ප. පටිඤ්ඤා: ආමන්තා.
ස. අනු: නනු වුත්තං භගවතා: “සචායං ආනන්ද සමිද්ධි මොඝපුරිසො පාටලිපුත්තස්ස{1} පරිබ්බාජකස්ස එවං පුට්ඨො එවං බ්යාකරෙය්ය: සඤ්චෙතනියං ආවුසො පාටලිපුත්ත{1} කම්මං කත්වා කායෙන වාචාය මනසා සුඛවෙදනියං, සුඛං සො වෙදයති. සඤ්චෙතනියං ආවුසො පාටලිපුත්ත, කම්මං කත්වා කායෙන වාචාය මනසා දුක්ඛවෙදනියං, දුක්ඛං සො වෙදයති. සඤ්චෙතනියං ආවුසො පාටලිපුත්ත, කම්මං කත්වා කායෙන වාචාය මනසා අදුක්ඛමසුඛං වෙදනියං, අදුක්ඛමසුඛං සො වෙදයතී’ති. එවං බ්යාකරමානො ඛො ආනන්ද, සමිද්ධිමොඝපුරිසො පාටලිපුත්තස්ස පරිබ්බාජකස්ස සම්මාබ්යාකරමානො බ්යාකරෙය්යා”ති{a} අත්ථෙ’ව සුත්තන්තො’ති.
ප. පටිඤ්ඤා: ආමන්තා.
පටි. ආ: තෙන හි න වත්තබ්බං: රූපං කම්මන්ති.
රූපං කම්මන්තිකථා නිට්ඨිතා.
8. 10.
ජීවිතින්ද්රියකථා
1. ස. පු: නත්ථී රූපං ජීවිතින්ද්රියන්ති.
ප. පටිඤ්ඤා: ආමන්තා.
ස. අනු: නත්ථී රූපීනං ධම්මානං ආයු ඨිති යපනා යාපනා ඉරියනා වත්තනා පාලනාති.
ප. පටි: න හෙවං වත්තබ්බෙ -පෙ-
2. ස. පු: අත්ථී රූපීනං ධම්මානං ආයු ඨිති යපනා යාපනා ඉරියනා වත්තනා පාලනා’ති.
ප. පටිඤ්ඤා: ආමන්තා.
අනු. ඨ: හඤ්චි අත්ථී රූපීනං ධම්මානං ආයු ඨිති යපනා යාපනා ඉරියනා වත්තනා පාලනා,
අනු. පා: නො ච වත රෙ වත්තබ්බෙ ‘නත්ථී රූපං ජීවිතින්ද්රියන්ති.{1}
3. ස. පු: අත්ථී අරූපීනං ධම්මානං ආයු ඨිති යපනා යාපනා ඉරියනා වත්තනා පාලනා, අත්ථී අරූපජීවිතින්ද්රියන්ති.
ප. පටිඤ්ඤා: ආමන්තා.
ස. අනු: අත්ථී රූපීනං ධම්මානං ආයු ඨිති යපනා යාපනා ඉරියනා වත්තනා පාලනා, අත්ථී රූපජීවිතින්ද්රියන්ති.
ප. පටි: න හෙවං වත්තබ්බෙ -පෙ-
4. ස. පු: අත්ථී රූපීනං ධම්මානං ආයු ඨිති යපනා යාපනා ඉරියනා වත්තනා පාලනා, නත්ථී රූපජීවිතින්ද්රියන්ති.
ප. පටිඤ්ඤා: ආමන්තා.
ස. අනු: අත්ථී අරූපීනං ධම්මානං ආයු ඨිති යපනා යාපනා ඉරියනා වත්තනා පාලනා, නත්ථී අරූපජීවිතින්ද්රියන්ති.
ප. පටි: න හෙවං වත්තබ්බෙ -පෙ-
5. ස. පු: අරූපීනං ධම්මානං ආයු අරූපජීවිතින්ද්රියන්ති.
ප. පටිඤ්ඤා: ආමන්තා.
ස. අනු: රූපීනං ධම්මානං ආයු රූපජීවිතින්ද්රියන්ති.
ප. පටි: න හෙවං වත්තබ්බෙ -පෙ-
6. ස. පු: රූපීනං ධම්මානං ආයු න වත්තබ්බං රූපජීවිතින්ද්රියන්ති.
ප. පටිඤ්ඤා: ආමන්තා.
ස. අනු: අරූපීනං ධම්මානං ආයු න වත්තබ්බං අරූපජීවිතින්ද්රියන්ති.
ප. පටි: න හෙවං වත්තබ්බෙ -පෙ-
7. ස. පු: රූපීනං ධම්මානං ආයු අරූපජීවිතින්ද්රියන්ති.
ප. පටිඤ්ඤා: ආමන්තා.
ස. අනු: අරූපීනං ධම්මානං ආයු අරූපජීවිතින්ද්රියන්ති.
ප. පටි: න හෙවං වත්තබ්බෙ -පෙ-
8. ස. පු: අරූපීනං ධම්මානං ආයු න වත්තබ්බං රූපජීවිතින්ද්රියන්ති.
ප. පටිඤ්ඤා: ආමන්තා.
ස. අනු: රූපීනං ධම්මානං ආයු න වත්තබ්බං අරූපජීවිතින්ද්රියන්ති.
ප. පටි: න හෙවං වත්තබ්බෙ -පෙ-
9. ස. පු: රූපීනඤ්ච අරූපීනඤ්ච ධම්මානං ආයු අරූපජීවිතින්ද්රියන්ති.
ප. පටිඤ්ඤා: ආමන්තා.
ස. අනු: රූපීනඤ්ච අරූපීනඤ්ච ධම්මානං ආයු රූපජීවිතින්ද්රියන්ති.
ප. පටි: න හෙවං වත්තබ්බෙ -පෙ-
10. ස. පු: රූපීනඤ්ච අරූපීනඤ්ච ධම්මානං ආයු න වත්තබ්බං රූපජීවිතින්ද්රියන්ති.
ප. පටිඤ්ඤා: ආමන්තා.
ස. අනු: රූපීනඤ්ච අරූපීනඤ්ච ධම්මානං ආයු න වත්තබ්බං අරූපජීවිතින්ද්රියන්ති.
ප. පටි: න හෙවං වත්තබ්බෙ -පෙ-
11. ස. පු: නත්ථී රූපජීවිතින්ද්රියන්ති.
ප. පටිඤ්ඤා: ආමන්තා.
ස. අනු: නිරොධං සමාපන්නස්ස නත්ථී ජීවිතින්ද්රියන්ති.
ප. පටි: න හෙවං වත්තබ්බෙ -පෙ-
12. ස. පු: නිරොධං සමාපන්නස්ස අත්ථී ජීවිතින්ද්රියන්ති.
ප. පටිඤ්ඤා: ආමන්තා.
අනු. ඨ: හඤ්චි නිරොධං සමාපන්නස්ස අත්ථී ජීවිතින්ද්රියන්ති.
අනු. පා: නො ච වත රෙ වත්තබ්බෙ: නත්ථී රූපජීවිතින්ද්රියන්ති.
13. ස. පු: නිරොධං සමාපන්නස්ස අත්ථී ජීවිතින්ද්රියන්ති.
ප. පටිඤ්ඤා: ආමන්තා.
ස. පු: කතමක්ඛන්ධපරියාපන්නන්ති.
ප. වි: සඞ්ඛාරක්ඛන්ධපරියාපන්නන්ති.
ස. අනු: නිරොධං සමාපන්නස්ස අත්ථී සඞ්ඛාරක්ඛන්ධො’ති.
ප. පටි: න හෙවං වත්තබ්බෙ -පෙ-
14. ස. පු: නිරොධං සමාපන්නස්ස අත්ථී සඞ්ඛාරක්ඛන්ධො’ති.
ප. පටිඤ්ඤා: ආමන්තා.
ස. අනු: නිරොධං සමාපන්නස්ස අත්ථී වෙදනාක්ඛන්ධො -පෙ- සඤ්ඤාක්ඛන්ධො -පෙ- විඤ්ඤාණක්ඛන්ධො’ති.
ප. පටි: න හෙවං වත්තබ්බෙ -පෙ-
15. ස. පු: නිරොධං සමාපන්නස්ස අත්ථී වෙදනාක්ඛන්ධො -පෙ- සඤ්ඤාක්ඛන්ධා -පෙ- විඤ්ඤාණක්ඛන්ධො’ති.
ප. පටිඤ්ඤා: ආමන්තා.
ස. අනු: න නිරොධං සමාපන්නො’ති.
ප. පටි: න හෙවං වත්තබ්බෙ -පෙ-
16. ස. පු: නත්ථී රූපජීවිතින්ද්රියන්ති.
ප. පටිඤ්ඤා: ආමන්තා.
ස. අනු: අසඤ්ඤසත්තානං නත්ථී ජීවිතින්ද්රියන්ති.
ප. පටි: න හෙවං වත්තබ්බෙ -පෙ-
17. ස. පු: අසඤ්ඤසත්තානං අත්ථී ජීවිතින්ද්රියන්ති.
ප. පටිඤ්ඤා: ආමන්තා.
අනු. ඨ: හඤ්චි අසඤ්ඤසත්තානං අත්ථී ජීවිතින්ද්රියං,
අනු. පා: නො ච වත රෙ වත්තබ්බෙ: නත්ථී රූපජීවිතින්ද්රියන්ති.
18. ස. පු: අසඤ්ඤසත්තානං අත්ථී ජීවිතින්ද්රියන්ති.
ප. පටිඤ්ඤා: ආමන්තා.
ස. පු: කතමක්ඛන්ධපරියාපන්නන්ති.
ප. වි: සඞ්ඛාරක්ඛන්ධපරියාපන්නන්ති.
ස. අනු: අසඤ්ඤසත්තානං නත්ථී සඞ්ඛාරක්ඛන්ධො’ති.
ප. පටි: න හෙවං වත්තබ්බෙ -පෙ-
19. ස. පු: අසඤ්ඤසත්තානං අත්ථී සඞ්ඛාරක්ඛන්ධො’ති.
ප. පටිඤ්ඤා: ආමන්තා.
ස. අනු: අසඤ්ඤසත්තානං අත්ථී වෙදනාක්ඛන්ධො -පෙ- සඤ්ඤාක්ඛන්ධො -පෙ- විඤ්ඤාණක්ඛන්ධො’ති.
ප. පටි: න හෙවං වත්තබ්බෙ -පෙ-
20. ස. පු: අසඤ්ඤසත්තානං අත්ථී වෙදනාක්ඛන්ධො -පෙ- සඤ්ඤාක්ඛන්ධො -පෙ- විඤ්ඤාණක්ඛන්ධො’ති.
ප. පටිඤ්ඤා: ආමන්තා.
ස. අනු: පඤ්චවොකාරභවො’ති.
ප. පටි: න හෙවං වත්තබ්බෙ -පෙ-
21. ස. පු උපපත්තෙසියෙන චිත්තෙන සමුට්ඨිතං ජීවිතින්ද්රියං උපපත්තෙසියෙ චිත්තෙ භිජ්ජමානෙ එකදෙසං භිජ්ජතී’ති.
ප. පටිඤ්ඤා: ආමන්තා.
ස. අනු: උපපත්තෙසියෙන චිත්තෙන සමුට්ඨිතො ඵස්සො උප්පත්තෙසියෙ චිත්තෙ භිජ්ජමානෙ එකදෙසො භිජ්ජතී’ති.
ප. පටි: න හෙවං වත්තබ්බෙ -පෙ-
22. ස. පු උපපත්තෙසියෙන චිත්තෙන සමුට්ඨිතො ඵස්සො උප්පත්තෙසියෙ චිත්තෙ භිජ්ජමානෙ අවසෙසො භිජ්ජතී’ති.
ප. පටිඤ්ඤා: ආමන්තා.
ස. අනු: උපපත්තෙසියෙන චිත්තෙන සමුට්ඨිතො ජීවිතින්ද්රියං උප්පත්තෙසියෙ චිත්තෙ භිජ්ජමානෙ අනවසෙසං භිජ්ජතී’ති.
ප. පටි: න හෙවං වත්තබ්බෙ -පෙ-
23. ප. පු: ද්වෙ ජීවිතින්ද්රියානී’ති.