Maraṇaṁ parinipphannaṁ, maraṇassa bhedo atthi, antaradhānaṁ atthīti?
Na hevaṁ vattabbe …pe….
Vedanā …pe…
saññā … saṅkhārā …pe…
viññāṇaṁ parinipphannaṁ, viññāṇassa aniccatā atthīti?
Āmantā.
Aniccatā parinipphannā, aniccatāya aniccatā atthīti?
Na hevaṁ vattabbe …pe…
viññāṇaṁ parinipphannaṁ, viññāṇassa jarā atthīti?
Āmantā.
Jarā parinipphannā, jarāya jarā atthīti?
Na hevaṁ vattabbe …pe….
Viññāṇaṁ parinipphannaṁ, viññāṇassa bhedo atthi, antaradhānaṁ atthīti?
Āmantā.
Maraṇaṁ parinipphannaṁ, maraṇassa bhedo atthi, antaradhānaṁ atthīti?
Na hevaṁ vattabbe …pe….
Aniccatākathā niṭṭhitā.
Ekādasamo vaggo.
Tassuddānaṁ
Anusayā abyākatā, ahetukā, cittavippayuttā, aññāṇe vigate ñāṇī, ñāṇaṁ cittavippayuttaṁ, yattha sadde ñāṇaṁ pavattati, iddhibalena samannāgato kappaṁ tiṭṭheyya, cittasantati samādhi, dhammaṭṭhitatā, aniccatāti.
Kathāvatthu
Anusayapaṇṇāsaka
Dvādasamavagga
Saṁvarokammantikathā
Saṁvaro kammanti?
Āmantā.
Cakkhundriyasaṁvaro cakkhukammanti?
Na hevaṁ vattabbe …pe…
sotindriyasaṁvaro …pe…
ghānindriyasaṁvaro …pe…
jivhindriyasaṁvaro …pe…
kāyindriyasaṁvaro kāyakammanti?
Na hevaṁ vattabbe …pe….
Kāyindriyasaṁvaro kāyakammanti?
Āmantā.
Cakkhundriyasaṁvaro cakkhukammanti?
Na hevaṁ vattabbe …pe…
kāyindriyasaṁvaro kāyakammanti?
Āmantā.
Sotindriyasaṁvaro …pe…
ghānindriyasaṁvaro …pe…
jivhindriyasaṁvaro jivhākammanti?
Na hevaṁ vattabbe …pe…
manindriyasaṁvaro manokammanti?
Na hevaṁ vattabbe …pe….
Manindriyasaṁvaro manokammanti?
Āmantā.
Cakkhundriyasaṁvaro cakkhukammanti?
Na hevaṁ vattabbe …pe…
manindriyasaṁvaro manokammanti?
Āmantā.
Sotindriyasaṁvaro …pe…
ghānindriyasaṁvaro … jivhindriyasaṁvaro …pe…
kāyindriyasaṁvaro kāyakammanti?
Na hevaṁ vattabbe …pe….
Asaṁvaro kammanti?
Āmantā.
Cakkhundriyaasaṁvaro cakkhukammanti?
Na hevaṁ vattabbe …pe…
sotindriyaasaṁvaro …pe…
ghānindriyaasaṁvaro …pe…
jivhindriyaasaṁvaro …pe…
kāyindriyaasaṁvaro kāyakammanti?
Na hevaṁ vattabbe …pe….
Kāyindriyaasaṁvaro kāyakammanti?
Āmantā.
Cakkhundriyaasaṁvaro cakkhukammanti?
Na hevaṁ vattabbe …pe…
kāyindriyaasaṁvaro kāyakammanti?
Āmantā.
Sotindriyaasaṁvaro …pe…
ghānindriyaasaṁvaro …pe…
jivhindriyaasaṁvaro jivhākammanti?
Na hevaṁ vattabbe …pe…
manindriyaasaṁvaro manokammanti?
Na hevaṁ vattabbe …pe….
Manindriyaasaṁvaro manokammanti?
Āmantā.
Cakkhundriyaasaṁvaro cakkhukammanti?
Na hevaṁ vattabbe …pe…
manindriyaasaṁvaro manokammanti?
Āmantā.
Sotindriyaasaṁvaro …pe…
ghānindriyaasaṁvaro …pe…
jivhindriyaasaṁvaro …pe…
kāyindriyaasaṁvaro kāyakammanti?
Na hevaṁ vattabbe …pe….
Na vattabbaṁ—
“saṁvaropi asaṁvaropi kamman”ti?
Āmantā.
Nanu vuttaṁ bhagavatā—
“idha, bhikkhave, bhikkhu cakkhunā rūpaṁ disvā nimittaggāhī hoti …pe…
na nimittaggāhī hoti, sotena saddaṁ sutvā …pe…
manasā dhammaṁ viññāya nimittaggāhī hoti …pe…
na nimittaggāhī hotī”ti.
Attheva suttantoti?
Āmantā.
Tena hi saṁvaropi asaṁvaropi kammanti.
Saṁvaro kammantikathā niṭṭhitā.
Kathāvatthu