නෙවවිපාකනවිපාකධම්මධම්මො නෙවවිපාකනවිපාකධම්මධම්මස්ස ඣානපච්චයෙන පච්චයො: නෙවවිපාකනවිපාකධම්මධම්මා ඣානඞ්ගා සම්පයුත්තකානං ඛන්ධානං චිත්තසමුට්ඨානානඤ්ච රූපානං ඣාන පච්චයෙන:
විපාකො ධම්මො විපාකස්ස ධම්මස්ස මග්ගපච්චයෙන: තීණි, විපාකධම්මධම්මො විපාකධම්මධම්මස්ස මග්ගගපච්චයෙන තීණි,
නෙවවිපාකනවිපාකධම්මධම්මො නෙවවිපාකනවිපාකධම්මධම්මස්ස මග්ගපච්චයෙන පච්චයො: නෙවවිපාකනවිපාකධම්මධම්මා මග්ගඞ්ගා සම්පයුත්තකානං ඛන්ධානං චිත්තසමුට්ඨානඤ්ච රූපානං මග්ගපච්චයෙන.
විපාකො ධම්මො විපාකස්ස ධම්මස්ස සම්පයුත්ත පච්චයෙන පච්චයො: විපාකො එකො ඛන්ධො තිණ්ණන්නං, ද්වෙ ඛන්ධා ද්වින්නං, පටිසන්ධික්ඛණෙ.
විපාකධම්මධම්මො විපාකධම්මධම්මස්ස සම්පයුත්ත පච්චයෙන:
නෙවවිපාකනවිපාකධම්මධම්මො නෙවවිපාකනවිපාකධම්මධම්මස්ස සම්පයුත්ත පච්චයෙන -පෙ- ද්වෙ ඛන්ධා ද්වින්නං ඛන්ධානං සම්පයුත්ත පච්චයෙන:
විපාකො ධම්මො නෙවවිපාකනවිපාකධම්මධම්මස්ස විප්පයුත්ත පච්චයෙන, සහජාතං පච්ඡාජාතං, සහජාතා: විපාකා ඛන්ධා චිත්තසමුට්ඨානානං රූපානං, පටිසන්ධික්ඛණෙ විපාකා ඛන්ධා කටත්තා රූපානං, පච්ඡාජාතා: විපාකා ඛන්ධා පුරෙජාතස්ස ඉමස්ස කායස්ස විප්පයුත්ත පච්චයෙන.
විපාකධම්මධම්මො නෙවවිපාකනවිපාකධම්මධම්මස්ස විප්පයුත්ත පච්චයෙන, සහජාතං පච්ඡාජාතං, සහජාතා: විපාකධම්මධම්මා ඛන්ධා චිත්තසමුට්ඨානානං රූපානං, පච්ඡාජාතා: විපාකධම්මධම්මා ඛන්ධා පුරෙජාතස්ස ඉමස්ස කායස්ස විප්පයුත්ත පච්චයෙන.
නෙවවිපාකනවිපාකධම්මධම්මො නෙවවිපාකනවිපාකධම්මධම්මස්ස විප්පයුත්ත පච්චයෙන: සහජාතං, පුරෙජාතං, පච්ඡාජාතං, සහජාතා: නෙවවිපාකනවිපාකධම්මධම්මා ඛන්ධා චිත්තසමුට්ඨානානං පුරෙජාතං: වත්ථු නෙවවිපාකනවිපාකධම්මධම්මානං. ඛන්ධානං විප්පයුත්තපච්චයෙන, පච්ඡාජාතා: නෙවවිපාකනවිපාකධම්මධම්මාඛන්ධා පුරෙජාතස්ස ඉමස්ස කායස්ස විප්පයුත්ත පච්චයෙන:
නෙවවිපාකනවිපාකධම්මධම්මස්ස විපාකස්ස ධම්මස්ස විප්පයුත්ත පච්චයෙන: සහජාතං පුරෙජාතං සහජාතා: පටිසන්ධික්ඛණෙ වත්ථු විපාකානං ඛන්ධානං විප්පයුත්ත පච්චයෙන පුරෙජාතං: චක්ඛායතනං චක්ඛුවිඤ්ඤාණස්ස කායායතනං කායවිඤ්ඤාණස්ස, වත්ථු විපාකානං ඛන්ධානං විප්පයුත්ත පච්චයෙන:
නෙවවිපාකනවිපාකධම්මධම්මො විපාකධම්මධම්මස්ස විප්පයුත්ත පච්චයෙන: පුරෙජාතං: වත්ථු විපාකධම්මධම්මානං ඛන්ධානං විප්පයුත්ත පච්චයෙන:
විපාකො ධම්මො විපාකස්ස ධම්මස්ස අත්ථිපච්චයෙන පච්චයො: විපාකො එකො ඛන්ධො තිණ්ණන්නං, පටිසන්ධික්ඛණෙ විපාකො එකො ඛන්ධො තිණ්ණන්නං.
විපාකො ධම්මො නෙවවිපාකනවිපාකධම්මධම්මස්ස, සහජාතං පච්ඡාජාතං සහජාතා: විපාකා ඛන්ධා චිත්තසමුට්ඨානානං රූපානං, පටිසන්ධික්ඛණෙ විපාකා ඛන්ධා කටත්තා රූපානං පච්ඡාජාතා: විපාකා ඛන්ධා පුරෙජාතස්ස ඉමස්ස කායස්ස අත්ථි පච්චයෙන:
විපාකො ධම්මො විපාකස්ස ච නෙවවිපාකනවිපාකධම්මධම්මස්ස ච ධම්මස්ස අත්ථි පච්චයෙන පච්චයො: විපාකො එකො ඛන්ධො තිණ්ණන්නං ඛන්ධානං, චිත්තසමුට්ඨානානඤ්ච රූපානං පටිසන්ධික්ඛණෙ විපාකධම්මධම්මො විපාකධම්මධම්මස්ස අත්ථි පච්චයෙන: ද්වෙ ඛන්ධා ද්වින්නං ඛන්ධානං අත්ථි පච්චයෙන:
විපාකධම්මධම්මො නෙවවිපාකනවිපාකධම්මධම්මස්ස අත්ථි පච්චයෙන: සහජාතං පච්ඡාජාතං සහජාතා: විපාකධම්මධම්මා ඛන්ධා චිත්තසමුට්ඨානානං රූපානං අත්ථි පච්චයෙන: පච්ඡාජාතා: විපාක ධම්මධම්මා ඛන්ධා පුරෙජාතස්ස ඉමස්ස කායස්ස අත්ථි පච්චයෙන: විපාකධම්මධම්මො විපාකධම්මධම්මස්ස ච නෙවවිපාකනවිපාකධම්ම ධම්මස්ස ච ධම්මස්ස, විපාකධම්මධම්මො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං.
නෙවවිපාකනවිපාකධම්මධම්මො නෙවවිපාකනවිපාකධම්මධම්මස්ස සහජාතං, පුරෙජාතං, පච්ඡාජාතං, ආහාරං, ඉන්ද්රියං, සහජාතො: නෙවවිපාකනවිපාකධම්මධම්මො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං අත්ථි පච්චයෙන: ද්වෙ ඛන්ධා ද්වින්නං ඛන්ධානං චිත්තසමුට්ඨානානඤ්ච රූපානං අත්ථි පච්චයෙන: එකං මහාභූතං මහාභූතා චිත්තසමුට්ඨානානං රූපානං කටත්තාරූපානං, උපාදාරූපානං අත්ථි පච්චයෙන, බාහිරං ආහාරසමුට්ඨානං උතුසමුට්ඨාං අසඤ්ඤසත්තානං එකං මහාභූතං, පුරෙජාතං: අරහා චක්ඛුං අනිච්චතො, සොතං, වත්ථුං අනිච්චතො, දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති, වත්ථු නෙවවිපාකනවිපාක අත්ථි පච්ඡාජාතා: නෙවවිපාකනවිපාකධම්මධම්මා ඛන්ධා පුරෙජාතස්ස ඉමස්ස කායස්ස අත්ථි පච්චයෙන: කබළීකාරො ආහාරො ඉමස්ස කායස්ස අත්ථි පච්චයෙන, රූපජීවිතින්ද්රියං කටත්තා රූපානං අත්ථි පච්චයෙන පච්චයො.
නෙවවිපාකනවිපාකධම්මධම්මො විපාකස්ස ධම්මස්ස අත්ථි පච්චයෙන. සහජාතං පුරෙජාතං සහජාතං: පටිසන්ධික්ඛණෙ වත්ථු විපාකානං ඛන්ධානං අත්ථි පච්චයෙන: පුරෙජාතං: සෙක්ඛා වා පුථුජ්ජනා වා චක්ඛුං අනිච්චතො අස්සාදෙන්ති, තං ආරබ්භ රාගො දොමනස්සං කුසලාකුසලෙ නිරුද්ධෙ විපාකො තදාරම්මණතා, සොතං, වත්ථු විපාකො තදාරම්මණා රූපායතනං චක්ඛුවිඤ්ඤාණස්ස. ඵොට්ඨබ්බායතනං කායවිඤ්ඤාණස්ස, චක්ඛායතනං චක්ඛුවිඤ්ඤාණස්ස, කායායතනං කායවිඤ්ඤාණස්ස, වත්ථු විපාකානං ඛන්ධානං අත්ථි පච්චයෙන: නෙවවිපාකනවිපාකධම්මධම්මො විපාකධම්මධම්මස්ස අත්ථි පච්චයෙන: පුරෙජාතං; සෙක්ඛා වා පුථුජ්ජනා වා චක්ඛුං අනිච්චතො -පෙ- අස්සාදෙන්ති.
-පෙ- දොමනස්සං උප්පජ්ජති, සොතං, වත්ථුං අනිච්චතො -පෙ- දොමනස්සං උප්පජ්ජති, දිබ්බෙන චක්ඛුනා වත්ථු විපාකධම්මධම්මානං ඛන්ධානං අත්ථි පච්චයෙන.
විපාකො ච නෙවවිපාකනවිපාකධම්මධම්මො ච ධම්මා විපාකස්ස ධම්මස්ස අත්ථි පච්චයෙන: සහජාතං පුරෙජාතං සහජාතො: චක්ඛුවිඤ්ඤාණසහගතො එකො ඛන්ධො ච චක්ඛායතනඤ්ච තිණ්ණන්නං, කායවිඤ්ඤාණසහගතො විපාකො එකො ඛන්ධො ච වත්ථු ච තිණ්ණන්නං ඛන්ධානං, පටිසන්ධික්ඛණෙ විපාකො එකො ඛන්ධො ච වත්ථුච තිණ්ණන්නං.
විපාකො ච නෙවවිපාකනවිපාකධම්මධම්මො ච ධම්මා නෙවිපාකනවිපාකධම්මධම්මස්ස අත්ථි පච්චයෙන: සහජාතං පච්ඡාජාතං ආහාරං ඉන්ද්රියං සහජාතා: විපාකා ඛන්ධා ච මහාභූතා ච චිත්තසමුට්ඨානානං රූපානං, පටිසන්ධික්ඛණෙ විපාකා ඛන්ධා ච මහාභූතා ච කටත්තා රූපානං අත්ථි පච්චයෙන, පච්ඡාජාතා: විපාකා ඛන්ධා ච කබළීකාරො ආහාරො ච ඉමස්ස කායස්ස, පච්ඡාජාතා විපාකා ඛන්ධා ච රූපජීවිතින්ද්රියඤ්ච කටත්තා රූපානං.
විපාකධම්මධම්මො ච නෙවිවිපාකනවිපාකධම්මධම්මො ච ධම්මා විපාකධම්මධම්මස්ස සහජාතං පුරෙජාතං සහජාතො: විපාකධම්මධම්මො එකො ඛන්ධො ච වත්ථු ච තිණ්ණන්නං.
විපාකධම්මධම්මො ච නෙවවිපාකනවිපාකධම්මධම්මො ච ධම්මා නෙවවිපාකනවිපාකධම්මධම්මස්ස අත්ථි පච්චයෙන: සහජාතං පච්ඡාජාතං ආහාරං ඉන්ද්රියං සහජාතා: විපාකධම්මධම්මා ඛන්ධා ච මහාභූතා ච චිත්තසමුට්ඨානානං රූපානං, පච්ඡාජාතා: විපාකධම්මධම්මා ඛන්ධා ච කබළීකාරො ආහාරො ච පුරෙජාතස්ස ඉමස්ස කායස්ස, අත්ථි පච්චයෙන පච්ඡාජාතා විපාකධම්මධම්මා ඛන්ධා ච රූපජීවිතින්ද්රියඤ්ච කටත්තා රූපානං විපාකො ධම්මො නත්ථි පච්චයෙන -පෙ- (විගතං අනන්තර සදිසං, අවිගතං අත්ථි සදිසං)
හෙතුයා සත්ත, ආරම්මණෙ නව, අධිපතියා දස, අනන්තරෙ සත්ත, සමනන්තරෙ සත්ත. සහජාතෙ එකාදස, අඤ්ඤමඤ්ඤෙ සත්ත, නිස්සයෙ තෙරස, උපනිස්සයෙ නව, පුරෙජාතෙ තීණි, පච්ඡාජාතෙ තීණි, ආසෙවනෙ ද්වෙ, කම්මෙ නව, විපාකෙ තීණි, ආහාරෙ සත්ත, ඉන්ද්රියෙ තනව, ඣානෙ සත්ත, මග්ගෙ සත්ත, සම්පයුත්තෙ තීණි, විප්පයුත්තෙ පඤ්ච, අත්ථියා තෙරස, නත්ථියා සත්ත, විගතෙ සත්ත අවිගතෙ තෙරස.
හෙතුපච්චයා අධිපතියා සත්ත, සහජාතෙ සත්ත, අඤ්ඤමඤ්ඤෙ පඤ්ච, නිස්සයෙ සත්ත, විපාකෙ තීණි, ඉන්ද්රියෙ සත්ත, මග්ගෙ සත්ත, සම්පයුත්තෙ තීණි, විප්පයුත්තෙ තීණි, අත්ථියා සත්ත. අවිගතෙ සත්ත, (යථා කුසලත්තිකෙ පඤ්හාවාරස්ස අනුලොම ගණනා ගණිතා, එවං විත්ථාරෙතබ්බා.)
අනුලොමං
විපාකො ධම්මො විපාකස්ස ධම්මස්ස ආරම්මණපච්චයෙන පච්චයො, සහජාතපච්චයෙන පච්චයො, උපනිස්සය පච්චයෙන පච්චයො.
විපාකො ධම්මො විපාකධම්මධම්මස්ස ආරම්මණපච්චයෙන පච්චයො, උපනිස්සයපච්චයෙන පච්චයො,
විපාකො ධම්මො නෙවවිපාකනවිපාකධම්මධම්මස්ස ආරම්මණ පච්චයෙන පච්චයො. සහජාතපච්චයෙන පච්චයො උපනිස්සයපච්චයෙන පච්චයො, පච්ඡාජාතපච්චයෙන පච්චයො.
විපාකො ධම්මො විපාකස්ස ච නෙවවිපාකනවිපාකධම්මධම්මස්ස ච ධම්මස්ස සහජාතපච්චයෙන පච්චයො.
විපාකධම්මධම්මො විපාකධම්මධම්මස්ස ආරම්මණපච්චයෙන පච්චයො, සහජාතපච්චයෙන පච්චයො, උපනිස්සයපච්චයෙන පච්චයො.
විපාකධම්මධම්මො විපාකස්ස ධම්මස්ස ආරම්මණපච්චයෙන පච්චයො, උපනිස්සයපච්චයෙන පච්චයො, කම්මපච්චයෙන පච්චයො.
විපාකධම්මධම්මො නෙවිපාකනවිපාකධම්මධම්මස්ස ආරම්මණ පච්චයෙන පච්චයො, සහජාතපච්චයෙන පච්චයො, උපනිස්සය පච්චයෙන පච්චයො, පච්ඡාජාතපච්චයෙන පච්චයො, කම්මපච්චයෙන පච්චයො.
විපාකධම්මධම්මො විපාකස්ස ච නෙවවිපාකනවිපාකධම්මධම්මස්ස ච ධම්මස්ස කම්මපච්චයෙන පච්චයො.
විපාකධම්මධම්මො විපාකධම්මධම්මස්ස ච නෙවවිපාකනවිපාක ධම්මධම්මස්ස ච ධම්මස්ස සහජාතපච්චයෙන පච්චයො.
නෙවවිපාකනවිපාකධම්මධම්මො නෙවවිපාකනවිපාකධම්මධම්මස්ස ආරම්මණපච්චයෙන පච්චයො, සහජාතපච්චයෙන පච්චයො, උපනිස්සයපච්චයෙන පච්චයො, පුරෙජාතපච්චයෙන පච්චයො, පච්ඡාජාතපච්චයෙන පච්චයො, ආහාරපච්චයෙන පච්චයො, ඉන්ද්රියපච්චයෙන පච්චයො.
නෙවවිපාකනවිපාකධම්මධම්මො විපාකස්ස ධම්මස්ස ආරම්මණපච්චයෙන පච්චයො සහජාත පච්චයෙන පච්චයො, උපනිස්සය පච්චයෙන පච්චයො, පුරෙජාත පච්චයෙන පච්චයො.
නෙවවිපාකනවිපාකධම්මධම්මො විපාකධම්මධම්මස්ස ආරම්මණපච්චයෙන පච්චයො, උපනිස්සයපච්චයෙන පච්චයො, පුරෙජාත පච්චයෙන පච්චයො.
විපාකො ච නෙවවිපාකනවිපාකධම්මධම්මො ච ධම්මා විපාකස්ස ධම්මස්ස සහජාතං, පුරෙජාතං.
විපාකො ච නෙවවිපාකනවිපාකධම්මධම්මො ච ධම්මා නෙවිපාකනවිපාකධම්මධම්මස්ස සහජාතං, පච්ඡාජාතං, ආහාරං, ඉන්ද්රියං.
විපාකධම්මධම්මො ච නෙවවිපාකනවිපාකධම්මධම්මො ච ධම්මා විපාකධම්මධම්මස්ස සහජාතං, පුරෙජාතං.
විපාකධම්මධම්මො ච නෙවවිපාකනවිපාකධම්මධම්මො ච ධම්මා නෙවවිපාකනවිපාකධම්මධම්මස්ස සහජාතං, පච්ඡාජාතං, ආහාරං, ඉන්ද්රියං.
න හෙතුයා සොළස, නආරම්මණෙ සොළස, නඅධිපතියා සොළස, නඅනන්තරෙ සොළස, නසමනන්තරෙ සොළස, නසහජාතෙ ද්වාදස, නඅඤ්ඤමඤ්ඤෙ ද්වාදස, නනිස්සයෙ ද්වාදස, නඋපනිස්සයෙ සොළස, නපුරෙජාතෙ චුද්දස, නපච්ඡාජාතෙ සොළස, නආසෙවනෙ සොළස, නකම්මෙ පන්නරස, නවිපාකෙ චුද්දස, නආහාරෙ සොළස, නඉන්ද්රියෙ සොළස, නඣානෙ සොළස, නමග්ගෙ සොළස, නසම්පයුත්තෙ ද්වාදස, නවිප්පයුත්තෙ දස, නො අත්ථියා දස, නො නත්ථියා සොළස, නො විගතෙ සොළස, නො අවිගතෙ දස.
න හෙතුපච්චයා නආරම්මණෙ සොළස, (සංඛිත්තං.) නො අවිගතෙ දස.
(යථා කුසලත්තිකෙ පච්චනීය ගණනා විත්ථාරිතා, එවං විත්ථාරෙතබ්බං.)
පච්චනීයං.
ගණනා
හෙතුපච්චයා න ආරම්මණෙ සත්ත, නඅධිපතියා සත්ත, නඅනන්තරෙ සත්ත, නසමනන්තරෙ සත්ත, නඅඤ්ඤමඤ්ඤෙ තීණි, නඋපනිස්සයෙ සත්ත, නපුරෙජාතෙ සත්ත, නපච්ඡාජාතෙ සත්ත, නආසෙවනෙ සත්ත, නකම්මෙ සත්ත, නවිපාකෙ චත්තාරි, නආහාරෙ සත්ත, නඉන්ද්රියෙ සත්ත, නඣානෙ සත්ත, නමග්ගෙ සත්ත. නසම්පයුත්තෙ තීණි, නවිප්පයුත්තෙ තීණි, නො නත්ථියා සත්ත, නො විගතෙ සත්ත, හෙතුසහජාත නිස්සය අත්ථි අවිගතන්ති නආරම්මණෙ සත්ත, (සංඛිත්තං) නො විගතෙ සත්ත. (යථා කුසලත්තිකෙ අනුලොමපච්චනීය ගණනා විත්ථාරිතා, එවං විත්ථාරෙතබ්බං අසම්මොහන්තෙන __ඵ__සො සජ්ඣාය මග්ගො)
අනුලොමපච්චනීයං.
නහෙතුපච්චයා ආරම්මණෙ නව, අධිපතියා දස, අනන්තරෙ සත්ත, සමනන්තරෙ සත්ත, සහජාතෙ එකාදස, අඤ්ඤමඤ්ඤෙ සත්ත, නිස්සයෙ තෙරස, උපනිස්සයෙ නව, පුරෙජාතෙ තීණි, පච්ඡාජාතෙ තීණි, ආසෙවනෙ ද්වෙ, කම්මෙ නව, විපාකෙ තීණි, ආහාරෙ සත්ත, ඉන්ද්රියෙ නව, ඣානෙ සත්ත, මග්ගෙ සත්ත, සම්පයුත්තෙ තීණි, විප්පයුත්තෙ පඤ්ච, අත්ථියා තෙරස, නත්ථියා සත්ත, විගතෙ සත්ත, අවිගතෙ තෙරස.
නහෙතුපච්චයා නආරම්මණපච්චයා අධිපතියා සත්ත, (සංඛිත්තං.) අවිගතෙ තෙරස.
(යථා කුසලත්තිකෙ පච්චනීයානුලොම ගණනා, විත්ථාරිතා, එවං විත්ථාරෙතබ්බං.)
පච්චනීයානුලොමං.
විපාකත්තිකං නිට්ඨිතං.
4. උපාදින්නත්තිකං
උපාදින්නුපාදානියං ධම්මං පටිච්ච උපාදින්නුපාදානියො ධම්මො උප්පජ්ජති හෙතුපච්චයා: උපාදින්නුපාදානියං එකං ඛන්ධං පටිච්ච තයො ඛන්ධා, ද්වෙ ඛන්ධෙ පටිච්ච ද්වෙ ඛන්ධා, පටිසන්ධික්ඛණෙ, උපාදින්නුපාදානියං එකං ඛන්ධං පටිච්ච තයො ඛන්ධා කටත්තා ච රූපං.
ද්වෙ ඛන්ධෙ පටිච්ච ද්වෙ ඛන්ධා කටත්තා ච රූපං, ඛන්ධෙ පටිච්ච වත්ථු, වත්ථුං පටිච්ච ඛන්ධා, උපාදින්නුපාදානියං එකං මහාභූතං පටිච්ච තයො මහාභූතා, ද්වෙ මහාභූතෙ පටිච්ච ද්වෙ මහාභූතා, මහාභූතෙ පටිච්ච කටත්තා රූපං, උපාදාරූපං,
උපාදින්නුපාදානියං ධම්මං පටිච්ච අනුපාදින්නුපාදානියො ධම්මො උප්පජ්ජති හෙතුපච්චයා: උපාදින්නුපාදානියෙ ඛන්ධෙ පටිච්ච චිත්තසමුට්ඨානං රූපං.
උපාදින්නුපාදානියං ධම්මං පටිච්ච උපාදින්නුපාදානියො ච අනුපාදානියො ච ධම්මා උප්පජ්ජන්ති හෙතුපච්චයා: උපපාදින්නුපාදානියං එකං ඛන්ධං පටිච්ච තයො ඛන්ධා, චිත්තසමුට්ඨානඤ්ච රූපං. ද්වෙ ඛන්ධෙ පටිච්ච ද්වෙ ඛන්ධා චිත්තසමුට්ඨානඤ්ච රූපං.
අනුපාදින්නුපාදානියං ධම්මං පටිච්ච අනුපාදින්නුපාදානියො ධම්මො උප්පජ්ජති හෙතුපච්චයා: අනුපාදින්නුපාදානියං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං, ද්වෙ ඛන්ධෙ පටිච්ච ද්වෙ ඛන්ධා චිත්තසමුට්ඨානඤ්ච රූපං, අනුපාදින්නුපාදානියං එකං මහාභූතං පටිච්ච තයො මහාභූතා, මහාභූතෙ පටිච්ච චිත්තසමුට්ඨානං රූපං, උපාදාරූපං.
අනුපාදින්නඅනුපාදානියං ධම්මං පටිච්ච අනුපාදින්නඅනුපාදානියො ධම්මො උප්පජ්ජති හෙතුපච්චයා, අනුපාදින්නඅනුපාදානියං එකං ඛන්ධං පටිච්ච තයො ඛන්ධා, ද්වෙ ඛන්ධෙ පටිච්ච ද්වෙ ඛන්ධා
අනුපාදින්නඅනුපාදානියං ධම්මං පටිච්ච අනුපාදින්නුපාදානියො ධම්මො උප්පජ්ජති හෙතුපච්චයා, අනුපාදින්න අනුපාදානියෙ ඛන්ධෙ පටිච්ච චිත්තසමුට්ඨානං රූපං.
අනුපාදින්නඅනුපාදානියං ධම්මං පටිච්ච අනුපාදින්නුපාදානියො ච අනුපාදින්න අනුපාදානියො ච ධම්මා උප්පජ්ජන්ති හෙතුපච්චයා, අනුපාදින්නුපාදානියං එකං ඛන්ධං පටිච්ච තයො ඛන්ධා, චිත්තසමුට්ඨාඤ්ච රූපං, ද්වෙ ඛන්ධෙ පටිච්ච ද්වෙ ඛන්ධා චිත්තසමුට්ඨානඤ්ච රූපං.
අනුපාදින්නඅනුපාදානියඤ්ච අනුපාදින්නුපාදානියඤ්ච ධම්මං පටිච්ච අනුපාදින්නුපාදානියො ධම්මො උප්පජ්ජති හෙතුපච්චයා: අනුපාදින්න අනුපාදානියෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං.
උපාදින්නුපාදානියඤ්ච අනුපාදින්නුපාදානියඤ්ච ධම්මං පටිච්ච අනුපාදින්නුපාදානියො ධම්මො උප්පජ්ජති හෙතුපච්චයා: උපාදින්නුපාදානියෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං.
උපාදින්නුපාදානියං ධම්මං පටිච්ච උපාදින්නුපාදානියො ධම්මො උප්පජ්ජති ආරම්මණපච්චයා. උපාදින්නුපාදානියං එකං ඛන්ධං පටිච්ච පටිසන්ධික්ඛණෙ, අනුපාදින්නුපාදානියං ධම්මං පටිච්ච, අනුපාදින්න අනුපාදානියං ධම්මං පටිච්ච ආරම්මණපච්චයා තීණි පඤ්හා.
අනුපාදින්නනුපාදානියං ධම්මං අනුපාදින්නුපාදානියො ධම්මො උප්පජ්ජති අධිපතිපච්චයා, අනුපාදින්නුපාදානියං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං, එකං මහාභූතං පටිච්ච මහාභූතෙ පටිච්ච චිත්තසමුට්ඨානං රූපං, උපාදාරූපං.
අනුපාදින්න අනුපාදානියං ධම්මං පටිච්ච තීණි.
අනුපාදින්නුපාදානියඤ්ච අනුපාදින්නඅනුපාදානියඤ්ච ධම්මං පටිච්ච අනුපාදින්නුපාදානියො ධම්මො උප්පජ්ජති අධිපතිපච්චයා: අනුපාදින්න අනුපාදානියෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං.
උපාදින්නුපාදිනියං ධම්මං පටිච්ච උපාදින්නුපාදානියො ධම්මො උප්පජ්ජති අනන්තරපච්චයා, සමනන්තරපච්චයා, සහජාතපච්චයා:
උපාදින්නුපාදානියං එකං ඛන්ධං පටිච්ච පටිසන්ධික්ඛණෙ එකං මහාභූතං පටිච්ච, මහාභූතෙ පටිච්ච කටත්තා රූපං, උපාදාරූපං, අසඤ්ඤසත්තානං එකං මහාභූතං පටිච්ච, මහාභූතෙ පටිච්ච කටත්තා රූපං, උපාදාරූපං, උපාදින්නුපාදානියං ධම්මං පටිච්ච තීණි.
අනුපාදින්නුපාදානියං ධම්මං පටිච්ච අනුපාදින්නුපාදානියො ධම්මො උප්පජ්ජති සහජාතපච්චයා: අනුපාදින්නුපාදානියං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං, -පෙ- එකං මහාභූතං පටිච්ච, මහාභූතෙ පටිච්ච චිත්තසමුට්ඨානං රූපං, උපාදාරූපං, බාහිරං, ආහාරසමුට්ඨානං උතුසමුට්ඨානං එකං මහාභූතං පටිච්ච.
අනුපාදින්න අනුපාදානියං ධම්මං පටිච්ච, තීණි.
අනුපාදින්නුපාදානියඤ්ච අනුපාදින්නඅනුපාදානියඤ්ච ධම්මං පටිච්ච අනුපාදින්නුපාදානියො උපාදින්නුපාදානියඤ්ච අනුපාදින්නුපාදානියඤ්ච ධම්මං පටිච්ච අනුපාදින්නුපාදානියො උපාදින්නුපාදානියං ධම්මං පටිච්ච උපාදින්නුපාදානියො ධම්මො උප්පජ්ජති අඤ්ඤමඤ්ඤ පච්චයා:
උපාදින්නුපාදානියං එකං ඛන්ධං පටිච්ච, පටිසන්ධික්ඛණෙ උපාදින්නුපාදානියං එකං ඛන්ධං පටිච්ච තයො ඛන්ධා වත්ථු ච, ඛන්ධෙ පටිච්ච වත්ථු, වත්ථුං පටිච්ච ඛන්ධා, එකං මහාභූතං පටිච්ච, ද්වෙ මහාභූතෙ පටිච්ච ද්වෙ මහාභූතා, අසඤ්ඤසත්තානං එකං මහාභූතං, අනුපාදින්නුපාදානියං ධම්මං පටිච්ච, බාහිරං ආහාරං, උතුසමුට්ඨානං.
අනුපාදින්නඅනුපාදානියං ධම්මං පටිච්ච, උපාදින්නුපාදානියං ධම්මං පටිච්ච නිස්සයපච්චයා නව පඤ්හා, උපනිස්සය පච්චයා.
උපාදින්නුපාදානියං ධම්මං පටිච්ච, උපාදින්නුපාදානියො ධම්මො උප්පජ්ජති පුරෙජාතපච්චයා: තීණි, පඤ්හා.
අනුපාදින්නුපාදානියං ධම්මං පටිච්ච, අනුපාදින්නුපාදානියො ධම්මො උප්පජ්ජති ආසෙවනපච්චයා: අනුපාදින්නුපාදානියං එකං ඛන්ධං පටිච්ච.
අනුපාදින්නඅනුපාදානියං ධම්මං පටිච්ච අනුපාදින්නඅනුපාදානියො ධම්මො උප්පජ්ජති ආසෙවන පච්චයා: අනුපාදින්නඅනුපාදානියං එකං ඛන්ධං පටිච්ච.
උපාදින්නුපාදානියං ධම්මං පටිච්ච උපාදින්නුපාදානියො ධම්මො උප්පජ්ජති කම්මපච්චයා, (හෙතුපච්චය සදිසා) (නව පඤ්හා.)
උපාදින්නුපාදානියං ධම්මං පටිච්ච උපාදින්නුපාදානියො ධම්මො උප්පජ්ජති විපාකපච්චයා: තීණි
අනුපාදින්නුපාදානියං ධම්මං පටිච්ච අනුපාදින්නුපාදානියො ධම්මො උප්පජ්ජති විපාක පච්චයා: එකං මහාභූතං පටිච්ච, මහාභූතෙ පටිච්ච චිත්තසමුට්ඨානං රූපං, උපාදාරූපං.
අනුපාදින්න අනුපාදානියං ධම්මං පටිච්ච අනුපාදින්නඅනුපාදානියො ධම්මො උප්පජ්ජති විපාකපච්චයා: විපාකං අනුපාදින්නඅනුපාදානියං එකං ඛන්ධං පටිච්ච තයො ඛන්ධා (නව පඤ්හා.)
උපාදින්නුපාදානියං ධම්මං පටිච්ච උපාදින්නුපාදානියො ධම්මො උප්පජ්ජති ආහාරපච්චයා -පෙ- ඉන්ද්රියපච්චයා, ඣානපච්චයා, මග්ගපච්චයා, සම්පයුත්තපච්චයා, විප්පයුත්තපච්චයා, අත්ථිපච්චයා, නත්ථිපච්චයා, විගතපච්චයා, අවිගතපච්චයා -පෙ- (යථා කුසලත්තිකස්ස පටිච්චවාරො සජ්ඣාය මග්ගෙන විත්ථාරිතො, එවං විත්ථාරෙතබ්බං.)
ගණනා
හෙතුයා නව, ආරම්මණෙ තීණි, අධිපතියා පඤ්ච, අනන්තරෙ තීණි, සමනන්තරෙ තීණි. සහජාතෙ නව, අඤ්ඤමඤ්ඤෙ තීණි, නිස්සයෙ නව, උපනිස්සයෙ තීණි. පුරෙජාතෙ තීණි, ආසෙවනෙ ද්වෙ, කම්මෙ නව, විපාකෙ නව, ආහාරෙ නව, ඉන්ද්රියෙ නව, ඣානෙ නව, මග්ගෙ නව, සම්පයුත්තෙ තීණි, විප්පයුත්තෙ නව, අත්ථියා නව, නත්ථියා තීණි. විගතෙ තීණි, අවිගතෙ නව, හෙතුපච්චයා ආරම්මණෙ තීණි, අවිගතෙ නව, (යථා කුසලත්තිකෙ පටිච්චගණනා සජ්ඣාය මග්ගෙන ගණිතා, එවං ගණෙතබ්බං)
අනුලොමං.
උපාදින්නුපාදානියං ධම්මං පටිච්ච උපාදින්නුපාදානියො ධම්මො උප්පජ්ජති න හෙතුපච්චයා: අහෙතුකං උපාදින්නුපාදානියං එකං ඛන්ධං පටිච්ච තයො ඛන්ධා ද්වෙ ඛන්ධෙ පටිච්ච ද්වෙ ඛන්ධා, අහෙතුක පටිසන්ධික්ඛණෙ උපාදින්නුපාදානියං එකං ඛන්ධං පටිච්ච තයො ඛන්ධා කටත්තා ච රූපං, ද්වෙ ඛන්ධෙ පටිච්ච ද්වෙ ඛන්ධා කටත්තා ච රූපං. ඛන්ධෙ පටිච්ච වත්ථු, වත්ථුං පටිච්ච ඛන්ධා, එකං, මහාභූතං පටිච්ච තයො මහාභූතා, මහාභූතෙ පටිච්ච කටත්තා රූපං, උපාදා රූපං අසඤ්ඤසත්තානං එකං මහාභූතං පටිච්ච, මහාභූතෙ පටිච්ච කටත්තා රූපං උපාදාරූපං.
උපාදින්නුපාදානියං ධම්මං පටිච්ච අනුපාදින්නුපාදානියො ධම්මො උප්පජ්ජති න හෙතුපච්චයා: අහෙතුකෙ උපාදින්නුපාදානියෙ ඛන්ධෙ පටිච්ච චිත්තසමුට්ඨානං රූපං.
උපාදින්නුපාදානියං ධම්මං පටිච්ච උපාදින්නුපාදානියො ච අනුපාදින්නුපාදානියො ච ධම්මා උප්පජ්ජන්ති න හෙතුපච්චයා: අහෙතුකඋපාදින්නුපාදානියං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං, ද්වෙ ඛන්ධෙ පටිච්ච ද්වෙ ඛන්ධා චිත්තසමුට්ඨානඤ්ච රූපං.
අනුපාදින්නුපාදානියං ධම්මං පටිච්ච අනුපාදින්නුපාදානියො ධම්මො උප්පජ්ජති න හෙතුපච්චයා: අහෙතුකං අනුපාදින්නුපාදානියං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං, ද්වෙ ඛන්ධෙ පටිච්ච ද්වෙ ඛන්ධා චිත්තසමුට්ඨානඤ්ච රූපං, අනුපාදින්නුපාදානියං එකං මහාභූතං, මහාභූතෙ පටිච්ච චිත්තසමුට්ඨානං රූපං උපාදාරූපං, බාහිරං ආහාරසමුට්ඨානං උතුසමුට්ඨානං එකං මහාභූතං පටිච්ච, මහාභූතෙ පටිච්ච උපාදාරූපං, විචිකිච්ඡා සහගතෙ උද්ධච්ච සහගතෙ ඛන්ධෙ පටිච්ච විචිකිච්ඡාසහගතො උද්ධච්ච සහගතො මොහො.
උපාදින්නුපාදානියඤ්ච අනුපාදින්නුපාදානියඤ්ච ධම්මං පටිච්ච අනුපාදින්නුපාදානියො ධම්මො උප්පජ්ජති න හෙතුපච්චයා: අහෙතුකෙ උපාදින්නුපාදානියෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං.
උපාදින්නුපාදානියං ධම්මං පටිච්ච උප්පාදින්නුපාදානියො ධම්මො උප්පජ්ජති න ආරම්මණපච්චයා: පටිසන්ධික්ඛණෙ උපාදින්නුපාදානියෙ ඛන්ධෙ පටිච්ච කටත්තාරූපං, ඛන්ධෙ පටිච්ච වත්ථු, එකං මහාභූතං පටිච්ච, අසඤ්ඤසත්තානං එකං මහාභූතං පටිච්ච.
උපාදින්නුපාදානියං ධම්මං පටිච්ච අනුපාදින්නුපාදානියො ධම්මො උප්පජ්ජති න ආරම්මණපච්චයා: උපාදින්නුපාදානියෙ ඛන්ධෙ පටිච්ච චිත්තසමුට්ඨානං රූපං.
අනුපාදින්නුපාදානියං ධම්මං පටිච්ච අනුපාදින්නුපාදානියො ධම්මො උප්පජ්ජති න ආරම්මණපච්චයා: අනුපාදින්නුපාදානියෙ ඛන්ධෙ පටිච්ච චිත්තසමුට්ඨානං රූපං, එකං මහාභූතං පටිච්ච, බාහිරං ආහාරසමුට්ඨානං, උතුසමුට්ඨානං. එකං මහාභූතං පටිච්ච.
අනුපාදින්නඅනුපාදානියං ධම්මං පටිච්ච අනුපාදින්නුපාදානියො ධම්මො උප්පජ්ජති න ආරම්මණපච්චයා: අනුපාදින්නඅනුපාදානියෙ ඛන්ධෙ පටිච්ච චිත්තසමුට්ඨානං රූපං.
අනුපාදින්නුපාදානියඤ්ච අනුපාදින්නඅනුපාදානියඤ්ච ධම්මං පටිච්ච අනුපාදින්නුපාදානියො ධම්මො උප්පජ්ජති න ආරම්මණපච්චයා: අනුපාදින්නඅනුපාදානියෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං.
උපාදින්නුපාදානියඤ්ච අනුපාදින්නුපාදානියඤ්ච ධම්මං පටිච්ච අනුපාදින්නුපාදානියො ධම්මො උප්පජ්ජති න ආරම්මණපච්චයා: උපාදින්නුපාදානියෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං.
උපාදින්නුපාදානියං ධම්මං පටිච්ච උපාදින්නුපාදානියො ධම්මො උප්පජ්ජති න අධිපතිපච්චයා: පටිසන්ධි පරිපුණ්ණං තීණි පඤ්හා.
අනුපාදින්නුපාදානියං ධම්මං පටිච්ච, එකා පඤ්හා.
අනුපාදින්නඅනුපාදානියං ධම්මං පටිච්ච අනුපාදින්නඅනුපාදානියො ධම්මො උප්පජ්ජති න අධිපතිපච්චයා: අනුපාදින්න අනුපාදානියෙ ඛන්ධෙ පටිච්ච අනුපාදින්න අනුපාදානියා අධිපති.