ප. පටිඤ්ඤා: ආමන්තා.
ස. අනු: අත්ථි දෙවෙසු අසංවරො, යම්හා අසංවරා සංවරො සීලන්ති.
ප. පටි: න හෙවං වත්තබ්බං -පෙ-
ස. නි: ආජානාහි නිග්ගහං.
අනු. ඨ: හඤ්චි අසංවරා සංවරො සීලං, අත්ථි දෙවෙසු සංවරො,
අනු. පා: තෙන වත රෙ වත්තබ්බෙ: අත්ථි දෙවෙසු අසංවරො, යම්හා අසංවරා සංවරො සීලන්ති.
අනු. ආ: යං තත්ථ වදෙසි: වත්තබ්බෙ ඛො අසංවරා සංවරො සීලං, අත්ථි දෙවෙසු සංවරො. නො ච වත්තබ්බෙ: අත්ථි දෙවෙසු අසංවරො, යම්හා අසංවරා සංවරො සීලන්ති මිච්ඡා.
පටි. ඨ: නො චෙ පන වත්තබ්බෙ: අත්ථි දෙවෙසු අසංවරො යම්හා අසංවරා සංවරො සීලන්ති,
පටි. පා: නො ච වත රෙ වත්තබ්බෙ: අසංවරා සංවරො සීලං, අත්ථි දෙවෙසු සංවරො’ති.
පටි. ආ: යං තත්ථ වදෙසි: වත්තබ්බෙ ඛො අසංවරා සංවරො සීලං, අත්ථි දෙවෙසු සංවරො. නො ච වත්තබ්බෙ: අත්ථි දෙවෙසු අසංවරො, යම්හා අසංවරා සංවරො සීලන්ති මිච්ඡා.
4. ස. පු: අත්ථි මනුස්සෙසු සංවරො, අත්ථි තත්ථ අසංවරො’ති.
ප. පටිඤ්ඤා: ආමන්තා.
ස. අනු: අත්ථි දෙවෙසු සංවරො, අත්ථි තත්ථ අසංවරො’ති.
ප. පටි: න හෙවං වත්තබ්බෙ -පෙ-
5. ස. පු: අත්ථි දෙවෙසු සංවරො, නත්ථි තත්ථ අසංවරො’ති.
ප. පටිඤ්ඤා: ආමන්තා.
ස. අනු: අත්ථි මනුස්සෙසු සංවරො, නත්ථි තත්ථ අසංවරො’ති.
ප. පටි: න හෙවං වත්තබ්බෙ -පෙ-
6. ස. පු: අත්ථි දෙවෙසු පාණාතිපාතා වෙරමණී’ති.
ප. පටිඤ්ඤා: ආමන්තා.
ස. අනු: අත්ථි දෙවෙසු පාණාතිපාතො’ති
ප. පටි: න හෙවං වත්තබ්බෙ -පෙ-
7. ස. පු: අත්ථි දෙවෙසු සුරාමෙරයමජ්ජපමාදට්ඨානා වෙරමණීති.
ප. පටිඤ්ඤා: ආමන්තා.
ස. අනු: අත්ථි දෙවෙසු සුරාමෙරයමජ්ජපමාදට්ඨානන්ති.
ප. පටි: න හෙවං වත්තබ්බෙ -පෙ-
8. ස. පු: නත්ථි දෙවෙසු පාණාතිපාතො’ති.
ප. පටිඤ්ඤා: ආමන්තා.
ස. අනු: නත්ථි දෙවෙසු පාණාතිපාතා වෙරමණී’ති.
ප. පටි: න හෙවං වත්තබ්බෙ -පෙ-
9. ස. පු: නත්ථි දෙවෙසු සුරාමෙරයමජ්ජපමාදට්ඨානන්ති.
ප. පටිඤ්ඤා: ආමන්තා.
ස. අනු: නත්ථි දෙවෙසු සුරාමෙරයමජ්ජපමාදට්ඨානා වෙරමණීති.
ප. පටි: න හෙවං වත්තබ්බෙ -පෙ-
10. ස. පු: අත්ථි මනුස්සෙසු පාණාතිපාතා වෙරමණී, අත්ථි තත්ථ පාණාතිපාතොති.
ප. පටිඤ්ඤා: ආමන්තා.
ස. අනු: අත්ථි දෙවෙසු පාණාතිපාතා වෙරමණී, අත්ථි තත්ථ පාණාතිපාතො’ති.
ප. පටි: න හෙවං වත්තබ්බෙ -පෙ-
11. ස. පු: අත්ථි මනුස්සෙසු සුරාමෙරයමජ්ජපමාදට්ඨානා වෙරමණී, අත්ථි තත්ථ සුරාමෙරයමජ්ජපමාදට්ඨානන්ති.
ප. පටිඤ්ඤා: ආමන්තා.
ස. අනු: අත්ථි දෙවෙසු සුරාමෙරයමජ්ජපමාදට්ඨානා වෙරමණී, අත්ථි තත්ථ සුරාමෙරයමජ්ජපමාදට්ඨානන්ති.
ප. පටි: න හෙවං වත්තබ්බෙ -පෙ-
12. ස. පු: අත්ථි දෙවෙසු පාණාතිපාතා වෙරමණී, නත්ථි තත්ථ පාණාතිපාතො’ති.
ප. පටිඤ්ඤා: ආමන්තා.
ස. අනු: අත්ථි මනුස්සෙසු පාණාතිපාතා වෙරමණී, නත්ථි තත්ථ පාණාතිපාතොති.
ප. පටි: න හෙවං වත්තබ්බෙ -පෙ-
13. ස. පු: අත්ථි දෙවෙසු සුරාමෙරයමජ්ජපමාදට්ඨානා වෙරමණී, නත්ථි තත්ථ සුරාමෙරයමජ්ජපමාදට්ඨානන්ති.
ස. පටිඤ්ඤා: ආමන්තා.
ස. අනු: අත්ථි මනුස්සෙසු සුරාමෙරයමජ්ජපමාදට්ඨානා වෙරමණී, නත්ථි තත්ථ සුරාමෙරයමජ්ජපමාදට්ඨානන්ති.
ප. පටි: න හෙවං වත්තබ්බෙ -පෙ-
14. ප. පු: නත්ථි දෙවෙසු සංවරො’ති.
ස. පටිඤ්ඤා: ආමන්තා.
ප. අනු: සබ්බෙ දෙවා පාණාතිපාතිනො, අදින්නාදායිනො, කාමෙසු මිච්ඡාචාරිනො, මුසාවාදිනො, සුරාමෙරයමජ්ජපමාදට්ඨායිනො’ති.
ස. පටි: න හෙවං වත්තබ්බෙ -පෙ-
ප. නිග: තෙන හි අත්ථි දෙවෙසු සංවරො’ති.
සංවරකථා නිට්ඨිතා.
3. 11.
අසඤ්ඤකථා.
1. ස. පු: අසඤ්ඤසත්තෙසු සඤ්ඤා අත්ථි’ති.
ප. පටිඤ්ඤා: ආමන්තා.
ස. අනු: සඤ්ඤාභවො{1} සඤ්ඤාගති සඤ්ඤාසත්තාවාසො සඤ්ඤාසංසාරො සඤ්ඤායොනි සඤ්ඤත්තභාවපටිලාභොති.
ප. පටි: න හෙවං වත්තබ්බෙ -පෙ-
ස. අනු: නනු අසඤ්ඤාභවො අසඤ්ඤාගති අසඤ්ඤාසත්තාවාසො අසඤ්ඤාසංසාරො අසඤ්ඤයොනි අසඤ්ඤත්තභාවපටිලාභොති,
ප. පටිඤ්ඤා: ආමන්තා.
අනු. ඨ: හඤ්චි අසඤ්ඤභාවො අසඤ්ඤගති අසඤ්ඤසත්තාවාසො අසඤ්ඤසංසාරො අසඤ්ඤයොනි අසඤ්ඤත්තභාවපටිලාභො,
අනු. පා: නො ච වත{2} රෙ වත්තබ්බෙ ‘අසඤ්ඤසත්තෙසු සඤ්ඤා අත්ථි’ති.
2. ස. පු: අසඤ්ඤසත්තෙසු සඤ්ඤා අත්ථි’ති.
ප. පටිඤ්ඤා: ආමන්තා.
ස. අනු: පඤ්චවොකාරභවො ගති සත්තාවාසො සංසාරො යොනි අත්තභාවපටිලාභොති.
ප. පටි: න හෙවං වත්තබ්බෙ -පෙ-
ස. අනු: නනු එකවොකාරභවො ගති සත්තාවාසො සංසාරො යොනි අත්තභාවපටිලාභොති.
ප. පටිඤ්ඤා: ආමන්තා.
අනු. ඨ: හඤ්චි එකවොකාරභවො ගති සත්තාවාසො සංසාරො යොනි අත්තභාවපටිලාභො,
අනු. පා: නො ච වත රෙ වත්තබ්බෙ ‘අසඤ්ඤසත්තෙසු සඤ්ඤා අත්ථි’ති.
3. ස. පු: අසඤ්ඤසත්තෙසු සඤ්ඤා අත්ථි’ති.
ප. පටිඤ්ඤා: ආමන්තා.
ස. අනු: තාය සඤ්ඤාය සඤ්ඤාකරණීයං කරොතීති.
ප. පටි: න හෙවං වත්තබ්බෙ -පෙ-
4. ස. පු: මනුස්සෙසු සඤ්ඤා අත්ථි, සො ච සඤ්ඤාභවො සඤ්ඤාගති සඤ්ඤාසත්තාවාසො සඤ්ඤාසංසාරො සඤ්ඤායොනි සඤ්ඤත්තභාවපටිලාභොති.
ප. පටිඤ්ඤා: ආමන්තා.
ස. අනු: අසඤ්ඤසත්තෙසු සඤ්ඤා අත්ථි, සො ච සඤ්ඤාභවො සඤ්ඤාගති සඤ්ඤාසත්තාවාසො සඤ්ඤාසංසාරො සඤ්ඤායොනි සඤ්ඤත්තභාවපටිලාභොති.
ප. පටි: න හෙවං වත්තබ්බෙ -පෙ-
5. ස. පු: මනුස්සෙසු සඤ්ඤා අත්ථි, සො ච පඤ්චවොකාරභවො ගති සත්තාවාසො සංසාරො යොනි අත්තභාවපටිලාභොති.
ප. පටිඤ්ඤා: ආමන්තා.
ස. අනු: අසඤ්ඤසත්තෙසු සඤ්ඤා අත්ථි, සො ච පඤ්චවොකාරභවො ගති සත්තාවාසො සංසාරො යොනි අත්තභාවපටිලාභොති.
ප. පටි: න හෙවං වත්තබ්බෙ -පෙ-
6. ස. පු: මනුස්සෙසු සඤ්ඤා අත්ථි, තාය සඤ්ඤාය සඤ්ඤාකරණීයං කරොතීති.
ප. පටිඤ්ඤා: ආමන්තා.
ස. අනු: අසඤ්ඤසත්තෙසු සඤ්ඤා අත්ථි, තාය සඤ්ඤාය සඤ්ඤාකරණීයං කරොතීති.
ප. පටි: න හෙවං වත්තබ්බෙ -පෙ-
7. ස. පු: අසඤ්ඤසත්තෙසු සඤ්ඤා අත්ථි, සො ච අසඤ්ඤභවො අසඤ්ඤගති අසඤ්ඤසත්තාවාසො අසඤ්ඤසංසාරො අසඤ්ඤයොනි අසඤ්ඤත්තභාවපටිලාභොති.
ප. පටිඤ්ඤා: ආමන්තා.
ස. අනු: මනුස්සෙසු සඤ්ඤා අත්ථි, සො ච අසඤ්ඤභවො අසඤ්ඤගති -පෙ- අසඤ්ඤත්තභාවපටිලාභොති.
ප. පටි: න හෙවං වත්තබ්බෙ -පෙ-
8. ස. පු: අසඤ්ඤසත්තෙසු සඤ්ඤා අත්ථි, සො ච එකවොකාරභවො ගති සත්තාවාසො සංසාරො යොනි අත්තභාවපටිලාභො’ති.
ප. පටිඤ්ඤා: ආමන්තා.
ස. අනු: මනුස්සෙසු සඤ්ඤා අත්ථි, සො ච එකවොකාරභවො ගති -පෙ- අත්තභාවපටිලාභොති.
ප. පටි: න හෙවං වත්තබ්බෙ -පෙ-
9. ස. පු: අසඤ්ඤසත්තෙසු සඤ්ඤා අත්ථි, න ච තාය සඤ්ඤාය සඤ්ඤාකරණීයං කරොතීති.
ප. පටිඤ්ඤා: ආමන්තා.