අනු. පා: නො ච වත රෙ වත්තබ්බෙ: අමතං ආරබ්භ මොහො උප්පජ්ජතී”ති.
5. ස. පු: රූපං ආරබ්භ සඤ්ඤොජනා උප්පජ්ජන්ති. රූපං සඤ්ඤොජනියං ගන්ථනීයං -පෙ- සංකිලෙසියන්ති.
ප. පටිඤ්ඤා: ආමන්තා.
ස. අනු: අමතං ආරබ්භ සඤ්ඤොජනා උප්පජ්ජන්ති. අමතං සඤ්ඤොජනියං -පෙ- සංකිලෙසියන්ති.
ප. පටි: න හෙවං වත්තබ්බෙ -පෙ-
6. ස. පු: රූපං ආරබ්භ රාගො උප්පජ්ජති. රූපං රාගට්ඨානියං රජනීයං කමනීයං මදනීයං බන්ධනීයං මුච්ඡනීයන්ති.
ප. පටිඤ්ඤා: ආමන්තා.
ස. අනු: අමතං ආරබ්භ රාගො උප්පජ්ජති. අමතං රාගට්ඨානියං -පෙ- මුච්ඡනීයන්ති.
ප. පටි: න හෙවං වත්තබ්බෙ -පෙ-
7. ස. පු: රූපං ආරබ්භ දොසො උප්පජ්ජති. රූපං දොසට්ඨානියං කොපට්ඨානියං පටිඝට්ඨානියන්ති.
ප. පටිඤ්ඤා: ආමන්තා.
ස. අනු: අමතං ආරබ්භ දොසො උප්පජ්ජති. අමතං දොසට්ඨානියං කොපට්ඨානියං පටිඝට්ඨානියන්ති.
ප. පටි: න හෙවං වත්තබ්බෙ -පෙ-
8. ස. පු: රූපං ආරබ්භ මොහො උප්පජ්ජති. රූපං මොහට්ඨානියං අඤ්ඤාණකරණං -පෙ- අනිබ්බානසංවත්තනියන්ති.
ප. පටිඤ්ඤා: ආමන්තා.
ස. අනු: අමතං ආරබ්භ මොහො උප්පජ්ජති. අමතං මොහට්ඨානියං අඤ්ඤාණකරණං -පෙ- අනිබ්බානසංවත්තනියන්ති.
ප. පටි: න හෙවං වත්තබ්බෙ -පෙ-
9. ස. පු: අමතං ආරබ්භ සඤ්ඤොජනා උප්පජ්ජන්ති, අමතං අසඤ්ඤොජනියං{1} අගන්ථනීයං අනොඝනීයං{2} අයොගනීයං{3} අනීවරණියං අපරාමට්ඨං අනුපාදානියං අසංකිලෙසියන්ති.
ප. පටිඤ්ඤා: ආමන්තා.
ස. අනු: රූපං ආරබ්භ සඤ්ඤොජනා උප්පජ්ජන්ති. රූපං අසඤ්ඤොජනියං අගන්ථනීයං{1} -පෙ- අසංකිලෙසියන්ති.
ප. පටි: න හෙවං වත්තබ්බෙ -පෙ-
10. ස. පු: අමතං ආරබ්භ රාගො උප්පජ්ජති. අමතං න රාගට්ඨනියං න රජනීයං න කමනීයං න මදනීයං න බන්ධනීයං න මුච්ඡනීයන්ති{1}.
ප. පටිඤ්ඤා: ආමන්තා.
ස. අනු: රූපං ආරබ්භ රාගො උප්පජ්ජති. රූපං න රාගට්ඨනියං -පෙ- න මුච්ඡනීයන්ති.
ප. පටි: න හෙවං වත්තබ්බෙ -පෙ-
11. ස. පු: අමතං ආරබ්භ දොසො උප්පජ්ජති. අමතං න දොසට්ඨානියං න කොපට්ඨානියං න පටිඝට්ඨානියන්ති.
ප. පටිඤ්ඤා: ආමන්තා.
ස. අනු: රූපං ආරබ්භ දොසො උප්පජ්ජති. රූපං න දොසට්ඨානියං න කොපට්ඨානියං න පටිඝට්ඨානියන්ති.
ප. පටි: න හෙවං වත්තබ්බෙ -පෙ-
12. ස. පු: අමතං ආරබ්භ මොහො උප්පජ්ජති. අමතං න මොහට්ඨානියං න අඤ්ඤාණකරණං -පෙ- න නිබ්බානසංවත්තනියන්ති.
ප. පටිඤ්ඤා: ආමන්තා.
ස. අනු: රූපං ආරබ්භ මොහො උප්පජ්ජති. රූපං න මොහට්ඨානියං න අඤ්ඤාණකරණං -පෙ- න නිබ්බානසංවත්තනියන්ති.
ප. පටි: න හෙවං වත්තබ්බෙ -පෙ-
13. ප. පු: න වත්තබ්බං: අමතාරම්මණං සඤ්ඤොජනන්ති.
ස. පටිඤ්ඤා: ආමන්තා.
ප. අනු: නනු වුත්තං භගවතා: “නිබ්බානං නිබ්බානතො සඤ්ජානාති. නිබ්බානං නිබ්බානතො සඤ්ජානිත්වා නිබ්බානං මඤ්ඤති, නිබ්බානස්මිං මඤ්ඤති, නිබ්බානතො මඤ්ඤති, නිබ්බානං මෙ’ති මඤ්ඤති, නිබ්බානං අභිනන්දති’ති{a} අත්ථෙ’ව සුත්තන්තො’ති.
ප. පටිඤ්ඤා: ආමන්තා.
ප. ආ: තෙන හි “අමතාරම්මණං සඤ්ඤොජන”න්ති.
අමතාරම්මණකථා නිට්ඨිතා.
9. 3.
රූපං සාරම්මණන්ති කථා.
1. ස. පු: රූපං සාරම්මණන්ති.
ප. පටිඤ්ඤා: ආමන්තා.
ස. අනු: අත්ථී තස්ස ආවජ්ජනා1 ආභොගො සමන්නාහාරො මනසිකාරො චෙතනා පත්ථනා පණිධී’ති.
ප. පටි: න හෙවං වත්තබ්බෙ -පෙ-
ස. අනු: නනු නත්ථි තස්ස ආවජ්ජනා{1} ආභොගො -පෙ- පණිධී’ති.
ප. පටිඤ්ඤා: ආමන්තා.
අනු. ඨ: හඤ්චි නත්ථී තස්ස ආවජ්ජනා{1} ආභොගො -පෙ- පණිධි,
අනු. පා: නො ච වත රෙ වත්තබ්බෙ: රූපං සාරම්මණන්ති.
2. ස. පු: ඵස්සො සාරම්මණො, අත්ථී තස්ස ආවජ්ජනා{1} ආභොගො -පෙ- පණිධී’ති.
ප. පටිඤ්ඤා: ආමන්තා.
ස. අනු: රූපං සාරම්මණං, අත්ථී තස්ස ආවජ්ජනා{1} ආභොගො -පෙ- පණිධී’ති.
ප. පටි: න හෙවං වත්තබ්බෙ -පෙ-
3. ස. පු: වෙදනා -පෙ- සඤ්ඤා -පෙ- චෙතනා -පෙ- චිත්තං -පෙ- සද්ධා -පෙ- විරියං -පෙ- සති -පෙ- සමාධි -පෙ- පඤ්ඤා -පෙ- රාගො -පෙ- දොසො -පෙ- මොහො -පෙ- මානො -පෙ- දිට්ඨි -පෙ- විචිකිච්ඡා -පෙ- ථිනං -පෙ- උද්ධච්චං -පෙ- අහිරිකං -පෙ- අනොත්තප්පං සාරම්මණං, අත්ථී තස්ස ආවජ්ජනා{1} ආභොගො -පෙ- පණිධී’ති.
ප. පටිඤ්ඤා: ආමන්තා.
ස. අනු: රූපං සාරම්මණං, අත්ථී තස්ස ආවජ්ජනා{1} ආභොගො -පෙ- පණිධී’ති.
ප. පටි: න හෙවං වත්තබ්බෙ -පෙ-
4. ස. පු: රූපං සාරම්මණං, නත්ථී තස්ස ආවජ්ජනා ආභොගො -පෙ- පණිධී’ති.
ප. පටිඤ්ඤා: ආමන්තා.
ස. අනු: ඵස්සො සාරම්මණො, නත්ථී තස්ස ආවජ්ජනා ආභොගො -පෙ- පණිධී’ති.
ප. පටි: න හෙවං වත්තබ්බෙ -පෙ-
5. ස. පු: රූපං සාරම්මණං, නත්ථී තස්ස ආවජ්ජනා ආභොගො -පෙ- පණිධී’ති.
ප. පටිඤ්ඤා: ආමන්තා.
ස. අනු: වෙදනං -පෙ- සඤ්ඤා -පෙ- අනොත්තප්පං සාරම්මණං, නත්ථී තස්ස ආවජ්ජනා ආභොගො -පෙ- පණිධී’ති.
ප. පටි: න හෙවං වත්තබ්බෙ -පෙ-
6. ප. පු: න වත්තබ්බං රූපං සාරම්මණන්ති.
ස. පටිඤ්ඤා: ආමන්තා.
ප. අනු: නනු රූපං සප්පච්චයන්ති.
ස. පටිඤ්ඤා: ආමන්තා.
අනු. ඨ: හඤ්චි රූපං සප්පච්චයං,
අනු. පා: තෙන වත රෙ වත්තබ්බෙ: රූපං සාරම්මණන්ති.
රූපං සාරම්මණන්තිකථා නිට්ඨිතා.
9. 4.
අනුසයා අනාරම්මණා’ති කථා.
1. ස. පු: අනුසයා අනාරම්මණා’ති.
ප. පටිඤ්ඤා: ආමන්තා.
ස. අනු: රූපං නිබ්බානං චක්ඛායතනං -පෙ- ඵොට්ඨබ්බායතනන්ති.
ප. පටි: න හෙවං වත්තබ්බෙ -පෙ-
2. ස. පු: කාමරාගානුසයො අනාරම්මණො’ති.
ප. පටිඤ්ඤා: ආමන්තා.
ස. අනු: කාමරාගො කාමරාගපරියුට්ඨානං කාමරාගසඤ්ඤොජනං කාමොඝො කාමයොගො කාමච්ඡන්දනීවරණං අනාරම්මණන්ති.
ප. පටි: න හෙවං වත්තබ්බෙ -පෙ-
3. ස. පු: කාමරාගො කාමරාගපරියුට්ඨානං කාමරාග සඤ්ඤොජනං කාමොඝො කාමයොගො කාමච්ඡන්දනීවරණං සාරම්මණන්ති.
ප. පටිඤ්ඤා: ආමන්තා.
ස. අනු: කාමාරාගානුසයො සාරම්මණොති.
ප. පටි: න හෙවං වත්තබ්බෙ -පෙ-
4. ස. පු: කාමරාගානුසයො අනාරම්මණො’ති.
ප. පටිඤ්ඤා: ආමන්තා.
ස. පු: කතමක්ඛන්ධපරියාපන්නො’ති.
ප. වි: සඞ්ඛාරක්ඛන්ධපරියාපන්නො’ති.
ස. අනු: සඞ්ඛාරක්ඛන්ධො අනාරම්මණො’ති.
ප. පටි: න හෙවං වත්තබ්බෙ -පෙ-
5. ස. පු: සඞ්ඛාරක්ඛන්ධො අනාරම්මණො’ති.
ප. පටිඤ්ඤා: ආමන්තා.
ස. අනු: වෙදනාක්ඛන්ධො සඤ්ඤාක්ඛන්ධො විඤ්ඤාණක්ඛන්ධො අනාරම්මණො’ති.
ප. පටි: න හෙවං වත්තබ්බෙ -පෙ-
6. ස. පු: කාමරාගානුසයො සඞ්ඛාරක්ඛන්ධපරියාපන්නො අනාරම්මණො’ති
ප. පටිඤ්ඤා: ආමන්තා.
ස. අනු: කාමරාගො සඞ්ඛාරක්ඛන්ධපරියාපන්නො අනාරම්මණො’ති.
ප. පටි: න හෙවං වත්තබ්බෙ -පෙ-