අවිතක්කවිචාරමත්තඤ්ච අවිතක්කඅවිචාරඤ්ච ධම්මං පච්චයා අවිතක්කවිචාරමත්තො ධම්මො උප්පජ්ජති න කම්මපච්චයා: අවිතක්කවිචාරමත්තෙ ඛන්ධෙ ච විචාරඤ්ච පච්චයා අවිතක්කවිචාරමත්තා චෙතනා. අවිතක්කවිචාරමත්තෙ ඛන්ධෙ ච වත්ථුඤ්ච පච්චයා අවිතක්කවිචාරමත්තා චෙතනා
සවිතක්කසවිචාරඤ්ච අවිතක්කවිචාරමත්තඤ්ච ධම්මං පච්චයා සවිතක්කසවිචාරො ධම්මො උප්පජ්ජති න කම්මපච්චයා සවිතක්කසවිචාරෙ ඛන්ධෙ ච විතක්කඤ්ච පච්චයා සවිතක්කසවිචාරා චෙතනා.
සවිතක්කසවිචාරඤ්ච අවිතක්කවිචාරමත්තඤ්ච අවිතක්කඅවිචාරඤ්ච ධම්මං පච්චයා සවිතක්කසවිචාරො ධම්මො උප්පජ්ජති න කම්මපච්චයා. සවිතක්කසවිචාරෙ ඛන්ධෙ ච විතක්කඤ්ච වත්ථුඤ්ච පච්චයා සවිතක්කසවිචාරා චෙතනා.
න විපාකෙ සත්තතිංස පඤ්හා කාතබ්බා, න ආහාර, න ඉන්ද්රිය, න ඣාන, න මග්ග, න සම්පයුත්ත, න විප්පයුත්ත, නො නත්ථි, නො විගත පච්චයා විත්ථාරෙතබ්බා.
ගණනා
න හෙතුයා තෙත්තිංස, න ආරම්මණෙ සත්ත, න අධිපතියා සත්තතිංස, න අන්තරෙ, න සමනන්තරෙ න අඤ්ඤමඤ්ඤෙ, න උපනිස්සයෙ සත්ත, න පුරෙජාතෙ න පච්ඡාජාතෙ න ආසෙවනෙ සත්තතිංස, න කම්මෙ එකාදස, න විපාකෙ සත්තතිංස, න ආහාරෙ එකං, න ඉන්ද්රියෙ එකං, න ඣානෙ එකං, න මග්ගෙ තෙත්තිංස, න සම්පයුත්තෙ සත්ත, න විප්පයුත්තෙ එකාදස, නො නත්ථියා සත්ත, නො විගතෙ සත්ත.
පච්චයවාරො නිට්ඨිතො.
නිස්සයම්පි නින්නානං
සවිතක්කසවිචාරං ධම්මං සංසට්ඨො සවිතක්කසවිචාරො ධම්මො උප්පජ්ජති හෙතුපච්චයා: සවිතක්කසවිචාරං එකං ඛන්ධං සංසට්ඨා තයො ඛන්ධා, ද්වෙ ඛන්ධෙ, පටිසන්ධික්ඛණෙ.
සවිතක්කසවිචාරං ධම්මං සංසට්ඨො අවිතක්කවිචාරමත්තො ධම්මො උප්පජ්ජති හෙතුපච්චයා: සවිතක්කසවිචාරෙ ඛන්ධෙ සංසට්ඨො විතක්කො. පටිසන්ධික්ඛණෙ -පෙ-.
සවිතක්කසවිචාරං ධම්මං සංසට්ඨො සවිතක්කසවිචාරො අවිතක්කවිචාරමත්තො ච ධම්මො උප්පජ්ජන්ති හෙතුපච්චයා: සවිතක්කසවිචාරං එකං ඛන්ධං සංසට්ඨා තයො ඛන්ධා විතක්කො ච ද්වෙ ඛන්ධෙ පටිසන්ධික්ඛණෙ -පෙ-.
අවිතක්කවිචාරමත්තං ධම්මං සංසට්ඨො අවිතක්කවිචාරමත්තො ධම්මො උප්පජ්ජති හෙතුපච්චයා: අවිතක්කවිචාරමත්තං එකං ඛන්ධං සංසට්ඨා තයො ඛන්ධා, ද්වෙ ඛන්ධෙ සංසට්ඨා ද්වෙ ඛන්ධා පටිසන්ධික්ඛණෙ.
අවිතක්කවිචාරමත්තං ධම්මං සංසට්ඨො සවිතක්කසවිචාරො ධම්මො උප්පජ්ජති හෙතුපච්චයා: විතක්කං සංසට්ඨා සවිතක්කසවිචාරා ඛන්ධා පටිසන්ධික්ඛණෙ.
අවිතක්කවිචාරමත්තං ධම්මං සංසට්ඨො අවිතක්කඅවිචාරො ධම්මො උප්පජ්ජති හෙතුපච්චයා: අවිතක්කවිචාරමත්තෙ ඛන්ධෙ සංසට්ඨො විචාරො පටිසන්ධික්ඛණෙ අවිතක්කවිචාරමත්තෙ ඛන්ධෙ සංසට්ඨො විචාරො.
අවිතක්කවිචාරමත්තං ධම්මං සංසට්ඨො අවිතක්කවිචාරමත්තො ච අවිතක්කඅවිචාරො ච ධම්මා උප්පජ්ජන්ති හෙතුපච්චයා: අවිතක්කවිචාරමත්තං එකං ඛන්ධං සංසට්ඨා තයො ඛන්ධා විචාරො ච ද්වෙ ඛන්ධෙ සංසට්ඨා ද්වෙ ඛන්ධා. පටිසන්ධික්ඛණෙ.
අවිතක්කඅවිචාරං ධම්මං සංසට්ඨො අවිතක්කඅවිචාරො ධම්මො උප්පජ්ජති හෙතුපච්චයා: අවිතක්කඅවිචාරං එකං ඛන්ධං සංසට්ඨා තයො ඛන්ධා ද්වෙ ඛන්ධෙ සංසට්ඨා ද්වෙ ඛන්ධා පටිසන්ධික්ඛණෙ.
අවිතක්ක අවිචාරං ධම්මං සංසට්ඨො අවිතක්කවිචාරමත්තො ධම්මො උප්පජ්ජති හෙතුපච්චයා: විචාරං සංසට්ඨා අවිතක්කවිචාරමත්තා ඛන්ධා, පටිසන්ධික්ඛණෙ විචාරං සංසට්ඨා.
අවිතක්කවිචාරමත්තඤ්ච අවිතක්කඅවිචාරඤ්ච ධම්මං සංසට්ඨො අවිතක්කවිචාරමත්තො ධම්මො උප්පජ්ජති හෙතුපච්චයා: අවිතක්ක විචාරමත්තං එකං ඛන්ධඤ්ච විචාරඤ්ච සංසට්ඨා තයො ඛන්ධා, ද්වෙ ඛන්ධෙ සංසට්ඨා ද්වෙ ඛන්ධා පටිසන්ධික්ඛණෙ.
සවිතක්කසවිචාරඤ්ච අවිතක්කවිචාරමත්තඤ්ච ධම්මං සංසට්ඨො සවිතක්කසවිචාරො ධම්මො උප්පජ්ජති හෙතුපච්චයා: සවිතතක්කසවිචාරං එකං ඛන්ධඤ්ච විතක්කඤ්ච සංසට්ඨා තයො ඛන්ධා, ද්වෙ ඛන්ධෙ ච විතක්කඤ්ච සංසට්ඨා ද්වෙ ඛන්ධා පටිසන්ධික්ඛණෙ.
හෙතුපච්චයං අනුමජ්ජන්තෙන සබ්බෙ පච්චයා විත්ථාරෙතබ්බා.
ගණනා
හෙතුයා එකාදස ආරම්මණෙ, අධිපතියා, අනන්තරෙ, සමනන්තරෙ, සහජාතෙ, අඤ්ඤමඤ්ඤෙ, නිස්සයෙ, උපනිස්සයෙ, පුරෙජාතෙ, ආසෙවනෙ, කම්මෙ, විපාකෙ, ආහාරෙ, ඉන්ද්රියෙ, ඣානෙ, මග්ගෙ, සම්පයුත්තෙ, විප්පයුත්තෙ, අත්ථියා, නත්ථියා, විගතෙ, අවිගතෙ, සබ්බත්ථ එකාදස.
අනුලොමං නිට්ඨිතං.
පච්චනීයං කාතබ්බං අසම්මොහන්තෙන, න හෙතුයා ඡ, න අධිපතියා එකාදස, න පුරෙජාතෙ එකාදස, න පච්ඡාජාතෙ එකාදස, න ආසෙවනෙ එකාදස, න කම්මෙ සත්ත, න විපාකෙ එකාදස, න ඣානෙ එකං. න මග්ගෙ ඡ, න විප්පයුත්තෙ එකාදස.
පච්චනීයං නිට්ඨිතං
ඉතරෙ පන දෙවාපි වාරා විත්ථාරෙතබ්බා සම්පයුත්තවාරෙ’පි.
සවිතක්කසවිචාරො ධම්මො සවිතක්කසවිචාරස්ස ධම්මස්ස හෙතුපච්චයෙන පච්චයො සවිතක්කසවිචාරා හෙතුසම්පයුත්තකානං ඛන්ධානං හෙතුපච්චයෙන පච්චයො. පටිසන්ධික්ඛණෙ.
සවිතක්කසවිචාරො ධම්මො අවිතක්කවිචාරමත්තස්ස ධම්මස්ස හෙතුපච්චයෙන පච්චයො සවිතක්කසවිචාරා හෙතු විතක්කස්ස හෙතු පච්චයෙන පච්චයො පටිසන්ධික්ඛණෙ.
සවිතක්කසවිචාරො ධම්මො අවිතක්කඅවිචාරස්ස ධම්මස්ස හෙතු පච්චයෙන පච්චයො: සවිතක්කසවිචාරා හෙතු චිත්තසමුට්ඨානානං රූපානං හෙතුපච්චයෙන පච්චයො. පටිසන්ධික්ඛණෙ, සවිතක්ක සවිචාරා හෙතු කටත්තාරූපානං හෙතු පච්චයෙන පච්චයො.
සවිතක්කසවිචාරො ධම්මො සවිතක්කසවිචාරස්ස ච අවිතක්ක අවිචාරස්ස ච ධම්මස්ස හෙතුපච්චයෙන පච්චයො: සවිතක්කසවිචාරා හෙතු සම්පයුත්තකානං ඛන්ධානං චිත්තසමුට්ඨානාඤ්ච රූපානං
හෙතු පච්චයෙන පච්චයො. පටිසන්ධික්ඛණෙ සවිතක්කසවිචාරා හෙතු සම්පයුත්තකානං ඛන්ධානං කටත්තා ච රූපානං හෙතුපච්චයෙන පච්චයො.
සවිතක්කසවිචාරො ධම්මො, අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස හෙතුපච්චයෙන පච්චයො; සවිතක්කසවිචාරා හෙතු විතක්කස්ස චිත්තසමුට්ඨානානඤ්ච රූපානං හෙතු පච්චයෙන පච්චයො පටිසන්ධික්ඛණෙ, සවිතක්කසවිචාරා හෙතු විතක්කස්ස කටත්තා ච රූපානං හෙතුපච්චයෙන පච්චයො.
සවිතක්කසවිචාරො ධම්මො, සවිතක්කසවිචාරස්ස ච අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස හෙතුපච්චයෙන පච්චයො; සවිතක්කසවිචාරා හෙතු සම්පයුත්තකානං ඛන්ධානං විතක්කස්ස ච චිත්තසමුට්ඨානානඤ්ච රූපානං හෙතු පච්චයෙන පච්චයො. පටිසන්ධික්ඛණෙ සවිතක්කසවිචාරා හෙතුසම්පයුත්තකානං ඛන්ධානං විතක්කස්ස ච කටත්තා ච රූපානං හෙතුපච්චයෙන පච්චයො.
අවිතක්කවිචාරමත්තො ධම්මො අවිතක්කවිචාරමත්තස්ස ධම්මස්ස හෙතුපච්චයෙන පච්චයො: අවිතක්කවිචාරමත්තා හෙතුසම්පයුත්තකානං ඛන්ධානං හෙතුපච්චයෙන පච්චයො පටිසන්ධික්ඛණෙ, අවිතක්කවිචාරමත්තා හෙතු සම්පයුත්තකානං ඛන්ධානං හෙතුපච්චයෙන පච්චයො.
අවිතක්කවිචාරමත්තො ධම්මො අවිතක්කඅවිචාරස්ස ධම්මස්ස හෙතුපච්චයෙන පච්චයො: අවිතක්කවිචාරමත්තා හෙතු විචාරස්ස චිත්තසමුට්ඨානානඤ්ච රූපානං හෙතු පච්චයෙන පච්චයො. පටිසන්ධික්ඛණෙ, අවිතක්කවිචාරමත්තා හෙතු විචාරස්ස ච කටත්තාච රූපානං හෙතුපච්චයෙන පච්චයො.
අවිතක්කවිචාරමත්තො ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස හෙතුපච්චයෙන පච්චයො: අවිතක්කවිචාරමත්තා හෙතුපසම්පයුත්තකානං ඛන්ධානං විචාරස්ස ච චිත්තසමුට්ඨානානඤ්ච රූපානං හෙතුපච්චයෙන පච්චයො පටිසන්ධික්ඛණෙ, අවිතක්කවිචාරමත්තා හෙතුසම්පයුත්තකානං ඛන්ධානං විචාරස්ස ච කටත්තා ච රූපානං හෙතුපච්චයෙන පච්චයො.
අවිතක්කඅවිචාරො ධම්මො අවිතක්කඅවිචාරස්ස ච ධම්මස්ස හෙතුපච්චයෙන පච්චයො. අවිතක්කඅවිචාරා හෙතුසම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො, පටිසන්ධික්ඛණෙ අවිතක්කඅවිචාරා හෙතු සම්පයුත්තකානං ඛන්ධානං කටත්තා ච රූපානං හෙතුපච්චයෙන පච්චයො.
සවිතක්කසවිචාරො ධම්මො සවිතක්කසවිචාරස්ස ධම්මස්ස ආරම්මණපච්චයෙන පච්චයො: දානං දත්වා සීලං සමාදියිත්වා උපොසථකම්මං කත්වා තං පච්චවෙක්ඛති, පුබ්බෙ සුචිණ්ණානි පච්චවෙක්ඛති, සවිතක්කසවිචාරා ඣානා වුට්ඨහිත්වා, මග්ගා වුට්ඨහිත්වා, ඵලා වුට්ඨහිත්වා, ඵලං පච්චවෙක්ඛති, අරියා පහීනෙ කිලෙසෙ පච්චවෙක්ඛන්ති, වික්ඛම්භිතෙ කිලෙසෙ පච්චවෙක්ඛන්ති. පුබ්බෙ සමුදාචිණ්ණෙ කිලෙසෙ ජානන්ති, සවිතක්කසවිචාරෙ ඛන්ධෙ අනිච්චතො දුක්ඛතො අනත්තතො විපස්සන්ති, අස්සාදෙන්ති, අභිනන්දන්ති, තං ආරබ්භ රාගො උප්පජ්ජති, දොමනස්සං උප්පජ්ජති, සවිතක්ක සවිචාරෙ ඛන්ධෙ ආරබ්භ සවිතක්කසවිචාරා ඛන්ධා උප්පජ්ජන්ති.
සවිතක්කසවිචාරො ධම්මො අවිතක්කවිචාරමත්තස්ස ධම්මස්ස ආරම්මණපච්චයෙන පච්චයො: දානං දත්වා සීලං සමාදියිත්වා උපොසථකම්මං කත්වා තං පච්චවෙක්ඛති, තං ආරබ්භ විතක්කො උප්පජ්ජති, පුබ්බෙ සුචිණ්ණානි පච්චවෙක්ඛති, සවිතක්කසවිචාරා ඣානා වුට්ඨහිත්වා, මග්ගා වුට්ඨහිත්වා, ඵලා වුට්ඨහිත්වා, ඵලං පච්චවෙක්ඛති තං ආරබ්භ විතක්කො උප්පජ්ජති, අරියා පහීනෙ කිලෙසෙ පච්චවෙක්ඛන්ති, වික්ඛම්භිතෙ කිලෙසෙ පච්චවෙක්ඛන්ති, පුබ්බෙ සමුදාචිණ්ණෙ කිලෙසෙ ජානන්ති, සවිතක්කසවිචාරෙ ඛන්ධෙ අනිච්චතො දුක්ඛතො අනත්තතො විපස්සන්ති, අස්සාදෙන්ති, අභිනන්දන්ති, තං ආරබ්භ විතක්කො උප්පජ්ජති, සවිතක්කසවිචාරෙ ඛන්ධෙ ආරබ්භ විතක්කො උප්පජ්ජති.
සවිතක්කසවිචාරො ධම්මො අවිතක්කඅවිචාරස්ස ධම්මස්ස ආරම්මණපච්චයෙන පච්චයො චෙතොපරියඤාණෙන සවිතක්කසවිචාරචිත්තසමඞ්ගිස්ස චිත්තං ජානාති, සවිතක්කසවිචාරා ඛන්ධා චෙතොපරියඤාණස්ස, පුබ්බෙනිවාසානුස්සතිඤාණස්ස, යථාකම්මූපගඤාණස්ස, අනාගතංසඤාණස්ස, ආරම්මණපච්චයෙන පච්චයො: සවිතක්කසවිචාරෙ ඛන්ධෙ ආරබ්භ අවිතක්කඅවිචාරා ඛන්ධා උප්පජ්ජන්ති.
සවිතක්කසවිචාරො ධම්මො සවිතක්කසවිචාරස්ස ච අවිතක්ක විචාරමත්තස්ස ච ධම්මස්ස ආරම්මණපච්චයෙන පච්චයො: දානං දත්වා,
සීලං සමාදියිත්වා උපොසථකම්මං කත්වා තං පච්චවෙක්ඛති, තං ආරබ්භ සවිතක්කසවිචාරා ඛන්ධා ච විතක්කො ච උප්පජ්ජන්ති, පුබ්බෙ සුචිණ්ණානි පච්චවෙක්ඛති, සවිතක්කසවිචාරා ඣානා වුට්ඨහිත්වා, මග්ගා වුට්ඨහිත්වා, ඵලා වුට්ඨහිත්වා, ඵලං පච්චවෙක්ඛති, තං ආරබ්භ සවිතක්කසවිචාරා ඛන්ධා ච විතක්කො ච උප්පජ්ජන්ති, අරියා පහීනෙ කිලෙසෙ පච්චවෙක්ඛන්ති, වික්ඛම්භිතෙ කිලෙසෙ පච්චවෙක්ඛන්ති, පුබ්බෙ සමුදාචිණ්ණෙ කිලෙසෙ ජානන්ති, සවිතක්කසවිචාරෙ ඛන්ධෙ අනිච්චතො දුක්ඛතො අනත්තතො විපස්සන්ති, අස්සාදෙන්ති, අභිනන්දති, තං ආරබ්භ සවිතක්කසවිචාරා ඛන්ධා ච විතක්කො ච උප්පජ්ජන්ති, සවිතක්කසවිචාරෙ ඛන්ධෙ ආරබ්භ සවිතක්කසවිචාරා ඛන්ධා ච විතක්කො ච උප්පජ්ජන්ති.
අවිතක්කවිචාරමත්තො ධම්මො අවිතක්කවිචාරමත්තස්ස ධම්මස්ස ආරම්මණපච්චයෙන පච්චයො: අවිතක්කවිචාරමත්තා ඣානා වුට්ඨහිත්වා, මග්ගා වුට්ඨහිත්වා, ඵලා වුට්ඨහිත්වා, ඵලං පච්චවෙක්ඛති, තං ආරබ්භ විතක්කො උප්පජ්ජති, අවිතක්කවිචාරමත්තෙ ඛන්ධෙ ච විතක්කඤ්ච අනිච්චතො දුක්ඛතො අනත්තතො විපස්සති, අස්සාදෙති. අභිනන්දති, තං ආරබ්භ විතක්කො උප්පජ්ජති, අවිතක්කවිචාරමත්තෙ ඛන්ධෙ ච විතක්කඤ්ච ආරබ්භ විතක්කො උප්පජ්ජති.
අවිතක්කවිචාරමත්තො ධම්මො සවිතක්කසවිචාරස්ස ධම්මස්ස ආරම්මණපච්චයෙන පච්චයො: අවිතක්කවිචාරමත්තා ඣානා වුට්ඨහිත්වා, මග්ගා වුට්ඨහිත්වා, ඵලා වුට්ඨහිත්වා, ඵලං පච්චවෙක්ඛන්ති, තං ආරබ්භ සවිතක්කසවිචාරා ඛන්ධා උප්පජ්ජන්ති, අවිතක්කවිචාරමත්තෙ ඛන්ධෙ ච විතඤ්ඤච අනිච්චතො දුක්ඛතො අනත්තතො විපස්සති, අස්සාදෙති, අභිනන්දති, තං ආරබ්භ රාගො උප්පජ්ජති -පෙ- දොමනස්සං උප්පජ්ජති, අවිතක්කවිචාරමත්තෙ ඛන්ධෙ ච විතක්කඤ්ච ආරබ්භ සවිතක්කසවිචාරා ඛන්ධා උප්පජ්ජන්ති.
අවිතක්කවිචාරමත්තො ධම්මො සවිතක්කසවිචාරස්ස ච අවිතක්කඅවිචාරස්ස ච ධම්මස්ස ආරම්මණපච්චයෙන පච්චයො: චෙතොපරියඤාණෙන අවිතක්කවිචාරමත්තචිත්තසමඞ්ගිස්ස චිත්තං ජානාති, අවිතක්කවිචාරමත්තා ඛන්ධා චෙතොපරියඤාණස්ස, පුබ්බෙනිවාසානුස්සතිඤාණස්ස, යථාකම්මූපගඤාණස්ස, අනාගතංසඤාණස්ස ආරම්මණපච්චයෙන පච්චයො: අවිතක්කවිචාරමත්තෙ ඛන්ධෙ ච විතක්කඤ්ච ආරබ්භ අවිතක්කඅවිචාරා ඛන්ධා උප්පජ්ජන්ති.
අවිතක්කවිචාරමත්තො ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස ආරම්මණපච්චයෙන පච්චයො:
අවිතක්කවිචාරමත්තා ඣානා වුට්ඨහිත්වා, මග්ගා වුට්ඨහිත්වා, ඵලා වුට්ඨහිත්වා, ඵලං පච්චවෙක්ඛති, තං ආරබ්භ සවිතක්කසවිචාරා ඛන්ධා ච විතක්කො ච උප්පජ්ජන්ති, අවිතක්කවිචාරමත්තෙ ඛන්ධෙ ච විතක්කඤ්ච අනිච්චතො දුක්ඛතො අනත්තතො විපස්සන්ති, අස්සාදෙති, අභිනන්දති, තං ආරබ්භ සවිතක්කසවිචාරා ඛන්ධා ච විතක්කො ච උප්පජ්ජන්ති, අවිතක්කවිචාරමත්තෙ ඛන්ධෙ ච විතක්කඤ්ච ආරබ්භ සවිතක්කසවිචාරා ඛන්ධා ච විතක්කො ච උප්පජ්ජන්ති.
අවිතක්කඅවිචාරො ධම්මො අවිතක්කඅවිචාරස්ස ධම්මස්ස ආරම්මණපච්චයෙන පච්චයො: නිබ්බානං අවිතක්කඅවිචාරස්ස මග්ගස්ස, ඵලස්ස විචාරස්ස ච ආරම්මණපච්චයෙන පච්චයො. දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති, චෙතොපරියඤාණෙන අවිතක්කඅවිචාරචිත්තසමඞ්ගිස්ස චිත්තං ජානාති, ආකාසානඤ්චායතනං විඤ්ඤාණඤ්චායතනස්ස ආකිඤ්චඤ්ඤායතනං නෙවසඤ්ඤානාසඤ්ඤායතනස්ස ආරම්මණපච්චයෙන පච්චයො: රූපායතනං චක්ඛුවිඤ්ඤාණස්ස ඵොට්ඨබ්බායතනං කායවිඤ්ඤාණස්ස ආරම්මණපච්චයෙන පච්චයො: අවිතක්කඅවිචාරා ඛන්ධා ඉද්ධිවිධඤාණස්ස චෙතොපරියඤාණස්ස, පුබ්බෙනිවාසානුස්සතිඤාණස්ස, යථාකම්මූපගඤාණස්ස අනාගතංසඤාණස්ස ආරම්මණපච්චයෙන පච්චයො: අවිතක්කඅවිචාරෙ ඛන්ධෙ ච විචාරඤ්ච ආරබ්භ අවිතක්කඅවිචාරා ඛන්ධා උප්පජ්ජන්ති.
අවිතක්කඅවිචාරො ධම්මො සවිතක්කසවිචාරස්ස ධම්මස්ස ආරම්මණපච්චයෙන පච්චයො: අරියා අවිතක්කඅවිචාරා ඣානා වුට්ඨහිත්වා, මග්ගා වුට්ඨහිත්වා ඵලා වුට්ඨහිත්වා ඵලං පච්චවෙක්ඛන්ති. තං ආරබ්භ සවිතක්කසවිචාරා ඛන්ධා උප්පජ්ජන්ති, අරියා නිබ්බානං පච්චවෙක්ඛන්ති, නිබ්බානං ගොත්රභුස්ස, වොදානස්ස, සවිතක්කසවිචාරස්ස මග්ගස්ස, ඵලස්ස, ආවජ්ජනාය ආරම්මණපච්චයෙන පච්චයො: චක්ඛුං අනිච්චතො දුක්ඛතො අනත්තතො විපස්සති, අස්සාදෙති. අභිනන්දති තං ආරබ්භා රාගො උප්පජ්ජති, දොමනස්සං උප්පජ්ජති, සොතං ඝානං, ජිහ්වං, කායං, රූපෙ, සද්දෙ, ගන්ධෙ, රසෙ, ඵොට්ඨබ්බෙ, වත්ථුං අවිතක්කඅවිචාරෙ ඛන්ධෙ ච විචාරඤ්ච, අනිච්චතො, දුක්ඛතො, අනත්තතො විපස්සති, අස්සාදෙති, අභිනන්දති, තං ආරබ්භ රාගො උප්පජ්ජති, දොමනස්සං උප්පජ්ජති, අවිතක්කඅවිචාරෙ ඛන්ධෙ ච විචාරඤ්ච ආරබ්භ සවිතක්කසවිචාරා ඛන්ධා උප්පජ්ජන්ති.
අවිතක්කඅවිචාරො ධම්මො අවිතක්කවිචාරමත්තස්ස ධම්මස්ස ආරම්මණපච්චයෙන පච්චයො: අරියා අවිතක්කඅවිචාරා ඣානා වුට්ඨහිත්වා, මග්ගා වුට්ඨහිත්වා, ඵලා වුට්ඨහිත්වා, ඵලං පච්චවෙක්ඛන්ති, තං ආරබ්භ විතක්කො උප්පජ්ජති, අරියා නිබ්බානං පච්චවෙක්ඛන්ති,
නිබ්බානං අවිතක්කවිචාරමත්තස්ස මග්ගස්ස, ඵලස්ස, විතක්කස්ස ච ආරම්මණපච්චයෙන පච්චයො. චක්ඛුං අනිච්චතො දුක්ඛතො අනත්තතො -පෙ- වත්ථුං අවිතක්කඅවිචාරෙ ඛන්ධෙ ච විචාරඤ්ච අනිච්චතො දුක්ඛතො අනත්තතො විපස්සති, අස්සාදෙති, අභිනන්දති, තං ආරබ්භ විතක්කො උප්පජ්ජති, අවිතක්කඅවිචාරෙ ඛන්ධෙ ච විචාරඤ්ච ආරබ්භ විතක්කො උප්පජ්ජති.
අවිතක්කඅවිචාරො ධම්මො අවිතක්කවිචාරමත්තස්ස ච අවිතක්ක අවිචාරස්ස ච ධම්මස්ස ආරම්මණපච්චයෙන පච්චයො: නිබ්බානං අවිතක්කවිචාරමත්තස්ස, මග්ගස්ස, ඵලස්ස, විචාරස්ස ච ආරම්මණපච්චයෙන පච්චයො.
අවිතක්කඅවිචාරො ධම්මො සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස ආරම්මණපච්චයෙන පච්චයො: අරියා අවිතක්කඅවිචාරා ඣානා, මග්ගා, ඵලා වුට්ඨහිත්වා ඵලං පච්චවෙක්ඛන්ති, තං ආරබ්භ සවිතක්කසවිචාරා ඛන්ධා ච විතක්කො ච උප්පජ්ජන්ති. අරියා නිබ්බානං පච්චවෙක්ඛන්ති නිබ්බානං ගොත්රභුස්ස, වොදානස්ස, විතක්කස්ස ච සවිතක්කසවිචාරස්ස මග්ගස්ස, විතක්කස්ස ච, සවිතක්කසවිචාරස්ස ඵලස්ස විතක්කස්ස ච, ආවජ්ජනාය විතක්කස්ස ච ආරම්මණපච්චයෙන පච්චයො: චක්ඛුං අනිච්චතො දුක්ඛතො අනත්තතො විපස්සති, තං ආරබ්භ සවිතක්කසවිචාරා ඛන්ධා ච විතක්කො ච උප්පජ්ජන්ති.
අවිතක්කවිචාරමත්තො ච අවිතක්කඅවිචාරො ච ධම්මා සවිතක්කසවිචාරස්ස ධම්මස්ස ආරම්මණපච්චයෙන පච්චයො: අවිතක්කවිචාරමත්තෙ ඛන්ධෙ ච විචාරඤ්ච ආරබ්භ සවිතක්කසවිචාරා ඛන්ධා උප්පජ්ජන්ති.
අවිතක්ක විචාරමත්තො ච අවිතක්කඅවිචාරො ච ධම්මා අවිතක්කවිචාරමත්තස්ස ධම්මස්ස ආරම්මණපච්චයෙන පච්චයො: අවිතක්කවිචාරමත්තෙ ඛන්ධෙ ච විචාරඤ්ච ආරබ්භ විතක්කො උප්පජ්ජති.
අවිතක්කවිචාරමත්තො ච අවිතක්කඅවිචාරො ච ධම්මා අවිතක්කඅවිචාරස්ස ධම්මස්ස ආරම්මණපච්චයෙන පච්චයො: අවිතක්කවිචාරමත්තා ඛන්ධා ච විචාරො ච චෙතොපරියඤාණස්ස පුබ්බෙනිවාසානුස්සතිඤාණස්ස යථාකම්මූපගඤාණස්ස අනාගතංසඤාණස්ස ආරම්මණපච්චයෙන පච්චයො: අවිතක්කවිචාරමත්තෙ ඛන්ධෙ ච විචාරඤ්ච ආරබ්භ අවිතක්කඅවිචාරා ඛන්ධා උප්පජ්ජන්ති.
අවිතක්කවිචාරමත්තො ච අවිතක්කඅවිචාරො ච ධම්මා සවිතක්ක සවිචාරස්ස ච අවිතක්කවිචාරමත්තස්ස ච ධම්මස්ස ආරම්මණපච්චයෙන පච්චයො: අවිතක්කවිචාරමත්තෙ ඛන්ධෙ ච විචාරඤ්ච ආරබ්භ සවිතක්කසවිචාරා ඛන්ධා ච විතක්කො ච උප්පජ්ජන්ති.
සවිතක්කසවිචාරො ච අවිතක්කවිචාරමත්තො ච ධම්මා සවිතක්කසවිචාරස්ස ධම්මස්ස ආරම්මණපච්චයෙන පච්චයො: සවිතක්කසවිචාරෙ ඛන්ධෙ ච විතක්කඤ්ච ආරබ්භ සවිතක්කසවිචාරා ඛන්ධා උප්පජ්ජන්ති.
සවිතක්කසවිචාරො ච අවිතක්කවිචාරෙමත්තො ච ධම්මා අවිතක්කවිචාරමත්තස්ස ආරම්මණපච්චයෙන පච්චයො: සවිතක්කසවිචාරෙ ඛන්ධෙ ච විතක්කඤ්ච ආරබ්භ විතක්කො උප්පජ්ජති.
සවිතක්කසවිචාරො ච අවිතක්කවිචාරමත්තො ච ධම්මා අවිතක්කඅවිචාරස්ස ධම්මස්ස ආරම්මණපච්චයෙන පච්චයො: සවිතක්කසවිචාරා ඛන්ධා ච විතක්කො ච චෙතොපරියඤාණස්ස පුබ්බෙනිවාසානුස්සතිඤාණස්ස, යථාකම්මූපගඤාණස්ස, අනාගතංසඤාණස්ස ආරම්මණපච්චයෙන පච්චයො: සවිතක්කසවිචාරෙ ඛන්ධෙ ච විතක්කඤ්ච ආරබ්භ අවිතක්කඅවිචාරා ඛන්ධා උප්පජ්ජන්ති.
සවිතක්කසවිචාරො ච අවිතක්කවිචාරමත්තො ච ධම්මා සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස ආරම්මණපච්චයෙන පච්චයො: සවිතක්කසවිචාරෙ ඛන්ධෙ ච විතක්කඤ්ච ආරබ්භ සවිතක්කසවිචාරා ඛන්ධා ච විතක්කො ච උප්පජ්ජන්ති.
සවිතක්කසවිචාරො ච අවිතක්කවිචාරමත්තො ච ධම්මා සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස ආරම්මණපච්චයෙන පච්චයො: සවිතක්කසවිචාරෙ ඛන්ධෙ ච විතක්කඤ්ච ආරබ්භ සවිතක්කසවිචාරා ඛන්ධා ච විතක්කො ච උප්පජ්ජන්ති.
සවිතක්කසවිචාරො ධම්මො සවිතක්කසවිචාරස්ස අධිපතිපච්චයෙන පච්චයො: ආරම්මණාධිපති, සහජාතාධිපති: ආරම්මණාධිපති දානං දත්වා, සීලං සාමාදියිත්වා, උපොසථකම්මං කත්වා, තං ගරුං කත්වා පච්චවෙක්ඛති, පුබ්බෙ සුචිණ්ණානි ගරුං කත්වා පච්චවෙක්ඛති, සවිතක්කසවිචාරා ඣානා වුට්ඨහිත්වා, මග්ගා, ඵලා වුට්ඨහිත්වා ඵලං ගරුං කත්වා පච්චවෙක්ඛති, සවිතක්කසවිචාරෙ ඛන්ධෙ ගරුං කත්වා අස්සාදෙති, අභිනන්දති, තං ගරුං කත්වා රාගො උප්පජ්ජති, දිට්ඨි උප්පජ්ජති, සහජාතාධිපති සවිතක්කසවිචාරා අධිපති සම්පයුත්තකානං ඛන්ධානං අධිපති පච්චයෙන පච්චයො.
සවිතක්කසවිචාරො ධම්මො අවිතක්කවිචාරමත්තස්ස ධම්මස්ස අධිපතිපච්චයෙන පච්චයො: ආරම්මණාධිපති, සහජාතාධිපති: ආරම්මණාධිපති දානං දත්වා, සීලං සාමාදියිත්වා, උපොසථකම්මං කත්වා, තං ගරුං කත්වා පච්චවෙක්ඛති, තං ගරුං කත්වා විතක්කො උප්පජ්ජති, පුබ්බෙ සුචිණ්ණානි ගරුං කත්වා පච්චවෙක්ඛති, සවිතක්කසවිචාරා ඣානා වුට්ඨහිත්වා, මග්ගා වුට්ඨහිත්වා ඵලා වුට්ඨහිත්වා, ඵලං ගරුං කත්වා පච්චවෙක්ඛති, තං ගරුං කත්වා විතක්කො උප්පජ්ජති. සවිතක්කසවිචාරෙ ඛන්ධෙ ගරුං කත්වා අස්සාදෙති, අභිනන්දති, තං ගරුං කත්වා විතක්කො උප්පජ්ජති, සහජාතාධිපති සවිතක්කසවිචාරා අධිපති විතක්කස්ස අධිපති පච්චයෙන පච්චයො.
සවිතක්කසවිචාරො ධම්මො අවිතක්කඅවිචාරස්ස ධම්මස්ස අධිපති පච්චයෙන පච්චයො: සහජාතාධිපති සවිතක්කසවිචාරා අධිපති චිත්තසමුට්ඨානානං රූපානං අධිපති පච්චයෙන පච්චයො.
සවිතක්කසවිචාරො ධම්මො සවිතක්කසවිචාරස්ස ච අවිතක්කඅවිචාරස්ස ච ධම්මස්ස අධිපතිපච්චයෙන පච්චයො: සහජාතාධිපති, සවිතක්කසවිචාරා අධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො.
සවිතක්කසවිචාරො ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස අධිපතිපච්චයෙන පච්චයො: සහජාතාධිපති, සවිතක්කසවිචාරා අධිපති විතක්කස්ස ච චිත්තසමුට්ඨානානඤ්ච රූපානං අධිපතිපච්චයෙන පච්චයො.
සවිතක්කසවිචාරො ධම්මො සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස අධිපතිපච්චයෙන පච්චයො: ආරම්මණාධිපති, සහජාතාධිපති: ආරම්මණාධිපති දානං දත්වා, සීලං සාමාදියිත්වා, උපොසථකම්මං කත්වා, තං ගරුං කත්වා පච්චවෙක්ඛති, තං ගරුං කත්වා සවිතක්කසවිචාරා ඛන්ධා ච විතක්කො ච උප්පජ්ජන්ති, පුබ්බෙ සුචිණ්ණානි ගරුං කත්වා පච්චවෙක්ඛති, සවිතක්ක සවිචාරා ඣානා වුට්ඨහිත්වා, මග්ගා, ඵලා වුට්ඨහිත්වා ඵලං ගරුං කත්වා පච්චවෙක්ඛති, තං ගරුං කත්වා සවිතක්කසවිචාරා ඛන්ධා ච විතක්කො ච උප්පජ්ජන්ති, සවිතක්කසවිචාරෙ ඛන්ධෙ ගරුං කත්වා අස්සාදෙති, අභිනන්දති, තං ගරුං කත්වා සවිතක්කසවිචාරා ඛන්ධා ච විතක්කො ච උප්පජ්ජන්ති, සහජාතාධිපති, සවිතක්කසවිචාරා අධිපති සම්පයුත්තකානං ඛන්ධානං විතක්කස්ස ච අධිපතිපච්චයෙන පච්චයො.
සවිතක්කසවිචාරො ධම්මො සවිතක්කසවිචාරස්ස ච අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස අධිපතිපච්චයෙන
පච්චයො සහජාතාධිපති, සවිතක්කසවිචාරා අධිපති සම්පයුත්තකානං ඛන්ධානං විතක්කස්ස ච චිත්තසමුට්ඨානානඤ්ච රූපානං අධිපතිපච්චයෙන පච්චයො.
අවිතක්කවිචාරමත්තො ධම්මො අවිතක්ක විචාරමත්තස්ස ධම්මස්ස අධිපතිපච්චයෙන පච්චයො: ආරම්මණාධිපති, සහජාතාධිපති: ආරම්මණාධිපති අවිතක්කවිචාරමත්තා ඣානා, මග්ගා, ඵලා වුට්ඨහිත්වා ඵලං ගරුං කත්වා පච්චවෙක්ඛති, තං ගරුං කත්වා විතක්කො උප්පජ්ජති අවිතක්කවිචාරමත්තෙ ඛන්ධෙ ච විතක්කඤ්ච ගරුං කත්වා අස්සාදෙති, අභිනන්දති, තං ගරුං කත්වා විතක්කො උප්පජ්ජති, සහජාතාධිපති අවිතක්කවිචාරමත්තා අධිපති සම්පයුත්තකානං ඛන්ධානං අධිපතිපච්චයෙන පච්චයො.
අවිතක්කවිචාරමත්තො ධම්මො සවිතක්කසවිචාරස්ස ධම්මස්ස අධිපතිපච්චයෙන පච්චයො: ආරම්මණාධිපති, අවිතක්කවිචාරමත්තා ඣානා වුට්ඨහිත්වා, මග්ගා, ඵලා වුට්ඨහිත්වා ඵලං ගරුං කත්වා පච්චවෙක්ඛති, තං ගරුං කත්වා සවිතක්කසවිචාරා ඛන්ධා උප්පජ්ජන්ති, අවිතක්කවිචාරමත්තෙ ඛන්ධෙ ච විතක්කඤ්ච ගරුං කත්වා අස්සාදෙති, අභිනන්දති. තං ගරුං කත්වා රාගො උප්පජ්ජති, දිට්ඨි උප්පජ්ජති.
අවිතක්කවිචාරමත්තො ධම්මො අවිතක්කඅවිචාරස්ස ධම්මස්ස අධිපතිපච්චයෙන පච්චයො: සහජාතාධිපති අවිතක්කවිචාරමත්තා අධිපති විචාරස්ස ච චිත්තසමුට්ඨානානඤ්ච රූපානං අධිපතිපච්චයෙන පච්චයො.
අවිතක්කවිචාරමත්තො ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස අධිපතිපච්චයෙන පච්චයො: සහජාතාධිපති අවිතක්කවිචාරමත්තා අධිපතිසම්පයුත්තකානං ඛන්ධානං විචාරස්ස ච චිත්තසමුට්ඨානානඤ්ච රූපානං අධිපතිපච්චයෙන පච්චයො.
අවිතක්කවිචාරමත්තො ධම්මො සවිතක්කවිචාරස්ස ච අවිතක්කවිචාරමත්තස්ස ච ධම්මස්ස අධිපතිපච්චයෙන පච්චයො: ආරම්මණාධිපති, අවිතක්කවිචාරමත්තා ඣානා වුට්ඨහිත්වා, මග්ගා ඵලා වුට්ඨහිත්වා ඵලං ගරුං කත්වා පච්චවෙක්ඛති. තං ගරුං කත්වා සවිතක්කසවිචාරා ඛන්ධා ච විතක්කො ච උප්පජ්ජන්ති, අවිතක්කවිචාරමත්තෙ ඛන්ධෙ ච විතක්කඤ්ච ගරුං කත්වා අස්සාදෙති, අභිනන්දති, තං ගරුං කත්වා සවිතක්කසවිචාරා ඛන්ධා ච විතක්කො ච උප්පජ්ජන්ති.
අවිතක්කඅවිචාරො ධම්මො අවිතක්කඅවිචාරස්ස ධම්මස්ස අධිපතිපච්චයෙන පච්චයො: ආරම්මණාධිපති, සහජාතාධිපති, ආරම්මණාධිපති: නිබ්බානං අවිතක්කඅවිචාරස්ස මග්ගස්ස, ඵලස්ස විචාරස්ස ච
අධිපතිපච්චයෙන පච්චයො: සහජාතාධිපති: අවිතක්කඅවිචාරා අධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො.
අවිතක්කඅවිචාරො ධම්මො සවිතක්කසවිචාරස්ස ධම්මස්ස අධිපති පච්චයෙන පච්චයො: ආරම්මණාධිපති, අරියා අවිතක්කඅවිචාරා ඣානා, මග්ගා, ඵලා, වුට්ඨහිත්වා ඵලං ගරුං කත්වා පච්චවෙක්ඛන්ති, තං ගරුං කත්වා සවිතක්කසවිචාරා ඛන්ධා උප්පජ්ජන්ති, අරියා නිබ්බානං ගරුං කත්වා පච්චවෙක්ඛන්ති, නිබ්බානං ගොත්රභුස්ස, වොදානස්ස සවිතක්කසවිචාරස්ස මග්ගස්ස, ඵලස්ස අධිපතිපච්චයෙන පච්චයො: චක්ඛුං ගරුං කත්වා අස්සාදෙති, අභිනන්දති, තං ගරුං කත්වා රාගො උප්පජ්ජති දිට්ඨි උප්පජ්ජති, සොතං ඝානං ජිව්හං, කායං රූපෙ සද්දෙ ගන්ධෙ රසෙ ඵොට්ඨබ්බෙ වත්ථුං අවිතක්කඅවිචාරෙ ඛන්ධෙ ච විචාරඤ්ච ගරුං කත්වා අස්සාදෙති, අභිනන්දති, තං ගරුං කත්වා රාගො උප්පජ්ජති, දිට්ඨි උප්පජ්ජති.
අවිතක්කඅවිචාරො ධම්මො සවිතක්කවිචාරමත්තස්ස ධම්මස්ස අධිපතිපච්චයෙන පච්චයො: ආරම්මණාධිපති, අරියා අවිතක්කඅවිචාරා ඣානා වුට්ඨහිත්වා, මග්ගා, ඵලා වුට්ඨහිත්වා ඵලං ගරුං කත්වා පච්චවෙක්ඛන්ති, තං ගරුං කත්වා විතක්කො උප්පජ්ජති, අරියා නිබ්බානං ගරුං කත්වා පච්චවෙක්ඛන්ති, නිබ්බානං අවිතක්කවිචාරමත්තස්ස මග්ගස්ස, ඵලස්ස විතක්කස්ස ච අධිපතිපච්චයෙන පච්චයො: චක්ඛුං වත්ථුං අවිතක්කඅවිචාරෙ ඛන්ධෙ ච විචාරං ච ගරුං කත්වා අස්සාදෙති, අභිනන්දති, දිට්ඨිං ගරුං කත්වා විතක්කො උප්පජ්ජති.
අවිතක්කඅවිචාරො ධම්මො අවිතක්කවිචාරමත්තස්ස ච අවිතක්ක අවිචාරස්ස ච ධම්මස්ස අධිපතිපච්චයෙන පච්චයො: ආරම්මණාධිපති, නිබ්බානං අවිතක්කවිචාරමත්තස්ස මග්ගස්ස ඵලස්ස, විචාරස්ස ච අධිපතිපච්චයෙන පච්චයො.
අවිතක්කඅවිචාරො ධම්මො සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස අධිපතිපච්චයෙන පච්චයො: ආරම්මණාධිපති. අරියා අවිතක්කඅවිචාරා ඣානා, මග්ගා, ඵලා, වුට්ඨහිත්වා ඵලං ගරුං කත්වා පච්චවෙක්ඛන්ති, තං ගරුං කත්වා සවිතක්කසවිචාරා ඛන්ධා ච විතක්කො ච උප්පජ්ජන්ති, අරියා නිබ්බානං ගරුං කත්වා පච්චවෙක්ඛන්ති. නිබ්බානං ගොත්රභුස්ස, වොදානස්ස විතක්කස්ස ච සවිතක්කසවිචාරස්ස මග්ගස්ස විතක්කස්ස ච සවිතක්ක සවිචාරස්ස ඵලස්ස, විතක්කස්ස ච අධිපතිපච්චයෙන පච්චයො: චක්ඛුං ගරුං කත්වා (සංඛිත්තං.) වත්ථුං අවිතක්කඅවිචාරෙ ඛන්ධෙ ච විචාරඤ්ච
ගරුං කත්වා අස්සාදෙති, අභිනන්දති, තං ගරුං කත්වා සවිතක්කසවිචාරා ඛන්ධා ච විතක්කො ච උප්පජ්ජන්ති.
අවිතක්කවිචාරමත්තො ච අවිතක්කඅවිචාරො ච ධම්මා සවිතක්කසවිචාරස්ස අධිපතිපච්චයෙන පච්චයො: ආරම්මණාධිපති අවිතක්කවිචාරමත්තෙ ඛන්ධෙ ච විචාරං ච ගරුං කත්වා සවිතක්කසවිචාරා ඛන්ධා උප්පජ්ජන්ති.
අවිතක්කවිචාරමත්තො ච අවිතක්කඅවිචාරො ච ධම්මා අවිතක්කවිචාරමත්තස්ස ධම්මස්ස අධිපතිපච්චයෙන පච්චයො: ආරම්මණාධිපති. අවිතක්කවිචාරමත්තෙ ඛන්ධෙ ච විචාරඤ්ච ගරුං කත්වා විතක්කො උප්පජ්ජති.
අවිතක්කවිචාර මත්තො ච අවිතක්කඅවිචාරො ච ධම්මා සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස අධිපතිපච්චයෙන පච්චයො: ආරම්මණාධිපති අවිතක්කවිචාරමත්තෙ ඛන්ධෙ ච විචාරං ච ගරුං කත්වා සවිතක්කසවිචාරා ඛන්ධා ච විතක්කොච උප්පජ්ජන්ති.
සවිතක්කසවිචාරො ච අවිතක්කවිචාරමත්තො ච ධම්මා සවිතක්කසවිචාරස්ස ධම්මස්ස අධිපතිපච්චයෙන පච්චයො: ආරම්මණාධිපති, සවිතක්කසවිචාරෙ ඛන්ධෙ ච විතක්කඤ්ච ගරුං කත්වා සවිතක්කසවිචාරා ඛන්ධා උප්පජ්ජන්ති.
සවිතක්කසවිචාරො ච අවිතක්කවිචාරමත්තො ච ධම්මා අවිතක්ක විචාරමත්තස්ස ධම්මස්ස අධිපතිපච්චයෙන පච්චයො: ආරම්මණාධිපති, සවිතක්කසවිචාරෙ ඛන්ධෙ විතක්කඤ්ච ගරුං කත්වා විතක්කො උප්පජ්ජති.
සවිතක්කසවිචාරො ච අවිතක්විචාරමත්තො ච ධම්මා සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස අධිපතිපච්චයෙන පච්චයො: ආරම්මණාධිපති, සවිතක්කසවිචාරෙ ඛන්ධෙ ච විතක්කඤ්ච ගරුං කත්වා සවිතක්කසවිචාරා ඛන්ධා ච විතක්කො ච උප්පජ්ජන්ති.
සවිතක්කසවිචාරො ධම්මො සවිතක්කසවිචාරස්ස ධම්මස්ස අනන්තරපච්චයෙන පච්චයො: පුරිමා පුරිමා සවිතක්කසවිචාරා ඛන්ධා පච්ඡිමානං පච්ඡිමානං සවිතක්කසවිචාරානං ඛන්ධානං අනන්තරපච්චයෙන පච්චයො: අනුලොමං ගොත්රභුස්ස, අනුලොමං වොදානස්ස, ගොත්රභු සවිතක්කසවිචාරස්ස මග්ගස්ස. වොදානං සවිතක්කසවිචාරස්ස මග්ගස්ස. සවිතක්කසවිචාරො මග්ගො සවිතක්කසවිචාරස්ස ඵලස්ස. සවිතක්කසවිචාරං ඵලං සවිතක්කසවිචාරස්ස ඵලස්ස අනුලොමං සවිතක්කසවිචාරාය ඵලසමාපත්තියා අනන්තරපච්චයෙන පච්චයො.
සවිතක්කසවිචාරො ධම්මො අවිතක්කවිචාරමත්තස්ස ධම්මස්ස අනන්තරපච්චයෙන පච්චයො: පුරිමා පුරිමා සවිතක්කසවිචාරා ඛන්ධා පච්ඡිමස්ස පච්ඡිමස්ස විතක්කස්ස අනන්තරපච්චයෙන පච්චයො: සවිතක්කසවිචාරං චුතිචිත්තං අවිතක්කවිචාරමත්තස්ස උපපත්තිචිත්තස්ස, සවිතක්කසවිචාරා ඛන්ධා අවිතක්කවිචාරමත්තස්ස වුට්ඨානස්ස විතක්කස්ස ච අවිතක්කවිචාරමත්තස්ස ඣානස්ස පරිකම්මං අවිතක්කවිචාරමත්තස්ස ඣානස්ස, ගොත්රභු අවිතක්කවිචාරමත්තස්ස මග්ගස්ස, වොදානං අවිතක්ක විචාරමත්තස්ස මග්ගස්ස, අනුලොමං අවිතක්කවිචාරමත්තාය ඵල සමාපත්තියා විතක්කස්ස ච අනන්තරපච්චයෙන පච්චයො.
සවිතක්කසවිචාරො ධම්මො අවිතක්කඅවිචාරස්ස ධම්මස්ස අනන්තරපච්චයෙන පච්චයො: ආවජ්ජනා පඤ්චන්නං විඤ්ඤාණානං අනන්තරපච්චයෙන පච්චයො: සවිතක්කසවිචාරං චුතිචිත්තං අවිතක්කඅවිචාරස්ස උප්පත්තිචිත්තස්ස විචාරස්ස ච අනන්තරපච්චයෙන පච්චයො: සවිතක්ක සවිචාරා ඛන්ධා අවිතක්කඅවිචාරස්ස වුට්ඨානස්ස විචාරස්ස ච දුතියස්ස ඣානස්ස පරිකම්මංදුතියෙ ඣානෙ විචාරස්ස අනන්තරපච්චයෙන පච්චයො: තතියස්ස ඣානස්ස පරිකම්මං, චතුත්ථස්ස ඣානස්ස පරිකම්මං, ආකාසානඤ්චායතනස්ස පරිකම්මං විඤ්ඤාණඤ්චායතනස්ස පරිකම්මං ආකිඤ්චඤ්ඤායතනස්ස පරිකම්මං, නෙවසඤ්ඤානාසඤ්ඤායතනස්ස පරිකම්මං දිබ්බස්ස චක්ඛුස්ස පරිකම්මං දිබ්බාය සොත ධාතුයා පරිකම්මං ඉද්ධිවිධඤාණස්ස පරිකම්මං චෙතොපරියඤාණස්ස පරිකම්මං පුබ්බෙනිවාසානුස්සතිඤාණස්ස යථාකම්මූපගඤාණස්ස, අනාගතංසඤාණස්ස පරිකම්මං ගොත්රභු අවිතක්කඅවිචාරස්ස මග්ගස්ස ච වොදානං, අවිතක්කඅවිචාරස්ස මග්ගස්ස විචාරස්ස විචාරස්ස ච අනුලොමං අවිතක්කඅවිචාරාය ඵලසමාපත්තියා විචාරස්ස ච අනන්තරපච්චයෙන පච්චයො.
සවිතක්කසවිරො ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස අනන්තරපච්චයෙන පච්චයො: සවිතක්කසවිචාරං චුතිචිත්තං අවිතක්කවිචාරමත්තස්ස උප්පත්තිචිත්තස්ස විචාරස්ස ච අනන්තරපච්චයෙන පච්චයො: සවිතක්කසවිචාරා ඛන්ධා අවිතක්කවිචාරමත්තස්ස වුට්ඨානස්ස විචාරස්ස ච අනන්තරපච්චයෙන පච්චයො: අවිතක්කවිචාරමත්තස්ස ඣානස්ස පරිකම්මං අවිතක්කවිචාරමත්තස්ස ඣානස්ස විචාරස්ස ච අනන්තරපච්චයෙන පච්චයො, ගොත්රභු අවිතක්කවිචාරමත්තස්ස මග්ගස්ස විචාරස්ස ච, වොදානං අවිතක්කවිචාරමත්තස්ස මග්ගස්ස විචාරස්ස ච, අනුලොමං අවිතක්කවිචාරමත්තාය ඵලසමාපත්තියා විචාරස්ස ච අනන්තරපච්චයෙන පච්චයො.
සවිතක්කසවිචාරො ධම්මො සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස අනන්තරපච්චයෙන පච්චයො: පුරිමා පුරිමා සවිතක්කසවිචාරා ඛන්ධා පච්ඡිමානං පච්ඡිමානං සවිතක්කසවිචාරානං ඛන්ධානං විතක්කස්ස ච අනන්තරපච්චයෙන පච්චයො, අනුලොමං ගොත්රභුස්ස විතක්කස්ස ච, අනුලොමං වොදානස්ස විතක්කස්ස ච, ගොත්රභු සවිතක්කසවිචාරස්ස මග්ගස්ස විතක්කස්ස ච, වොදානං සවිතක්කසවිචාරස්ස මග්ගස්ස විතක්කස්සච, සවිතක්කසවිචාරො මග්ගො සවිතක්කසවිචාරස්ස ඵලස්ස විතක්කස්ස ච, සවිතක්කසවිචාරං ඵලං සවිතක්කසවිචාරස්සඵලස්ස විතක්කස්ස ච, අනුලොමං සවිතක්කසවිචාරාය ඵලසමාපත්තියා විතක්කස්ස ච අනන්තරපච්චයෙන පච්චයො.
අවිතක්කවිචාරමත්තො ධම්මො අවිතක්කවිචාරමත්තස්ස ධම්මස්ස අනන්තරපච්චයෙන පච්චයො: පුරිමො පුරිමො විතක්කො පච්ඡිමස්ස පච්ඡිමස්ස විතක්කස්ස අනන්තරපච්චයෙන පච්චයො, පුරිමා පුරිමා අවිතක්කවිචාරමත්තා ඛන්ධා පච්ඡිමානං පච්ඡිමානං අවිතක්කවිචාරමත්තානං ඛන්ධානං අනන්තරපච්චයෙන පච්චයො, අවිතක්කවිචාරමත්තො මග්ගො අවිතක්කවිචාරමත්තස්ස ඵලස්ස අවිතක්කවිචාරමත්තං ඵලං අවිතක්කවිචාරමත්තස්ස ඵලස්ස අනන්තරපච්චයෙන පච්චයො.
අවිතක්කවිචාරමත්තො ධම්මො සවිතක්කසවිචාරස්ස ධම්මස්ස අනන්තරපච්චයෙන පච්චයො: පුරිමො පුරිමො විතක්කො පච්ඡිමානං පච්ඡිමානං සවිතක්කසවිචාරානං ඛන්ධානං අනන්තරපච්චයෙන පච්චයො, අවිතක්කවිචාරමත්තං චුතිචිත්තං සවිතක්කසවිචාරස්ස උප්පත්ති චිත්තස්ස අනන්තරපච්චයෙන පච්චයො, අවිතක්කවිචාරමත්තං භවඞ්ගං ආවජ්ජනාය අනන්තරපච්චයෙන පච්චයො, අවිතක්කවිචාරමත්තා ඛන්ධා සවිතක්කසවිචාරස්ස වුට්ඨානස්ස අනන්තරපච්චයෙන පච්චයො.
අවිතක්කවිචාරමත්තො ධම්මො අවිතක්කඅවිචාරස්ස ධම්මස්ස අනන්තරපච්චයෙන පච්චයො: පුරිමා පුරිමා අවිතක්කවිචාරමත්තා ඛන්ධා පච්ඡිමස්ස පච්ඡිමස්ස විචාරස්ස අනන්තරපච්චයෙන පච්චයො, අවිතක්කවිචාරමත්තං චුතිචිත්තං විතක්කො ච අවිතක්කඅවිචාරස්ස උප්පත්තිචිත්තස්ස විචාරස්ස ච අනන්තරපච්චයෙන පච්චයො, අවිතක්කවිචාරමත්තා ඛන්ධා විතක්කො ච අවිතක්කඅවිචාරස්ස වුට්ඨානස්ස විචාරස්ස ච අනන්තරපච්චයෙන පච්චයො. -පෙ-.
අවිතක්කවිචාරමත්තො ධම්මො අවිතක්කවිචාරමත්තස්ස ච අවිතක්කඅවිචාරස්ස ච ධම්මස්ස අනන්තරපච්චයෙන පච්චයො: පුරිමා පුරිමා
අවිතක්කවිචාරමත්තා ඛන්ධා පච්ඡිමානං පච්ඡිමානං අවිතක්කවිචාරමත්තානං ඛන්ධානං විචාරස්ස ච අනන්තරපච්චයෙන පච්චයො, අවිතක්කවිචාරමත්තො මග්ගො අවිතක්කවිචාරමත්තස්ස ඵලස්ස විචාරස්ස ච, අවිතක්කවිචාරමත්තං ඵලං අවිතක්කවිචාරමත්තස්ස ඵලස්ස විචාරස්ස ච අනන්තරපච්චයෙන පච්චයො.
අවිතක්කවිචාරමත්තො ධම්මො සවිතක්කසවිචාරස්ස ච අවිතක්කවිචාරමත්තස්ස ච ධම්මස්ස අනන්තරපච්චයෙන පච්චයො: පුරිමො පුරිමො විතක්කො පච්ඡිමානං පච්ඡිමානං සවිතක්කසවිචාරානං ඛන්ධානං විතක්කස්ස ච අනන්තරපච්චයෙන පච්චයො, අවිතක්කවිචාරමත්තං චුතිචිත්තං සවිතක්කසවිචාරස්ස උප්පත්ති චිත්තස්ස විතක්කස්ස ච අනන්තරපච්චයෙන පච්චයො, අවිතක්කවිචාරමත්තං භවඞ්ගං ආවජ්ජනාය විතක්කස්ස ච අනන්තරපච්චයෙන පච්චයො, අවිතක්කවිචාරමත්තා ඛන්ධා සවිතක්කසවිචාරස්ස වුට්ඨානස්ස විතක්කස්ස ච අනන්තරපච්චයෙන පච්චයො.
අවිතක්කඅවිචාරො ධම්මො අවිතක්කඅවිචාරස්ස ධම්මස්ස අනන්තරපච්චයෙන පච්චයො, පුරිමො පුරිමො විචාරො පච්ඡිමස්ස පච්ඡිමස්ස විචාරස්ස අනන්තරපච්චයෙන පච්චයො: පුරිමා පුරිමා අවිතක්කඅවිචාරා ඛන්ධා පච්ඡිමානං පච්ඡිමානං අවිතක්කඅවිචාරානං ඛන්ධානං අනන්තරපච්චයෙන පච්චයො, අවිතක්කඅවිචාරො මග්ගො අවිතක්කඅවිචාරස්ස ඵලස්ස, අවිතක්කඅවිචාරං ඵලං අවිතක්කඅවිචාරස්ස ඵලස්ස අනන්තරපච්චයෙන පච්චයො, නිරොධා වුට්ඨාහන්තස්ස නෙවසඤ්ඤානාසඤ්ඤායතනං අවිතක්කඅවිචාරාය ඵලසමාපත්තියා විචාරස්ස ච අනන්තරපච්චයෙන පච්චයො.