ප. පටිඤ්ඤා: ආමන්තා.
ස. අනු: “චක්ඛුඤ්ච පටිච්ච ආකාසඤ්ච උප්පජ්ජති චක්ඛුවිඤ්ඤාණන්ති” අත්ථෙ’ව සුත්තන්තො’ති.
ප. පටි: නත්ථී.
ස. අනු: “චක්ඛුඤ්ච පටිච්ච රූපෙ ච උප්පජ්ජති චක්ඛුවිඤ්ඤාණන්ති”{a} අත්ථෙ’ව සුත්තන්තො’ති.
ප. පටිඤ්ඤා: ආමන්තා.
අනු. ඨ: ‘හඤ්චි චක්ඛුඤ්ච පටිච්ච රූපෙ ච උප්පජ්ජති චක්ඛුවිඤ්ඤාණන්ති’ අත්ථෙ’ව සුත්තන්තො,
අනු. පා: නො ච වත රෙ වත්තබ්බෙ. චක්ඛුඤ්ච පටිච්ච ආකාසඤ්ච උප්පජ්ජති චක්ඛුවිඤ්ඤාණන්ති.
3. ස. පු: න වත්තබ්බං ‘ආකාසො සනිදස්සනො’ති.
ස. පටිඤ්ඤා: ආමන්තා.
ප. අනු: නනු පස්සති ද්වින්නං රුක්ඛානං අන්තරං ද්වින්නං ථම්භානං අන්තරං තාළච්ඡිද්දං වාතපානච්ඡිද්දන්ති.
ස. පටිඤ්ඤා: ආමන්තා.
අනු. ඨ: හඤ්චි පස්සති{1} ද්වින්නං රුක්ඛානං අන්තරං ද්වින්නං ථම්භානං අන්තරං තාළච්ඡිද්දං වාතපානච්ඡිද්දං,
අනු. පා: තෙන වත රෙ වත්තබ්බෙ: ආකාසො සනිදස්සනො’ති.
ආකාසො සනිදස්සනොතිකථා නිට්ඨිතා.
6. 8.
පඨවීධාතු සනිදස්සනාති ආදිං කත්වා කායකම්මං සනිදස්සනන්ති පරියොසානකථා.
1. ස. පු: පඨවීධාතු සනිදස්සනා’ති.
ප. පටිඤ්ඤා: ආමන්තා.
ස. අනු: රූපං රූපායතනං රූපධාතු නීලං පීතකං ලොහිතකං ඔදාතං චක්ඛුවිඤ්ඤෙය්යං චක්ඛුස්මිං පටිහඤ්ඤති චක්ඛුස්ස ආපාථං ආගච්ඡතීති.
ප. පටි: න හෙවං වත්තබ්බෙ -පෙ-
2. ස. පු: පඨවීධාතු සනිදස්සනා’ති.
ප. පටිඤ්ඤා: ආමන්තා.
ස. අනු: චක්ඛුඤ්ච පටිච්ච පඨවීධාතුඤ්ච උප්පජ්ජති චක්ඛුවිඤ්ඤාණන්ති.
ප. පටි: න හෙවං වත්තබ්බෙ -පෙ-
ස. පු: චක්ඛුඤ්ච පටිච්ච පඨවීධාතුඤ්ච උප්පජ්ජති චක්ඛුවිඤ්ඤාණන්ති.
ප. පටිඤ්ඤා: ආමන්තා.
ස. අනු: චක්ඛුඤ්ච පටිච්ච පඨවීධාතුඤ්ච උප්පජ්ජති චක්ඛුවිඤ්ඤාණන්ති අත්ථෙ’ව සුත්තන්තො’ති.
ප. පටි: නත්ථී.
ස. අනු: “චක්ඛුඤ්ච පටිච්ච රූපෙ ච උප්පජ්ජති චක්ඛුවිඤ්ඤාණන්ති”{a} අත්ථෙ’ව සුත්තන්තො’ති.
ප. පටිඤ්ඤා: ආමන්තා.
අනු. ඨ: හඤ්චි ‘චක්ඛුවිඤ්ච පටිච්ච රූපෙ ච උප්පජ්ජති චක්ඛුවිඤ්ඤාණන්ති’ අත්ථෙ’ව සුත්තන්තො,
අනු. පා: නො ච වත රෙ වත්තබ්බෙ: චක්ඛුඤ්ච පටිච්ච පඨවීධාතුඤ්ච උප්පජ්ජති චක්ඛු විඤ්ඤාණන්ති.
3. ප. පු: න වත්තබ්බං ‘පඨවීධාතු සනිදස්සනා’ති.
ස. පටිඤ්ඤා: ආමන්තා.
ස. අනු: නනු පස්සති{1} භූමිං පාසාණං පබ්බතන්ති.
ස. පටිඤ්ඤා: ආමන්තා.
අනු. ඨ: හඤ්චි පස්සති{1} භූමිං පාසාණං පබ්බතං,
අනු. පා: තෙන වත රෙ වත්තබ්බෙ’ පඨවීධාතුසනිදස්සනා’ති.{2}
4. ප. පු: න වත්තබ්බං: අපොධාතු සනිදස්සනා’ති.
ස. පටිඤ්ඤා: ආමන්තා.
ප. අනු: නනු පස්සති{1} උදකන්ති.
ස. පටිඤ්ඤා: ආමන්තා.
අනු. ඨ: හඤ්චි පස්සති උදකං,
අනු. පා: තෙන වත රෙ වත්තබ්බෙ: ආපොධාතු සනිදස්සනා’ති.{2}
5. ප. පු: න වත්තබ්බං ‘තෙජොධාතු සනිදස්සනා’ති.
ස. පටිඤ්ඤා: ආමන්තා.
ප. අනු: නනු පස්සති අග්ගිං ජලන්තන්ති.
ස. පටිඤ්ඤා: ආමන්තා.
අනු. ඨ: හඤ්චි පස්සති අග්ගිං ජලන්තං,
අනු. පා: තෙන වත රෙ වත්තබ්බෙ: ‘තෙජොධාතු සනිදස්සනා’ති.
6. ප. පු: න වත්තබ්බං ‘වායොධාතු සනිදස්සනා’ති.
ස. පටිඤ්ඤා: ආමන්තා.
ප. අනු: නනු පස්සති වාතෙන රුක්ඛෙ සඤ්චාලියමානෙ’ති.
ස. පටිඤ්ඤා: ආමන්තා.
අනු. ඨ: හඤ්චි පස්සති වාතෙන රුක්ඛෙ සඤ්චාලියමානෙ,
අනු. පා: තෙන වත රෙ වත්තබ්බෙ: ‘වායොධාතු සනිදස්සනා’ති.
7. ස. පු: චක්ඛුන්ද්රියං සනිදස්සනන්ති.
ප. පටිඤ්ඤා: ආමන්තා.
ස. අනු: රූපං රූපායතනං රූපධාතු නීලං පීතකං ලොහිතකං ඔදාතකං චක්ඛුවිඤ්ඤෙය්යං චක්ඛුස්මිං පටිහඤ්ඤති චක්ඛුස්ස ආපාථං ආගච්ඡතී’ති.
ප. පටි: න හෙවං වත්තබ්බෙ -පෙ-
8. ස. පු: චක්ඛුන්ද්රියං සනිදස්සනන්ති.
ප. පටිඤ්ඤා: ආමන්තා.
ස. අනු: චක්ඛුඤ්ච පටිච්ච චක්ඛුන්ද්රියඤ්ච උප්පජ්ජති චක්ඛුවිඤ්ඤාණන්ති.
ප. පටි: න හෙවං වත්තබ්බෙ -පෙ-
9. ස. පු: චක්ඛුඤ්ච පටිච්ච චක්ඛුන්ද්රිඤ්ච උප්පජ්ජති චක්ඛුවිඤ්ඤාණන්ති.
ප. පටිඤ්ඤා: ආමන්තා.
ස. අනු: ‘චක්ඛුඤ්ච පටිච්ච චක්ඛුන්ද්රියඤ්ච උප්පජ්ජති චක්ඛුවිඤ්ඤාණන්ති’ අත්ථෙ’ව සුත්තන්තො’ති.
ප. පටි: නත්ථී.
ස. අනු: “චක්ඛුඤ්ච පටිච්ච රූපෙච උප්පජ්ජති චක්ඛුවිඤ්ඤාණන්ති”{a} අත්ථෙ’ව සුත්තන්තො’ති.
ප. පටිඤ්ඤා: ආමන්තා.
අනු. ඨ: හඤ්චි ‘චක්ඛුවිඤ්ච පටිච්ච රූපෙ ච උප්පජ්ජති චක්ඛුවිඤ්ඤාණන්ති’ අත්ථෙ’ව සුත්තන්තො,
අනු. පා: නො ච වත රෙ වත්තබ්බෙ ‘චක්ඛුඤ්ච පටිච්ච චක්ඛුන්ද්රියඤ්ච උප්පජ්ජති චක්ඛුවිඤ්ඤාණන්ති.
10. ප. පු: න වත්තබ්බං ‘පඤ්චින්ද්රියානි සනිදස්සනානී’ති.
ස. පටිඤ්ඤා: ආමන්තා.
ප. අනු: නනු පස්සති.{1} චක්ඛුං සොතං ඝානං ජිව්හං කායන්ති.
ස. පටිඤ්ඤා: ආමන්තා.
අනු. ඨ: හඤ්චි පස්සති චක්ඛුං සොතං ඝානං ජිව්හං කායං,
අනු. පා: තෙන වත රෙ වත්තබ්බෙ ‘පඤ්චින්ද්රියානි සනිදස්සනානී’ති.{2}
11. ස. පු: කායකම්මං සනිදස්සනන්ති?
ප. පටිඤ්ඤා: ආමන්තා.
ස. අනු: රූපං රූපායතනං රූපධාතු නීලං පීතකං ලොහිතකං ඔදාතකං චක්ඛුවිඤ්ඤෙය්යං චක්ඛුස්මිං පටිහඤ්ඤති චක්ඛුස්ස ආපාථං ආගච්ඡතී’ති.
ප. පටි: න හෙවං වත්තබ්බෙ -පෙ-
12. ස. පු: කායකම්මං සනිදස්සනන්ති.
ප. පටිඤ්ඤා: ආමන්තා.
ස. අනු: චක්ඛුඤ්ච පටිච්ච කායකම්මඤ්ච උප්පජ්ජති චක්ඛුවිඤ්ඤාණන්ති.
ප. පටි: න හෙවං වත්තබ්බෙ -පෙ-
13. ස. පු: චක්ඛුඤ්ච පටිච්ච කායකම්මඤ්ච උප්පජ්ජති චක්ඛුවිඤ්ඤාණන්ති.
ප. පටිඤ්ඤා: ආමන්තා.
ස. අනු: ‘චක්ඛුඤ්ච පටිච්ච කායකම්මඤ්ච උප්පජ්ජති චක්ඛුවිඤ්ඤාණන්ති” අත්ථෙ’ව සුත්තන්තො’ති.
ප. පටි: නත්ථී.
ස. අනු: “චක්ඛුඤ්ච පටිච්ච රූපෙ ච උප්පජ්ජති චක්ඛුවිඤ්ඤාණ”න්ති අත්ථෙ’ව සුත්තන්තො’ති.
ප. පටිඤ්ඤා: ආමන්තා.
අනු. ඨ: හඤ්චි ‘චක්ඛුවිඤ්ච පටිච්ච රූපෙ ච උප්පජ්ජති චක්ඛුවිඤ්ඤාණ’න්ති අත්ථෙ’ව සුත්තන්තො,
අනු. පා: නො ච වත රෙ වත්තබ්බෙ ‘චක්ඛුඤ්ච පටිච්ච කායකම්මඤ්ච උප්පජ්ජති චක්ඛුවිඤ්ඤාණ’න්ති.
14. ප. පු: න වත්තබ්බං: කායකම්මං සනිදස්සන’න්ති.
ස. පටිඤ්ඤා: ආමන්තා.
ප. අනු: නනු පස්සති.{1} අභික්කමන්තං පටික්කමන්තං ආලොකෙන්තං විලොකෙන්තං සම්මිඤ්ජෙන්තං පසාරෙන්ත’න්ති.
ස. පටිඤ්ඤා: ආමන්තා.
අනු. ඨ: හඤ්චි පස්සති අභික්කමන්තං පටික්කමන්තං ආලොකෙන්තං විලොකෙන්තං සම්මිඤ්ජෙන්තං පසාරෙන්තං,{2}
අනු. පා: තෙන වත රෙ වත්තබ්බෙ’ කායකම්මං සනිදස්සන’න්ති.