ස. අනු: කම්මවිපාකො පග්ගහනිග්ගහූපගො ඡෙදනභෙදනූපගො’ති.
ප. පටි: න හෙවං වත්තබ්බෙ -පෙ-
5. ස. පු: ලබ්භා පඨවී කෙතුං වික්කෙතුං ආඨපෙතුං ඔචිනිතුං විචිනිතු’න්ති.
ප. පටිඤ්ඤා: ආමන්තා.
ස. අනු: ලබ්භා කම්මවිපාකො කෙතුං වික්කෙතුං ආඨපෙතුං ඔචිනිතුං විචිනිතුන්ති.
ප. පටි: න හෙවං වත්තබ්බෙ -පෙ-
6. ස. පු: පඨවී පරෙසං සාධාරණා’ති.
ප. පටිඤ්ඤා: ආමන්තා.
ස. අනු: කම්මවිපාකො පරෙසං සාධාරණො’ති.
ප. පටි: න හෙවං වත්තබ්බෙ -පෙ-
7. ස. පු: කම්මවිපාකො පරෙසං සාධාරණො’ති.
ප. පටිඤ්ඤා: ආමන්තා.
ස. අනු: නනු වුත්තං භගවතා:
“අසාධාරණමඤ්ඤෙසං අචොරාහරණො නිධි
කයිරාථ මච්චො පුඤ්ඤානි සචෙ සුචරිතං චරෙ”තිං.
අත්ථෙ’ව සුත්තන්තො’ති.
ප. පටිඤ්ඤා: ආමන්තා.
ස. නිග: තෙන හි න වත්තබ්බං ‘කම්මවිපාකො පරෙසං සාධාරණො’ති.
8. ස. පු: පඨවී කම්මවිපාකො’ති.
ප. පටිඤ්ඤා: ආමන්තා.
ස. අනු: පඨමං පඨවී සණ්ඨාති, පච්ඡා සත්තා උප්පජ්ජන්තී’ති.
ප. පටිඤ්ඤා: ආමන්තා.
ස. අනු: පඨමං විපාකො උප්පජ්ජති, පච්ඡා විපාකපටිලාභාය කම්මං කරොන්තී’ති.
ප. පටි: න හෙවං වත්තබ්බෙ -පෙ-
9. ස. පු: පඨවී සබ්බසත්තානං කම්මවිපාකො’ති.
ප. පටිඤ්ඤා: ආමන්තා.
ස. අනු: සබ්බෙ සත්තා පඨවිං පරිභුඤ්ජන්තී’ති.
ප. පටි: න හෙවං වත්තබ්බෙ -පෙ-
10. ස. පු: සබ්බෙ සත්තා පඨවිං පරිභුඤ්ජන්තී’ති.
ප. පටිඤ්ඤා: ආමන්තා.
ස. අනු: අත්ථී කෙචි පඨවිං අපරිභුඤ්ජිත්වා පරිනිබ්බායන්තී’ති.
ප. පටිඤ්ඤා: ආමන්තා.
ස. අනු: අත්ථී කෙචි කම්මවිපාකං අඛෙපෙත්වා පරිනිබ්බායන්තී’ති.
ප. පටි: න හෙවං වත්තබ්බෙ -පෙ-
11. ස. පු: පඨවී චක්කවත්තිසත්තස්ස කම්මවිපාකො’ති.
ප. පටිඤ්ඤා: ආමන්තා.
ස. අනු: අඤ්ඤෙ සත්තා පඨවිං පරිභුඤ්ජන්තී’ති.
ප. පටිඤ්ඤා: ආමන්තා.
ස. අනු: චක්කවත්තිසත්තස්ස කම්මවිපාකං අඤ්ඤෙ සත්තා පරිභුඤ්ජන්තී’ති.
ප. පටි: න හෙවං වත්තබ්බෙ -පෙ-
12. ස. පු: චක්කවත්තිසත්තස්ස කම්මවිපාකං අඤ්ඤෙ සත්තා පරිභුඤ්ජන්තී’ති.
ප. පටිඤ්ඤා: ආමන්තා.
ස. අනු: චක්කවත්තිසත්තස්ස ඵස්සං වෙදනං සඤ්ඤං චෙතනං චිත්තං සද්ධං විරියං සතිං සමාධිං පඤ්ඤං අඤ්ඤෙ සත්තා පරිභුඤ්ජන්තී’ති.
ප. පටි: න හෙවං වත්තබ්බෙ -පෙ-
13. ප. පු: න වත්තබ්බං ‘පඨවී කම්මවිපාකො’ති.
ස. පටිඤ්ඤා: ආමන්තා.
ප. අනු: නනු අත්ථී ඉස්සරියසංවත්තනියං{1} කම්මං ආධිපච්චසංවත්තනියං{2} කම්මන්ති.
ස. පටිඤ්ඤා: ආමන්තා.
අනු. ඨ: හඤ්චි{3} අත්ථී ඉස්සරියසංවත්තනියං කම්මං ආධිපච්චසංවත්තනියං කම්මං,
අනු. පා: තෙන වත රෙ වත්තබ්බෙ ‘පඨවී කම්මවිපාකො’ති.
පඨවී කම්මවිපාකොතිකථා නිට්ඨිතා.
7. 8.
ජරාමරණං විපාකොති කථා.
1. ස. පු: ජරාමරණං විපාකො’ති.
ප. පටිඤ්ඤා: ආමන්තා.
ස. අනු: සුඛවෙදනියං දුක්ඛවෙදනියං අදුක්ඛමසුඛවෙදනියං, සුඛාය වෙදනාය සම්පයුත්තං, දුක්ඛාය වෙදනාය සම්පයුත්තං, අදුක්ඛමසුඛාය වෙදනාය සම්පයුත්තං, ඵස්සෙන සම්පයුත්තං, වෙදනාය සම්පයුත්තං, සඤ්ඤාය සම්පයුත්තං, චෙතනාය සම්පයුත්තං, චිත්තෙන සම්පයුත්තං, සාරම්මණං, අත්ථී තස්ස ආවට්ටනා ආභොගො සමන්නාහාරො මනසිකාරො චෙතනා පත්ථනා පණිධී’ති.
ප. පටි: න හෙවං වත්තබ්බෙ -පෙ-
ස. අනු: නනු න සුඛවෙදනියං, න දුක්ඛවෙදනියං, -පෙ- අනාරම්මණං, නත්ථී තස්ස ආවට්ටනා -පෙ- පණිධී’ති.
ප. පටිඤ්ඤා: ආමන්තා.
අනු. ඨ: හඤ්චි න සුඛවෙදනියං, න දුක්ඛවෙදනියං -පෙ- අනාරම්මණං, නත්ථී තස්ස ආවට්ටනා -පෙ- පණිධී,
අනු. පා: නො ච වත රෙ වත්තබ්බෙ{1} ‘ජරාමරණං විපාකො’ති.
2. ස. පු: ඵස්සො විපාකො. ඵස්සො සුඛවෙදනියො, දුක්ඛවෙදනියො -පෙ- සාරම්මණො, අත්ථී තස්ස ආවට්ටනා -පෙ- පණිධී’ති.
ප. පටිඤ්ඤා: ආමන්තා.
ස. අනු: ජරාමරණං විපාකො. ජරාමරණං සුඛවෙදනියං දුක්ඛවෙදනියං -පෙ- සාරම්මණං, අත්ථී තස්ස ආවට්ටනා -පෙ- පණිධී’ති.
ප. පටි: න හෙවං වත්තබ්බෙ -පෙ-
3. ස. පු: ජරාමරණං විපාකො. ජරාමරණං න සුඛවෙදනියං, න දුක්ඛවෙදනියං -පෙ- අනාරම්මණං, නත්ථී තස්ස ආවට්ටනා -පෙ- පණිධී’ති.
ප. පටිඤ්ඤා: ආමන්තා.
ස. අනු: ඵස්සො විපාකො. ඵස්සො න සුඛවෙදනියො, න දුක්ඛවෙදනියො -පෙ- අනාරම්මණො, නත්ථී තස්ස ආවට්ටනා -පෙ- පණිධී’ති.
ප. පටි: න හෙවං වත්තබ්බෙ -පෙ-
4. ස. පු: අකුසලානං ධම්මානං ජරාමරණං අකුසලානං ධම්මානං විපාකො’ති.
ප. පටිඤ්ඤා: ආමන්තා.
ස. අනු: කුසලානං ධම්මානං ජරාමරණං කුසලානං ධම්මානං විපාකො’ති.
ප. පටි: න හෙවං වත්තබ්බෙ -පෙ-
5. ස. පු: කුසලානං ධම්මානං ජරාමරණං වත්තබ්බං ‘කුසලානං ධම්මානං විපාකො’ති.
ප. පටිඤ්ඤා: ආමන්තා.
ස. අනු: අකුසලානං ධම්මානං ජරාමරණං න වත්තබ්බං ‘අකුසලානං ධම්මානං විපාකො’ති.
ප. පටි: න හෙවං වත්තබ්බෙ -පෙ-
6. ස. පු: කුසලානං ධම්මානං ජරාමරණං අකුසලානං ධම්මානං විපාකො’ති.
ප. පටිඤ්ඤා: ආමන්තා.
ස. අනු: අකුසලානං ධම්මානං ජරාමරණං කුසලානං ධම්මානං විපාකො’ති.
ප. පටි: න හෙවං වත්තබ්බෙ -පෙ-
7. ස. පු: අකුසලානං ධම්මානං ජරාමරණං න වත්තබ්බං ‘කුසලානං ධම්මානං විපාකො’ති.
ප. පටිඤ්ඤා: ආමන්තා.
ස. අනු: කුසලානං ධම්මානං ජරාමරණං න වත්තබ්බං ‘අකුසලානං ධම්මානං විපාකො’ති.
ප. පටි: න හෙවං වත්තබ්බෙ -පෙ-
8. ස. පු: කුසලානඤ්ච අකුසලානඤ්ච ධම්මානං ජරාමරණං අකුසලානං ධම්මානං විපාකො’ති.
ප. පටිඤ්ඤා: ආමන්තා.
ස. අනු: කුසලානඤ්ච අකුසලානඤ්ච ධම්මානං ජරාමරණං කුසලානං ධම්මානං විපාකො’ති.
ප. පටි: න හෙවං වත්තබ්බෙ -පෙ-
9. ස. පු: කුසලානඤ්ච අකුසලානඤ්ච ධම්මානං ජරාමරණං න වත්තබ්බං කුසලානං ධම්මං විපාකො’ති.
ප. පටිඤ්ඤා: ආමන්තා.
ස. අනු: කුසලානඤ්ච අකුසලානඤ්ච ධම්මානං ජරාමරණං න වත්තබ්බං ‘අකුසලානං ධම්මානං විපාකො’ති.
ප. පටි: න හෙවං වත්තබ්බෙ -පෙ-
10. ස. පු: න වත්තබ්බං “ජරාමරණං විපාකො’ති.
ස. පටිඤ්ඤා: ආමන්තා.
ප. අනු: නනු අත්ථී දුබ්බණ්ණසංවත්තනියං කම්මං, අප්පායුකසංවත්තනියං කම්මන්ති.
ස. පටිඤ්ඤා: ආමන්තා.
අනු. ඨ: හඤ්චි අත්ථී දුබ්බණ්ණසංවත්තනියං කම්මං, අප්පායුකසංවත්තනියං කම්මං,
අනු. පා: තෙන වත රෙ වත්තබ්බෙ ‘ජරාමරණං විපාකො’ති.
ජරාමරණං විපාකොතිකථා නිට්ඨිතා.