අනුලොමපච්චනීයං.
න හෙතුපච්චයා ආරම්මණෙ තීණි, අවිගතෙ තීණි, (යථා කුසලත්තිකෙ පච්චනීයානුලොම ගණනා, එවං ගණෙතබ්බං.)
පච්චනීයානුලොමං.
සංසට්ඨවාරො.
සම්පයුත්තවාරො
විපාකං ධම්මං සම්පයුත්තො විපාකො ධම්මො උප්පජ්ජති හෙතුපච්චයා: විපාකං එකං ඛන්ධං, සම්පයුත්තා තයො ඛන්ධා, හෙතුයා තීණි, න හෙතුයා තීණි, හෙතුපච්චයා න අධිපතියා තීණි, න හෙතුයා තීණි, හෙතුපච්චයා න අධිපතියා තීණි, න හෙතුයා තීණි, හෙතුපච්චයා න අධිපතියා තීණි, න හෙතුපච්චයා ආරම්මණෙ තීණි.
සම්පයුත්තවාරො.
අනුලොමපච්චනීයං.
විපාකො ධම්මො විපාකස්ස ධම්මස්ස හෙතුපච්චයෙන පච්චයො: විපාකා හෙතු සම්පයුත්තකානං ඛන්ධානං හෙතුපච්චයෙන පච්චයො: පටිසන්ධික්ඛණෙ විපාකා හෙතු සම්පයුත්තකානං ඛන්ධානං හෙතුපච්චයෙන පච්චයො.
විපාකො ධම්මො නෙවවිපාකනවිපාකධම්මධම්මස්ස හෙතුපච්චයෙන පච්චයො: විපාකා හෙතු චිත්තසමුට්ඨානානං රූපානං හෙතුපච්චයෙන පච්චයො, පටිසන්ධික්ඛණෙ විපාකාහෙතු කටත්තාරූපානං හෙතුපච්චයෙන පච්චයො.
විපාකො ධම්මො විපාකස්ස ච නෙවවිපාකනවිපාකධම්මධම්මස්ස ච හෙතුපච්චයෙන පච්චයො: විපාකා හෙතු සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො, පටිසන්ධික්ඛණෙ විපාකාහෙතු සම්පයුත්තකානං ඛන්ධානං කටත්තා ච රූපානං හෙතුපච්චයෙන පච්චයො.
විපාකධම්මධම්මො විපාකධම්මධම්මස්ස හෙතුපච්චයෙන පච්චයො: විපාකධම්මධම්මා හෙතු සම්පයුත්තකානං ඛන්ධානං හෙතුපච්චයෙන පච්චයො.
විපාකධම්මධම්මො නෙවවිපාකනවිපාකධම්මධම්මස්ස හෙතුපච්චයෙන පච්චයො: විපාකධම්මධම්මා හෙතු චිත්තසමුට්ඨානානං රූපානං හෙතුපච්චයෙන පච්චයො.
විපාකධම්මධම්මො විපාකධම්මධම්මස්ස ච නෙවවිපාකනවිපාකධම්මධම්මස්ස ච හෙතුපච්චයෙන පච්චයො: විපාකධම්මධම්මා හෙතු සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො.
නෙවවිපාකනවිපාකධම්මධම්මො නෙවවිපාකනවිපාකධම්මධම්මස්ස හෙතුපච්චයෙන පච්චයො: නෙවවිපාකනවිපාකධම්මධම්මා හෙතු සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො.
විපාකො ධම්මො විපාකස්ස ධම්මස්ස ආරම්මණපච්චයෙන පච්චයො: විපාකෙ ඛන්ධෙ අනිචච්චතො දුක්ඛතො අනත්තතො විපස්සති, අස්සාදෙති, අභිනන්දති, තං ආරබ්භ රාගො උප්පජ්ජති, දිට්ඨි උප්පජ්ජති, විචිකිච්ඡා උප්පජ්ජති, උද්ධච්චං උප්පජ්ජති, දොමනස්ස උප්පජ්ජති, කුසලාකුසලො නිරුද්ධෙ විපාකො තදාරම්මණතා උප්පජ්ජති.
විපාකො ධම්මො විපාකධම්මධම්මස්ස ආරම්මණපච්චයෙන පච්චයො: සෙක්ඛා ඵලං පච්චවෙක්ඛන්ති. විපාකෙ ඛන්ධෙ අනිච්චතො දුක්ඛතො අනත්තතො විපස්සන්ති, අස්සාදෙන්ති. අභිනන්දන්ති. තං ආරබ්භ රාගො උප්පජ්ජති, -පෙ- දොමනස්සං උප්පජ්ජති, චෙතොපරියඤාණෙන විපාකචිත්තසමඞ්ගිස්ස චිත්තං ජානන්ති, විපාකා ඛන්ධා පුබ්බෙනිවාසානුස්සති ඤාණස්ස, ආනාගතංස ඤාණස්ස, ආරම්මණපච්චයෙන පච්චයො.
විපාකො ධම්මො නෙවවිපාකධම්මධම්මස්ස ආරම්මණපච්චයෙන පච්චයො: අරහා ඵලං පච්චවෙක්ඛති. විපාකෙ ඛන්ධෙ අනිච්චතො දුක්ඛතො අනත්තතො විපස්සති. චෙතොපරියඤාණෙන විපාකචිත්තසමඞ්ගිස්ස චිත්තං ජානාති, විපාකා ඛන්ධා, චෙතොපරියඤාණස්ස, පුබ්බෙනිවාසානුස්සති ඤාණස්ස, ආනාගතංසඤාණස්ස, ආවජ්ජනාය ආරම්මණපච්චයෙන පච්චයො.
විපාකධම්මධම්මො විපාකධම්මධම්මස්ස ආරම්මණපච්චයෙන පච්චයො: දානං දත්වා සීලං සමාදියිත්වා උපාසථකම්ම කත්වා තං පච්චවෙක්ඛති, පුබ්බෙ සුචිණ්ණානි පච්චවෙක්ඛති, ඣානා වුට්ඨහිත්වා ඣානං පච්චවෙක්ඛති, සෙක්ඛා ගොත්රභුං පච්චවෙක්ඛන්ති, වොදානං පච්චවෙක්ඛන්ති, සෙක්ඛා මග්ගා වුට්ඨහිත්වා මග්ගං පච්චවෙක්ඛන්ති, සෙක්ඛා පහීනෙ කිලෙසෙ පච්චවෙක්ඛන්ති, වික්ඛම්භිතෙ කිලෙසෙ පච්චවෙක්ඛන්ති, පුබ්බෙ සුමුදාචිණ්ණෙ කිලෙසෙ ජානන්ති. විපාකධම්මධම්මෙ ඛන්ධෙ අනිච්චතො දුක්ඛතො අනත්තතො විපස්සන්ති, අස්සාදෙන්ති, අභිනන්දන්ති, තං ආරබ්භ රාගො උප්පජ්ජති, -පෙ- දොමනස්සං උප්පජ්ජති, චෙතොපරියඤාණෙන විපාකධම්මධම්මචිත්තසමඞ්ගිස්ස චිත්තං ජානන්ති, ආකාසානඤ්චායතනකුසලං විඤ්ඤාණඤ්චායතනකුසලස්ස ආරම්මණපච්චයෙන පච්චයො, ආකිඤ්චඤ්ඤායතනකුසලං නෙවසඤ්ඤානාසඤ්ඤායතනකුසලස්ස ආරම්මණපච්චයෙන
පච්චයො, විපාකධම්මධම්මා ඛන්ධා ඉද්ධිවිධඤාණස්ස, චෙතොපරියඤාණස්ස. පුබ්බෙනිවාසානුස්සතිඤාණස්ස, යථාකම්මූපගඤාණස්ස, අනාගතංසඤාණස්ස, ආරම්මණ පච්චයෙනපච්චයො.
විපාකධම්මධම්මො විපාකස්ස ධම්මස්ස ආරම්මණපච්චයෙන පච්චයො, විපාකධම්මධම්මෙ ඛන්ධෙ අනිච්චතො දුක්ඛතො අනත්තතො විපස්සති, අස්සාදෙති, අභිනන්දති, තං ආරබ්භ රාගො උප්පජ්ජති, -පෙ- දොමනස්සං උප්පජ්ජති, කුසලාකුසලෙ නිරුද්ධෙ විපාකො තදාරම්මණතා උප්පජ්ජති, ආකාසානඤ්චායතනකුසලං විඤ්ඤාණඤ්චායතනවිපාකස්ස ආරම්මණපච්චයෙන පච්චයො, ආකිඤ්චඤ්ඤායතනකුසලං නෙවසඤ්ඤානායසඤ්ඤායතනවිපාකස්ස ආරම්මණපච්චයෙන පච්චයො.
විපාකධම්මධම්මො නෙවවිපාකනවිපාකධම්මධම්මස්ස ආරම්මණපච්චයෙන පච්චයො: අරහා මග්ගා වුට්ඨහිත්වා මග්ගං පච්චවෙක්ඛති. පුබ්බෙ සුචිණ්ණානි පච්චවෙක්ඛති, අරහා පහීනෙ කිලෙසෙ පච්චවෙක්ඛති, පුබ්බෙ සමුදාචිණ්ණෙ කිලෙසෙ ජානාති, විපාක ධම්ම ධම්මෙ ඛන්ධෙ අනිච්චතො දුක්ඛතො අනත්තතො විපස්සති, චෙතොපරියඤාණෙන විපාකධම්මධම්මචිත්තසමඞ්ගිස්ස චිත්තං ජානාති, ආකාසානඤ්චායතනකුසලං විඤ්ඤාණඤ්චායතනකිරියස්ස ආරම්මණපච්චයෙන පච්චයො ආකිඤ්චඤාඤායතනකුසලං නෙවසඤ්ඤානාසඤ්ඤායතනකිරියස්ස ආරම්මණපච්චයෙන පච්චයො, විපාක ධම්මධම්මා ඛන්ධා චෙතොපරියඤාණස්ස, පුබ්බෙනිවාසානුස්සතිඤාණස්ස, යථාකම්මූපගඤාණස්ස, අනාගතංසඤාණස්ස, ආවජ්ජනාය ආරම්මණපච්චයෙන පච්චයො.
නෙවවිපාකනවිපාකධම්මධම්මො නෙවවිපාකනවිපාකධම්මධම්මස්ස ආරම්මණපච්චයෙන පච්චයො: අරහා නිබ්බානං පච්චවෙක්ඛති, නිබ්බානං ආවජ්ජනාය ආරම්මණපච්චයෙන පච්චයො, අරහා චක්ඛුං අනිච්චතො දුක්ඛතො අනත්තතො විපස්සති, සොතං ඝානං ජිව්හං කායං රූපෙ සද්දෙ ගන්ධෙ රසෙ ඵොට්ඨබ්බෙ වත්ථුං නෙවවිපාකනවිපාකධම්මධම්මෙ ඛන්ධෙ අනිච්චතො දුක්ඛතො අනත්තතො විපස්සති, දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති, චෙතොපරියඤාණෙ නෙවවිපාකනවිපාකධම්මධම්ම චිත්තසමඞ්ගිස්ස චිත්තං ජානාති, ආකාසානඤ්චායතනකිරියං විඤ්ඤාණඤ්චායතනකිරියස්ස ආරම්මණපච්චයෙන පච්චයො, ආකිඤ්චඤ්ඤායතනකිරියං නෙවසඤ්ඤානාසඤ්ඤායතනකිරියස්ස ආරම්මණපච්චයෙන
පච්චයො, නෙවවිපාකනවිපාකධම්මධම්මා ඛන්ධා ඉද්ධිවිධඤාණස්ස, චෙතොපරියඤාණස්ස, පුබ්බෙනිවාසානුස්සතිඤාණස්ස, අනාගතසංඤාණස්ස, ආවජ්ජනාය ආරම්මණපච්චයෙන පච්චයො.
නෙවවිපාකනවිපාකධම්මධම්මො විපාකස්ස ධම්මස්ස ආරම්මණපච්චයෙන පච්චයො: නිබ්බානං ඵලස්ස ආරම්මණපච්චයෙන පච්චයො, සෙක්ඛා වා පුථුජ්ජනා වා චක්ඛුං අනිච්චතො දුක්ඛතො අනත්තතො විපස්සන්ති අස්සාදෙන්ති, අභිනන්දන්ති, තං ආරබ්භ රාගො උප්පජ්ජති -පෙ- දොමනස්සං උප්පජ්ජති. කුසලාකුසලෙ නිරුද්ධෙ විපාකො තදාරම්මණතා උප්පජ්ජති, සොතං ඝානං ජිව්හං කායං රූපෙ සද්දෙ ගන්ධෙ රසෙ ඵොට්ඨබ්බෙ වත්ථුං නෙවවිපාකනවිපාකධම්මධම්මෙ ඛන්ධෙ අනිච්චතො දුක්ඛතො අනත්තතො විපස්සන්ති. අස්සාදෙන්ති, අභිනන්දන්ති තං ආරබ්භ රාගො උප්පජ්ජති. -පෙ- දොමනස්සං උප්පජ්ජති, කුසලාකුසලෙ නිරුද්ධෙ විපාකො තදාරම්මණතා උප්පජ්ජති, රූපායතනං චක්ඛුවිඤ්ඤාණස්ස -පෙ- ඵොට්ඨබ්බායතනං කායවිඤ්ඤාණස්ස ආරම්මණපච්චයෙන පච්චයො.
නෙවවිපාකනවිපාකධම්මධම්මො විපාකධම්මධම්මස්ස ආරම්මණපච්චයෙන පච්චයො: සෙක්ඛා නිබ්බානං පච්චවෙක්ඛන්ති, නිබ්බානං ගොත්රභුස්ස, වොදානස්ස, මග්ගස්ස, ආරම්මණපච්චයෙන පච්චයො, සෙක්ඛා වා පුථුජ්ජනා වා චක්ඛුං අනිච්චතො දුක්ඛතො අනත්තතො විපස්සන්ති, අස්සාදෙන්ති, අභිනන්දන්ති, තං -පෙ- දොමනස්සං උප්පජ්ජති, සොතං -පෙ- නෙවවිපාකනවිපාකධම්මධම්මෙ ඛන්ධෙ අනිච්චතො දුක්ඛතො අනත්තතො විපස්සන්ති, අස්සාදෙන්ති, අභිනන්දන්ති, දිබ්බෙන චක්ඛුනා රූපං පස්සන්ති. දිබ්බාය සොතධාතුයා සද්දං සුණන්ති, චෙතොපරියඤාණෙන නෙවවිපාකනවිපාකධම්මධම්ම චිත්තසමඞ්ගිස්ස චිත්තං ජානන්ති. නෙවවිපාකනවිපාකධම්මධම්මා ඛන්ධා ඉද්ධිවිධඤාණස්ස, චෙතොපරියඤාණස්ස, පුබ්බෙනිවාසානුස්සති ඤාණස්ස, අනාගතංසඤාණස්ස ආරම්මණපච්චයෙන පච්චයො.
විපාකො ධම්මො විපාකස්ස ධම්මස්ස අධිපතිපච්චයෙන පච්චයො: සහජාතාධිපති, විපාකාධිපති සම්පයුත්තකානං ඛන්ධානං අධිපතිපච්චයෙන පච්චයො.
විපාකො ධම්මො විපාකධම්මධම්මස්ස අධිපතිපච්චයෙන පච්චයො: ආරම්මණාධිපති, සෙක්ඛා ඵලං ගරුං කත්වා පච්චවෙක්ඛන්ති. විපාකෙ ඛන්ධෙ ගරුං කත්වා අස්සාදෙන්ති, අභිනන්දන්ති, තං ගරුං කත්වා රාගො උප්පජ්ජති, දිට්ඨි උප්පජ්ජති.
විපාකො ධම්මො නෙවවිපාකනවිපාකධම්මධම්මස්ස අධිපති පච්චයෙන පච්චයො: ආරම්මණාධිපති, සහජාතාධිපති, ආරම්මණාධිපති අරහා ඵලං ගරුං කත්වා පච්චවෙක්ඛති, සහජාතාධිපති විපාකාධිපති චිත්තසමුට්ඨානානං රූපානං අධිපතිපච්චයෙන පච්චයො.
විපාකො ධම්මො විපාකස්ස ච නෙවවිපාකනවිපාකධම්මධම්මස්ස ච අධිපතිපච්චයෙන පච්චයො: සහජාතාධිපති, විපාකාධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපති පච්චයෙන පච්චයො.
විපාකධම්මධම්මො විපාකධම්මධම්මස්ස අධිපතිපච්චයෙන පච්චයො: ආරම්මණාධිපති, සහජාතාධිපති, ආරම්මණාධිපති දානං දත්වා සීලං සමාදියිත්වා උපොසථකම්මං කත්වා තං ගරුං කත්වා පච්චවෙක්ඛති, පුබ්බෙ සුචිණ්ණානි ගරුං කත්වා පච්චවෙක්ඛති, ඣානා වුට්ඨහිත්වා ඣානං ගරුං කත්වා පච්චවෙක්ඛති, සෙක්ඛා ගොත්රභුං ගරුං කත්වා පච්චවෙක්ඛන්ති, වොදානං ගරුං කත්වා පච්චවෙක්ඛන්ති. සෙක්ඛා මග්ගා වුට්ඨහිත්වා මග්ගං ගරුං කත්වා පච්චවෙක්ඛන්ති, විපාකධම්මධම්මෙ ඛන්ධෙ ගරුං කත්වා අස්සාදෙන්ති, අභිනන්දන්ති, තං __ගරු__ කත්වා රාගො උප්පජ්ජති, දිට්ඨි උප්පජ්ජති සහජාතාධිපති විපාකධම්මධම්මාධිපති සම්පයුත්තකානං ඛන්ධානං අධිපතිපච්චයෙන පච්චයො.
විපාකධම්මධම්මො නෙවවිපාකනවිපාකධම්මධම්මස්ස අධිපති පච්චයෙන පච්චයො: ආරම්මණාධිපති, සහජාතාධිපති, ආරම්මණාධිපති අරහා මග්ගා වුට්ඨහිත්වා මග්ගං ගරුං කත්වා පච්චවෙක්ඛති, සහජාතාධිපති විපාකධම්මධම්මාධිපති චිත්තසමුට්ඨානානං රූපානං අධිපතිපච්චයෙන පච්චයො.
විපාකධම්මධම්මො විපාකධම්මධම්මස්ස ච නෙවවිපාකනවිපාකධම්මධම්මස්ස ච අධිපතිපච්චයෙන පච්චයො: සහජාතාධිපති විපාකධම්මධම්මාධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො.
නෙවවිපාකනවිපාකධම්මධම්මො නෙවවිපාකනවිපාකධම්මධම්මස්ස අධිපතිපච්චයෙන පච්චයො: ආරම්මණාධිපති, සහජාතාධිපති. ආරම්මණාධිපති අරහා නිබ්බානං ගරුං කත්වා පච්චවෙක්ඛති. සහජාතාධිපති නෙවවිපාකනවිපාකධම්මධම්මාධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො.
නෙවවිපාකනවිපාකධම්මධම්මො විපාකස්ස ධම්මස්ස අධිපතිපච්චයෙන පච්චයො: ආරම්මණාධිපති නිබ්බානං ඵලස්ස අධිපතිපච්චයෙන පච්චයො:
නෙවවිපාකනවිපාකධම්මධම්මො විපාකධම්මධම්මස්ස අධිපතිපච්චයෙන පච්චයො: ආරම්මණාධිපති සෙක්ඛා නිබ්බානං ගරුං කත්වා පච්චවෙක්ඛන්ති, නිබ්බානං ගොත්රභුස්ස වොදානස්ස, මග්ගස්ස අධිපති පච්චයෙන පච්චයො, චක්ඛුං ගරුං කත්වා අස්සාදෙති, අභිනන්දති, තං ගරුං කත්වා රාගො උප්පජ්ජති, දිට්ඨි උප්පජ්ජති, සොතං -පෙ- නෙවවිපාකනවිපාකධම්මධම්මෙ ඛන්ධෙ ගරුං කත්වා අස්සාදෙති, අභිනන්දති, තං ගරුං කත්වා රාගො උප්පජ්ජති, දිට්ඨි උප්පජ්ජති.
විපාකො ධම්මො විපාකස්ස ධම්මස්ස අනන්තරපච්චයෙන පච්චයො: පුරිමා පුරිමා විපාකා ඛන්ධා පච්ඡිමානං පච්ඡිමානං විපාකානං ඛන්ධානං අනන්තරපච්චයෙන පච්චයො, පඤ්චවිඤ්ඤාණං විපාකමනොධාතුයා අනන්තරපච්චයෙන පච්චයො, විපාකමනොධාතු විපාකමනොවිඤ්ඤාණධාතුයා අනන්තරපච්චයෙන පච්චයො, විපාකො ධම්මො නෙවවිපාකනවිපාකධම්මධම්මස්ස අනන්තරපච්චයෙන පච්චයො, භවඞ්ගං ආවජ්ජනාය අනන්තරපච්චයෙන පච්චයො, විපාක මනොවිඤ්ඤාණධාතු කිරියමනොවිඤ්ඤාණධාතුයා අනන්තරපච්චයෙන පච්චයො.
විපාකධම්මධම්මො විපාකධම්මධම්මස්ස අනන්තරපච්චයෙන පච්චයො: පුරිමා පුරිමා විපාකධම්මධම්මා ඛන්ධා පච්ඡිමානං පච්ඡිමානං විපාකධම්මධම්මානං ඛන්ධානං අනන්තරපච්චයෙන පච්චයො, අනුලොමං ගොත්රභුස්ස, අනුලොමං වොදානස්ස, ගොත්රභු මග්ගස්ස, වොදානං මග්ගස්ස අනන්තරපච්චයෙන පච්චයො.
විපාකධම්මධම්මො විපාකස්ස ධම්මස්ස අනන්තරපච්චයෙන පච්චයො: විපාකධම්මධම්මා ඛන්ධා වුට්ඨානස්ස, මග්ගො ඵලස්ස, සෙක්ඛානං අනුලොමං ඵලසමාපත්තියා නිරොධා වුට්ඨහන්තස්ස නෙවසඤ්ඤානාසඤ්ඤායතනකුසලං ඵලසමාපත්තියා අනන්තරපච්චයෙන පච්චයො.
නෙවවිපාකනවිපාකධම්මධම්මො නෙවවිපාකනවිපාකධම්මධම්මස්ස අනන්තරපච්චයෙන පච්චයො: පුරිමා පුරිමා නෙවවිපාකනවිපාකධම්මධම්මා ඛන්ධා පච්ඡිමානං පච්ඡිමානං නෙවවිපාකනවිපාකධම්මධම්මානං ඛන්ධානං අනන්තරපච්චයෙන පච්චයො. [ත් - 20]
නෙවවිපාකනවිපාකධම්මධම්මො විපාකස්ස ධම්මස්ස අනන්තර පච්චයෙන පච්චයො: ආවජ්ජනා පඤ්චන්නං විඤ්ඤාණානං අනන්තර පච්චයෙන පච්චයො, නෙවවිපාකනවිපාකධම්මධම්මා ඛන්ධා වුට්ඨානස්ස, අරහතො අනුලොමං ඵලසමාපත්තියා, නිරොධා වුට්ඨහන්තස්ස නෙවසඤ්ඤානාසඤ්ඤායතනකිරියං ඵලසමාපත්තියා අනන්තරපච්චයෙන පච්චයො.
නෙවවිපාකනවිපාකධම්මධම්මො විපාකධම්මධම්මස්ස අනන්තරපච්චයෙන පච්චයො: ආවජ්ජනා විපාකධම්මධම්මානං ඛන්ධානං අනන්තරපච්චයෙන පච්චයො.
විපාකො ධම්මො විපාකස්ස ධම්මස්ස සමනන්තරපච්චයෙන පච්චයො: (අනන්තර සදිසං).
විපාකො ධම්මො විපාකස්ස ධම්මස්ස සහජාතපච්චයෙන පච්චයො: විපාකො එකො ඛන්ධො -පෙ- තීණි.
විපාකධම්මධම්මො විපාකධම්මධම්මස්ස සහජාත පච්චයෙන පච්චයො: තීණි.
නෙවවිපාකනවිපාකධම්මධම්මො නෙවවිපාකනවිපාකධම්මධම්මස්ස සහජාතපච්චයෙන පච්චයො: නෙවවිපාකනවිපාකධම්මධම්මො එකො ඛන්ධො, එකං මහාභූතං, බාහිරං, ආහාරසමුට්ඨානං, උතුසමුට්ඨානං, අසඤ්ඤසත්තානං එකං මහාභූතං.
නෙවවිපාකනවිපාකධම්මධම්මො විපාකස්ස ධම්මස්ස සහජාතපච්චයෙන පච්චයො: පටිසන්ධික්ඛණෙ වත්ථු විපාකානං ඛන්ධානං සහජාතපච්චයෙන පච්චයො.
විපාකො ච නෙවවිපාකනවිපාකධම්මධම්මො ච ධම්මා විපාකස්ස ධම්මස්ස සහජාතපච්චයෙන පච්චයො: පටිසන්ධික්ඛණෙ විපාකො එකො ඛන්ධො ච වත්ථුං ච තිණ්ණන්නං ඛන්ධානං, විපාකො ච නෙවවිපාකනවිපාකධම්මධම්මො ච ධම්මා නෙවවිපාකනවිපාකධම්මධම්මස්ස සහජාතපච්චයෙන පච්චයො: විපාකා ඛන්ධා ච මහාභූතා ච චිත්තසමුට්ඨානානං රූපානං.
විපාකධම්මධම්මො ච නෙවවිපාකනවිපාකධම්මධම්මො ච ධම්මානෙවවිපාකනවිපාකධම්මධම්මස්ස සහජාතපච්චයෙන පච්චයො: විපාකධම්මධම්මා ඛන්ධා ච මහාභූතා ච චිත්තසමුට්ඨානානං රූපානං සහජාතපච්චයෙන පච්චයො.
විපාකො ධම්මො විපාකස්ස ධම්මස්ස අඤ්ඤමඤ්ඤපච්චයෙන පච්චයො: විපාකො එකො ඛන්ධො, පටිසන්ධික්ඛණෙ විපාකො ධම්මො නෙවවිපාකනවිපාකධම්මධම්මස්ස අඤ්ඤමඤ්ඤපච්චයෙන පච්චයො: පටිසඣික්ඛණෙ විපාකා ඛන්ධා වත්ථුස්ස අඤ්ඤමඤ්ඤපච්චයෙන පච්චයො.
විපාකො ධම්මො විපාකස්ස ච නෙවවිපාකනවිපාකධම්මධම්මස්ස ච ධම්මස්ස අඤ්ඤමඤ්ඤපච්චයෙන පච්චයො: පටිසන්ධික්ඛණෙ විපාකො එකො ඛන්ධො, තිණ්ණන්නං ඛන්ධානං වත්ථුස්ස ච අඤ්ඤමඤ්ඤපච්චයෙන පච්චයො.
විපාකධම්මධම්මො විපාකධම්මධම්මස්ස අඤ්ඤමඤ්ඤ පච්චයෙන පච්චයො: විපාකධම්මධම්මො එකො ඛන්ධො තිණ්ණන්නං ඛන්ධානං, ද්වෙඛන්ධා ද්වින්නං ඛන්ධානං.
නෙවවිපාකනවිපාකධම්මධම්මො නෙවවිපාකනවිපාකධම්මධම්මස්ස අඤ්ඤමඤ්ඤපච්චයෙන පච්චයො: නෙවවිපාකනවිපාකධම්මධම්මො එකො ඛන්ධො තිණ්ණන්නං ඛන්ධානං, ද්වෙ ද්වින්නං ඛන්ධානං.
නෙවිපාකනවිපාකධම්මධම්මො විපාකස්ස ධම්මස්ස අඤ්ඤමඤ්ඤපච්චයෙන පච්චයො: පටිසන්ධික්ඛණෙ වත්ථු විපාකානං ඛන්ධානං විපාකො ච නෙවවිපාකනවිපාකධම්මධම්මො ච ධම්මා විපාකස්ස ධම්මස්ස, පටිසන්ධික්ඛණෙ විපාකො එකො ඛන්ධො ච වත්ථු ච- (සත්ත පඤ්හා.)
විපාකො ධම්මො විපාකස්ස ධම්මස්ස නිස්සයපච්චයෙන පච්චයො: තීණි, විපාක ධම්ම ධම්මො විපාක ධම්ම ධම්මස්ස තීණි,
නෙවවිපාකනවිපාකධම්මධම්මො නෙවවිපාකනවිපාකධම්මධම්මස්ස -පෙ- නෙව විපාක න විපාකධම්ම ධම්මො විපාකස්ස ධම්මස්ස -පෙ- චක්ඛායතනං චක්ඛුවිඤ්ඤාණස්ස නිස්සය -පෙ- කායායතනං කාය විඤ්ඤාණස්ස, වත්ථුං විපාකානං ඛන්ධානං පටිසන්ධික්ඛණෙ වත්ථු විපාකානං ඛන්ධානං.
නෙවවිපාකනවිපාකධම්මධම්මො විපාකධම්මධම්මස්ස නිස්සයපච්චයෙන පච්චයො: වත්ථු විපාකධම්මධම්මානං ඛන්ධානං.
විපාකො ච නෙවවිපාකනවිපාකධම්මධම්මො ච ධම්මා විපාකස්ස ධම්මස්ස නිස්සයපච්චයෙන පච්චයො: චක්ඛු විඤ්ඤාණසහගතො එකො ඛන්ධො ච චක්ඛායතනඤ්ච කායායතනං, විපාකො එකො ඛන්ධො ච වත්ථු ච තිණ්ණන්නං ඛන්ධානං, පටිසන්ධික්ඛණෙ විපාකො එකො
ඛන්ධො ච වත්ථු ච, විපාකො ච නෙවවිපාකනවිපාකධම්මධම්මො ච ධම්මා නෙවවිපාකනවිපාකධම්මධම්මස්ස විපාකා ඛන්ධා ච මහාභූතා ච, (සංඛිත්තං.) පටිසන්ධික්ඛණෙ.
විපාකධම්මධම්මො ච නෙවවිපාකනවිපාකධම්මධම්මො ච ධම්මා විපාකධම්මධම්මස්ස නිස්සයපච්චයෙන පච්චයො: විපාකධම්මධම්මො එකො ඛන්ධො ච වත්ථුං ච.
විපාකධම්මධම්මො ච නෙවවිපාකනවිපාකධම්මධම්මො ච ධම්මා නෙවවිපාකනවිපාකධම්මධම්මස්ස නිස්සයපච්චයෙන පච්චයො: විපාකධම්මධම්මො ඛන්ධා ච මහාභූතා ච චිත්තසමුට්ඨානානං රූපානං, (තෙරස පඤ්හා.)
විපාකො ධම්මො විපාකස්ස ධම්මස්ස උපනිස්සයපච්චයෙන පච්චයො: අනන්තරූපනිස්සයො පකතූපනිස්සයො. පකතූපනිස්සයො කායිකං සුඛං කායිකස්ස සුඛස්ස, කායිකස්ස දුක්ඛස්ස ඵලසමාපත්තියා උපනිස්සයපච්චයෙන පච්චයො: කායිකං දුක්ඛං කායිකස්ස සුඛස්ස කායිකස්ස දුක්ඛස්ස ඵලසමාපත්තියා උපනිස්සයපච්චයෙන පච්චයො, ඵලසමාපත්ති කායිකස්ස සුඛස්ස උපනිස්සයපච්චයෙන පච්චයො.
විපාකො ධම්මො විපාකධම්මධම්මස්ස උපනිස්සයපච්චයෙන පච්චයො: ආරම්මණූපනිස්සයො පකතූපනිස්සයො. පකතූපනිස්සයො කායිකං සුඛං උපනිස්සාය දානං දෙති, සීලං සමාදියති -පෙ- සඞ්ඝං භින්දති, කායිකං සුඛං කායිකං දුක්ඛං සද්ධාය පත්ථනාය උපනිස්සයපච්චයෙන පච්චයො.
විපාකො ධම්මො නෙවවිපාකනවිපාකධම්මස්ස උපනිස්සයපච්චයෙන පච්චයො: ආරම්මණූපනිස්සයො අනන්තරූපනිස්සයො, පකතූපනිස්සයො, පකතූපනිස්සයො: අරහා කායිකං සුඛං උපනිස්සාය අනුප්පන්නං කිරියසමාපත්තිං උප්පාදෙති, උප්පන්නං සමාපජ්ජති, සඞ්ඛාරෙ අනිච්චතො දුක්ඛතො අනත්තතො විපස්සති. කායිකං දුක්ඛං උපනිස්සාය අනුප්පන්නං කිරියසමාපත්තිං උප්පාදෙති, උපනිස්සයපච්චයෙන පච්චයො.
විපාකධම්මධම්මො විපාකධම්මධම්මස්ස උපනිස්සයපච්චයෙන පච්චයො: ආරම්මණූපනිස්සයො අනන්තරූපනිස්සයො පකතූපනිස්සයො. පකතූපනිස්සයො, සද්ධං උපනිස්සාය දානං දෙති, මානං ජප්පෙති, දිට්ඨිං ගණ්හාති, සීලං සුතං චාගං පඤ්ඤං උපනිස්සාය දානං දෙති, දිට්ඨිං ගණ්හාති, රාගං දොසං මොහං මානං දිට්ඨිං පත්ථනං
උපනිස්සාය දානං දෙති සමාපත්තිං උප්පාදෙති, පාණං හන්ති, සඞ්ඝං භින්දති, සද්ධා පත්ථනා සද්ධාය, සීලස්ස පත්ථනාය, උපනිස්සය පච්චයෙන පච්චයො: පඨමස්ස ඣානස්ස පරිකම්මං පඨමස්ස, -පෙ- නෙවසඤ්ඤානාසඤ්ඤායතනස්ස පරිකම්මං නෙවසඤ්ඤානාසඤ්ඤායතනස්ස, පඨමං ඣානං දුතියස්ස, -පෙ- ආකිඤ්චඤ්ඤායතනං නෙවසඤ්ඤානාසඤ්ඤායතනස්ස, පඨමස්ස මග්ගස්ස පරිකම්මං පඨමස්ස -පෙ- චතුත්ථස්සමග්ගස්ස පරිකම්මං චතුත්ථස්ස, පඨමො මග්ගො දුතියස්ස, -පෙ- තතියො මග්ගො චතුත්ථස්ස උපනිස්සයපච්චයෙන පච්චයො: සෙක්ඛා මග්ගං උපනිස්සාය අනුප්පන්නං කුසලසමාපත්තිං උප්පාදෙන්ති මග්ගො සෙක්ඛානං අත්ථපටිසම්භිදාය, ඨානාඨාන කොසල්ලස්ස උපනිස්සයපච්චයෙන පච්චයො, පාණාතිපාතො පාණාතිපාතස්ස, මිච්ඡාදිට්ඨියා උපනිස්සාය, මිච්ඡාදිට්ඨි මිච්ඡාදිට්ඨියා, බ්යාපාදස්ස, මාතුඝාතිකම්මං මාතුඝාතිකම්මස්ස නියතමිච්ඡාදිට්ඨියා, නියතමිච්ඡාදිට්ඨි නියතමිච්ඡාදිට්ඨියා, සඞ්ඝභෙදක කම්මස්ස උපනිස්සයපච්චයෙන පච්චයො.
විපාකධම්මධම්මො විපාකධම්මධම්මස්ස උපනිස්සයපච්චයෙන පච්චයො: අනන්තරූපනිස්සයො පකතූපනිස්සයො, පකතූපනිස්සයො; සද්ධං උපනිස්සාය අන්තනාං ආතාපෙති. පරිතාපෙති පරියිට්ඨිමූලකං දුක්ඛං පච්චනුභොති, පත්ථනං උපනිස්සාය අත්තානං ආතාපෙති. පරිතාපෙති, සද්ධා පත්ථනා කායිකස්ස සුඛස්ස කායිකස්ස දුක්ඛස්ස, ඵලසමාපත්තියා උපනිස්සයපච්චයෙන පච්චයො, කුසලාකුසලං කම්මං විපාකස්ස උපනිස්සයපච්චයෙන පච්චයො, මග්ගො ඵලසමාපත්තියා උපනිස්සයපච්චයෙන පච්චයො.
විපාකධම්මධම්මො නෙවවිපාකනවිපාකධම්මධම්මස්ස උපනිස්සයපච්චයෙන පච්චයො: ආරම්මණූපනිස්සයො, පකතූපනිස්සයො, පකතූපනිස්සයො අරහා මග්ගං උපනිස්සාය අනුප්පන්නං කිරියසමාපත්තිං උප්පාදෙති, උප්පන්නං සමාපජ්ජති, සඞ්ඛාරෙ අනිච්චතො දුක්ඛතො අනත්තතො විපස්සති, මග්ගො අරහතො අත්ථපටිසම්භිදාය, ධම්ම - නිරුත්ති - පටිභාන -ඨානාඨාන - කොසල්ලස්ස - උපනිස්සයපච්චයෙන පච්චයො.
නෙවවිපාකනවිපාකධම්මධම්මො නෙවවිපාකනවිපාකධම්මධම්මස්ස උපනිස්සය පච්චයෙන පච්චයො: ආරම්මණූපනිස්සයො පකතූපනිස්සයො, පකතූපනිස්සයො: අරහා උතුං, භොජනං සෙනාසනං උපනිස්සාය අනුප්පන්නං කිරියසමාපත්තිං උප්පාදෙති.
නෙවවිපාකනවිපාකධම්මධම්මෙ, විපාකස්ස ධම්මස්ස උපනිස්සය පච්චයෙන පච්චයො: ආරම්මණූපනිස්සයො අනන්තරූපනිස්සයො.
පකතූපනිස්සයො: පකතූපනිස්සයො: උතු භොජනං සෙනාසනං කායිකස්ස සුඛස්ස කායිකස්ස දුක්ඛස්ස ඵලසමාපත්තියා අපනිස්සයපච්චයෙන පච්චයො.
නෙවවිපාකනවිපාකධම්මධම්මො විපාකධම්මධම්මස්ස උපනිස්සය පච්චයෙන පච්චයො: ආරම්මණූපනිස්සයො අනන්තරූපනිස්සයො පකතූපනිස්සයො. පකතුපනිසසයො: උතුං උපනිස්සාය දානං දෙති, සඞ්ඝං භින්දති. -පෙ- භොජනං සෙනාසනං උපනිස්සාය දානං දෙති, -පෙ- සඞ්ඝං භින්දති, උතුං භොජනං සෙනාසනං සද්ධාය පත්ථනාය උපනිස්සයපච්චයෙන පච්චයො.
නෙවවිපාකනවිපාකධම්මධම්මො නෙවවිපාකනවිපාකධම්මධම්මස්ස පුරෙජාතපච්චයෙන පච්චයො: ආරම්මණූපුරෙජාතං වත්ථුපුරෙජාතං ආරම්මණ පුරෙජාතං: අරහා චක්ඛුං අනිච්චතො, කායං රූපෙ ඵොට්ඨබ්බෙ වත්ථුං අනිච්චතො, දිබ්බෙන චක්ඛුනා රූපං, දිබ්බාය සොතධාතුයා සද්දං- වත්ථුපුරෙජාතං: වත්ථු නෙවවිපාකනවිපාකධම්මධම්මානං ඛන්ධානං පුරෙජාතපච්චයෙන පච්චයො.
නෙවවිපාකනවිපාකධම්මධම්මො විපාකස්ස ධම්මස්ස පුරෙජාත පච්චයෙන පච්චයො{1}ආරම්මණපුරෙජාතං, වත්ථුපුරෙජාතං. ආරම්මණ පුරෙජාතං: සෙක්ඛා වා පුථුජ්ජනා වා චක්ඛුං අනිච්චතො දුක්ඛතො අනත්තතො විපස්සන්ති, අස්සාදෙන්ති, අභිනන්දන්ති, තං ආරබ්භ රාගො උප්පජ්ජති, දොමනස්සං උප්පජ්ජති, කුසලාකුසලෙ නිරුද්ධෙ විපාකො තදාරම්මණතා උප්පජ්ජති, සොතං වත්ථුං අනිච්චතො තදාරම්මණතා උප්පජ්ජති, රූපායතනං චක්ඛුවිඤ්ඤාණස්ස පුරෙජාත -පෙ- ඵොට්ඨබ්බායතනං කායවිඤ්ඤාණස්ස, වත්ථුපුරෙජාතං: චක්ඛායතනං චක්ඛු විඤ්ඤාණස්ස කායායතනං කායවිඤ්ඤාණස්ස, වත්ථු විපාකානං ඛන්ධානං පුරෙජාතං.
නෙවවිපාකනවිපාකධම්මධම්මො විපාකධම්මධම්මස්ස පුරෙජාත පච්චයෙන පච්චයො: ආරම්මණපුරෙජාතං වත්ථුපුරෙජාතං ආරම්මණපුරෙජාතං: සෙක්ඛා වා පුථුජ්ජනා වා චක්ඛුං -පෙ- ආරබ්භ රාගො, දොමනස්සං උප්පජ්ජති, සොතං වත්ථුං අනිච්චතො, දොමනස්සං, දිබ්බෙන චක්ඛුනා රූපං දිබ්බාය සොතධාතුයා සද්දං වත්ථුපුරෙජාතං: වත්ථු විපාකධම්මධම්මානං ඛන්ධානං පුරෙජාතපච්චයෙන පච්චයො. .
විපාකො ධම්මො නෙවවිපාකනවිපාකධම්මධම්මස්ස පච්ඡාජාත පච්චයෙන පච්චයො:{1} පච්ඡාජාතවිපාකා ඛන්ධා පුරෙජාතස්ස ඉමස්ස කායස්ස පච්ඡාජාතපච්චයෙන.{2}
විපාකධම්මධම්මො නෙවවිපාකනවිපාකධම්මධම්මස්ස පච්ඡාජාත පච්චයෙන:{2}
නෙවවිපාකනවිපාකධම්මධම්මො නෙවවිපාකනවිපාකධම්මධම්මස්ස පච්ඡාජාතපචයෙන:{2}
විපාකධම්මධම්මො විපාධම්මධම්මස්ස ආසෙවන පච්චයෙන පච්චයො:3 පුරිමා පුරිමා විපාකධම්මධම්මා ඛන්ධා ජච්ඡිමානං පච්ඡිමානං විපාක ධම්මධම්මානං ඛන්ධානං, අනුලොමං ගොත්රභුස්ස. අනුලොමං වොදානස්ස, ගොත්රභු මග්ගස්ස, වොදානං මග්ගස්ස ආසෙවනපච්චයෙන:{3}
නෙවවිපාකවිපාකධම්මධම්මො නෙවවිපාකනවිපාකධම්මධම්මස්ස ආසෙවනපච්චයෙන, පච්චයො.{3} පුරිමා පුරිමා -පෙ- පච්චයො.
විපාකො ධම්මො විපාකස්ස ධම්මස්ස කම්මපච්චයෙන පච්චයො. විපාකා චෙතනා සම්පයුත්තකානං ඛන්ධානං කම්මපච්චයෙන -පෙ- පටිසන්ධික්ඛණෙ විපාකා චෙතනා.
විපාකො ධම්මො නෙවවිපාකනවිපාකධම්මධම්මස්ස කම්මපච්චයෙන{4} පච්චයො: විපාකා චෙතනා චිත්තසමුට්ඨානානං රූපානං කම්මපච්චයෙන -පෙ- පටිසන්ධික්ඛණෙ විපාකා චෙතනා කටත්තා රූපානං.
විපාකො ධම්මො විපාකස්ස ච නෙවවිපාකනවිපාකධම්මධම්මස්ස ච ධම්මස්ස කම්මපච්චයෙන පච්චයො: විපාකාචෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං, පටිසන්ධික්ඛණෙ විපාකා චෙතනා සම්පයුත්තකානං ඛන්ධානං කටත්තා ච රූපානං.
විපාකධම්මධම්මො විපාකධම්මධම්මස්ස කම්ම පච්චයෙන පච්චයො: විපාකධම්මධම්මචෙතනා සම්පයුත්තකානං ඛන්ධානං.
විපාකධම්මධම්මොවිපාකස්ස ධම්මස්ස කම්මපච්චයෙන පච්චයො:{4} නානාඛණිකා විපාකධම්මධම්මා චෙතනා විපාකානං ඛන්ධානං කම්මපච්චයෙන{4} විපාකධම්මධම්මො නෙවවිපාකනවිපාකධම්ම ධම්මස්ස
කම්ම පච්චයෙන පච්චයො: සහජාතා නානාඛණිකා සහජාතා විපාක ධම්මධම්මා චෙතනා චිත්තසමුට්ඨානානං රූපානං, නානාඛණිකා විපාකධම්මධම්මා චෙතනා කටත්තා ච රූපානං:
විපාක ධම්මධම්මො විපාකස්ස ච නෙවවිපාකනවිපාකධම්ම ධම්මස්ස ච ධම්මස්ස කම්මපච්චයෙන පච්චයො: නානාඛණිකා විපාක ධම්මධම්මා චෙතනා විපාකානං ඛන්ධානං කටත්තා ච රූපානං කම්මපච්චයෙන:
විපාක ධම්මධම්මො විපාකධම්මධම්මස්ස ච නෙවවිපාකනවිපාක ධම්මධම්මස්ස ච ධම්මස්ස කම්මපච්චයෙන පච්චයො: විපාකධම්මධම්මා චෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං කම්මපච්චයෙන:
නෙවවිපාකනවිපාකධම්මධම්මො නෙවවිපාකනවිපාකධම්මධම්මස්ස කම්මපච්චයෙන පච්චයො: නෙවවිපාකනවිපාකධම්මධම්මා චෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං.
විපාකො ධම්මො විපාකස්ස ධම්මස්ස විපාකපච්චයෙන පච්චයො: විපාකො එකො ඛන්ධො තිණ්ණන්නං ඛන්ධානං, පටිසන්ධික්ඛණෙ විපාකො ධම්මො නෙවවිපාකනවිපාකධම්මධම්මස්ස විපාකපච්චයෙන, විපාකා ඛන්ධා චිත්තසමුට්ඨානානං රූපානං, පටිසන්ධික්ඛණෙ විපාකා ඛන්ධා කටත්තා රූපානං.
විපාකො ධම්මො විපාකස්ස ච නෙවවිපාකනවිපාකධම්ම ධම්මස්ස ච විපාකපච්චයෙන පච්චයො: විපාකො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං, පටිසන්ධික්ඛණෙ විපාකො එකො ඛන්ධො තිණ්ණන්නං ඛන්ධානං කටත්තා ච රූපානං විපාකපච්චයෙන.
විපාකො ධම්මො විපාකස්ස ධම්මස්ස ආහාරපච්චයෙන පච්චයො: විපාකා ආහාරා සම්පයුත්තකානං ඛන්ධානං තීණි. (පටිසන්ධිපි ඉමෙසං තිණ්ණන්නං කාතබ්බං)
විපාකධම්මධම්මො විපාකධම්මධම්මස්ස ආහාරපච්චයෙන තීණි.
නෙවවිපාකනවිපාකධම්මධම්මො නෙවවිපාකනවිපාකධම්මධම්මස්ස ආහාරපච්චයෙන පච්චයො: නෙවවිපාකනවිපාකධම්මධම්මා ආහාරා සම්පයුත්තකානං ඛන්ධානං චිත්තසමුට්ඨානානඤ්ච රූපානං ආහාර පච්චයෙන: කබළීකාරො ආහාරො ඉමස්ස කායස්ස ආහාරපච්චයෙන
විපාකො ධම්මො විපාකස්ස ධම්මස්ස ඉන්ද්රියපච්චයෙන තීණි. (පටිසන්ධිකාතබ්බං)
විපාකධම්මධම්මො විපාකධම්මධම්මස්ස ඉන්ද්රියපච්චයෙන තීණි.
නෙවවිපාකනවිපාකධම්මධම්මො නෙවවිපාකනවිපාකධම්මධම්මස්ස ඉන්ද්රියපච්චයෙන පච්චයො: නෙවවිපාකනවිපාකධම්මධම්මා ඉන්ද්රියා සම්පයුත්තකානං ඛන්ධානං චිත්තසමුට්ඨානානඤ්ච රූපානං, රූපජීවිතින්ද්රියං කටත්තාරූපානං ඉන්ද්රියපච්චයෙන:
නෙවවිපාකනවිපාකධම්මධම්මො විපාකස්ස ධම්මස්ස ඉන්ද්රියපච්චයෙන පච්චයො: චක්ඛුඉන්ද්රියං චක්ඛුවිඤ්ඤාණස්ස ඉන්ද්රිය පච්චයෙන, කායින්ද්රියං, විපාකො ච නෙවවිපාකනවිපාකධම්මධම්මො ච ධම්මා විපාකස්ස ධම්මස්ස ඉන්ද්රියපච්චයෙන, චක්ඛුන්ද්රියඤ්ච චක්ඛුවිඤ්ඤාණඤ්ච චක්ඛුවිඤ්ඤාණ සහගතානං ඛන්ධානං ඉන්ද්රිය පච්චයෙන, කායින්ද්රියඤ්ච කායවිඤ්ඤාණඤ්ච කායවිඤ්ඤාණසහගතානං ඛන්ධානං ඉන්ද්රියපච්චයෙන:
විපාකො ධම්මො විපාකස්ස ධම්මස්ස ඣානපච්චයෙන තීණි.
විපාකධම්මධම්මො විපාකධම්මධම්මස්ස ඣානපච්චයෙන තීණි.