2. ස. පු: මංසසොතං ධම්මූපත්ථද්ධං දිබ්බසොතං හොතීති.
ප. පටිඤ්ඤා: ආමන්තා.
ස. අනු: යාදිසං මංසසොතං තාදිසං දිබ්බසොතං, යාදිසං දිබ්බසොතං තාදිසං මංසසොතන්ති.
ප. පටි: න හෙවං වත්තබ්බෙ -පෙ-
3. ස. පු: මංසසොතං ධම්මූපත්ථද්ධං දිබ්බසොතං හොතීති.
ප. පටිඤ්ඤා: ආමන්තා.
ස. අනු: තඤ්ඤෙව මංසසොතං තං දිබ්බසොතං, තං දිබ්බසොතං තං මංසසොතන්ති.
ප. පටි: න හෙවං වත්තබ්බෙ -පෙ-
4. ස. පු: මංසසොතං ධම්මූපත්ථද්ධං දිබ්බසොතං හොතීති.
ප. පටිඤ්ඤා: ආමන්තා.
ස. අනු: යාදිසො මංසසොතස්ස විසයො, අනුභවො ගොචරො, තාදිසො දිබ්බස්ස සොතස්ස විසයො අනුභවො ගොචරොති.
ප. පටි: න හෙවං වත්තබ්බෙ -පෙ-
5. ස. පු: මංසසොතං ධම්මූපත්ථද්ධං දිබ්බසොතං හොතීති.
ප. පටිඤ්ඤා: ආමන්තා.
ස. අනු: උපාදින්නං හුත්වා අනුපාදින්නං හොතීති.
ප. පටි: න හෙවං වත්තබ්බෙ -පෙ-
6. ස. පු: උපාදින්නං හුත්වා අනුපාදින්නං හොතීති.
ප. පටිඤ්ඤා: ආමන්තා.
ස. අනු: කාමාචරං හුත්වා රූපාවචරං හොතීති.
ප. පටි: න හෙවං වත්තබ්බෙ -පෙ-
7. ස. පු: කාමාවචරං හුත්වා රූපාවචරං හොතීති.
ප. පටිඤ්ඤා: ආමන්තා.
ස. අනු: රූපාවචරං හුත්වා අරූපාවචරං හොතීති.
ප. පටි: න හෙවං වත්තබ්බෙ -පෙ-
8. ස. පු: රූපාවචරං හුත්වා අරූපාවචරං හොතීති.
ප. පටිඤ්ඤා: ආමන්තා.
ස. අනු: පරියාපන්නං හුත්වා අපරියාපන්නං හොතීති.
ප. පටි: න හෙවං වත්තබ්බෙ -පෙ-
9. ස. පු: මංසසොතං ධම්මූපත්ථද්ධං දිබ්බසොතං හොතීති.
ප. පටිඤ්ඤා: ආමන්තා.
ස. අනු: දිබ්බසොතං ධම්මූපත්ථද්ධං මංසසොතං හොතීති.
ප. පටි: න හෙවං වත්තබ්බෙ -පෙ-
10. ස. පු: මංසසොතං ධම්මූපත්ථද්ධං දිබ්බසොතං හොතීති.
ප. පටිඤ්ඤා: ආමන්තා.
ස. අනු: එකංයෙව සොතන්ති.
ප. පටි: න හෙවං වත්තබ්බෙ -පෙ-
11. ස. පු: එකංයෙව සොතන්ති.
ප. පටිඤ්ඤා: ආමන්තා.
ස. අනු: නනු ද්වෙ සොතානි වුත්තානි භගවතා: මංසසොතං දිබ්බසොතන්ති.
ප. පටිඤ්ඤා: ආමන්තා.
අනු. ඨ: හඤ්චි ද්වෙ සොතානි වුත්තානි භගවතා: මංසසොතං දිබ්බසොතං.
අනු. පා: නො ච වත රෙ වත්තබ්බෙ ‘එකඤ්ඤෙව සොත’න්ති.
දිබ්බසොතකථා නිට්ඨිතා.
3. 9.
යථාකම්මූපගතඤාණකථා.
1. ස. පු. යථාකම්මූපගතං ඤාණං{1}. දිබ්බචක්ඛුන්ති.
ප. පටිඤ්ඤා: ආමන්තා.
ස. අනු: යථාකම්මූපගතඤ්ච මනසි කරොති, දිබ්බෙන චක්ඛුනා රූපං පස්සතීති.
ප. පටි: න හෙවං වත්තබ්බෙ -පෙ-
2. ස. පු: යථාකම්මූපගතඤ්ච මනසි කරොති, දිබ්බෙන චක්ඛුනා රූපං පස්සතීති.
ප. පටිඤ්ඤා: ආමන්තා.
ස. අනු: ද්වින්නං ඵස්සානං ද්වින්නං චිත්තානං සමොධානං හොතීති.
ප. පටි: න හෙවං වත්තබ්බෙ -පෙ-
3. ස. පු: යථාකම්මූපගතං ඤාණං දිබ්බචක්ඛුන්ති.
ප. පටිඤ්ඤා: ආමන්තා.
ස. අනු: ‘ඉමෙ වත භොන්තො සත්තා’ති ච මනසි කරොති, ‘කායදුච්චරිතෙන සමන්නාගතා’ති ච මනසි කරොති, ‘වචීදුච්චරිතෙන සමන්නාගතා’ති ච මනසි කරොති, ‘මනොදුච්චරිතෙන සමන්නාගතා’ති ච මනසි කරොති, ‘අරියානං උපවාදකා’ති මනසි කරොති, ‘මිච්ඡාදිට්ඨිකා’ති ච මනසි කරොති, ‘මිච්ඡාදිට්ඨිකම්මසමාදානා’ති ච මනසි කරොති, ‘තෙ කායස්ස භෙදා පරම්මරණා අපායං දුග්ගතිං විනිපාතං නිරයං උපපන්නා’ති ච මනසි කරොති, ‘ඉමෙ වා පන භොන්තො සත්තා’ති ච මනසි කරොති. ‘කායසුචරිතෙන සමන්නාගතා’ති ච මනසි කරොති, වචීසුචරිතෙන සමන්නාගතා’ති ච මනසි කරොති, ‘මනොසුචරිතෙන සමන්නාගතා’ති ච මනසි කරොති, ‘අරියානං අනුපවාදකා’ති ච මනසි කරොති, ‘සම්මාදිට්ඨිකා’ති ච මනසි කරොති, ‘සම්මාදිට්ඨිකම්මසමාදානා’ති ච මනසි කරොති, ‘තෙ කායස්ස භෙදා පරම්මරණා සුගතිං සග්ගං ලොකං උප්පන්නා’ති ච මනසි කරොති, දිබ්බෙන චක්ඛුනා රූපං පස්සතීති.
ප. පටි: න හෙවං වත්තබ්බෙ -පෙ-
4. ස. පු: {*}යථාකම්මූපගතං ඤාණං{1} දිබ්බචක්ඛුන්ති.
ප. පටිඤ්ඤා: ආමන්තා.
ස. අනු: ‘ඉමෙ වත භොන්තො සත්තා’ති ච මනසිකරොති -පෙ-{*} ‘තෙ කායස්ස භෙදා පරම්මරණා සුගතිං සග්ගං ලොකං උපපන්නා’ති ච මනසි කරොති, දිබ්බෙන චක්ඛුනා රූපං පස්සතීති.
ප. පටිඤ්ඤා: ආමන්තා.
ස. අනු: ද්වින්නං ඵස්සානං ද්වින්නං චිත්තානං සමොධානං හොතීති.
ප. පටි: න හෙවං වත්තබ්බෙ -පෙ-
5. ස. පු: යථාකම්මූපගතං ඤාණං දිබ්බචක්ඛුන්ති.
ප. පටිඤ්ඤා: ආමන්තා.
ස. අනු: අත්ථි කොචි අදිබ්බචක්ඛුකො දිබ්බචක්ඛුං අප්පටිලද්ධො අනධිගතො අසච්ඡිකතො යථාකම්මූපගතං ජානාතීති.
ප. පටිඤ්ඤා: ආමන්තා:
අනු. ඨ: හඤ්චි අත්ථි කොචි අදිබ්බචක්ඛුකො දිබ්බචක්ඛුං අප්පටිලද්ධො අනධිගතො අසච්ඡිකතො යථාකම්මූපගතං ජානාති,
අනු. පා: නො ච වත{2} රෙ වත්තබ්බෙ ‘යථාකම්මූපගතං ඤාණං දිබ්බචක්ඛුන්ති.
6. ස. පු: යථාකම්මූපගතං ඤාණං දිබ්බචක්ඛුන්ති.
ප. පටිඤ්ඤා: ආමන්තා.
ස. අනු: ආයස්මා සාරිපුත්තො යථාකම්මූපගතං{3} ජානාතීති.
ප. පටිඤ්ඤා: ආමන්තා.
අනු. ඨ: හඤ්චි ආයස්මා සාරිපුත්තො යථාකම්මූපගතං{1} ජානාති.
අනු. පා: නො ච වත{2} රෙ වත්තබ්බෙ - යථාකම්මූපගතං ඤාණං දිබ්බචක්ඛුන්ති.
7. ස. පු: යථාකම්මූපගතං ඤාණං දිබ්බචක්ඛුන්ති{1}.
ප. පටිඤ්ඤා: ආමන්තා.{2}
ස. අනු: ආයස්මා සාරිපුත්තො යථාකම්මූපගතං ජානාතීති.
ප. පටිඤ්ඤා: ආමන්තා.
ස. අනු: අත්ථායස්මතො සාරිපුත්තස්ස දිබ්බචක්ඛුන්ති.
ප. පටි: න හෙවං වත්තබ්බෙ -පෙ-
8. ස. පු: අත්ථායස්මතො සාරිපුත්තස්ස දිබ්බචක්ඛුන්ති.
ප. පටිඤ්ඤා: ආමන්තා.
ස. අනු: නනු ආයස්මා සාරිපුත්තො එතදවොච:
“නෙව පුබ්බෙ නිවාසාය නපි දිබ්බස්ස චක්ඛුනො චෙතොපරියාය ඉද්ධියා සොතධාතු විසුද්ධියා චුතියා උපපත්තියා පණිධී මෙ න විජ්ජති”ති{a}
අත්ථෙව සුත්තන්තොති.
ප. පටිඤ්ඤා: ආමන්තා.
අනු. පා: තෙන හි න වත්තබ්බං: යථාකම්මූපගතං ඤාණං දිබ්බචක්ඛුන්ති.
යථාකම්මූපගතඤාණකථා නිට්ඨිතා.
3. 10.
සංවරකථා.
1. ස. පු: අත්ථි දෙවෙසු සංවරොති.
ප. පටිඤ්ඤා: ආමන්තා.
ස. අනු: අත්ථි දෙවෙසු අසංවරොති.{1}
ප. පටි: න හෙවං වත්තබ්බෙ -පෙ-
2. ස. පු: නත්ථි දෙවෙසු අසංවරොති.
ප. පටිඤ්ඤා: ආමන්තා.
ස. අනු: නත්ථි දෙවෙසු සංවරොති.
ප. පටි: න හෙවං වත්තබ්බෙ -පෙ-
3. ස. පු: නනු අසංවරා සංවරො සීලං, අත්ථි දෙවෙසු සංවරොති.