ස. පටිඤ්ඤා: ආමන්තා
ප. අනු: ද්වීහි ජීවිතෙහි ජීවති, ද්වීහි මරණෙහි මීයතී’ති.
ස. පටිඤ්ඤා: ආමන්තා{1}
ජීවිතින්ද්රියකථා නිට්ඨිතා.
8. 11.
කම්මහෙතුකථා.
1. ස. පු: කම්මහෙතු අරහා අරහත්තා පරිහායතී’ති.
ප. පටිඤ්ඤා: ආමන්තා.
ස. අනු: කම්මහෙතු සොතාපන්නො සොතාපත්තිඵලා පරිහායතී’ති.
ප. පටි: න හෙවං වත්තබ්බෙ -පෙ-
2. ස. පු: කම්මහෙතු අරහා අරහත්තා පරිහායතී’ති.
ප. පටිඤ්ඤා: ආමන්තා.
ස. අනු: කම්මහෙතු සකදාගාමී -පෙ- අනාගාමී අනාගාමිඵලා පරිහායතී’ති.
ප. පටි: න හෙවං වත්තබ්බෙ -පෙ-
3. ස. පු: කම්මහෙතු සොතාපන්නො සොතාපත්තිඵලා න පරිහායතී’ති.
ප. පටිඤ්ඤා: ආමන්තා.
ස. අනු: කම්මහෙතු අරහා අරහත්තා න පරිහායතී’ති.
ප. පටි: න හෙවං වත්තබ්බෙ -පෙ-
4. ස. පු: කම්මහෙතු සකදාගාමී -පෙ- අනාගාමී අනාගාමිඵලා න පරිහායතී’ති.
ප. පටිඤ්ඤා: ආමන්තා.
ස. අනු: කම්මහෙතු අරහා අරහත්තා න පරිහායතී’ති.
ප. පටි: න හෙවං වත්තබ්බෙ -පෙ-
5. ස. පු: කම්මහෙතු අරහා අරහත්තා පරිහායතී’ති.
ප. පටිඤ්ඤා: ආමන්තා.
ස. අනු: පාණාතිපාතකම්මස්ස හෙතූ’ති.
ප. පටි: න හෙවං වත්තබ්බෙ -පෙ-
ස. අනු: අදින්නාදානකම්මස්ස හෙතු -පෙ- කාමෙසුමිච්ඡාචාරකම්මස්ස හෙතු -පෙ- මුසාවාදකම්මස්ස හෙතු -පෙ- පිසුනාවාචාකම්මස්ස හෙතු -පෙ- ඵරුසාවාචාකම්මස්ස හෙතු -පෙ- සම්ඵප්පලාපකම්මස්ස හෙතු -පෙ- මාතුඝාතකම්මස්ස{1} හෙතු -පෙ- පිතුඝාතකම්මස්ස{2} හෙතු -පෙ- අරහන්තඝාතකම්මස්ස{3} හෙතු -පෙ- රුහිරුප්පාදකම්මස්ස හෙතු -පෙ- සඞ්ඝභෙදකම්මස්ස හෙතූති.
ප. පටි: න හෙවං වත්තබ්බෙ -පෙ-
ස. අනු: කතමස්ස කම්මස්ස හෙතූති.
ප. වි: හන්ද භි අරහන්තානං අබ්භාචික්ඛතීති.
6. ස. පු: අරහන්තානං අබ්භාචික්ඛිතකම්මස්ස හෙතු අරහා අරහත්තා පරිහායතීති.
ප. පටිඤ්ඤා: ආමන්තා.
ස. අනු: යෙ කෙචි අරහන්තානං අබ්භාචික්ඛන්ති, සබ්බෙ තෙ අරහත්තං සච්ඡිකරොන්තීති.
ප. පටි: න හෙවං වත්තබ්බෙ -පෙ-
කම්මහෙතුකථා නිට්ඨිතා.
අට්ඨමො වග්ගො නිට්ඨිතො.
තස්සුද්දානං:
ඡගතියො, අන්තරාභවො, පඤ්චෙව කාමගුණා කාමධාතු, පඤ්චෙව ආයතනා කාමා, රූපිනො ධම්මා රූපධාතු, අරූපිනො ධම්මා අරූපධාතු, සළායතනිකො අත්තභාවො රූපධාතුයා. අත්ථීරූපං අරූපෙසු, රූපං කම්මං, රූපං ජීවිතං, කම්මහෙතු පරිහායතී’ති.
නවමො වග්ගො.
9. 1.
ආනිසංසකථා.
1. ස. පු: ආනිසංසදස්සාවිස්ස සඤ්ඤොජනානං පහානන්ති.
ප. පටිඤ්ඤා: ආමන්තා.
ස. අනු: නනු සඞ්ඛාරෙ අනිච්චතො මනසිකරොතො සඤ්ඤොජනා පහීයන්තීති.
ප. පටිඤ්ඤා: ආමන්තා.
ස. ඨ: හඤ්චි සඞ්ඛාරෙ අනිච්චතො මනසිකරොතො සඤ්ඤොජනා පහීයන්ති,
ස. පා: නො ච වත රෙ වත්තබ්බෙ: ආනිසංසදස්සාවිස්ස සඤ්ඤොජනානං පහානන්ති.
2. ස. පු: නනු සඞ්ඛාරෙ දුක්ඛතො -පෙ- රොගතො -පෙ- ගණ්ඩතො -පෙ- සල්ලතො -පෙ- අඝතො -පෙ- ආබාධතො -පෙ- පරතො -පෙ- පලොකතො -පෙ- ඊතිතො -පෙ- උපද්දවතො -පෙ- භයතො -පෙ- උපසග්ගතො -පෙ- චලතො -පෙ- පභඞ්ගුතො -පෙ- අද්ධුවතො{1} -පෙ- අතාණතො -පෙ- අලෙණතො -පෙ- අසරණතො -පෙ- අසරණීභූතතො -පෙ- රිත්තතො{2} -පෙ- තුච්ඡතො -පෙ- සුඤ්ඤතො -පෙ- අනත්තතො -පෙ- ආදීනවතො -පෙ- විපරිණාමධම්මතො මනසිකරොතො සඤ්ඤොජනා පහීයන්තීති.
ප. පටිඤ්ඤා: ආමන්තා.
ස. ඨ: හඤ්චි සඞ්ඛාරෙ විපරිණාමධම්මතො මනසිකරොතො සඤ්ඤොජනා පහීයන්ති.
ස. පා: නො ච වත රෙ වත්තබ්බෙ: ආනිසංසදස්සාවිස්ස සඤ්ඤොජනානං පහානන්ති.
3. ස. පු: සඞ්ඛාරෙ ච අනිච්චතො මනසිකරොති, නිබ්බානෙ ච ආනිසංසදස්සාවී හොතීති.
ප. පටිඤ්ඤා: ආමන්තා.
ස. අනු: ද්වින්නං ඵස්සානං -පෙ- ද්වින්නං චිත්තානං සමොධානං හොතී’ති.
ප. පටි: න හෙවං වත්තබ්බෙ -පෙ-
ස. අනු: සඞ්ඛාරෙ ච දුක්ඛතො -පෙ- රොගතො -පෙ- විපරිණාමධම්මතො මනසිකරොතී, නිබ්බානෙ ච ආනිසංසදස්සාවී හොතී’ති.
ප. පටි: න හෙවං වත්තබ්බෙ -පෙ-
4. ස. පු: සඞ්ඛාරෙ ච විපරිණාමධම්මතො මනසිකරොති, නිබ්බානෙ ච ආනිසංසදස්සාවී හොතී’ති.
ප. පටිඤ්ඤා: ආමන්තා.
ස. අනු: ද්වින්නං ඵස්සානං -පෙ- ද්වින්නං චිත්තානං සමොධානං හොතී’ති.
ප. පටි: න හෙවං වත්තබ්බෙ -පෙ-
5. ප. පු: න වත්තබ්බං: ආනිසංසදස්සාවිස්ස සඤ්ඤොජනානං පහානන්ති.
ස. පටිඤ්ඤා: ආමන්තා.
ප. අනු: නනු වුත්තං භගවතා: “ඉධ භික්ඛවෙ, භික්ඛු නිබ්බානෙ සුඛානුපස්සී විහරති සුඛසඤ්ඤී සුඛපටිසංවෙදී සත්තං සමිතං අබ්බොකිණ්ණං චෙතසා අධිමුච්චමානො පඤ්ඤාය පරියොගාහමානො”ති{a} අත්ථෙව සුත්තන්තොති.
ස. පටිඤ්ඤා: ආමන්තා.
පටි. ආ: තෙන හි ආනිසංසදස්සාවිස්ස සඤ්ඤොජනානං පහානන්ති.
ආනිසංසකථා නිට්ඨිතා.
9. 2.
අමතාරම්මණකථා.
1. ස. පු: අමතාරම්මණං සඤ්ඤොජනන්ති.
ප. පටිඤ්ඤා: ආමන්තා.
ස. අනු: අමතං සඤ්ඤොජනියං{1} ගන්ථනීයං{2} ඔඝනීයං{3} යොගනීයං{4} නීවරණියං පරාමට්ඨං උපාදානියං සංකිලෙසියන්ති.
ප. පටි: න හෙවං වත්තබ්බෙ -පෙ-
ස. අනු: නනු අමතං අසඤ්ඤොජනියං{5} අගන්ථනීයං{6} -පෙ- අසංකිලෙසියන්ති.
ප. පටිඤ්ඤා: ආමන්තා.
අනු. ඨ: හඤ්චි අමතං අසඤ්ඤොජනියං -පෙ- අසංකිලෙසියං,
අනු. පා: නො ච වත රෙ වත්තබ්බෙ: අමතාරම්මණං සඤ්ඤොජනන්ති.
2. ස. පු: අමතං ආරබ්භ රාගො උප්පජ්ජතී’ති.
ප. පටිඤ්ඤා: ආමන්තා.
ස. අනු අමතං රාගට්ඨානියං{7} රජනීයං කමනීයං මදනීයං බන්ධනීයං මුච්ඡනීයන්ති.{8}
ප. පටි: න හෙවං වත්තබ්බෙ -පෙ-
ස. අනු: නනු අමතං න රාගට්ඨානියං න රජනීයං න කමනීයං න මදනීයං න බන්ධනීයං න මුච්ඡනීයන්ති.
ප. පටිඤ්ඤා: ආමන්තා.
අනු. ඨ: හඤ්චි අමතං න රාගට්ඨානියං න රජනීයං න කමනීයං න මදනීයං න බන්ධනීයං න මුච්ඡනීයං,
අනු. පා: නො ච වත රෙ වත්තබ්බෙ: “අමතං ආරබ්භ රාගො උප්පජ්ජතී”ති.
3. ස. පු: අමතං ආරබ්භ දොසො උප්පජ්ජතී’ති.
ප. පටිඤ්ඤා: ආමන්තා.
ස. අනු: අමතං දොසට්ඨානියං කොපට්ඨානියං පටිඝට්ඨානියන්ති.
ප. පටි: න හෙවං වත්තබ්බෙ -පෙ-
ස. අනු: නනු අමතං න දොසට්ඨානියං න කොපට්ඨානියං න පටිඝට්ඨානියන්ති.
ප. පටිඤ්ඤා: ආමන්තා.
අනු. ඨ: හඤ්චි අමතං න දොසට්ඨානියං න කොපට්ඨානියං න පටිඝට්ඨානියං,
අනු. පා නො ච වත රෙ වත්තබ්බෙ: අමතං ආරබ්භ දොසො උප්පජ්ජතී’ති
4. ස. පු: අමතං ආරබ්භ මොහො උප්පජ්ජතී’ති.
ප. පටිඤ්ඤා: ආමන්තා.
ස. අනු: අමතං මොහට්ඨානියං අඤ්ඤාණකරණං අචක්ඛුකරණං පඤ්ඤානිරොධියං විඝාතපක්ඛියං අනිබ්බානසංවත්තනියන්ති.
ප. පටි: න හෙවං වත්තබ්බෙ -පෙ-
ස. අනු: නනු අමතං න මොහට්ඨානියං න අඤ්ඤාණකරණං න අචක්ඛුකරණං පඤ්ඤාවුද්ධියං අවිඝාතපක්ඛියං නිබ්බානසංවත්තනියන්ති.
ප. පටිඤ්ඤා: ආමන්තා.
අනු. ඨ: හඤ්චි අමතං න මොහට්ඨානියං න අඤ්ඤාණකරණං -පෙ- නිබ්බානසංවත්තනියං,