Na hevaṁ vattabbe …pe…
adosahetunāti …pe…
amohahetunāti …pe…
lobhahetunā …pe…
dosahetunā …pe…
mohahetunāti?
Na hevaṁ vattabbe …pe….
Rūpaṁ sahetukanti?
Āmantā.
Sārammaṇaṁ, atthi tassa āvaṭṭanā …pe… paṇidhīti?
Na hevaṁ vattabbe …pe…
nanu anārammaṇaṁ, natthi tassa āvaṭṭanā …pe… paṇidhīti?
Āmantā.
Hañci anārammaṇaṁ, natthi tassa āvaṭṭanā …pe… paṇidhi, no ca vata re vattabbe—
“rūpaṁ sahetukan”ti.
Alobho sahetuko sārammaṇo, atthi tassa āvaṭṭanā …pe… paṇidhīti?
Āmantā.
Rūpaṁ sahetukaṁ sārammaṇaṁ, atthi tassa āvaṭṭanā …pe… paṇidhīti?
Na hevaṁ vattabbe …pe…
adoso sahetuko …pe…
amoho …
saddhā …
vīriyaṁ …
sati …
samādhi …
paññā …
lobho …
doso …
moho …
māno …
diṭṭhi …
vicikicchā …
thinaṁ …
uddhaccaṁ …
ahirikaṁ …
anottappaṁ sahetukaṁ sārammaṇaṁ, atthi tassa āvaṭṭanā …pe… paṇidhīti?
Āmantā.
Rūpaṁ sahetukaṁ sārammaṇaṁ, atthi tassa āvaṭṭanā …pe… paṇidhīti?
Na hevaṁ vattabbe …pe….
Rūpaṁ sahetukaṁ anārammaṇaṁ, natthi tassa āvaṭṭanā …pe… paṇidhīti?
Āmantā.
Alobho sahetuko anārammaṇo, natthi tassa āvaṭṭanā …pe… paṇidhīti?
Na hevaṁ vattabbe …pe…
rūpaṁ sahetukaṁ anārammaṇaṁ, natthi tassa āvaṭṭanā …pe… paṇidhīti?
Āmantā.
Adoso sahetuko …pe…
anottappaṁ sahetukaṁ anārammaṇaṁ, natthi tassa āvaṭṭanā …pe… paṇidhīti?
Na hevaṁ vattabbe …pe….
Na vattabbaṁ—
“rūpaṁ sahetukan”ti?
Āmantā.
Nanu rūpaṁ sappaccayanti?
Āmantā.
Hañci rūpaṁ sappaccayaṁ, tena vata re vattabbe—
“rūpaṁ sahetukan”ti.
Rūpaṁ sahetukantikathā niṭṭhitā.
Kathāvatthu
Mahāpaṇṇāsaka
Soḷasamavagga
Rūpaṅkusalākusalantikathā
Rūpaṁ kusalanti?
Āmantā.
Sārammaṇaṁ, atthi tassa āvaṭṭanā …pe… paṇidhīti?
Na hevaṁ vattabbe …pe…
nanu anārammaṇaṁ, natthi tassa āvaṭṭanā …pe… paṇidhīti?
Āmantā.
Hañci anārammaṇaṁ, natthi tassa āvaṭṭanā …pe… paṇidhi, no ca vata re vattabbe—
“rūpaṁ kusalan”ti.
Alobho kusalo sārammaṇo, atthi tassa āvaṭṭanā …pe… paṇidhīti?
Āmantā.
Rūpaṁ kusalaṁ sārammaṇaṁ, atthi tassa āvaṭṭanā …pe… paṇidhīti?
Na hevaṁ vattabbe …pe….
Adoso kusalo …pe…
amoho kusalo …pe…
saddhā …
vīriyaṁ …
sati …
samādhi …pe…
paññā kusalā sārammaṇā, atthi tāya āvaṭṭanā …pe… paṇidhīti?
Āmantā.
Rūpaṁ kusalaṁ sārammaṇaṁ, atthi tassa āvaṭṭanā …pe… paṇidhīti?
Na hevaṁ vattabbe …pe….
Rūpaṁ kusalaṁ anārammaṇaṁ, natthi tassa āvaṭṭanā …pe… paṇidhīti?
Āmantā.
Alobho kusalo anārammaṇo, natthi tassa āvaṭṭanā …pe… paṇidhīti?
Na hevaṁ vattabbe …pe….
Rūpaṁ kusalaṁ anārammaṇaṁ, natthi tassa āvaṭṭanā …pe… paṇidhīti?
Āmantā.
Adoso kusalo …pe…
paññā kusalā anārammaṇā, natthi tāya āvaṭṭanā …pe… paṇidhīti?
Na hevaṁ vattabbe …pe….
Rūpaṁ akusalanti?
Āmantā.
Sārammaṇaṁ, atthi tassa āvaṭṭanā …pe… paṇidhīti?
Na hevaṁ vattabbe …pe…
nanu anārammaṇaṁ, natthi tassa āvaṭṭanā …pe… paṇidhīti?
Āmantā.
Hañci anārammaṇaṁ, natthi tassa āvaṭṭanā …pe… paṇidhi, no ca vata re vattabbe—
“rūpaṁ akusalan”ti …pe….
Lobho akusalo sārammaṇo, atthi tassa āvaṭṭanā …pe… paṇidhīti?