17. ස. පු: අත්ථී තත්ථ සොතායතනං, අත්ථී සද්දායතනං, -පෙ- අත්ථී තත්ථ මනායතනං, අත්ථි ධම්මායතනං, තෙන මනෙන තං ධම්මං විජානාතී’ති.
ප. පටිඤ්ඤා: ආමන්තා.
ස. අනු: අත්ථී තත්ථ ඝානායතනං, අත්ථී ගන්ධායතනං, තෙන ඝානෙන තං ගන්ධං ඝායතී’ති.
ප. පටි: න හෙවං වත්තබ්බෙ -පෙ-
18. ස. පු: අත්ථී තත්ථ මනායතනං, අත්ථී ධම්මායතනං, තෙන මනෙන තං ධම්මං විජානාතී’ති.
ප. පටිඤ්ඤා: ආමන්තා.
ස. අනු: අත්ථී තත්ථ ජිව්හායතනං, අත්ථී රසායතනං -පෙ- අත්ථ තත්ථ කායායතනං, අත්ථී ඵොට්ඨබ්බායතනං, තෙන කායෙන තං ඵොට්ඨබ්බං ඵුසතී’ති.
ප. පටි: න හෙවං වත්තබ්බෙ -පෙ-
19. ස. පු: අත්ථී තත්ථ ඝානායතනං, අත්ථී ගන්ධායතනං, න ව තෙන ඝානෙන තං ගන්ධං ඝායතී’ති.
ප. පටිඤ්ඤා: ආමන්තා.
ස. අනු: අත්ථී තත්ථ චක්ඛායතනං, අත්ථී රූපායතනං, න ච තෙන චක්ඛුනා රූපං පස්සතී’ති.
ප. පටි: න හෙවං වත්තබ්බෙ -පෙ-
20. ස. පු: අත්ථී තත්ථ ඝානායතනං, අත්ථී ගන්ධායතනං, න ච තෙන ඝානෙන තං ගන්ධං ඝායතී’ති.
ප. පටිඤ්ඤා: ආමන්තා.
ස. අනු: අත්ථී තත්ථ සොතායතනං, අත්ථී සද්දායතනං -පෙ- අත්ථී තත්ථ මනායතනං, අත්ථී ධම්මායතනං, න ච තෙන මනෙන තං ධම්මං විජානාතී’ති.
ප. පටි: න හෙවං වත්තබ්බෙ -පෙ-
21. ස. පු: අත්ථී තත්ථ ජිව්හායතනං, අත්ථී රසායතනං -පෙ- අත්ථී තත්ථ කායායතනං, අත්ථී ඵොට්ඨබ්බායතනං, න ච තෙන කායෙන තං ඵොට්ඨබ්බං ඵුසතී’ති.
ප. පටිඤ්ඤා: ආමන්තා.
ස. අනු: අත්ථී තත්ථ චක්ඛායතනං, අත්ථී රූපායතනං, න ච තෙන චක්ඛුනා තං රූපං පස්සතී’ති.
ප. පටි: න හෙවං වත්තබ්බෙ -පෙ-
22. ස. පු: අත්ථී තත්ථ කායායතනං, අත්ථී ඵොට්ඨබ්බායතනං, න ච තෙන කායෙන තං ඵොට්ඨබ්බං ඵුස්සතී’ති.
ප. පටිඤ්ඤා: ආමන්තා.
ස. අනු: අත්ථී තත්ථ සොතායතනං, අත්ථී සද්දායතනං, -පෙ- අත්ථ තත්ථ මනායතනං, අත්ථී ධම්මායතනං, න ච තෙන මනෙන තං ධම්මං විජානාතී’ති.
ප. පටි: න හෙවං වත්තබ්බෙ -පෙ-
23. ස. පු: අත්ථී තත්ථ ඝානායතනං, අත්ථී ගන්ධායතනං, තෙන ඝානෙන තං ගන්ධං ඝායතී’ති.
ප. පටිඤ්ඤා: ආමන්තා.
ස. අනු: අත්ථී තත්ථ මූලගන්ධො සාරගන්ධො තචගන්ධො පත්තගන්ධො පුප්ඵගන්ධො ඵලගන්ධො ආමගන්ධො විස්සගන්ධො සුගන්ධො දුග්ගන්ධො’ති.
ප. පටි: න හෙවං වත්තබ්බෙ -පෙ-
24. ස. පු: අත්ථී තත්ථ ජිව්හායතනං, අත්ථී රසායතනං, තාය ජිව්හාය තං රසං සායතී’ති.
ප. පටිඤ්ඤා: ආමන්තා.
ස. අනු: අත්ථී තත්ථ මූලරසො ඛන්ධරසො තචරසො පත්තරසො පුප්ඵරසො ඵලරසො අම්බිලං මධුරං තිත්තකං කටුකං ලොණියං ඛාරියං ලම්බිලං{*} කසාවො සාදු අසාදූ’ති.
ප. පටි: න හෙවං වත්තබ්බෙ -පෙ-
25. ස. පු: අත්ථී තත්ථ කායායතනං, අත්ථී ඵොට්ඨබ්බායතනං, තෙන කායෙන තං ඵොට්ඨබ්බං ඵුස්සතී’ති.
ප. පටිඤ්ඤා: ආමන්තා.
ස. අනු: අත්ථී තත්ථ කක්ඛලං මුදුකං සණ්හං{1} ඵරුසං සුඛසම්ඵස්සං දුක්ඛසම්ඵස්සං ගරුකං ලහුකන්ති.
ප. පටි: න හෙවං වත්තබ්බෙ -පෙ-
26. ස. පු: න වත්තබ්බං, ‘සළායතනිකො අත්තභාවො රූපධාතුයා’ති.
ප. පටිඤ්ඤා: ආමන්තා.
ප. අනු: නනු අත්ථී තත්ථ ඝානනිමිත්තං ජිව්හානිමිත්තං කායනිමිත්තන්ති.
ස. පටිඤ්ඤා: ආමන්තා.
අනු. ඨ: හඤ්චි අත්ථී තත්ථ ඝානනිමිත්තං ජිව්හානිමිත්තං කායනිමිත්තං,
අනු. පා: තෙන වත රෙ වත්තබ්බෙ: ‘සළායතනිකො අත්තභාවො රූපධාතුයා’ති.
රූපධාතුයා ආයතනකථා නිට්ඨිතා.
8. 8.
අරූපෙ රූපකථා
1. ස. පු: අත්ථී රූපං අරූපෙසූ’ති.
ප. පටිඤ්ඤා: ආමන්තා.
ස. අනු: රූපභවො රූපගති රූපසත්තාවාසො රූපසංසාරො රූපයොනි රූපඅත්තභාවපටිලාභො’ති.
ප. පටි: න හෙවං වත්තබ්බෙ -පෙ-
2. ස. පු: නනු අරූපභවො අරූපගති අරූපසත්තාවසො අරූපසංසාරො අරූපයොනි අරූපඅත්තභාවපටිලාභො’ති.
ප. පටිඤ්ඤා: ආමන්තා.
අනු. ඨ: හඤ්චි අරූපභවො -පෙ- අරූපඅත්තභාව පටිලාභො,
අනු. පා: නො ච වත රෙ වත්තබ්බෙ: අත්ථී රූපං අරූපෙසු’ති.
3. ස. පු: අත්ථී රූපං අරූපෙසූ’ති.
ප. පටිඤ්ඤා: ආමන්තා.
ස. අනු: පඤ්චවොකාරභවො ගති සත්තාවාසො සංසාරො යොනි විඤ්ඤාණට්ඨිති අත්තභාවපටිලාභො’ති.
ප. පටි: න හෙවං වත්තබ්බෙ -පෙ-
4. ස. පු: නනු චතුවොකාර භවො -පෙ- අත්තභාවපටිලාභො’ති.
ප. පටිඤ්ඤා: ආමන්තා.
අනු. ඨ: හඤ්චි චතුවොකාරභවො ගති -පෙ- අත්තභාව පටිලාභො,
අනු. පා: නො ච වත රෙ වත්තබ්බෙ: ‘අත්ථී රූපං අරූපෙසූ’ති.
5. ස. පු: අත්ථී රූපං රූපධාතුයා. සො ච රූපභවො රූපගති. රූපසත්තාවාසො රූපසංසාරො රූපයොනි රූපඅත්තභාවපටිලාභො’ති.
ප. පටිඤ්ඤා: ආමන්තා.
ස. අනු: අත්ථී රූපං අරූපෙසු. සො ච රූපභවො රූපගති -පෙ- රූපත්තභාවපටිලාභො’ති.
ප. පටි: න හෙවං වත්තබ්බෙ -පෙ-
6. ස. පු: අත්ථී රූපං රූපධාතුයා. සො ච පඤ්චවොකාරභවො ගති -පෙ- අත්තභාවපටිලාභො’ති.
ප. පටිඤ්ඤා: ආමන්තා.
ස. අනු. අත්ථී රූපං අරූපෙසු. සො ච පඤ්චවොකාරභවො ගති -පෙ- අත්තභාව පටිලාභො’ති.
ප. පටි: න හෙවං වත්තබ්බෙ -පෙ-
7. ස. පු: අත්ථී රූපං අරූපෙසු. සො ච අරූපභවො අරූපගති අරූපසත්තාවාසො අරූපසංසාරො අරූපයොනි අරූපත්තභාවපටිලාභො’ති.
ප. පටිඤ්ඤා: ආමන්තා.
ස. අනු: අත්ථී රූපං අරූපධාතුයා. සො ච අරූපභවො අරූපගති -පෙ- අරූපත්තභාවපටිලාභො’ති.
ප. පටි: න හෙවං වත්තබ්බෙ -පෙ-
8. ස. පු: අත්ථී රූපං අරූපෙසු. සො ච චතුවොකාරභවො ගති -පෙ- අත්තභාවපටිලාභො’ති.
ප. පටිඤ්ඤා: ආමන්තා.
ස. අනු. අත්ථී රූපං අරූපධාතුයා. සො ච චතුවොකාරභාවො ගති -පෙ- අත්තභාවපටිලාභො’ති.
ප. පටි: න හෙවං වත්තබ්බෙ -පෙ-
9. ස. පු: අත්ථී රූපං අරූපෙසූ’ති.
ප. පටිඤ්ඤා: ආමන්තා.
ස. අනු: නනු රූපානං නිස්සරණං අරූපං වුත්තං භගවතා’ති.
ප. පටිඤ්ඤා: ආමන්තා.
අනු. ඨ: හඤ්චි රූපානං නිස්සරණං අරූපං වුත්තං භගවතා,
අනු. පා: නො ච වත රෙ වත්තබ්බෙ: ‘අත්ථී රූපං අරූපෙසූ’ති.
10. ස. පු: රූපානං නිස්සරණං අරූපං වුත්තං භගවතා. අත්ථී රූපං අරූපෙසූ’ති.
ප. පටිඤ්ඤා: ආමන්තා.
ස. අනු: කාමානං නිස්සරණං නෙක්ඛම්මං වුත්තං භගවතා. අත්ථී නෙක්ඛම්මෙසු කාමා, අත්ථී අනාසවෙසු ආසවා, අත්ථී අපරියාපන්නෙසු පරියාපන්නා’ති.
ප. පටි: න හෙවං වත්තබ්බෙ -පෙ-
අරූපෙ රූපකථා නිට්ඨිතා.
8. 9.
රූපං කම්මන්තිකථා.
1. ස. පු: කුසලෙන චිත්තෙන සමුට්ඨිතං කායකම්මං රූපං කුසලන්ති.
ප. පටිඤ්ඤා: ආමන්තා.
ස. අනු: සාරම්මණං, අත්ථී තස්ස ආවට්ටනා ආභොගො සමන්නාහාරො මනසිකාරො චෙතනා පත්ථනා පණිධී’ති.
ප. පටි: න හෙවං වත්තබ්බෙ -පෙ-
2. ස. අනු: නනු අනාරම්මණං, නත්ථී තස්ස ආවට්ටනා ආභොගො සමන්නාහාරො මනසිකාරො චෙතනා පත්ථනා පණිධී’ති.
ප. පටිඤ්ඤා: ආමන්තා.
අනු. ඨ: හඤ්චි අනාරම්මණං, නත්ථී තස්ස ආවට්ටනා -පෙ- පණිධී,
අනු. පා: නො ච වත රෙ වත්තබ්බෙ: ‘කුසලෙන චිත්තෙන සමුට්ඨිතං කායකම්මං රූපං කුසල’න්ති.
3. ස. පු: කුසලෙන චිත්තෙන සමුට්ඨිතො ඵස්සො කුසලො සාරම්මණො, අත්ථී තස්ස ආවට්ටනා -පෙ- පණිධී’ති.
ප. පටිඤ්ඤා: ආමන්තා.