ප. පටිඤ්ඤා: ආමන්තා.
අනු. ඨ: හඤ්චි තයො සමාධි වුත්තා භගවතා: “සවිතක්කො සවිචාරො සමාධි, අවිතක්කො විචාරමත්තො සමාධි, අවිතක්කො අවිචාරො සමාධී”ති,
අනු. පා: නො ච වත රෙ වත්තබ්බෙ: සබ්බං චිත්තං විතක්කානුපතිතන්ති.
විතක්කානුපතිතකථා නිට්ඨිතා.
9. 8.
විතක්කවිප්ඵාරසද්දකථා.
1. ස. පු: සබ්බසො විතක්කයතො විචාරයතො විතක්කවිප්ඵාරො සද්දො’ති.
ප. පටිඤ්ඤා: ආමන්තා.
ස. අනු: සබ්බසො ඵුසයතො ඵස්සවිප්ඵාරො සද්දො, සබ්බසො වෙදයතො වෙදනාවිප්ඵාරො සද්දො, සබ්බසො සඤ්ජානතො සඤ්ඤාවිප්ඵාරො සද්දො, සබ්බසො චෙතයතො චෙතනාවිප්ඵාරො සද්දො, සබ්බසො චින්තයතො චිත්තවිප්ඵාරො සද්දො, සබ්බසො සරතො සතිවිප්ඵාරො සද්දො, සබ්බසො පජානතො පඤ්ඤාවිප්ඵාරො සද්දො’ති.
ප. පටි: න හෙවං වත්තබ්බෙ -පෙ-
2. ස. පු: සබ්බසො විතක්කයතො විචාරයතො විතක්කවිප්ඵාරො සද්දො’ති.
ප. පටිඤ්ඤා: ආමන්තා.
ස. අනු: විතක්කවිප්ඵාරො සද්දො සොතවිඤ්ඤෙය්යො, සොතස්මිං පටිහඤ්ඤති, සොතස්ස ආපාථං ආගච්ඡතී’ති.
ප. පටි: න හෙවං වත්තබ්බෙ -පෙ-
3. ස. පු: නනු විතක්කවිප්ඵාරො සද්දො න සොතවිඤ්ඤෙය්යො, න සොතස්මිං පටිහඤ්ඤති, න සොතස්ස ආපාථං ආගච්ඡතී’ති.
ප. පටිඤ්ඤා: ආමන්තා.
අනු. ඨ: හඤ්චි විතක්කවිප්ඵාරො සද්දො න සොතවිඤ්ඤෙය්යො, න සොතස්මිං පටිහඤ්ඤති, න සොතස්ස ආපාථං ආගච්ඡති,
අනු. පා: නො ච වත රෙ වත්තබ්බෙ: සබ්බසො විතක්කයතො විචාරයතො විතක්කවිප්ඵාරො සද්දො’ති.
විතක්කවිප්ඵාරසද්දකථා නිට්ඨිතා.
9. 9.
න යථාචිත්තස්ස වාචාතිකථා.
1. ස. පු: න යථාචිත්තස්ස වාචා’ති.
ප. පටිඤ්ඤා: ආමන්තා.
ස. අනු: අඵස්සකස්ස වාචා, අවෙදනකස්ස වාචා, අසඤ්ඤකස්ස වාචා, අචෙතනකස්ස වාචා, අචිත්තකස්ස වාචා’ති.
ප. පටි: න හෙවං වත්තබ්බෙ -පෙ-
ස. අනු: නනු සඵස්සකස්ස වාචා, සවෙදනකස්ස වාචා, සසඤ්ඤකස්ස වාචා, සචෙතනකස්ස වාචා සචිත්තකස්ස වාචා’ති.
ප. පටිඤ්ඤා: ආමන්තා.
අනු. ඨ: හඤ්චි සඵස්සකස්ස වාචා -පෙ- සචිත්තකස්ස වාචා,
අනු. පා: නො ච වත රෙ වත්තබ්බෙ: න යථාචිත්තස්ස වාචාති.
2. ස. පු: න යථාචිත්තස්ස වාචා’ති.
ප. පටිඤ්ඤා: ආමන්තා.
ස. අනු: අනාවජ්ජන්තස්ස{1} වාචා -පෙ- අනාභොගස්ස{2} වාචා -පෙ- අපණිදහන්තස්ස වාචා’ති.
ප. පටි: න හෙවං වත්තබ්බෙ -පෙ-
ස. අනු: නනු ආවජ්ජන්තස්ස වාචා ආභොගස්ස{3} වාචා -පෙ- පණිදහන්තස්ස වාචා’ති.
ප. පටිඤ්ඤා: ආමන්තා.
අනු. ඨ: හඤ්චි ආවජ්ජන්තස්ස වාචා ආභොගස්ස{3} වාචා -පෙ- පණිදහන්තස්ස වාචා,
අනු. පා: නො ච වත රෙ වත්තබ්බෙ: න යථාචිත්තස්ස වාචා’ති.
3. ස. පු: න යථාචිත්තස්ස වාචාති.
ප. පටිඤ්ඤා: ආමන්තා.
ස. අනු: නනු වාචා චිත්තසමුට්ඨානා චිත්තෙන සහජාතා චිත්තෙන සහ එකුප්පාදා”ති.
ප. පටිඤ්ඤා: ආමන්තා.
අනු. ඨ: හඤ්චි වාචා චිත්තසමුට්ඨානා, චිත්තෙන සහජාතා, චිත්තෙන සහ එකුප්පාදා,
අනු. පා: නො ච වත රෙ වත්තබ්බෙ: ‘න යථාචිත්තස්ස වාචා’ති.
4. ස. පු: න යථාචිත්තස්ස වාචා’ති.
ප. පටිඤ්ඤා: ආමන්තා.
ස. අනු: න භණිතුකාමො භණති, න කථෙතුකාමො කථෙති, න ආලපිතුකාමො ආලපති, න වොහරිතුකාමො වොහරතී’ති.
ප. පටි: න හෙවං වත්තබ්බෙ -පෙ-
ස. අනු: නනු භණිතුකාමො භණති, කථෙතුකාමො කථෙති, ආලපිතුකාමො ආලපති, වොහරිතුකාමො වොහරතී’ති.
ප. පටිඤ්ඤා: ආමන්තා.
අනු. ඨ: හඤ්චි භණිතුකාමො භණති, කථෙතුකාමො කථෙති, ආලපිතුකාමො ආලපති, වොහරිතුකාමො වොහරති,
අනු. පා: නො ච වත රෙ වත්තබ්බෙ: න යථාචිත්තස්ස වාචා’ති.
5. ප. පු: න වත්තබ්බං “න යථාචිත්තස්ස වාචා”ති.
ස. පටිඤ්ඤා: ආමන්තා.
ස. අනු: නනු අත්ථී කොචි අඤ්ඤං භණිස්සාමි’ති අඤ්ඤං භණති, අඤ්ඤං කථෙස්සාමී’ති අඤ්ඤං කථෙති, අඤ්ඤං ආලපිස්සාමී’ති අඤ්ඤං ආලපති, අඤ්ඤං වොහරිස්සාමී’ති අඤ්ඤං වොහරතී’ති.
ස. පටිඤ්ඤා: ආමන්තා.
අනු. ඨ: හඤ්චි අත්ථී කොචි අඤ්ඤං භණිස්සාමීති අඤ්ඤං භණති -පෙ- අඤ්ඤං වොහරිස්සමී’ති අඤ්ඤං වොහරති,
අනු. පා: නො ච වත රෙ වත්තබ්බෙ: “න යථාචිත්තස්ස වාචා”ති.
න යථාචිත්තස්ස වාචාති කථා නිට්ඨිතා.
9. 10.
න යථාචිත්තස්ස කායකම්මන්තිකථා.
1. ස. පු: යථාචිත්තස්ස කායකම්මන්ති.
ප. පටිඤ්ඤා: ආමන්තා.
ස. අනු: අඵස්සකස්ස කායකම්මං -පෙ- අචිත්තකස්ස කායකම්මන්ති.
ප. පටි: න හෙවං වත්තබ්බෙ -පෙ-
ස. අනු: නනු සඵස්සකස්ස කායකම්මං -පෙ- සචිත්තකස්ස කායකම්මන්ති.
ප. පටිඤ්ඤා: ආමන්තා.
අනු. ඨ: හඤ්චි සඵස්සකස්ස කායකම්මං -පෙ- සචිත්තකස්ස කායකම්මං,
අනු. පා: නො ච වත රෙ වත්තබ්බෙ: න යථාචිත්තස්ස කායකම්මන්ති.
2. ස. පු: න යථාචිත්තස්ස කායකම්මන්ති.
ප. පටිඤ්ඤා: ආමන්තා.
ස. අනු: අනාවජ්ජන්තස්ස කායකම්මං -පෙ- අපණිදහන්තස්ස කායකම්මන්ති.
ප. පටි: න හෙවං වත්තබ්බෙ -පෙ-
ස. අනු: නනු ආවජ්ජන්තස්ස{1} කායකම්මං -පෙ- පණිදහන්තස්ස කායකම්මන්ති.
ප. පටිඤ්ඤා: ආමන්තා.
අනු. ඨ: හඤ්චි ආවජ්ජන්තස්ස කායකම්මං -පෙ- පණිදහන්තස්ස කායකම්මං,
අනු. පා: නො ච වත රෙ වත්තබ්බෙ: න යථාචිත්තස්ස කායකම්මන්ති.
3. ස. පු: න යථාචිත්තස්ස කායකම්මන්ති.
ප. පටිඤ්ඤා: ආමන්තා.
ස. අනු: නනු කායකම්මං චිත්තසමුට්ඨානං චිත්තෙන සහජාතං චිත්තෙන සහජාතං සහ එකුප්පාදන්ති.
ප. පටිඤ්ඤා: ආමන්තා.
අනු. ඨ: හඤ්චි කායකම්මං චිත්තසමුට්ඨානං චිත්තෙන සහජාතං චිත්තෙන සහ එකුප්පාදං,
අනු. පා: නො ච වත රෙ වත්තබ්බෙ: න යථාචිත්තස්ස කායකම්මන්ති.
4. ස. පු: න යථාචිත්තස්ස කායකම්මන්ති.
ප. පටිඤ්ඤා: ආමන්තා.
ස. අනු: න අභික්කමිතුකාමො අභික්කමති, න පටික්කමිතුකාමො පටික්කමති, න ආලොකෙතුකාමො ආලොකෙති, න විලොකෙතුකාමො විලොකෙති, න සම්මිඤ්ජිතුකාමො සම්මිඤ්ජෙති, න පසාරෙතුකාමො පසාරෙතී’ති.
ප. පටි: න හෙවං වත්තබ්බෙ -පෙ-
ස. අනු: නනු අභික්කමිතුකාමො අභික්කමති, පටික්කමිතුකාමො පටික්කමති, ආලොකෙතුකාමො අලොකෙති, විලොකෙතුකාමො විලොකෙති, සම්මිඤ්ජිතුකාමො සම්මිඤ්ජෙති, පසාරෙතුකාමො පාසාරෙතී’ති.
ප. පටිඤ්ඤා: ආමන්තා.
අනු. ඨ: හඤ්චි අභික්කමිතුකාමො අභික්කමති, -පෙ- පසාරෙතුකාමො පසාරෙති,
අනු. පා: නො ච වත රෙ වත්තබ්බෙ: න යථාචිත්තස්ස කායකම්මන්ති.
5. ප. පු: න වත්තබ්බං: න යථාචිත්තස්ස කායකම්මන්ති.
ස. පටිඤ්ඤා: ආමන්තා.
ප. අනු: නනු අත්ථී කොචි ‘අඤ්ඤත්ර ගච්ඡිස්සාමී’ති අඤ්ඤත්ර ගච්ඡති -පෙ- ‘අඤ්ඤං පසාරෙස්සාමී’ති අඤ්ඤං පසාරෙතී’ති.
ස. පටිඤ්ඤා: ආමන්තා.
අනු. ඨ: හඤ්චි අත්ථී කොචි ‘අඤ්ඤත්ර ගච්ඡිස්සාමි’ති අඤ්ඤත්ර ගච්ඡති -පෙ- ‘අඤ්ඤං පසාරෙස්සාමී’ති අඤ්ඤං පසාරෙති,
අනු. පා: තෙන වත රෙ වත්තබ්බෙ: න යථාචිත්තස්ස කායකම්මන්ති.
න යථාචිත්තස්ස කායකම්මන්තිකථා නිට්ඨිතා.
9. 11.
අතීතානාගතෙහි සමන්නාගතකථා.
1. ස. පු: අතීතෙන සමන්නාගතො’ති.