ප. පටිඤ්ඤා: ආමන්තා.
අනු. ඨ: හඤ්චි අරහා අනාගාමිඵලං වීතිවත්තො,
අනු. පා: නො ච වත රෙ වත්තබ්බෙ: අරහා අනාගාමිඵලෙන සමන්නාගතො’ති.
21. ස. පු: අරහා අනාගාමිඵලං වීතිවත්තො තෙන සමන්නාගතො’ති.
ප. පටිඤ්ඤා: ආමන්තා.
ස. අනු: අරහා අනාගාමිමග්ගං වීතිවත්තො අණුසහගතං කාමරාගං අණුසහගතං බ්යාපාදං වීතිවත්තො තෙන සමන්නාගතො’ති.
ප. පටි: න හෙවං වත්තබ්බෙ -පෙ-
22. ස. පු: අනාගාමී සොතාපත්තිඵලෙන සමන්නාගතො’ති
ප. පටිඤ්ඤා: ආමන්තා.
ස. අනු: නනු අනාගාමී සොතාපත්තිඵලං වීතිවත්තො’ති.
ප. පටිඤ්ඤා: ආමන්තා.
අනු. ඨ: හඤ්චි අනාගාමී සොතාපත්තිඵලං වීතිවත්තො,
අනු. පා: නො ච වත රෙ වත්තබ්බෙ: අනාගාමී සොතාපත්තිඵලෙන සමන්නාගතොති.
23. ස. පු: අනාගාමී සොතාපත්තිඵලං වීතිවත්තො තෙන සමන්නාගතො’ති.
ප. පටිඤ්ඤා: ආමන්තා.
ස. අනු: අනාගාමී සොතාපත්තිමග්ගං වීතිවත්තො සක්කායදිට්ඨිං -පෙ- අපායගමනීයං මොහං වීතිවත්තො තෙන සමන්නාගතො’ති.
ප. පටි: න හෙවං වත්තබ්බෙ -පෙ-
24. ස. පු: අනාගාමී සකදාගාමිඵලෙන සමන්නාගතො’ති.
ප. පටිඤ්ඤා: ආමන්තා.
ස. අනු: නනු අනාගාමී සකදාගාමිඵලං වීතිවත්තො’ති.
ප. පටිඤ්ඤා: ආමන්තා.
අනු. ඨ: හඤ්චි අනාගාමී සකදාගාමිඵලං වීතිවත්තො,
අනු. පා: නො ච වත රෙ වත්තබ්බෙ: අනාගාමී සකදාගාමිඵලෙන සමන්නාගතො’ති.
25. ස. පු: අනාගාමී සකදාගාමිඵලං වීතිවත්තො තෙන සමන්නාගතො’ති.
ප. පටිඤ්ඤා: ආමන්තා.
ස. අනු: අනාගාමී සකදාගාමිමග්ගං වීතිවත්තො ඔළාරිකං කාමරාගං ඔළාරිකං බ්යාපාදං වීතිවත්තො තෙන සමන්නාගතො’ති.
ප. පටි: න හෙවං වත්තබ්බෙ -පෙ-
26. ස. පු: සකදාගාමී සොතාපත්තිඵලෙන සමන්නාගතො’ති.
ප. පටි: ආමන්තා.
ස. අනු: නනු සකදාගාමී සොතාපත්තිඵලං වීතිවත්තො’ති.
ප. පටිඤ්ඤා: ආමන්තා.
අනු. ඨ: හඤ්චි සකදාගාමී සොතාපත්තිඵලං වීතිවත්තො,
අනු. පා: නො ච වත රෙ වත්තබ්බෙ: සකදාගාමී සොතාපත්තිඵලෙන සමන්නාගතො’ති.
27. ස. පු: සකදාගාමී සොතාපත්තිඵලං වීතිවත්තො තෙන සමන්නාගතො’ති.
ප. පටිඤ්ඤා: ආමන්තා.
ස. අනු: සකදාගාමී සොතාපත්තිමග්ගං වීතිවත්තො සක්කායදිට්ඨිං -පෙ- අපායගමනීයං මොහං වීතිවත්තො තෙන සමන්නාගතො’ති.
ප. පටි: න හෙවං වත්තබ්බෙ -පෙ-
28. ප. පු: න වත්තබ්බං: අරහා චතූහි ඵලෙහි සමන්නාගතො’ති.
ප. පටිඤ්ඤා: ආමන්තා.
ප. අනු: නනු අරහතා චත්තාරි ඵලානි පටිලද්ධානි තෙහි ච අපරිහීනො’ති.
ස. පටිඤ්ඤා: ආමන්තා.
අනු. ඨ: හඤ්චි අරහතා චත්තාරි ඵලානි පටිලද්ධානි තෙහි ච අපරිහීනො,
අනු. පා: තෙන වත රෙ වත්තබ්බෙ: අරහා චතූහි ඵලෙහි සමන්නාගතො’ති.
29. ප. පු: න වත්තබ්බං: ‘අනාගාමී තීහි ඵලෙහි සමන්නාගතො’ති.
ප. පටිඤ්ඤා: ආමන්තා.
ප. අනු: නනු අනාගාමිනා තීහි ඵලානි පටිලද්ධානි තෙහි ච අපරිහීනො’ති
ස. පටිඤ්ඤා: ආමන්තා.
අනු. ඨ: හඤ්චි අනාගාමිනා තීහි ඵලානි පටිලද්ධානි තෙහි ච අපරිහීනො,
අනු. පා: තෙන වත රෙ වත්තබ්බෙ: ‘අනාගාමී තීහි ඵලෙහි සමන්නාගතො’ති.
30. ප. පු: න වත්තබ්බං ‘සකදාගාමී ද්වීහි ඵලෙහි සමන්නාගතො’ති.
ස. පටිඤ්ඤා: ආමන්තා.
ප. අනු: නනු සකදාගාමිනා ද්වෙ ඵලානි පටිලද්ධානි තෙහි ච අපරිහීනො’ති.
ස. පටිඤ්ඤා: ආමන්තා.
අනු. ඨ: හඤ්චි සකදාගාමිනා ද්වෙ ඵලානි පටිලද්ධානි තෙහි ච අපරිහීනො,
අනු. පා: තෙන වත රෙ වත්තබ්බෙ: සකදාගාමී ද්වීහි ඵලෙහි සමන්නාගතො’ති.
31. ස. පු: අරහතා චත්තාරි ඵලානි පටිලද්ධානි තෙහි ච අපරිහීනො’ති අරහා චතූහි ඵලෙහි සමන්නාගතො’ති.
ප. පටිඤ්ඤා: ආමන්තා.
ස. අනු: අරහතා චත්තාරො මග්ගා පටිලද්ධා තෙහි ච අපරිහීනො’ති අරහා චතූහි මග්ගෙහි සමන්නාගතො’ති.
ප. පටි: න හෙවං වත්තබ්බෙ -පෙ-
32. ස. පු: අනාගාමිනා තීණි ඵලානි පටිලද්ධානි තෙ හි ච අපරිහීනො’ති අනාගාමී තීහි ඵලෙහි සමන්නාගතො’ති.
ප. පටිඤ්ඤා: ආමන්තා.
ස. අනු: අනාගාමිනා තයො මග්ගා පටිලද්ධා තෙහි ච අපරිනො’ති අනාගාමී තීහි මග්ගෙහි සම්මන්නාගතො’ති.
ප. පටි: න හෙවං වත්තබ්බෙ -පෙ-
33. ස. පු: සකදාගාමිනා ද්වෙ ඵලානි පටිලද්ධානි තෙහි ච අපරිහීනො’ති සකදාගාමී ද්වීහි ඵලෙහි සමන්නාගතො’ති.
ප. පටිඤ්ඤා: ආමන්තා.
ස. අනු: සකදාගාමිනා ද්වෙ මග්ගා පටිලද්ධා තෙහි ච අපරිහීනො’ති සකදාගාමී ද්වීහි මග්ගෙහි සමන්නාගතො’ති.
ප. පටි: න හෙවං වත්තබ්බෙ -පෙ-
සමන්නාගතකථා නිට්ඨිතා.
4. 5.
උපෙක්ඛාසමන්නාගතකථා.
1. ස. පු: අරහා ඡහි උපෙක්ඛාහි සමන්නාගතො’ති.
ප. පටිඤ්ඤා: ආමන්තා.
ස. අනු: අරහා ඡහි ඵස්සෙහි ඡහි වෙදනාහි ඡහි සඤ්ඤාහි -පෙ- ඡහි පඤ්ඤාහි සමන්නාගතො’ති.
ප. පටි: න හෙවං වත්තබ්බෙ -පෙ-
2. ස. පු: අරහා ඡහි උපෙක්ඛාහි සමන්නාගතො’ති.
ප. පටිඤ්ඤා: ආමන්තා.
ස. අනු: අරහා චක්ඛුනා රූපං පස්සන්තො සොතෙන සද්දං සුණාති, ඝානෙන ගන්ධං ඝායති, ජිව්හාය රසං සායති. කායෙන ඵොට්ඨබ්බං ඵුසති, මනසා ධම්මං විජානාති; මනසා ධම්මං විජානන්තො චක්ඛුනා රූපං පස්සති -පෙ- සොතෙන සද්දං සුණාති -පෙ- ඝානෙන ගන්ධං ඝායති -පෙ- ජිව්හාය රසං සායති -පෙ- කායෙන ඵොට්ඨබ්බං ඵුසතී’ති.
ප පටි: න හෙවං වත්තබ්බෙ -පෙ-
3. ස. පු: අරහා ඡහි උපෙක්ඛාහි සමන්නාගතො’ති.
ප. පටිඤ්ඤා: ආමන්තා.
ස. අනු: සත්තං සමිතං අබ්බොකිණ්ණං{1} ඡහි උපෙක්ඛාහි සමන්නාගතො සමොහිතො{2} ඡ උපෙක්ඛායො පච්චුපට්ඨිතා’ති.
ප. පටි: න හෙවං වත්තබ්බෙ -පෙ-
4. ප. පු: න වත්තබ්බං ‘අරහා ඡහි උපෙක්ඛාහි සමන්නාගතො’ති.
ස. පටිඤ්ඤා: ආමන්තා.
ප. අනු: නනු අරහා ඡළඞ්ගුපෙක්ඛො’ති.{3}
ස. පටිඤ්ඤා: ආමන්තා.
අනු. ඨ: හඤ්චි අරහා ඡළඞ්ගුපෙක්ඛො,{3}
අනු. පා: තෙන වත රෙ වත්තබ්බෙ: අරහා ඡහි උපෙක්ඛාහි සමන්නාගතො’ති.
උපෙක්ඛාසමන්නාගතකථා නිට්ඨිතා.
4. 6.
බොධියාබුද්ධොතිකථා.
1. ස. පු: බොධියා බුද්ධො’ති.
ප. පටිඤ්ඤා: ආමන්තා.
ස. අනු: බොධියා නිරුද්ධාය විගතාය පටිප්පස්සද්ධාය අබුද්ධො හොතී’ති
ප. පටි: න හෙවං වත්තබ්බෙ -පෙ-
2. ස. පු: බොධියා බුද්ධො’ති.
ප. පටිඤ්ඤා: ආමන්තා.
ස. අනු: අතීතාය බොධියා බුද්ධො’ති.
ප. පටි: න හෙවං වත්තබ්බෙ -පෙ-
3. ස. පු: අතීතාය බොධියා බුද්ධො’ති.