ප. පටි: න හෙවං වත්තබ්බෙ -පෙ-
8. ස. පු: ඤාණං සඞ්ඛාරක්ඛන්ධපරියාපන්නං අනාරම්මණං, පඤ්ඤා සඞ්ඛාරක්ඛන්ධපරියාපන්නා සාරම්මණා’ති.
ප. පටිඤ්ඤා: ආමන්තා.
ස. අනු: සඞ්ඛාරක්ඛන්ධො එකදෙසො සාරම්මණො, එකදෙසො අනාරම්මණො’ති.
ප. පටි: න හෙවං වත්තබ්බෙ -පෙ-
9. ස. පු: සඞ්ඛාරක්ඛන්ධො එකදෙසො සාරම්මණො, එකදෙසො අනාරම්මණො’ති.
ප. පටිඤ්ඤා: ආමන්තා.
ස. අනු: වෙදනාක්ඛන්ධො සඤ්ඤාක්ඛන්ධො විඤ්ඤාණක්ඛන්ධො එකදෙසො සාරම්මණො, එකදෙසො අනාරම්මණො’ති.
ප. පටි: න හෙවං වත්තබ්බෙ -පෙ-
10. ප. පු: න වත්තබ්බං ඤාණං අනාරම්මණන්ති.
ප. පටිඤ්ඤා: ආමන්තා.
ප. අනු: අරහා චක්ඛුවිඤ්ඤාණසමඞ්ගී ඤාණීති වත්තබ්බො’ති.
ස. පටිඤ්ඤා: ආමන්තා.
ප. අනු: අත්ථී තස්ස ඤාණස්ස ආරම්මණන්ති.
ස. පටි: න හෙවං වත්තබ්බෙ -පෙ-
ප. ආ. තෙන හි ඤාණං අනාරම්මණන්ති.
11. ප. පු: අරහා චක්ඛුවිඤ්ඤාණසමඞ්ගී පඤ්ඤවා’ති වත්තබ්බො’ති.
ස. පටිඤ්ඤා: ආමන්තා.
ප. අනු: අත්ථී තාය පඤ්ඤාය ආරම්මණන්ති.
ස. පටි: න හෙවං වත්තබ්බෙ -පෙ-
පටි. ආ: තෙන හි පඤ්ඤා අනාරම්මණා’ති.
ඤාණ අනාරම්මණන්තිකථා නිට්ඨිතා.
9. 6.
අතීතානාගතාරම්මණකථා.{†}
1. ස. පු: අතීතාරම්මණං චිත්තං අනාරම්මණන්ති.
ප. පටිඤ්ඤා: ආමන්තා.
ස. අනු: නනු අතීතාරම්මණන්ති.
ප. පටිඤ්ඤා: ආමන්තා.
අනු. ඨ: හඤ්චි අතීතාරම්මණං,
අනු. පා: නො ච වත රෙ වත්තබ්බෙ: අතීතාරම්මණං චිත්තං අනාරම්මණන්ති.
අනු. ආ: අතීතාරම්මණං චිත්තං අනාරම්මණන්ති මිච්ඡා.
පටි. ඨ: හඤ්චි වා පන අනාරම්මණං,
පටි. පා: නො ව වත රෙ වත්තබ්බෙ: අතීතාරම්මණන්ති.
පටි. ආ: අනාරම්මණං චිත්තං අතීතාරම්මණන්ති මිච්ඡා.
2. ස. පු: අතීතාරම්මණං චිත්තං අනාරම්මණන්ති.
ප. පටිඤ්ඤා: ආමන්තා.
ස. අනු: නනු අතීතං ආරබ්භ අත්ථී ආවජ්ජනා -පෙ- පණිධී’ති.
ප. පටිඤ්ඤා: ආමන්තා.{*}
අනු. ඨ: හඤ්චි අතීතං ආරබ්භ අත්ථී ආවජ්ජනා -පෙ- පණිධි,
අනු. පා: නො ච වත රෙ වත්තබ්බෙ: අතීතාරම්මණං චිත්තං අනාරම්මණන්ති.
3. ස. පු: අනාගතාරම්මණං චිත්තං අනාරම්මණන්ති.
ප. පටිඤ්ඤා: ආමන්තා.
ස. අනු: නනු අනාගතාරම්මණන්ති.
ප. පටිඤ්ඤා: ආමන්තා.
අනු. ඨ: හඤ්චි අනාගතාරම්මණං,
අනු. පා: නො ච වත රෙ වත්තබ්බෙ: අනාගතාරම්මණං චිත්තං අනාරම්මණන්ති.
අනු. ආ: අනාගතාරම්මණං චිත්තං අනාරම්මණන්ති මිච්ඡා.
පටි. ඨ: හඤ්චි වා පන අනාරම්මණං;
පටි. පා: නො ව වත රෙ වත්තබ්බෙ: අනාගතාරම්මණන්ති.
පටි. ආ: අනාරම්මණං චිත්තං අනාගතාරම්මණන්ති මිච්ඡා.
4. ස. පු: අනාගතාරම්මණං චිත්තං අනාරම්මණන්ති.
ප. පටිඤ්ඤා: ආමන්තා.
ස. අනු: නනු අනාගතං ආරබ්භ අත්ථී ආවජ්ජනා -පෙ- පණිධී’ති.
ප. පටිඤ්ඤා: ආමන්තා.
අනු. ඨ: හඤ්චි අනාගතං ආරබ්භ අත්ථී ආවජ්ජනා -පෙ- පණිධි,
අනු. පා: නො ච වත රෙ වත්තබ්බෙ: අනාගතාරම්මණං චිත්තං අනාරම්මණන්ති.
5. ස. පු: පච්චුප්පන්නං ආරබ්භ අත්ථී ආවජ්ජනා -පෙ- පණිධි, පච්චුප්පන්නාරම්මණං චිත්තං සාරම්මණන්ති.
ප. පටිඤ්ඤා: ආමන්තා.
ස. අනු: අතීතං ආරබ්භ අත්ථී ආවජ්ජනා -පෙ- පණිධි අතීතාරම්මණං චිත්තං සාරම්මණන්ති.
ප. පටි: න හෙවං වත්තබ්බෙ -පෙ-
6. ස. පු: පච්චුප්පන්නං ආරබ්භ අත්ථී ආවජ්ජනා -පෙ- පණිධි, පච්චුප්පන්නාරම්මණං චිත්තං සාරම්මණන්ති.
ප. පටිඤ්ඤා: ආමන්තා.
ස. අනු: අනාගතං ආරබ්භ අත්ථී ආවජ්ජනා -පෙ- පණිධි අනාගතාරම්මණං චිත්තං සාරම්මණන්ති.
ප. පටි: න හෙවං වත්තබ්බෙ -පෙ-
7. ස. පු: අතීතං ආරබ්භ අත්ථී ආවජ්ජනා -පෙ- පණිධි, අතීතාරම්මණං චිත්තං අනාරම්මණන්ති.
ප. පටිඤ්ඤා: ආමන්තා.
ස. අනු: පච්චුප්පන්නං ආරබ්භ අත්ථී ආවජ්ජනා -පෙ- පණිධි, පච්චුප්පන්නාරම්මණං චිත්තං අනාරම්මණන්ති.
ප. පටි: න හෙවං වත්තබ්බෙ -පෙ-
8. ස. පු: අනාගතං ආරබ්භ අත්ථී ආවජ්ජනා -පෙ- පණිධි, අනාගතාරම්මණං චිත්තං අනාරම්මණන්ති.
ප. පටිඤ්ඤා: ආමන්තා.
ස. අනු: පච්චුප්පන්නං ආරබ්භ අත්ථී ආවජ්ජනා -පෙ- පණිධි, පච්චුප්පන්නාරම්මණං චිත්තං අනාරම්මණන්ති.
ප. පටි: න හෙවං වත්තබ්බෙ -පෙ-
9. ප. පු: න වත්තබ්බං අතීතානාගතාරම්මණං චිත්තං අනාරම්මණන්ති.
ස. පටිඤ්ඤා: ආමන්තා.
ප. අනු: නනු අතීතානාගතං නත්ථී’ති.
ස. පටිඤ්ඤා: ආමන්තා.
අනු. ඨ: හඤ්චි අතීතානාගතං නත්ථී,
අනු. පා: තෙන වත{2} රෙ වත්තබ්බෙ: අතීතානාගතාරම්මණං චිත්තං අනාරම්මණන්ති.
අතීතානාගතාරම්මණකථා නිට්ඨිතා.
9. 7.
විතක්කානුපතිතකථා.
1. ස. පු: සබ්බං චිත්තං විතක්කානුපතිතන්ති.
ප. පටිඤ්ඤා: ආමන්තා.
ස. අනු: සබ්බං චිත්තං විචාරානුපතිතං පීතානුපතිතං සුඛානුපතිතං දුක්ඛානුපතිතං සොමනස්සානුපතිතං දොමනස්සානුපතිතං උපෙක්ඛානුපතිතං සද්ධානුපතිතං විරියානුපතිතං{1} සතානුපතිතං සමාධානුපතිතං පඤ්ඤානුපතිතං රාගානුපතිතං දොසානුපතිතං -පෙ- අනොත්තප්පානුපතිතන්ති.
ප. පටි: න හෙවං වත්තබ්බෙ -පෙ-
2. ස. පු: සබ්බං චිත්තං විතක්කානුපතිතන්ති.
ප. පටිඤ්ඤා: ආමන්තා.
ස. අනු: නනු අත්ථී අවිතක්කො විචාරමත්තො සමාධී’ති.
ප. පටිඤ්ඤා: ආමන්තා.
අනු. ඨ: හඤ්චි අත්ථී අවිතක්කො විචාරමත්තො සමාධි,
අනු. පා: නො ච වත රෙ වත්තබ්බෙ: සබ්බං චිත්තං විතක්කානුපතිතන්ති.
3. ස. පු: සබ්බං චිත්තං විතක්කානුපතිතන්ති.
ප. පටිඤ්ඤා: ආමන්තා.
ස. අනු: නනු අත්ථී අවිතක්කො අවිචාරො සමාධී’ති.
ප. පටිඤ්ඤා: ආමන්තා.
අනු. ඨ: හඤ්චි අත්ථී අවිතක්කො අවිචාරො සමාධි,
අනු. පා: නො ච වත රෙ වත්තබ්බෙ: සබ්බං චිත්තං විතක්කානුපතිතන්ති.
4. ස. පු: සබ්බං චිත්තං විතක්කානුපතිතන්ති.
ප. පටිඤ්ඤා: ආමන්තා.
ස. අනු: නනු තයො සමාධී වුත්තා භගවතා: “සවිතක්කො සවිචාරො සමාධි, අවිතක්කො විචාරමත්තො සමාධි, අවිතක්කො අවිචාරො සමාධී”ති.