අනු. ඨ: හඤ්චි අරහා අනාසවො,
අනු පා: තෙන වත රෙ වත්තබ්බෙ අරහතො සබ්බෙ ධම්මා අනාසවා’ති.
අනාසවකථා නිට්ඨිතා.
4. 4.
සමන්නාගතකථා.
1. ස. පු: අරහා චතූහි ඵලෙහි සමන්නාගතො’ති.
ප. පටිඤ්ඤා: ආමන්තා.
ස. අනු: අරහා චතූහි ඵස්සෙහි චතූහි වෙදනාහි චතූහි සඤ්ඤාහි චතූහි චෙතනාහි චතූහි චිත්තෙහි චතූහි සද්ධාහි චතූහි විරියෙහි චතූහි සතීහි චතූහි සමාධීහි චතූහි පඤ්ඤාහි සමන්නාගතො’ති.
ප. පටි: න හෙවං වත්තබ්බෙ -පෙ-
2. ස. පු: අනාගාමී තීහි ඵලෙහි සමන්නාගතො’ති.
ප. පටිඤ්ඤා: ආමන්තා.
ස. අනු: අනාගාමී තීහි ඵස්සෙහි -පෙ- තීහි පඤ්ඤාහි සමන්නාගතො’ති.
ප. පටි: න හෙවං වත්තබ්බෙ -පෙ-
3. ස. පු: සකදාගාමී ද්වීහි ඵලෙහි සමන්නාගතො’ති.
ප. පටිඤ්ඤා: ආමන්තා.
ස. අනු: සකදාගාමී ද්වීහි ඵස්සෙහි -පෙ- ද්වීහි පඤ්ඤාහි සමන්නාගතො’ති.
ප. පටි: න හෙවං වත්තබ්බෙ -පෙ-
4. ස. පු: අරහා සොතාපත්තිඵලෙන සමන්නාගතො’ති.
ප. පටිඤ්ඤා: ආමන්තා.
ස. අනු: අරහා සොතාපන්නො සත්තක්ඛත්තුපරමො කොලංකොලො එකබීජී’ති.
ප. පටි: න හෙවං වත්තබ්බෙ -පෙ-
5. ස. පු: අරහා සකදාගාමිඵලෙන සමන්නාගතො’ති.
ප. පටිඤ්ඤා: ආමන්තා.
ස. අනු: අරහා සකදාගාමී’ති.
ප. පටි: න හෙවං වත්තබ්බෙ -පෙ-
6. ස. පු: අරහා අනාගාමිඵලෙන සමන්නාගතො’ති.
ප. පටිඤ්ඤා: ආමන්තා.
ස. අනු: අරහා අනාගාමී අන්තරාපරිනිබ්බායී උපහච්චපරිනිබ්බායී අසංඛාරපරිනිබ්බායී සසංඛාරපරිනිබ්බායී උද්ධංසොතො අකනිට්ඨගාමී’ති.
ප. පටි: න හෙවං වත්තබ්බෙ -පෙ-
7. ස. පු: අනාගාමී සොතාපත්තිඵලෙන සමන්නාගතො’ති.
ප. පටිඤ්ඤා: ආමන්තා.
ස. අනු: අනාගාමී සොතාපන්නො සත්තක්ඛත්තුපරමො කොලංකොලො එකබීජී’ති.
ප. පටි: න හෙවං වත්තබ්බෙ -පෙ-
8. ස. පු: අනාගාමී සකදාගාමිඵලෙන සමන්නාගතො’ති.
ප. පටි: ආමන්තා.
ස. අනු: අනාගාමී සකදාගාමී’ති.
ප. පටි: න හෙවං වත්තබ්බෙ -පෙ-
9. ස. පු: සකදාගාමී සොතාපත්තිඵලෙන සමන්නාගතො’ති.
ප. පටිඤ්ඤා: ආමන්තා.
ස. අනු: සකදාගාමී සොතාපන්නො, සත්තක්ඛත්තුපරමො කොලංකොලො එකබීජී’ති.
ප. පටි: න හෙවං වත්තබ්බෙ -පෙ-
10. ස. පු: සොතාපත්තිඵලෙන සමන්නාගතො ‘සොතාපන්නො’ති වත්තබ්බො’ති.
ප. පටිඤ්ඤා: ආමන්තා.
ස. පු: අරහා සොතාපත්තිඵලෙන සමන්නාගතො’ති.
ප. පටිඤ්ඤා: ආමන්තා.
ස. අනු: ස්වෙව අරහා සොතාපන්නො’ති.
ප. පටි: න හෙවං වත්තබ්බෙ -පෙ-
11. ස. පු: සකදාගාමිඵලෙන සමන්නාගතො ‘සකදාගාමී’ති වත්තබ්බොති.
ප. පටිඤ්ඤා: ආමන්තා.
ස. පු: අරහා සකදාගාමිඵලෙන සමන්නාගතො’ති.
ප. පටිඤ්ඤා: ආමන්තා.
ස. අනු: ස්වෙ’ව අරහා සො සකදාගාමී’ති.
ප. පටි: න හෙවං වත්තබ්බෙ -පෙ-
12. ස. පු: අනාගාමිඵලෙන සමන්නාගතො අනාගාමී’ති වත්තබ්බොති.
ප. පටිඤ්ඤා: ආමන්තා.
ස. පු: අරහා අනාගාමිඵලෙන සමන්නාගතො’ති.
ප. පටිඤ්ඤා: ආමන්තා.
ස. අනු: ස්වෙ’ව අරහා සො අනාගාමී’ති.
ප. පටි: න හෙවං වත්තබ්බෙ -පෙ-
13. ස. පු: සොතාපත්තිඵලෙන සමන්නාගතො ‘සොතාපන්නො’ති වත්තබ්බො’ති.
ප. පටිඤ්ඤා: ආමන්තා.
ස. පු: අනාගාමී සොතාපත්තිඵලෙන සමන්නාගතො’ති.
ප. පටිඤ්ඤා: ආමන්තා.
ස. අනු: ස්වෙ’ව අනාගාමී සො සොතාපන්නො’ති.
ප. පටි: න හෙවං වත්තබ්බෙ -පෙ-
14. ස. පු: සකදාගාමිඵලෙන සමන්නාගතො ‘සකදාගාමී’ති වත්තබ්බොති.
ප. පටිඤ්ඤා: ආමන්තා.
ස. පු: අනාගාමී සකදාගාමිඵලෙන සමන්නාගතො’ති.
ප. පටිඤ්ඤා: ආමන්තා.
ස. අනු: ස්වෙ’ව අනාගාමී සො සකදාගාමී’ති.
ප. පටි: න හෙවං වත්තබ්බෙ -පෙ-
15. ස. පු: සොතාපත්තිඵලෙන සමන්නාගතො සොතාපන්නො’ති වත්තබ්බො’ති.
ප. පටිඤ්ඤා: ආමන්තා.
ස. පු: සකදාගාමී සොතාපත්තිඵලෙන සමන්නාගතො’ති.
ප. පටිඤ්ඤා: ආමන්තා.
ස. අනු: ස්වෙ’ව සකදාගාමී සො සොතාපන්නො’ති.
ප. පටි: න හෙවං වත්තබ්බෙ -පෙ-
16. ස. පු: අරහා සොතාපත්තිඵලෙන සමන්නාගතො’ති.
ප. පටිඤ්ඤා: ආමන්තා.
ස. පු: නනු අරහා සොතාපත්තිඵලං වීතිවත්තො’ති.
ප. පටිඤ්ඤා: ආමන්තා.
අනු. ඨ: හඤ්චි අරහා සොතාපත්තිඵලං වීතිවත්තො,
අනු: පා: නො ච වත රෙ වත්තබ්බෙ: අරහා සොතාපත්තිඵලෙන සමන්නාගතොති.
17. ස. පු: අරහා සොතාපත්තිඵලං වීතිවත්තො තෙන සමන්නාගතොති.
ප. පටිඤ්ඤා: ආමන්තා.
ස. අනු: අරහා සොතාපත්තිමග්ගං වීතිවත්තො, සක්කායදිට්ඨිං විචිකිච්ඡං සීලබ්බතපරාමාසං අපායගමනීයං රාගං අපායගමනීයං දොසං අපායගමනීයං මොහං වීතිවත්තො තෙන සමන්නාගතො’ති.
ප. පටි: න හෙවං වත්තබ්බෙ -පෙ-
18. ස. පු: අරහා සකදාගාමිඵලෙන සමන්නාගතො’ති.
ප. පටිඤ්ඤා: ආමන්තා.
ස. අනු: නනු අරහා සකදාගාමිඵලං වීතිවත්තො’ති.
ප. පටිඤ්ඤා: ආමන්තා.
අනු. ඨ: හඤ්චි අරහා සකදාගාමිඵලං වීතිවත්තො,
අනු. පා: නො ච වත රෙ වත්තබ්බෙ: අරහා සකදාගාමිඵලෙන සමන්නාගතො’ති.
19. ස. පු: අරහා සකදාගාමිඵලං වීතිවත්තො තෙන සමන්නාගතො’ති.
ප. පටිඤ්ඤා: ආමන්තා.
ස. අනු: අරහා සකදාගාමිමග්ගං වීතිවත්තො ඔළාරිකං කාමරාගං ඔළාරිකං බ්යාපාදං වීතිවත්තො තෙන සමන්නාගතො’ති.
ප. පටි: න හෙවං වත්තබ්බෙ -පෙ-
20. ස. පු: අරහා අනාගාමිඵලෙන සමන්නාගතො’ති.
ප. පටිඤ්ඤා: ආමන්තා.
ස. අනු: නනු අරහා අනාගාමිඵලෙන වීතිවත්තො’ති.