10. ස. පු: කායිකං දුක්ඛං චෙතසිකං දුක්ඛං සොකපරිදෙවදුක්ඛදොමනස්සඋපායාසා සඞ්ඛතා’ති.
ප. පටිඤ්ඤා: ආමන්තා.
ස. අනු: දුක්ඛසච්චං සඞ්ඛතන්ති.
ප. පටි: න හෙවං වත්තබ්බෙ -පෙ-
11. ස. පු: සමුදයො සඞ්ඛතො’ති.
ප. පටිඤ්ඤා: ආමන්තා.
ස. අනු: සමුදයසච්චං සඞ්ඛතන්ති.
ප. පටි: න හෙවං වත්තබ්බෙ -පෙ-
12. ස. පු: කාමතණ්හා භවතණ්හා විභවතණ්හා සඞ්ඛතා’ති.
ප. පටිඤ්ඤා: ආමන්තා.
ස. අනු: සමුදයොසච්චං සඞ්ඛතන්ති.
ප. පටි: න හෙවං වත්තබ්බෙ -පෙ-
13. ස. පු: මග්ගො සඞ්ඛතො’ති.
ප. පටිඤ්ඤා: ආමන්තා.
ස. අනු: මග්ගසච්චං සඞ්ඛතන්ති.
ප. පටි: න හෙවං වත්තබ්බෙ -පෙ-
14. ස. පු: සම්මාදිට්ඨි -පෙ- සම්මාසමාධි සඞ්ඛතා’ති.
ප. පටිඤ්ඤා: ආමන්තා.
ස. අනු: මග්ගසච්චං සඞ්ඛතන්ති.
ප. පටි: න හෙවං වත්තබ්බෙ -පෙ-
15. ස. පු: නිරොධසච්චං අසඞ්ඛතං, නිරොධො අසඞ්ඛතො’ති.
ප. පටිඤ්ඤා: ආමන්තා.
ස. අනු: දුක්ඛසච්චං අසඞ්ඛතං, දුක්ඛං අසඞ්ඛතන්ති.
ප. පටි: න හෙවං වත්තබ්බෙ -පෙ-
16. ස. පු: නිරොධසච්චං අසඞ්ඛතං, නිරොධො අසඞ්ඛතො’ති.
ප. පටිඤ්ඤා: ආමන්තා.
ස. අනු: සමුදයසච්චං අසඞ්ඛතං සමුදයො අසඞ්ඛතො’ති.
ප. පටි: න හෙවං වත්තබ්බෙ -පෙ-
17. ස. පු: නිරොධසච්චං අසඞ්ඛතං, නිරොධො අසඞ්ඛතො’ති.
ප. පටිඤ්ඤා: ආමන්තා.
ස. අනු: මග්ගසච්චං අසඞ්ඛතං, මග්ගො අසඞ්ඛතො’ති.
ප. පටි: න හෙවං වත්තබ්බෙ -පෙ-
18. ස. පු: දුක්ඛසච්චං අසඞ්ඛතං, දුක්ඛං සඞ්ඛතන්ති.
ප. පටිඤ්ඤා: ආමන්තා.
ස. අනු: නිරොධසච්චං අසඞ්ඛතං නිරොධො සඞ්ඛතො’ති.
ප. පටි: න හෙවං වත්තබ්බෙ -පෙ-
19. ස. පු: සමුදයසච්චං අසඞ්ඛතං, සමුදයො සඞ්ඛතො’ති.
ප. පටිඤ්ඤා: ආමන්තා.
ස. අනු: නිරොධසච්චං අසඞ්ඛතං, නිරොධො සඞ්ඛතො’ති.
ප. පටි: න හෙවං වත්තබ්බෙ -පෙ-
20. ස. පු: මග්ගසච්චං අසඞ්ඛතං, මග්ගො සඞ්ඛතො’ති.
ප. පටිඤ්ඤා: ආමන්තා.
ස. අනු: නිරොධසච්චං අසඞ්ඛතං නිරොධො සඞ්ඛතො’ති.
ප. පටි: න හෙවං වත්තබ්බෙ -පෙ-
21. ප. පු: න වත්තබ්බං ‘චත්තාරි සච්චානි අසඞ්ඛතානී’ති.
ස. පටිඤ්ඤා: ආමන්තා.
ප. අනු: නනු වුත්තං භගවතා “චත්තාරිමානි භික්ඛවෙ තථානි අවිතථානි අනඤ්ඤථානි. කතමානි චත්තාරි: ඉදං දුක්ඛන්ති භික්ඛවෙ තථමෙතං අවිතථමෙතං අනඤ්ඤථමෙතං. අයං දුක්ඛසමුදයො’ති -පෙ- අයං දුක්ඛනිරොධො’ති -පෙ- අයං දුක්ඛනිරොධගාමිනීපටිපදා’ති තථමෙතං අවිතථමෙතං අනඤ්ඤථමෙතං. ඉමානි ඛො භික්ඛවෙ චත්තාරි තථානි අවිතථානි අනඤ්ඤථානී”ති{a} අත්ථෙ’ව සුත්තන්තො’ති.
ස. පටිඤ්ඤා: ආමන්තා.
ප. නිග: තෙන හි චත්තාරි සච්චානි අසඞ්ඛතානී’ති.
සච්චකථා නිට්ඨිතා.
6. 4.
ආරුප්පකථා
1. ස. පු: ආකාසානඤ්චායතනං අසඞ්ඛතන්ති.
ප. පටිඤ්ඤා: ආමන්තා.
ස. අනු: නිබ්බානං තාණං ලෙණං සරණං පරායනං අච්චුතං අමතන්ති.
ප. පටි: න හෙවං වත්තබ්බෙ -පෙ-
2. ස. පු: ආකාසානඤ්චායතනං අසඞ්ඛතන්ති.{1}
ප. පටිඤ්ඤා: ආමන්තා.
ස. අනු: ද්වෙ අසඞ්ඛතානී’ති.
ප. පටි: න හෙවං වත්තබ්බෙ -පෙ-
3. ස. පු: ද්වෙ අසඞ්ඛතානී’ති.
ප. පටිඤ්ඤා: ආමන්තා.
ස. අනු: ද්වෙ තාණානි -පෙ- අන්තරිකාවා’ති.
ප. පටි: න හෙවං වත්තබ්බෙ -පෙ-
4. ස. පු: ආකාසානඤ්චායතනං අසඞ්ඛතන්ති.
ප. පටිඤ්ඤා: ආමන්තා.
ස. අනු: ආකාසානඤ්චායතනං භවො ගති සත්තාවාසො සංසාරො යොනි විඤ්ඤාණට්ඨිති අත්තභාවපටිලාභො’ති.
ප. පටිඤ්ඤා: ආමන්තා.
ස. අනු: අසඞ්ඛතං භවො ගති සත්තාවාසො සංසාරො යොනි විඤ්ඤාණට්ඨිති අත්තභාවපටිලාභො’ති.
ප. පටි: න හෙවං වත්තබ්බෙ -පෙ-
5. ස. පු: අත්ථී ආකාසානඤ්චායතනූපගං කම්මන්ති.
ප. පටිඤ්ඤා: ආමන්තා.
ස. අනු: අත්ථී අසඞ්ඛතූපගං කම්මන්ති.
ප. පටි: න හෙවං වත්තබ්බෙ -පෙ-
6. ස. පු: අත්ථී ආකාසානඤ්චායතනූපගා සත්තා’ති.
ප. පටිඤ්ඤා: ආමන්තා.
ස. අනු: අත්ථි අසඞ්ඛතූපගා සත්තා’ති.
ප. පටි: න හෙවං වත්තබ්බෙ -පෙ-
7. ස. පු: ආකාසානඤ්චායතනෙ සත්තා ජායන්ති, ජීයන්ති මීයන්ති, චවන්ති, උපපජ්ජන්තී’ති.
ප. පටිඤ්ඤා: ආමන්තා.
ස. අනු: අසඞ්ඛතෙ සත්තා ජායන්ති, ජීයන්ති, මීයන්ති, චවන්ති, උප්පජ්ජන්තී’ති.
ප. පටි: න හෙවං වත්තබ්බෙ -පෙ-
8. ස. පු: ආකාසානඤ්චායතනෙ අත්ථී වෙදනා සඤ්ඤා සංඛාරා විඤ්ඤාණන්ති.
ප. පටිඤ්ඤා: ආමන්තා.
ස. අනු: අසඞ්ඛතෙ අත්ථී වෙදනා සඤ්ඤා සඞ්ඛාරා විඤ්ඤාණන්ති.
ප. පටි: න හෙවං වත්තබ්බෙ -පෙ-
9. ස. පු: ආකාසානඤ්චායතනං චතුවොකාරභවො’ති.
ප. පටිඤ්ඤා: ආමන්තා.
ස. අනු: අසඞ්ඛතං චතුවොකාරභවො’ති.
ප. පටි: න හෙවං වත්තබ්බෙ -පෙ-
10. ප. පු: න වත්තබ්බං: ‘චත්තාරො ආරුප්පා අසඞ්ඛතා’ති.
ස. පටිඤ්ඤා: ආමන්තා.
ප. අනු: නනු චත්තාරො ආරුප්පා අනෙජා වුත්තා භගවතා’ති.
ස. පටිඤ්ඤා: ආමන්තා.
අනු. ඨ: හඤ්චි චත්තාරො ආරුප්පා අනෙජා වුත්තා භගවතා,
අනු. පා: තෙන වත රෙ වත්තබ්බෙ: ‘චත්තාරො ආරුප්පා අසඞ්ඛතා’ති.
අරුප්පකථා නිට්ඨිතා.
6. 5.
නිරොධසමාපත්තිකථා.
1. ස. පු: නිරොධසමාපත්ති අසඞ්ඛතා’ති.