අසංකිලිට්ඨසංකිලෙසිකො ධම්මො අසංකිලිට්ඨසංකිලෙසිකස්ස ධම්මස්ස ඉන්ද්රියපච්චයෙන පච්චයො: අසංකිලිට්ඨසංකිලෙසිකා ඉන්ද්රියා සම්පයුත්තකානං ඛන්ධානං චිත්තසමුට්ඨානානං ච රූපානං ඉන්ද්රියපච්චයෙන පච්චයො: පටිසන්ධික්ඛණෙ චක්ඛුන්ද්රියං චක්ඛුවිඤ්ඤාණස්ස කායින්ද්රියං කායවිඤ්ඤාණස්ස, ඉන්ද්රියපච්චයෙන පච්චයො. රූපජීවිතින්ද්රියං කටත්තා රූපානං ඉන්ද්රියපච්චයෙන පච්චයො:
අසංකිලිට්ඨඅසංකිලෙසිකො ධම්මො -පෙ- තීණි.
සංකිලිට්ඨසංකිලෙසිකො ධම්මො සංකිලිට්ඨසංකිලෙසිකස්ස ධම්මස්ස ඣානපච්චයෙන පච්චයො. මග්ගපච්චයෙන පච්චයො, සම්පයුත්තපච්චයෙන පච්චයො: -පෙ-.
සංකිලිට්ඨසංකිලෙසිකො ධම්මො අසංකිලිට්ඨසංකිලෙසිකස්ස ධම්මස්ස විප්පයුත්තපච්චයෙන පච්චයො: සහජාතං පච්ඡාජාතං සහජාතා සංකිලිට්ඨසංකිලෙසිකා ඛන්ධා චිත්තසමුට්ඨානානං රූපානං විප්පයුත්තපච්චයෙන පච්චයො, පච්ඡාජාතා සංකිලිට්ඨසංකිලෙසිකා ඛන්ධා පුරෙජාතස්ස ඉමස්ස කායස්ස විප්පයුත්තපච්චයෙන පච්චයො.
අසංකිලිට්ඨසංකිලෙසිකො ධම්මො අසංකිලිට්ඨසංකිලෙසිකස්ස ධම්මස්ස විප්පයුත්තපච්චයෙන පච්චයො: සහජාතං පුරෙජාතං පච්ඡාජාතං. සහජාතා: අසංකිලිට්ඨසංකිලෙසිකා ඛන්ධා චිත්තසමුට්ඨානානං රූපානං විප්පයුත්තපච්චයෙන පච්චයො, පටිසන්ධික්ඛණෙ අසංකිලිට්ඨසංකිලෙසිකා ඛන්ධා කටත්තා ච රූපානං විප්පයුත්තපච්චයෙන පච්චයො, ඛන්ධා වත්ථුස්ස, වත්ථු ඛන්ධානං විප්පයුත්තපච්චයෙන පච්චයො, පුරෙජාතං චක්ඛායතනං චක්ඛුවිඤ්ඤා__ස්සණ__, කායායතනං කායවිඤ්ඤාණස්ස, විප්පයුත්තපච්චයෙන, වත්ථු අසංකිලිට්ඨසංකිලෙසිකානං ඛන්ධානං විප්පයුත්තපච්චයෙන පච්ඡාජාතා අසංකිලිට්ඨසංකිලෙසිකා ඛන්ධා පුරෙජාතස්ස ඉමස්ස කායස්ස විප්පයුත්තපච්චයෙන පච්චයො.
අසංකිලිට්ඨසංකිලෙසිකො ධම්මො සංකිලිට්ඨසංකිලෙසිකස්ස ධම්මස්ස විප්පයුත්තපච්චයෙන, පුරෙජාතං වත්ථු සංකිලිට්ඨසංකිලෙසිකානං ඛන්ධානං විප්පයුත්තපච්චයෙන පච්චයො.
අසංකිලිට්ඨසංකිලෙසිකො ධම්මො අසංකිලිට්ඨඅසංකිලෙසිකස්ස ධම්මස්ස විප්පයුත්තපච්චයෙන පච්චයො: පුරෙජාතං වත්ථු අසංකිලිට්ඨඅසංකිලෙසිකානං ඛන්ධානං විප්පයුත්තපච්චයෙන පච්චයො.
අසංකිලිට්ඨඅසංකිලෙසිකො ධම්මො අසංකිලිට්ඨසංකිලෙසිකස්ස ධම්මස්ස විප්පයුත්තපච්චයෙන පච්චයො: සහජාතං පච්ඡාජාතං සහජාතා.
අසංකිලිට්ඨඅසංකිලෙසිකා ඛන්ධා චිත්තසමුට්ඨානානං රූපානං විප්පයුත්තපච්චයෙන, පච්ඡාජාතා අසංකිලිට්ඨඅසංකිලෙසිකා ඛන්ධා පුරෙජාතස්ස ඉමස්ස කායස්ස විප්පයුත්තපච්චයෙන පච්චයො.
සංකිලිට්ඨසංකිලෙසිකො ධම්මො සංකිලිට්ඨසංකිලෙසිකස්ස ධම්මස්ස අත්ථිපච්චයෙන පච්චයො: සංකිලිට්ඨසංකිලෙසිකො එකො ඛන්ධො තිණ්ණන්නං ඛන්ධානං අත්ථිපච්චයෙනපච්චයො.
සංකිලිට්ඨසංකිලෙසිකො ධම්මො අසංකිලිට්ඨසංකිලෙසිකස්ස ධම්මස්ස අත්ථිපච්චයෙන පච්චයො: සහජාතං පච්ඡාජාතං. සහජාතා සංකිලිට්ඨ සංකිලෙසිකා ඛන්ධා චිත්තසමුට්ඨානානං රූපානං අත්ථිපච්චයෙන පච්චයො: පච්ඡාජාතා සංකිලිට්ඨසංකිලෙසිකා ඛන්ධා පුරෙජාතස්ස ඉමස්ස කායස්ස අත්ථිපච්චයෙන පච්චයො.
සංකිලිට්ඨසංකිලෙසිකො ධම්මො සංකිලිට්ඨසංකිලෙසිකස්ස ච අසංකිලිට්ඨසංකිලෙසිකස්ස ච ධම්මස්ස අත්ථිපච්චයෙන පච්චයො: සංකිලිට්ඨසංකිලෙසිකො එකො ඛන්ධො තිණ්ණන්නං ඛන්ධානං චිත්තසමුට්ඨානානං ච රූපානං අත්ථිපච්චයෙන පච්චයො. ද්වෙ ඛන්ධා -පෙ-.
අසංකිලිට්ඨසංකිලෙසිකො ධම්මො අසංකිලිට්ඨසංකිලෙසිකස්ස ධම්මස්ස අත්ථිපච්චයෙන පච්චයො: සහජාතං පුරෙජාතං පච්ඡාජාතං ආහාරං ඉන්ද්රියං. සහජාතො අසංකිලිට්ඨසංකිලෙසිකො එකො ඛන්ධො තිණ්ණන්නං ඛන්ධානං චිත්තසමුට්ඨානානං ච රූපානං අත්ථිපච්චයෙන පච්චයො: පටිසන්ධික්ඛණෙ අසඤ්ඤසත්තානං එකං මහාභූතං තිණ්ණන්නං මහාභූතානං අත්ථිපච්චයෙන පච්චයො. -පෙ- පුරෙජාතං චක්ඛුං අනිච්චතො දුක්ඛතො අනත්තතො විපස්සති, සොතං -පෙ- කායං රූපෙ, ඵොට්ඨබ්බෙ වත්ථුං අනිච්චතො දුක්ඛතො අනත්තතො විපස්සති, දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති, රූපායතනං චක්ඛුවිඤ්ඤාණස්ස, ඵොට්ඨබ්බායතනං කායවිඤ්ඤාණස්ස, අත්ථිපච්චයෙන චක්ඛායතනං චක්ඛුවිඤ්ඤාණස්ස, කායායතනං කායවිඤ්ඤාණස්ස, වත්ථු අසංකිලිට්ඨසංකිලෙසිකානං ඛන්ධානං අත්ථිපච්චයෙන පච්ඡාජාතා අසංකිලිට්ඨසංකිලෙසිකා ඛන්ධා පුරෙජාතස්ස ඉමස්ස කායස්ස අත්ථිපච්චයෙන, කබළීකාරො ආහාරො ඉමස්ස කායස්ස, රූපජීවිතින්ද්රියං කටත්තා රූපානං අත්ථිපච්චයෙන පච්චයො.
අසංකිලිට්ඨසංකිලෙසිකො ධම්මො සංකිලිට්ඨසංකිලෙසිකස්ස ධම්මස්ස අත්ථිපච්චයෙන පච්චයො: පුරෙජාතං චක්ඛුං අස්සාදෙති,
අභිනන්දති, තං ආරබ්භ රාගො උප්පජ්ජති, දොමනස්සං උප්පජ්ජති, වත්ථුං අස්සාදෙති. වත්ථු සංකිලිට්ඨසංකිලෙසිකානං ඛන්ධානං අත්ථිපච්චයෙන පච්චයො.
අසංකිලිට්ඨසංකිලෙසිකො ධම්මො අසංකිලිට්ඨඅසංකිලෙසිකස්ස ධම්මස්ස අත්ථිපච්චයෙන පච්චයො: පුරෙජාතං වත්ථු අසංකිලිට්ඨඅසංකිලෙසිකානං ඛන්ධානං අත්ථිපච්චයෙන පච්චයො.
අසංකිලිට්ඨඅසංකිලෙසිකො ධම්මො අසංකිලිට්ඨඅසංකිලෙසිකස්ස ධම්මස්ස අත්ථිපච්චයෙන පච්චයො: අසංකිලිට්ඨඅසංකිලෙසිකො එකො ඛන්ධො තිණ්ණන්නා ඛන්ධානං අත්ථිපච්චයෙන පච්චයො.
අසංකිලිට්ඨඅසංකිලෙසිකො ධම්මො අසංකිලිට්ඨසංකිලෙසිකස්ස ධම්මස්ස අත්ථිපච්චයෙන පච්චයො: සහජාතං පච්ඡාජාතං, සහජාතා අසංකිලිට්ඨ අසංකිලෙසිකා ඛන්ධා චිත්තසමුට්ඨානානං රූපානං අත්ථිපච්චයෙන පච්චයො. පච්ඡාජාතා අසංකිලිට්ඨඅසංකිලෙසිකා ඛන්ධා පුරෙජාතස්ස ඉමස්ස කායස්ස අත්ථිපච්චයෙන පච්චයො.
අසංකිලිට්ඨඅසංකිලෙසිකො ධම්මො අසංකිලිට්ඨසංකිලෙසිකස්ස ච අසංකිලිට්ඨඅසංකිලෙසිකස්ස ච ධම්මස්ස අත්ථිපච්චයෙන පච්චයො: අසංකිලිට්ඨ අසංකිලෙසිකො එකො ඛන්ධො තිණ්ණන්නං ඛන්ධානං චිත්තසමුට්ඨානානං ච රූපානං අත්ථිපච්චයෙන පච්චයො.
අසංකිලිට්ඨසංකිලෙසිකො ච අසංකිලිට්ඨඅසංකිලෙසිකො ච ධම්මා අසංකිලිට්ඨසංකිලෙසිකස්ස ධම්මස්ස අත්ථිපච්චයෙන පච්චයො: සහජාතාං පච්ඡාජාතං ආහාරං ඉන්ද්රියං. සහජාතා අසංකිලිට්ඨඅසංකිලෙසිකා ඛන්ධා ච මහාභූතා ච චිත්තසමුට්ඨානානං රූපානං අත්ථිපච්චයෙන පච්චයො. පච්ඡාජාතා අසංකිලිට්ඨ අසංකිලෙසිකා ඛන්ධා ච කබළීකාරො ආහාරො ච ඉමස්ස කායස්ස අත්ථිපච්චයෙන පච්චයො. පච්ඡාජාතා අසංකිලිට්ඨ සංකිලෙසිකා ඛන්ධා ච රූපජීවිතින්ද්රියං ච කටත්තාරූපානං අත්ථිපච්චයෙන පච්චයො.
අසංකිට්ඨසංකිලෙසිකො ච අසංකිලිට්ඨඅසංකිලෙසිකො ච ධම්මා අසංකිලිට්ඨඅසංකිලෙසිකස්ස ධම්මස්ස අත්ථිපච්චයෙන පච්චයො; සහජාතං පුරෙජාතං - සහජාතො අසංකිලිට්ඨඅසංකිලෙසිකො එකො ඛන්ධො ච වත්ථු ච තිණ්ණන්නං ඛන්ධානං අත්ථිපච්චයෙන පච්චයො.
සංකිලිට්ඨසංකිලෙසිකො ච අසංකිලිටට්ඨසංකිලෙසිකො ච ධම්මං සංකිලිට්ඨසංකිලෙසිකස්ස ධම්මස්ස අත්ථිපච්චයෙන පච්චයො; සහජාතං
පුරෙජාතං, සහජාතො සංකිලිට්ඨ සංකිලෙසිකො එකො ඛන්ධො ච වත්ථු ච තිණ්ණන්නං ඛන්ධානං අත්ථිපච්චයෙන පච්චයො ද්වෙ ඛන්ධා -පෙ-.
සංකිලිට්ඨසංකිලෙසිකො ච අසංකිලිට්ඨසංකිලෙසිකො ච ධම්මා අසංකිලිට්ඨසංකිලෙසිකස්ස ධම්මස්ස අත්ථිපච්චයෙන පච්චයො: සහජාතං පච්ඡාජාතං ආහාරං ඉන්ද්රියං, සහජාතා සංකිලිට්ඨසංකිලෙසිකා ඛන්ධා ච මහාභූතා ච චිත්තසමුට්ඨානානං රූපානං අත්ථිපච්චයෙන පච්චයො, පච්ඡාජාතා සංකිලිට්ඨසංකිලෙසිකා ඛන්ධා ච කබළීකාරො ආහාරො ච පුරෙජාතස්ස ඉමස්ස කායස්ස අත්ථිපච්චයෙන පච්චයො. පච්ඡාජාතා සංකිලිට්ඨසංකිලෙසිකා ඛන්ධා ච රූපජීවිතින්ද්රියං ච කටත්තා රූපානං අත්ථිපච්චයෙන පච්චයො.
සංකිලිට්ඨසංකිලෙසිකො ධම්මො සංකිලිට්ඨ සංකිලෙසිකස්ස ධම්මස්ස නත්ථිපච්චයෙන විගතපච්චයෙන අවිගතපච්චයෙන පච්චයො.
ගණනා.
හෙතුයා සත්ත, ආරම්මණෙ ඡ, අධිපතියා අට්ඨ, අනන්තරෙ සත්ත, සමනන්තරෙ සත්ත, සහජාතෙ නව, අඤ්ඤමඤ්ඤෙ තීණි, නිස්සයෙ තෙරස, උපනිස්සයෙ අට්ඨ, පුරෙජාතෙ තීණි, පච්ඡාජාතෙ තීණි, ආසෙවනෙ තීණි, කම්මෙ සත්ත, විපාකෙ චත්තාරි, ආහාරෙ, ඉන්ද්රියෙ, ඣානෙ, මග්ගෙ සත්ත, සම්පයුත්තෙ තීණි, විප්පයුත්තෙ පඤ්ච, අත්ථියා තෙරස, නත්ථියා සත්ත, විගතෙ සත්ත, අවිගතෙ තෙරස.
හෙතුපච්චයා අධිපතියා චත්තාරි, සහජාතෙ සත්ත, අඤ්ඤමඤ්ඤෙ තීණි. නිස්සයෙ සත්ත, විපාකෙ චත්තාරි, ඉන්ද්රියෙ, මග්ගෙ චත්තාරි, සම්පයුත්තෙ තීණි, විප්පයුත්තෙ තීණි. අත්ථියා අවිගතෙ සත්ත.
හෙතු සහජාත නිස්සය අවිගතන්ති සත්ත, හෙතු සහජාත අඤ්ඤමඤ්ඤ නිස්සය අත්ථි අවිගතන්ති තීණි, හෙතු සහජාත අඤ්ඤමඤ්ඤ නිස්සය සම්පයුත්ත අත්ථි අවිගතන්ති තීණි, හෙතු සහජාත නිස්සය විප්පයුත්ත අත්ථි අවිගතන්ති තීණි, හෙතු සහජාත නිස්සය විපාක අත්ථි අවිගතන්ති චත්තාරි, හෙතු සහජාත අඤ්ඤමඤ්ඤ නිස්සය විපාක අත්ථි අවිගතන්ති ද්වෙ, හෙතු සහජාත අඤ්ඤමඤ්ඤ නිස්සය විපාක සම්පයුත්ත අත්ථි අවිගතන්ති ද්වෙ, හෙතු සහජාත නිස්සය විපාක විප්පයුත්ත අත්ථි අවිගතන්ති ද්වෙ, හෙතු සහජාත අඤ්ඤමඤ්ඤ නිස්සය විපාක විප්පයුත්ත අත්ථි අවිගතන්ති එකං.
(යථා කුසලත්තිකෙ එවං විත්ථාරෙතබ්බං.)
අනුලොමං
සංකිලිට්ඨසංකිලෙසිකො ධම්මො සංකිලිට්ඨසංකිලෙසිකස්ස ධම්මස්ස ආරම්මණපච්චයෙන පච්චයො: සහජාත උපනිස්සයපච්චයෙන පච්චයො. -පෙ-.
සංකිලිට්ඨසංකිලෙසිකො ධම්මො අසංකිලිට්ඨසංකිලෙසිකස්ස ධම්මස්ස ආරම්මණපච්චයෙන පච්චයො, සහජාතපච්චයෙන උපනිස්සය පච්චයෙන පච්ඡාජාතපච්චයෙන කම්මපච්චයෙන පච්චයො. -පෙ-.
සංකිලිට්ඨසංකිලෙසිකො ධම්මො අසංකිලිට්ඨඅසංකිලෙසිකස්ස ධම්මස්ස උපනිස්සයපච්චයෙන පච්චයො. -පෙ-.
සංකිලිට්ඨසංකිලෙසිකො ධම්මො අසංකිලිට්ඨසංකිලෙසිකස්ස ච අසංකිලිට්ඨඅසංකිලෙසිකස්ස ච ධම්මස්ස සහජාතපච්චයෙන පච්චයො. -පෙ-.
අසංකිලිට්ඨසංකිලෙසිකො ධම්මො අසංකිලිට්ඨසංකිලෙසිකස්ස ධම්මස්ස ආරම්මණපච්චයෙන, සහජාතපච්චයෙන, උපනිස්සයපච්චයෙන, පුරෙජාතපච්චයෙන, පච්ඡාජාතපච්චයෙන, කම්මපච්චයෙන ආහාරපච්චයෙන ඉන්ද්රියපච්චයෙන පච්චයො.
අසංකිලිට්ඨසංකිලෙසිකො ධම්මො සංකිලිට්ඨසංකිලෙසිකස්ස ධම්මස්ස ආරම්මණපච්චයෙන, උපනිස්සයපච්චයෙන, පුරෙජාතපච්චයෙන පච්චයො.
අසංකිලිට්ඨසංකිලෙසිකො ධම්මො අසංකිලිට්ඨසංකිලෙසිකස්ස ධම්මස්ස උපනිස්සයපච්චයෙන, පුරෙජාතපච්චයෙන පච්චයො.
අසංකිලිට්ඨඅසංකිලෙසිකො ධම්මො අසංකිලිට්ඨඅසංකිලෙසිකස්ස ධම්මස්ස සහජාතපච්චයෙන, උපනිස්සයපච්චයෙන, පච්චයො
අසංකිලිට්ඨඅසංකිලෙසිකො ධම්මො අසංකිලිට්ඨඅසංකිලෙසිකස්ස ධම්මස්ස ආරම්මණපච්චයෙන, සහජාතපච්චයෙන උපනිස්සයපච්චයෙන, පච්ඡාජාතපච්චයෙන පච්චයො.
අසංකිලිට්ඨඅසංකිලෙසිකො ධම්මො අසංකිලිට්ඨසංකිලෙසිකස්ස ච අසංකිලිට්ඨඅසංකිලෙසිකස්ස ච ධම්මස්ස සහජාතපච්චයෙන පච්චයො.
අසංකිලිට්ඨසංකිලෙසිකො ච අසංකිලිට්ඨඅසංකිලෙසිකො ච ධම්මා අසංකිලිට්ඨසංකිලෙසිකස්ස ධම්මස්ස සහජාතං පච්ඡාජාතං ආහාරං ඉන්ද්රියං.
අසංකිලිට්ඨසංකිලෙසිකො ච අසංකිලිට්ඨඅසංකිලෙසිකො ච ධම්මා අසංකිලිට්ඨඅසංකිලෙසිකස්ස ධම්මස්ස සහජාතං පුරෙජාතං.
සංකිලිට්ඨසංකිලෙසිකො ච අසංකිලිට්ඨසංකිලෙසිකො ච ධම්මා සංකිලිට්ඨසංකිලෙසිකස්ස ධම්මස්ස සහජාතං පුරෙජාතං.
සංකිලිට්ඨසංකිලෙසිකො ච අසංකිට්ඨසංකිලෙසිකො ච ධම්මා අසංකිලිට්ඨසංකිලෙසිකස්ස ධම්මස්ස සහජාතං පච්ඡාජාතං ආහාරං ඉන්ද්රියං.
ගණනා.
න හෙතුයා චුද්දස, න ආරම්මණෙ චුද්දස, න අධිපතියා චුද්දස, න අනන්තරෙ චුද්දස, න සමනන්තරෙ චුද්දස, න සහජාතෙ දස, න අඤ්ඤමඤ්ඤෙ දස, න නිස්සයෙ දස, න උපනිස්සයෙ තෙරස, න පුරෙජාතෙ ද්වාදස, න පච්ඡාජාතෙ චුද්දස, න ආසෙවනෙ - න කම්මෙ - න විපාකෙ චුද්දස, න ආහාරෙ - න ඉන්ද්රියෙ - න ඣානෙ - න මග්ගෙ චුද්දස, න සම්පයුත්තෙ දස, න විප්පයුත්තෙ අට්ඨ, නො නත්ථියා චුද්දස, නො විගතෙ චුද්දස, නො අවිගතෙ අට්ඨ.
න හෙතුපච්චයා න ආරම්මණෙ චුද්දස, (සංඛිත්තං.)
(යථා කුසලත්තිකෙ පච්චනීය ගණනා, එවං ගණෙතබ්බං.)
පච්චනීයං.
හෙතුපච්චයා න ආරම්මණෙ සත්ත, න අධිපතියා, න අනන්තරෙ, න සමනන්තරෙ සත්ත, න අඤ්ඤමඤ්ඤෙ තීණි, න උපනිස්සයෙ, න පුරෙජාතෙ, න පච්ඡාජාතෙ, න ආසෙවනෙ, න කම්මෙ, න විපාකෙ, න ආහාරෙ, න ඉන්ද්රියෙ, න ඣානෙ සත්ත, න මග්ගෙ සත්ත, න සම්පයුත්තෙ තීණි, න විප්පයුත්තෙ තීණි, නො නත්ථියා සත්ත, නො විගතෙ සත්ත
හෙතු සහජාත නිස්සය අත්ථි අවිගතන්ති න ආරම්මණෙ සත්ත, (සංඛිත්තං.)
(යථා කුසලත්තිකෙ අනුලොමපච්චනීය ගණනා විභත්තා එවං විභජිතබ්බං)
අනුලොමපච්චනීයං
න හෙතුපච්චයා ආරම්මණෙ ඡ, අධිපතියා අට්ඨ, අනන්තරෙ සත්ත, සමනන්තරෙ සත්ත, සහජාතෙ නව, අඤ්ඤමඤ්ඤෙ තීණි, නිස්සයෙ තෙරස, උපනිස්සයෙ අට්ඨ, පුරෙජාතෙ තීණි, පච්ඡාජාතෙ තීණි,
ආසෙවනෙ තීණි, කම්මෙ සත්ත, විපාකෙ චත්තාරි, ආහාරෙ ඉන්ද්රියෙ ඣානෙ මග්ගෙ සත්ත, සම්පයුත්තෙ තීණි, විප්පයුත්තෙ පඤ්ච, අත්ථියා තෙරස, නත්ථියා සත්ත, විගතෙ සත්ත, අවිගතෙ තෙරස.
න හෙතුපච්චයා න ආරම්මණපච්චයා අධිපතියා සත්ත, (සංඛිත්තං.)
(යථා කුසලත්තිකෙ පච්චනීයානුලොමගණනා විභත්තා එවං විභජිතබ්බං.)
පච්චනීයානුලොමං.
සංකිලිට්ඨත්තිකං නිට්ඨිතං.
6. විතක්කත්තිකං.
සවිතක්කසවිචාරං ධම්මං පටිච්ච සවිතක්කසවිචාරො ධම්මො උප්පජ්ජති හෙතුපච්චයා: සවිතක්කසවිචාරං එකං ඛන්ධං පටිච්ච තයො ඛන්ධා, තයො ඛන්ධෙ පටිච්ච එකො ඛන්ධො, ද්වෙ ඛන්ධෙ පටිච්ච ද්වෙ ඛන්ධා, පටිසන්ධික්ඛණෙ සවිතක්කසවිචාරං එකං ඛන්ධං පටිච්ච තයො ඛන්ධා, ද්වෙ ඛන්ධෙ පටිච්ච ද්වෙ ඛන්ධා.
සවිතක්කසවිචාරං ධම්මං පටිච්ච අවිතක්කවිචාරමත්තො ධම්මො උප්පජ්ජති හෙතුපච්චයා: සවිතක්කසවිචාරෙ ඛන්ධෙ පටිච්ච විතක්කො, පටිසන්ධික්ඛණෙ සවිතක්කසවිචාරෙ ඛන්ධො විතක්කො.
සවිතක්ක සවිචාරං ධම්මං පටිච්ච අවිතක්කඅවිචාරො ධම්මො උප්පජ්ජති හෙතුපච්චයා: සවිතක්කසවිචාරෙ ධම්මෙ පටිච්ච චිත්තසමුට්ඨානං රූපං, පටිසන්ධික්ඛණෙ සවිතක්කසවිචාරෙ ඛන්ධෙ පටිච්ච කටත්තා රූපං.
සවිතක්කසවිචාරං ධම්මං පටිච්ච සවිතක්කසවිචාරො ච අවිතක්කඅවිචාරො ච ධම්මා උප්පජ්ජන්ති හෙතුපච්චයා: සවිතක්කසවිචාරං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං, ද්වෙ ඛන්ධෙ පටිච්ච ද්වෙ ඛන්ධා චිත්තසමුට්ඨානඤ්ච රූපං, පටිසන්ධික්ඛණෙ සවිතක්කසවිචාරං එකං ඛන්ධං පටිච්ච තයො ඛන්ධා කටත්තා ච රූපං: ද්වෙ ඛන්ධෙ පටිච්ච ද්වෙ ඛන්ධා කටත්තා ච රූපං.
සවිතක්කසවිචාරං ධම්මං පටිච්ච අවිතක්කවිචාරමත්තො ච අවිතක්කඅවිචාරො ච ධම්මා උප්පජ්ජන්ති හෙතුපච්චයා: සවිතක්කසවිචාරෙ ඛන්ධෙ පටිච්ච විතක්කො චිත්තසමුට්ඨානඤ්ච රූපං, පටිසන්ධික්ඛණෙ සවිතක්කසවිචාරෙ ඛන්ධෙ පටිච්ච විතක්කො කටත්තා ච රූපං.
සවිතක්කසවිචාරං ධම්මං පටිච්ච සවිතක්කසවිචාරො ච අවිතක්කවිචාරමත්තො ච ධම්මා උප්පජ්ජන්ති හෙතුපච්චයා: සවිතක්කසවිචාර එකං ඛන්ධං පටිච්ච තයො ඛන්ධා විතක්කො ච, ද්වෙ ඛන්ධෙ පටිච්ච ද්වෙ ඛන්ධා විතක්කො ච, පටිසන්ධික්ඛණෙ සවිතක්කසවිචාරං එවං ඛන්ධං පටිච්ච තයො ඛන්ධා විතක්කො ච, ද්වෙ ඛන්ධෙ පටිච්ච ද්වෙ ඛන්ධා විතක්කො ච.
සවිතක්කසවිචාරං ධම්මං පටිච්ච සවිතක්කසවිචාරො ච අවිතක්කවිචාරමත්තො ච අවිතක්කඅවිචාරො ච ධම්මා උප්පජ්ජන්ති හෙතුපච්චයා: සවිතක්කසවිචාරං එකං ඛන්ධං පටිච්ච තයො ඛන්ධා විතක්කො ච චිත්තසමුට්ඨානඤ්ච රූපං, ද්වෙ ඛන්ධෙ පටිච්ච ද්වෙ ඛන්ධා විතක්කො ච චිත්තසමුට්ඨානඤ්ච රූපං, පටිසන්ධික්ඛණෙ සවිතක්කසවිචාරං එකං ඛන්ධං පටිච්ච තයො ඛන්ධා විතක්කො ච කටත්තා ච රූපං, ද්වෙ ඛන්ධෙ පටිච්ච ද්වෙ ඛන්ධා විතක්කො ච කටත්තා ච රූපං.
අවිතක්කවිචාරමත්තං ධම්මං පටිච්ච අවිතක්කවිචාරමත්තො ධම්මො උප්පජ්ජති හෙතුපච්චයා: අවිතක්කවිචාරමත්තං එකං ඛන්ධං පටිච්ච තයො ඛන්ධා, ද්වෙ ඛන්ධෙ පටිච්ච ද්වෙ ඛන්ධා, පටිසන්ධික්ඛණෙ අවිතක්කවිචාරමත්තං එකං ඛන්ධං පටිච්ච තයො ඛන්ධා, ද්වෙ ඛන්ධෙ පටිච්ච ද්වෙ ඛන්ධා.
අවිතක්කවිචාරමත්තං ධම්මං පටිච්ච සවිතක්කසවිචාරො ධම්මො උප්පජ්ජති හෙතුපච්චයා: විතක්කං පටිච්ච සවිතක්කසවිචාරා ඛන්ධා, පටිසන්ධික්ඛණෙ විතක්කං පටිච්ච සවිතක්කසවිචාරා ඛන්ධා.
අවිතක්කවිචාරමත්තං ධම්මං පටිච්ච අවිතක්කඅවිචාරො ධම්මො උප්පජ්ජති හෙතුපච්චයා: අවිතක්කවිචාරමත්තෙ ඛන්ධෙ පටිච්ච විචාරො චිත්තසමුට්ඨානඤ්ච රූපං, විතක්කං පටිච්ච චිත්තසමුට්ඨානං රූපං, පටිසන්ධික්ඛණෙ අවිතක්කවිචාරමත්තෙ ඛන්ධෙ පටිච්ච විචාරො කටත්තා ච රූපං, පටිසන්ධික්ඛණෙ විතක්කං පටිච්ච කටත්තාරූපං.
අවිතක්කවිචාරමත්තං ධම්මං පටිච්ච සවිතක්කසවිචාරො ච අවිතක්කඅවිචාරො ච ධම්මා උප්පජ්ජන්ති හෙතුපච්චයා: විතක්කං පටිච්ච සවිතක්කසවිචාරා ධම්මා චිත්තසමුට්ඨානඤ්ච රූපං, පටිසන්ධික්ඛණෙ විතක්කං පටිච්ච සවිතක්කසවිචාරා ධම්මා කටත්තා ච රූපං.
අවිතක්කවිචාරමත්තං ධම්මං පටිච්ච අවිතක්කවිචාරමත්තො ච අවිතක්කඅවිචාරො ච ධම්මා උප්පජ්ජන්ති හෙතුපච්චයා: අවිතක්කං
විචාරමත්තං එකං ඛන්ධං පටිච්ච තයො ඛන්ධා විචාරො ච චිත්තසමුට්ඨානඤ්ච රූපං, ද්වෙ ඛන්ධෙ පටිච්ච ද්වෙ ඛන්ධා විචාරො ච චිත්තසමුට්ඨානඤ්ච රූපං. පටිසන්ධික්ඛණෙ අවිතක්කවිචාරමත්තං එකං ඛන්ධං පටිච්ච තයො ඛන්ධා විචාරො ච කටත්තා ච රූපං, ද්වෙ ඛන්ධෙ පටිච්ච ද්වෙ ඛන්ධා විචාරො ච කටත්තා ච රූපං.
අවිතක්කඅවිචාරං ධම්මං පටිච්ච අවිතක්කඅවිචාරො ධම්මො උප්පජ්ජති හෙතුපච්චයා: අවිතක්කඅවිචාරං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං, ද්වෙ ඛන්ධෙ පටිච්ච ද්වෙ ඛන්ධා චිත්තසමුට්ඨානඤ්ච රූපං, විචාරං පටිච්ච චිත්තසමුට්ඨානං රූපං, පටිසන්ධික්ඛණෙ අවිතක්කඅවිචාරං එකං ඛන්ධං පටිච්ච තයො ඛන්ධා කටත්තා ච රූපං, ද්වෙ ඛන්ධෙ පටිච්ච ද්වෙ ඛන්ධා කටත්තා ච රූපං, පටිසන්ධික්ඛණෙ විචාරං පටිච්ච කටත්තාරූපං, ඛන්ධෙ පටිච්ච වත්ථු, වත්ථුං පටිච්ච ඛන්ධා, විචාරං පටිච්ච වත්ථු, වත්ථුං පටිච්ච විචාරො, එකං මහාභූතං පටිච්ච තයො මහාභූතා, මහාභූතෙ පටිච්ච චිත්තසමුට්ඨානං රූපං කටත්තාරූපං උපාදාරූපං.
අවිතක්කඅවිචාරං ධම්මං පටිච්ච සවිතක්කසවිචාරො ධම්මො උප්පජ්ජති හෙතුපච්චයා: පටිසන්ධික්ඛණෙ වත්ථුං පටිච්ච සවිතක්ක සවිචාරා ඛන්ධා.
අවිතක්කඅවිචාරං ධම්මං පටිච්ච අවිතක්කවිචාරමත්තො ධම්මො උප්පජ්ජති, හෙතුපච්චයා: විචාරං පටිච්ච අවිතක්කවිචාරමත්තා ඛන්ධා, පටිසන්ධික්ඛණෙ විචාරං පටිච්ච අවිතක්කවිචාරමත්තා ඛන්ධා, පටිසන්ධික්ඛණෙ විචාරං පටිච්ච අවිතක්කවිචාරමත්තා ඛන්ධා, පටිසන්ධික්ඛණෙ වත්ථුං පටිච්ච අවිතක්කවිචාරමත්තා ඛන්ධා, පටිසන්ධික්ඛණෙ වත්ථුං පටිච්ච විතක්කො.
අවිතක්කඅවිචාරං ධම්මං පටිච්ච සවිතක්කසවිචාරො ච අවිතක්කඅවිචාරො ච ධම්මා උප්පජ්ජන්ති හෙතුපච්චයා: පටිසන්ධික්ඛණෙ වත්ථුං පටිච්ච සවිතක්කසවිචාරා ඛන්ධා, මහාභූතෙ පටිච්ච කටත්තා රූපං.
අවිතක්කඅවිචාරං ධම්මං පටිච්ච අවිතක්කවිචාරමත්තො ච අවිතක්කඅවිචාරො ච ධම්මා උප්පජ්ජන්ති හෙතුපච්චයා: විචාරං පටිච්ච අවිතක්කවිචාරමත්තා ඛන්ධා චිත්තසමුට්ඨානඤ්ච රූපං, පටිසන්ධිකණෙ විචාරං පටිච්ච අවිතක්කවිචාරමත්තා ඛන්ධා කටත්තා ච රූපං, පටිසන්ධික්ඛණෙ වත්ථුං පටිච්ච අවිතක්කවිචාරමත්තා ඛන්ධා, මහාභූතෙ පටිච්ච කටත්තා ච රූපං, පටිසන්ධික්ඛණෙ වත්ථුං පටිච්ච විතක්කො, මහාභූතෙ පටිච්ච කටත්තා රූපං, පටිසන්ධික්ඛණෙ වත්ථුං පටිච්ච අවිතක්කවිචාරමත්තා ඛන්ධා ච විචාරො ච. [ත් - 25]
අවිතක්කඅවිචාරං ධම්මං පටිච්ච සවිතක්කසවිචාරො ච අවිතක්කවිචාරමත්තො ච ධම්මා උප්පජ්ජන්ති හෙතුපච්චයා: පටිසන්ධික්ඛණෙ වත්ථුං පටිච්ච සවිතක්කසවිචාරා ඛන්ධා ච විතක්කො ච.
අවිතක්කඅවිචාරං ධම්මං පටිච්ච සවිතක්කසවිචාරො ච අවිතක්ක විචාරමත්තො ච අවිතක්කඅවිචාරො ච ධම්මා උප්පජ්ජන්ති හෙතුපච්චයා: පටිසන්ධික්ඛණෙ වත්ථුං පටිච්ච සවිතක්කසවිචාරා ඛන්ධා ච විතක්කො ච මහාභූතෙ පටිච්ච කටත්තා රූපං.
සවිතක්කසවිචාරඤ්ච අවිතක්කඅවිචාරඤ්ච ධම්මං පටිච්ච සවිතක්කසවිචාරො ධම්මො උප්පජ්ජති හෙතුපච්චයා: පටිසන්ධික්ඛණෙ සවිතක්කසවිචාරං එකං ඛන්ධඤ්ච පටිච්ච තයො ඛන්ධා. ද්වෙ ඛන්ධෙ ච වත්ථුඤ්ච පටිච්ච ද්වෙ ඛන්ධා.
සවිතක්කසවිචාරඤ්ච අවිතක්කඅවිචාරඤ්ච ධම්මං පටිච්ච අවිතක්කවිචාරමත්තො ධම්මො උප්පජ්ජති හෙතුපච්චයා: පටිසන්ධික්ඛණෙ සවිතක්කසවිචාරෙ ඛන්ධෙ ච වත්ථුඤ්ච පටිච්ච විතක්කො.
සවිතක්කසවිචාරඤ්ච අවිතක්කඅවිචාරඤ්ච ධම්මං පටිච්ච අවිතක්කඅවිචාරො ධම්මො උප්පජ්ජති හෙතුපච්චයා: සවිතක්කසවිචාරෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං, පටිසන්ධික්ඛණෙ සවිතක්කසවිචාරෙ ඛන්ධෙ ච මහාභූතෙ ච පටිච්ච කටත්තා රූපං.
සවිතක්කසවිචාරඤ්ච අවිතක්කඅවිචාරඤ්ච ධම්මං පටිච්ච සවිතක්කසවිචාරො ච අවිතක්කඅවිචාරො ච ධම්මා උප්පජ්ජන්ති හෙතුපච්චයා: පටිසන්ධික්ඛණෙ සවිතක්කසවිචාරං එකං ඛන්ධඤ්ච වත්ථුඤ්ච පටිච්ච තයො ඛන්ධා, ද්වෙ ඛන්ධෙ ච වත්ථුඤ්ච පටිච්ච ද්වෙ ඛන්ධා, සවිතක්කසවිචාරෙ ඛන්ධෙ ච මහාභූතෙ ච පටිච්ච කටත්තා රූපං.
සවිතක්කසවිචාරඤ්ච අවිතක්කඅවිචාරඤ්ච ධම්මං පටිච්ච අවිතක්කවිචාරමත්තො ච අවිතක්කඅවිචාරො ච ධම්මා උප්පජ්ජන්ති හෙතුපච්චයා: පටිසන්ධික්ඛණෙ සවිතක්කසවිචාරෙ ඛන්ධෙ ච වත්ථුඤ්ච පටිච්ච විතක්කො, සවිතක්කසවිචාරෙ ඛන්ධෙ ච මහාභූතෙ ච පටිච්ච කටත්තා රූපං.
සවිතක්කසවිචාරඤ්ච අවිතක්කඅවිචාරඤ්ච ධම්මං පටිච්ච සවිතක්කසවිචාරො ච අවිතක්කවිචාරමත්තො ච ධම්මා උප්පජ්ජන්ති හෙතුපච්චයා: පටිසන්ධික්ඛණෙ සවිතක්කසවිචාරං එකං ඛන්ධඤ්ච වත්ථුඤ්ච පටිච්ච තයො ඛන්ධා විතක්කො ච. ද්වෙ ඛන්ධෙ ච වත්ථුඤ්ච පටිච්ච ද්වෙ ඛන්ධා විචක්කො ච.
සවිතක්කසවිචාරඤ්ච අවිතක්කඅවිචාරඤ්ච ධම්මං පටිච්ච සවිතක්කසවිචාරො ච අවිතක්කවිචාරමත්තො ච අවිතක්කඅවිචාරො ච ධම්මා උප්පජ්ජන්ති හෙතුපච්චයා: පටිසන්ධික්ඛණෙ සවිතක්කසවිචාරං එකං ඛන්ධඤ්ච වත්ථුඤ්ච පටිච්ච තයො ඛන්ධා විතක්කො ච, ද්වෙ ඛන්ධෙ ච වත්ථුඤ්ච පටිච්ච ද්වෙ ඛන්ධා විතක්කො ච, සවිතක්කසවිචාරෙ ඛන්ධෙ ච මහාභූතෙ ච පටිච්ච කටත්තා රූපං.
අවිතක්කවිචාරමත්තඤ්ච අවිතක්කඅවිචාරඤ්ච ධම්මං පටිච්ච සවිතක්කසවිචාරො ධම්මො උප්පජ්ජති හෙතුපච්චයා: පටිසන්ධික්ඛණෙ විතක්කඤ්ච වත්ථුඤ්ච පටිච්ච සවිතක්කසවිචාරා ඛන්ධා.
අවිතක්කවිචාරමත්තඤ්ච අවිතක්කඅවිචාරඤ්ච ධම්මං පටිච්ච අවිතක්කවිචාරමත්තො ධම්මො උප්පජ්ජති හෙතුපච්චයා: අවිතක්කවිචාරමත්තං එකං ඛන්ධඤ්ච විචාරඤ්ච පටිච්ච තයො ඛන්ධා, ද්වෙ ඛන්ධෙ ච විචාරඤ්ච පටිච්ච ද්වෙ ඛන්ධා, පටිසන්ධික්ඛණෙ අවිතක්කවිචාරමත්තං එකං ඛන්ධඤ්ච විචාරඤ්ච පටිච්ච තයො ඛන්ධා, ද්වෙ ඛන්ධෙ ච විචාරඤ්ච පටිච්ච ද්වෙ ඛන්ධා, පටිසන්ධික්ඛණෙ අවිතක්කවිචාරමත්තං එකං ඛන්ධඤ්ච වත්ථුඤ්ච පටිච්ච තයො ඛන්ධා, ද්වෙ ඛන්ධෙ ච වත්ථුඤ්ච පටිච්ච ද්වෙ ඛන්ධා.
අවිතක්කවිචාරමත්තඤ්ච අවිතක්කඅවිචාරඤ්ච ධම්මං පටිච්ච අවිතක්කඅවිචාරො ධම්මො උප්පජ්ජති හෙතුපච්චයා: අවිතක්කවිචාරමත්තෙ ඛන්ධෙ ච විචාරඤ්ච පටිච්ච චිත්තසමුට්ඨානං රූපං, අවිතක්කවිචාරමත්තෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං, විතක්කඤ්ච මහාභූතෙ ච පටිච්ච චිත්තසමුට්ඨානං රූපං, පටිසන්ධික්ඛණෙ අවිතක්කවිචාරමත්තෙ ඛන්ධෙ ච විචාරඤ්ච පටිච්ච කටත්තා රූපං, පටිසන්ධික්ඛණෙ අවිතක්කවිචාරමත්තෙ ඛන්ධෙ ච මහාභූතෙ ච පටිච්ච කටත්තා රූපං, පටිසන්ධික්ඛණෙ විතක්කඤ්ච මහාභූතෙ ච පටිච්ච කටත්තා රූපං, පටිසන්ධික්ඛණෙ අවිතක්කවිචාරමත්තෙ ඛන්ධෙ ච වත්ථුඤ්ච පටිච්ච විචාරො.
අවිතක්කවිචාරමත්තඤ්ච අවිතක්කඅවිචාරඤ්ච ධම්මං පටිච්ච සවිතක්කසවිචාරො ච අවිතක්කඅවිචාරො ච ධම්මා උප්පජ්ජන්ති හෙතුපච්චයා: පටිසන්ධික්ඛණෙ විතක්කඤ්ච වත්ථුඤ්ච පටිච්ච සවිතක්කසවිචාරා ඛන්ධා, විතක්කඤ්ච මහාභූතෙ ච පටිච්ච කටත්තා රූපං.
අවිතක්කවිචාරමත්තඤ්ච අවිතක්කඅවිචාරඤ්ච ධම්මං පටිච්ච අවිතක්කවිචාරමත්තො ච අවිතක්කඅවිචාරො ච ධම්මා උප්පජ්ජන්ති හෙතුපච්චයා: අවිතක්කවිචාරමත්තං එකං ඛන්ධඤ්ච විචාරඤ්ච පටිච්ච තයො ඛන්ධා චිත්තසමුට්ඨානඤ්ච රූපං, ද්වෙ ඛන්ධෙ ච විචාරඤ්ච
පටිච්ච ද්වෙ ඛන්ධා චිත්තසමුට්ඨානඤ්ච රූපං, පටිසන්ධික්ඛණෙ අවිතක්කවිචාරමත්තං එකං ඛන්ධඤ්ච විචාරඤ්ච පටිච්ච තයො ඛන්ධා කටත්තා ච රූපං, ද්වෙ ඛන්ධෙ ච විචාරඤ්ච පටිච්ච ද්වෙ ඛන්ධා කටත්තා ච රූපං, පටිසන්ධික්ඛණෙ අවිතක්කවිචාරමත්තං එකං ඛන්ධඤ්ච වත්ථුඤ්ච පටිච්ච තයො ඛන්ධා විචාරො ච, ද්වෙ ඛන්ධෙ ච වත්ථුඤ්ච පටිච්ච ද්වෙ ඛන්ධා විචාරො ච.
සවිතක්කසවිචාරඤ්ච අවිතක්කවිචාරමත්තඤ්ච ධම්මං පටිච්ච සවිතක්කසවිචාරො ධම්මො උප්පජ්ජති හෙතුපච්චයා: සවිතක්කසවිචාරං එකං ඛන්ධඤ්ච විතක්කඤ්ච පටිච්ච තයො ඛන්ධා, ද්වෙ ඛන්ධෙ ච විතක්කඤ්ච පටිච්ච ද්වෙ ඛන්ධා, පටිසන්ධික්ඛණෙ සවිතක්කසවිචාරං එකං ඛන්ධඤ්ච විතක්කඤ්ච පටිච්ච තයො ඛන්ධා, ද්වෙ ඛන්ධෙ ච විතක්කඤ්ච පටිච්ච ද්වෙ ඛන්ධා.
සවිතක්කසවිචාරඤ්ච අවිතක්කවිචාරමත්තඤ්ච ධම්මං පටිච්ච අවිතක්කඅවිචාරො ධම්මො උප්පජ්ජති හෙතුපච්චයා: සවිතක්ක, සවිචාරෙ ඛන්ධෙ ච විතක්කඤ්ච පටිච්ච චිත්තසමුට්ඨානං රූපං ච පටිසන්ධික්ඛණෙ සවිතක්කසවිචාරෙ ඛන්ධෙ ච විතක්කඤ්ච පටිච්ච කටත්තා රූපං.
සවිතක්කසවිචාරඤ්ච අවිතක්කවිචාරමත්තඤ්ච ධම්මං පටිච්ච සවිතක්කසවිචාරො ච අවිතක්කඅවිචාරො ච ධම්මා උප්පජ්ජන්ති හෙතුපච්චයා: සවිතක්කසවිචාරං එකං ඛන්ධඤ්ච විතක්කඤ්ච පටිච්ච තයො ඛන්ධා චිත්තසමුට්ඨානං ච රූපං, ද්වෙ ඛන්ධෙ ච විතක්කඤ්ච පටිච්ච ද්වෙ ඛන්ධා චිත්තසමුට්ඨානඤ්ච රූපං, පටිසන්ධික්ඛණෙ සවිතක්කසවිචාරං එකං ඛන්ධඤ්ච විතක්කඤ්ච පටිච්ච තයො ඛන්ධා කටත්තා ච රූපං, ද්වෙ ඛන්ධෙ ච විතක්කඤ්ච පටිච්ච ද්වෙ ඛන්ධා කටත්තා ච රූපං.
සවිතක්කසවිචාරඤ්ච අවිතක්කවිචාරමත්තඤ්ච අවිතක්කඅවිචාරඤ්ච ධම්මං පටිච්ච සවිතක්කසවිචාරො ධම්මො උප්පජ්ජති හෙතුපච්චයා; පටිසන්ධික්ඛණෙ සවිතක්කසවිචාරං එකං ඛන්ධඤ්ච විතක්කඤ්ච වත්ථුඤ්ච පටිච්ච තයො ඛන්ධා, ද්වෙ ඛන්ධෙ ච විතක්කඤ්ච වත්ථුඤ්ච පටිච්ච ද්වෙ ඛන්ධා.
සවිතක්කසවිචාරඤ්ච අවිතක්කවිචාරමත්තඤ්ච අවිතක්කඅවිචාරඤ්ච ධම්මං පටිච්ච අවිතක්කඅවිචාරො ධම්මො උප්පජ්ජති හෙතුපච්චයා: සවිතක්කසවිචාරෙ ඛන්ධෙ ච විතක්කඤ්ච මහාභූතෙ ච පටිච්ච චිත්තසමුට්ඨානං රූපං, පටිසන්ධික්ඛණෙ සවිතක්කසවිචාරෙ ඛන්ධෙ ච විතක්කඤ්ච මහාභූතෙ ච පටිච්ච කටත්තා රූපං.
සවිතක්කසවිචාරඤ්ච අවිතක්කවිචාරමත්තඤ්ච අවිතක්කඅවිචාරඤ්ච ධම්මං පටිච්ච සවිතක්කසවිචාරො ච අවිතක්කඅවිචාරො ච ධම්මා උප්පජ්ජන්ති හෙතුපච්චයා: පටිසන්ධික්ඛණෙ සවිතක්කසවිචාරං එකං ඛන්ධඤ්ච විතක්කඤ්ච වත්ථුඤ්ච පටිච්ච තයො ඛන්ධා, තයො ඛන්ධෙ ච විතක්කඤ්ච වත්ථුඤ්ච පටිච්ච එකො ඛන්ධො, ද්වෙ ඛන්ධෙ ච විතක්කඤ්ච වත්ථුඤ්ච පටිච්ච ද්වෙ ඛන්ධා, සවිතක්කසවිචාරෙ ඛන්ධෙ ච විතක්කඤ්ච මහාභූතෙ ච පටිච්ච කටත්තා රූපං.