අවිතක්කඅවිචාරො ධම්මො සවිතක්කසවිචාරස්ස ධම්මස්ස අනන්තරපච්චයෙන පච්චයො: අවිතක්කඅවිචාරං චුතිචිත්තං විචාරො ච සවිතක්කසවිචාරස්ස උ__පප__ත්තිචිත්තස්ස අනන්තරපච්චයෙන පච්චයො: අවිතක්කඅවිචාරං භවඞ්ගං විචාරො ච ආවජ්ජනාය අනන්තරපච්චයෙන පච්චයො, අවිතක්කඅවිචාරා ඛන්ධා විචාරො ච සවිතක්කසවිචාරස්ස වුට්ඨානස්ස අනන්තරපච්චයෙන පච්චයො, නිරොධා වුට්ඨහන්තස්ස නෙවසඤ්ඤානාසඤ්ඤායතනං සවිතක්කසවිචාරාය ඵලසමාපත්තියා අනන්තරපච්චයෙන පච්චයො.
අවිතක්කඅවිචාරො ධම්මො අවිතක්කවිචාරමත්තස්ස ධම්මස්ස අනන්තරපච්චයෙන පච්චයො: පුරිමො පුරිමො විචාරො පච්ඡිමානං පච්ඡිමානං අවිතක්කවිචාරමත්තානං ඛන්ධානං අනන්තරපච්චයෙන
පච්චයො, අවිතක්කඅවිචාරං චුතිචිත්තං විචාරො ච අවිතක්කවිචාරමත්තස්ස උපපත්තිචිත්තස්ස විතක්කස්ස ච අනන්තරපච්චයෙන පච්චයො, අවිතක්කඅවිචාරා ඛන්ධා විචාරො ච අවිතක්කවිචාරමත්තස්ස වුට්ඨානස්ස විතක්කස්ස ච අනන්තරපපච්චයෙන පච්චයො, නිරොධා වුට්ඨහන්තස්ස නෙවසඤ්ඤානාසඤ්ඤායතනං අවිතක්කවිචාරමත්තාය ඵලසමාපත්තියා විතක්කස්ස ච අනන්තරපච්චයෙන පච්චයො.
අවිතක්කඅවිචාරො ධම්මො අවිතක්කඅවිචාරමත්තස්ස ච අවිතක්කඅවිචාරස්ස ච ධම්මස්ස අනන්තරපච්චයෙන පච්චයො: අවිතක්කඅවිචාරං චුතිචිත්තං අවිතක්කවිචාරමත්තස්ස උපපත්තිචිත්තස්ස විචාරස්ස ච අනන්තරපච්චයෙන පච්චයො, අවිතක්කඅවිචාරා ඛන්ධා අවිතක්කවිචාරමත්තස්ස වුට්ඨානස්ස විචාරස්ස ච අනන්තරපච්චයෙන පච්චයො, නිරොධා වුට්ඨාහන්තස්ස නෙවසඤ්ඤානාසඤ්ඤායතනං අවිතක්කවිචාරමත්තාය ඵලසමාපත්තියා විචාරස්ස ච අනන්තරපච්චයෙන පච්චයො.
අවිතක්කඅවිචාරො ධම්මො සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස අනන්තරපච්චයෙන පච්චයො: අවිතක්කඅවිචාරං චුතිචිත්තං විචාරො ච සවිතක්කසවිචාරස්ස උපපත්තිචිත්තස්ස විතක්කස්ස ච අනන්තරපච්චයෙන පච්චයො, අවිතක්කඅවිචාරං භවඞ්ගඤ්ච විචාරො ච ආවජ්ජනාය විතක්කස්ස ච අනන්තරපච්චයෙන පච්චයො, අවිතක්කඅවිචාරා ඛන්ධා විචාරො ච සවිතක්කසවිචාරස්ස වුට්ඨානස්ස සවිතක්කස්ස ච අනන්තරපච්චයෙන පච්චයො, නිරොධා වුට්ඨහන්තස්ස නෙවසඤ්ඤානාසඤ්ඤායතනං සවිතක්කසවිචාරාය ඵලසමාපත්තියා විතක්කස්ස ච අනන්තරපච්චයෙන පච්චයො.
අවිතක්කවිචාරමත්තො ච අවිතක්කඅවිචාරො ච ධම්මා සවිතක්කසවිචාරස්ස ධම්මස්ස අනන්තරපච්චයෙන පච්චයො: අවිතක්කවිචාරමත්තං චුතිචිත්තඤ්ච විචාරො ච සවිතක්කසවිචාරස්ස උපපත්තිචිත්තස්ස අනන්තරපච්චයෙන පච්චයො, අවිතක්කවිචාරමත්තං භවඞ්ගඤ්ච විචාරො ච ආවජ්ජනාය අනන්තරපච්චයෙන පච්චයො. අවිතක්කවිචාරමත්තා ඛන්ධා ච විචාරො ච සවිතක්කසවිචාරස්ස වුට්ඨහන්තස්ස අනන්තරපච්චයෙන පච්චයො.
අවිතක්කවිචාරමත්තො ච අවිතක්කඅවිචාරො ච ධම්මා අවිතක්කවිචාරමත්තස්ස ධම්මස්ස අනන්තරපච්චයෙන පච්චයො: පුරිමා පුරිමා අවිතක්කවිචාරමත්තා ඛන්ධා ච විචාරො ච පච්ඡිමානං පච්ඡිමානං අවිතක්කවිචාරමත්තානං ඛන්ධානං අනන්තරපච්චයෙන පච්චයො, අවිතක්කවිචාරමත්තො මග්ගො ච විචාරො ච අවිතක්කවිචාරමත්තස්ස
ඵලස්ස අනන්තරපච්චයෙන පච්චයො, අවිතක්කවිචාරමත්තං ඵලං ච විචාරො ච අවිතක්කවිචාරමත්තස්ස ඵලස්ස අනන්තරපච්චයෙන පච්චයො.
අවිතක්කවිචාරමත්තො ච අවිතක්කඅවිචාරො ච ධම්මා අවිතක්කඅවිචාරස්ස ධම්මස්ස අනන්තරපච්චයෙන පච්චයො: පුරිමා පුරිමා අවිතක්කඅවිචාරමත්තා ඛන්ධා ච විචාරො ච පච්ඡිමස්ස පච්ඡිමස්ස විචාරස්ස අනන්තරපච්චයෙන පච්චයො, අවිතක්කවිචාරමත්තං චුතිචිත්තඤ්ච විචාරො ච අවිතක්කඅවිචාරස්ස උපපත්තිචිත්තස්ස අනන්තරපච්චයෙන පච්චයො. අවිතක්කවිචාරමත්තා ඛන්ධා ච විචාරො ච අවිතක්කඅවිචාරස්ස වුට්ඨානස්ස අනන්තරපච්චයෙන පච්චයො.
අවිතක්කවිචාරමත්තො ච අවිතක්කඅවිචාරො ච ධම්මා අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස අනන්තරපච්චයෙන පච්චයො: පුරිමා පුරිමා අවිතක්කවිචාරමත්තා ඛන්ධා ච විචාරො ච පච්ඡිමානං පච්ඡිමානං අවිතක්කවිචාරමත්තානං ඛන්ධානං විචාරස්ස ච අනන්තරපච්චයෙන පච්චයො, අවිතක්කවිචාරමත්තො මග්ගො ච විචාරො ච අවිතක්කවිචාරමත්තස්ස ඵලස්ස විචාරස්ස ච අනන්තරපච්චයෙන පච්චයො, අවිතක්කවිචාරමත්තං ඵලඤ්ච විචාරො ච අවිතක්කවිචාරමත්තස්ස ඵලස්ස ච විචාරස්ස ච අනන්තරපච්චයෙන පච්චයො.
අවිතක්කවිචාරමත්තො ච අවිතක්කඅවිචාරො ච ධම්මා සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස අනන්තරපච්චයෙන පච්චයො: අවිතක්කවිචාරමත්තං චුතිචිත්තඤ්ච විචාරො ච සවිතක්කසවිචාරස්ස උපපත්තිචිත්තස්ස විතක්කස්ස ච අනන්තරපච්චයෙන පච්චයො, අවිතක්කවිචාරමත්තං භවඞ්ගං ච විචාරො ච ආවජ්ජනාය විතක්කස්ස ච අනන්තරපච්චයෙන පච්චයො, අවිතක්කවිචාරමත්තා ඛන්ධා ච විචාරො ච සවිතක්කසවිචාරස්ස වුට්ඨානස්ස විතක්කස්ස ච අනන්තරපච්චයෙන පච්චයො.
සවිතක්කසවිචාරො ච අවිතක්කවිචාරමත්තො ච ධම්මා සවිතක්කසවිචාරස්ස ධම්මස්ස අනන්තරපච්චයෙන පච්චයො: පුරිමා පුරිමා සවිතක්කසවිචාරා ඛන්ධා ච විතක්කො ච පච්ඡිමානං පච්ඡිමානං සවිතක්කසවිචාරානං ඛන්ධානං අනන්තරපච්චයෙන පච්චයො, අනුලොමඤ්ච විතක්කො ච ගොත්රභුස්ස, අනුලොමං ච විතක්කො ච වොදානස්ස, ගොත්රභූ ච විතක්කො ච සවිතක්කසවිචාරස්ස මග්ගස්ස, වොදානඤ්ච විතක්කො ච සවිතක්කසවිචාරස්ස මග්ගස්ස, සවිතක්කසවිචාරො මග්ගො ච විතක්කො ච සවිතක්කසවිචාරස්ස ඵලස්ස,
සවිතක්කසවිචාරං ඵලඤ්ච විතක්කො ච සවිතක්කසවිචාරස්ස ඵලස්ස අනුලොමඤ්ච විතක්කො ච සවිතක්කසවිචාරාය ඵලසමාපත්තියා අනන්තරපච්චයෙන පච්චයො.
සවිතක්කසවිචාරො ච අවිතක්කවිචාරමත්තො ච ධම්මා අවිතක්කවිචාරමත්තස්ස ධම්මස්ස අනන්තරපච්චයෙන පච්චයො: පුරිමා පුරිමා සවිතක්කසවිචාරා ඛන්ධා ච විතක්කො ච පච්ඡාමස්ස පච්ඡිමස්ස විතක්කස්ස අනන්තරපච්චයෙන පච්චයො, සවිතක්කසවිචාරං චුතිචිත්තඤ්ච විතක්කො ච අවිතක්කවිචාරමත්තස්ස උපපත්තිචිත්තස්ස අනන්තරපච්චයෙන පච්චයො, සවිතක්කසවිචාරා ඛන්ධා ච විතක්කො ච අවිතක්කවිචාරමත්තස්ස ඣානස්ස පරිකම්මඤ්ච විතක්කො ච අවිතක්කවිචාරමත්තස්ස ඣානස්ස අනන්තරපච්චයෙන පච්චයො, ගොත්රභු ච විතක්කො ච අවිතක්කවිචාරමත්තස්ස මග්ගස්ස, වොදානඤ්ච විතක්කො ච අවිතක්කවිචාරමත්තස්ස මග්ගස්ස, අනුලොමඤ්ච විතක්කො ච අවිතක්කවිචාරමත්තාය ඵලසමාපත්තියා අනන්තරපච්චයෙන පච්චයො.
සවිතක්කසවිචාරො ච, අවිතක්කවිචාරමත්තො ච ධම්මා අවිතක්කඅවිචාරස්ස ධම්මස්ස අනන්තරපච්චයෙන පච්චයො: ආවජ්ජනා ච විතක්කො ච පඤ්චන්නං විඤ්ඤාණානං අනන්තරපච්චයෙන පච්චයො, සවිතක්කසවිචාරං චුතිචිත්තඤ්ච විතක්කො ච අවිතක්කඅවිචාරස්ස උපපත්තිචිත්තස්ස විචාරස්ස ච අනන්තරපච්චයෙන පච්චයො, සවිතක්කසවිචාරා ඛන්ධා ච විතක්කො ච අවිතක්කඅවිචාරස්ස වුට්ඨානස්ස ච විචාරස්ස ච අනන්තරපච්චයෙන පච්චයො, දුතියස්ස ඣානස්ස පරිකම්මඤ්ච විතක්කො ච දුතියස්ස ඣානස්ස ච විචාරස්ස ච අනන්තරපච්චයෙන පච්චයො, තතියස්ස ඣානස්ස පරිකම්මඤ්ච විතක්කො ච, චතුත්ථස්ස ඣානස්ස පරිකම්මඤ්ච විතක්කො ච, ආකාසානඤ්චායතනස්ස පරිකම්මඤ්ච විතක්කො ච, විඤ්ඤාණඤ්චායතනස්ස පරිකමමඤ්ඤ්ච විතක්කො විතක්කො ච, ආකිඤ්චඤ්ඤායතනස්ස පරිකම්මඤ්ච විතක්කො ච, නෙවසඤ්ඤානාසඤ්ඤායතනස්ස පරිකම්මඤ්ච විතක්කො ච, දිබ්බස්ස චක්ඛුස්ස පරිකම්මඤ්ච විතක්කො ච, දිබ්බාය සොතධාතුයා පරිකම්මඤ්ච විතක්කො ච, ඉද්ධිවිධඤාණස්ස පරිකම්මඤ්ච විතක්කො ච, චෙතොපරියඤාණස්ස පරිකම්මඤ්ච විතක්කො ච, පුබ්බෙනිවාසානුස්සතිඤාණස්ස යථාකම්මූපගඤාණස්ස අනාගතංසඤාණස්ස පරිකම්මඤ්ච විතක්කො ච, ගොත්රභු ච විතක්කො ච අවිතක්කඅවිචාරස්ස මග්ගස්ස ච විචාරස්ස ච, වොදානඤ්ච විතක්කො ච අවිතක්කඅවිචාරස්ස ච මග්ගස්ස විචාරස්ස ච, අනුලොමඤ්ච විතක්කො ච අවිතක්කඅවිචාරාය ඵලසමාපත්තියා විචාරස්ස ච අනන්තරපච්චයෙන පච්චයො.
සවිතක්කසවිචාරො ච අවිතක්කවිචාරමත්තො ච ධම්මා අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස අනන්තරපච්චයෙන පච්චයො: සවිතක්කසවිචාරං චුතිචිත්තඤ්ච විතක්කො ච අවිතක්කවිචාරමත්තස්ස උපපත්තිචිත්තස්ස ච විචාරස්ස ච අනන්තරපච්චයෙන පච්චයො, සවිතක්කසවිචාරා ඛන්ධා ච විතක්කො ච අවිතක්කවිචාරමත්තස්ස වුට්ඨානස්ස ච විචාරස්ස ච අනන්තරපච්චයෙන පච්චයො, අවිතක්කවිචාරමත්තස්ස ඣානස්ස පරිකම්මඤ්ච විතක්කො ච අවිතක්කවිචාරමත්තස්ස ඣානස්ස ච විචාරස්ස ච අනන්තරපච්චයෙන පච්චයො, ගොත්රභු ච විතක්කො ච අවිතක්කවිචාරමත්තස්ස මග්ගස්ස ච විචාරස්ස ච අනන්තරපච්චයෙන පච්චයො, වොදානඤ්ච විතක්කො ච අවිතක්කවිචාරමත්තස්ස මග්ගස්ස විචාරස්ස ච අනුලොමඤ්ච විතක්කො ච අවිතක්කවිචාරමත්තාය ඵලසමාපත්තියා ච විචාරස්ස ච අනන්තරපච්චයෙන පච්චයො.
සවිතක්කසවිචාරො ච අවිතක්කවිචාරමත්තො ච ධම්මා සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස අනන්තරපච්චයෙන පච්චයො: පුරිමා පුරිමා සවිතක්කසවිචාරා ඛන්ධා ච විතක්කො ච පච්ඡිමානං පච්ඡිමානං සවිතක්කසවිචාරානං ඛන්ධානං විතක්කස්ස ච අනන්තරපච්චයෙන පච්චයො, අනුලොමඤ්ච විතක්කො ච ගොත්රභුස්ස ච විතක්කස්ස ච අනුලොමඤ්ච විතක්කො ච වොදානස්ස ච විතක්කස්ස ච ගොත්රභූ ච විතක්කො ච සවිතක්කසවිචාරස්ස ච මග්ගස්ස ච විතක්කස්ස ච වොදානඤ්ච විතක්කො ච සවිතක්කසවිචාරස්ස මග්ගස්ස ච විතක්කස්ස ච අනන්තරපච්චයොන පච්චයො, සවිතක්කසවිචාරො මග්ගො ච විතක්කො ච සවිතක්කසවිරාස්ස ඵලස්ස ච විතක්කස්ස ච, සවිතක්කසවිචාරං ඵලඤ්ච විතක්කො ච සවිතක්කසවිචාරස්ස ඵලස්ස ච විතක්කස්ස ච, අනුලොමඤ්ච විතක්කො ච සවිතක්කසවිචාරාය ඵලසමාපත්තියා ච විතක්කස්ස ච අනන්තරපච්චයෙන පච්චයො.
සවිතක්කසවිචාරො ධම්මො සවිතක්කසවිචාරස්ස ධම්මස්ස සමනන්තරපච්චයෙන පච්චයො: (අනන්තර පච්චයොපි සමනන්තර පච්චයොපි සදිසො)
සවිතක්කසවිචාරො ධම්මො සවිතක්කසවිචාරස්ස ධම්මස්ස සහජාතපච්චයෙන පච්චයො: සවිතක්කසවිචාරො එකො ඛන්ධො තිණ්ණන්නං ඛන්ධානං සහජාතපච්චයෙන පච්චයො, තයො ඛන්ධා එකස්ස ඛන්ධස්ස සහජාතපච්චයෙන පච්චයො, ද්වෙ ඛන්ධා ද්වින්නං
ඛන්ධානං සහජාතපච්චයෙන පච්චයො, පටිසන්ධික්ඛණෙ සවිතක්කසවිචාරො එකො ඛන්ධො තිණ්ණන්නං ඛන්ධානං ද්වෙ ඛන්ධා ද්වින්නං ඛන්ධානං සහජාතපච්චයෙන පච්චයො.
සවිතක්කසවිචාරො ධම්මො අවිතක්කවිචාරමත්තස්ස ධම්මස්ස සහජාතපච්චයෙන පච්චයො: සවිතක්කසවිචාරො ඛන්ධො විතක්කස්ස සහජාතපච්චයෙන පටිසන්ධික්ඛණෙ. -පෙ-.
සවිතක්කසවිචාරො ධම්මො අවිතක්කඅවිචාරස්ස ධම්මස්ස සහජාතපච්චයෙන පච්චයො: සවිතක්කසවිචාරා ඛන්ධො චිත්තසමුට්ඨානානං රූපානං සහජාතපච්චයෙන පච්චයො: පටිසන්ධික්ඛණෙ කටත්තා රූපානං.
සවිතක්කසවිචාරො ධම්මො සවිතක්කසවිචාරස්ස ච අවිතක්කඅවිචාරස්ස ච ධම්මස්ස සහජාතපච්චයෙන පච්චයො: සවිතක්කසවිචාරො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං සහජාතපච්චයෙන පච්චයො, ද්වෙ ඛන්ධා ද්වින්නං ඛන්ධානංචිත්තසමුට්ඨානානඤ්ච රූපානං සහජාතපච්චයෙන පච්චයො. පටිසන්ධික්ඛණෙ. (සංඛිත්තං.)
සවිතක්කසවිචාරො ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස සහජාතපච්චයෙන පච්චයො: සවිතක්කසවිචාරා ඛන්ධා විතක්කස්ස ච චිත්තසමුට්ඨානානඤ්ච රූපානං සහජාතපච්චයෙන පච්චයො, පටිසන්ධික්ඛණෙ. -පෙ-.
සවිතක්කසවිචාරො ධම්මො සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස සහජාතපච්චයෙන පච්චයො: සවිතක්කසවිචාරො එකො ඛන්ධො තිණ්ණන්නං ඛන්ධානං විතක්කස්ස ච සහජාතපච්චයෙන පච්චයො, ද්වෙ ඛන්ධා ද්වින්නං ඛන්ධානං විතක්කස්ස ච සහජාතපච්චයෙන පච්චයො, පටිසන්ධික්ඛණෙ -පෙ-.
සවිතක්කසවිචාරො ධම්මො සවිතක්කසවිචාරස්ස ච අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස සහජාතපච්චයෙන පච්චයො: සවිතක්කසවිචාරො එකො ඛන්ධො තිණ්ණන්නං ඛන්ධානං විතක්කස්ස ච චිත්තසමුට්ඨානානඤ්ච රූපානං සහජාතපච්චයෙන පච්චයො, ද්වෙ ඛන්ධා ද්වින්නං ඛන්ධානං විතක්කස්ස ච චිත්තසමුට්ඨානානඤ්ච රූපානං පටිසන්ධික්ඛණෙ -පෙ-.
අවිතක්කවිචාරමත්තො ධම්මො අවිතක්කවිචාරමත්තස්ස ධම්මස්ස සහජාතපච්චයෙන පච්චයො: අවිතක්කවිචාරමත්තො එකො ඛන්ධො
තිණ්ණන්නං ඛන්ධානං සහජාතපච්චයෙන පච්චයො: ද්වෙ ඛන්ධා ද්වින්නං ඛන්ධානං පටිසන්ධික්ඛණෙ -පෙ-.
අවිතක්කවිචාරමත්තො ධම්මො සවිතක්කසවිචාරස්ස ධම්මස්ස සහජාතපච්චයෙන පච්චයො: විතක්කො සවිතක්කසවිචාරානං ඛන්ධානං සහජාතපච්චයෙන පච්චයො, පටිසන්ධික්ඛණෙ. -පෙ-.
අවිතක්කවිචාරමත්තො ධම්මො අවිතක්කඅවිචාරස්ස ධම්මස්ස සහජාතපච්චයෙන පච්චයො: අවිතක්කවිචාරමත්තා ඛන්ධා විචාරස්ස චිත්තසමුට්ඨානානඤ්ච රූපානං සහජාතපච්චයෙන පච්චයො, විතක්කො චිත්තසමුට්ඨානානං රූපානං සහජාතපච්චයෙන පච්චයො පටිසන්ධික්ඛණෙ -පෙ-
අවිතක්කවිචාරමත්තො ධම්මො සවිතක්කසවිචාරස්ස ච අවිතක්කඅවිචාරස්ස ච ධම්මස්ස සහජාතපච්චයෙන පච්චයො: විතක්කො සවිතක්කසවිචාරානං ඛන්ධානං චිත්තසමුට්ඨානානඤ්ච රූපානං සහජාතපච්චයෙන පච්චයො, පටිසන්ධික්ඛණෙ විතක්කො -පෙ-
අවිතක්කවිචාරමත්තො ධම්මො අවිතක්කඅවිචාරමත්තස්ස ච අවිතක්කඅවිචාරස්ස ච ධම්මස්ස සහජාතපච්චයෙන පච්චයො: අවිතක්කවිචාරමත්තො එකො ඛන්ධො තිණ්ණන්නං ඛන්ධානං විචාරස්ස ච චිත්තසමුට්ඨානානඤ්ච රූපානං සහජාතපච්චයෙන පච්චයො, ද්වෙ ඛන්ධා ද්වින්නං ඛන්ධානං විචාරස්ස ච චිත්තසමුට්ඨානානඤ්ච රූපානං පටිසන්ධික්ඛණෙ -පෙ-.
අවිතක්කඅවිචාරො ධම්මො අවිතක්කඅවිචාරස්ස ධම්මස්ස සහජාතපච්චයෙන පච්චයො: අවිතක්කඅවිචාරො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං සහජාතපච්චයෙන පච්චයො, ද්වෙ ඛන්ධා ද්වින්නං ඛන්ධානං චිත්තසමුට්ඨානාඤ්ච රූපානං සහජාතපච්චයෙන පච්චයො, විචාරො චිත්තසමුට්ඨානානං රූපානං, පටිසන්ධික්ඛණෙ අවිතක්කඅවිචාරො එකො තිණ්ණන්නං ඛන්ධානං කටත්තා ච රූපානං, ද්වෙ ඛන්ධා ද්වින්නං ඛන්ධානං කටත්තා ච රූපානං, විචාරො කටත්තා රූපානං, ඛන්ධා වත්ථුස්ස, වත්ථු ඛන්ධානං, විචාරො වත්ථුස්ස, වත්ථු විචාරස්ස, එකං මහාභූතං තිණ්ණන්නං මහාභූතානං. මහාභූතා චිත්තසමුට්ඨානානං රූපානං කටත්තා රූපානං උපාදාරූපානං, බාහිරං ආහාරසමුට්ඨානං, උතු සමුට්ඨානං, අසඤ්ඤසත්තානං එකං මහාභූතං මහාභූතා කටත්තා රූපානං උපාදාරූපානං සහජාතපච්චයෙන පච්චයො.
අවිතක්කඅවිචාරො ධම්මො සවිතක්කසවිචාරස්ස ධම්මස්ස සහජාතපච්චයෙන පච්චයො: පටිසන්ධික්ඛණෙ වත්ථු සවිතක්කසවිචාරානං ඛන්ධානං සහජාතපච්චයෙන පච්චයො.
අවිතක්කඅවිචාරො ධම්මො අවිතක්කවිචාරමත්තස්ස ධම්මස්ස සහජාතපච්චයෙන පච්චයො: විචාරො අවිතක්කවිචාරමත්තතානං ඛන්ධානං සහජාතපච්චයෙන පච්චයො, පටිසන්ධික්ඛණෙ විචාරො අවිතක්කවිචාරමත්තානං ඛන්ධානං සහජාතපච්චයෙන පච්චයො, පටිසන්ධික්ඛණෙ වත්ථු අවිතක්කවිචාරමත්තානං ඛන්ධානං සහජාතපච්චයෙන පච්චයො. පටිසන්ධික්ඛණෙ වත්ථු විතක්කස්ස සහජාතපච්චයෙන පච්චයො.
අවිතක්කඅවිචාරො ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස සහජාතපච්චයෙන පච්චයො: විචාරො අවිතක්කවිචාරමත්තතානං ඛන්ධානං චිත්තසමුට්ඨානානඤ්ච රූපානං සහජාතපච්චයෙන පච්චයො, පටිසන්ධික්ඛණෙ විචාරො අවිතක්කවිචාරමත්තානං ඛන්ධානං කටත්තා රූපානං, පටිසන්ධික්ඛණෙ වත්ථු අවිතක්කවිචාරමත්තානං ඛන්ධානං විචාරස්ස ච සහජාතපච්චයෙන පච්චයො.
අවිතක්කඅවිචාරො ධම්මො සවිතක්කසවිචාරස්සච අවිතක්කවිචාරමත්තස්ස ච ධම්මස්ස සහජාතපච්චයෙන පච්චයො: පටිසන්ධික්ඛණෙ වත්ථු සවිතක්කසවිචාරානං ඛන්ධානං විතක්කස්ස ච සහජාතපච්චයෙන පච්චයො.
සවිතක්කසවිචාරො ච අවිතක්කඅවිචාරො ච ධම්මා සවිතක්කසවිචාරස්ස ධම්මස්ස සහජාතපච්චයෙන පච්චයො: පටිසන්ධික්ඛණෙ සවිතක්කසවිචාරො එකො ඛන්ධො ච වත්ථු ච තිණ්ණන්නං ඛන්ධානං සහජාතපච්චයෙන පච්චයො, ද්වෙ ඛන්ධා ච වත්ථු ච ද්වින්නං ඛන්ධානං සහජාතපච්චයෙන පච්චයො.
සවිතක්කසවිචාරො ච අවිතක්කඅවිචාරො ච ධම්මා අවිතක්කවිචාරමත්තස්ස ධම්මස්ස සහජාතපච්චයෙන පච්චයො: පටිසන්ධික්ඛණෙ සවිතක්කසවිචාරා ඛන්ධා ච වත්ථු ච විතක්කස්ස සහජාපච්චයෙන පච්චයො, සවිතක්කසවිචාරො ච අවිතක්කඅවිචාරො ච ධම්මා අවිතක්කඅවිචාරස්ස ධම්මස්ස සහජාතපච්චයෙන පච්චයො, සවිතක්කසවිචාරා ඛන්ධා ච මහාභූතා ච චිත්තසමුට්ඨානානං රූපානං සහජාතපච්චයෙන පච්චයො, පටිසන්ධික්ඛණෙ සවිතක්කසවිචාරා ඛන්ධා ච මහාභූතා ච කටත්තාරූපානං සහජාතපච්චයෙන පච්චයො.
සවිතක්කසවිචාරො ච අවිතක්කඅවිචාරො ච ධම්මා සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස සහජාපච්චයෙන පච්චයො: පටිසන්ධික්ඛණෙ සවිතක්කසවිචාරො එකො ඛන්ධො ච වත්ථු ච තිණ්ණන්නං ඛන්ධානං විතක්කස්ස ච, ද්වෙ ඛන්ධා ච වත්ථු ච ද්වින්නං ඛන්ධානං විතක්කස්ස ච සහජාතපච්චයෙන පච්චයො.
අවිතක්කවිචාරමත්තො ච අවිතක්කඅවිචාරො ච ධම්මා සවිතක්කසවිචාරස්ස ධම්මස්ස සහජාතපච්චයෙන පච්චයො: පටිසන්ධික්ඛණෙ විතක්කො ච වත්ථු ච සවිතක්කසවිචාරානං ඛන්ධානං සහජාතපච්චයෙන පච්චයො.
අවිතක්කවිචාරමත්තො ච අවිතක්කඅවිචාරො ච ධම්මා අවිතක්කවිචාරමත්තස්ස ධම්මස්ස සහජාපච්චයෙන පච්චයො: අවිතක්කවිචාරමත්තො එකො ඛන්ධො ච විචාරො ච තිණ්ණන්නං ඛන්ධානං, ද්වෙ ඛන්ධා ච විචාරො ච ද්වින්නං ඛන්ධානං සහජාතපච්චයෙන පච්චයො, පටිසන්ධික්ඛණෙ අවිතක්කවිචාරමත්තො එකො ඛන්ධො ච විචාරො ච තිණ්ණන්නං ඛන්ධානං, ද්වෙ ඛන්ධා ච විචාරො ච ද්වින්නං ඛන්ධානං, පටිසන්ධික්ඛණෙ අවිතක්කවිචාරමත්තො එකො ඛන්ධො ච වත්ථු ච තිණ්ණන්නං ඛන්ධානං සහජාතපච්චයෙන පච්චයො.
අවිතක්කවිචාරමත්තො ච අවිතක්කඅවිචාරො ච ධම්මා අවිතක්කඅවිචාරස්ස ධම්මස්ස සහජාතපච්චයෙන පච්චයො: අවිතක්කවිචාරමත්තා ඛන්ධා ච විචාරො ච චිත්තසමුට්ඨානානං රූපානං සහජාතපච්චයෙන පච්චයො, අවිතක්කවිචාරමත්තා ඛන්ධා ච මහාභූතා ච චිත්තසමුට්ඨානානං රූපානං, විතක්කො ච මහාභූතා ච චිත්තසමුට්ඨානානං රූපානං, පටිසන්ධික්ඛණෙ අවිතක්කවිචාරමත්තා ඛන්ධා ච විචාරො ච කටත්තා රූපානං, පටිසන්ධික්ඛණෙ අවිතක්කවිචාරමත්තා ඛන්ධා ච මහාභූතා ච කටත්තාරූපානං, පටිසන්ධික්ඛණෙ විතක්කො ච මහාභූතා ච කටත්තා රූපානං, පටිසන්ධික්ඛණෙ අවිතක්කවිචාරමත්තා ඛන්ධා ච වත්ථු ච විචාරස්ස සහජාතපච්චයෙන පච්චයො.
අවිතක්කවිචාරමත්තො ච අවිතක්කඅවිචාරො ච ධම්මා අවිතක්ක විචාරමත්තස්ස ච අවිතක්කඅවිචාරස්ස ච ධම්මස්ස සහජාතපච්චයෙන පච්චයො: අවිතක්කවිචාරමත්තො එකො ඛන්ධො ච විචාරො ච තිණ්ණන්නං ඛන්ධානං චිත්තසමුට්ඨානානඤ්ච රූපානං සහජාතපච්චයෙන පච්චයො, තයො ඛන්ධා ච විචාරො ච එකස්ස ඛන්ධස්ස චිත්තසමුට්ඨානානඤ්ච රූපානං සහජාතපච්චයෙන පච්චයො, ද්වෙ
ඛන්ධා ච විචාරො ච ද්වින්නං ඛන්ධානං චිත්තසමුට්ඨානානඤ්ච රූපානං සහජාතපච්චයෙන, පටිසන්ධික්ඛණෙ අවිතක්කවිචාරමත්තො එකො ඛන්ධො ච විචාරො ච තිණ්ණන්නං ඛන්ධානං කටත්තාරූපානං සහජාතපච්චයෙන, ද්වෙ ඛන්ධා ද්වින්නං ඛන්ධානං පටිසන්ධික්ඛණෙ අවිතක්කවිචාර මත්තො එකො ඛන්ධො ච වත්ථු ච තිණ්ණන්නං ඛන්ධානං විචාරස්ස ච, සහජාතපච්චයෙන, ද්වෙ ඛන්ධා ච වත්ථු ච ද්වින්නං ඛන්ධානං විචාරස්ස ච සහජාතපච්චයෙන පච්චයො.
සවිතක්ක සවිචාරො ච අවිතක්කවිචාරමත්තො ච ධම්මා සවිතක්ක සවිචාරස්ස ධම්මස්ස සහජාතපච්චයෙන පච්චයො: සවිතක්කසවිචාරො එකො ඛන්ධො ච විතක්කො ච තිණ්ණන්නං ඛන්ධානං සහජාතපච්චයෙන, ද්වෙ ඛන්ධා ච විතක්කො ච ද්වින්නං ඛන්ධානං සහජාත පච්චයෙන, පටිසන්ධික්ඛණෙ -පෙ-.
සවිතක්කසවිචාරො ච අවිතක්කිචාරමත්තො ච ධම්මා අවිතක්ක අවිචාරස්ස ධම්මස්ස සහජාතපච්චයෙන පච්චයො: සවිතක්කසවිචාරා ඛන්ධා ච විතක්කො ච චිත්තසමුට්ඨානානං රූපානං සහජාතපච්චයෙන පටිසන්ධික්ඛණෙ -පෙ-.
සවිතක්කසවිචාරො ච අවිතක්කවිචාරමත්තො ච ධම්මා සවිතක්කසවිචාරස්ස ච අවිතක්කඅවිචාරස්ස ච ධම්මස්ස සහජාතපච්චයෙන පච්චයො, සවිතක්කසවිචාරො එකො ඛන්ධෙ ච විතක්කො ච තිණ්ණන්නං ඛන්ධානං චිත්තසමුට්ඨානානඤ්ච රූපානං සහජාතපච්චයෙන, ද්වෙ ඛන්ධා ච විතක්කො ච ද්වින්නං ඛන්ධානං චිත්තසමුට්ඨානානඤ්ච රූපානං සහජාතපච්චයෙන, පටිසන්ධික්ඛණෙ -පෙ-.
සවිතක්කසවිචාරො ච අවිතක්කවිචාරමත්තො ච අවිතක්කඅවිචාරො ච ධම්මා සවිතක්කසවිචාරස්ස ධම්මස්ස සහජාතපච්චයෙන පච්චයො: පටිසන්ධික්ඛණෙ සවිතක්කසවිචාරො එකො ඛන්ධෙ ච විතක්කො ච වත්ථු ච තිණ්ණන්නං ඛන්ධානං සහජාතපච්චයෙන, ද්වෙ ඛන්ධා ච විතක්කො ච වත්ථු ච ද්වින්නං ඛන්ධානං සහජාතපච්චයෙන, පච්චයො.
සවිතක්කසවිචාරො ච අවිතක්කවිචාරමත්තො ච අවිතක්කඅවිචාරො ච ධම්මා අවිතක්කඅවිචාරස්ස ධම්මස්ස සහජාතපච්චයෙන පච්චයො: සවිතක්කසවිචාරා ඛන්ධා ච විතක්කො ච මහාභූතා ච චිත්තසමුට්ඨානානං රූපානං සහජාත පච්චයෙන පටිසන්ධික්ඛණෙ සවිතක්කසවිචාරා ඛන්ධා ච විතක්කො ච මහාභූතා ච කටත්තාරූපානං සහජාතපච්චයෙන පච්චයො.
සවිත්කකසවිචාරො ධම්මො සවිතක්කසවිචාරස්ස ධම්මස්ස අඤ්ඤමඤ්ඤපච්චයෙන පච්චයො: සවිතක්කසවිචාරො එකො ඛන්ධො
තිණ්ණන්නං ඛන්ධානං අඤ්ඤමඤ්ඤපච්චයෙන, පටිසන්ධික්ඛණෙ සවිතක්කසවිචාරො එකො ඛන්ධො තිණ්ණන්නං ඛන්ධානං අඤ්ඤමඤ්ඤපච්චයෙන, ද්වෙ ඛන්ධා ද්වින්නං ඛන්ධානං අඤ්ඤමඤ්ඤපච්චයෙන පච්චයො.
සවිතක්කසවිචාරො ධම්මො අවිතක්කවිචාරමත්තස්ස ධම්මස්ස අඤ්ඤමඤ්ඤපච්චයෙන පච්චයො: සවිතක්කසවිචාරා ඛන්ධා විතක්කස්ස අඤ්ඤමඤ්ඤපච්චයෙන පටිසන්ධික්ඛණෙ -පෙ-.
සවිතක්කසවිචාරො ධම්මො අවිතක්කඅවිචාරස්ස ධම්මස්ස අඤ්ඤමඤ්ඤපච්චයෙන පච්චයො: පටිසන්ධික්ඛණෙ සවිතක්කසවිචාරා ඛන්ධා වත්ථුස්ස අඤ්ඤමඤ්ඤපච්චයෙන පච්චයො.
සවිතක්කසවිචාරො ධම්මො සවිතක්කසවිචාරස්ස ච අවිතක්ක අවිචාරස්ස ච ධම්මස්ස අඤ්ඤමඤ්ඤපච්චයෙන පච්චයො: පටිසන්ධික්ඛණෙ සවිතක්ක සවිචාරො එකො ඛන්ධො තිණ්ණන්නං ඛන්ධානං වත්ථුස්ස ච අඤ්ඤමඤ්ඤපච්චයෙන, ද්වෙ ඛන්ධා ද්වින්නඛන්ධානං වත්ථුස්ස ච අඤ්ඤමඤ්ඤපච්චයෙන පච්චයො.
සවිතක්කසවිචාරො ධම්මො අවිතක්කසවිචාරස්ස ච අවිතක්කඅවිචාරස්ස ච ධම්මස්ස අඤ්ඤමඤ්ඤපච්චයෙන පච්චයො: පටිසන්ධික්ඛණෙ සවිතක්කසවිචාරා ඛන්ධා විතක්කස්ස ච වත්ථුස්ස ච අඤ්ඤමඤ්ඤපච්චයෙන පච්චයො.
සවිතක්කසවිචාරො ධම්මො සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස අඤ්ඤමඤ්ඤපච්චයෙන පච්චයො: සවිතක්කසවිචාරො එකො ඛන්ධො තිණ්ණන්නං ඛන්ධානං විතක්කස්ස ච අඤ්ඤමඤ්ඤපච්චයෙන, ද්වෙ ඛන්ධා ද්වින්නං ඛන්ධානං විතක්කස්ස ච අඤ්ඤමඤ්ඤපච්චයෙන පටිසන්ධික්ඛණෙ -පෙ-.
සවිතක්කසවිචාරො ධම්මො සවිතක්කසවිචාරස්ස ච අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස අඤ්ඤමඤ්ඤපච්චයෙන පච්චයො: පටිසන්ධික්ඛණෙ සවිතක්කසවිචාරො එකො ඛන්ධො තිණ්ණන්නං ඛන්ධානං විතක්කස්ස ච වත්ථුස්ස ච අඤ්ඤමඤ්ඤපච්චයෙන, ද්වෙ ඛන්ධා ද්වින්නං ඛන්ධානං විතක්කස්ස ච වත්ථුස්ස ච අඤ්ඤමඤ්ඤපච්චයෙන පච්චයො.
අවිතක්කවිචාරමත්තො ධම්මො අවිතක්කවිචාරමත්තස්ස ධම්මස්ස අඤ්ඤමඤ්ඤපච්චයෙන පච්චයො: අවිතක්කවිචාරමත්තො එකො ඛන්ධො තිණ්ණන්නං ඛන්ධානං අඤ්ඤමඤ්ඤපච්චයෙන, ද්වෙ ඛන්ධා ද්වින්නං ඛන්ධානං අඤ්ඤමඤ්ඤපච්චයෙන පටිසන්ධික්ඛණෙ -පෙ-.
අවිතක්කවිචාරමත්තො ධම්මො සවිතක්කසවිචාරස්ස ධම්මස්ස අඤ්ඤමඤ්ඤපච්චයෙන පච්චයො: විතක්කො සවිතක්කසවිචාරානං ඛන්ධානං අඤ්ඤමඤ්ඤපච්චයෙන පච්චයො පටිසන්ධික්ඛණෙ -පෙ-.
අවිතක්කවිචාරමත්තො ධම්මො අවිතක්කඅවිචාරස්ස ධම්මස්ස අඤ්ඤමඤ්ඤපච්චයෙන පච්චයො: අවිතක්කවිචාරමත්තා ඛන්ධා විචාරස්ස අඤ්ඤමඤ්ඤපච්චයෙන, පටිසන්ධික්ඛණෙ අවිතක්කවිචාරමත්තා ඛන්ධා විචාරස්ස ච වත්ථුස්ස ච අඤ්ඤමඤ්ඤපච්චයෙන, පටිසන්ධික්ඛණෙ විතක්කො වත්ථුස්ස අඤ්ඤමඤ්ඤපච්චයෙන පච්චයො.
අවිතක්කවිචාරමත්තො සවිතක්කසවිචාරස්ස ච අවිතක්කඅවිචාරස්ස ච ධම්මස්ස අඤ්ඤමඤ්ඤපච්චයෙන පච්චයො: පටිසන්ධික්ඛණෙ විතක්කො සවිතක්ක සවිචාරානං ඛන්ධානං වත්ථුස්ස ච අඤ්ඤමඤ්ඤ පච්චයෙන පච්චයො.
අවිතක්කවිචාරමත්තො ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස අඤ්ඤමඤ්ඤපච්චයෙන පච්චයො: අවිතක්ක විචාරමත්තො එකො ඛන්ධො තිණ්ණන්නං ඛන්ධානං විචාරස්ස ච අඤ්ඤමඤ්ඤපච්චයෙන, ද්වෙ ඛන්ධා ද්වින්නං ඛන්ධානං විචාරස්ස ච අඤ්ඤමඤ්ඤපච්චයෙන පටිසන්ධික්ඛණෙ අවිතක්කවිචාරමත්තො එකො ඛන්ධො තිණ්ණන්නං ඛන්ධානං විචාරස්ස ච වත්ථුස්ස ච අඤ්ඤමඤ්ඤ පච්චයෙන, ද්වෙ ඛන්ධා ද්වින්නං ඛන්ධානං විචාරස්ස ච වත්ථුස්ස ච අඤ්ඤමඤ්ඤපච්චයෙන පච්චයො.
අවිතක්කඅවිචාරො ධම්මො අවිතක්කඅවිචාරස්ස ධම්මස්ස අඤ්ඤමඤ්ඤපච්චයෙන පච්චයො: අවිතක්කඅවිචාරො එකො ඛන්ධො තිණ්ණන්නං ඛන්ධානං අඤ්ඤමඤ්ඤපච්චයෙන, ද්වෙ ඛන්ධා ද්වින්නං ඛන්ධානං අඤ්ඤමඤ්ඤ පච්චයෙන, පටිසන්ධික්ඛණෙ අවිතක්කඅවිචාරො එකො ඛන්ධො තිණ්ණන්නං ඛන්ධානං වත්ථුස්ස ච අඤ්ඤමඤ්ඤ පච්චයෙන, ද්වෙ ඛන්ධා ද්වින්නං ඛන්ධානං වත්ථුස්ස ච අඤ්ඤමඤ්ඤ පච්චයෙන ඛන්ධා වත්ථුස්ස, වත්ථු ඛන්ධානං විචාරො වත්ථුස්ස, වත්ථු විචාරස්ස එකං මහාභූතං තිණ්ණන්නං මහාභූතානං බාහිරං ආහාර සමුට්ඨානං, උතුසමුට්ඨානං අසඤ්ඤසත්තානං එකං මහාභූතං.
අවිතක්කඅවිචාරො ධම්මො සවිතක්කසවිචාරස්ස ධම්මස්ස අඤ්ඤමඤ්ඤපච්චයෙන පච්චයො: පටිසන්ධික්ඛණෙ වත්ථු සවිතක්කසවිචාරානං ඛන්ධානං අඤ්ඤමඤ්ඤපච්චයෙන පච්චයො.
අවිතක්කඅවිචාරො ධම්මො අවිතක්කවිචාරමත්තස්ස ධම්මස්ස අඤ්ඤමඤ්ඤපච්චයෙන පච්චයො: විචාරො අවිතක්කවිචාරමත්තානං
ඛන්ධානං අඤ්ඤමඤ්ඤපච්චයෙන පටිසන්ධික්ඛණෙ විචාරො අවිතක්කවිචාරමත්තානං ඛන්ධානං අඤ්ඤමඤ්ඤපච්චයෙන, පටිසන්ධික්ඛණෙ වත්ථු අවිතක්කවිචාරමත්තානං ඛන්ධානං අඤ්ඤමඤ්ඤපච්චයෙන, පටිසන්ධික්ඛණෙ වත්ථු විතක්කස්ස අඤ්ඤමඤ්ඤපච්චයෙන පච්චයො
අවිතක්කඅවිචාරො ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස අඤ්ඤමඤ්ඤපච්චයෙන පච්චයො: පටිසන්ධික්ඛණෙ විචාරො අවිතක්කවිචාරමත්තානං ඛන්ධානං වත්ථුස්ස ච අඤ්ඤමඤ්ඤපච්චයෙන, පටිසන්ධික්ඛණෙ වත්ථු අවිතක්කවිචාරමත්තානං ඛන්ධානං විචාරස්ස ච අඤ්ඤමඤ්ඤපච්චයෙන පච්චයො.
අවිතක්කඅවිචාරො ධම්මො සවිතක්කසවිචාරස්ස ච අවිතක්ක විචාරමත්තස්ස ච ධම්මස්ස අඤ්ඤමඤ්ඤපච්චයෙන පච්චයො: පටිසන්ධික්ඛණෙ වත්ථු සවිතක්කසවිචාරානං ඛන්ධානං විතක්කස්ස ච අඤ්ඤමඤ්ඤ පච්චයෙන පච්චයො.
සවිතක්කසවිචාරො ච අවිතක්කඅවිචාරො ච ධම්මා සවිතක්ක සවිචාරස්ස ධම්මස්ස අඤ්ඤමඤ්ඤපච්චයෙන පච්චයො: පටිසන්ධික්ඛණෙ සවිතක්කසවිචාරො එකො ඛන්ධො ච වත්ථු ච තිණ්ණන්නං ඛන්ධානං, ද්වෙ ඛන්ධා ච වත්ථු ච ද්වින්නං ඛන්ධානං අඤ්ඤමඤ්ඤපච්චයෙන පච්චයො.
සවිතක්කසවිචාරො ච අවිතක්කඅවිචාරො ච ධම්මා අවිතක්කවිචාරමත්තස්ස ධම්මස්ස අඤ්ඤමඤ්ඤපච්චයෙන පච්චයො: පටිසන්ධික්ඛණෙ සවිතක්කසවිචාරො ඛන්ධා ච වත්ථු ච විතක්කස්ස අඤ්ඤමඤ්ඤපච්චයෙන පච්චයො.
සවිතක්කසවිචාරො ච අවිතක්කඅවිචාරො ච ධම්මා සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස අඤ්ඤමඤ්ඤපච්චයෙන පච්චයො: පටිසන්ධික්ඛණෙ සවිතක්කසවිචාරො එකො ඛන්ධො ච වත්ථු ච තිණ්ණන්නං ඛන්ධානං විතක්කස්ස ච අඤ්ඤමඤ්ඤපච්චයෙන, ද්වෙ ඛන්ධා ච වත්ථු ච ද්වින්නං ඛන්ධානං විතක්කස්ස ච අඤ්ඤමඤ්ඤපච්චයෙන පච්චයො.
අවිතක්කවිචාරමත්තො ච අවිතක්කඅවිචාරො ච ධම්මා සවිතක්කසවිචාරස්ස ධම්මස්ස අඤ්ඤමඤ්ඤපච්චයෙන පච්චයො: පටිසන්ධික්ඛණෙ විතක්කො ච වත්ථු ච සවිතක්කසවිචාරානං ඛන්ධානං අඤ්ඤමඤ්ඤපච්චයෙන පච්චයො.
අවිතක්කවිචාරමත්තො ච අවිතක්කඅවිචාරො ච ධම්මා අවිතක්ක විචාරමත්තස්ස ධම්මස්ස අඤ්ඤමඤ්ඤපච්චයෙන පච්චයො: අවිතක්ක
විචාරමත්තො එකො ඛන්ධෙ ච විචාරො ච තිණ්ණන්නං ඛන්ධානං අඤ්ඤමඤ්ඤපච්චයෙන, ද්වෙ ඛන්ධා ච විචාරො ච ද්වින්නං ඛන්ධානං අඤ්ඤමඤ්ඤපච්චයෙන, පටිසන්ධික්ඛණෙ අවිතක්කවිචාරමත්තො එකො ඛන්ධො ච විචාරො ච වත්ථු ච තිණ්ණන්නං ඛන්ධානං, ද්වෙ ඛන්ධා ච විචාරො ච වත්ථු ච ද්වින්නං ඛන්ධානං අඤ්ඤමඤ්ඤපච්චයෙන පච්චයො.
අවිතක්කවිචාරමත්තො ච අවිතක්කඅවිචාරො ච ධම්මා අවිතක්කඅවිචාරස්ස ධම්මස්ස අඤ්ඤමඤ්ඤපච්චයෙන පච්චයො: පටිසන්ධික්ඛණෙ අවිතක්කවිචාරමත්තා ඛන්ධා ච විචාරො ච වත්ථුස්ස අඤ්ඤමඤ්ඤපච්චයෙන, පටිසන්ධික්ඛණෙ අවිතක්කවිචාරමත්තා ඛන්ධා ච වත්ථු ච විචාරස්ස අඤ්ඤමඤ්ඤපච්චයෙන පච්චයො.
අවිතක්කවිචාරමත්තො ච අවිතක්කඅවිචාරො ච ධම්මා අවිතක්ක විචාරමත්තස්ස ච අවිතක්කඅවිචාරස්ස ච ධම්මස්ස අඤ්ඤමඤ්ඤපච්චයෙන පච්චයො: පටිසන්ධික්ඛණෙ අවිතක්කවිචාරමත්තො එකො ඛන්ධො ච විචාරො ච තිණ්ණන්නං ඛන්ධානං වත්ථුස්ස ච අඤ්ඤමඤ්ඤපච්චයෙන, ද්වෙ ඛන්ධා ච විචාරො ච ද්වින්නං ඛන්ධානං වත්ථුස්ස ච අඤ්ඤමඤ්ඤපච්චයෙන, පටිසන්ධික්ඛණෙ අවිතක්කවිචාරමත්තො එකො ඛන්ධො ච වත්ථු ච තිණ්ණන්නං ඛන්ධානං විචාරස්ස ච අඤ්ඤමඤ්ඤ පච්චයෙන, ද්වෙ ඛන්ධා ච වත්ථු ච ද්වින්නං ඛන්ධානං විචාරස්ස ච අඤ්ඤමඤ්ඤපච්චයෙන පච්චයො.
සවිතක්කසවිචාරො ච අවිතක්කවිචාරමත්තො ච ධම්මා සවිතක්ක සවිචාරස්ස ධම්මස්ස අඤ්ඤමඤ්ඤපච්චයෙන පච්චයො. සවිතක්ක සවිචාරො එකො ඛන්ධො ච විතක්කො ච තිණ්ණන්නං ඛන්ධානං අඤ්ඤමඤ්ඤපච්චයෙන, ද්වෙ ඛන්ධා ච විතක්කො ච ද්වින්නං ඛන්ධානං අඤ්ඤමඤ්ඤපච්චයෙන, පටිසන්ධික්ඛණෙ -පෙ-.
සවිතක්කසවිචාරො ච අවිතක්කවිචාරමත්තො ච ධම්මා අවිතක්කඅවිචාරස්ස ධම්මස්ස අඤ්ඤමඤ්ඤපච්චයෙන පච්චයො: පටිසන්ධික්ඛණෙ සවිතක්කසවිචාරො ඛන්ධා ච විතක්කො ච වත්ථුස්ස අඤ්ඤමඤ්ඤපච්චයෙන පච්චයො.
සවිතක්කසවිචාරො ච අවිතක්කවිචාරමත්තො ච ධම්මා සවිතක්කසවිචාරස්ස ච අවිතක්කඅවිචාරස්ස ච ධම්මස්ස අඤ්ඤමඤ්ඤපච්චයෙන පච්චයො: පටිසන්ධික්ඛණෙ සවිතක්කසවිචාරො එකො ඛන්ධො ච විතක්කො ච තිණ්ණන්නං ඛන්ධානං වත්ථුස්ස ච අඤ්ඤමඤ්ඤපච්චයෙන, ද්වෙ ඛන්ධා ච විතක්කො ච ද්වින්නං ඛන්ධානං වත්ථුස්ස ච අඤ්ඤමඤ්ඤපච්චයෙන පච්චයො.
සවිතක්ක සවිචාරො ච අවිතක්කවිචාරමත්තො ච අවිතක්කඅවිචාරො ච ධම්මා සවිතක්කසවිචාරස්ස ධම්මස්ස අඤ්ඤමඤ්ඤපච්චයෙන පච්චයො: පටිසන්ධික්ඛණෙ සවිතක්කසවිචාරො එකො ඛන්ධො ච විතක්කො ච වත්ථු ච තිණ්ණන්නං ඛන්ධානං අඤ්ඤමඤ්ඤපච්චයෙන, ද්වෙ ඛන්ධා ච විතක්කො ච වත්ථු ච ද්වින්නං ඛන්ධානං අඤ්ඤමඤ්ඤපච්චයෙන පච්චයො.
සවිතක්කසවිචාරො ධම්මො සවිතක්කසවිචාරස්ස ධම්මස්ස නිස්සය පච්චයෙන පච්චයො: සවිතක්කසවිචාරො එකො ඛන්ධො තිණ්ණන්නං ඛන්ධානං, (සංඛිත්තං.) සත්ත.
අවිතක්කවිචාරමත්තො ධම්මො අවිතක්කවිචාරමත්තස්ස ධම්මස්ස නිස්සයපච්චයෙන පච්චයෙන පච්චයො (සංඛිත්තං.) පඤ්ච.
අවිතක්කඅවිචාරො ධම්මො අවිතක්කඅවිචාරස්ස ධම්මස්ස නිස්සය පච්චයෙන පච්චයො. අවිතක්කඅවිචාරො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං නිස්සයපච්චයෙන, ද්වෙ ඛන්ධා ද්වින්නං ඛන්ධානං චිත්තසමුට්ඨානානඤ්ච රූපානං නිස්සයපච්චයෙන පච්චයො, විචාරො චිත්තසමුට්ඨානානඤ්ච රූපානං නිස්සයපච්චයෙන පච්චයො, පටිසන්ධික්ඛණෙ අවිතක්කඅවිචාරො එකො ඛන්ධො තිණ්ණන්නං ඛන්ධානං කටත්තා ච රූපානං නිස්සයපච්චයෙන ද්වෙ ඛන්ධා ද්වින්නං ඛන්ධානං, (සංඛිත්තං.) අසඤ්ඤසත්තානං එකං මහාභූතං, චක්ඛායතනං චක්ඛුවිඤ්ඤාණස්ස, කායායතනං කායවිඤ්ඤාණස්ස වත්ථු, අවිතක්කඅවිචාරානං ඛන්ධානං විචාරස්ස ච නිස්සයපච්චයෙන පච්චයො.
අවිතක්කඅවිචාරො ධම්මො සවිතක්කසවිචාරස්ස ධම්මස්ස නිස්සය පච්චයෙන පච්චයො: වත්ථු සවිතක්ක සවිචාරානං ඛන්ධානං නිස්සය පච්චයෙන පටිසන්ධික්ඛණෙ වත්ථු -පෙ-.
අවිතක්කඅවිචාරො ධම්මො අවිතක්කවිචාරමත්තස්ස ධම්මස්ස නිස්සයපච්චයෙන පච්චයො: විචාරො අවිතක්කවිචාරමත්තානං ඛන්ධානං නිස්සයපච්චයෙන වත්ථු අවිතක්කවිචාරමත්තානං ඛන්ධානං විතක්කස්ස ච නිස්සයපච්චයෙන පටිසන්ධික්ඛණෙ -පෙ- (සංඛිත්තං.) අවිතක්ක අවිචාරො ධම්මො අවිතක්ක විචාරමත්තස්ස ච අවිතක්කඅවිචාරස්ස ච ධම්මස්ස නිස්සයපච්චයෙන පච්චයො: විචාරො අවිතක්කවිචාරමත්තානං ඛන්ධානං චිත්තසමුට්ඨානානඤ්ච රූපානං, වත්ථු අවිතක්ක විචාරමත්තානං ඛන්ධානං විචාරස්ස ච නිස්සයපච්චයෙන, පටිසන්ධික්ඛණෙ විචාරො -පෙ-.
අවිතක්කඅවිචාරො ධම්මො සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස නිස්සයපච්චයෙන පච්චයො: වත්ථු සවිතක්කසවිචාරානං ඛන්ධානං විතක්කස්ස ච නිස්සයපච්චයෙන, පටිසන්ධික්ඛණෙ වත්ථු -පෙ-.
සවිතක්කසවිචාරො ච අවිතක්කඅවිචාරො ච ධම්මා සවිතක්ක සවිචාරස්ස ධම්මස්ස නිස්සයපච්චයෙන පච්චයො: සවිතක්කසවිචාරො එකො ඛන්ධො ච වත්ථු ච තිණ්ණන්නං ඛන්ධානං නිස්සයපච්චයෙන පච්චයො, (පවත්තිපි පටිසන්ධිපි දීපෙතබ්බා.)
සවිතක්කසවිචාරො ච අවිතක්කඅවිචාරො ච ධම්මා අවිතක්ක විචාරමත්තස්ස ධම්මස්ස නිස්සයපච්චයෙන පච්චයො: සවිතක්කසවිචාරා ඛන්ධා ච වත්ථු ච විතක්කස්ස, පටිසන්ධික්ඛණෙ -පෙ-.
සවිතක්කසවිචාරො ච අවිතක්කඅවිචාරො ච ධම්මා අවිතක්ක අවිචාරස්ස ධම්මස්ස නිස්සයපච්චයෙන පච්චයො: සවිතක්කසවිචාරා ඛන්ධා ච මහාභූතා ච චිත්තසමුට්ඨානානං රූපානං නිස්සයපච්චයෙන පච්චයො, පටිසන්ධික්ඛණෙ -පෙ-.
සවිතක්කසවිචාරො ච අවිතක්කඅවිචාරො ච ධම්මා සවිතක්ක සවිචාරස්ස ච අවිතක්කවිචාරමත්තස්ස ච ධම්මස්ස නිස්සයපච්චයෙන පච්චයො: සවිතක්කසවිචාරො එකො ඛන්ධො ච වත්ථු ච තිණ්ණන්නං ඛනාධානං විතක්කස්ස ච නිස්සයපච්චයෙන පච්චයො, පටිසන්ධික්ඛණෙ -පෙ-.
අවිතක්කවිචාරමත්තො ච අවිතක්කඅවිචාරො ච ධම්මා සවිතක්කසවිචාරස්ස ධම්මස්ස නිස්සයපච්චයෙන පච්චයො: විතක්කො ච වත්ථු ච සවිතක්කසවිචාරානං ඛන්ධානං, නිස්සයපච්චයෙන පච්චයො, පටිසන්ධික්ඛණෙ -පෙ-.
අවිතක්කවිචාරමත්තො ච අවිතක්කඅවිචාරො ච ධම්මා අවිතක්ක විචාරමත්තස්ස ධම්මස්ස නිස්සයපච්චයෙන පච්චයො: අවිතක්කවිචාරමත්තො එකො ඛන්ධො ච විචාරො ච තිණ්ණන්නං ඛන්ධානං අවිතක්ක විචාරමත්තො එකො ඛන්ධො ච වත්ථු ච තිණ්ණන්නං ඛන්ධානං නිස්සයපච්චයෙන පච්චයො, පටිසන්ධික්ඛණෙ -පෙ-.
අවිතක්කවිචාරමත්තො ච අවිතක්කඅවිචාරො ච ධම්මා අවිතක්ක අවිචාරස්ස ධම්මස්ස නිස්සයපච්චයෙන පච්චයො: අවිතක්කවිචාරමත්තො ඛන්ධා ච විචාරො ච චිත්තසමුට්ඨානානං රූපානං නිස්සයපච්චයෙන, අවිතක්කවිචාරමත්තො ඛන්ධා ච මහාභූතා ච චිත්තසමුට්ඨානානං රූපානං,
විතක්කො ච මහාභූතා ච චිත්තසමුට්ඨානානං රූපානං, අවිතක්ක විචාරමත්තො ඛන්ධා ච වත්ථු ච විචාරස්ස නිස්සයපච්චයෙන පච්චයො පටිසන්ධිකානි චත්තාරි, (සංඛිත්තං.)
අවිතක්කවිචාරමත්තො ච අවිතක්කඅවිචාරො ච ධම්මා අවිතක්ක විචාරමත්තස්ස ච අවිතක්කඅවිචාරස්ස ච ධම්මස්ස නිස්සයපච්චයෙන පච්චයො: අවිතක්කවිචාරමත්තො එකො ඛන්ධො ච විචාරො ච තිණ්ණන්නං ඛන්ධානං චිත්තසමුට්ඨානානඤ්ච රූපානං නිස්සයපච්චයෙන, ද්වෙ ඛන්ධා ච විචාරො ච ද්වින්නං ඛන්ධානං චිත්තසමුට්ඨානානඤ්ච රූපානං නිස්සයපච්චයෙන, අවිතක්කවිචාරමත්තො එකො ඛන්ධො ච වත්ථු ච තිණ්ණන්නං ඛන්ධානං විචාරස්ස ච, ද්වෙ ඛන්ධා ච වත්ථු ච ද්වින්නං ඛන්ධානං විචාරස්ස ච නිස්සයපච්චයෙන, පටිසන්ධික්ඛණෙ -පෙ-.
සවිතක්කසවිචාරො ච අවිතක්කවිචාරමත්තො ච ධම්මා සවිතක්කසවිචාරස්ස ධම්මස්ස, අවිතක්කඅවිචාරස්ස ධම්මස්ස, සවිතක්කසවිචාරස්ස ච අවිතක්කඅවිචාරස්ස ච ධම්මස්ස තීණි.
සවිතක්කසවිචාරො ච අවිතක්කවිචාරමත්තො ච අවිතක්කඅවිචාරො ච ධම්මා සවිතක්කසවිචාරස්ස ධම්මස්ස, අවිතක්කඅවිචාරස්ස ධම්මස්ස නිස්සය පච්චයෙන පච්චයො: (ද්වෙ වාරා විත්ථාරෙතබ්බා.)
සවිතක්කසවිචාරො ධම්මො සවිතක්කසවිචාරස්ස ධම්මස්ස උපනිස්සයපච්චයෙන පච්චයො: ආරම්මණූපනිස්සයො, අනන්තරූපනිස්සයො, පකතූපනිස්සයො: සවිතක්කසවිචාරං සද්ධං උපනිස්සාය දානං දෙති, සීලං සමාදියති, උපොසථකම්මං කරොති, සවිතක්කසවිචාරං ඣානං උප්පාදෙති, විපස්සනං උප්පාදෙති, මග්ග -පෙ- සමාපත්තිං උප්පාදෙති, මානං ජප්පෙති, දිට්ඨිං ගණ්හාති සවිතක්කසවිචාරං සීලං සුතං චාගං පඤ්ඤං රාගං දොසං මොහං මානං දිට්ඨිං පත්ථනං උපනිස්සාය දානං දෙති, සීලං සමාදියති, උපොසථකම්මං කරොති, සවිතක්කසවිචාරං ඣානං උප්පාදෙති, විපස්සනං උප්පාදෙති, මග්ගං සමාපත්තිං උප්පාදෙති, පාණං හන්ති, සඞ්ඝං භින්දති, සවිතක්ක සවිචාරා සද්ධා සීලං සුතං චාගො පඤ්ඤා රාගො දොසො මොහො මානො දිට්ඨි පත්ථනා සවිතක්ක සවිචාරාය සද්ධාය, සීලස්ස සුතස්ස චාගස්ස පඤ්ඤාය රාගස්ස දොසස්ස මොහස්ස මානස්ස දිට්ඨියා පත්ථනාය උපනිස්සයපච්චයෙන පච්චයො.
සවිතක්කසවිචාරො ධම්මො අවිතක්කවිචාරමත්තස්ස උපනිස්සය පච්චයෙන පච්චයො: ආරම්මණූපනිස්සයො, අනන්තරූපනිස්සයො,