පකතූපනිස්සයො, සද්ධං උපනිස්සාය අත්තානං ආතාපෙති පරිතාපෙති, පරියිට්ඨිමූලකං දුක්ඛං පච්චනුභොති, සීලං සුතං චාගං පඤ්ඤං උපනිස්සාය අත්තානං ආතාපෙති, පරිතාපෙති, පරියිට්ඨිමූලකං දුක්ඛං පච්චනුභොති, සද්ධා සීලං සුතං චාගො පඤ්ඤා කායිකස්ස සුඛස්ස කායිකස්ස දුක්ඛස්ස ඵලසමාපත්තියා උපනිස්සයපච්චයෙන පච්චයො, කුසලං කම්මං විපාකස්ස උපනිස්සයපච්චයෙන පච්චයො, අරහා මග්ගං උපනිස්සාය අනුප්පන්නං කිරියාසමාපත්තිං උප්පාදෙති, උප්පන්නං සමාපජ්ජති, සඞ්ඛාරෙ අනිච්චතො දුක්ඛතො අනත්තතො විපස්සති. මග්ගො අරහතො අත්ථපටිසම්භිදාය ධම්මපටිසම්භිදාය නිරුත්තිපටිසම්භිදාය පටිභානපටිසම්භිදාය ඨානාඨානකොසලස්ස උපනිස්සයපච්චයෙන පච්චයො, මග්ගො ඵලසමාපත්තියා උපනිස්සයපච්චයෙන පච්චයො.
අකුසලො ධම්මො අකුසලස්ස ධම්මස්ස උපනිස්සයපච්චයෙන පච්චයො: ආරම්මණූපනිස්සයො, අනන්තරූපනිස්සයො, පකතූපනිස්සයො.
ආරම්මණූපනිස්සයො: රාගං ගරුං කත්වා අස්සාදෙති, අභිනන්දති, තං ගරුං කත්වා රාගො උප්පජ්ජති, දිට්ඨි උප්පජ්ජති, දිට්ඨිං ගරුං කත්වා අස්සාදෙති, අභිනන්දති, තං ගරුං කත්වා රාගො උප්පජ්ජති, දිට්ඨි උප්පජ්ජති.
අනන්තරූපනිස්සයො: පුරිමා පුරිමා අකුසලා ඛන්ධා පච්ඡිමානං පච්ඡිමානං අකුසලානං ඛන්ධානං උපනිස්සයපච්චයෙන පච්චයො.
පකතූපනිස්සයො: රාගං උපනිස්සාය පාණං හන්ති, අදින්නං ආදියති, මුසා භණති, පිසුණං භණති, ඵරුසං භණති, සම්ඵං පලපති, සන්ධිං ඡින්දති, නිල්ලොපං හරති, එකාගාරිකං කරොති, පරිපන්ථෙ තිට්ඨති, පරදාරං ගච්ඡති, ගාමඝාතං කරොති, නිගමඝාතං කරොති, මාතරං ජීවිතා වොරොපෙති, පිතරං ජීවිතා වොරොපෙති, අරහන්තං ජීවිතා වොරොපෙති, දුට්ඨෙන චිත්තෙන තථාගතස්ස ලොහිතං උප්පාදෙති, සඞ්ඝං භින්දති, දොසං උපනිස්සාය මොහං උපනිස්සාය මානං උපනිස්සාය දිට්ඨිං උපනිස්සාය පත්ථනං උපනිස්සාය පාණං හන්ති, -පෙ- සඞ්ඝං භින්දති රාගො දොසො මොහො මානො දිට්ඨි පත්ථනා රාගස්ස දොසස්ස මොහස්ස මානස්ස දිට්ඨියා පත්ථනාය උපනිස්සයපච්චයෙන පච්චයො, පාණාතිපාතො පාණාතිපාතස්ස උපනිස්සයපච්චයෙන පච්චයො, පාණාතිපාතො අදින්නාදානස්ස කාමෙසු මිච්ඡාචාරස්ස මුසාවාදස්ස පිසුනාය වාචාය ඵරුසාය වාචාය සම්ඵප්පලාපස්ස අභිජ්ඣාය බ්යාපාදස්ස මිච්ඡාදිට්ඨියා උපනිස්සයපච්චයෙන පච්චයො, අදින්නාදානං අදින්නාදානස්ස කාමෙසු මිච්ඡාචාරස්ස මුසාවාදස්ස, සංඛිත්තං. මිච්ඡාදිට්ඨියා පාණාතිපාතස්ස උපනිස්සයපච්චයෙන පච්චයො. (චක්කං බන්ධිතබ්බං).
කාමෙසු මිච්ඡාචාරො මුසාවාදො පිසුනාවාචා ඵරුසාවාචා සම්ඵප්පලාපො අභිජ්ඣා බ්යාපාදො මිච්ඡාදිට්ඨි, මිච්ඡාදිට්ඨියා උපනිස්සයපච්චයෙන පච්චයො, මිච්ඡාදිට්ඨි පාණාතිපාතස්ස අදින්නාදානස්ස කාමෙසු මිච්ඡාචාරස්ස මුසාවාදස්ස පිසුනාය වාචාය ඵරුසාය වාචාය සම්ඵප්පලාපස්ස අභිජ්ඣාය ව්යාපාදස්ස උපනිස්සයපච්චයෙන පච්චයො. මාතුඝාතිකම්මං මාතුඝාතිකම්මස්ස උපනිස්සයපච්චයෙන පච්චයො. __මාතු__ඝාතිකම්මං පීතුඝාතිකම්මස්ස උපනිස්සය -පෙ- අරහන්තඝාතිකම්මස්ස රුහිරුප්පාදකම්මස්ස සඞ්ඝභෙදකම්මස්ස නියතමිච්ඡාදිට්ඨියා
උපනිස්සයපච්චයෙන පච්චයො, පිතුඝාතිකම්මං පිතුඝාතිකම්මස්ස අරහන්තඝාතිකම්මස්ස රුහිරුප්පාදකම්මස්ස සඞ්ඝභෙදකම්මස්ස නියතමිච්ඡාදිට්ඨියා මාතුඝාතිකම්මස්ස උපනිස්සයපච්චයෙන පච්චයො, -පෙ- අරහන්තඝාතිකම්මං අරහන්තඝාතිකම්මස්ස රුහිරුප්පාදකම්මස්ස -පෙ- රුහිරුපාදකම්මං රුහිරුපාදකම්මස්ස -පෙ- සඞ්ඝභෙදකම්මං සඞ්ඝභෙදකම්මස්ස -පෙ- නියතමිච්ඡාදිට්ඨි නියතමිච්ඡාදිට්ඨියා උපනිස්සයපච්චයෙන පච්චයො, නියතමිච්ඡාදිට්ඨි මාතුඝාතිකම්මස්ස උපනිස්සය -පෙ- අරහන්තඝාතිකම්මස්ස රුහිරුප්පාදකම්මස්ස සඞ්ඝභෙදකම්මස්ස උපනිස්සයපච්චයෙන පච්චයො. (චක්කං කාතබ්බං)
අකුසලො ධම්මො කුසලස්ස ධම්මස්ස උපනිස්සයපච්චයෙන පච්චයො: පකතූපනිස්සයො: රාගංඋපනිස්සාය දානං දෙති, සීලං සමාදියති, උපොසථකම්මං කරොති, ඣානං උප්පාදෙති, විපස්සනං උප්පාදෙති, මග්ගං උප්පාදෙති, අභිඤ්ඤං උප්පාදෙති, සමාපත්තිං උප්පාදෙති, රාගො දොසො මොහො මානො දිට්ඨි පත්ථනා සද්ධාය සීලස්ස සුතස්ස චාගස්ස පඤ්ඤාය උපනිස්සයපච්චයෙන පච්චයො, පාණං හන්ත්වා තස්ස පටිඝාතත්ථාය දානං දෙති, සීලං සමාදියති, උපොසථකම්මං කරොති, ඣානං උප්පාදෙති, විපස්සනං උප්පාදෙති, මග්ගං උප්පාදෙති, අභිඤ්ඤං උප්පාදෙති, සමාපත්තිං උප්පාදෙති, අදින්නං ආදියිත්වා, මුසා භණිත්වා, පිසුණං භණිත්වා, ඵරුසං භණිත්වා, සම්ඵං පලපිත්වා, සන්ධිං ඡින්දිත්වා, නිල්ලොපං හරිත්වා, එකාගාරිකං කරිත්වා, පරිපන්ථෙ ඨත්වා, පරදාරං ගන්ත්වා, ගාමඝාතං කරිත්වා, නිගමඝාතං කරිත්වා, තස්ස පටිඝාතත්ථාය දානං දෙති, සීලං සමාදියති. උපොසථකම්මං කරොති, ඣානං උප්පාදෙති, විපස්සනං උප්පාදෙති, මග්ගං උප්පාදෙති, අභිඤ්ඤං උප්පාදෙති, සමාපත්තිං උප්පාදෙති, මාතරං ජීවිතා වොරොපෙත්වා, තස්ස පටිඝාතත්ථාය දානං දෙති, සීලං සමාදියති, උපොසථකම්මං කරොති, පිතරං ජීවිතා වොරොපෙත්වා, අරහන්තං ජීවිතා වෙරොපෙත්වා, දුට්ඨෙන චිත්තෙන තථාගතස්ස ලොහිතං උප්පාදෙත්වා, සඞ්ඝං භින්දිත්වා, තස්ස පටිඝාතත්ථාය දානං දෙති, සීලං සමාදියති, උපොසථකම්මං කරොති.
අකුසලො ධම්මො අබ්යාකතස්ස ධම්මස්ස උපනිස්සයපච්චයෙන පච්චයො: අනන්තරූපනිය්සයො, පකතූපනිස්සයො.
අනන්තරූපනිස්සයො: අකුසලං වුට්ඨානස්ස උපනිස්සයපච්චයෙන පච්චයො.
පකතූපනිස්සයො: රාගං උපනිස්සාය අත්තානං ආතාපෙති, පරිතාපෙති, පරියිට්ඨිමූලකං දුක්ඛං පච්චනුභොති, දොසං මොහං මානං දිට්ඨිං පත්ථනං උපනිස්සාය අත්තානං ආතාපෙති, පරිතාපෙති, පරියිට්ඨිමූලකං දුක්ඛං පච්චනුභොති, රාගො දොසො මොහො මනො දිට්ඨි පත්ථනා කායිකස්ස සුඛස්ස කායිකස්ස දුක්ඛස්ස ඵලසමාපත්තියා උපනිස්සයපච්චයෙන පච්චයො, අකුසලං කම්මං විපාකස්ස උපනිස්සයපච්චයෙන පච්චයො.
අබ්යාකතො ධම්මො අබ්යාකතස්ස ධම්මස්ස උපනිස්සයපච්චයෙන පච්චයො: ආරම්මණූපනිස්සයො, අනන්තරූපනිස්සයො පකතූපනිස්සයො.
ආරම්මණූපනිස්සයො: අරහා ඵලං ගරුං කත්වා පච්චවෙක්ඛති, නිබ්බානං ගරුං කත්වා පච්චවෙක්ඛති, නිබ්බානං ඵලස්ස උපනිස්සයපච්චයෙන පච්චයො.
අනන්තරූපනිස්සයො: පුරිමා පුරිමා විපාකාබ්යාකතා කිරියාබ්යාකතා ඛන්ධා පච්ඡිමානං පච්ඡිමානං විපාකාබ්යාකතානං කිරියාබ්යාකතානං ඛන්ධානං උපනිස්සයපච්චයෙන පච්චයො, භවඞ්ගං ආවජ්ජනාය කිරියං වුට්ඨානස්ස අරහතො අනුලොමං ඵලසමාපත්තියා නිරොධාවුට්ඨහන්තස්ස නෙවසඤ්ඤානාසඤ්ඤායතනකිරියං ඵලසමාපත්තියා උපනිස්සයපච්චයෙන පච්චයො.
පකතූපනිස්සයො: කායිකං සුඛං කායිකස්ස සුඛස්ස කායිකස්ස දුක්ඛස්ස ඵලසමාපත්තියා උපනිස්සයපච්චයෙන පච්චයො, කායිකං දුක්ඛං කායිකස්ස සුඛස්ස කායිකස්ස දුක්ඛස්ස ඵලසමාපත්තියා උපනිස්සයපච්චයෙන පච්චයො, උතු කායිකස්ස සුඛස්ස කායිකස්ස දුක්ඛස්ස ඵලසමාපත්තියා උපනිස්සයපච්චයෙන පච්චයො, භොජනං කායිකස්ස සුඛස්ස කායිකස්ස දුක්ඛස්ස ඵලසමාපත්තියා උපනිස්සයපච්චයෙන පච්චයො, සෙනාසනං කායිකස්ස සුඛස්ස කායිකස්ස දුක්ඛස්ස ඵලසමාපත්තියා උපනිස්සයපච්චයෙන පච්චයො, කායිකං සුඛං කායිකං දුක්ඛං උතු භොජනං සෙනාසනං කායිකස්ස සුඛස්ස කායිකස්ස දුක්ඛස්ස ඵලසමාපත්තියා උපනිස්සයපච්චයෙන පච්චයො, ඵලසමාපත්ති කායිකස්ස සුඛස්ස උපනිස්සයපච්චයෙන පච්චයො, අරහා කායිකං සුඛං උපනිස්සාය අනුප්පන්නං කිරියාසමාපත්තිං උප්පාදෙති, උප්පන්නං සමාපජ්ජති, සඞ්ඛාරෙ අනිච්චතො දුක්ඛතො අනත්තතො විපස්සති, කායිකං දුක්ඛං උතු භොජනං සෙනාසනං උපනිස්සාය අනුප්පන්නං කිරියාසමාපත්තිං උප්පාදෙති. උප්පන්නං සමාපජ්ජති, සඞ්ඛාරෙ අනිච්චතො දුක්ඛතො අනත්තතො විපස්සති.
අබ්යාකතො ධම්මො කුසලස්ස ධම්මස්ස උපනිස්සයපච්චයෙන පච්චයො: ආරම්මණූපනිස්සයො, අනන්තරූපනිස්සයො පකතූපනිස්සයො.
ආරම්මණූපනිස්සයො: සෙක්ඛා ඵලං ගරුං කත්වා පච්චවෙක්ඛන්ති, නිබ්බානං ගරුං කත්වා පච්චවෙක්ඛන්ති, නිබ්බානං ගොත්රභුස්ස වොදානස්ස මග්ගස්ස උපනිස්සයපච්චයෙන පච්චයො.
අනන්තරූපනිස්සයො: ආවජ්ජනා කුසලානං ඛන්ධානං උපනිස්සයපච්චයෙන පච්චයො.
පකතූපනිස්සයො: කායිකං සුඛං උපනිස්සාය දානං දෙති, සීලං සමාදියති, උපොසථකම්මං කරොති, ඣානං උප්පාදෙති, විපස්සනං උප්පාදෙති මග්ගං උප්පාදෙති, අභිඤ්ඤං උප්පාදෙති, සමාපත්තිං උප්පාදෙති කායිකං දුක්ඛං උතු භොජනං සෙනාසනං උපනිස්සාය දානං දෙති, සීලං සමාදියති. උපොසථකම්මං කරොති, ඣානං උප්පාදෙති, විපස්සනං උප්පාදෙති, මග්ගං උප්පාදෙති, අභිඤ්ඤං උප්පාදෙති, සමාපත්තිං උප්පාදෙති, කායිකං සුඛං කායිකං දුක්ඛං උතු භොජනං සෙනාසනං සද්ධාය සීලස්ස සුඛස්ස චාගස්ස පඤ්ඤාය උපනිස්සයපච්චයෙන පච්චයො.
අබ්යාකතො ධම්මො අකුසලස්ස ධම්මස්ස උපනිස්සයපච්චයෙන පච්චයො: ආරම්මණූපනිස්සයො, අනන්තරූපනිස්සයො, පකතූපනිස්සයො.
ආරම්මණූපනිස්සයො: චක්ඛුං ගරුං කත්වා අස්සාදෙති, අභිනන්දති, තං ගරුං කත්වා රාගො උප්පජ්ජති, දිට්ඨි උප්පජ්ජති, සොතං ඝානං ජිව්හා කායං රූපෙ සද්දෙ ගන්ධෙ රසෙ ඵොට්ඨබ්බෙ වත්ථුං විපාකාබ්යාකතෙ කිරියාබ්යාකතෙ ඛන්ධෙ ගරුං කත්වා අස්සාදෙති, අභිනන්දති, තං ගරුං කත්වා රාගො උප්පජ්ජති, දිට්ඨි උප්පජ්ජති.
අනන්තරූපනිස්සයො: ආවජ්ජනා අකුසලානං ඛන්ධානං උපනිස්සයපච්චයෙන පච්චයො.
පකතූපනිස්සයො: කායිකං සුඛං උපනිස්සාය පාණං හනති, අදින්නං ආදියති, මුසා භණති, පිසුණං භණති, ඵරුසං භණති, සම්ඵං පලපති, සන්ධිං ඡින්දති, නිල්ලොපං හරති, එකාගාරිකං කරොති, පරිපන්ථෙ තිට්ඨති, පරදාරං ගච්ඡති, ගාමඝාතං කරොති, නිගමඝාතං කරොති, මාතරං ජීවිතා වොරොපෙති, පිතරං ජීවිතා වොරොපෙති, අරහන්තං ජීවිතා වොරොපෙති, දුට්ඨෙන චිත්තෙන තථාගතස්ස ලොහිතං උප්පාදෙති, සඞ්ඝං භින්දති. කායිකං දුක්ඛං උතු භොජනං
සෙනාසනං උපනිස්සාය පාණං හනති, සංඛිත්තං. සංඝං භින්දති, කායිකං සුඛං කායිකං දුක්ඛං උතු භොජනං සෙනාසනං රාගස්ස දොසස්ස මොහස්ස මානස්ස දිට්ඨියා පත්ථනාය උපනිස්සයපච්චයෙන පච්චයො.
උපනිස්සයමූලකං.
අබ්යාකතො ධම්මො අබ්යාකතස්ස ධම්මස්ස පුරෙජාතපච්චයෙන පච්චයො: ආරම්මණ පුරෙජාතං, වත්ථුං පුරෙජාතං.
ආරම්මණ පුරෙජාතං: අරහා චක්ඛුං අනිච්චතො දුක්ඛතො අනත්තතො විපස්සති, සොතං ඝානං ජිව්හං කායං රූපෙ සද්දෙ ගන්ධෙ රසෙ ඵොට්ඨබ්බෙ වත්ථුං අනිච්චතො දුක්ඛතො අනත්තතො විපස්සති, දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති, රූපායතනං චක්ඛු විඤ්ඤාණස්ස පුරෙජාතපච්චයෙන පච්චයො, සද්දායතනං සොතවිඤ්ඤාණස්ස, ගන්ධායතනං ඝානවිඤ්ඤාණස්ස, රසායතනං ජිව්හාවිඤ්ඤාණස්ස, ඵොට්ඨබ්බායතනං කායවිඤ්ඤාණස්ස, පුරෙජාතපච්චයෙන පච්චයො.
වත්ථු පුරෙජාතං: චක්ඛායතනං චක්ඛුවිඤ්ඤාණස්ස පුරෙජාතපච්චයෙන පච්චයො, සොතායතනං සොතවිඤ්ඤාණස්ස, ඝානායතනං ඝානවිඤ්ඤාණස්ස ජිව්හායතනං ජිව්හාවිඤ්ඤාණස්ස, කායායතනං කායවිඤ්ඤාණස්ස පුරෙජාතපච්චයෙන පච්චයො, වත්ථු විපාකාබ්යාකතානං කිරියාබ්යාකතානං ඛන්ධානං පුරෙජාතපච්චයෙන පච්චයො.
අබ්යාකතො ධම්මො කුසලස්ස ධම්මස්ස පුරෙජාතපච්චයෙන පච්චයො: ආරම්මණපුරෙජාතං - වත්ථුපුරෙජාතං.
ආරම්මණ පුරෙජාතං: සෙක්ඛා වා පුථුජ්ජනා වා චක්ඛුං අනිච්චතො දුක්ඛතො අනත්තතො විපස්සන්ති, සොතං ඝානං ජිව්හං කායං රූපෙ සද්දෙ ගන්ධෙ රසෙ ඵොට්ඨබ්බෙ වත්ථුං අනිච්චතො දුක්ඛතො අනත්තතො විපස්සන්ති, දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණන්ති.
වත්ථු පුරෙජාතං: වත්ථු කුසලානං ඛන්ධානං පුරෙජාතපච්චයෙන පච්චයො.
අබ්යාකතො ධම්මො අකුසලස්ස ධම්මස්ස පුරෙජාතපච්චයෙන පච්චයො: ආරම්මණපුරෙජාතං, වත්ථුපුරෙජාතං.
ආරම්මණපුරෙජාතං: චක්ඛුං අස්සාදෙති, අභිනන්දති, තං ආරබ්භ රාගො උප්පජ්ජති, දිට්ඨි උප්පජ්ජති, විචිකිච්ඡා උප්පජ්ජති, උද්ධච්චං
උප්පජ්ජති, දොමනස්සං උප්පජ්ජති, සොතං ඝානං ජිව්හා කායං රූපෙ සද්දෙ ගන්ධෙ රසෙ ඵොට්ඨබ්බෙ වත්ථුං අස්සාදෙති, අභිනන්දති, තං ආරබ්භ රාගො උප්පජ්ජති, -පෙ- දොමනස්සං උප්පජ්ජති.
වත්ථුපුරෙජාතං: වත්ථු අකුසලානං ඛන්ධානං පුරෙජාතපච්චයෙන පච්චයො.
පුරෙජාතමූලකං.
කුසලො ධම්මො අබ්යාකතස්ස ධම්මස්ස පච්ඡාජාතපච්චයෙන පච්චයො: පච්ඡාජාතා කුසලා ඛන්ධා පුරෙජාතස්ස ඉමස්ස කායස්ස පච්ඡාජාතපච්චයෙන පච්චයො.
අකුසලො ධම්මො අබ්යාකතස්ස ධම්මස්ස පච්ඡාජාතපච්චයෙන පච්චයො: පච්ඡාජාතා අකුසලා ඛන්ධා පුරෙජාතස්ස ඉමස්ස කායස්ස පච්ඡාජාතපච්චයෙන පච්චයො.
අබ්යාකතො ධම්මො අබ්යාකතස්ස ධම්මස්ස පච්ඡාජාතපච්චයෙන පච්චයො: පච්ඡාජාතා විපාකාබ්යාකතා කිරියාබ්යාකතා ඛන්ධා පුරෙජාතස්ස ඉමස්ස කායස්ස පච්ඡාජාතපච්චයෙන පච්චයො.
පච්ඡාජාතමූලකං.
කුසලො ධම්මො කුසලස්ස ධම්මස්ස ආසෙවනපච්චයෙන පච්චයො: පුරිමා පුරිමා කුසලා ඛන්ධා පච්ඡිමානං පච්ඡිමානං කුසලානං ඛන්ධානං ආසෙවනපච්චයෙන පච්චයො, අනුලොමං ගොත්රභුස්ස, අනුලොමං වොදානස්ස, ගොත්රභු මග්ගස්ස වොදානං මග්ගස්ස ආසෙවනපච්චයෙන පච්චයො.
අකුසලො ධම්මො අකුසලස්ස ධම්මස්ස ආසෙවනපච්චයෙන පච්චයො: පුරිමා පුරිමා අකුසලා ඛන්ධා පච්ඡිමානං පච්ඡිමානං අකුසලානං ඛන්ධානං ආසෙවනපච්චයෙන පච්චයො.
අබ්යාකතො ධම්මො අබ්යාකතස්ස ධම්මස්ස ආසෙවනපච්චයෙන පච්චයො: පුරිමා පුරිමා කිරියාබ්යාකතා ඛන්ධා පච්ඡිමානං පච්ඡිමානං කිරියාබ්යාකතානං ඛන්ධානං ආසෙවනපච්චයෙන පච්චයො.
ආසෙවනමූලකං.
කුසලෙ ධම්මො කුසලස්ස ධම්මස්ස කම්මපච්චයෙන පච්චයො: කුසලා චෙතනා සම්පයුත්තකානං ඛන්ධානං කම්මපච්චයෙන පච්චයො.
කුසලො ධම්මො අබ්යාකතස්ස ධම්මස්ස කම්මපච්චයෙන පච්චයො: සහජාතා නානාක්ඛනිකා සහජාතා කුසලා චෙතනා චිත්තසමුට්ඨානානං රූපානං කම්මපච්චයෙන පච්චයො. නානාක්ඛණිකා කුසලා චෙතනා විපාකානං ඛන්ධානං කටත්තා ච රූපානං කම්මපච්චයෙන පච්චයො.
කුසලො ධම්මො කුසලස්ස ච අබ්යාකතස්ස ච ධම්මස්ස කම්මපච්චයෙන පච්චයො: කුසලා චෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං කම්මපච්චයෙන පච්චයො.
අකුසලො ධම්මො අකුසලස්ස ධම්මස්ස කම්මපච්චයෙන පච්චයො: අකුසලා චෙතනා සම්පයුත්තකානං ඛන්ධානං කම්මපච්චයෙන පච්චයො.
අකුසලො ධම්මො අබ්යාකතස්ස ධම්මස්ස කම්මපච්චයෙන පච්චයො: සහජාතා නානාඛණිකා, සහජාතා අකුසලා චෙතනා චිත්තසමුට්ඨානානං රූපානං කම්මපච්චයෙන පච්චයො, නානාඛණිකා අකුසලා චෙතනා විපාකානං ඛන්ධානං කටත්තා ච රූපානං කම්මපච්චයෙන පච්චයො.
අකුසලො ධම්මො අකුසලස්ස ච අබ්යාකතස්ස ච ධම්මස්ස කම්මපච්චයෙන පච්චයො: අකුසලා චෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං කම්මපච්චයෙන පච්චයො.
අබ්යාකතො ධම්මො අබ්යාකත්සස ධම්මස්ස කම්මපච්චයෙන පච්චයො: විපාකාබ්යාකතා කිරියාබ්යාකතා චෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං කම්මපච්චයෙන පච්චයො, පටිසන්ධික්ඛණෙ විපාකාබ්යාකතා චෙතනා සම්පයුත්තකානං ඛන්ධානං කටත්තා ච රූපානං කම්මපච්චයෙන පච්චයො, චෙතනා වත්ථුස්ස කම්මපච්චයෙන පච්චයො.
කම්මමූලකං.
අබ්යාකතො ධම්මො අබ්යාකතස්ස ධම්මස්ස විපාකපච්චයෙන පච්චයො: විපාකාබ්යාකතො එකො ඛන්ධො තිණ්ණන්නං ඛන්ධානං චිත්තසමුට්ඨානානඤ්ච රූපානං විපාකපච්චයෙන පච්චයො, තයො ඛන්ධා එකස්ස ඛන්ධස්ස චිත්තසමුට්ඨානානඤ්ච රූපානං විපාකපච්චයෙන පච්චයො, ද්වෙ ඛන්ධා ද්වින්නං ඛන්ධානං චිත්තසමුට්ඨානානඤ්ච රූපානං විපාකපච්චයෙන පච්චයො, පටිසන්ධික්ඛණෙ විපාකාබ්යාකතො එකො ඛන්ධො තිණ්ණන්නං ඛන්ධානං කටත්තා ච රූපානං විපාකපච්චයෙන පච්චයො. තයො ඛන්ධා එකස්ස ඛන්ධස්ස කටත්තා ච රූපානං
විපාකපච්චයෙන පච්චයො. ද්වෙ ඛන්ධා ද්වින්නං ඛන්ධානං කටත්තා ච රූපානං විපාකපච්චයෙන පච්චයො, ඛන්ධා වත්ථුස්ස විපාකපච්චයෙන පච්චයො.
විපාකමූලකං
කුසලො ධම්මො කුසලස්ස ධම්මස්ස ආහාරපච්චයෙන පච්චයො: කුසලා ආහාරා සම්පයුත්තකානං ඛන්ධානං ආහාරපච්චයෙන පච්චයො.
කුසලො ධම්මො අබ්යාකතස්ස ධම්මස්ස ආහාරපච්චයෙන පච්චයො: කුසලා ආහාරා චිත්තසමුට්ඨානානං රූපානං ආහාරපච්චයෙන පච්චයො.
කුසලො ධම්මො කුසලස්ස ච අබ්යාකතස්ස ච ධම්මස්ස ආහාරපච්චයෙන පච්චයො: කුසලා ආහාරා සම්පයුත්තකානං ඛන්ධානං චිත්තසමුට්ඨානානඤ්ච රූපානං ආහාරපච්චයෙන පච්චයො.
අකුසලො ධම්මො අකුසලස්ස ධම්මස්ස ආහාරපච්චයෙන පච්චයො: අකුසලා ආහාරා සම්පයුත්තකානං ඛන්ධානං ආහාරපච්චයෙන පච්චයො.
අකුසලො ධම්මො අබ්යාකතස්ස ධම්මස්ස ආහාරපච්චයෙන පච්චයො: අකුසලා ආහාරා චිත්තසමුට්ඨානානං රූපානං ආහාරපච්චයෙන පච්චයො.
අකුසලො ධම්මො අකුසලස්ස ච අබ්යාකතස්ස ච ධම්මස්ස ආහාරපච්චයෙන පච්චයො: අකුසලා ආහාරා සම්පයුත්තකානං ඛන්ධානං චිත්තසමුට්ඨානානඤ්ච රූපානං ආහාරපච්චයෙන පච්චයො.
අබ්යාකතො ධම්මො අබ්යාකතස්ස ධම්මස්ස ආහාරපච්චයෙන පච්චයො: විපාකාබ්යාකතා කිරියාබ්යාකතා ආහාරා සම්පයුත්තකානං ඛන්ධානං චිත්තසමුට්ඨානානඤ්ච රූපානං ආහාරපච්චයෙන පච්චයො, පටිසන්ධික්ඛණෙ විපාකාබ්යාකතා ආහාරා සම්පයුත්තකානං ඛන්ධානං කටත්තා ච රූපානං ආහාරපච්චයෙන පච්චයො, කබලිංකාරො ආහාරො ඉමස්ස කායස්ස ආහාරපච්චයෙන පච්චයො.
ආහාරමූලකං.
කුසලො ධම්මො කුසලස්ස ධම්මස්ස ඉන්ද්රියපච්චයෙන පච්චයො: කුසලා ඉන්ද්රියා සම්පයුත්තකානං ඛන්ධානං ඉන්ද්රියපච්චයෙන පච්චයො.
කුසලො ධම්මො අබ්යාකතස්ස ධම්මස්ස ඉන්ද්රියපච්චයෙන පච්චයො: කුසලා ඉන්ද්රියා චිත්තසමුට්ඨානානං රූපානං ඉන්ද්රියපච්චයෙන පච්චයො.
කුසලො ධම්මො කුසලස්ස ච අබ්යාකතස්ස ච ධම්මස්ස ඉන්ද්රියපච්චයෙන පච්චයො: කුසලා ඉන්ද්රියා සම්පයුත්තකානං ඛන්ධානං චිත්තසමුට්ඨානානඤ්ච රූපානං ඉන්ද්රියපච්චයෙන පච්චයො.
අකුසලො ධම්මො අකුසලස්ස ධම්මස්ස ඉන්ද්රියපච්චයෙන පච්චයො: අකුසලා ඉන්ද්රියා සම්පයුත්තකානං ඛන්ධානං ඉන්ද්රියපච්චයෙන පච්චයො.
අකුසලො ධම්මො අබ්යාකතස්ස ධම්මස්ස ඉන්ද්රියපච්චයෙන පච්චයො: අකුසලා ඉන්ද්රියා චිත්තසමුට්ඨානානං රූපානං ඉන්ද්රියපච්චයෙන පච්චයො.
අකුසලො ධම්මො අකුසලස්ස ච අබ්යාකතස්ස ච ධම්මස්ස ඉන්ද්රියපච්චයෙන පච්චයො: අකුසලා ඉන්ද්රියා සම්පයුත්තකානං ඛන්ධානං චිත්තසමුට්ඨානානඤ්ච රූපානං ඉන්ද්රියපච්චයෙන පච්චයො.
අබ්යාකතො ධම්මො අබ්යාකතස්ස ධම්මස්ස ඉන්ද්රියපච්චයෙන පච්චයො: විපාකාබ්යාකතා කිරියාබ්යාකතා ඉන්ද්රියා සම්පයුත්තකානං ඛන්ධානං චිත්තසමුට්ඨානඤ්ච රූපානං ඉන්ද්රියපච්චයෙන පච්චයො, පටිසන්ධික්ඛණෙ විපාකාබ්යාකතා ඉන්ද්රියා සම්පයුත්තකානං ඛන්ධානං කටත්තා ච රූපානං ඉන්ද්රියපච්චයෙන පච්චයො, චක්ඛුන්ද්රියං චක්ඛුවිඤ්ඤාණස්ස ඉන්ද්රිපච්චයෙන පච්චයො, සොතින්ද්රියං සොතවිඤ්ඤාණස්ස ඝානින්ද්රියං ඝානවිඤ්ඤාණස්ස ජිව්හින්ද්රියං ජිව්හාවිඤාණස්ස කායින්ද්රියංකායවිඤ්ඤාණස්ස ඉන්ද්රියපච්චයෙන පච්චයො, රූපජීවිතින්ද්රියං කටත්තා රූපානං ඉන්ද්රියපච්චයෙන පච්චයො.
ඉන්ද්රියමූලකං.
කුසලො ධම්මො කුසලස්ස ධම්මස්ස ඣානපච්චයෙන පච්චයො: කුසලානි ඣානඞ්ගානි සම්පයුත්තකානං ඛන්ධානං ඣානපච්චයෙන පච්චයො.
කුසලො ධම්මො අබ්යාකතස්ස ධම්මස්ස ඣානපච්චයෙන පච්චයො: කුසලානි ඣානඞ්ගානි චිත්තසමුට්ඨානානං රූපානං ඣානපච්චයෙන පච්චයො.
කුසලො ධම්මො කුසලස්ස ච අබ්යාකතස්ස ච ධම්මස්ස ඣානපච්චයෙන පච්චයො: කුසලානි ඣානඞ්ගානි සම්පයුත්තකානං ඛන්ධානං චිත්තසමුට්ඨානඤ්ච රූපානං ඣානපච්චයෙන පච්චයො,
අකුසලො ධම්මො අකුසලස්ස ධම්මස්ස ඣානපච්චයෙන පච්චයො: අකුසලානි ඣානඞ්ගානි සම්පයුත්තකානං ඛන්ධානං ඣානපච්චයෙන පච්චයො.
අකුසලො ධම්මො අබ්යාකතස්ස ධම්මස්ස ඣානපච්චයෙන පච්චයො: අකුසලානි ඣානඞ්ගානි චිත්තසමුට්ඨානං රූපානං ඣානපච්චයෙන පච්චයො.
අකුසලො ධම්මො අකුසලස්ස ච අබ්යාකතස්ස ච ධම්මස්ස ඣානපච්චයෙන පච්චයො: අකුසලානි ඣානඞ්ගානි සම්පයුත්තකානං ඛන්ධානං චිත්තසමුට්ඨානඤ්ච රූපානං ඣානපච්චයෙන පච්චයො.
අබ්යාකතො ධම්මො අබ්යාකතස්ස ධම්මස්ස ඣානපච්චයෙන පච්චයො: විපාකාබ්යාකතානි කිරියාබ්යාකතානි ඣානඞ්ගානි සම්පයුත්තකානං ඛන්ධානං චිත්තසමුට්ඨානඤ්ච රූපානං ඣානපච්චයෙන පච්චයො, පටිසන්ධික්ඛණෙ විපාකාබ්යාකතානි ඣානඞ්ගානි සම්පයුත්තකානං ඛන්ධානං කටත්තා ච රූපානං ඣානපච්චයෙන පච්චයො.
ඣානමූලකං.
කුසලො ධම්මො කුසලස්ස ධම්මස්ස මග්ගපච්චයෙන පච්චයො: කුසලානි මග්ගඞ්ගානි සම්පයුත්තකානං ඛන්ධානං මග්ගපච්චයෙන පච්චයො.
කුසලො ධම්මො අබ්යාකතස්ස ධම්මස්ස මග්ගපච්චයෙන පච්චයො: කුසලානි මග්ගඞ්ගානි චිත්තසමුට්ඨානානං රූපානං මග්ගපච්චයෙන පච්චයො.
කුසලො ධම්මො කුසලස්ස ච අබ්යාකතස්ස ච ධම්මස්ස මග්ගපච්චයෙන පච්චයො: කුසලානි මග්ගඞ්ගානි සම්පයුත්තකානං ඛන්ධානං චිත්තසමුට්ඨානඤ්ච රූපානං මග්ගපච්චයෙන පච්චයො.
අකුසලො ධම්මො අකුසලස්ස ධම්මස්ස මග්ගපච්චයෙන පච්චයො: අකුසලානි මග්ගඞ්ගානි සම්පයුත්තකානං ඛන්ධානං මග්ගපච්චයෙන පච්චයො.
අකුසලො ධම්මො අබ්යාකතස්ස ධම්මස්ස මග්ගපච්චයෙන පච්චයො: අකුසලානි මග්ගඞ්ගානි චිත්තසමුට්ඨානං රූපානං මග්ගපච්චයෙන පච්චයො.
අකුසලො ධම්මො අකුසලස්ස ච අබ්යාකතස්ස ච ධම්මස්ස මග්ගපච්චයෙන පච්චයො: අකුසලානි මග්ගඞ්ගානි සම්පයුත්තකානං ඛන්ධානං චිත්තසමුට්ඨානඤ්ච රූපානං මග්ගපච්චයෙන පච්චයො.
අබ්යාකතො ධම්මො අබ්යාකතස්ස ධම්මස්ස මග්ගපච්චයෙන පච්චයො: විපාකාබ්යාකතානි කිරියාබ්යාකතානි මග්ගඞ්ගානි සම්පයුත්තකානං ඛන්ධානං චිත්තසමුට්ඨානඤ්ච රූපානං මග්ගපච්චයෙන පච්චයො, පටිසන්ධික්ඛණෙ විපාකාබ්යාකතානි මග්ගඞ්ගානි සම්පයුත්තකානං ඛන්ධානං කටත්තා ච රූපානං මග්ගපච්චයෙන පච්චයො.
මග්ගමූලකං.
කුසලො ධම්මො කුසලස්ස ධම්මස්ස සම්පයුත්තපච්චයෙන පච්චයො: කුසලො එකො ඛන්ධො, තිණ්ණන්නං ඛන්ධානං සම්පයුත්තපච්චයෙන පච්චයො, තයො ඛන්ධා එකස්ස සම්පයුත්තපච්චයෙන පච්චයො, ද්වෙ ඛන්ධා ද්වින්නං ඛන්ධානං සම්පයුත්තපච්චයෙන පච්චයො.
අකුසලො ධම්මො අකුසලස්ස ධම්මස්ස සම්පයුත්තපච්චයෙන පච්චයො: අකුසලො එකො ඛන්ධො, තිණ්ණන්නං ඛන්ධානං සම්පයුත්තපච්චයෙන පච්චයො, තයො ඛන්ධා එකස්ස ඛන්ධස්ස සම්පයුත්තපච්චයෙන පච්චයො, ද්වෙ ඛන්ධා ද්වින්නං ඛන්ධානං සම්පයුත්තපච්චයෙන පච්චයො.
අබ්යාකතො ධම්මො අබ්යාකතස්ස ධම්මස්ස සම්පයුත්තපච්චයෙන පච්චයො: විපාකාබ්යාකතො කිරියාබ්යාකතො එකො ඛන්ධො තිණ්ණන්නං ඛන්ධානං සම්පයුත්තපච්චයෙන පච්චයො, තයො ඛන්ධා එකස්ස ඛන්ධස්ස සම්පයුත්තපච්චයෙන පච්චයො, ද්වෙ ඛන්ධා ද්වින්නං ඛන්ධානං සම්පයුත්තපච්චයෙන පච්චයො, පටිසන්ධික්ඛණෙ විපාකාබ්යාකතො එකො ඛන්ධො, තිණ්ණන්නං ඛන්ධානං සම්පයුත්තපච්චයෙන පච්චයො, තයො ඛන්ධා එකස්ස ඛන්ධස්ස සම්පයුත්තපච්චයෙන පච්චයො, ද්වෙ ඛන්ධා ද්වින්නං ඛන්ධානං සම්පයුත්තපච්චයෙන පච්චයො.
සම්පයුත්තමූලකං.
කුසලො ධම්මො අබ්යාකතස්ස ධම්මස්ස විප්පයුත්තපච්චයෙන පච්චයො: සහජාතං. පච්ඡාජාතං.
සහජාතා කුසලා ඛන්ධා චිත්තසමුට්ඨානානං රූපානං විප්පයුත්තපච්චයෙන පච්චයො.
පච්ඡාජාතා කුසලා ඛන්ධා පුරෙජාතස්ස ඉමස්ස කායස්ස විප්පයුත්තපච්චයෙන පච්චයො.
අකුසලො ධම්මො අබ්යාකතස්ස ධම්මස්ස විප්පයුත්තපච්චයෙන පච්චයො: සහජාතං. පච්ඡාජාතං.
සහජාතා අකුසලා ඛන්ධා චිත්තසමුට්ඨානානං රූපානං විප්පයුත්තපච්චයෙන පච්චයො.
පච්ඡාජාතා අකුසලා ඛන්ධා පුරෙජාතස්ස ඉමස්ස කායස්ස විප්පයුත්තපච්චයෙන පච්චයො.
අබ්යාකතො ධම්මො අබ්යාකතස්ස ධම්මස්ස විප්පයුත්තපච්චයෙන පච්චයො: සහජාතං, පුරෙජාතං පච්ඡාජාතං සහජාතා විපාකාබ්යාකතා කිරියාබ්යාකතා ඛන්ධා චිත්තසමුට්ඨානානං රූපානං විප්පයුත්තපච්චයෙන පච්චයො. පටිසන්ධික්ඛණෙ විපාකාබ්යාකතා ඛන්ධා කටත්තා ච රූපානං විප්පයුත්තපච්චයෙන පච්චයො, ඛන්ධා වත්ථුස්ස විප්පයුත්තපච්චයෙන පච්චයො වත්ථු ඛන්ධානං විප්පයුත්තඅත්ථිපච්චයෙන පච්චයො, පුරෙජාතං චක්ඛායතනං චක්ඛුවිඤ්ඤාණස්ස විප්පයුත්තපච්චයෙන පච්චයො, සොතායතනං සොතවිඤ්ඤාණස්ස විප්පයුත්තපච්චයෙන පච්චයො, ඝානායතනං ඝානවිඤ්ඤාණස්ස විප්පයුත්තපච්චයෙන පච්චයො, ජිව්හායතනං ජිව්හාවිඤ්ඤාණස්ස විප්පයුත්තපච්චයෙන පච්චයො, කායායතනං කායවිඤ්ඤාණස්ස විප්පයුත්තපච්චයෙන පච්චයො, වත්ථු විපාකාබ්යාකතානං කිරියාබ්යාකතානං ඛන්ධානං විප්පයුත්තපච්චයෙන පච්චයො.
පච්ඡාජාතා විපාකාබ්යාකතා කිරියාබ්යාකතා ඛන්ධා පුරෙජාතස්ස ඉමස්ස කායස්ස විප්පයුත්තපච්චයෙන පච්චයො.
අබ්යාකතො ධම්මො කුසලස්ස ධම්මස්ස විප්පයුත්තපච්චයෙන පච්චයො: පුරෙජාතං වත්ථු කුසලානං ඛන්ධානං විප්පයුත්තපච්චයෙන පච්චයො.