මහග්ගතො-. මහග්ගතස්ස-. කම්මපච්චයෙන පච්චයො. සහජාතා නානාඛණිකා, සහජාතා මහග්ගතා චෙතනා සම්පයුත්තකානං ඛන්ධානං
කම්මපච්ච-. පටිසන්ධික්ඛණෙ මහග්ගතා චෙතනා සම්පයුත්තකානං ඛන්ධානං කම්මපච්ච-. නානාඛණිකා මහග්ගතා චෙතනා විපාකානං මහග්ගතානං ඛන්ධානං කම්මපච්ච-. මහග්ගතො පරිත්තස්ස කම්මපච්ච-. සහජාතා, නානාඛණිකා සහජාතා මහග්ගතා චෙතනා චිත්තසමුට්ඨානානං රූපානං කම්මපච්ච-. පටිසන්ධික්ඛණෙ මහග්ගතා චෙතනා කටත්තා රූපානං කම්මපච්ච-. නානාඛණිකා මහග්ගතා චෙතනා කටත්තා රූපානං කම්මපච්ච-. මහග්ගතො ධම්මො පරිත්තස්ස ච මහග්ගතස්ස ච-. කම්මපච්ච-. සහජාතා නානාඛණිකා, සහජාතා මහග්ගතා චෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං කම්මපච්ච-. පටිසන්ධික්ඛණෙ මහග්ගතා චෙතනා සම්පයුත්තකානං ඛන්ධානං කටත්තා ච රූපානං කම්මපච්ච-. නානාඛණිකා මහග්ගතා චෙතනා විපාකානං මහග්ගතානං ඛන්ධානං කටත්තා ච රූපානං කම්මපච්ච-.
අප්පමාණො-. අප්පමාණස්ස-. කම්මපච්ච. සහජාතා, නානාඛණිකා, - සහජාතා අප්පමාණාචෙතනා සම්පයුත්තකානං ඛන්ධානං කම්මපච්ච-. නානාඛණිකා අප්පමාණා චෙතනා විපාකානං අප්පමාණානං ඛන්ධානං කම්මපච්ච-.
අප්පමාණො-. පරිත්තස්ස-. කම්මපච්ච-. අප්පමාණා චෙතනා චිත්තසමුට්ඨානානං රූපානං කම්මපච්ච-.
අප්පමාණො-. පරිත්තස්ස ච අප්පමාණස්ස ච-. කම්මපච්ච-. අප්පමාණා චෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං කම්මපච්චයෙන පච්චයො.
පරිත්තො ධම්මො පරිත්තස්ස-. විපාකපච්චයෙන පච්චයො. විපාකො පරිත්තො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං විපාකපච්ච-. පටිසන්ධික්ඛණෙ ඛන්ධා වත්ථුස්ස විපාකපච්ච-. මහග්ගතො ධම්මො මහග්ගතස්ස ධම්මස්ස විපාකපච්ච-. තිස්සො පඤ්හා. පවත්ති (පටිසන්ධියා කාතබ්බා.) අප්පමාණො ධම්මො අප්පමාණස්ස ධම්මස්ස විපාකපච්ච-. තීණි, පවත්තිමෙව.
පරිත්තො ධම්මො පරිත්තස්ස ධම්මස්ස ආහාරපච්ච-. ඉන්ද්රියං, ඣානං, මග්ග, සම්පයුත්ත, විප්පයුත්තපච්ච, සහජාතං, පුරෙජාතං, පච්ඡාජාතං, - සහජාතා පරිත්තා ඛන්ධා චිත්තසමුට්ඨානානං විපාකානං විප්පයුත්තපච්ච-. පටිසන්ධික්ඛණෙ පරිත්තා ඛන්ධා කටත්තා රූපානං විප්පයුත්තපච්ච-. ඛන්ධා වත්ථුස්ස, වත්ථු ඛන්ධානං විප්පයුත්තපච්ච-. පුරෙජාතං චක්ඛායතනං චක්ඛුවිඤ්ඤාණස්ස විප්පයුත්තපච්ච-. කායායතනං
කායවිඤ්ඤාණස්ස විප්පයුත්තපච්ච-. වත්ථු පරිත්තානං ඛන්ධානං විප්පයුත්තපච්ච-. පච්ඡාජාතා පරිත්තා ඛන්ධා පුරෙජාතස්ස ඉමස්ස කායස්ස විප්පයුත්තපච්ච-.
පරිත්තො-. මහග්ගතස්ස-. විප්පයුත්තපච්ච-. සහජාතං, පුරෙජාතං, සහජාතා-. පටිසන්ධික්ඛණෙ වත්ථු මහග්ගතානං ඛන්ධානං විප්පයුත්තපච්ච-. පුරෙජාතං, වත්ථු මහග්ගතානං ඛන්ධානං විප්පයුත්තපච්ච-. පරිත්තො ධම්මො අප්පමාණස්ස ධම්මස්ස විප්පයුත්තපච්ච-. පුරෙජාතං, වත්ථු අප්පමාණානං ඛන්ධානං විප්පයුත්තපච්ච-. මහග්ගතො පරිත්තස්ස විප්පයුත්තපච්ච-. සහජාතං, පච්ඡාජාතං, - සහජාතා මහග්ගතා ඛන්ධා චිත්තසමුට්ඨානානං-. විප්පයුත්තපච්ච-. පච්ඡාජාතා මහග්ගතා ඛන්ධා පුරෙජාතස්ස ඉමස්ස කායස්සවිප්පයුත්තපච්ච-. අප්පමාණො-. පරිත්තස්ස-. විප්පයුත්ත, සහජාතං, පච්ඡාජාතං, - සහජාතා අප්පමාණා ඛන්ධා චිත්තසමුට්ඨානානං රූපානං විප්පයුත්ත, පච්ඡාජාතා අප්පමාණා ඛන්ධා පුරෙජාතස්ස ඉමස්ස කායස්ස විප්පයුත්ත.
පරිත්තො-. පරිත්තස්ස-. අත්ථිපච්චයෙන පච්චයො. සහජාතං, පුරෙජාතං, පච්ඡාජාතං, ආහාරං, ඉන්ද්රියං, - සහජාතො පරිත්තො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං අත්ථිපච්ච. ද්වෙ ඛන්ධො. පටිසන්ධික්ඛණෙ, ඛන්ධා වත්ථුස්ස අත්ථිපච්ච-. වත්ථු ඛන්ධානං අත්ථිපච්ච, එකං මහාභූතං, (සංඛිත්තං.) අසඤ්ඤසත්තානං පුරෙජාතං චක්ඛුං, වත්ථුං අනිච්චතො විපස්සති, අස්සාදෙති, අභිනන්දති, තං ආරබ්භ රාගො උප්පජ්ජති, දොමනස්සං උප්පජ්ජති, රූපායතනං චක්ඛුවිඤ්ඤාණස්ස ඵොට්ඨබ්බායතනං කායවිඤ්ඤාණස්ස, අත්ථිපච්ච-. චක්ඛායතනං චක්ඛුවිඤ්ඤාණස්ස අත්ථිපච්ච-. කායායතනං කායවිඤ්ඤාණස්ස, වත්ථු පරිත්තානං ඛන්ධානං අත්ථිපච්ච-. පච්ඡාජාතා පරිත්තා ඛන්ධා පුරෙජාතස්ස ඉමස්ස කායස්ස අත්ථිපච්ච-. කබළීකාරො ආහාරො ඉමස්ස කායස්ස අත්ථිපච්ච-. රූපජීවිතින්ද්රියං කටත්තා රූපානං අත්ථිපච්ච-.
පරිත්තො ධම්මො මහග්ගතස්ස-. අත්ථිපච්ච, සහජාතං, පුරෙජාතං, සහජාතං-. පටිසන්ධික්ඛණෙ වත්ථු මහග්ගතානං ඛන්ධානං අත්ථිපච්ච-. පුරෙජාතං-. දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං, වත්ථු මහග්ගතානං ඛන්ධානං අත්ථිපච්ච-.
පරිත්තො ධම්මො අප්පමාණස්ස-. අත්ථිපච්ච, පුරෙජාතං, වත්ථු අප්පමාණානං ඛන්ධානං අත්ථිපච්ච, මහග්ගතො-. මහග්ගතස්ස-. අත්ථිපච්ච, මහග්ගතො එකො ඛන්ධො තිණ්ණන්නං ඛන්ධානං, ද්වෙ ඛන්ධා, පටිසන්ධික්ඛණෙ මහග්ගතො පරිත්තස්ස අත්ථිපච්ච, සහජාතං, පච්ඡාජාතං, - සහජාතා මහග්ගතා ඛන්ධා චිත්තසමුට්ඨානානං රූපානං
අත්ථිපච්ච-. පටිසන්ධික්ඛණෙ මහග්ගතා ඛන්ධා කටත්තාරූපානං අත්ථිපච්ච, පච්ඡාජාතා මහග්ගතා ඛන්ධා පුරෙජාතස්ස ඉමස්ස කායස්ස අත්ථිපච්චයෙන පච්චයො. මහග්ගතො පරිත්තස්ස ච මහග්ගතස්ස ච ධම්මස්ස අත්ථිපච්ච-. මහග්ගතො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං අත්ථිපච්ච-. ද්වෙ ඛන්ධා. පටිසන්ධික්ඛණෙ, අප්පමාණො අප්පමාණස්ස අත්ථිපච්ච-. අප්පමාණො එකො ඛන්ධො තිණ්ණන්නං ඛන්ධානං.
අප්පමාණො ධම්මො පරිත්තස්ස-. අත්ථිපච්ච, සහජාතං, පච්ඡාජාතං, -සහජාතා අප්පමාණා ඛන්ධා චිත්තසමුට්ඨානානං රූපානං අත්ථිපච්ච-. පච්ඡාජාතා අප්පමාණා ඛන්ධා පුරෙජාතස්ස ඉමස්ස කායස්ස අත්ථිපච්ච-. අප්පමාණො ධම්මො පරිත්තස්ස ච අප්පමාණස්ස ච-. අත්ථිපච්ච, අප්පමාණො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං අත්ථිපච්ච-. පරිත්තො ච අප්පමාණො ච ධම්මා පරිත්තස්ස-. අත්ථිපච්ච-. සහජාතං, පච්චඡාජාතං, ආහාරං, ඉන්ද්රියං, - සහජාතා අප්පමාණා ඛන්ධා ච මහාභූතා ච චිත්තසමුට්ඨානානං රූපානං අත්ථිපච්ච-. පච්ඡාජාතා අප්පමාණා ඛන්ධා ච කබළීකාරො ආහාරො ච ඉමස්ස කායස්ස අත්ථිපච්ච-. පච්ඡාජාතා අප්පමාණා ඛන්ධා ච රූපජීවිතින්ද්රියඤ්ච කටත්තා රූපානං අත්ථිපච්ච-. පරිත්තො ච අප්පමාණො ච ධම්මා අප්පමාණස්ස ධම්මස්ස අත්ථිපච්ච-. සහජාතං, පුරෙජාතං- සහජාතො අප්පමාණො එකො ඛන්ධො ච වත්ථු ච තිණ්ණන්නං ඛන්ධානං අත්ථිපච්ච-. ද්වෙ ඛන්ධා.
පරිත්තො ච මහග්ගතො ච ධම්මා පරිත්තස්ස ධම්මස්ස අත්ථිපච්ච-. සහජාතං, පච්ඡාජාතං, ආහාරං, ඉන්ද්රියං, -සහජාතා මහග්ගතා ඛන්ධා ච මහාභූතා ච චිත්තසමුට්ඨානානං රූපානං අත්ථිපච්ච-. පටිසන්ධික්ඛණෙ මහග්ගතා ඛන්ධා ච මහාභූතා ච කටත්තා රූපානං අත්ථිපච්ච-. පච්ඡාජාතා මහග්ගතා ඛන්ධා ච කබළීකාරො ආහාරො ච ඉමස්ස කායස්ස. පච්ඡාජාතා මහග්ගතා ඛන්ධා ච රූපජීවිතින්ද්රියඤ්ච කටත්තා රූපානං අත්ථිපච්ච-. පරිත්තො ච මහග්ගතො ච ධම්මා මහග්ගතස්ස ධම්මස්ස අත්ථිපච්ච-. සහජාතං, පුරෙජාතං, -සහජාතො මහග්ගතො එකො ඛන්ධො ච වත්ථු ච තිණ්ණන්නං ඛන්ධානං අත්ථිපච්ච, ද්වෙ ඛන්ධා, පටිසන්ධික්ඛණෙ මහග්ගතො එකො ඛන්ධො ච වත්ථු ච තිණ්ණන්නං ඛන්ධානං අත්ථිපච්ච-. ද්වෙ ඛන්ධා ච, වත්ථු ච නත්ථි, විගත, අවිගතපච්ච-.
හෙතුයා සත්ත, ආරම්මණෙ සත්ත, අධිපතියා සත්ත, අනන්තරෙ නව, සමනන්තරෙ නව, සහජාතෙ එකාදස, අඤ්ඤමඤ්ඤෙ සත්ත, නිස්සයෙ තෙරස, උපනිස්සයෙ නව, පුරෙජාතෙ තීණි, පච්ඡාජාතෙ
තීණි, ආසෙවනෙ චත්තාරි, කම්මෙ සත්ත, විපාකෙ, ආහාරෙ, ඉන්ද්රියෙ, ඣානෙ, මග්ගෙ සත්ත, සම්පයුත්තෙ තීණි, විප්පයුත්තෙ පඤ්ච, අත්ථියා තෙරස, නත්ථියා නව, විගතෙ නව, අවිගතෙ තෙරස, (එවං ගණෙතබ්බං.)
අනුලොමං.
පරිත්තො ධම්මො පරිත්තස්ස ධම්මස්ස ආරම්මණපච්චයෙන පච්චයො, සහජාතපච්ච, උපනිස්සයපච්ච, පුරෙජාත, පච්ඡාජාත, කම්මපච්ච, ආහාර, ඉන්ද්රියපච්චයෙන පච්චයො. පරිත්තො-. මහග්ගතස්ස-. ආරම්මණ, සහජාත, උපනිස්සයපච්ච, පුරෙජාතපච්ච, පරිත්තො අප්පමාණස්ස-. උපනිස්සයපච්ච, පුරෙජාතපච්ච, මහග්ගතො-. මහග්ගතස්ස-. ආරම්මණ, සහජාතපච්ච, උපනිස්සය, මහග්ගතො-. පරිත්තස්ස-. ආරම්මණ, සහජාතපච්ච-. උපනිස්සය, පච්ඡාජාත, කම්මපච්චයෙන පච්චයො, මහග්ගතො ධම්මො අප්පමාණස්ස ධම්මස්ස උපනිස්සයපච්චයෙන පච්චයො, මහග්ගතො පරිත්තස්ස ච මහග්ගතස්ස ච සහජාත, කම්මපච්චයෙන පච්චයො. අප්පමාණො ධම්මො අප්පමාණස්ස-. සහජාත පච්චයෙන පච්චයො, උපනිස්සයපච්චයෙන පච්චයො, අප්පමාණො පරිත්තස්ස ධම්මස්ස ආරම්මණපච්චයෙන පච්චයො, සහජාත, උපනිස්සය, පච්ඡාජාතපච්චයෙන පච්චයො, අප්පමාණො මහග්ගතස්ස ආරම්මණපච්චයෙන පච්චයො, උපනිස්සය, අප්පමාණො-. පරිත්තස්ස ච අප්පමාණස්ස ච-. සහජාතපච්ච-. පරිත්තො ච අප්පමාණො ච ධම්මා පරිත්තස්ස ධම්මස්ස, සහජාතං, පච්ඡාජාතං, ආහාරං, ඉන්ද්රියං, පරිත්තො ච අප්පමාණො ච ධම්මා අප්පමාණස්ස-. සහජාතං, පුරෙජාතං, පරිත්තො ච මහග්ගතො ච ධම්මා පරිත්තස්ස ධම්මස්ස සහජාතං, පච්ඡාජාතං, ආහාරං, ඉන්ද්රියං, පරිත්තො ච මහග්ගතො ච ධම්මා මහග්ගතස්ස සහජාතං, පුරෙජාතං.
න හෙතුයා පණ්ණරස, න ආරම්මණෙ පණ්ණරස, න අධිපතියා. න අනන්තරෙ, න සමනන්තරෙ පණ්ණරස, න සහජාතෙ ද්වාදස, න අඤ්ඤමඤ්ඤෙ ද්වාදස, න නිස්සයෙ ද්වාදස, න උපනිස්සයෙ චුද්දස, න පුරෙජාතෙ චුද්දස. න පච්ඡාජාතෙ පණ්ණරස, න ආසෙවනෙ, (සංඛිත්තං.) න මග්ගෙ පණ්ණරස, න සම්පයුත්තෙ ද්වාදස, න විප්පයුත්තෙ දස, නො අත්ථියා දස, නො නත්ථියා පණ්ණරස, නො විගතෙ පණ්ණරස, නො අවිගතෙ දස, (එවං ගණෙතබ්බං.)
පච්චනීයං.
හෙතුපච්චයා, න ආරම්මණෙ සත්ත, න අධිපතියා, න අනන්තරෙ, න සමනන්තරෙ සත්ත, න අඤ්ඤමඤ්ඤෙ තීණි, න උපනිස්සයෙ සත්ත, න පුරෙජාතෙ, (සංඛිත්තං.) න මග්ගෙ සත්ත, න සම්පයුත්තෙ
තීණි, න විප්පයුත්තෙ තීණි, නො නත්ථියා සත්ත, නො විගතෙ සත්ත, (එවං ගණෙතබ්බං.)
අනුලොමපච්චනීයං.
න හෙතුපච්චයා ආරම්මණෙ සත්ත, අධිපතියා සත්ත, අනන්තරෙ නව, සමනන්තරෙ නව, සහජාතෙ එකාදස, අඤ්ඤමඤ්ඤෙ සත්ත, නිස්සයෙ තෙරස, උපනිස්සයෙ නව, පුරෙජාතෙ තීණි, පච්ඡාජාතෙ තීණි, ආසෙවනෙ චත්තාරි, කම්මෙ සත්ත, (සංඛිත්තං.) මග්ගෙ සත්ත, සම්පයුත්තෙ තීණි, විප්පයුත්තෙ පඤ්ච, අත්ථියා තෙරස, නත්ථියා නව, විගතෙ නව, අවිගතෙ තෙරස.
පච්චනීයානුලොමං.
පරිත්තත්තිකං නිට්ඨිතං.
13. පරිත්තාරම්මණත්තිකං.
පරිත්තාරම්මණං ධම්මං පටිච්ච පරිත්තාරම්මණො ධම්මො උප්පජ්ජති හෙතුපච්චයා, පරිත්තාරම්මණං එකං ඛන්ධං පටිච්ච තයො ඛන්ධා, ද්වෙ ඛන්ධෙ පටිසන්ධික්ඛණෙ පරිත්තාරම්මණං එකං ඛන්ධං පටිච්ච තයො ඛන්ධා, ද්වෙ ඛන්ධෙ මහග්ගතාරම්මණං ධම්මං පටිච්ච මහග්ගතාරම්මණො ධම්මො උප්පජ්ජති හෙතුපච්චයා. මහග්ගතාරම්මණං එකං ඛන්ධං පටිච්ච තයො ඛන්ධා, ද්වෙ ඛන්ධෙ පටිච්ච පටිසන්ධික්ඛණෙ මහග්ගතාරම්මණං-. අප්පමාණාරම්මණං ධම්මං පටිච්ච අප්පමාණාරම්මණො ධම්මො. උප්පජ්ජති හෙතු පච්චයා, අප්පමාණාරම්මණං එකං ඛන්ධං පටිච්ච තයො ඛන්ධා, ද්වෙ ඛන්ධෙ-. පරිත්තාරම්මණං ධම්මං පටිච්ච පරිත්තාරම්මණො ධම්මො උප්පජ්ජති ආරම්මණපච්චයා, අධිපතිපච්චයා, (සංඛිත්තං.) අවිගතපච්චයා.
හෙතුයා තීණි, ආරම්මණෙ තීණි අධිපතියා තීණි, (සංඛිත්තං) අවිගතෙ තීණි. (එවං ගණෙතබ්බං.)
අනුලොමං.
පරිත්තාරම්මණං ධම්මං පටිච්ච පරිත්තාරම්මණො. ධම්මො උප්පජ්ජති න හෙතුපච්චයා, අහෙතුකං පරිත්තාරම්මණං එකං ඛන්ධං පටිච්ච තයො ඛන්ධා, ද්වෙ ඛන්ධෙ, අහෙතුක පටිසන්ධික්ඛණෙ පරිත්තාරම්මණං එකං ඛන්ධං පටිච්ච තයො ඛන්ධා, ද්වෙ ඛන්ධෙ-. විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො, මහග්ගතාරම්මණං ධම්මං පටිච්ච මහග්ගතාරම්මණො ධම්මො, න හෙතු පච්චයා. අහෙතුකං මහග්ගතාරම්මණං එකං ඛන්ධං පටිච්ච තයො ඛන්ධා, ද්වෙ ඛන්ධෙ, විචිකිච්ඡාසහගතෙ උද්ධච්චසහගතෙ
ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො, අප්පමාණාරම්මණං ධම්මං පටිච්ච අප්පමාණාරම්මණො, න හෙතුපච්චයා, අහෙතුකං අප්පමාණාරම්මණං එකං ඛන්ධං පටිච්ච තයො ඛන්ධා, ද්වෙ ඛන්ධෙ.
පරිත්තාරම්මණං ධම්මං පටිච්ච පරිත්තාරම්මණො ධම්මො උප්පජ්ජති න අධිපතිපච්චයා, පරිත්තාරම්මණං එකං ඛන්ධං පටිච්ච තයො ඛන්ධා, ද්වෙ ඛන්ධෙ. පටිසන්ධික්ඛණෙ, මහග්ගතාරම්මණං, මහග්ගතාරම්මණො ධම්මො උපජ්ජති න අධිපතිපච්චයා, මහග්ගතාරම්මණං එකං ඛන්ධං පටිච්ච තයො ඛන්ධා, ද්වෙ ඛන්ධෙ. පටිසන්ධික්ඛණෙ, අප්පමාණාරම්මණං, අප්පමාණාරම්මණො, න අධිපති පච්චයා. අප්පමාණාරම්මණං එකං ඛන්ධං පටිච්ච තයො ඛන්ධා, ද්වෙ ඛන්ධෙ.
පරිත්තාරම්මණං ධම්මං පටිච්ච පරිත්තාරම්මණො, න පුරෙජාත පච්චයා, අරූපෙ පරිත්තාරම්මණං එකං ඛන්ධං, පටිසන්ධික්ඛණෙ, මහග්ගතාරම්මණං ධම්මං, මහග්ගතාරම්මණො, න පුරෙජාතපච්චයා. අරූපෙ මහග්ගතාරම්මණං එකං ඛන්ධං පටිච්ච තයො ඛන්ධා, ද්වෙ ඛන්ධෙ, න පුරෙජාත පච්චයා. මහග්ගතාරම්මණෙ පටිසන්ධි නත්ථි, අප්පමාණාරම්මණං, අප්පමාණාරම්මණො ධම්මො-. න පුරෙජාතපච්චයා, අරූපෙ අප්පමාණාරම්මණං එකං ඛන්ධං පටිච්ච තයො ඛන්ධා, ද්වෙ ඛන්ධෙ: (න පච්ඡාජාත පච්චයඤ්ච, න ආසෙවන පච්චයඤ්ච න අධිපති සදිසං.)
පරිත්තාරම්මණං ධම්මං, පරිත්තාරම්මණො ධම්මො, න කම්ම පච්චයා, පරිත්තාරම්මණෙ ඛන්ධෙ පටිච්ච පරිත්තාරම්මණා චෙතනා, මහග්ගතාරම්මණං ධම්මං පටිච්ච මහග්ගතාරම්මණො-. න කම්මපච්චයා මහග්ගතාරම්මණෙ ඛන්ධෙ පටිච්ච මහග්ගතාරම්මණා චෙතනා, අප්පමාණාරම්මණං, අප්පමාණාරම්මණො, න කම්මපච්චයා, අප්පමාණාරම්මණෙ ඛන්ධෙ පටිච්ච අප්පමාණාරම්මණා චෙතනා.
පරිත්තාරම්මණං ධම්මං-. පරිත්තාරම්මණො-. න විපාක පච්චයා. පටිසන්ධි නත්ථි, න ඣාන පච්චයා, පඤ්චවිඤ්ඤාණසහගතං එකං ඛන්ධං පටිච්ච තයො ඛන්ධා, ද්වෙ ඛන්ධෙ. න මග්ග පච්චයා අහෙතුකං පරිත්තාරම්මණං එකං ඛන්ධං, ද්වෙ ඛන්ධෙ, අහෙතුක පටිසන්ධික්ඛණෙ ද්වෙ ඛන්ධෙ, මහග්ගතාරම්මණං ධම්මං, මහග්ගතාරම්මණො-. න මග්ග පච්චයා අහෙතුකං මහග්ගතාරම්මණං එකං ඛන්ධං-. ද්වෙ ඛන්ධෙ, අප්පමාණාරම්මණං ධම්මං-. අප්පමාණාරම්මණො-. න මග්ග පච්චයා. අහෙතුකං අප්පමාණාරම්මණං එකං ඛන්ධං-. ද්වෙ ඛන්ධෙ, පරිත්තාරම්මණං, පරිත්තාරම්මණො-. න විප්පයුත්ත පච්චයා. අරූපෙ පරිත්තා-
රම්මණං එකං ඛන්ධං-. මහග්ගතාරම්මණං-. මහග්ගතාරම්මණො-. න විප්පයුත්ත පච්චයා. අරූපෙ මහග්ගතාරම්මණං එකං ඛන්ධං-. අප්පමාණාරම්මණං ධම්මං-. අප්පමාණාරම්මණො-. න විප්පයුත්ත පච්චයා අරූපෙ අප්පමාණාරම්මණං එකං, ඛන්ධං-. ද්වෙ ඛන්ධෙ.
න හෙතුයා තීණි, න අධිපතියා තීණි, -පෙ- න පුරෙජාතෙ තීණි, න පච්ඡාජාතෙ තීණි, න ආසෙවනෙ තීණි, න කම්මෙ තීණි, න විපාකෙ තීණි, න ඣානෙ එකං. න මග්ගෙ තීණි, න විප්පයුත්තෙ තීණි, (එවං ගණෙතබ්බං,)
පච්චනීයං.
හෙතු පච්චයා න අධිපතියා තීණි, න පුරෙජාතෙ තීණි, න පච්ඡාජාතෙ තීණි, න ආසෙවනෙ තීණි, න කම්මෙ තීණි, න විපාකෙ තීණි, න විප්පයුත්තෙ තීණි. (එවං ගණෙතබ්බං.)
අනුලොමපච්චනීයං.
න හෙතු පච්චයා ආරම්මණෙ තීණි, අනන්තරෙ තීණි, සමනන්තරෙ තීණි, සහජාතෙ තීණි, අඤ්ඤමඤ්ඤෙ තීණි, නිස්සයෙ තීණි. උපනිස්සයෙ තීණි, පුරෙජාතෙ තීණි, ආසෙවනෙ ද්වෙ, කම්මෙ තීණි, විපාකෙ එකං, ආහාරෙ තීණි, ඉන්ද්රියෙ තීණි, ඣානෙ තීණි, මග්ගෙ ද්වෙ, සම්පයුත්තෙ තීණි, විප්පයුත්තෙ තීණි, අත්ථියා තීණි, නත්ථියා තීණි, විගතෙ තීණි, අවිගතෙ තීණි. (එවං ගණෙතබ්බං.)
පච්චනීයානුලොමං.
(සහජාතවාරො’පි පච්චයවාරො’පි නිස්සයවාරො’පි සංසට්ඨවාරො’පි සම්පයුත්තවාරො’පි පටිච්චවාර සදිසො.)
පරිත්තාරම්මණො ධම්මො පරිත්තාරම්මණස්ස ධම්මස්ස හෙතුපච්චයෙන පච්චයො. පරිත්තාරම්මණා හෙතු සම්පයුත්තකානං ඛන්ධානං හෙතු පච්චයෙන පච්චයො. පටිසන්ධික්ඛණෙ පරිත්තාරම්මණා හෙතු සම්පයුත්තකානං ඛන්ධානං හෙතු පච්චයෙන පච්චයො, මහග්ගතාරම්මණො, මහග්ගතාරම්මණස්ස හෙතු පච්චයෙන පච්චයො. මහග්ගතාරම්මණා හෙතු සම්පයුත්තකානං ඛන්ධානං හෙතු පච්චයෙන පච්චයො. පටිසන්ධික්ඛණෙ අප්පමාණාරම්මණො ධම්මො අප්පමාණාරම්මණස්ස හෙතු පච්චයෙන පච්චයො, අප්පමාණාරම්මණා හෙතු සම්පයුත්තකානං ඛන්ධානං හෙතු පච්චයෙන පච්චයො.
පරිත්තාරම්මණො ධම්මො පරිත්තාරම්මණස්ස ධම්මස්ස ආරම්මණපච්චයෙන පච්චයො, දානං දත්වා, සීලං සමාදියිත්වා, උපොසථකම්මං කත්වා තං පච්චවෙක්ඛති, පුබ්බෙ සුචිණ්ණානි පච්චවෙක්ඛති, අරියා
පරිත්තාරම්මණෙ පහීණෙ කිලෙසෙ පච්චවෙක්ඛන්ති, වික්ඛම්භිතෙ කිලෙසෙ පච්චවෙක්ඛන්ති, පුබ්බෙ සමුදාචිණ්ණෙ කිලෙසෙ ජානන්ති, පරිත්තාරම්මණෙ පරිත්තෙ ඛන්ධෙ අනිච්චතො දුක්ඛතො අනත්තතො විපස්සන්ති, අස්සාදෙන්ති, අභිනන්දන්ති, තං ආරබ්භ පරිත්තාරම්මණො රාගො උප්පජ්ජති, දොමනස්සං උප්පජ්ජති, චෙතොපරියඤාණෙන පරිත්තාරම්මණපරිත්තචිත්තසමඞ්ගිස්ස චිත්තං ජානාති, පරිත්තාරම්මණා පරිත්තා ඛන්ධා චෙතොපරියඤාණස්ස, පුබ්බෙනිවාසානුස්සති ඤාණස්ස, යථාකම්මූපගඤාණස්ස, අනාගතංස ඤාණස්ස ආවජ්ජනාය ආරම්මණපච්චයෙන පච්චයො.
පරිත්තාරම්මණො ධම්මො මහග්ගතාරම්මණස්ස ධම්මස්ස ආරම්මණ පච්චයෙන පච්චයො. දිබ්බං චක්ඛුං පච්චවෙක්ඛති, දිබ්බං සොතධාතුං පච්චවෙක්ඛති, පරිත්තාරම්මණං ඉද්ධිවිධඤාණං පච්චවෙක්ඛති, චෙතොපරියඤාණං, පුබ්බෙනිවාසානුස්සති ඤාණං, යථාකම්මූපගඤාණං. අනාගතංසඤාණං, පච්චවෙක්ඛති, පරිත්තාරම්මණෙ මහග්ගතෙ ඛන්ධෙ අනිච්චතො විපස්සති, අස්සාදෙති, අභිනන්දති තං ආරබ්භ මහග්ගතාරම්මණො රාගො, දොමනස්සං උප්පජ්ජති, චෙතොපරියඤාණෙන පරිත්තාරම්මණ මහග්ගතචිත්තසමඞ්ගිස්ස චිත්තං ජානාති, පරිත්තාරම්මණා මහග්ගතා ඛන්ධා චෙතොපරියඤාණස්ස, පුබ්බෙනිවාසානුස්සති ඤාණස්ස, අනාගතංස ඤාණස්ස, ආවජ්ජනාය ආරම්මණපච්චයෙන පච්චයො.
මහග්ගතාරම්මණො ධම්මො මහග්ගතාරම්මණස්ස-. ආරම්මණපච්චයෙන පච්චයො, -පෙ- විඤ්ඤාණඤ්චායතනං පච්චවෙක්ඛති, නෙව සඤ්ඤානාසඤ්ඤායතනං පච්චවෙක්ඛති, මහග්ගතාරම්මණං පච්චවෙක්ඛති, චෙතොපරියඤාණං, පුබ්බෙනිවාසානුස්සතිඤාණං, යථාකම්මූපග ඤාණං, අනාගතංසඤාණං පච්චවෙක්ඛති, මහග්ගතාරම්මණෙ මහග්ගතෙ ඛන්ධෙ අනිච්චතො විපස්සති, අස්සාදෙති, තං ආරබ්භ මහග්ගතාරම්මණො රාගො, දොමනස්සං උප්පජ්ජති, චෙතොපරියඤාණෙන මහග්ගතාරම්මණමහග්ගත චිත්තසමඞ්ගිස්ස චිත්තං ජානාති, මහග්ගතාරම්මණා මහග්ගතා ඛන්ධා චෙතොපරියඤාණස්ස, පුබ්බෙනිවාසානුස්සති ඤාණස්ස, යථාකම්මූපගඤාණස්ස, අනාගතංසඤාණස්ස, ආවජ්ජනාය ආරම්මණපච්චයෙන පච්චයො.
මහග්ගතාරම්මණො ධම්මො පරිත්තාරම්මණස්ස ධම්මස්ස ආරම්මණ පච්චයෙන පච්චයො. පඨමඣාන පච්චවෙක්ඛනං පච්චවෙක්ඛති, නෙවසඤ්ඤානාසඤ්ඤායතනං පච්චවෙක්ඛනං පච්චවෙක්ඛති, දිබ්බචක්ඛු පච්චවෙක්ඛනං පච්චවෙක්ඛති, දිබ්බසොතධාතුපච්චවෙක්ඛනං පච්චවෙක්ඛති, ඉද්ධිවිධ චෙතොපරියඤාණං, පුබ්බෙනිවාසානුස්සතිඤාණං, යථාකම්මූපගඤාණං, අනාගතංසඤාණං පච්චවෙක්ඛනං පච්චවෙක්ඛති.
අරියා මහග්ගතාරම්මණෙ පහීනකිලෙසෙ පච්චවෙක්ඛන්ති, වික්ඛම්හිතකිලෙසෙ පච්චවෙක්ඛන්ති, පුබ්බෙ සමුදාචිණ්ණෙ මහග්ගතාරම්මණෙ පරිත්තෙ ඛන්ධෙ අනිච්චතො විපස්සති, අස්සාදෙති, අභිනන්දති, තං ආරබ්භ පරිත්තාරම්මණො රාගො-. දොමනස්සං උප්පජ්ජති, චෙතොපරියඤාණෙන මහග්ගතාරම්මණපරිත්තචිත්තසමඞ්ගිස්ස චිත්තං ජානාති, මහග්ගතාරම්මණා පරිත්තා ඛන්ධා චෙතොපරියඤාණස්ස, පුබ්බෙනිවාසානුස්සතිඤාණස්ස, යථාකම්මූපගඤාණස්ස, අනාගතංසඤාණස්ස, ආවජ්ජනාය ආරම්මණපච්චයෙන පච්චයො.
අප්පමාණාරම්මණො ධම්මො අප්පමාණාරම්මණස්ස ධම්මස්ස ආරම්මණ පච්චයෙන පච්චයො, අරියා මග්ගාවුට්ඨහිත්වා මග්ගං පච්චවෙක්ඛන්ති, ඵලං පච්චවෙක්ඛන්ති, චෙතොපරියඤාණෙන අප්පමාණාරම්මණපරිත්තචිත්තසමඞ්ගිස්ස චිත්තං ජානාති, අප්පමාණාරම්මණා ඛන්ධා චෙතොපරියඤාණස්ස, පුබ්බෙනිවාසානුස්සති ඤාණස්ස, යථාකම්මූපගඤාණස්ස, අනාගතංසඤාණස්ස, ආවජ්ජනාය ආරම්මණපච්චයෙන පච්චයො. අප්පමාණාරම්මණො ධම්මො පරිත්තාරම්මණස්ස ධම්මස්ස ආරම්මණ පච්චයෙන පච්චයො. අරියා ගොත්රභුං පච්චවෙක්ඛන්ති, වොදානං පච්චවෙක්ඛන්ති, මග්ගපච්චවෙක්ඛනං ඵලං පච්චවෙක්ඛනං පච්චවෙක්ඛන්ති, නිබ්බානපච්චවෙක්ඛනං පච්චවෙක්ඛන්ති, අප්පමාණාරම්මණෙ පරිත්තෙ ඛන්ධෙ අනිච්චතො විපස්සති, චෙතොපරියඤාණෙන අප්පමාණාරම්මණපරිත්තචිත්තසමඞ්ගිස්ස චිත්තං ජානාති, අප්පමාණාරම්මණා පරිත්තා ඛන්ධා, චෙතොපරියඤාණස්ස, පුබ්බෙනිවාසානුස්සතිඤාණස්ස, යථාකම්මූපගඤාණස්ස, අනාගතංසඤාණස්ස, ආවජ්ජනාය ආරම්මණ පච්චයෙන පච්චයො.
අප්පමාණාරම්මණො ධම්මො මහග්ගතාරම්මණස්ස ධම්මස්ස ආරම්මණ පච්චයෙන පච්චයො. අරියා අප්පමාණාරම්මණා චෙතොපරියඤාණං පච්චවෙක්ඛන්ති, පුබ්බෙනිවාසා, අනාගතංස, ආවජ්ජනාය, ආරම්මණ පච්චයෙන පච්චයො.
පරිත්තාරම්මණො ධම්මො පරිත්තාරම්මණස්ස ධම්මස්ස අධිපතිපච්චයෙන පච්චයො, ආරම්මණාධිපති, සහජාතාධිපති, - ආරම්මණාධිපති: දානං දත්වා, සීලං සමාදියිත්වා උපොසථකම්මං කත්වා තං ගරුංකත්වා පච්චවෙක්ඛති, පුබ්බෙ සුචිණ්ණානි තං ගරුං කත්වා පච්චවෙක්ඛති. පරිත්තාරම්මණෙ පරිත්තෙ ඛන්ධෙ ගරුං කත්වා අස්සාදෙති, අභිනන්දති, තං ගරුං කත්වා රාගො උප්පජ්ජති, දිට්ඨි උප්පජ්ජති. සහජාතාධිපති පරිත්තාරම්මණාධිපති සම්පයුත්තකානං ඛන්ධානං අධිපති පච්චයෙන පච්චයො.
පරිත්තාරම්මණො ධම්මො මහග්ගතාරම්මණස්ස ධම්මස්ස අධිපති පච්චයෙන පච්චයො. ආරම්මණාධිපති දිබ්බං චක්ඛුං ගරුං කත්වා පච්චවෙක්ඛති. දිබ්බං සොත ධාතුං පරිත්තාරම්මණං ඉද්ධිවිධඤාණං, චෙතො පරියඤාණං, පුබ්බෙනිවාසානුස්සති ඤාණං, යථාකම්මූපගඤාණං. අනාගතංසඤාණං, පච්චවෙක්ඛති, පරිත්තාරම්මණෙ මහග්ගතෙ ඛන්ධෙ ගරුං කත්වා අස්සාදෙති, තං ගරුං කත්වා මහග්ගතාරම්මණො රාගො, දිට්ඨි උප්පජ්ජති.
මහග්ගතාරම්මණො ධම්මො මහග්ගතාරම්මණස්ස-. අධිපතිපච්ච-. ආරම්මණාධිපති, සහජාතාධිපති, -ආරම්මණාධිපති: විඤ්ඤාණඤ්චායතනං ගරුං කත්වා, නෙවසඤ්ඤානාසඤ්ඤා, මහග්ගතාරම්මණං, ඉද්ධිවිධඤාණං, චෙතොපරිය, පුබ්බෙනිවාසා, යථාකම්මූපග අනාගතංසඤාණං, ගරුං කත්වා-. මහග්ගතාරම්මණෙ මහග්ගතෙ ඛන්ධෙ ගරුං කත්වා අස්සාදෙති. තං ගරුං කත්වා මහග්ගතාරම්මණො රාගො. දිට්ඨි, සහජාතාධිපති, මහග්ගතාරම්මණාධිපති, සම්පයුත්තකානං ඛන්ධානං අධිපති පච්ච-.
මහග්ගතාරම්මණො ධම්මො පරිත්තාරම්මණස්ස ධම්මස්ස අධිපති පච්ච-. ආරම්මණාධිපති පඨමජ්ඣානපච්චවෙක්ඛනං ගරුං කත්වා පච්චවෙක්ඛති. අනාගතංසඤාණපච්චවෙක්ඛනං ගරුං කත්වා, මහග්ගතාරම්මණෙ පරිත්තෙ ඛන්ධෙ ගරුං කත්වා අස්සාදෙති, තං ගරුං කත්වා පරිත්තාරම්මණො රාගො, දිට්ඨි උප්පජ්ජති. අප්පමාණාරම්මණො ධම්මො අප්පමාණාරම්මණස්ස ධම්මස්ස අධිපති පච්චයෙන පච්චයො. ආරම්මණාධිපති, සහජාතාධිපති, ආරම්මණාධිපති: අරියා මග්ගා වුට්ඨහිත්වා මග්ගං ගරුං කත්වා පච්චවෙක්ඛන්ති. ඵලං ගරුං කත්වා, සහජාතාධිපති, අප්පමාණාරම්මණාධිපති සම්පයුත්තකානං. ඛන්ධානං-. අප්පමාණාරම්මණො ධම්මො පරිත්තාරම්මණස්ස, ආරම්මණාධිපති, සෙඛා ගොත්රභුං ගරුං කත්වා පච්චවෙක්ඛන්ති. වොදානං ගරුං කත්වා පච්චවෙක්ඛන්ති. මග්ගපච්චවෙක්ඛණං ගරුං කත්වා පච්චවෙක්ඛන්ති, ඵලං පච්චවෙක්ඛනං, නිබ්බාණපච්චවෙක්ඛණං, ගරුං කත්වා පච්චවෙක්ඛන්ති, අප්පමාණාරම්මණො ධම්මො මහග්ගතාරම්මණස්ස ධම්මස්ස අධිපති, ආරම්මණාධිපති, සෙඛා අප්පමාණාරම්මණං චෙතොපරියඤාණං ගරුං කත්වා පුබ්බෙනිවාසා, අනාගතංසඤාණං ගරුං කත්වා පච්චවෙක්ඛන්ති.
පරිත්තාරම්මණො ධම්මො පරිත්තාරම්මණස්ස ධම්මස්ස අනන්තර පච්චයෙන පච්චයො. පුරිමා පුරිමා පරිත්තාරම්මණා ඛන්ධා පච්ඡිමානං පච්ඡිමානං අනන්තර පච්චයෙන පච්චයො. පරිත්තාරම්මණො මහග්ගතාරම්මණස්ස ධම්මස්ස අනන්තර පච්චයෙන පච්චයො. පරිත්තාරම්මණං චුතිචිත්තං මහග්ගතාරම්මණස්ස උප්පත්තිචිත්තස්ස
අනන්තරපච්චයෙන පච්චයො. පරිත්තාරම්මණං භවඞ්ගං මහග්ගතාරම්මණාය අවජ්ජනාය අනන්තරපච්චයෙන පච්චයො. පරිත්තාරම්මණා ඛන්ධා මහග්ගතාරම්මණස්ස වුට්ඨානස්ස අනන්තරපච්චයෙන පච්චයො: පරිත්තාරම්මණො ධම්මො අප්පමාණාරම්මණස්ස-. අනන්තර පච්චයෙන. පච්චයො. පරිත්තාරම්මණං-. අනුලොමං ගොත්රභුස්ස, අනුලොමං වොදානස්ස, අනුලොමං ඵලසමාපත්තියා අනන්තරපච්චයෙන පච්චයො.
මහග්ගතාරම්මණො ධම්මො මහග්ගතාරම්මණස්ස ධම්මස්ස අනන්තරපච්චයෙන පච්චයො. පුරිමා පුරිමා මහග්ගතාරම්මණා ඛන්ධා පච්ඡිමානං පච්ඡිමානං අනන්තරපච්චයෙන පච්චයො. මහග්ගතාරම්මණො පරිත්තාරම්මණස්ස අනන්තරපච්චයෙන පච්චයො. මහග්ගතාරම්මණං චුතිචිත්තං පරිත්තාරම්මණස්ස උපපත්තිචිත්තස්ස අනන්තරපච්චයෙන පච්චයො. මහග්ගතාරම්මණං භවඞ්ගං පරිත්තාරම්මණාය ආවජ්ජනාය අනන්තරපච්චයෙන පච්චයො. මහග්ගතාරම්මණා ඛන්ධා පරිත්තාරම්මණස්ස වුට්ඨානස්ස අනන්තරපච්චයෙන පච්චයො. මහග්ගතාරම්මණො අප්පමාණාරම්මණස්ස, මහග්ගතාරම්මණං අනුලොමං ගොත්රභුස්ස, අනුලොමං වොදානස්ස, අනුලොමං ඵලසමාපත්තියා, නිරොධා වුට්ඨහන්තස්ස, නෙවසඤ්ඤානාසඤ්ඤායතනං ඵලසමාපත්තියා අනන්තරපච්චයෙන පච්චයො.
අප්පමාණාරම්මණො අප්පමාණාරම්මණස්ස අනන්තරපච්චයෙන පච්චයො. පුරිමා පුරිමා අප්පමාණාරම්මණා-. පච්ඡිමානං පච්ඡිමානං අනන්තරපච්ච-. ගොත්රභු මග්ගස්ස, වොදානං මග්ගස්ස, මග්ගො ඵලස්ස, ඵලං ඵලස්ස, අනන්තර පච්ච-. අප්පමාණාරම්මණො පරිත්තාරම්මණස්ස අනන්තරපච්ච-. මග්ගපච්චවෙක්ඛනා පරිත්තාරම්මණස්ස වුට්ඨානස්ස ඵලපච්චවෙක්ඛනා පරිත්තාරම්මණස්ස වුට්ඨානස්ස. නිබ්බානපච්චවෙක්ඛනා පරිත්තාරම්මණස්ස වුට්ඨානස්ස, අප්පමාණාරම්මණං චෙතොපරියඤාණං පරිත්තාරම්මණස්ස වුට්ඨානස්ස, පුබ්බෙනිවාසානුස්සතිඤාණං පරිත්තාරම්මණස්ස වුට්ඨානස්ස, අනාගතංස ඤාණං පරිත්තාරම්මණස්ස වුට්ඨානස්ස, ඵලං පරිත්තාරම්මණස්ස වුට්ඨානස්ස අනන්තර පච්ච-. අප්පමාණාරම්මණො ධම්මො මහග්ගතාරම්මණස්ස අනන්තර පච්ච-. මග්ගපච්චවෙක්ඛනා මහග්ගතාරම්මණස්ස වුට්ඨානස්ස, ඵලපච්චවෙක්ඛනා මහග්ගතා, නිබ්බානපච්චවෙක්ඛනා මහග්ගතාරම්මණස්ස, ඵලං මහග්ගතාරම්මණස්ස වුට්ඨානස්ස අනන්තර පච්ච-.
පරිත්තාරම්මණො ධම්මො පරිත්තාරම්මණස්ස ධම්මස්ස සමනන්තරපච්චයෙන පච්චයො. (අනන්තර සදිසං.)
පරිත්තාරම්මණො ධම්මො පරිත්තාරම්මණස්ස ධම්මස්ස සහජාතපච්ච-. අඤ්ඤමඤ්ඤ පච්ච-, නිස්සය පච්ච-. තීණි. (පටිච්චවාර සදිසා
කාතබ්බා,) උපනිස්සය පච්චයො. ආරම්මණූපනිස්සයො, අනන්තරූපනිස්සයො, පකතූපනිස්සයො -පකතූපනිස්සයො: පරිත්තාරම්මණං සද්ධං උපනිස්සාය දානං දෙති, සීලං, උපොසථ, පරිත්තාරම්මණං ඣානං උප්පාදෙති, විපස්සනං, අභිඤ්ඤං, සමාපත්තිං උප්පාදෙති, මානං ජප්පෙති. දිට්ඨිං ගණ්හාති. පරිත්තාරම්මණං සීලං, පඤ්ඤං, රාගං. දොසං, මොහං, මානං, දිට්ඨිං, පත්ථනං, කායිකං සුඛං, කායිකං දුක්ඛං, උපනිස්සාය දානං දෙති, සීලං, උපොසථ, පරිත්තාරම්මණං ඣානං උප්පාදෙති, විපස්සනං, අභිඤ්ඤං, සමාපත්තිං උප්පාදෙති, පාණං හන්ති, සඞ්ඝං භින්දති, පරිත්තාරම්මණා සද්ධා -පෙ- පඤ්ඤා, රාගො, පත්ථනා කායිකං සුඛං, කායිකං දුක්ඛං පරිත්තාරම්මණාය සද්ධාය, පඤ්ඤාය, රාගස්ස, පත්ථනාය, කායිකස්ස සුඛස්ස කායිකස්ස දුක්ඛස්ස උපනිස්සය පච්චයෙන පච්චයො.
පරිත්තාරම්මණො ධම්මො මහග්ගතාරම්මණස්ස ධම්මස්ස උපනිස්සය පච්චයෙන පච්චයො. ආරම්මණූපනිස්සයො, අනන්තරූපනිස්සයො, පකතූපනිස්සයො. -පකතූපනිස්සයො: පරිත්තාරම්මණං සද්ධං උපනිස්සාය මහග්ගතාරම්මණං ඣානං උප්පාදෙති, විපස්සනං, අභිඤ්ඤං, සමාපත්තිං උප්පාදෙති, මානං, ජප්පෙති. දිට්ඨිං ගණ්හාති. පරිත්තාරම්මණං සීලං, පඤ්ඤං, රාගං, පත්ථනං, කායිකං සුඛං, කායිකං දුක්ඛං උපනිස්සාය මහග්ගතාරම්මණං ඣානං උප්පාදෙති, විපස්සනං, අභිඤ්ඤං, සමාපත්තිං උප්පාදෙති; මානං ජප්පෙති, දිට්ඨිං ගණ්හාති, පරිත්තාරම්මණා සද්ධා, කායිකං සුඛං, කායිකං දුක්ඛං, මහග්ගතාරම්මණාය, සද්ධාය, පඤ්ඤාය, රාගස්ස, පත්ථනාය, උපනිස්සය පච්ච-.
පරිත්තාරම්මණො ධම්මො අප්පමාණාරම්මණස්ස-. උපනිස්සය පච්ච-. අනන්තරූපනිස්සයො, පකතූපනිස්සයො, පකතූපනිස්සයො: පරිත්තාරම්මණං සද්ධං උපනිස්සාය අප්පමාණාරම්මණං ඣානං උප්පාදෙති. මග්ගං, අභිඤ්ඤං, සමාපත්තිං උප්පාදෙති. පරිත්තාරම්මණං සීලං, පඤ්ඤං, රාගං, කායිකං සුඛං, කායිකං දුක්ඛං, උපනිස්සාය අප්පමාණාරම්මණං ඣානං උප්පාදෙති, මග්ගං, අභිඤ්ඤං, සමාපත්තිං උප්පාදෙති. පරිත්තාරම්මණා සද්ධා, කායිකං සුඛං, අප්පමාණාරම්මණාය සද්ධාය පඤ්ඤාය උපනිස්සය පච්ච-.
මහග්ගතාරම්මණො ධම්මො මහග්ගතාරම්මණස්ස-. උපනිස්සය පච්ච-. ආරම්මණූපනිස්සයො, අනන්තරූපනිස්සයො, පකතුපනිස්සයෙ, පකතූපනිස්සයො: මහග්ගතාරම්මණං සද්ධං උපනිස්සාය මහග්ගතාරම්මණං ඣානං උප්පාදෙති, විපස්සනං, අභිඤ්ඤං, සමාපත්තිං, මානං, දිට්ඨිං ගණ්හාති, මහග්ගතාරම්මණං සීලං, පඤ්ඤං, රාගං, පත්ථනං
උපනිස්සාය මහග්ගතාරම්මණං ඣානං දිට්ඨිං ගණ්හාති. මහග්ගතාරම්මණා සද්ධා, පඤ්ඤා, රාගො පත්ථනා මහග්ගතාරම්මණාය සද්ධාය පත්ථනාය උපනිස්සය පච්ච-.
මහග්ගතාරම්මණො පරිත්තාරම්මණස්ස උපනිස්සය පච්ච-. ආරම්මණූපනිස්සයො, අනන්තරූපනිස්සයො, පකතූපනිස්සයො, - පකතූපනිස්සයො- මහග්ගතාරම්මණං සද්ධං උපනිස්සාය දානං දෙති, සීලං සමාදියති. උපොසථකම්මං කරොති, පරිත්තාරම්මණං ඣානං විපස්සනං, අභිඤ්ඤං, සමාපත්තිං, මානං ජප්පෙති, දිට්ඨිං ගණ්හාති, මහග්ගතාරම්මණං සීලං. පත්ථනං උපනිස්සාය දානං දෙති, දිට්ඨිං ගණ්හාති, මහග්ගතාරම්මණා සද්ධා, පත්ථනා, පරිත්තාරම්මණාය සද්ධාය, පත්ථනාය, කායිකස්ස සුඛස්ස, කායිකස්ස දුක්ඛස්ස උපනිස්සය පච්ච-.
මහග්ගතාරම්මණො ධම්මො අප්පමාණාරම්මණස්ස-. උපනිස්සය පච්ච. අනන්තරූපනිස්සයො, පකතූපනිස්සයො, -පකතූපනිස්සයො: මහග්ගතාරම්මණං සද්ධං උපනිස්සාය අප්පමාණාරම්මණං ඣානං, මග්ගං, අභිඤ්ඤං, සමාපත්තිං උප්පාදෙති, මහග්ගතාරම්මණං සීලං පත්ථනං, උපනිස්සාය අප්පමාණාරම්මණං ඣානං සමාපත්තිං උප්පාදෙති, මහග්ගතාරම්මණා සද්ධා, පත්ථනා අප්පමාණාරම්මණාය සද්ධාය. පඤ්ඤාය උපනිස්සය පච්ච-.
අප්පමාණාරම්මණො අප්පමාණාරම්මණස්ස උපනිස්සය පච්ච ආරම්මණූපනිස්සයො, අනන්තරූපනිස්සයො, පකතූපනිස්සයො, පකතූපනිස්සයො: අප්පමාණාරම්මණං සද්ධං උපනිස්සාය අප්පමාණාරම්මණං ඣානං, මග්ගං, අභිඤ්ඤං, සමාපත්තිං උප්පාදෙති. අප්පමාණාරම්මණං සීලං, පඤ්ඤං, නිස්සාය අප්පමාණාරම්මණං ඣානං, මග්ගං, සමාපත්තිං උප්පාදෙති, අප්පමාණාරම්මණා සද්ධා, පඤ්ඤා, අප්පමාණාරම්මණාය සද්ධාය, පඤ්ඤාය, ඵලසමාපත්තියා උපනිස්සය පච්ච-.
අප්පමාණාරම්මණො පරිත්තාරම්මණස්ස උපනිස්සය පච්ච-. ආරම්මණූපනිස්සයො අනන්තරූපනිස්සයො, පකතූපනිස්සයො, පකතූපනිස්සයො: අප්පමාණාරම්මණං සද්ධං උපනිස්සාය දානං දෙති, සීලං සමාදියති, උපොසථකම්මං කරොති, පරිත්තාරම්මණං ඣානං උප්පාදෙති, විපස්සනං, අභිඤ්ඤං සමාපත්තිං උප්පාදෙති, අප්පමාණාරම්මණං සීලං, පඤ්ඤං, උපනිස්සාය දානං දෙති, සමාපත්තිං උප්පාදෙති, අප්පමාණාරම්මණා සද්ධා පඤ්ඤා පරිත්තාරම්මණාය සද්ධාය පඤ්ඤාය කායිකස්ස සුඛස්ස, කායිකස්ස දුක්ඛස්ස, උපනිස්සය පච්ච-.
අප්පමාණාරම්මණො ධම්මො මහග්ගතාරම්මණස්ස-. උපනිස්සය පච්ච-. ආරම්මණූපනිස්සයො, අනන්තරූපනිස්සයො, පකතූපනිස්සයො, -පකතූපනිස්සයො: අප්පමාණාරම්මණං සද්ධං උපනිස්සාය මහග්ගතාරම්මණං ඣානං, විපස්සනං, අභිඤ්ඤං, සමාපත්තිං උප්පාදෙති, අප්පමාණාරම්මණං සීලං, පඤ්ඤං උපනිස්සාය මහග්ගතාරම්මණං ඣානං, විපස්සනං, අභිඤ්ඤං, සමාපත්තිං උප්පාදෙති, අප්පමාණාරම්මණා සද්ධා, පඤ්ඤා, මහග්ගතාරම්මණාය සද්ධාය, පඤ්ඤාය, උපනිස්සය පච්චයෙන පච්චයො.
පරිත්තාරම්මණො ධම්මො පරිත්තාරම්මණස්ස ධම්මස්ස ආසෙවන පච්චයෙන පච්චයො, පුරිමා පුරිමා පරිත්තාරම්මණා ඛන්ධා පච්ඡිමානං පච්ඡිමානං පරිත්තාරම්මණානං ඛන්ධානං ආසෙවන පච්චයෙන පච්චයො, පරිත්තාරම්මණො අප්පමාණාරම්මණස්ස, ආසෙවන පච්චයෙන පච්චයො, පරිත්තාරම්මණං අනුලොමං ගොත්රභුස්ස, අනුලොමං වොදානස්ස ආසෙවන පච්ච-. මහග්ගතාරම්මණා මහග්ගතාරම්මණස්ස ආසෙවන පච්ච-. පුරිමා පුරිමා මහග්ගතාරම්මණා ඛන්ධා පච්ඡිමානං පච්ඡිමානං මහග්ගතාරම්මණානං ඛන්ධානං ආසෙවන පච්ච, මහග්ගතාරම්මණො අප්පමාණාරම්මණස්ස ආසෙවන පච්ච-. මහග්ගතාරම්මණං අනුලොමං ගොත්රභුස්ස, අනුලොමං වොදානස්ස ආසෙවන පච්ච-. අප්පමාණො අප්පමාණාරම්මණස්ස ආසෙවන පච්ච, පුරිමා පුරිමා අප්පමාණාරම්මණා ඛන්ධා පච්ඡිමානං පච්ඡිමානං අප්පමාණාරම්මණානං ඛන්ධානං ආසෙවන පච්ච-. ගොත්රභ්ර මග්ගස්ස, වොදානං මග්ගස්ස ආසෙවන පච්ච-.
පරිත්තාරම්මණො ධම්මො පරිත්තාරම්මණස්ස-. කම්මපච්චයෙන පච්චයො. සහජාතා නානාඛණිකා, - සහජාතාපරිත්තාරම්මණා චෙතනා සම්පයුත්තකානං ඛන්ධානං කම්මපච්චයෙන පච්චයො, නානාඛණිකා, පරිත්තාරම්මණා චෙතනා විපාකානං පරිත්තාරම්මණානං ඛන්ධානං කම්මපච්චයෙන පච්චයො, මහග්ගතාරම්මණො මහග්ගතාරම්මණස්ස කම්මපච්චයෙන පච්චයො, සහජාතා, නානාඛණිකා, සහජාතා මහග්ගතාරම්මණා චෙතනා සම්පයුත්තකානං ඛන්ධානං කම්මපච්චයෙන පච්චයො, නානාඛණිකා මහග්ගතාරම්මණා චෙතනා විපාකානං මහග්ගතාරම්මණානං ඛන්ධානං කම්මපච්චයෙන පච්චයො, මහග්ගතාරම්මණො පරිත්තාරම්මණස්ස කම්මපච්චයෙන පච්චයො, නානාඛණිකා මහග්ගතාරම්මණා චෙතනා විපාකානං පරිත්තාරම්මණානං ඛන්ධානං කම්මපච්චයෙන පච්චයො.
අප්පමාණාරම්මණො අප්පමාණාරම්මණස්ස කම්මපච්චයෙන පච්චයො සහජාතා නානාඛණිකා, -සහජාතා අප්පමාණාරම්මණා චෙතනා සම්පයුත්තකානං ඛන්ධානං කම්මපච්චයෙන පච්චයො, නානාඛණිකා අප්ප
මානාරම්මණා චෙතනා විපාකානං අප්පමාණාරම්මණානං ඛන්ධානං කම්මපච්ච-. අප්පමාණාරම්මණො පරිත්තාරම්මණස්ස කම්මපච්චයෙන පච්චයො, නානාඛණිකා අප්පමාණාරම්මණා චෙතනා විපාකානං පරිත්තාරම්මණානං ඛන්ධානං කම්මපච්චයෙන පච්චයො.
පරිත්තාරම්මණො පරිත්තාරම්මණස්ස විපාකපච්චයෙන පච්චයො, ආහාරපච්ච-. ඉන්ද්රිය පච්ච-. ඣානපච්ච-. මග්ගපච්ච-. සම්පයුත්තපච්ච-. අත්ථිපච්ච-. නත්ථිපච්ච-. විගතපච්ච-. අවිගතපච්ච-.
හෙතුයා තීණි, ආරම්මණෙ සත්ත, අධිපතියා සත්ත, අනන්තරෙ නව, සමනන්තරෙ නව, සහජාතෙ තීණි, අඤ්ඤමඤ්ඤෙ තීණි, නිස්සයෙ තීණි, උපනිස්සයෙ නව, ආසෙවනෙ පඤ්ච, කම්මෙ පඤ්ච, විපාකෙ තීණි, ආහාරෙ තීණි, ඉන්ද්රියෙ, ඣානෙ, මග්ගෙ, සම්පයුත්තෙ, අත්ථියා තීණි, නත්ථියා නව, විගතෙ නව, අවිගතෙ තීණි, (එවං ගණෙතබ්බං.)
අනුලොමං.
පරිත්තාරම්මණො ධම්මො පරිත්තාරම්මණස්ස-. ආරම්මණපච්චයෙන පච්චයො, සහජාත, උපනිස්සය, කම්මපච්චයෙන පච්චයො, පරිත්තාරම්මණො මහග්ගතාරම්මණස්ස ආරම්මණපච්ච-. උපනිස්සයපච්ච-. පරිත්තාරම්මණො ධම්මො අප්පමාණාරම්මණස්ස උපනිස්සයපච්චයෙන පච්චයො, මහග්ගතාරම්මණො මහග්ගතාරම්මණස්ස ආරම්මණපච්චයෙන පච්චයො, සහජාතපච්චයෙන පච්චයො, උපනිස්සයපච්චයෙන පච්චයො, මහග්ගතාරම්මණො පරිත්තාරම්මණස්ස ආරම්මණපච්චයෙන පච්චයො, උපනිස්සය පච්චයෙන පච්චයො, කම්මපච්ච-. මහග්ගතාරම්මණො ධම්මො අප්පමාණාරම්මණස්ස උපනිස්සයපච්ච-. අප්පමාණාරම්මණො ධම්මො අප්පමාණාරම්මණස්ස ආරම්මණපච්ච-. සහජාතපච්ච, උපනිස්සයපච්ච, අප්පමාණාරම්මණො ධම්මො පරිත්තාරම්මණස්ස ආරම්මණපච්ච, උපනිස්සයපච්ච, කම්මපච්ච, අප්පමාණාරම්මණො ධම්මො මහග්ගතාරම්මණස්ස ආරම්මණපච්ච-. උපනිස්සයපච්චයෙන පච්චයො.
න හෙතුයා නව, න ආරම්මණෙ නව, න අධිපතියා නව, න අනන්තරෙ නව, න සමනන්තරෙ නව, න සහජාතෙ නව, න අඤ්ඤමඤ්ඤෙ නව, න නිස්සයෙ නව, න උපනිස්සයෙ සත්ත, න පුරෙජාතෙ නව, න පච්ඡාජාතෙ නව, න ආසෙවනෙ නව, (සංඛිත්තං,) න මග්ගෙ නව, න සම්පයුත්තෙ නව, න විප්පයුත්තෙ නව, නො අත්ථියා නව, නො නත්ථියා නව, නො විගතෙ නව, නො අවිගතෙ නව, (එවං ගණෙතබ්බං.)
පච්චනියං.
හෙතුපච්චයා න ආරම්මණෙ තීණි, න අධිපතියා, න අනන්තරෙ, න සමනන්තරෙ, න උපනිස්සයෙ, න පුරෙජාතෙ, න පච්ඡාජාතෙ, න ආසෙවනෙ තීණි, (සංඛිත්තං.) න මග්ගෙ, න විප්පයුත්තෙ, නො නත්ථියා, නො විගතෙ තීණි, (එවං ගණෙතබ්බං)
අනුලොමපච්චනීයං.
න හෙතුපච්චයා ආරම්මණෙ සත්ත, අධිපතියා සත්ත, අනන්තරෙ නව, සමනන්තරෙ නව, සහජාතෙ තීණි, අඤ්ඤමඤ්ඤෙ තීණි, නිස්සයෙ තීණි, උපනිස්සයෙ නව, ආසෙවනෙ පඤ්ච, කම්මෙ පඤ්ච, විපාකෙ තීණි, (සංඛිත්තං.) සම්පයුත්තෙ තීණි, අත්ථියා තීණි, නත්ථියා නව, විගතෙ නව, අවිගතෙ තීණි (එවං ගණෙතබ්බං.)
පච්චනීයානුලොමං.
පරිත්තාරම්මණත්තිකං නිට්ඨිතං.
14. හීනත්තිකං.
හීනං ධම්මං පටිච්ච හීනො ධම්මො උප්පජ්ජති හෙතුපච්චයා, හීනං එකං ඛන්ධං පටිච්ච තයො ඛන්ධා, ද්වෙ ඛන්ධෙ පටිච්ච ද්වෙ ඛන්ධා, හීනං ධම්මං පටිච්ච මජ්ඣිමො ධම්මො උප්පජ්ජති හෙතුපච්චයා, හීනෙ ඛන්ධෙ පටිච්ච චිත්තසමුට්ඨානං රූපං, හීනං ධම්මං පටිච්ච හීනො ච මජ්ඣිමො ච ධම්මා උප්පජ්ජන්ති හෙතුපච්චයා, හීනං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං. ද්වෙ ඛන්ධෙ, මජ්ඣිමං ධම්මං පටිච්ච මජ්ඣිමො. මජ්ඣිමං එකං ඛන්ධං පටිච්ච තයො ඛන්ධා, චිත්තසමුට්ඨානඤ්ච රූපං. ද්වෙ ඛන්ධෙ, පටිසන්ධික්ඛණෙ ඛන්ධෙ පටිච්ච වත්ථු, වත්ථුං පටිච්ච ඛන්ධා, එකං මහාභූතං, මහාභූතෙ පටිච්ච චිත්තසමුට්ඨානං රූපං, කටත්තාරූපං, උපාදාරූපං, පණීතං ධම්මං පටිච්ච පණීතො ධම්මො උප්පජ්ජති හෙතුපච්චයා, තීණි, මජ්ඣිමඤ්ච පණීතඤ්ච ධම්මං පටිච්ච මජ්ඣිමො ධම්මො-. හෙතුපච්චයා, පණීතෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. හීනඤ්ච මජ්ඣිමඤ්ච ධම්මං පටිච්ච මජ්ඣිමො ධම්මො, හෙතු පච්චයා, හීනෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (හීනත්තිකං සංකිලිට්ඨත්තික සදිසං විත්ථාරෙතබ්බං,) පරිපුණ්ණං.
හීනත්තිකං නිට්ඨිතං.
15. මිච්ඡත්තත්තිකං
මිච්ඡත්තනියතං ධම්මං පටිච්ච මිච්ඡත්තනියතො ධම්මො උප්පජ්ජති හෙතුපච්චයා, මිච්ඡත්තනියතං එකං ඛන්ධං පටිච්ච තයො ඛන්ධා, ද්වෙ
ඛන්ධෙ, මිච්ඡත්තනියතං ධම්මං පටිච්ච අනියතො ධම්මො උප්පජ්ජති හෙතුපච්චයා, මිච්ඡත්තනියතෙ ඛන්ධෙ පටිච්ච චිත්තසමුට්ඨානං රූපං. මිච්ඡත්තනියතං ධම්මං පටිච්ච මිච්ඡත්තනියතො ච අනියතො ච ධම්මා උප්පජ්ජන්ති හෙතුපච්චයා. මිච්ඡත්තනියතං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං, ද්වෙ ඛන්ධෙ.
සම්මත්තනියතං ධම්මං පටිච්ච සම්මත්තනියතො ධම්මො. හෙතුපච්චයා. තීණි, අනියතං ධම්මං පටිච්ච අනියතො ධම්මො, හෙතුපච්චයා, අනියතං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං. ද්වෙ ඛන්ධෙ, පටිසන්ධික්ඛණෙ, අනියතං එකං ඛන්ධං පටිච්ච තයො ඛන්ධා, කටත්තා ච රූපං. ද්වෙ ඛන්ධෙ, ඛන්ධෙ පටිච්ච වත්ථු, වත්ථුං පටිච්ච ඛන්ධා, එකං මහාභූතං පටිච්ච තයො මහාභූතා, ද්වෙ මහාභූතෙ පටිච්ච චිත්තසමුට්ඨානං රූපං. කටත්තාරූපං, උපාදාරූපං.
මිච්ඡත්තනියතඤ්ච අනියතඤ්ච ධම්මං පටිච්ච අනියතො, හෙතු පච්චයා, මිච්ඡත්තනියතෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. සම්මත්තනියතඤ්ච අනියතඤ්ච, අනියතො, හෙතුපච්චයා. සම්මත්තනියතෙ ඛන්ධෙ ච මහභුතෙ ච පටිච්ච චිත්තසමුට්ඨානං රූපං. මිච්ඡත්තනියතං ධම්මං පටිච්ච මිච්ඡත්තනියතො ධම්මො, ආරම්මණ පච්චයා, මිච්ඡත්තනියතං එකං ඛන්ධං පටිච්ච තයො ඛන්ධා, ද්වෙ ඛන්ධෙ, සම්මත්තනියතං ධම්මං-. සම්මත්තනියතො, ආරම්මණපච්චයා, සම්මත්තනියතං එකං ඛන්ධං පටිච්ච තයො ඛන්ධා, ද්වෙ ඛන්ධෙ.
අනියතං ධම්මං පටිච්ච අනියතො ධම්මො උප්පජ්ජති ආරම්මණ පච්චයා, අනියතං එකං ඛන්ධං. පටිච්ච තයො ඛන්ධා. ද්වෙ ඛන්ධෙ, පටිසන්ධික්ඛණෙ අනියතං එකං ඛන්ධං පටිච්ච තයො ඛන්ධා, ද්වෙ ඛන්ධෙ වත්ථුං පටිච්ච ඛන්ධා, (සබ්බෙ පච්චයා ඉමිනා කාරණෙන විත්ථාරෙතබ්බා සංඛිත්තං.)
හෙතුයා නව, ආරම්මණෙ තීණි, අධිපතියා නව, අනන්තරෙ තීණි, සමනන්තරෙ තීණි, සහජාතෙ නව, අඤ්ඤමඤ්ඤෙ තීණි, නිස්සයෙ නව, උපනිස්සයෙ තීණි, පුරෙජාතෙ තීණි, ආසෙවනෙ තීණි, කම්මෙ නව, විපාකෙ එකං, ආහාරෙ නව, ඉන්ද්රියෙ නව, ඣානෙ නව, මග්ගෙ නව, සම්පයුත්තෙ තීණි, විප්පයුත්තෙ නව, අත්ථියා නව, නත්ථියා තීණි, විගතෙ නව, අවිගතෙ නව එවං (ගණෙතබ්බං.)
අනුලොමං.