ප. පටිඤ්ඤා: ආමන්තා.
ස. අනු: නනු අතීතං නිරුද්ධං විගතං විපරිනතං අත්ථඞ්ගතං අබ්භත්ථඞ්ගතන්ති.
ප. පටිඤ්ඤා: ආමන්තා.
අනු. ඨ: හඤ්චි අතීතං නිරුද්ධං විගතං විපරිනතං අත්ථඞ්ගතං අබ්භත්ථඞ්ගතං,
අනු. පා: නො ච වත රෙ වත්තබ්බෙ: “අතීතෙන සමන්නාගතො’ති.
2. ස. පු: අනාගතෙන සමන්නාගතො’ති.
ප. පටිඤ්ඤා: ආමන්තා.
ස. අනු: නනු අනාගතං අජාතං අභූතං අසඤ්ජාතං අනිබ්බත්තං අනභිනිබ්බත්තං අපාතුභූතන්ති.
ප. පටිඤ්ඤා: ආමන්තා.
අනු. ඨ: හඤ්චි අනාගතං. අජාතං අභූතං අසඤ්ජාතං අනිබ්බත්තං අනභිනිබ්බත්තං අපාතුභූතං,
අනු. පා: නො ච වත රෙ වත්තබ්බෙ: “අනාගතෙන සමන්නාගතො’ති.
3. ස. පු: අතීතෙන රූපක්ඛන්ධෙන සමන්නාගතො අනාගතෙන රූපක්ඛන්ධෙන සමන්නාගතො පච්චුප්පන්නෙන රූපක්ඛන්ධෙන සමන්නාගතො’ති.
ප. පටිඤ්ඤා: ආමන්තා.
ස. අනු: තීහි රූපක්ඛන්ධෙහි සමන්නාගතො’ති.
ප. පටි: න හෙවං වත්තබ්බෙ -පෙ-
4. ස. පු: අතීතෙහි පඤ්චහි ඛන්ධෙහි සමන්නාගතො අනාගතෙහි පඤ්චහි ඛන්ධෙහි සමන්නාගතො පච්චුප්පන්නෙහි පඤ්චහි ඛන්ධෙහි සමන්නාගතො’ති.
ප. පටිඤ්ඤා: ආමන්තා.
ස. අනු: පණ්ණරසහි ඛන්ධෙහි සමන්නාගතො’ති.
ප. පටි: න හෙවං වත්තබ්බෙ -පෙ-
5. ස. පු: අතීතෙන චක්ඛායතනෙන සමන්නාගතො, අනාගතෙන චක්ඛායතනෙන සමන්නාගතො, පච්චුප්පන්නෙන චක්ඛායතනෙන සමන්නාගතො’ති.
ප. පටිඤ්ඤා: ආමන්තා.
ස. අනු: තීහි චක්ඛායතනෙහි සමන්නාගතො’ති.
ප. පටි: න හෙවං වත්තබ්බෙ -පෙ-
6. ස. පු: අතීතෙහි ද්වාදසහි ආයතනෙහි සමන්නාගතො, අනාගතෙහි ද්වාදසහි ආයතනෙහි සමන්නාගතො, පච්චුප්පන්නෙහි ද්වාදසහි ආයතනෙහි සමන්නාගතො’ති.
ප. පටිඤ්ඤා: ආමන්තා.
ස. අනු: ඡත්තිංසායතනෙහි සමන්නාගතො’ති.
ප. පටි: න හෙවං වත්තබ්බෙ -පෙ-
7. ස. පු: අතීතාය චක්ඛුධාතුයා සමන්නාගතො, අනාගතාය චක්ඛුධාතුයා සමන්නාගතො, පච්චුප්පන්නාය චක්ඛුධාතුයා සමන්නාගතො’ති.
ප. පටිඤ්ඤා: ආමන්තා.
ස. අනු: තීහි චක්ඛුධාතූහි සමන්නාගතො’ති.
ප. පටි: න හෙවං වත්තබ්බෙ -පෙ-
8. ස. පු: අතීතාහි අට්ඨාරසහි ධාතූහි සමන්නාගතො, අනාගතාහි අට්ඨාරසහි ධාතූහි සමන්නාගතො, පච්චුප්පන්නාහි අට්ඨාරසහි ධාතූහි සමන්නාගතො’ති.
ප. පටිඤ්ඤා: ආමන්තා.
ස. අනු: චතුපඤ්ඤාසධාතූහි සමන්නාගතො’ති.
ප. පටි: න හෙවං වත්තබ්බෙ -පෙ-
9. ස. පු: අතීතෙන චක්ඛුන්ද්රියෙන සමන්නාගතො, අනාගතෙන චක්ඛුන්ද්රියෙන සමන්නාගතො, පච්චුප්පන්නෙන චක්ඛුන්ද්රියෙන සමන්නාගතො’ති.
ප. පටිඤ්ඤා: ආමන්තා.
ස. අනු: තීහි චක්ඛුන්ද්රියෙහි සමන්නාගතො’ති.
ප. පටි: න හෙවං වත්තබ්බෙ -පෙ-
10. ස. පු: අතීතෙහි බාවීසතින්ද්රියෙහි සමන්නාගතො, අනාගතෙහි බාවීසතින්ද්රියෙහි සමන්නාගතො, පච්චුප්පන්නෙහි බාවීසතින්ද්රියෙහි සමන්නාගතො’ති.
ප. පටිඤ්ඤා: ආමන්තා.
ස. අනු: ඡසට්ඨින්ද්රියෙහි සමන්නාගතො’ති.
ප. පටි: න හෙවං වත්තබ්බෙ -පෙ-
11. ප. පු: න වත්තබ්බං අතීතානාගතෙහි සමන්නාගතො’ති.
ස. පටිඤ්ඤා: ආමන්තා.
ප. අනු: නනු අත්ථී අට්ඨවිමොක්ඛඣායී, චතුන්නං ඣානානං නිකාමලාභී, නවන්නං{1} අනුපුබ්බවිහාරසමාපත්තීනං ලාභී’ති.
ස. පටිඤ්ඤා: ආමන්තා.
අනු. ඨ: හඤ්චි, අත්ථී අට්ඨවිමොක්ඛඣායී, චතුන්නං ඣානානං නිකාමලාභී, නවන්නං අනුපුබ්බවිහාරසමාපත්තීනං ලාභී,
අනු. පා: තෙන වත රෙ වත්තබ්බෙ: “අතීතානාගතෙහි සමන්නාගතො’ති.
අතීතානාගතෙහි සමන්නාගතකථා නිට්ඨිතා.
නවමො වග්ගො නිට්ඨිතො.
තස්ස උද්දානං:
ආනිසංසදස්සාවිස්ස සඤ්ඤොජනානං පහානං, අමතාරම්මණං සඤ්ඤොජනං, රූපං සාරම්මණං, අනුසයා අනාරම්මණා, එවමෙවං ඤාණං, අතීතානාගතාරම්මණං චිත්තං, සබ්බං චිත්තං විතක්කානුපතිතං, සබ්බසො විතක්කයතො විචාරයතො විතක්කවිප්ඵාරසද්දො, න යථාචිත්තස්ස වාචා, තථෙව කායකම්මං, අතීතානාගතෙහි සමන්නාගතො’ති.
දසමො වග්ගො.
10. 1.
නිරොධකථා.
1. ස. පු: උපපත්තෙසියෙ පඤ්චක්ඛන්ධෙ අනිරුද්ධෙ කිරියා පඤ්චක්ඛන්ධා උප්පජ්ජන්තී’ති.
ප. පටිඤ්ඤා: ආමන්තා.
ස. අනු: දසන්නං ඛන්ධානං සමොධානං හොති, දස ඛන්ධා සම්මුඛීභාවං ආගච්ඡන්තී’ති.
ප. පටි: න හෙවං වත්තබ්බෙ -පෙ-
ස. අනු: දසන්නං ඛන්ධානං සමොධානං හොති, දස ඛන්ධා සම්මුඛීභාවං ආගච්ඡන්තී’ති.
ප. පටිඤ්ඤා: ආමන්තා.
ස. අනු: ද්වින්නං ඵස්සානං -පෙ- ද්වින්නං චිත්තානං සමොධානං හොතී’ති.
ප. පටි: න හෙවං වත්තබ්බෙ -පෙ-
2. ස. පු: උපපත්තෙසියෙ පඤ්චක්ඛන්ධෙ අනිරුද්ධෙ කිරියා චත්තාරො ඛන්ධා උප්පජ්ජන්තී’ති.
ප. පටිඤ්ඤා: ආමන්තා.
ස. අනු: නවන්නං ඛන්ධානං සමොධානං හොති, නව ඛන්ධා සම්මුඛීභාවං ආගච්ඡන්තී’ති.
ප. පටි: න හෙවං වත්තබ්බෙ -පෙ-
ස. අනු: නවන්නං ඛන්ධානං සමොධානං හොති, නව ඛන්ධා සම්මුඛීභාවං ආගච්ඡන්තී’ති.
ප. පටිඤ්ඤා: ආමන්තා.
ස. අනු: ද්වින්නං ඵස්සානං -පෙ- ද්වින්නං චිත්තානං සමොධානං හොතී’ති.
ප. පටි: න හෙවං වත්තබ්බෙ -පෙ-
3. ස. පු: උපපත්තෙසියෙ පඤ්චක්ඛන්ධෙ අනිරුද්ධෙ කිරියා ඤාණං උප්පජ්ජන්තී’ති.
ප. පටිඤ්ඤා: ආමන්තා.
ස. අනු: ඡන්නං ඛන්ධානං සමොධානං හොති, ඡ ඛන්ධා සම්මුඛීභාවං ආගච්ඡන්තී’ති.
ප. පටි: න හෙවං වත්තබ්බෙ -පෙ-
ස. අනු: ඡන්නං ඛන්ධානං සමොධානං හොති, ඡ ඛන්ධා සම්මුඛීභාවං ආගච්ඡන්තී’ති.
ප. පටිඤ්ඤා: ආමන්තා.
ස. අනු: ද්වින්නං ඵස්සානං -පෙ- ද්වින්නං චිත්තානං සමොධානං හොතී’ති.
ප. පටි: න හෙවං වත්තබ්බෙ -පෙ-
4. ප. පු: උපපත්තෙසියෙ පඤ්චක්ඛන්ධෙ අනිරුද්ධෙ මග්ගෙ උප්පජ්ජන්තී’ති.
ස. පටිඤ්ඤා: ආමන්තා.
ප. අනු: මතො මග්ගං භාවෙති, කාලං කතො මග්ගා භාවෙතී’ති.
ස. පටි: න හෙවං වත්තබ්බෙ -පෙ-
නිරොධකථා නිට්ඨිතා.
10. 2.
රූපං මග්ගොතිකථා.
1. ස. පු: මග්ගසමඞ්ගිස්ස රූපං මග්ගො’ති.
ප. පටිඤ්ඤා: ආමන්තා.
ස. අනු: සාරම්මණං, අත්ථී තස්ස ආවජ්ජනා{1} ආභොගො සමන්නාහාරො මනසිකාරො චෙතනා පත්ථනා පණිධී’ති.
ප. පටි: න හෙවං වත්තබ්බෙ -පෙ-
ස. අනු: නනු අනාරම්මණං, නත්ථී තස්ස ආවජ්ජනා{1} -පෙ- පණිධී’ති.
ප. පටිඤ්ඤා: ආමන්තා.
අනු. ඨ: හඤ්චි අනාරම්මණං, නත්ථී තස්ස ආවජ්ජනා{1} -පෙ- පණිධි,
අනු. පා: නො ච වත රෙ වත්තබ්බෙ: “මග්ගසමඞ්ගිස්ස රූපං මග්ගො”ති.
2. ස. පු: සම්මා වාචා මග්ගො’ති.
ප. පටිඤ්ඤා: ආමන්තා.
ස. අනු: සාරම්මණා, අත්ථී තාය ආවජ්ජනා{1} -පෙ- පණිධී’ති.
ප. පටි: න හෙවං වත්තබ්බෙ -පෙ-
ස. අනු: නනු අනාරම්මණං, නත්ථී තාය ආවජ්ජනා{1} -පෙ- පණිධී’ති.