ප. පටිඤ්ඤා: ආමන්තා.
අනු. ඨ: හඤ්චි අනාරම්මණා, නත්ථී තාය ආවජ්ජනා{1} -පෙ- පණිධි,
අනු. පා: නො ච වත රෙ වත්තබ්බෙ: “සම්මාවාචා මග්ගො”ති.
3. ස. පු: සම්මාකම්මන්තො -පෙ- සම්මාආජීවො මග්ගො’ති.
ප. පටිඤ්ඤා: ආමන්තා.
ස. අනු: සාරම්මණා, අත්ථී තස්ස ආවජ්ජනා{1} -පෙ- පණිධි’ති.
ප. පටි: න හෙවං වත්තබ්බෙ -පෙ-
ස. අනු: නනු අනාරම්මණො, නත්ථී තස්ස ආවජ්ජනා{1} -පෙ- පණිධී’ති.
ප. පටිඤ්ඤා: ආමන්තා.
අනු. ඨ: හඤ්චි අනාරම්මණො, නත්ථී තස්ස ආවජ්ජනා -පෙ- පණිධි,
අනු. පා: නො ච වත රෙ වත්තබ්බෙ: සම්මාආජීවො මග්ගො’ති.
4. ස. පු: සම්මාදිට්ඨි මග්ගො, සා ච සාරම්මණා, අත්ථී තාය ආවජ්ජනා{1} -පෙ- පණිධී’ති.
ප. පටිඤ්ඤා: ආමන්තා.
ස. අනු: සම්මාවාචා මග්ගො, සා ච සාරම්මණා, අත්ථී තාය ආවජ්ජනා -පෙ- පණිධී’ති.
ප. පටි: න හෙවං වත්තබ්බෙ -පෙ-
5. ස. පු: සම්මාදිට්ඨි මග්ගො, සා ච සාරම්මණා, අත්ථී තාය ආවජ්ජනා -පෙ- පණිධී’ති.
ප. පටිඤ්ඤා: ආමන්තා.
ස. අනු: සම්මාකම්මන්තො -පෙ- සම්මාආජීවො මග්ගො, සො ච සාරම්මණො, අත්ථී තස්ස ආවජ්ජනා -පෙ- පණිධී’ති.
ප. පටි: න හෙවං වත්තබ්බෙ -පෙ-
6. ස. පු: සම්මාසඞ්කප්පො -පෙ- සම්මාවායාමො -පෙ- සම්මාසති සම්මාසමාධි මග්ගො, සො ච සාරම්මණො, අත්ථී තස්ස ආවජ්ජනා -පෙ- පණිධී’ති.
ප. පටිඤ්ඤා: ආමන්තා.
ස. අනු: සම්මාවාචා මග්ගො, සා ච සාරම්මණා, අත්ථී තාය ආවජ්ජනා -පෙ- පණිධී’ති.
ප. පටි: න හෙවං වත්තබ්බෙ -පෙ-
7. ස. පු: සම්මාසමාධි මග්ගො, සො ච සාරම්මණො, අත්ථී තස්ස ආවජ්ජනා -පෙ- පණිධී’ති.
ප. පටිඤ්ඤා: ආමන්තා.
ස. අනු: සම්මාකම්මන්තො -පෙ- සම්මාආජීවො මග්ගො, සො ච සාරම්මණො, අත්ථී තස්ස ආවජ්ජනා -පෙ- පණිධී’ති.
ප. පටි: න හෙවං වත්තබ්බෙ -පෙ-
8. ස. පු: සම්මාවාචා මග්ගො, සා ච අනාරම්මණා, නත්ථී තාය ආවජ්ජනා -පෙ- පණිධී’ති.
ප. පටිඤ්ඤා: ආමන්තා.
ස. අනු: සම්මාදිට්ඨි මග්ගො, සා ච අනාරම්මණා, නත්ථී තාය ආවජ්ජනා -පෙ- පණිධී’ති.
ප. පටි: න හෙවං වත්තබ්බෙ -පෙ-
9. ස. පු: සම්මාවාචා මග්ගො, සා ච අනාරම්මණා, නත්ථී තාය ආවජ්ජනා -පෙ- පණිධී’ති.
ප. පටිඤ්ඤා: ආමන්තා.
ස. අනු: සම්මාසඞ්කප්පො -පෙ- සම්මාවායාමො -පෙ- සම්මාසති -පෙ- සම්මාසමාධි මග්ගො, සො ච අනාරම්මණං, නත්ථී තස්ස ආවජ්ජනා -පෙ- පණිධී’ති.
ප. පටි: න හෙවං වත්තබ්බෙ -පෙ-
10. ස. පු: සම්මාකම්මන්තො -පෙ- සම්මාආජීවො මග්ගො, සො ච අනාරම්මණො, නත්ථී තස්ස ආවජ්ජනා -පෙ- පණිධී’ති.
ප. පටිඤ්ඤා: ආමන්තා.
ස. අනු: සම්මාදිට්ඨි -පෙ- සම්මාසඞ්කප්පො -පෙ- සම්මාවායාමො -පෙ- සම්මාසති -පෙ- සම්මාසමාධි මග්ගො, සො ච අනාරම්මණො, නත්ථී තස්ස ආවජ්ජනා -පෙ- පණිධී’ති.
ප. පටි: න හෙවං වත්තබ්බෙ -පෙ-
11. ප. පු: න වත්තබ්බං “මග්ගසමඞ්ගිස්ස රූපං මග්ගො”ති.
ස. පටිඤ්ඤා: ආමන්තා.
ප. අනු: නනු සම්මාවාචා, සම්මාකම්මන්තො, සම්මාආජීවො මග්ගො’ති.
ස. පටිඤ්ඤා: ආමන්තා.
අනු. ඨ: හඤ්චි සම්මාවාචා, සම්මාකම්මන්තො, සම්මාආජීවො මග්ගො,
අනු. පා: තෙන වත රෙ වත්තබ්බෙ: මග්ගසමඞ්ගිස්ස රූපං මග්ගො’ති.
රූපං මග්ගො’ති කථා නිට්ඨිතා.
10. 3.
පඤ්චවිඤ්ඤාණසමඞ්ගිස්ස මග්ගකථා.
1. ස. පු: පඤ්චවිඤ්ඤාණසමඞ්ගිස්ස අත්ථී මග්ගභාවනා’ති.
ප. පටිඤ්ඤා: ආමන්තා.
ස. අනු: නනු පඤ්චවිඤ්ඤාණා උප්පන්නවත්ථුකා උප්පන්නාරම්මණා’ති.
ප. පටිඤ්ඤා: ආමන්තා.
අනු. ඨ: හඤ්චි පඤ්චවිඤ්ඤාණා උප්පන්නවත්ථුකා උප්පන්නාරම්මණා,
අනු. පා: නො ච වත රෙ වත්තබ්බෙ පඤ්චවිඤ්ඤාණසමඞ්ගිස්ස අත්ථී මග්ගභාවනා’ති.
2. ස. පු: නනු පඤ්චවිඤ්ඤාණා පුරෙජාතවත්ථුකා පුරෙජාතාරම්මණා, අජ්ඣත්තිකවත්ථුකා බාහිරාරම්මණා, අසම්භින්නවත්ථුකා අසම්භින්නාරම්මණා, නානා වත්ථුකා නානාරම්මණා, න අඤ්ඤමඤ්ඤස්ස ගොචරවිසයං පච්චනුභොන්ති, න අසමන්නාහාරා උප්පජ්ජන්ති, න අමනසිකාරා උප්පජ්ජන්ති, න අබ්බොකිණ්ණා උප්පජ්ජන්ති, න අපුබ්බං අචරිමං උප්පජ්ජන්ති, න අඤ්ඤමඤ්ඤස්ස සමනන්තරා උප්පජ්ජන්ති -පෙ- නනු පඤ්චවිඤ්ඤාණා අනාභොගා’ති.
ප. පටිඤ්ඤා: ආමන්තා.
අනු. ඨ: හඤ්චි පඤ්චවිඤ්ඤාණා අනාභොගා,
අනු. පා: නො ච වත රෙ වත්තබ්බෙ: පඤ්චවිඤ්ඤාණසමඞ්ගිස්ස අත්ථී මග්ගගභාවනා’ති.
3. ස. පු: චක්ඛුවිඤ්ඤාණසමඞ්ගිස්ස අත්ථී මග්ගභාවනා’ති.
ප. පටිඤ්ඤා: ආමන්තා.
ස. අනු: චක්ඛුවිඤ්ඤාණං සුඤ්ඤතං ආරබ්භ උප්පජ්ජතී’ති.
ප. පටි: න හෙවං වත්තබ්බෙ -පෙ-
4. ස. පු: චක්ඛුවිඤ්ඤාණං සුඤ්ඤතං ආරබ්භ උප්පජ්ජතී’ති.
ප. පටිඤ්ඤා: ආමන්තා.
ස. අනු: චක්ඛුඤ්ච පටිච්ච සුඤ්ඤතඤ්ච උප්පජ්ජති චක්ඛුවිඤ්ඤාණන්ති.
ප. පටි: න හෙවං වත්තබ්බෙ -පෙ-
5. ස. පු: චක්ඛුඤ්ච පටිච්ච සුඤ්ඤතඤ්ච උප්පජ්ජති චක්ඛුවිඤ්ඤාණන්ති.
ප. පටිඤ්ඤා: ආමන්තා.
ස. අනු: “චක්ඛුඤ්ච පටිච්ච සුඤ්ඤතඤ්ච උප්පජ්ජති චක්ඛුවිඤ්ඤාණ”න්ති අත්ථෙව සුත්තන්තොති.
ප. පටි: නත්ථී.
ස. අනු: “චක්ඛුඤ්ච පටිච්ච රූපෙ ච උප්පජ්ජති චක්ඛුවිඤ්ඤාණ”න්ති{a} අත්ථෙව සුත්තන්තොති.
ප. පටිඤ්ඤා: ආමන්තා.
අනු. ඨ: හඤ්චි “චක්ඛුඤ්ච පටිච්ච රූපෙ ච උප්පජ්ජති චක්ඛුවිඤ්ඤාණ”න්ති අත්ථෙව සුත්තන්තො.
අනු. පා: නො ච වත රෙ වත්තබ්බෙ: චක්ඛුඤ්ච පටිච්ච සුඤ්ඤතඤ්ච උප්පජ්ජති චක්ඛුවිඤ්ඤාණන්ති.
6. ස. පු: චක්ඛුවිඤ්ඤාණසමඞ්ගිස්ස අත්ථී මග්ගභාවනා’ති.
ප. පටිඤ්ඤා: ආමන්තා.
ස. අනු: චක්ඛුවිඤ්ඤාණං අතීතානාගතං ආරබ්භ උප්පජ්ජතී’ති.
ප. පටි: න හෙවං වත්තබ්බෙ -පෙ-
7. ස. පු: චක්ඛුවිඤ්ඤාණසමඞ්ගිස්ස අත්ථී මග්ගභාවනා’ති.
ප. පටිඤ්ඤා: ආමන්තා.
ස. අනු: චක්ඛුවිඤ්ඤාණං ඵස්සං ආරබ්භ වෙදනං ආරබ්භ සඤ්ඤං ආරබ්භ චෙතනං ආරබ්භ චිත්තං ආරබ්භ චක්ඛුං ආරබ්භ -පෙ- කායං ආරබ්භ -පෙ- සද්දං ආරබ්භ -පෙ- ඵොට්ඨබ්බං ආරබ්භ උප්පජ්ජතී’ති.
ප. පටි: න හෙවං වත්තබ්බෙ -පෙ-
8. ස. පු: මනොවිඤ්ඤාණසමඞ්ගිස්ස අත්ථී මග්ගභාවනා, මනොවිඤ්ඤාණං සුඤ්ඤතං ආරබ්භ උප්පජ්ජතී’ති.
ප. පටිඤ්ඤා: ආමන්තා.
ස. අනු: චක්ඛුවිඤ්ඤාණසමඞ්ගිස්ස අත්ථී මග්ගභාවනා, චක්ඛුවිඤ්ඤාණං සුඤ්ඤතං ආරබ්භ උප්පජ්ජතී’ති.
ප. පටි: න හෙවං වත්තබ්බෙ -පෙ-
9. ස. පු: මනොවිඤ්ඤාණසමඞ්ගිස්ස අත්ථී මග්ගභාවනා, මනොවිඤ්ඤාණං අතීතානාගතං ආරබ්භ උප්පජ්ජතී’ති.
ප. පටිඤ්ඤා: ආමන්තා.
ස. අනු: චක්ඛුවිඤ්ඤාණසමඞ්ගිස්ස අත්ථී මග්ගභාවනා, චක්ඛුවිඤ්ඤාණං අතීතානාගතං ආරබ්භ උප්පජ්ජතී’ති.
ප. පටි: න හෙවං වත්තබ්බෙ -පෙ-
10. ස. පු: මනොවිඤ්ඤාණසමඞ්ගිස්ස අත්ථී මග්ගභාවනා, මනොවිඤ්ඤාණං ඵස්සං ආරබ්භ -පෙ- වෙදනං ආරබ්භ -පෙ- ඵොට්ඨබ්බං ආරබ්භ උප්පජ්ජතී’ති.
ප. පටිඤ්ඤා: ආමන්තා.
ස. අනු: චක්ඛුවිඤ්ඤාණසමඞ්ගිස්ස අත්ථී මග්ගභාවනා, චක්ඛුවිඤ්ඤාණං ඵස්සං ආරබ්භ -පෙ- වෙදනං ආරබ්භ -පෙ- ඵොට්ඨබ්බං ආරබ්භ උප්පජ්ජතී’ති.
ප. පටි: න හෙවං වත්තබ්බෙ -පෙ-
11. ප. පු: න වත්තබ්බං පඤ්චවිඤ්ඤාණසමඞ්ගිස්ස අත්ථී මග්ගභාවනා’ති.
ස. පටිඤ්ඤා: ආමන්තා.
ප. අනු: නනු වුත්තං භගවතා: “ඉධ භික්ඛවෙ භික්ඛු චක්ඛුනා රූපං දිස්වා න නිමිත්තග්ගාහී හොති, නානුබ්යඤ්ජනග්ගාහී -පෙ- සොතෙන සද්දං සුත්වා -පෙ- ඝානෙන ගන්ධං ඝායිත්වා -පෙ- ජිව්හාය රසං සායිත්වා -පෙ- කායෙන ඵොට්ඨබ්බං ඵුසිත්වා න නිමිත්තග්ගාහී හොති නානුබ්යඤ්ජනග්ගාහී”ති{a} අත්ථෙව සුත්තන්තො’ති.
ස. පටිඤ්ඤා: ආමන්තා.
පටි. ආ: තෙන හි පඤ්චවිඤ්ඤාණසමඞ්ගිස්ස අත්ථී මග්ගභාවනා’ති.
පඤ්චවිඤ්ඤාණසමඞ්ගිස්ස මග්ගකථා නිට්ඨිතා.