන්නො ධම්මො උප්පන්නස්ස ධම්මස්ස පච්ඡාජාත පච්ච-. පච්ඡාජාතා උප්පන්නා ඛන්ධා පුරෙජාතස්ස ඉමස්ස කායස්ස පච්ඡාජාත පච්චයෙන පච්චයො.
උප්පන්නො ධම්මො උප්පන්නස්ස ධම්මස්ස කම්මපච්ච-. උප්පන්නා චෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං කම්මපච්ච-. පටිසන්ධික්ඛණෙ උප්පන්නා චෙතනා සම්පයුත්තකානං ඛන්ධානං කටත්තා ච රූපානං කම්මපච්ච-.
උප්පන්නො ධම්මො උප්පන්නස්ස ධම්මස්ස විපාකපච්ච-. විපාකො උප්පන්නො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං විපාක පච්ච-. ද්වෙ ඛන්ධා. පටිසන්ධික්ඛණෙ උප්පන්නො එකො ඛන්ධො තිණ්ණන්නං ඛන්ධානං කටත්තා ච රූපානං, ද්වෙ ඛන්ධා. ඛන්ධා වත්ථුස්ස විපාකපච්චයෙන පච්චයො.
උප්පන්නො ධම්මො උප්පන්නස්ස ධම්මස්ස ආහාරපච්ච-. උප්පන්නා ආහාරා සම්පයුත්තකානං ඛන්ධානං චිත්තසමුට්ඨානානඤ්ච රූපානං ආහාර පච්ච-. පටිසන්ධික්ඛණෙ කබළීකාරො ආහාරො ඉමස්ස කායස්ස ආහාර පච්ච-.
උප්පන්නො ධම්මො උප්පන්නස්ස ධම්මස්ස ඉන්ද්රියපච්ච-. උප්පන්නා ඉන්ද්රියා සම්පයුත්තකානං ඛන්ධානං චිත්තසමුට්ඨානානඤ්ච රූපානං ඉන්ද්රියපච්ච-. පටිසන්ධික්ඛණෙ චක්ඛුන්ද්රියං චක්ඛුවිඤ්ඤාණස්ස, කායින්ද්රියං කායවිඤ්ඤාණස්ස, රූපජීවිතින්ද්රියං කටත්තාරූපානං ඉන්ද්රිය පච්චයෙන පච්චයො.
උප්පන්නො ධම්මො උප්පන්නස්ස ධම්මස්ස ඣානපච්ච-. මග්ගපච්ච-. සම්පයුත්තපච්ච-. විප්පයුත්තපච්ච-. සහජාතං, පුරෙජාතං පච්ඡාජාතං, සහජාතා උප්පන්නා ඛන්ධා චිත්තසමුට්ඨානානං රූපානං විප්පයුත්තපච්ච-. පටිසන්ධික්ඛණෙ උප්පන්නා ඛන්ධා කටත්තාරූනං විප්පයුත්තපච්ච-. ඛන්ධා වත්ථුස්ස, වත්ථුඛන්ධානං විප්පයුත්තපච්ච-. පුරෙජාතං, චක්ඛායතනං චක්ඛුවිඤ්ඤාණස්ස, කායායතනං, වත්ථු උප්පන්නානං ඛන්ධානං විප්පයුත්ත පච්ච-. පච්ඡාජාතා උප්පන්නා ඛන්ධා පුරෙජාතස්ස ඉමස්ස කායස්ස විප්පයුත්තපච්ච-.
උප්පන්නො ධම්මො උප්පන්නස්ස ධම්මස්ස අත්ථිපච්චයෙන පච්චයො. සහජාතං, පුරෙජාතං, පච්ඡාජාතං, ආහාරං, ඉන්ද්රියං, - සහජාතො උප්පන්නො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං අත්ථිපච්ච-. ද්වෙ ඛන්ධා, පටිසන්ධික්ඛණෙ, (සංඛිත්තං.) එකං මහාභූතං, බාහිරං, ආහාරං, උතු, අසඤ්ඤසත්තානං, පුරෙජාතං, චක්ඛුං අනිච්චතො දුක්ඛතො, වත්ථුං, අනිච්චතො, දොමනස්සං උප්පජ්ජති, දිබ්බෙන චක්ඛුනා, දිබ්බාය සොතධාතුයා සද්දං සුණාති, රූපායතනං චක්ඛුවිඤ්ඤාණස්ස, ඵොට්ඨබ්බායතනං කායවිඤ්ඤාණස්ස අත්ථිපච්ච-. චක්ඛායතනං චක්ඛුවිඤ්ඤාණස්ස, කායායතනං කායවිඤ්ඤාණස්ස, වත්ථු
උප්පන්නානං ඛන්ධානං අත්ථිපච්ච-. පච්ඡාජාතා උප්පන්නා ඛන්ධා පුරෙජාතස්ස ඉමස්ස කායස්ස අත්ථිපච්ච-. කබළීකාරො ආහාරො ඉමස්ස කායස්ස, රූපජීවිතින්ද්රියං කටත්තාරූපානං අත්ථිපච්චයෙන පච්චයො.
උප්පන්නො ධම්මො උප්පන්නස්ස ධම්මස්ස අවිගතපච්චයෙන පච්චයො.
හෙතුයා එකං, ආරම්මණෙ තීණි, අධිපතියා තීණි, සහජාතෙ එකං, අඤ්ඤමඤ්ඤෙ එකං, නිස්සයෙ එකං, උපනිස්සයෙ තීණි, පුරෙජාතෙ එකං, පච්ඡාජාතෙ, කම්මෙ, විපාකෙ, ආහාරෙ, ඉන්ද්රියෙ, ඣානෙ, මග්ගෙ, සම්පයුත්තෙ, විප්පයුත්තෙ, අත්ථියා, අවිගතෙ එකං, (එවං ගණෙතබ්බං.)
අනුලොමං.
උප්පන්නො ධම්මො උප්පන්නස්ස ධම්මස්ස ආරම්මණපච්චයෙන පච්චයො සහජාතපච්ච-. උපනිස්සය, පුරෙජාත, පච්ඡාජාත, ආහාර, ඉන්ද්රිය.
අනුප්පන්නො ධම්මො උප්පන්නස්ස ධම්මස්ස ආරම්මණපච්ච-. උපනිස්සය පච්චයෙන පච්චයො.
උප්පාදිධම්මො උප්පන්නස්ස ධම්මස්ස ආරම්මණපච්ච-. උපනිස්සය පච්චයෙන පච්චයො.
න හෙතුයා තීණි, න ආරම්මණෙ තීණි, න අධිපතියා තීණි, -පෙ- න විප්පයුත්තෙ තීණි, නො අත්ථියා ද්වෙ, නො නත්ථියා තීණි, නො විගතො තීණි, නො අවිගතෙ ද්වෙ, (එවං ගණෙතබ්බං.)
පච්චනීයං.
හෙතුපච්චයා න ආරම්මණෙ එකං, (සංඛිත්තං.) නො නත්ථියා, නො විගතෙ එකං.
අනුලොමපච්චනීයං.
න හෙතුපච්චයා ආරම්මණෙ තීණි, අධිපතියා තීණි, සහජාතෙ එකං, අඤ්ඤමඤ්ඤෙ එකං, නිස්සයෙ එකං, උපනිස්සයෙ තීණි, පුරෙජාතෙ එකං, පච්ඡාජාතෙ එකං, කම්මෙ, විපාකෙ, ආහාරෙ, ඉන්ද්රියෙ, ඣානෙ, මග්ගෙ, සම්පයුත්තෙ විප්පයුත්තෙ, අත්ථියා, අවිගතෙ එකං.
පච්චනීයානුලොමං.
උප්පන්නත්තිකං නිට්ඨිතං.
18. අතීතත්තිකං.
පච්චුප්පන්නො ධම්මො පච්චුප්පන්නස්ස ධම්මස්ස හෙතුපච්චයෙන පච්චයො, පච්චුප්පන්නා හෙතු සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්ච-. පටිසන්ධික්ඛණෙ.
අතීතො ධම්මො පච්චුප්පන්නස්ස ධම්මස්ස ආරම්මණපච්ච-. දානං දත්වා, සීලං, උපොසථකම්මං. පච්චවෙක්ඛති, පුබ්බෙ සුවිණ්ණනි පච්චවෙක්ඛති, ඣානා ඵුට්ඨහිත්වා ඣානං පච්චවෙක්ඛති, අරියා මග්ගා වුට්ඨහිත්වා මග්ගං පච්චවෙක්ඛන්ති, ඵලං පච්චවෙක්ඛන්ති, පහීණෙ කිලෙසෙ පච්චවෙක්ඛන්ති, වික්ඛම්හිතෙ කිලෙසෙ පච්චවෙක්ඛන්ති, අතීතං චක්ඛුං අනිච්චතො දුක්ඛතො අනත්තතො විපස්සන්ති -පෙ- දොමනස්සං උප්පජ්ජති, අතීතං සොතං, ඝානං, ජිව්හං, කායං, රූපෙ, සද්දෙ, ගන්ධෙ, රසෙ, ඵොට්ඨබ්බෙ, වත්ථුං අතීතෙ ඛන්ධෙ අනිච්චතො දුක්ඛතො අනත්තතො විපස්සන්ති, අස්සාදෙන්ති, අභිනන්දන්ති, තං ආරබ්භ රාගො උප්පජ්ජති, දිට්ඨි උප්පජ්ජති, විචිකිච්ඡා, උද්ධච්චං, දොමනස්සං උප්පජ්ජති, ආකාසානඤ්චායතනං විඤ්ඤාණඤ්චායතනස්ස ආරම්මණ පච්ච-. ආකිඤ්චඤ්ඤායතනං නෙවසඤ්ඤානාසඤ්ඤායතනස්ස ආරම්මණ පච්ච-. අතීතා ඛන්ධා ඉද්ධිවිධඤාණස්ස, චෙතොපරියඤාණස්ස, පුබ්බෙනිවාසානුස්සති ඤාණස්ස, යථාකම්මූපග ඤාණස්ස, ආවජ්ජනාය ආරම්මණ පච්ච-.