පකතූපනිස්සයො, පකතූපනිස්සයො: සවිතක්කසවිචාරං සද්ධං උපනිස්සාය අවිතක්කවිචාරමත්තං ඣානං උප්පාදෙති. මග්ගං සමාපත්තිං සවිතක්කසවිචාරං සීලං (සංඛිත්තං.) පත්ථනං උපනිස්සාය අවිතක්ක විචාරමත්තං ඣානං උප්පාදෙති මග්ගං සමාපත්තිං සවිතක්කසවිචාරා සද්ධා පත්ථනා අවිතක්කවිචාරමත්තාය සද්ධාය සීලස්ස සුතස්ස චාගස්ස පඤ්ඤාය. විතක්කස්ස ච උපනිස්සයපච්චයෙන පච්චයො.
සවිතක්කසවිචාරො ධම්මො අවිතක්කඅවිචාරස්ස ධම්මස්ස උපනිස්සයපච්චයෙන පච්චයො: අනන්තරූපනිස්සයො, පකතූපනිස්සයො. පකතූපනිසයො: සවිතක්කසවිචාරං සද්දං උපනිස්සාය අවිතක්කඅවිචාරං ඣානං උප්පාදෙති, මග්ගං අභිඤ්ඤං සමාපත්තිං උප්පාදෙති, සවිතක්කසවිචාරං සීලං පත්ථනං උපනිස්සාය අවිතක්කඅවිචාරං ඣානං උප්පාදෙති මග්ගං අභිඤ්ඤං සමාපත්තිං උප්පාදෙති, සවිතක්කසවිචාරා සද්ධා (සංඛිත්තං.) පත්ථනා අවිතක්කඅවිචාරාය සද්ධාය සීලස්ස සුතස්ස චාගස්ස පඤ්ඤාය විචාරස්ස ච කායිකස්ස සුඛස්ස කායිකස්ස දුක්ඛස්ස උප්පනිස්සයපච්චයෙන පච්චයො.
සවිතක්කසවිචාරො ධම්මො අවිතක්කවිචාරමත්තස්ස ච අවිතක්ක අවිචාරස්ස ච ධම්මස්ස උපනිස්සයපච්චයෙන පච්චයො: අනන්තරූපනිස්සයො, පකතූපනිස්සයො පකතූපනිස්සයො: සවිතක්කසවිචාරා සද්ධා පත්ථනා අවිතක්කවිචාරමත්තාය සද්ධාය සීලස්ස සුතස්ස චාගස්ස පඤ්ඤාය විචාරස්ස ච උපනිස්සය පච්චයෙන පච්චයො.
සවිතක්කසවිචාරො ධම්මො සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස උපනිස්සයපච්චයෙන පච්චයො: ආරම්මණූපනිස්සයො, අනන්තරූපනිස්සයො පකතූපනිස්සයො. පකතූපනිස්සයො: සවිතක්කසවිචාරා සද්ධා පත්ථනා සවිතක්කසවිචාරාය සද්ධාය පත්ථනාය විතක්කස්ස ච උපනිස්සයපච්චයෙන පච්චයො.
අවිතක්කවිචාරමත්තො ධම්මො අවිතක්කවිචාරමත්තස්ස ධම්මස්ස උපනිස්සයපච්චයෙන පච්චයො: ආරම්මණූපනිස්සයො අනන්තරූපනිස්සයො පකතූපනිස්සයො. පකතූපනිස්සයො: අවිතක්කවිචාරමත්තං සද්ධං උපනිස්සාය අවිතක්කවිචාරමත්තං ඣානං උප්පාදෙති, මග්ගං සමාපත්තිං උප්පාදෙති, අවිතක්කවිචාරමත්තං සීලං සුතං චාගං පඤ්ඤං විතක්කං උපනිස්සායඅවිතකක්විචාරමත්තං ඣානං උප්පාදෙති, මග්ගං සමාපත්තිං උප්පාදෙති, අවිතක්කවිචාරමත්තා සද්ධා සීලං චාගො පඤ්ඤා විතක්කො ච අවිතක්කවිචාරමත්තාය සද්ධාය සීලස්ස සුතස්ස චාගස්ස පඤ්ඤාය විතක්කස්ස උපනිස්සයපච්චයෙන පච්චයො.
අවිතක්කවිචාරමත්තො ධම්මො සවිතක්කසවිචාරස්ස ධම්මස්ස උපනිස්සයපච්චයෙන පච්චයො: ආරම්මණූපනිස්සයො, අනන්තරූපනිස්සයො පකතූපනිස්සයො. පකතූපනිස්සයො: අවිතක්කවිචාරමත්තං සද්ධං උපනිස්සාය දානං දෙති සීලං සමාදියති, උපොසථකම්මං කරොති, සවිතක්කසවිචාරං ඣානං උප්පාදෙති, විපස්සනං මග්ගං සමාපත්තිං උප්පාදෙති, මානං ජප්පෙති, දිට්ඨිං ගණ්හාති, අවිතක්ක විචාරමත්තං සීලං සුතං චාගං පඤ්ඤං විතක්කං උපනිස්සාය දානං දෙති, සීලං සමාදියති, උපොසථකම්මං කරොති, සවිතක්කසවිචාරං ඣානං උප්පාදෙති, විපස්සනං උප්පාදෙති, මග්ගං උප්පාදෙති සමාපත්තිං උප්පාදෙති පාණං හන්ති, සඞ්ඝං භින්දති, අවිතක්කවිචාරමත්තා සද්ධා සීලං සුතං චාගො පඤ්ඤා විතක්කො ච සවිතක්කසවිචාරාය සද්ධාය පත්ථනාය උපනිස්සයපච්චයෙන පච්චයො.
අවිතක්කවිචාරමත්තො ධම්මො අවිතක්කසඅවිචාරස්ස ධම්මස්ස උපනිස්සයපච්චයෙන පච්චයො: අනන්තරූපනිස්සයො පකතූපනිස්සයො. පකතූපනිස්සයො: අවිතක්කවිචාරමත්තං සද්ධං උපනිස්සාය අවිතක්කඅවිචාරං ඣානං උප්පාදෙති, මග්ගං අභිඤ්ඤං සමාපත්තිං උප්පාදෙති, අවිතක්කවිචාරමත්තං සීලං සුතං චාගං පඤ්ඤං විතක්කං උපනිස්සාය අවිතක්කඅවිචාරං ඣානං උප්පාදෙති, මග්ගං අභිඤ්ඤං සමාපත්තිං උප්පාදෙති, අවිතක්කවිචාරමත්තා සද්ධා සීලං සුතං චාගො පඤ්ඤා විතක්කො ච අවිතක්කඅවිචාරාය සද්ධාය සීලස්ස සුතස්ස චාගස්ස පඤ්ඤාය විචාරස්ස ච කායිකස්ස සුඛස්ස කායිකස්ස දුක්ඛස්ස උපනිස්සයපච්චයෙන පච්චයො.
අවිතක්කවිචාරමත්තො ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස උපනිස්සයපච්චයෙන පච්චයො: අනන්තරූපනිස්සයො පකතූපනිස්සයො. පකතූපනිස්සයො: අවිතක්කවිචාරමත්තා සද්ධා සීලං සුතං චාගො පඤ්ඤා විතක්කො ච අවිතක්කවිචාරමත්තාය සද්ධාය සීලස්ස සුතස්ස චාගස්ස පඤ්ඤාය විචාරස්ස ච උපනිස්සය පච්චයෙන පච්චයො.
අවිතක්කවිචාරමත්තො ධම්මො සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස උපනිස්සයපච්චයෙන පච්චයො: ආරම්මණූපනිස්සයො අනන්තරූපනිස්සයො පකතූපනිස්සයො. පකතූපනිස්සයො: අවිතක්කවිචාරමත්තා සද්ධා සීලං සුතං චාගො පඤ්ඤා විතක්කො ච සවිතක්ක සවිචාරාය සද්ධාය පත්ථනාය විතක්කස්ස ච උපනිස්සය පච්චයෙන පච්චයො.
අවිතක්කඅවිචාරො ධම්මො අවිතක්කඅවිචාරස්ස ධම්මස්ස උපනිස්සය පච්චයෙන පච්චයො: ආරම්මණූපනිස්සයො අනන්තරූපනිස්සයො
පකතූපනිස්සයො. පකතූපනිස්සයො: අවිතක්කඅවිචාරං සද්ධං උපනිස්සාය අවිතක්කඅවිචාරං ඣානං උප්පාදෙති, මග්ගං අභිඤ්ඤං සමාපත්තිං උප්පාදෙති, අවිතක්කඅවිචාරං සීලං සුතං චාගං පඤ්ඤං විචාරං කායිකං සුඛං කායිකං දුක්ඛං උතුං භොජනං සෙනාසනං උපනිස්සාය අවිතක්කඅවිචාරං ඣානං උප්පාදෙති, මග්ගං අභිඤ්ඤං සමාපත්තිං උප්පාදෙති, අවිතක්කඅවිචාරා සද්ධා සීලං සුතං චාගො පඤ්ඤා විචාරො කායිකං සුඛං කායිකං දුක්ඛං උතුං භොජනං සෙනාසනං අවිතක්කඅවිචාරාය සද්ධාය සීලස්ස සුතස්ස චාගස්ස පඤ්ඤාය විචාරස්ස කායිකස්ස සුඛස්ස කායිකස්ස දුක්ඛස්ස උපනිස්සයපච්චයෙන පච්චයො.
අවිතක්කඅවිචාරො ධම්මො සවිතක්කසවිචාරස්ස ධම්මස්ස උපනිස්සය පච්චයෙන පච්චයො: ආරම්මණූපනිස්සයො අනන්තරූපනිස්සයො පකතූපනිස්සයො. පකතූපනිස්සයො: අවිතක්කඅවිචාරං සද්ධං උපනිස්සාය දානං දෙති, සීලං සමාදියති, උපොසථකම්මං කරොති, සවිතක්කසවිචාරං ඣානං උප්පාදෙති, විපස්සනං මග්ගං සමාපත්තිං උප්පාදෙති, මානං ජප්පෙති, දිට්ඨිං ගණ්හාති, අවිතක්කඅවිචාරං සීලං සුතං චාගං පඤ්ඤං විචාරං කායිකං සුඛං කායිකං දුක්ඛං උතුං භොජනං සෙනාසනං උපනිස්සාය දානං දෙති, සීලංසමාදියති, උපොසථකම්මං කරොති, සවිතක්කසවිචාරං ඣානං උප්පාදෙති, විපස්සනං මග්ගං සමාපත්තිං උප්පාදෙති, පාණං හන්ති, සඞ්ඝං භින්දති, අවිතක්කඅවිචාරා සද්ධා (සංඛිත්තං.) සෙනාසනං සවිතක්කසවිචාරාය සද්ධාය, සීලස්ස -පෙ- පත්ථනාය උපනිස්සයපච්චයෙන පච්චයො.
අවිතක්කඅවිචාරො ධම්මො අවිතක්කවිචාරමත්තස්ස ධම්මස්ස උපනිස්සයපච්චයෙන පච්චයො: ආරම්මණූපනිස්සයො, අනන්තරූපනිස්සයො පකතූපනිස්සයො. පකතූපනිස්සයො: අවිතක්කඅවිචාරං සද්ධං උපනිස්සාය අවිතක්කවිචාරමත්තං ඣානං උප්පාදෙති, විපස්සනං මග්ගං, සමාපත්තිං උප්පාදෙති, අවිතක්කඅවිචාරං සීලං, සෙනාසනං උපනිස්සාය අවිතක්ක විචාරමත්තං ඣානං උප්පාදෙති, විපස්සනං, මග්ගං, සමාපත්තිං උප්පාදෙති, අවිතක්කඅවිචාරා සද්ධා, සෙනාසනං අවිතක්කවිචාරමත්තාය සද්ධාය, සීලස්ස සුතස්ස, චාගස්ස, පඤ්ඤාය, විතක්කස්ස ච උපනිස්සයපච්චයෙන පච්චයො.
අවිතක්කඅවිචාරො ධම්මො අවිතක්කවිචාරමත්තස්ස ච අවිතක්කඅවිචාරස්ස ධම්මස්ස උපනිස්සයපච්චයෙන පච්චයො: ආරම්මණූපනිස්සයො. අනන්තරූපනිස්සයො, පකතූපනිස්සයො. පකතූපනිස්සයො: අවිතක්කඅවිචාරා සද්ධා, සෙනාසනං, අවිතක්කවිචාරමත්තාය සද්ධාය, සීලස්ස, සුතස්ස, චාගස්ස, පඤ්ඤාය, විචාරස්ස ච උපනිස්සයපච්චයෙන පච්චයො.
අවිතක්කඅවිචාරො ධම්මො සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස උපනිස්සයපච්චයෙන පච්චයො: ආරම්මණූපනිස්සයො, අනන්තරූපනිස්සයො, පකතූපනිස්සයො. පකතූපනිස්සයො: අවිතක්ක අවිචාරා සද්ධා, සෙනාසනං සවිතක්කසවිචාරාය සද්ධාය, සීලස්ස, පත්ථනාය, විතක්කස්ස ච උපනිස්සයපච්චයෙන පච්චයො.
අවිතක්කවිචාරමත්තො ච අවිතක්කඅවිචාරො ච ධම්මා සවිතක්කසවිචාරස්ස ධම්මස්ස උපනිස්සයපච්චයෙන පච්චයො: ආරම්මණූපනිස්සයො, අනන්තරූපනිස්සයො, පකතූපනිස්සයො. පකතූපනිස්සයො: අවිතක්කවිචාරමත්තා සද්ධා, සීලං, සුතං, චාගො, පඤ්ඤා, විචාරො ච සවිතක්කසවිචාරාය සද්ධාය, පඤ්ඤාය උපනිස්සයපච්චයෙන පච්චයො.
අවිතක්කවිචාරමත්තො ච අවිතක්කඅවිචාරො ච ධම්මා අවිතක්කවිචාරමත්තස්ස ධම්මස්ස උපනිස්සයපච්චයෙන පච්චයො: ආරම්මණූපනිස්සයො, අනන්තරූපනිස්සයො, පකතූපනිස්සයො. පකතූපනිස්සයො: අවිතක්කවිචාරමත්තා සද්ධා, සීලං, සුතං චාගො, පඤ්ඤා, විචාරො ච අවිතක්කවිචාරමත්තාය සද්ධාය, සීලස්ස, සුතස්ස, චාගස්ස, පඤ්ඤාය විතක්කස්ස ච උපනිස්සයපච්චයෙන පච්චයො.
අවිතක්කවිචාරමත්තො ච අවිතක්කඅවිචාරො ච ධම්මා අවිතක්කඅවිචාරස්ස ධම්මස්ස උපනිස්සයපච්චයෙන පච්චයො: අනන්තරූපනිස්සයො. පකතූපනිස්සයො. පකතූපනිස්සයො: අවිතක්කවිචාරමත්තා සද්ධා, සීලං, සුතං, චාගො, පඤ්ඤා, විචාරො ච, අවිතක්කඅවිචාරාය සද්ධාය, සීලස්ස, සුතස්ස, චාගස්ස, පඤ්ඤාය, විචාරස්ස ච කායිකස්ස සුඛස්ස, කායිකස්ස දුක්ඛස්ස උපනිස්සයපච්චයෙන පච්චයො.
අවිතක්කවිචාරමත්තො ච අවිතක්කඅවිචාරො ච ධම්මා අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස උපනිස්සයපච්චයෙන පච්චයො: අනන්තරූපනිස්සයො, පකතූපනිස්සයො. පකතූපනිස්සයො: අවිතක්කවිචාරමත්තා සද්ධා, සීලං, සුතං, චාගො, පඤ්ඤා, විචාරො ච අවිතක්කවිචාරමත්තාය සද්ධාය, සීලස්ස, සුතස්ස, චාගස්ස, පඤ්ඤාය, විචාරස්ස ච උපනිස්සයපච්චයෙන පච්චයො.
අවිතක්කවිචාරමත්තො ච අවිතක්කඅවිචාරො ච ධම්මා සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස උපනිස්සයපච්චයෙන පච්චයො: ආරම්මණූපනිස්සයො, අනන්තරූපනිස්සයො, පකතූපනිස්සයො. පකතූපනිස්සයො: අවිතක්කවිචාරමත්තා සද්ධා, සීලං, සුතං, චාගො, පඤ්ඤා, විචාරො ච සවිතක්කසවිචාරාය සද්ධාය, සීලස්ස, සුතස්ස, චාගස්ස, පඤ්ඤාය, රාගස්ස, දොසස්ස, මොහස්ස, මානස්ස, දිට්ඨියා, පත්ථනාය, විතක්කස්ස ච උපනිස්සයපච්චයෙන පච්චයො.
සවිතක්කසවිචාරො ච අවිතක්කවිචාරමත්තො ච ධම්මා සවිතක්කසවිචාරස්ස ධම්මස්ස උපනිස්සයපච්චයෙන පච්චයො: ආරම්මණූපනිස්සයො, අනන්තරූපනිස්සයො, පකතූපනිස්සයො. පකතූපනිස්සයො: සවිතක්ක සවිචාරා සද්ධා, සීලං, සුතං, චාගො, පඤ්ඤා, රාගො, දොසො, මොහො, මානො, දිට්ඨි, පත්ථනා, විතක්කො ච සවිතක්කසවිචාරාය සද්ධාය, සීලස්ස. -පෙ- පත්ථනාය උපනිස්සයපච්චයෙන පච්චයො.
සවිතක්කසවිචාරො ච අවිතක්කවිචාරමත්තො ච ධම්මා අවිතක්කවිචාරමත්තස්ස ධම්මස්ස උපනිස්සයපච්චයෙන පච්චයො: ආරම්මණූපනිස්සයො, අනන්තරූපනිස්සයො, පකතූපනිස්සයො. පකතූපනිස්සයො: සවිතක්කසවිචාරා සද්ධා, සීලං, -පෙ- පත්ථනාය විතක්කො ච අවිතක්කවිචාරමත්තාය සද්ධාය සීලස්ස, සුතස්ස, චාගස්ස, පඤ්ඤාය, විතක්කස්ස ච උපනිස්සයපච්චයෙන පච්චයො.
සවිතක්කසවිචාරො ච අවිතක්කවිචාරමත්තො ච ධම්මා අවිතක්ක අවිචාරස්ස ධම්මස්ස උපනිස්සයපච්චයෙන පච්චයො: අනන්තරූපනිස්සයො, පකතූපනිස්සයො. පකතූපනිස්සයො: සවිතක්කසවිචාරා සද්ධා, සීලං, සුතං, චාගො, පඤ්ඤා -පෙ- පත්ථනා විතක්කො ච අවිතක්කඅවිචාරාය සද්ධාය, සීලස්ස, සුතස්ස, චාගස්ස, පඤ්ඤාය, විචාරස්ස ච කායිකස්ස සුඛස්ස, කායිකස්ස දුක්ඛස්ස උපනිස්සයපච්චයෙන පච්චයො.
සවිතක්කසවිචාරො ච අවිතක්කවිචාරමත්තො ච ධම්මා අවිතක්ක විචාරමත්තස්ස ච අවිතක්කඅවිචාරස්ස ච ධම්මස්ස උපනිස්සයපච්චයෙන පච්චයො: අනන්තරූපනිස්සයො, පකතූපනිස්සයො. පකතූපනිස්සයො: සවිතක්කසවිචාරා සද්ධා සීලං සුතං චාගො පඤ්ඤා -පෙ- පත්ථනා විතක්කො ච අවිතක්කවිචාරමත්තාය සද්ධාය සීලස්ස සුතස්ස චාගස්ස පඤ්ඤාය විචාරස්ස ච උපනිස්සයපච්චයෙන පච්චයො.
සවිතක්කසවිචාරො ච අවිතක්කවිචාරමත්තො ච ධම්මා සවිතක්ක සවිචාරස්ස ච අවිතක්කවිචාරමත්තස්ස ච ධම්මස්ස උපනිස්සයපච්චයෙන පච්චයො: ආරම්මණූපනිස්සයො අනන්තරූපනිස්සයො, පකතූපනිස්සයො. පකතූපනිස්සයො: සවිතක්කසවිචාරා සද්ධා සීලං සුතං චාගො පඤ්ඤා රාගො දොසො මොහො මානො දිට්ඨි පත්ථනා විතක්කො ච සවිතක්කසවිචාරාය සද්ධාය -පෙ- පත්ථනා සවිතක්කස්ස ච උපනිස්සයපච්චයෙන පච්චයො.
අවිතක්කඅවිචාරො ධම්මො අවිතක්කඅවිචාරස්ස ධම්මස්ස පුරෙජාතපච්චයෙන පච්චයො: ආරම්මණපුරෙජාතං වත්ථුපුරෙජාතං. ආරම්මණපුරෙජාතං: දිබ්බෙන චක්ඛුනා රූපං පස්සති, දිබ්බාය සොතධාතුයා
සද්දං සුණාති, රූපායතනං චක්ඛුවිඤ්ඤාණස්ස, ඵොට්ඨබ්බායතනං කායවිඤ්ඤාණස්ස පුරෙජාතපච්චයෙන පච්චයො: වත්ථුපුරෙජාතං චක්ඛායතනං චක්ඛුවිඤ්ඤාණස්ස, කායායතනං කායවිඤ්ඤාණස්ස, වත්ථුං අවිතක්ක අවිචාරානං ඛන්ධානං විචාරස්ස ච පුරෙජාතපච්චයෙන පච්චයො.
අවිතක්කඅවිචාරො ධම්මො සවිතක්කසවිචාරස්ස ධම්මස්ස පුරෙජාත පච්චයෙන පච්චයො: ආරම්මණපුරෙජාතං වත්ථු පුරෙජාතං. ආරම්මණපුරෙජාතං: චක්ඛුං අනිච්චතො දුක්ඛතො අනත්තතො විපස්සති -පෙ- ඵොට්ඨබ්බෙ වත්ථුං අනිච්චතො දුක්ඛතො අනත්තතො විපස්සති, අස්සාදෙති, අභිනන්දති. තං ආරබ්භ රාගො උප්පජ්ජති, දොමනස්සං උප්පජ්ජති වත්ථුපුරෙජාතං. වත්ථු සවිතක්කසවිචාරානං ඛන්ධානං පුරෙජාතපච්චයෙන පච්චයො.
අවිතක්කඅවිචාරො ධම්මො අවිතක්කවිචාරමත්තස්ස ධම්මස්ස පුරෙජාතපච්චයෙන පච්චයො: ආරම්මණපුරෙජාතං වත්ථු පුරෙජාතං. ආරම්මණ පුරෙජාතං: චක්ඛුං අනිච්චතො දුක්ඛතො අනත්තතො විපස්සති, අස්සාදෙති, අභිනන්දති, තං ආරබ්භ විතක්කො උප්පජ්ජති. (සංඛිත්තං.) වත්ථුං අනිච්චතො දුක්ඛතො අනත්තතො විපස්සති අස්සාදෙති, අභිනන්දති. තං ආරබ්භ විතක්කො උප්පජ්ජති. වත්ථුපුරෙජාතං: වත්ථු අවිතක්කවිචාරමත්තානං ඛන්ධානං විතක්කස්ස ච පුරෙජාතපච්චයෙන පච්චයො.
අවිතක්කඅවිචාරො ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස පුරෙජාතපච්චයෙන පච්චයො: වත්ථු පුරෙජාතං වත්ථු අවිතක්කවිචාරමත්තානං ඛන්ධානං විචාරස්ස ච පුරෙජාතපච්චයෙන පච්චයො.
අවිතක්කඅවිචාරො ධම්මො සවිතක්කසවිචාරස්ස ච අවිතක්ක විචාරමත්තස්ස ච ධම්මස්ස පුරෙජාතපච්චයෙන පච්චයො: ආරම්මණපුරෙජාතං වත්ථුපුරෙජාතං. ආරම්මණපුරෙජාතං: චක්ඛුං අනිච්චතො දුක්ඛතො අනත්තතො විපස්සති අස්සාදෙති, අභිනන්දති, තං ආරබ්භ සවිතක්ක සවිචාරා ඛන්ධා ච විතක්කො ච උප්පජ්ජන්ති. සොතං ඝානං ජිව්හං කායං රූපෙ සද්දෙ ගන්ධෙ රසෙ ඵොට්ඨබ්බෙ වත්ථුං අනිච්චතො දුක්ඛතො අනත්තතො විපස්සති, අස්සාදෙති, අභිනන්දති තං ආරබ්භ සවිතක්ක සවිචාරා ඛන්ධා ච විතක්කො ච විතක්කො ච උප්පජ්ජති. වත්ථුපුරෙජාතං වත්ථු සවිතක්කසවිචාරානං ඛන්ධානං විතක්කස්ස ච පුරෙජාතපච්චයෙන පච්චයො.
සවිතක්කසවිචාරො ධම්මො අවිතක්කඅවිචාරස්ස ධම්මස්ස පච්ඡාජාතපච්චයෙන පච්චයො: පච්ඡාජාතා සවිතක්කසවිචාරා ඛන්ධා පුරෙජාතස්ස ඉමස්ස කායස්ස පච්ඡාජාතපච්චයෙන පච්චයො.
අවිතක්කවිචාරමත්තො ධම්මො අවිතක්කඅවිචාරස්ස ධම්මස්ස පච්ඡාජාතපච්චයෙන පච්චයො: පච්ඡාජාතා අවිතක්කවිචාරමත්තා ඛන්ධා ච විතක්කො ච පුරෙජාතස්ස ඉමස්ස කායස්ස පච්ඡාජාතපච්චයෙන පච්චයො.
අවිතක්කඅවිචාරො ධම්මො අවිතක්කඅවිචාරස්ස ධම්මස්ස පච්ඡාජාතපච්චයෙන පච්චයො: පච්ඡාජාතා අවිතක්ක අවිචාරා ඛන්ධා ච විචාරො ච පුරෙජාතස්ස ඉමස්ස කායස්ස පච්ඡාජාත පච්චයෙන පච්චයො.
අවිතක්කවිචාරමත්තො ච අවිතක්කඅවිචාරො ච ධම්මා අවිතක්ක අවිචාරස්ස ධම්මස්ස පච්ඡාජාතපච්චයෙන පච්චයො: පච්ඡාජාතා අවිතක්කවිචාරමත්තා ඛන්ධා ච විචාරො ච පුරෙජාතස්ස ඉමස්ස කායස්ස පච්ඡාජාත පච්චයෙන පච්චයො.
සවිතක්කසවිචාරො ච අවිතක්කවිචාරමත්තො ච ධම්මා අවිතක්ක අවිචාරස්ස ධම්මස්ස පච්ඡාජාතපච්චයෙන පච්චයො: පච්ඡාජාතා සවිතක්ක සවිචාරා ඛන්ධා ච විතක්කො ච පුරෙජාතස්ස ඉමස්ස කායස්ස පච්ඡාජාතපච්චයෙන පච්චයො.
සවිතක්කසවිචාරො ධම්මො සවිතක්කසවිචාරස්ස ධම්මස්ස ආසෙනපච්චයෙන පච්චයො: පුරිමා පුරිමා සවිතක්කසවිචාරා ඛන්ධා පච්ඡිමානං පච්ඡිමානං සවිතක්කසවිචාරානං ඛන්ධානං ආසෙවනපච්චයෙන පච්චයො, අනුලොමං ගොත්රභුස්ස, අනුලොමං වොදානස්ස, ගොත්රභු සවිතක්කසවිචාරස්ස මග්ගස්ස, වොදානං සවිතක්කසවිචාරස්ස මග්ගස්ස ආසෙවනපච්චයෙන පච්චයො.
සවිතක්කසවිචාරො ධම්මො අවිතක්කසවිචාරමත්තස්ස ධම්මස්ස ආසෙනපච්චයෙන පච්චයො: පුරිමා පුරිමා සවිතක්කසවිචාරා ඛන්ධා පච්ඡිමස්ස පච්ඡාමස්ස විතක්කස්ස ආසෙවනපච්චයෙන. අවිතක්කවිචාරමත්තස්ස ඣානස්ස පරිකම්මං අවිතක්කවිචාරමත්තස්ස ඣානස්ස ආසෙවනපච්චයෙන. ගොත්රභු අවිතක්කවිචාරමත්තස්ස මග්ගස්ස ආසෙවනපච්චයෙන. වොදානං අවිතක්කවිචාරමත්තස්ස මග්ගස්ස ආසෙවනපච්චයෙන පච්චයො.
සවිතක්කසවිචාරො ධම්මො අවිතක්කඅවිචාරස්ස ධම්මස්ස ආසෙවන පච්චයෙන පච්චයො: දුතියස්ස ඣානස්ස පරිකම්මං දුතියෙ ඣානෙ
විචාරස්ස ආසෙවනපච්චයෙන. තතියස්ස ඣානස්ස පරිකම්මං තතියස්ස ඣානස්ස, චතුත්ථස්ස ඣානස්ස පරිකම්මං චතුත්ථස්ස ඣානස්ස, ආකාසානඤ්චායතනස්ස පරිකම්මං ආකාසානඤ්චායතනස්ස, විඤ්ඤාණඤ්චායතනස්ස පරිකම්මං විඤ්ඤාණඤ්චායතනස්ස, අකිඤ්චඤ්ඤායතනස්ස පරිකම්මං ආකිඤ්චඤ්ඤායතනස්ස, නෙවසඤ්ඤානාසඤ්ඤායතන්සස පරිකම්මං නෙවසඤ්ඤානාසඤ්ඤායතනස්ස, දිබ්බස්ස චක්ඛුස්ස පරිකම්මං දිබ්බස්ස චක්ඛුස්ස, දිබ්බාය සොතධාතුයා පරිකම්මං දිබ්බාය සොතධාතුයා, ඉද්ධිවිධඤාණස්ස -පෙ- චෙතොපරියඤාණස්ස -පෙ- පුබ්බෙනිවාසානුස්සතිඤාණස්ස පරිකම්මං පුබ්බෙනිවාසා -පෙ- යථාකම්මූපගඤාණස්ස -පෙ- අනාගතංසඤාණස්ස පරිකම්මං -පෙ- ගොත්රභු අවිතක්කඅවිචාරස්ස මග්ගස්ස විචාරස්ස ච, වොදානං අවිතක්කඅවිචාරස්ස මග්ගස්ස විචාරස්ස ච ආසෙවනපච්චයෙන පච්චයො.
සවිතක්කසවිචාරො ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස ආසෙවනපච්චයෙන පච්චයො: අවිතක්කවිචාරමත්තස්ස ඣානස්ස පරිකම්මං අවිතක්කවිචාරමත්තස්ස ඣානස්ස විචාරස්ස ච ආසෙවනපච්චයෙන. ගොත්රභු අවිතක්කවිචාරමත්තස්ස මග්ගස්ස විචාරස්ස ච වොදානං අවිතක්කවිචාරමත්තස්ස මග්ගස්ස විචාරස්ස ච ආසෙවන පච්චයෙන පච්චයො.
සවිතක්කසවිචාරො ධම්මො සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස ආසෙවනපච්චයෙන පච්චයො: පුරිමා පුරිමා සවිතක්කසවිචාරා ඛන්ධා පච්ඡිමානං පච්ඡිමානං සවිතක්කසවිචාරානං ඛන්ධානං විතක්කස්ස ච ආසෙවනපච්චයෙන පච්චයො. අනුලොමං ගොත්රභුස්ස විතක්කස්ස ච, අනුලොමං වොදානස්ස විතක්කස්ස ච, ගොත්රභු සවිතක්කසවිචාරස්ස මග්ගස්ස විතක්කස්ස ච, වොදානං සවිතක්ක සවිචාරස්ස මග්ගස්ස විතක්කස්ස ච ආසෙවනපච්චයෙන පච්චයො.
අවිතක්කවිචාරමත්තො ධම්මො අවිතක්කවිචාරමත්තස්ස ධම්මස්ස ආසෙවනපච්චයෙන පච්චයො: පුරිමො පුරිමො විතක්කො පච්ඡිමස්ස පච්ඡිමස්ස විතක්කස්ස ආසෙවනපච්චයෙන. පුරිමා පුරිමා අවිතක්කවිචාරමත්තා ඛන්ධා පච්ඡිමානං පච්ඡිමානං අවිතක්කවිචාරමත්තානං ඛන්ධානං ආසෙවනපච්චයෙන පච්චයො.
අවිතක්කවිචාරමත්තො ධම්මො සවිතක්කසවිචාරස්ස ධම්මස්ස ආසෙවනපච්චයෙන පච්චයො: පුරිමො පුරිමො විතක්කො පච්ඡිමානං පච්ඡිමානං සවිතක්කසවිචාරානං ඛන්ධානං ආසෙවනපච්චයෙන පච්චයො.
අවිතක්කවිචාරමත්තො ධම්මො අවිතක්කඅවිචාරස්ස ධම්මස්ස ආසෙවනපච්චයෙන පච්චයො: පුරිමා පුරිමා අවිතක්කවිචාරමත්තා ඛන්ධා පච්ඡිමස්ස පච්ඡිමස්ස විචාරස්ස ආසෙවන පච්චයෙන පච්චයො.
අවිතක්කවිචාරමත්තො ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස ආසෙවනපච්චයෙන පච්චයො: පුරිමා පුරිමා අවිතක්කවිචාරමත්තා ඛන්ධා පච්ඡිමානං පච්ඡිමානං අවිතක්කවිචාරමත්තානං ඛන්ධානං විචාරස්ස ච ආසෙවනපච්චයෙන පච්චයො.
අවිතක්කවිචාරමත්තො ධම්මො සවිතක්කසවිචාරස්ස ච අවිතක්ක විචාරමත්තස්ස ච ධම්මස්ස ආසෙවන පච්චයෙන පච්චයො: පුරිමො පුරිමො විතක්කො පච්ඡිමානං පච්ඡිමානං සවිතක්කසවිචාරානං ඛන්ධානං විතක්කස්ස ච ආසෙවනපච්චයෙන පච්චයො.
අවිතක්කඅවිචාරො ධම්මො අවිතක්කඅවිචාරස්ස ධම්මස්ස ආසෙවනපච්චයෙන පච්චයො: පුරිමො පුරිමො විචාරො පච්ඡිමස්ස පච්ඡිමස්ස විචාරස්ස ආසෙවනපච්චයෙන පච්චයො: පුරිමා පුරිමා අවිතක්ක අවිචාරා ඛන්ධා පච්ඡිමානං පච්ඡිමානං අවිතක්කඅවිචාරානං ඛන්ධානං ආසෙවනපච්චයෙන පච්චයො.
අවිතක්කඅවිචාරො ධම්මො අවිතක්කවිචාරමත්තස්ස ධම්මස්ස ආසෙවනපච්චයෙන පච්චයො: පුරිමො පුරිමො විචාරො පච්ඡිමානං පච්ඡිමානං අවිතක්කවිචාරමත්තානං ඛන්ධානං ආසෙවනපච්චයෙන පච්චයො.
අවිතක්කඅවිචාරො ධම්මො අවිතක්කවිචාරමත්තස්ස ච අවිතක්ක අවිචාරස්ස ච ධම්මස්ස ආසෙවනපච්චයෙන පච්චයො: පුරිමො පුරිමො විචාරො පච්ඡිමානං පච්ඡිමානං අවිතක්කවිචාරමත්තානං ඛන්ධානං විචාරස්ස ච ආසෙවනපච්චයෙන පච්චයො.
අවිතක්කවිචාරමත්තො ච අවිතක්කඅවිචාරො ච ධම්මා අවිතක්ක විචාරමත්තස්ස ධම්මස්ස ආසෙවනපච්චයෙන පච්චයො: පුරිමා පුරිමා අවිතක්කවිචාරමත්තා ඛන්ධා ච විචාරො ච පච්ඡිමානං පච්ඡිමානං අවිතක්කවිචාරමත්තානං ඛන්ධානං ආසෙවනපච්චයෙන පච්චයො.
අවිතක්කවිචාරමත්තො ච අවිතක්කඅවිචාරො ච ධම්මා අවිතක්කඅවිචාරස්ස ධම්මස්ස ආසෙවනපච්චයෙන පච්චයො: පුරිමා පුරිමා අවිතක්කවිචාරමත්තා ඛන්ධා ච විචාරො ච පච්ඡිමස්ස පච්ඡිමස්ස විචාරස්ස ආසෙවනපච්චයෙන පච්චයො.
අවිතක්කවිචාරමත්තො ච අවිතක්කඅවිචාරො ච ධම්මා අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස ආසෙවනපච්චයෙන පච්චයො: පුරිමා පුරිමා අවිතක්කවිචාරමත්තා ඛන්ධා ච විචාරො ච පච්ඡිමානං පච්ඡිමානං අවිතක්කවිචාරමත්තානං ඛන්ධානං විචාරස්ස ච ආසෙවනපච්චයෙන පච්චයො.
අවිතක්කසවිචාරො ච අවිතක්කවිචාරමත්තො ච ධම්මා සවිතක්ක සවිචාරස්ස ධම්මස්ස ආසෙවනපච්චයෙන පච්චයො: පුරිමා පුරිමා සවිතක්කසවිචාරා ඛන්ධා ච විතක්කො ච පච්ඡිමානං පච්ඡිමානං සවිතක්කසවිචාරානං ඛන්ධානං ආසෙවනපච්චයෙන පච්චයො: අනුලොමඤ්ච විතක්කො ච ගොත්රභුස්ස, අනුලොමඤ්ච විතක්කො ච වොදානස්ස, ගොත්රභු ච විතක්කො ච සවිතක්කසවිචාරස්ස මග්ගස්ස, වොදානඤ්ච විතක්කො ච සවිතක්ක සවිචාරස්ස ධම්මස්ස ආසෙවනපච්චයෙන පච්චයො.
සවිතක්කසවිචාරො ච අවිතක්කවිචාරමත්තො ච ධම්මා අවිතක්ක විචාරමත්තස්ස ධම්මස්ස ආසෙවනපච්චයෙන පච්චයො: පුරිමා පුරිමා සවිතක්ක සවිචාරා ඛන්ධා ච විතක්කො ච පච්ඡිමස්ස පච්ඡිමස්ස විතක්කස්ස ආසෙවනපච්චයෙන පච්චයො: අවිතක්කවිචාරමත්තස්ස ඣානස්ස පරිකම්මඤ්ච විතක්කො ච අවිතක්කවිචාරමත්තස්ස ඣානස්ස ආසෙවන පච්චයෙන පච්චයො: ගොත්රභු ච විතක්කො ච අවිතක්කවිචාරමත්තස්ස මග්ගස්ස, වොදානඤ්ච විතක්කො ච අවිතක්කවිචාරමත්තස්ස මග්ගස්ස ආසෙවනපච්චයෙන පච්චයො.
සවිතක්කසවිචාරො ච අවිතක්කවිචාරමත්තො ච ධම්මා අවිතක්කඅවිචාරස්ස ධම්මස්ස ආසෙවනපච්චයෙන පච්චයො: දුතියස්ස ඣානස්ස පරිකම්මඤ්ච විතක්කො ච දුතියෙ ඣානෙ විචාරස්ස ආසෙවනපච්චයෙන පච්චයො: නෙවසඤ්ඤානාසඤ්ඤායතනස්ස පරිකම්මඤ්ච විතක්කො ච දිබ්බස්ස චක්ඛුස්ස පරිකම්මඤ්ච විතක්කො ච අනාගතංසඤාණස්ස පරිකම්මඤ්ච විතක්කො ච අනාගතංසඤාණස්ස ආසෙවනපච්චයෙන පච්චයො: ගොත්රභු ච විතක්කො ච අවිතක්කඅවිචාරස්ස මග්ගස්ස විචාරස්ස ච ආසෙවනපච්චයෙන පච්චයො: වොදානඤ්ච විතක්කො ච අවිතක්කඅවිචාරස්ස මග්ගස්ස විචාරස්ස ආසෙවනපච්චයෙන පච්චයො.
සවිතක්කසවිචාරො ච අවිතක්කවිචාරමත්තො ච ධම්මා අවිතක්ක විචාරමත්තස්ස ච අවිතක්කඅවිචාරස්ස ච ධම්මස්ස ආසෙවනපච්චයෙන පච්චයො: අවිතක්කවිචාරමත්තස්ස ඣානස්ස පරිකම්මඤ්ච විතක්කො ච අවිතක්කවිචාරමත්තස්ස ඣානස්ස විචාරස්ස ච, ගොත්රභු ච
විතක්කො ච අවිතක්ක විචාරමත්තස්ස මග්ගස්ස විචාරස්ස ච, වොදානඤ්ච විතක්කො ච අවිතක්කවිචාරමත්තස්ස මග්ගස්ස විචාරස්ස ච ආසෙවනපච්චයෙන පච්චයො.
සවිතක්කසවිචාරො ච අවිතක්කවිචාරමත්තො ච ධම්මා සවිතක්ක සවිචාරස්ස ච අවිතක්කවිචාමත්තස්ස ච ධම්මස්ස ආසෙවනපච්චයෙන පච්චයො: පුරිමා පුරිමා සවිතක්කසවිචාරා ඛන්ධා ච විතක්කො ච පච්ඡිමානං පච්ඡිමානං සවිතක්කසවිචාරානං ඛන්ධානං විතක්කස්ස ච ආසෙවනපච්චයෙන පච්චයො: අනුලොමඤ්ච විතක්කො ච ගොත්රභුස්ස විතක්කස්ස ච, අනුලොමඤ්ච විතක්කො ච වොදානස්ස විතක්කස්ස ච, ගොත්රභු ච විතක්කො ච සවිතක්කවිචාරස්ස මග්ගස්ස විතක්කස්ස ච, වොදානඤ්ච විතක්කො ච සවිතක්කසවිචාරස්ස මග්ගස්ස විතක්කස්ස ච ආසෙවනපච්චයෙන පච්චයො.
සවිතක්කසවිචාරො ධම්මො සවිතක්කසවිචාරස්ස ධම්මස්ස කම්ම පච්චයෙන පච්චයො: සහජාතා නානාඛණිකා සහජාතා සවිතක්ක සවිචාරා චෙතනා සම්පයුත්තකානං ඛන්ධානං කම්මපච්චයෙන පච්චයො. පටිසන්ධික්ඛණෙ සවිතක්කසවිචාරා චෙතනා සම්පයුත්තකානං ඛන්ධානං කම්මපච්චයෙන පච්චයො: නානාඛණිකා සවිතක්කසවිචාරා චෙතනා විපාකානං සවිතක්කසවිචාරානං ඛන්ධානං කම්මපච්චයෙන පච්චයො.
සවිතක්කසවිචාරො ධම්මො අවිතක්කවිචාරමත්තස්ස ධම්මස්ස කම්මපච්චයෙන පච්චයො: සහජාතා නානාඛණිකා සහජාතා සවිතක්කසවිචාරා චෙතනා විතක්කස්ස කම්මපච්චයෙන පච්චයො: පටිසන්ධික්ඛණෙ සවිතක්කසවිචාරා චෙතනා විතක්කස්ස කම්මපච්චයෙන පච්චයො: නානාඛණිකා සවිතක්කසවිචාරා චෙතනා විපාකස්ස විතක්කස්ස කම්මපච්චයෙන පච්චයො.
සවිතක්කසවිචාරො ධම්මො අවිතක්කඅවිචාරස්ස ධම්මස්ස කම්මපච්චයෙන පච්චයො: සහජාතා නානාඛණිකා සහජාතා සවිතක්කසවිචාරා චෙතනා චිත්තසමුට්ඨානානං රූපානං කම්මපච්චයෙන පච්චයො: පටිසන්ධික්ඛණෙ සවිතක්කසවිචාරා චෙතනා කටත්තා රූපානං කම්මපච්චයෙන පච්චයො: නානාඛණිකා සවිතක්කසවිචාරා චෙතනා විපාකානං අවිතක්කඅවිචාරානං ඛන්ධානං කටත්තා ච රූපානං කම්මපච්චයෙන පච්චයො.
සවිතක්කසවිචාරො ධම්මො සවිතක්කසවිචාරස්ස ච අවිතක්කඅවිචාරස්ස ච ධම්මස්ස කම්මපච්චයෙන පච්චයො: සහජාතා නානාඛණිකා සහජාතා සවිතක්කසවිචාරා චෙතනා සම්පයුත්තකානං ඛන්ධානං
චිත්තසමුට්ඨානානඤ්ච රූපානං කම්මපච්චයෙන පච්චයො: පටිසන්ධික්ඛණෙ සවිතක්කසවිචාරා චෙතනා සම්පයුත්තකානං ඛන්ධානං කටත්තා ච රූපානං කම්මපච්චයෙන පච්චයො: නානාඛණිකා සවිතක්කසවිචාරා චෙතනා විපාකානං සවිතක්කසවිචාරානං ඛන්ධානං කටත්තා ච රූපානං කම්මපච්චයෙන පච්චයො.
සවිතක්කසවිචාරො ධම්මො අවිතක්කවිචාරමත්තස්ස ච අවිතක්ක අවිචාරස්ස ච ධම්මස්ස කම්මපච්චයෙන පච්චයො: සහජාතා නානාඛණිකා. සහජාතා සවිතක්කසවිචාරා චෙතනා විතක්කස්ස ච චිතස්සසමුට්ඨානානඤ්ච රූපානං කම්මපච්චයෙන පච්චයො: පටිසන්ධික්ඛණෙ සවිතක්කසවිචාරා චෙතනා විතක්කස්ස ච කටත්තා රූපානං කම්මපච්චයෙන පච්චයො: නානාඛණිකා සවිතක්ක සවිචාරා චෙතනා විපාකස්ස විතක්කස්ස ච කටත්තා ච රූපානං කම්මපච්චයෙන පච්චයො.
සවිතක්කසවිචාරො ධම්මො විතක්කස්සවිචාරස්ස ච අවිතක්කවිචාරමත්තස්ස ච ධම්මස්ස කම්මපච්චයෙන පච්චයො: සහජාතා නානාඛණිකා සහජාතා සවිතක්කසවිචාරා චෙතනා සම්පයුත්තකානං ඛන්ධානං විතක්කස්ස ච කම්මපච්චයෙන පච්චයො: පටිසන්ධික්ඛණෙ සවිතක්කසවිචාරා චෙතනා සම්පයුත්තකානං ඛන්ධානං විතක්කස්ස ච කම්මපච්චයෙන පච්චයො: නානාඛණිකා සවිතක්කසවිචාරා චෙතනා විපාකානං සවිතක්කසවිචාරානං ඛන්ධානං විතක්කස්ස ච කම්මපච්චයෙන පච්චයො.
සවිතක්කසවිචාරො ධම්මො සවිතක්කසවිචාරස්ස ච අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස කම්මපච්චයෙන පච්චයො: සහජාතා නානාඛණිකා සහජාතා සවිතක්කසවිචාරා චෙතනා සම්පයුත්තකානානං ඛන්ධානං විතක්කස්ස ච චිත්තසමුට්ඨානානඤ්ච රූපානං කම්මපච්චයෙන පච්චයො: පටිසන්ධික්ඛණෙ සවිතක්කසවිචාරා චෙතනා සම්පයුත්තකානං ඛන්ධානං විතක්කස්ස ච කටත්තා ච රූපානං කම්මපච්චයෙන පච්චයො: නානාඛණිකා සවිතක්කසවිචාරා චෙතනා විපාකානං සවිතක්කසවිචාරානං ඛන්ධානං විතක්කස්ස ච කටත්තා ච රූපානං කම්මපච්චයෙන පච්චයො.
අවිතක්කවිචාරමත්තො ධම්මො අවිතක්කවිචාරමත්තස්ස ධම්මස්ස කම්මපච්චයෙන පච්චයො: සහජාතා නානාඛණිකා සහජාතා අවිතක්කවිචාරමත්තා චෙතනා සම්පයුත්තකානං ඛන්ධානං කම්මපච්චයෙන, පටිසන්ධික්ඛණෙ නානාඛණිකා අවිතක්ක විචාරමත්තා චෙතනා විපාකානං අවිතක්කවිචාරමත්තානං ඛන්ධානං කම්මපච්චයෙන පච්චයො.
අවිතක්කවිචාරමත්තො ධම්මො අවිතක්කඅවිචාරස්ස ධම්මස්ස කම්මපච්චයෙන පච්චයො: සහජාතා නානාඛණිකා සහජාතා අවිතක්ක
විචාරමත්තා චෙතනා විචාරස්ස චිත්තසමුට්ඨානාඤ්ච රූපානං කම්මපච්චයෙන පච්චයො: පටිසන්ධික්ඛණෙ අවිතක්කවිචාරමත්තා චෙතනා විපාකස්ස විචාරස්ස ච කටත්තා ච රූපානං කම්මපච්චයෙන පච්චයො: නානාඛණිකා අවිතක්ක විචාරමත්තා චෙතනා විපාකස්ස විචාරස්ස ච කටත්තා රූපානං කම්මපච්චයෙන පච්චයො.
අවිතක්කවිචාරමත්තො ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස කම්මපච්චයෙන පච්චයො: සහජාතා නානාඛණිකා, සහජාතා අවිතක්කවිචාරමත්තා චෙතනා සම්පයුත්තකානං ඛන්ධානං විචාරස්ස ච චිත්තසමුට්ඨානානඤ්ච රූපානං කම්මපච්චයෙන පච්චයො: පටිසන්ධික්ඛණෙ අවිතක්කවිචාරමත්තා චෙතනා සම්පයුත්තකානං ඛන්ධානං විචාරස්ස ච කටත්තා ච රූපානං කම්මපච්චයෙන පච්චයො: නානාඛණිකා අවිතක්කවිචාරමත්තා චෙතනා විපාකානං අවිතක්කවිචාරමත්තානං ඛන්ධානං විචාරස්ස ච කටත්තා ච රූපානං කම්මපච්චයෙන පච්චයො
අවිතක්කඅවිචාරො ධම්මො අවිතක්කඅවිචාරස්ස ධම්මස්ස කම්මපච්චයෙන පච්චයො: සහජාතා නානාඛණිකා සහජාතා. අවිතක්කඅවිචාරා චෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං කම්මපච්චයෙන පච්චයො: පටිසන්ධික්ඛණෙ අවිතක්කඅවිචාරා චෙතනා සම්පයුත්තකානං ඛන්ධානං කටත්තා ච රූපානං කම්මපච්චයෙන පච්චයො: නානාඛණිකා අවිතක්කඅවිචාරා චෙතනා විපාකානං අවිතක්කඅවිචාරානං ඛන්ධානං කටත්තා ච රූපානං කම්මපච්චයෙන පච්චයො
සවිතක්කසවිචාරො ධම්මො සවිතක්කසවිචාරස්ස ධම්මස්ස විපාකපච්චයෙන පච්චයො: විපාකො සවිතක්කසවිචාරො එකො ඛන්ධො තිණ්ණන්නං ඛන්ධානං විපාකපච්චයෙන පච්චයො. පටිසන්ධික්ඛණෙ සවිතක්කසවිචාරො එකො ඛන්ධො තිණ්ණන්නං ඛන්ධානං විපාකපච්චයෙන පච්චයො සවිතක්කසවිචාරො ධම්මො අවිතක්කවිචාරමත්තස්ස ධම්මස්ස විපාකපච්චයෙන පච්චයො. විපාකා සවිතක්කසවිචාරා ඛන්ධා විතක්කස්ස විපාකපච්චයෙන පච්චයො. පටිසන්ධික්ඛණෙ -පෙ- සවිතක්කසවිචාරමූලකා සත්ත පඤ්හා පරිපුණ්ණා.
අවිතක්කවිචාරමත්තො ධම්මො අවිතක්කවිචාරමත්තස්ස ධම්මස්ස විපාකපච්චයෙන පච්චයො: විපාකො අවිතක්කවිචාරමත්තො එකො ඛන්ධො තිණ්ණන්නං ඛන්ධානං විපාකපච්චයෙන පච්චයො. ද්වෙ ඛන්ධා ද්වින්නං ඛන්ධානං විපාකපච්චයෙන. පටිසන්ධික්ඛණෙ විපාකො අවිතක්කවිචාරමත්තො එකො ඛන්ධො -පෙ-.
(අවිතක්කවිචාරමත්ත මූලකා පඤ්ච පඤ්හා කාතබ්බා. විපාකන්ති නියාමෙතබ්බා)
අවිතක්කඅවිචාරො ධම්මො අවිතක්කඅවිචාරස්ස ධම්මස්ස විපාක පච්චයෙන පච්චයො: විපාකො අවිතක්කඅවිචාරො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං විපාකපච්චයෙන පච්චයො, ද්වෙ ඛන්ධා -පෙ- විපාකො විචාරො චිත්තසමුට්ඨානානං රූපානං විපාකපච්චයෙන පච්චයො. පටිසන්ධික්ඛණෙ ඛන්ධා වත්ථුස්ස විපාකපච්චයෙන පච්චයො. විචාරො වත්ථුස්ස විපාකපච්චයෙන පච්චයො.
අවිතක්කඅවිචාරො ධම්මො අවිතක්කවිචාරමත්තස්ස ධම්මස්ස විපාකපච්චයෙන පච්චයො: විපාකො විචාරො අවිතක්කවිචාරමත්තානං ඛන්ධානං විපාකපච්චයෙන පච්චයො. පටිසන්ධික්ඛණෙ විපාකො විචාරො අවිතක්කවිචාරමත්තානං ඛන්ධානං විපාකපච්චයෙන පච්චයො.
අවිතක්කඅවිචාරො ධම්මො අවිතක්කවිචාරමත්තස්ස ච අවිතක්ක අවිචාරස්ස ච ධම්මස්ස ච විපාකපච්චයෙන පච්චයො: විපාකො විචාරො අවිතක්කවිචාරමත්තානං ඛන්ධානං චිත්තසමුට්ඨානානඤ්ච රූපානං විපාකපච්චයෙන පච්චයො. පටිසන්ධික්ඛණෙ විපාකො විචාරො අවිතක්කවිචාරමත්තානං ඛන්ධානං කටත්තා ච රූපානං විපාකපච්චයෙන පච්චයො. අවිතක්කවිචාරමත්තො ච අවිතක්කඅවිචාරො ච ධම්මා අවිතක්කවිචාරමත්තස්ස ධම්මස්ස විපාකපච්චයෙන පච්චයො: විපාකො අවිතක්කවිචාරමත්තො එකො ඛන්ධො ච විචාරො ච තිණ්ණන්නං ඛන්ධානං විපාකපච්චයෙන පච්චයො, ද්වෙ ඛන්ධා ද්වින්නං ඛන්ධානං විපාකපච්චයෙන පච්චයො, පටිසන්ධික්ඛණෙ -පෙ-.
අවිතක්කවිචාරමත්තො ච අවිතක්කඅවිචාරො ච ධම්මා අවිතක්කඅවිචාරස්ස ධම්මස්ස විපාකපච්චයෙන පච්චයො: විපාකා අවිතක්ක විචාරමත්තා ඛන්ධා ච විචාරො ච චිත්තසමුට්ඨානානං රූපානං විපාක පච්චයෙන පච්චයො, පටිසන්ධික්ඛණෙ අවිතක්කවිචාරමත්තා ඛන්ධා ච විචාරො ච කටත්තා රූපානං විපාකපච්චයෙන පච්චයො.
අවිතක්කවිචාරමත්තො ච අවිතක්කඅවිචාරො ච ධම්මා අවිතක්ක විචාරමත්තස්ස ච අවිතක්කඅවිචාරස්ස ච ධම්මස්ස විපාකපච්චයෙන පච්චයො: විපාකො අවිතක්කවිචාරමත්තො එකො ඛන්ධො ච විචාරො ච තිණ්ණන්නං ඛන්ධානං චිත්තසමුට්ඨානඤ්ච රූපානං විපාකපච්චයෙන පච්චයො. පටිසන්ධික්ඛණෙ විපාකො අවිතක්කවිචාරමත්තො එකො ඛන්ධො ච විචාරො ච තිණ්ණන්නං ඛන්ධානං කටත්තා ච රූපානං විපාකපච්චයෙන පච්චයො.
සවිතක්කසවිචාරො ච අවිතක්කවිචාරමත්තො ච ධම්මා සවිතක්ක සවිචාරස්ස ධම්මස්ස විපාකපච්චයෙන පච්චයො: විපාකො සවිතක්ක සවිචාරො එකො ඛන්ධො ච විතක්කො ච තිණ්ණන්නං ඛන්ධානං විපාකපච්චයෙන පච්චයො, ද්වෙ ඛන්ධා ද්වින්නං ඛන්ධානං විපාකපච්චයෙන පච්චයො, පටිසන්ධික්ඛණෙ -පෙ-.
සවිතක්කසවිචාරො ච අවිතක්කවිචාරමත්තො ච ධම්මා අවිතක්කඅවිචාරස්ස ධම්මස්ස විපාකපච්චයෙන පච්චයො: විපාකා සවිතක්ක සවිචාරා ඛන්ධා ච විතක්කො ච චිත්තසමුට්ඨානානං රූපානං විපාකපච්චයෙන පච්චයො. පටිසන්ධික්ඛණෙ -පෙ-.
සවිතක්කසවිචාරො ච අවිතක්කවිචාරමත්තො ච ධම්මා සවිතක්ක සවිචාරස්ස ච අවිතක්කඅවිචාරස්සස ච ධම්මස්ස විපාකපච්චයෙන පච්චයො: විපාකො සවිතක්කසවිචාරො එකො ඛන්ධො ච විතක්කො ච තිණ්ණන්නං ඛන්ධානං චිත්තසමුට්ඨානානඤ්ච රූපානං විපාකපච්චයෙන පච්චයො. පටිසන්ධික්ඛණෙ -පෙ-.
සවිතක්කසවිචාරො ධම්මො සවිතක්කසවිචාරස්ස ධම්මස්ස ආහාරපච්චයෙන පච්චයො: සවිතක්කසවිචාරා ආහාරා සම්පයුත්තකානං ඛන්ධානං ආහාරපච්චයෙන පච්චයො: පටිසන්ධික්ඛණෙ -පෙ-.
සවිතක්කසවිචාරො ධම්මො අවිතක්කවිචාරමත්තස්ස ධම්මස්ස ආහාරපච්චයෙන පච්චයො: සවිතක්කසවිචාරා ආහාරා විතක්කස්ස ආහාරපච්චයෙන පච්චයො. පටිසන්ධික්ඛණෙ -පෙ-.
(සවිතක්කසවිචාරමූලකා ඉමිනා කාරණෙන සත්ත පඤ්හා විභජිතබ්බා.)
අවිතක්කවිචාරමත්තො ධම්මො අවිතක්කවිචාරමත්තස්ස ධම්මස්ස ආහාරපච්චයෙන පච්චයො: අවිතක්කවිචාරමත්තා ආහාරා සම්පයුත්තකානං ඛන්ධානං ආහාරපච්චයෙන පච්චයො. පටිසන්ධික්ඛණෙ -පෙ-.
අවිතක්කවිචාරමත්තො ධම්මො අවිතක්කඅවිචාරාස්ස ධම්මස්ස ආහාරපච්චයෙන පච්චයො: අවිතක්කවිචාරමත්තා ආහාරා විචාරස්ස ච චිත්තසමුට්ඨානානඤ්ච රූපානං ආහාරපච්චයෙන පච්චයො. පටිසන්ධික්ඛණෙ -පෙ-.
අවිතක්කවිචාරමත්තො ධම්මො අවිතක්කවිචාරමත්තස්ස ච අවිතක්ක අවිචාරස්ස ච ධම්මස්ස ආහාරපච්චයෙන පච්චයො: අවිතක්කවිචාරමත්තා ආහාරා සම්පයුත්තකානං ඛන්ධානං විචාරස්ස ච චිත්තසමුට්ඨානානඤ්ච රූපානං ආහාරපච්චයෙන පච්චයො. පටිසන්ධික්ඛණෙ -පෙ-.
අවිතක්කඅවිචාරො ධම්මො අවිතක්කඅවිචාරස්ස ධම්මස්ස ආහාර පච්චයෙන පච්චයො: අවිතක්කඅවිචාරා ආහාරා සම්පයුත්තකානං ඛන්ධානං චිත්තසමුට්ඨානානඤ්ච රූපානං ආහාරපච්චයෙන පච්චයො. පටිසන්ධික්ඛණෙ -පෙ- කබළීකාරො ආහාරො ඉමස්ස කායස්ස ආහාරපච්චයෙන පච්චයො.
සවිතක්කසවිචාරො ධම්මො සවිතක්කසවිචාරස්ස ධම්මස්ස ඉන්ද්රිය පච්චයෙන පච්චයො: සවිතක්කසවිචාරා ඉන්ද්රියා සම්පයුත්තකානං ඛන්ධානං ඉන්ද්රියපච්චයෙන පච්චයො. පටිසන්ධික්ඛණෙ -පෙ-.
සවිතක්කසවිචාරො ධම්මො අවිතක්කවිචාරමත්තස්ස ධම්මස්ස ඉන්ද්රියපච්චයෙන පච්චයො: සවිතක්කසවිචාරා ඉන්ද්රියා විතක්කස්ස ඉන්ද්රියපච්චයෙන පච්චයො. පටිසන්ධික්ඛණෙ -පෙ-.
(සවිතක්කසවිචාරමූලකා සත්ත පඤ්හා. ඉමිනා කාරණෙන විභජිතබ්බා.)
අවිතක්කවිචාරමත්තො ධම්මො අවිතක්කවිචාරමත්තස්ස ධම්මස්ස ඉන්ද්රියපච්චයෙන පච්චයො. අවිතක්කවිචාරමත්තා ඉන්ද්රියා සම්පයුත්තකානං ඛන්ධානං ඉන්ද්රියපච්චයෙන පච්චයො. පටිසන්ධික්ඛණෙ -පෙ-.
අවිතක්කවිචාරමත්තො ධම්මො අවිතක්කඅවිචාරස්ස ධම්මස්ස ඉන්ද්රියපච්චයෙන පච්චයො. අවිතක්කවිචාරමත්තා ඉන්ද්රියා විචාරස්ස ච චිත්තසමුට්ඨානානඤ්ච රූපානං ඉන්ද්රියපච්චයෙන පච්චයො. පටිසන්ධික්ඛණෙ -පෙ-.
අවිතක්කවිචාරමත්තො ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස ඉන්ද්රියපච්චයෙන පච්චයො. අවිතක්කවිචාරමත්තා ඉන්ද්රියා සම්පයුත්තකානං ඛන්ධානං විචාරස්ස ච චිත්තසමුට්ඨානානඤ්ච රූපානං ඉන්ද්රියපච්චයෙන පච්චයො. පටිසන්ධික්ඛණෙ -පෙ-.
අවිතක්කඅවිචාරො ධම්මො අවිතක්කඅවිචාරස්ස ධම්මස්ස ඉන්ද්රිය පච්චයෙන පච්චයො: අවිතක්කඅවිචාරා ඉන්ද්රියා සම්පයුත්තකානං ඛන්ධානං චිත්තසමුට්ඨානානඤ්ච රූපානං ඉන්ද්රියපච්චයෙන පච්චයො. පටිසන්ධික්ඛණෙ චක්ඛුන්ද්රියං චක්ඛු විඤ්ඤාණස්ස, කායින්ද්රියං කායවිඤ්ඤාණස්ස ඉන්ද්රිපච්චයෙන පච්චයො. රූපජීවිතින්ද්රියං කටත්තා රූපානං ඉන්ද්රියපච්චයෙන පච්චයො.
සවිතක්කසවිචාරො ධම්මො සවිතක්කසවිචාරස්ස ධම්මස්ස ඣාන පච්චයෙන පච්චයො: සවිතක්කසවිචාරානි ඣානඞ්ගානි සම්පයුත්තකානං
ඛන්ධානං ඣානපච්චයෙන පච්චයො. පටිසන්ධික්ඛණෙ -පෙ-.
(සවිතක්කසවිචාර මූලකා සත්ත පඤ්හා, ඉමිනා කාරණෙන විභජිතබ්බා.)