ස. අනු: මනුස්සෙසු සඤ්ඤා අත්ථි, න ච තාය සඤ්ඤාය සඤ්ඤාකරණීයං කරොතීති.
ප. පටි: න හෙවං වත්තබ්බෙ -පෙ-
10. ප. පු: න වත්තබ්බං ‘අසඤ්ඤසත්තෙසු සඤ්ඤා අත්ථි’ති.
ස. පටිඤ්ඤා: ආමන්තා.
ප. අනු: නනු වුත්තං භගවතා “සන්ති භික්ඛවෙ, අසඤ්ඤසත්තා නාම දෙවා, සඤ්ඤුප්පාදා ච පන තෙ දෙවා තම්හා කායා චවන්ති”ති{a} අත්ථෙව සුත්තන්තො’ති.
ප. පටිඤ්ඤා: ආමන්තා.
ප. නිග: තෙන හි අසඤ්ඤසත්තෙසු සඤ්ඤා අත්ථීති.
11. ස. පු: අසඤ්ඤසත්තෙසු සඤ්ඤා අත්ථීති.
ප. වි: කඤ්චි කාලෙ{1} අත්ථි, කඤ්චි කාලෙ{1} නත්ථීති.
ස. අනු: කඤ්චි කාලෙ සඤ්ඤසත්තා කඤ්චි කාලෙ අසඤ්ඤසත්තා, කඤ්චි කාලෙ සඤ්ඤාභවො.{2} කඤ්චි කාලෙ අසඤ්ඤභවො, කඤ්චි කාලෙ පඤ්චවොකාරභවො කඤ්චි කාලෙ එකවොකාරභවොති.
ප. පටි: න හෙවං වත්තබ්බෙ -පෙ-
12. ස. පු: අසඤ්ඤසත්තෙසු සඤ්ඤා කඤ්චි කාලෙ අත්ථි, කඤ්චි කාලෙ නත්ථීති.
ප. පටිඤ්ඤා: ආමන්තා.
ස. අනු: කං කාලං අත්ථි, කං කාලං නත්ථීති.
ප. වි: චුතිකාලෙ උපපත්තිකාලෙ අත්ථි, ඨිතිකාලෙ නත්ථීති.
ස. අනු: චුතිකාලෙ උපපත්තිකාලෙ සඤ්ඤසත්තා. ඨිතිකාලෙ අසඤ්ඤසත්තා. චුතිකාලෙ උපපත්තිකාලෙ සඤ්ඤාභවො ඨිතිකාලෙ අසඤ්ඤභවො, චුතිකාලෙ උපපත්තිකාලෙ පඤ්ච වොකාරභවො, ඨිතිකාලෙ එකවොකාරභවොති.
ප. පටි: න හෙවං වත්තබ්බෙ -පෙ-
අසඤ්ඤකථා නිට්ඨිතා.
3. 12.
නෙවසඤ්ඤානාසඤ්ඤායතන කථා.
1. ස. පු: නෙවසඤ්ඤානාසඤ්ඤායතනෙ න වත්තබ්බං සඤ්ඤා අත්ථීති.
ප. පටිඤ්ඤා: ආමන්තා.
ස. අනු: අසඤ්ඤභවො අසඤ්ඤගති අසඤ්ඤසත්තාවාසො අසඤ්ඤසංසාරො අසඤ්ඤයොනි අසඤ්ඤත්තභාව පටිලාභො’ති.
ප. පටි: න හෙවං වත්තබ්බෙ -පෙ-
ස. අනු: නනු සඤ්ඤාභවො සඤ්ඤාගති සඤ්ඤාසත්තාවාසො සඤ්ඤාසංසාරො සඤ්ඤායොනි සඤ්ඤත්තභාවපටිලාභො’ති.
ප. පටිඤ්ඤා: ආමන්තා.{*}
අනු. ඨ: හඤ්චි සඤ්ඤාභවො{1} සඤ්ඤාගති -පෙ- සඤ්ඤත්තභාවපටිලාභො,
අනු. පා: නො ච වත රෙ{2} වත්තබ්බෙ ‘නෙවසඤ්ඤානාසඤ්ඤායතනෙ න වත්තබ්බං සඤ්ඤා අත්ථි’ති.
2. ස. පු: නෙවසඤ්ඤානාසඤ්ඤායතනෙ න වත්තබ්බං සඤ්ඤා අත්ථී’ති.
ප. පටිඤ්ඤා: ආමන්තා.
ස. අනු: එකවොකාරභවො ගති -පෙ- අත්තභාවපටිලාභොති.
ප. පටි: න හෙවං වත්තබ්බෙ -පෙ-
ස. අනු: නනු චතුවොකාරභවො ගති -පෙ- අත්තභාවපටිලාභොති.
ප. පටිඤ්ඤා: ආමන්තා.
අනු. ඨ: හඤ්චි චතුවොකාරභවො ගති -පෙ- අත්තභාවපටිලාභො,
අනු. පා: නො ච වත රෙ වත්තබ්බෙ ‘නෙවසඤ්ඤානාසඤ්ඤායතනෙ න වත්තබ්බං සඤ්ඤා අත්ථී’ති.
3. ස. පු: අසඤ්ඤසත්තෙසු න වත්තබ්බං සඤ්ඤා අත්ථි, සො ච අසඤ්ඤභවො අසඤ්ඤගති අසඤ්ඤසත්තාවාසො අසඤ්ඤසංසාරො අසඤ්ඤයොනි අසඤ්ඤත්තභාවපටිලාභො’ති.
ප. පටිඤ්ඤා: ආමන්තා.
ස. අනු: නෙවසඤ්ඤානාසඤ්ඤායතනෙ න වත්තබ්බං සඤ්ඤා අත්ථි, සො ච අසඤ්ඤභවො අසඤ්ඤගති අසඤ්ඤසත්තාවාසො අසඤ්ඤසංසාරො අසඤ්ඤයොනි අසඤ්ඤසංසාරො අසඤ්ඤයොනි අසඤ්ඤත්තභාවපටිලාභොති.
ප. පටි: න හෙවං වත්තබ්බෙ -පෙ-
4. ස. පු: අසඤ්ඤසත්තෙසු න වත්තබ්බං සඤ්ඤා අත්ථි, සො ච එකවොකාරභවො ගති -පෙ- අත්තභාවපටිලාභො’ති.
ප. පටිඤ්ඤා: ආමන්තා.
ස. අනු: නෙවසඤ්ඤානාසඤ්ඤායතනෙ න වත්තබ්බං සඤ්ඤා අත්ථි, සො ච එකවොකාරභවො ගති සත්තාවාසො සංසාරො යොනි අත්තභාවපටිලාභොති.
ප. පටි: න හෙවං වත්තබ්බෙ -පෙ-
5. ස. පු: නෙවසඤ්ඤානාසඤ්ඤායතනෙ න වත්තබ්බං සඤ්ඤා අත්ථි, සො ච සඤ්ඤාභවො{1} සඤ්ඤාගති -පෙ- සඤ්ඤත්තභාවපටිලාභොති.
ප. පටිඤ්ඤා: ආමන්තා.
ස. අනු: අසඤ්ඤසත්තෙසු න වත්තබ්බං සඤ්ඤා අත්ථි, සො ච සඤ්ඤාභවො{1} සඤ්ඤාගති -පෙ- සඤ්ඤත්තභාවපටිලාභොති.
ප. පටි: න හෙවං වත්තබ්බෙ -පෙ-
6. ස. පු: නෙවසඤ්ඤානාසඤ්ඤායතනනෙ න වත්තබ්බං සඤ්ඤා අත්ථි, සො ච චතුවොකාරභවො ගති -පෙ- අත්තභාවපටිලාභො’ති.
ප. පටිඤ්ඤා: ආමන්තා.
ස. අනු: අසඤ්ඤසත්තෙසු න වත්තබ්බං සඤ්ඤා අත්ථි, සො ච චතුවොකාරභවො ගති -පෙ- අත්තභාවපටිලාභො’ති.
ප. පටි: න හෙවං වත්තබ්බෙ -පෙ-
7. ස. පු: නෙවසඤ්ඤානාසඤ්ඤායතනෙ න වත්තබ්බං සඤ්ඤා අත්ථිති.
ප. පටිඤ්ඤා: ආමන්තා.
ස. අනු: නනු නෙවසඤ්ඤානාසඤ්ඤායතනං චතුවොකාරභවො’ති.
ප. පටිඤ්ඤා: ආමන්තා.
අනු. ඨ: හඤ්චි නෙවසඤ්ඤානාසඤ්ඤායතනං චතුවොකාරභවො,
අනු. පා: නො ච වත රෙ වත්තබ්බෙ: ‘නෙවසඤ්ඤානාසඤ්ඤායතනෙ න වත්තබ්බං සඤ්ඤා අත්ථි’ති.
8. ස. පු: නෙවසසඤ්ඤානාසඤ්ඤායතනං චතුවොකාරභවො, නෙවසඤ්ඤානාසඤ්ඤායතනෙ න වත්තබ්බං ‘සඤ්ඤා අත්ථි’ති
ප. පටිඤ්ඤා: ආමන්තා.
ස. අනු: ආකාසානඤ්චායතනං චතුවොකාරභවො, අකාසානඤ්චායතනෙ න වත්තබ්බං ‘සඤ්ඤා අත්ථි’ති.
ප. පටි: න හෙවං වත්තබ්බෙ -පෙ-
9. ස. පු: නෙවසසඤ්ඤානාසඤ්ඤායතනං චතුවොකාරභවො. නෙවසඤ්ඤානාසඤ්ඤායතනෙ න වත්තබ්බං ‘සඤ්ඤා අත්ථි’ති
ප. පටිඤ්ඤා: ආමන්තා.
ස. අනු: විඤ්ඤාණඤ්චායතනං -පෙ- ආකිඤ්චඤ්ඤායතනං චතුවොකාරභවො, ආකිඤ්චඤ්ඤායතනෙ න වත්තබ්බං ‘සඤ්ඤා අත්ථි’ති.
ප. පටි: න හෙවං වත්තබ්බෙ -පෙ-
10. ස. පු: ආකාසානඤ්චායතනං චතුවොකාරභවො, අත්ථි තත්ථ සඤ්ඤා’ති.
ප. පටිඤ්ඤා: ආමන්තා.
ස. අනු: නෙවසඤ්ඤානාසඤ්ඤායතනං චතුවොකාරභවො, අත්ථි තත්ථ සඤ්ඤා’ති.
ප. පටි: න හෙවං වත්තබ්බෙ -පෙ-
11. ස. පු: විඤ්ඤාණඤ්චායතනං -පෙ- ආකිඤ්චඤ්ඤායතනං චතුවොකාරභවො. අත්ථි තත්ථ සඤ්ඤා’ති.
ප. පටිඤ්ඤා: ආමන්තා.
ස. අනු: නෙවසඤ්ඤානාසඤ්ඤායතනං චතුවොකාරභවො, අත්ථි තත්ථ සඤ්ඤා’ති.
ප. පටි: න හෙවං වත්තබ්බෙ -පෙ-
12. ස. පු: නෙවසඤ්ඤානාසඤ්ඤායතනෙ න වත්තබ්බං ‘සඤ්ඤා අත්ථිති වා නත්ථීති වා’ති.
ප. පටිඤ්ඤා: ආමන්තා.
ස. අනු: නනු නෙවසඤ්ඤානාසඤ්ඤායතනං චතුවොකාරභවො’ති.
ප. පටිඤ්ඤා: ආමන්තා.
අනු ඨ: හඤ්චි නෙවසඤ්ඤානාසඤ්ඤායතනං චතුවොකාරභවො,
අනු. පා: නො ච වත රෙ වත්තබ්බෙ ‘නෙවසඤ්ඤානාසඤ්ඤායතනෙ න වත්තබ්බං සඤ්ඤා අත්ථීති වා නත්ථීති වා’ති.
13. ස. පු: නෙවසඤ්ඤානාසඤ්ඤායතනං චතුවොකාරභවො, නෙවසඤ්ඤානාසඤ්ඤායතනෙ න වත්තබ්බං ‘සඤ්ඤා අත්ථිති වා නත්ථීති වා’ති.
ප. පටිඤ්ඤා: ආමන්තා.
ස. අනු: ආකාසානඤ්චායතනං -පෙ- විඤ්ඤාණඤ්චායතනං -පෙ- ආකිඤ්චඤ්ඤායතනං චතුවොකාරභවො, ආකිඤ්චඤ්ඤායතනෙ න වත්තබ්බං ‘සඤ්ඤා අත්ථීති වා නත්ථීති වා’ති.
ප. පටි: න හෙවං වත්තබ්බෙ -පෙ-
14. ස. පු: ආකාසානඤ්චායතනං චතුවොකාරභවො, අත්ථි තත්ථ සඤ්ඤාති.
ප. පටිඤ්ඤා: ආමන්තා.
ස. අනු: නෙවසඤ්ඤානාසඤ්ඤායතනං චතුවොකාරභවො, අත්ථි තත්ථ සඤ්ඤාති.
ප. පටි: න හෙවං වත්තබ්බෙ -පෙ-
15. ස. පු: විඤ්ඤාණඤ්චායතනං -පෙ- ආකිඤ්චඤ්ඤායතනං -පෙ- චතුවොකාරභවො, අත්ථි තත්ථ සඤ්ඤාති.
ප. පටිඤ්ඤා: ආමන්තා.
ස. අනු: නෙවසඤ්ඤානාසඤ්ඤායතනං චතුවොකාරභවො, අත්ථි තත්ථ සඤ්ඤාති.
ප. පටි: න හෙවං වත්තබ්බෙ -පෙ-
16. ප. පු: නෙවසඤ්ඤානාසඤ්ඤායතනෙ වත්තබ්බං{1} ‘සඤ්ඤා අත්ථීති වා නත්ථීති වා’ති.
ප. පටිඤ්ඤා: ආමන්තා.
ප. අනු: නනු නෙවසඤ්ඤානාසඤ්ඤායතනන්ති.
ස. පටිඤ්ඤා: ආමන්තා.
අනු. ඨ: හඤ්චි නෙවසඤ්ඤානාසඤ්ඤායතනං,
අනු. පා: තෙන වත රෙ වත්තබ්බෙ ‘නෙවසඤ්ඤානාසඤ්ඤායතනෙ න වත්තබ්බං සඤ්ඤා අත්ථීති වා නත්ථීති වා’ති.
17. ස. පු: නෙවසඤ්ඤානාසඤ්ඤායතනන්ති කත්වා නෙවසඤ්ඤානාසඤ්ඤායතනෙ න වත්තබ්බං ‘සඤ්ඤා අත්ථීති වා නත්ථීති වා’ති.
ප. පටිඤ්ඤා: ආමන්තා.