ප. පටිඤ්ඤා: ආමන්තා.
ස. අනු: අනියතස්ස නියාමගමනාය අත්ථී නියාමො’ති.
ප. පටි: න හෙවං වත්තබ්බෙ -පෙ-
8. ස. පු: අනියතස්ස නියාමගමනාය අත්ථී ඤාණන්ති.
ප. පටිඤ්ඤා: ආමන්තා.
ස. අනු: අනියතස්ස නියාමගමනාය අත්ථී සතිපට්ඨානා -පෙ- සම්මප්පධානා -පෙ- ඉද්ධිපාදා -පෙ- ඉන්ද්රියා -පෙ- බලා -පෙ- බොජ්ඣඞ්ගා’ති.
ප. පටි: න හෙවං වත්තබ්බෙ -පෙ-
9. ස. අනු: අනියතස්ස නියාමගමනාය නත්ථී නියාමො’ති.
ප. පටිඤ්ඤා: ආමන්තා.
අනු. ඨ: හඤ්චි අනියතස්ස නියාමගමනාය නත්ථී නියාමො,
අනු. පා: නො ච වත රෙ වත්තබ්බෙ “අනියතස්ස නියාගමනාය අත්ථී ඤාණන්ති.”
10. ස. අනු: අනියතස්ස නියාමගමනාය නත්ථී සතිපට්ඨානා -පෙ- බොජ්ඣඞ්ගා’ති.
ප. පටිඤ්ඤා: ආමන්තා.
අනු. ඨ: හඤ්චි අනියතස්ස නියාමගමනාය නත්ථී බොජ්ඣඞ්ගා,
අනු. පා: නො ච වත රෙ වත්තබ්බෙ “අනියතස්ස නියාගමනාය අත්ථී ඤාණන්ති”
11. ස. පු: අනියතස්ස නියාමගමනාය අත්ථී ඤාණන්ති.
ප. පටිඤ්ඤා: ආමන්තා.
ස. අනු: ගොත්රභුනො පුග්ගලස්ස සොතාපත්තිමග්ගෙ ඤාණං අත්ථී’ති.
ප. පටි: න හෙවං වත්තබ්බෙ -පෙ-
ස. අනු: සොතාපත්තිඵලසච්ඡිකිරියාය පටිපන්නස්ස පුග්ගලස්ස සොතාපත්තිඵලෙ ඤාණං අත්ථී’ති.
ප. පටි: න හෙවං වත්තබ්බෙ -පෙ-
ස. අනු: සකදාගාමිඵලසච්ඡිකිරියාය -පෙ- අනාගාමිඵලසච්ඡිකිරියාය -පෙ- අරහත්තසච්ඡිකිරියාය පටිපන්නස්ස පුග්ගලස්ස අරහත්තෙ ඤාණං අත්ථී’ති.
ප. පටි: න හෙවං වත්තබ්බෙ -පෙ-
12. ප. පු: න වත්තබ්බං ‘අනියතස්ස නියාමගමනාය අත්ථී ඤාණන්ති.
ස. පටිඤ්ඤා: ආමන්තා.
ප. අනු: නනු භගවා ජානාති ‘අයං පුග්ගලො සම්මත්තනියාමං ඔක්කමිස්සති, භබ්බො අයං පුග්ගලො ධම්මං අභිසමෙතුන්ති.
ස. පටිඤ්ඤා: ආමන්තා.
අනු. ඨ: හඤ්චි භගවා ජානාති ‘අයං පුග්ගලො සම්මත්තනියාමං ඔක්කමිස්සති, භබ්බො අයං පුග්ගලො ධම්මං අභිසමෙතු’න්ති,{1}
අනු. පා: තෙන වත රෙ වත්තබ්බෙ ‘අනියතස්ස නියාමගමනාය අත්ථී ඤාණ’න්ති.
නියාමකථා නිට්ඨිතා.
5. 5.
පටිසම්භිදාකථා.
1. ස. පු: සබ්බං ඤාණං පටිසම්භිදා’ති.
ප. පටිඤ්ඤා: ආමන්තා.
ස. අනු: සම්මුතිඤාණං පටිසම්භිදා’ති.
ප. පටි: න හෙවං වත්තබ්බෙ -පෙ-
2. ස. පු: සම්මුතිඤාණං පටිසම්භිදා’ති.
ප. පටිඤ්ඤා: ආමන්තා.
ස. අනු: යෙ කෙචි සම්මුතිං ජානන්ති, සබ්බෙ තෙ පටිසම්භිදා පත්තා’ති.
ප. පටි: න හෙවං වත්තබ්බෙ -පෙ-
3. ස. පු: සබ්බං ඤාණං පටිසම්භිදා’ති.
ප. පටිඤ්ඤා: ආමන්තා.
ස. අනු: චෙතොපරියායෙ ඤාණං පටිසම්භිදා’ති.
ප. පටි: න හෙවං වත්තබ්බෙ -පෙ-
4. ස. පු: චෙතොපරියායෙ ඤාණං පටිසම්භිදා’ති.
ප. පටිඤ්ඤා: ආමන්තා.
ස. අනු: යෙ කෙචි පරචිත්තං ජානන්ති, සබ්බෙ තෙ පටිසම්භිදාපත්තා’ති.
ප. පටි: න හෙවං වත්තබ්බෙ -පෙ-
5. ස. පු: සබ්බං ඤාණං පටිසම්භිදා’ති.
ප. පටිඤ්ඤා: ආමන්තා.
ස. අනු: සබ්බා පඤ්ඤා පටිසම්භිදා’ති.
ප. පටි: න හෙවං වත්තබ්බෙ -පෙ-
6. ස. පු: සබ්බං පඤ්ඤා පටිසම්භිදා’ති.
ප. පටිඤ්ඤා: ආමන්තා.
ස. අනු: පඨවීකසිණසමාපත්තිං සමාපන්නස්ස අත්ථී පඤ්ඤා පටිසම්භිදා’ති.
ප. පටි: න හෙවං වත්තබ්බෙ -පෙ-
ස. අනු: අපොකසිණං -පෙ- තෙජොකසිණං -පෙ- වායොකසිණං -පෙ- නීලකසිණං -පෙ- පීතකසිණං -පෙ- ලොහිතකසිණං -පෙ- ඔදාතකසිණං -පෙ- ආකාසානඤ්චායතනං -පෙ- විඤ්ඤාණඤ්චායතනං -පෙ- ආකිඤ්චඤ්ඤායතනං -පෙ- නෙවසඤ්ඤානාසඤ්ඤායතනං සමාපන්නස්ස -පෙ- දානං දදන්තස්ස -පෙ- චීවරං දදන්තස්ස -පෙ- පිණ්ඩපාතං දදන්තස්ස -පෙ- සෙනාසනං දදන්තස්ස -පෙ- ගිලානපච්චයභෙසජ්ජපරික්ඛාරං දදනන්තස්ස අත්ථී පඤ්ඤා සා පටිසම්භිදා’ති.
ප. පටි: න හෙවං වත්තබ්බෙ -පෙ-
7. ප. පු: න වත්තබ්බං සබ්බං ඤාණං පටිසම්භිදා’ති.
ස. පටිඤ්ඤා: ආමන්තා.
ප. අනු: අත්ථී ලොකුත්තරා පඤ්ඤා, සාපඤ්ඤා න පටිසම්භිදා’ති.
ස. පටි: න හෙවං වත්තබ්බෙ -පෙ-
අනු. පා: තෙන හි සබ්බං ඤාණං පටිසම්භිදා’ති.
පටිසම්භිදාකථා නිට්ඨිතා.
5. 6.
සම්මුතිඤාණකථා.
1. ස. පු: න වත්තබ්බං: සම්මුතිඤාණං සච්චාරම්මණඤ්ඤෙව න අඤ්ඤාරම්මණන්ති.
ප. පටිඤ්ඤා: ආමන්තා.
ප. අනු: නනු පඨවීකසිණසමාපත්තිං සමාපන්නස්ස අත්ථී ඤාණං, පඨවීකසිණඤ්ච සම්මුතිසච්චම්හි’ති.
ස. පටිඤ්ඤා: ආමන්තා.
අනු. ඨ: හඤ්චි පඨවීකසිණසමාපත්තිං සමාපන්නස්ස අත්ථී ඤාණං ‘පඨවීකසිණඤ්ච සම්මුතිසච්චම්හි,
අනු. පා: තෙන වත රෙ වත්තබ්බෙ: සම්මුතිඤාණං සච්චාරම්මණඤ්ඤෙ’ව න අඤ්ඤාරම්මණන්ති.
2. ප. පු: න වත්තබ්බං: සම්මුතිඤාණං සච්චාරම්මණඤ්ඤෙ’ව න අඤ්ඤාරම්මණන්ති.
ස. පටිඤ්ඤා: ආමන්තා.
ප. අනු: නනු ආපොකසිණං -පෙ- තෙජොකසිණං -පෙ- ගිලානපච්චය භෙසජ්ජපරික්ඛාරං දදන්තස්ස අත්ථී ඤාණං, ගිලානපච්චය භෙසජ්ජපරික්ඛාරො ච සම්මුතිසච්චම්හි’ති.
ස. පටිඤ්ඤා: ආමන්තා.
අනු. ඨ: හඤ්චි ගිලානපච්චයභෙසජ්ජපරික්ඛාරං දදන්තස්ස අත්ථී ඤාණං, ගිලානපච්චයභෙසජ්ජ පරික්ඛාරො ච සම්මුතිසච්චම්හි,
අනු. පා: තෙන වත රෙ වත්තබ්බෙ: සම්මුතිඤාණං සච්චාරම්මණඤ්ඤෙ’ව න අඤ්ඤාරම්මණන්ති.
3. ස. පු: සම්මුතිඤාණං සච්චාරම්මණඤ්ඤෙ’ව න අඤ්ඤාරම්මණන්ති.
ප. පටිඤ්ඤා: ආමන්තා.
ස. අනු: තෙන ඤාණෙන දුක්ඛං පරිජානාති. සමුදයං පජහති, නිරොධං සච්ඡිකරොතී, මග්ගං භාවෙතී’ති.
ප. පටි: න හෙවං වත්තබ්බෙ -පෙ-
සම්මුතිඤාණකථා නිට්ඨිතා.
5. 7.
චිත්තාරම්මණකථා.
1. ස. පු: චෙතොපරියායෙ ඤාණං චිත්තාරම්මණඤ්ඤෙ’ව න අඤ්ඤාරම්මණන්ති.
ප. පටිඤ්ඤා: ආමන්තා.
ස. අනු: නනු අත්ථී කොචි සරාගං චිත්තං සරාගං චිත්තන්ති පජානාතී’ති.
ප. පටිඤ්ඤා: ආමන්තා.
අනු. ඨ: හඤ්චි අත්ථී කොචි සරාගං චිත්තං සරාගං චිත්තන්ති පජානාති,
අනු. පා: නො ච වත රෙ වත්තබ්බෙ: චෙතොපරියායෙ ඤාණං චිත්තාරම්මණඤ්ඤෙ’ව න අඤ්ඤාරම්මණන්ති.
ස. අනු: නනු අත්ථී කොචි වීතරාගං චිත්තං -පෙ- සදොසං චිත්තං -පෙ- වීතදොසං චිත්තං -පෙ- සමොහං චිත්තං -පෙ- වීතමොහං චිත්තං -පෙ- සඞ්ඛිත්තං චිත්තං -පෙ- වික්ඛිත්තං චිත්තං -පෙ- මහග්ගතං චිත්තං -පෙ- අමග්ගහතං චිත්තං -පෙ- සඋත්තරං චිත්තං -පෙ- අනුත්තරං චිත්තං -පෙ- සමාහිතං චිත්තං -පෙ- අසමාහිතං චිත්තං -පෙ- විමුත්තං චිත්තං -පෙ- අවිමුත්තං චිත්තං අවිමුත්තං චිත්තංන්ති පජානාතී’ති.
ප. පටිඤ්ඤා: ආමන්තා.
අනු. ඨ: හඤ්චි අත්ථී කොචි අවිමුත්තං චිත්තං අවිමුත්තං චිත්තන්ති පජානාති,
අනු. පා: නො ච වත රෙ වත්තබ්බෙ: චෙතොපරියායෙ ඤාණං චිත්තාරම්මණඤ්ඤෙ’ව න අඤ්ඤාරම්මණන්ති.
2. ස. පු: ඵස්සාරම්මණෙ ඤාණං වත්තබ්බං: චෙතොපරියායෙ ඤාණන්ති.
ප. පටිඤ්ඤා: ආමන්තා.
අනු. ඨ: හඤ්චි ඵස්සාරම්මණෙ ඤාණං වත්තබ්බං: චෙතොපරියායෙ ඤාණං,
අනු. පා: නො ච වත රෙ වත්තබ්බෙ: චෙතොපරියායෙ ඤාණං චිත්තාරම්මණඤ්ඤෙ’ව අඤ්ඤාරම්මණන්ති.
3. ස. පු: වෙදනාරම්මණෙ ඤාණං -පෙ- සඤ්ඤාරම්මණෙ ඤාණං - චෙතනාරම්මණෙ ඤාණං - චිත්තාරම්මණෙ ඤාණං - සද්ධාරම්මණෙ ඤාණං - විරියාරම්මණෙ ඤාණං - සතාරම්මණෙ ඤාණං - සමාධාරම්මණෙ ඤාණං - පඤ්ඤාරම්මණෙ ඤාණං - රාගාරම්මණෙ ඤාණං - දොසාරම්මණෙ ඤාණං - මොහාරම්මණෙ ඤාණං -පෙ- අනොත්තප්පාරම්මණෙ ඤාණං වත්තබ්බං: චොතොපරියායෙ ඤාණන්ති.