අනු. ඨ: හඤ්චි අනාගාමිඵලසච්ඡිකිරියාය පටිපන්නො පුග්ගලො සොතාපත්තිඵලං වීතිවත්තො,
අනු. පා: නො ච වත රෙ වත්තබ්බෙ ‘අනාගාමිඵලසච්ඡිකිරියාය පටිපන්නො පුග්ගලො සොතාපත්තිඵලෙන සමන්නාගතො’ති.
23. ස. පු: අනාගාමිඵලසච්ඡිකිරියාය පටිපන්නො පුග්ගලො සොතාපත්තිඵලං වීතිවත්තො, තෙන සමන්නාගතො’ති.
ප. පටිඤ්ඤා: ආමන්තා.
ස. අනු: අනාගාමිඵලසච්ඡිකිරියාය පටිපන්නො පුග්ගලො සොතාපත්තිමග්ගං වීතිවත්තො, සක්කායදිට්ඨිං -පෙ- අපායගමනීයං මොහං වීතිවත්තො, තෙන සමන්නාගතොති.
ප. පටි: න හෙවං වත්තබ්බෙ -පෙ-
24. ස. පු: අනාගාමිඵලසච්ඡිකිරියාය පටිපන්නො පුග්ගලො සකදාගාමිඵලෙන සමන්නාගතොති.
ප. පටිඤ්ඤා: ආමන්තා.
ස. අනු: නනු අනාගාමිඵලසච්ඡිකිරියාය පටිපන්නො පුග්ගලො සකදාගාමිඵලං වීතිවත්තොති.
ප. පටිඤ්ඤා: ආමන්තා.
අනු. ඨ: හඤ්චි අනාගාමිඵලසච්ඡිකිරියාය පටිපන්නො පුග්ගලො සකදාගාමිඵලං වීතිවත්තො,
අනු. පා: නො ච වත රෙ වත්තබ්බෙ ‘අනාගාමිඵලසච්ඡිකිරියාය පටිපන්නො පුග්ගලො සකදාගාමිඵලෙන සමන්නාගතො’ති.
25. ස. පු: අනාගාමිඵලසච්ඡිකිරියාය පටිපන්නො පුග්ගලො සකදාගාමිඵලං වීතිවත්තො, තෙන සමන්නාගතො’ති.
ප. පටිඤ්ඤා: ආමන්තා.
ස. අනු: අනාගාමිඵලසච්ඡිකිරියාය පටිපන්නො පුග්ගලො සකදාගාමිමග්ගං වීතිවත්තො, ඔළාරිකං කාමරාගං ඔළාරිකං ව්යාපාදං වීතිවත්තො, තෙන සමන්නාගතොති.
ප. පටි: න හෙවං වත්තබ්බෙ -පෙ-
26. ස. පු: සකදාගාමිඵලසච්ඡිකිරියාය පටිපන්නො පුග්ගලො සොතාපත්තිඵලෙන සමන්නාගතොති.
ප. පටිඤ්ඤා: ආමන්තා.
ස. අනු: නනු සකදාගාමිඵලසච්ඡිකිරියාය පටිපන්නො පුග්ගලො සොතාපත්තිඵලං වීතිවත්තොති.
ප. පටිඤ්ඤා: ආමන්තා.
අනු. ඨ: හඤ්චි සකදාගාමිඵලසච්ඡිකිරියාය පටිපන්නො පුග්ගලො සොතාපත්තිඵලං වීතිවත්තො,
අනු. පා: නො ච වත රෙ වත්තබ්බෙ ‘සකදාගාමිඵලසච්ඡිකිරියාය පටිපන්නො පුග්ගලො සොතාපත්තිඵලෙන සමන්නාගතො’ති.
27. ස. පු: සකදාගාමිඵලසච්ඡිකිරියාය පටිපන්නො පුග්ගලො සොතාපත්තිඵලං වීතිවත්තො, තෙන සමන්නාගතො’ති.
ප. පටිඤ්ඤා: ආමන්තා.
ස. අනු: සකදාගාමිඵලසච්ඡිකිරියාය පටිපන්නො පුග්ගලො සොතාපත්තිමග්ගං වීතිවත්තො, සක්කායදිට්ඨිං -පෙ- අපායගමනීයං මොහං වීතිවත්තො, තෙන සමන්නාගතොති.
ප. පටි: න හෙවං වත්තබ්බෙ -පෙ-
28. ප. පු: න වත්තබ්බං අරහත්තසච්ඡිකිරියාය පටිපන්නො පුග්ගලො තීහි ඵලෙහි සමන්නාගතො’ති.
ස. පටිඤ්ඤා: ආමන්තා.
ප. අනු: නනු අරහත්තසච්ඡිකිරියාය පටිපන්නෙන පුග්ගලෙන තීණි ඵලානි පටිලද්ධානි, තෙහි ච අපරිහීනොති.
ප. පටිඤ්ඤා: ආමන්තා.
අනු. ඨ: හඤ්චි අරහත්තසච්ඡිකිරියාය පටිපන්නෙන පුග්ගලෙන තීණි ඵලානි පටිලද්ධානි, තෙහි ච අපරිහීනො,
අනු. පා: තෙන වත රෙ වත්තබ්බෙ ‘අරහත්තසච්ඡිකිරියාය පටිපන්නො පුග්ගලො තීහි ඵලෙහි සමන්නාගතො’ති.
29. ප. පු: න වත්තබ්බං ‘අනාගාමිඵලසච්ඡිකිරියාය පටිපන්නො පුග්ගලො ද්වීහි ඵලෙහි සමන්නාගතො’ති.
ස. පටිඤ්ඤා: ආමන්තා.
ප. අනු: නනු අනාගාමිඵලසච්ඡිකිරියාය පටිපන්නෙන පුග්ගලෙන ද්වෙ{1} ඵලානි පටිලද්ධානි, තෙහි ච අපරිහීනොති.
ස. පටිඤ්ඤා: ආමන්තා.
අනු. ඨ: හඤ්චි අනාගාමිඵලසච්ඡිකිරියාය පටිපන්නෙන පුග්ගලෙන ද්වෙ ඵලානි පටිලද්ධානි, තෙහි ච අපරිහීනො,
අනු. පා: තෙන වත රෙ වත්තබ්බෙ ‘අනාගාමිඵලසච්ඡිකිරියාය පටිපන්නො පුග්ගලො ද්වීහි ඵලෙහි සමන්නාගතො’ති.
30. ප. පු: න වත්තබ්බං ‘සකදාගාමිඵලසච්ඡිකිරියාය පටිපන්නො පුග්ගලො සොතාපත්තිඵලෙන සමන්නාගතො’ති.
ස. පටිඤ්ඤා: ආමන්තා.
ප. අනු: නනු සකදාගාමිඵලසච්ඡිකිරියාය පටිපන්නෙන පුග්ගලෙන සොතාපත්තිඵලං පටිලද්ධං තෙන ච අපරිහීනො’ති.
ස. පටිඤ්ඤා: ආමන්තා.
අනු. ඨ: හඤ්චි සකදාගාමිඵලසච්ඡිකිරියාය පටිපන්නෙන පුග්ගලෙන සොතාපත්තිඵලං පටිලද්ධං, තෙන ච අපරිහීනො,
අනු. පා: තෙන වත රෙ වත්තබ්බෙ ‘සකදාගාමිඵලසච්ඡිකිරියාය පටිපන්නො පුග්ගලො සොතාපත්තිඵලෙන සමන්නාගතො’ති.
31. ස. පු: අරහත්තසච්ඡිකිරියාය පටිපන්නෙන පුග්ගලෙන තීණි ඵලානි පටිලද්ධානි, තෙහි ච අපරිහීනො’ති අරහත්තසච්ඡිකිරියාය පටිපන්නො පුග්ගලො තීහි ඵලෙහි සමන්නාගතො’ති.
ප. පටිඤ්ඤා: ආමන්තා.
ස. අනු: අරහත්තසච්ඡිකිරියාය පටිපන්නෙන පුග්ගලෙන චත්තාරො මග්ගා පටිලද්ධා, තෙහි ච අපරිහීනොති අරහත්තසච්ඡිකිරියාය පටිපන්නො පුග්ගලො චතූහි මග්ගෙහි සමන්නාගතො’ති.
ප. පටි: න හෙවං වත්තබ්බෙ -පෙ-
32. ස. පු: අනාගාමිඵලසච්ඡිකිරියාය පටිපන්නෙන පුග්ගලෙන ද්වෙ{1} ඵලානි පටිලද්ධානි, තෙහි ච අපරිහීනො’ති අනාගාමිඵලසච්ඡිකිරියාය පටිපන්නො පුග්ගලො ද්වීහි ඵලෙහි සමන්නාගතො’ති.
ප. පටිඤ්ඤා: ආමන්තා.
ස. අනු: අනාගාමිඵලසච්ඡිකිරියාය පටිපන්නෙන පුග්ගලෙන තයො මග්ගා පටිලද්ධා, තෙහි ච අපරිහීනො’ති අනාගාමිඵලසච්ඡිකිරියාය පටිපන්නො පුග්ගලො තීහි මග්ගෙහි සමන්නාගතො’ති.
ප. පටි: න හෙවං වත්තබ්බෙ -පෙ-
33. ස. පු: සකදාගාමිඵලසච්ඡිකිරියාය පටිපන්නෙන පුග්ගලෙන සොතාපත්තිඵලං පටිලද්ධං තෙන ච අපරිහීනො’ති සකදාගාමිඵලසච්ඡිකිරියාය පටිපන්නො පුග්ගලො සොතාපත්තිඵලෙන සමන්නාගතො’ති.
ප. පටිඤ්ඤා: ආමන්තා.
ස. අනු: සකදාගාමිඵලසච්ඡිකිරියාය පටිපන්නෙන පුග්ගලෙන ද්වෙ මග්ගා පටිලද්ධා, තෙහි ච අපරිහීනොති සකදාගාමිඵලසච්ඡිකිරියාය පටිපන්නො පුග්ගලො ද්වීහි මග්ගෙහි සමන්නාගතො’ති.
ප. පටි: න හෙවං වත්තබ්බෙ -පෙ-
අපරාපි සමන්නාගතකථා නිට්ඨිතා.
4. 10.
සඤ්ඤොජනප්පහාන කථා.
1. ස. පු: සබ්බසඤ්ඤොජනානං පහානං අරහත්තන්තී.
ප. පටිඤ්ඤා: ආමන්තා.
ස. අනු: අරහත්තමග්ගෙන සබ්බෙ සඤ්ඤොජනා පහියන්තී’ති.
ප. පටි: න හෙවං වත්තබ්බෙ -පෙ-
2. ස. පු: අරහත්තමග්ගෙන සබ්බෙ සඤ්ඤොජනා පහීයන්ති’ති.
ප. පටිඤ්ඤා: ආමන්තා.
ස. අනු: අරහත්තමග්ගෙන සක්කායදිට්ඨිං විචිකිච්ඡං සීලබ්බතපරාමාසං පජහතීති.
ප. පටි: න හෙවං වත්තබ්බෙ -පෙ-
3. ස. පු: අරහත්තමග්ගෙන සක්කායදිට්ඨිං විචිකිච්ඡා සීලබ්බතපරාමාසං පජහතීති.
ප. පටිඤ්ඤා: ආමන්තා.
ස. අනු: නනු තිණ්ණං සඤ්ඤොජනානං පහානං සොතාපත්තිඵලං වුත්තං භගවතා’ති.
ප. පටිඤ්ඤා: ආමන්තා.
අනු. ඨ: හඤ්චි තිණ්ණං සඤ්ඤොජනානං පහානං සොතාපත්තිඵලං වුත්තං භගවතා,
අනු. පා: නො ච වත රෙ වත්තබ්බෙ ‘අරහත්තමග්ගෙන සබ්බෙ සඤ්ඤොජනා පහීයන්තී’ති.
4. ස. පු: අරහත්තමග්ගෙන සබ්බෙ සඤ්ඤොජනා පහීයන්තීති.
ප. පටිඤ්ඤා: ආමන්තා.
ස. අනු: අරහත්තමග්ගෙන ඔළාරිකං කාමරාගං ඔළාරිකං ව්යාපාදං පජහතීති.
ප. පටි: න හෙවං වත්තබ්බෙ -පෙ-
5. ස. පු: අරහත්තමග්ගෙන ඔළාරිකං කාමරාගං ඔළාරිකං ව්යාපාදං පජහතීති.
ප. පටිඤ්ඤා: ආමන්තා.
ස. අනු: නනු කාමරාගව්යාපාදානං තනුභාවං සකදාගාමිඵලං වුත්තං භගවතා’ති.
ප. පටිඤ්ඤා: ආමන්තා.
අනු. ඨ: හඤ්චි කාමරාගව්යාපාදානං තනුභාවං සකදාගාමිඵලං වුත්තං භගවතා,
අනු. පා: නො ච වත රෙ වත්තබ්බෙ ‘අරහත්තමග්ගෙන සබ්බෙ සඤ්ඤොජනා පහීයන්තී’ති.
6. ස. පු: අරහත්තමග්ගෙන සබ්බෙ සඤ්ඤොජනා පහීයන්තීති.
ප. පටිඤ්ඤා: ආමන්තා.
ස. අනු: අරහත්තමග්ගෙන අණුසහගතං කාමරාගං අණුසහගතං ව්යාපාදං පජහතී’ති.
ප. පටි: න හෙවං වත්තබ්බෙ -පෙ-
7. ස. පු: අරහත්තමග්ගෙන අණුසහගතං කාමරාගං අණුසහගතං ව්යාපාදං පජහතී’ති.
ප. පටිඤ්ඤා: ආමන්තා.
ස. අනු: නනු කාමරාගව්යාපාදානං අනවසෙසප්පහානං අනාගාමිඵලං වුත්තං භගවතා’ති.
ප. පටිඤ්ඤා: ආමන්තා.
අනු. ඨ: හඤ්චි කාමරාගව්යාපාදානං අනවසෙසප්පහානං අනාගාමිඵලං වුත්තං භගවතා,
අනු. පා: නො ච වත රෙ වත්තබ්බෙ “අරහත්තමග්ගෙන සබ්බෙ සඤ්ඤොජනා පහීයන්තී”ති.
8. ස. පු: අරහත්තමග්ගෙන සබ්බෙ සංයොජනා පහීයන්තී’ති. .
ප. පටිඤ්ඤා: ආමන්තා.
ස. අනු: නනු රූපරාගඅරූපරාගමානඋද්ධච්චඅවිජ්ජාය අනවසෙසප්පහානං අරහත්තං වුත්තං භගවතා’ති.
ප. පටිඤ්ඤා: ආමන්තා.
අනු: ඨ: හඤ්චි රූපරාගඅරූපරාගමානඋද්ධච්චඅවිජ්ජාය අනවසෙසප්පහානං අරහත්තං වුත්තං භගවතා,
අනු. පා: නො ච වත රෙ වත්තබ්බෙ “අරහත්තමග්ගෙන සබ්බෙ සඤ්ඤොජනා පහීයන්තී”ති.
9. ස. පු: න වත්තබ්බං සබ්බසංයොජනානං පහානං අරහත්තන්ති.