7. ස. පු: පටිච්චසමුප්පාදො අසඞ්ඛතො’ති.
ප. පටිඤ්ඤා: ආමන්තා.
ස. අනු: අවිජ්ජාපච්චයා සඞ්ඛාරා අසඞ්ඛතා’ති.
ප. පටි: න හෙවං වත්තබ්බෙ -පෙ-
8. ස. පු: අවිජ්ජාපච්චයා සඞ්ඛාරා සඞ්ඛතා’ති.
ප. පටිඤ්ඤා: ආමන්තා.
ස. අනු: පටිච්චසමුප්පාදො සඞ්ඛතො’ති.
ප. පටි: න හෙවං වත්තබ්බෙ -පෙ-
9. ස. පු: පටිච්චසමුප්පාදො අසඞ්ඛතො’ති.
ප. පටිඤ්ඤා: ආමන්තා.
ස. අනු: සඞ්ඛාරපච්චයා විඤ්ඤාණං අසඞ්ඛතන්ති.
ප. පටි: න හෙවං වත්තබ්බෙ -පෙ-
10. ස. පු: සඞ්ඛාරපච්චයා විඤ්ඤාණං සඞ්ඛතන්’ති.
ප. පටිඤ්ඤා: ආමන්තා.
ස. අනු: පටිච්චසමුප්පාදො සඞ්ඛතො’ති.
ප. පටි: න හෙවං වත්තබ්බෙ -පෙ-
11. ස. පු: පටිච්චසමුප්පාදො අසඞ්ඛතො’ති.
ප. පටිඤ්ඤා: ආමන්තා.
ස. අනු: විඤ්ඤාණපච්චයා නාමරූපං අසඞ්ඛතන්ති.
ප. පටි: න හෙවං වත්තබ්බෙ -පෙ-
12. ස. පු: විඤ්ඤාණපච්චයා නාමරූපං සඞ්ඛතන්ති.
ප. පටිඤ්ඤා: ආමන්තා.
ස. අනු: පටිච්චසමුප්පාදො සඞ්ඛතො’ති.
ප. පටි: න හෙවං වත්තබ්බෙ -පෙ-
13. ස. පු: පටිච්චසමුප්පාදො අසඞ්ඛතො’ති.
ප. පටිඤ්ඤා: ආමන්තා.
ස. අනු: ජාතිපච්චයා ජරාමරණං අසඞ්ඛතන්ති.
ප. පටි: න හෙවං වත්තබ්බෙ -පෙ-
14. ස. පු: ජාතිපච්චයා ජරාමරණං සඞ්ඛතන්ති.
ප. පටිඤ්ඤා: ආමන්තා.
ස. අනු: පටිච්චසමුප්පාදො සඞ්ඛතො’ති.
ප. පටි: න හෙවං වත්තබ්බෙ -පෙ-
15. ස. පු: න වත්තබ්බං: පටිච්චසමුප්පාදො අසඞ්ඛතො’ති.
ස. පටිඤ්ඤා: ආමන්තා.
ප. අනු: නනු වුත්තං භගවතා: “ජාතිපච්චයා භික්ඛවෙ ජරාමරණං උප්පාදා වා තථාගතානං අනුප්පාදා වා තථාගතානං ඨිතා’ව සා ධාතු ධම්මට්ඨිතතා ධම්මනියාමතා ඉදපච්චයතා. තං තථාගතො අභිසම්බුජ්ඣති, අභිසමෙති. අභිසම්බුජ්ඣිත්වා අභිසමෙත්වා ආචික්ඛති දෙසෙති පඤ්ඤපෙති පට්ඨපෙති විවරති විභජති උත්තානීකරොති{1} ‘පස්සථා’ති චාහ. ජාතිපච්චයා භික්ඛවෙ ජරාමරණං භවපච්චයා භික්ඛවෙ ජාති -පෙ- අවිජ්ජාපච්චයා භික්ඛවෙ සඞ්ඛාරා උප්පාදා වා තථාගතානං අනුප්පාදා වා තථාගතානං ඨිතා’ව සා ධාතු -පෙ- ‘පස්සථා’ති චාහ. අවිජ්ජාපච්චයා භික්ඛවෙ සඞ්ඛාරා ඉති ඛො භික්ඛවෙ යා තත්ර තථතා අවිතථතා අනඤ්ඤථතා ඉදපච්චයතා, අයං වුච්චති භික්ඛවෙ පටිච්චසමුප්පාදො”ති{a} අත්ථෙ’ව සුත්තන්තො’ති.
ස. පටිඤ්ඤා: ආමන්තා.
ප. නිග: තෙන හි පටිච්චසමුප්පාදො අසඞ්ඛතො’ති.
16. ස. පු: “අවිජ්ජාපච්චයා සඞ්ඛාරා”ති යා තත්ථ ධම්මට්ඨිතතා ධම්මනියාමතා අසඞ්ඛතා. නිබ්බානං අසඞ්ඛතන්ති.
ප. පටිඤ්ඤා: ආමන්තා.
ස. අනු: ද්වෙ අසඞ්ඛතානී’ති.
ප. පටි: න හෙවං වත්තබ්බෙ -පෙ-
17. ස. පු: ද්වෙ අසඞ්ඛතානී’ති.
ප. පටිඤ්ඤා: ආමන්තා.
ස. අනු: ද්වෙ තාණානි -පෙ- අන්තරිකා වා’ති.
ප. පටි: න හෙවං වත්තබ්බෙ -පෙ-
18. ස. පු: ‘අවිජ්ජා පච්චයා සඞ්ඛාරා’ති යා තත්ථ ධම්මට්ඨිතතා ධම්මනියාමතා අසඞ්ඛතා. සඞ්ඛාරපච්චයා විඤ්ඤාණන්ති යා තත්ථ ධම්මට්ඨිතතා ධම්මනියාමතා අසඞ්ඛතා. නිබ්බානං අසඞ්ඛතන්ති.
ප. පටිඤ්ඤා: ආමන්තා.
ස. අනු: තීණි අසඞ්ඛතානී’ති.
ප. පටි: න හෙවං වත්තබ්බෙ -පෙ-
19. ස. පු: තීණි අසඞ්ඛතානී’ති.
ප. පටිඤ්ඤා: ආමන්තා.
ස. අනු: තීණි තාණානි -පෙ- අන්තරිකා වා’ති.
ප. පටි: න හෙවං වත්තබ්බෙ -පෙ-
20. ස. පු: ‘අවිජ්ජාපච්චයා සඞ්ඛාරා’ති යා තත්ථ ධම්මට්ඨිතතා ධම්මනියාමතා අසඞ්ඛතා, සඞ්ඛාරපච්චයා විඤ්ඤාණන්ති’{1} යා තත්ථ ධම්මට්ඨිතතා ධම්මනියාමතා අසඞ්ඛතා -පෙ- ‘ජාතිපච්චයා ජරාමරණ’න්ති යා තත්ථ ධම්මට්ඨිතතා ධම්මනියාමතා අසඞ්ඛතා. නිබ්බානං අසඞ්ඛන්ති.
ප. පටි: ආමන්තා.
ස. අනු: ද්වාදස අසඞ්ඛතානී’ති.
ප. පටි: න හෙවං වත්තබ්බෙ -පෙ-
21. ස. පු: ද්වාදස අසඞ්ඛතානී’ති.
ප. පටිඤ්ඤා: ආමන්තා.
ස. අනු: ද්වෙ තාණානි -පෙ- ද්වාදසලෙණානි -පෙ- ද්වාදස අන්තරිකා වා’ති.
ප. පටි: න හෙවං වත්තබ්බෙ -පෙ-
පටිච්චසමුප්පාදකථා නිට්ඨිතා.
6. 3.
සච්චකථා
1. ස. පු: චත්තාරි සච්චානි අසඞ්ඛතානී’ති.
ප. පටිඤ්ඤා: ආමන්තා.
ස. අනු: චත්තාරි තාණානි, චත්තාරි ලෙණානි, චත්තාරි සරණානි, චත්තාරි පරායනානි. චත්තාරි අච්චුතානි, චත්තාරි අමතානි, චත්තාරි නිබ්බානානී’ති.
ප. පටි: න හෙවං වත්තබ්බෙ -පෙ-
2. ස. පු: චත්තාරි නිබ්බානානී’ති.
ප. පටිඤ්ඤා: ආමන්තා.
ස. අනු: අත්ථී චතුන්නං නිබ්බානානං උච්චනීචතා හීනප්පණීතතා උක්කංසාවකංසො සීමා වා භෙදො වා රාජී වා අන්තරිකා වා’ති.
ප. පටි: න හෙවං වත්තබ්බෙ -පෙ-
3. ස. පු: දුක්ඛසච්චං අසඞ්ඛතන්ති.
ප. පටිඤ්ඤා: ආමන්තා.
ස. අනු: දුක්ඛං අසඞ්ඛතන්ති.
ප. පටි: න හෙවං වත්තබ්බෙ -පෙ-
4. ස. පු: දුක්ඛසච්චං අසඞ්ඛතන්ති.
ප. පටිඤ්ඤා: ආමන්තා.
ස. අනු: කායිකං දුක්ඛං චෙතසිකං දුක්ඛං සොකපරිදෙවදුක්ඛදොමනස්සඋපායාසා අසඞ්ඛතා’ති.
ප. පටි: න හෙවං වත්තබ්බෙ -පෙ-
5. ස. පු: සමුදයසච්චං අසඞ්ඛතන්ති.
ප. පටිඤ්ඤා: ආමන්තා.
ස. අනු: සමුදයො අසඞ්ඛතො’ති.
ප. පටි: න හෙවං වත්තබ්බෙ -පෙ-
6. ස. පු: සමුදයසච්චං අසඞ්ඛතන්ති.
ප. පටිඤ්ඤා: ආමන්තා.
ස. අනු: කාමතණ්හා භවතණ්හා විභවතණ්හා අසඞ්ඛතා’ති.
ප. පටි: න හෙවං වත්තබ්බෙ -පෙ-
7. ස. පු: මග්ගසච්චං අසඞ්ඛතන්ති.
ප. පටිඤ්ඤා: ආමන්තා.
ස. අනු: මග්ගො අසඞ්ඛතො’ති.
ප. පටි: න හෙවං වත්තබ්බෙ -පෙ-
8. ස. පු: මග්ගසච්චං අසඞ්ඛතන්ති.
ප. පටිඤ්ඤා: ආමන්තා.
ස. අනු: සම්මාදිට්ඨි -පෙ- සම්මාසමාධි අසඞ්ඛතො’ති.
ප. පටි: න හෙවං වත්තබ්බෙ -පෙ-
9. ස. පු: දුක්ඛං සඞ්ඛතන්ති.
ප. පටිඤ්ඤා: ආමන්තා.
ස. අනු: දුක්ඛසච්චං සඞ්ඛතන්ති.
ප. පටි: න හෙවං වත්තබ්බෙ -පෙ-