ප. පටි: න හෙවං වත්තබ්බෙ -පෙ-
20. ස. පු: සකදාගාමීඵලසච්ඡිකිරියාය පටිපන්නස්ස පුග්ගලස්ස අත්ථි පඤ්ඤා, අත්ථි පඤ්ඤින්ද්රියන්ති.
ප. පටිඤ්ඤා: ආමන්තා.
ස. අනු. : අට්ඨමකස්ස පුග්ගලස්ස අත්ථි පඤ්ඤා, අත්ථි පඤ්ඤින්ද්රියන්ති.
ප. පටි: න හෙවං වත්තබ්බෙ -පෙ-
21. ස. පු: අනාගාමිඵලසච්ඡිකිරියාය පටිපන්නස්ස පුග්ගලස්ස -පෙ- අරහත්තසච්ඡිකිරියාය පටිපන්නස්ස පුග්ගලස්ස අත්ථි සද්ධා, අත්ථි සද්ධින්ද්රියං -පෙ- අත්ථි පඤ්ඤා, අත්ථි පඤ්ඤින්ද්රියන්ති.
ප. පටිඤ්ඤා: ආමන්තා.
ස. අනු. : අට්ඨමකස්ස පුග්ගලස්ස අත්ථි පඤ්ඤා, අත්ථි පඤ්ඤින්ද්රියන්ති.
ප. පටි: න හෙවං වත්තබ්බෙ -පෙ-
22. ස. පු. : අට්ඨමකස්ස පුග්ගලස්ස අත්ථි සද්ධා, නත්ථි සද්ධින්ද්රියන්ති.
ප. පටිඤ්ඤා: ආමන්තා.
ස. පු: සකදාගාමීඵලසච්ඡිකිරියාය පටිපන්නස්ස පුග්ගලස්ස අත්ථි සද්ධා, නත්ථි සද්ධින්ද්රියන්ති.
ප. පටි: න හෙවං වත්තබ්බෙ -පෙ-
23. ස. පු: අට්ඨමකස්ස පුග්ගලස්ස අත්ථි පඤ්ඤා, නත්ථි පඤ්ඤින්ද්රියන්ති.
ප. පටිඤ්ඤා: ආමන්තා.
ස. අනු: අනාගාමිඵලසච්ඡිකිරියාය පටිපන්නස්ස පුග්ගලස්ස අත්ථි පඤ්ඤා, නත්ථි පඤ්ඤින්ද්රියන්ති.
ස. පටි: න හෙවං වත්තබ්බෙ -පෙ-
24. ස. පු: අට්ඨමකස්ස පුග්ගලස්ස අත්ථි සද්ධා, නත්ථි සද්ධින්ද්රියං -පෙ- අත්ථි පඤ්ඤා, නත්ථි පඤ්ඤින්ද්රියන්ති.
ප. පටිඤ්ඤා: ආමන්තා
ස. අනු: අනාගාමිඵලසච්ඡිකිරියාය පටිපන්නස්ස පුග්ගලස්ස -පෙ- අරහත්තසච්ඡිකිරියාය පටිපන්නස්ස පුග්ගලස්ස අත්ථි පඤ්ඤා, නත්ථි පඤ්ඤින්ද්රියන්ති.
ප. පටි: න හෙවං වත්තබ්බෙ -පෙ-
25. ස. පු: අට්ඨමකස්ස පුග්ගලස්ස නත්ථි පඤ්චින්ද්රියානී’ති.
ප. පටිඤ්ඤා: ආමන්තා.
ස. අනු: නනු වුත්තං භගවතා: “පඤ්චිමානි භික්ඛවෙ, ඉන්ද්රියානි. කතමානි පඤ්ච: සද්ධින්ද්රියං විරියින්ද්රියං සතින්ද්රියං සමාධින්ද්රියං පඤ්ඤින්ද්රියං. ඉමානි ඛො භික්ඛවෙ පඤ්චින්ද්රියානි. ඉමෙසං ඛො භික්ඛවෙ, පඤ්චන්නං ඉන්ද්රියානං සමත්තා අරහා හොති. තතො මුදුතරෙහි අරහත්තඵලසච්ඡිකිරියාය{1} පටිපන්නො හොති, තතො මුදුතරෙහි අනාගාමී හොති, තතො මුදුතරෙහි අනාගාමිඵලසච්ඡිකිරියාය පටිපන්නො හොති, තතො මුදුතරෙහි සකදාගාමී හොති, තතො මුදුතරෙහි සකදාගාමීඵලසච්ඡිකිරියාය පටිපන්නො හොති, තතො මුදුතරෙහි සොතාපන්නො හොති, තතො මුදුතරෙහි සොතාපත්තිඵලසච්ඡිකිරියාය පටිපන්නො හොති. යස්ස ඛො භික්ඛවෙ, ඉමානි පඤ්චින්ද්රියානි සබ්බෙන සබ්බං සබ්බථා සබ්බං නත්ථි, තමහං බාහිරො පුථුජ්ජනපක්ඛෙ ඨිතොති වදාමී”ති{a}
ප. පටිඤ්ඤා: ආමන්තා.
ස. අනු: අට්ඨමකො පුග්ගලො බාහිරො පුථුජ්ජනපක්ඛෙ ඨිතොති.
ප. පටි: න හෙවං වත්තබ්බෙ -පෙ-
ස. ආ: තෙන හි අට්ඨමකස්ස පුග්ගලස්ස අත්ථි පඤ්චින්ද්රියානීති.
අට්ඨමකස්ස ඉන්ද්රියකථා නිට්ඨිතා.
3. 7.
දිබ්බචක්ඛුකථා.
1. ස. පු: මංසචක්ඛුං ධම්මූපත්ථද්ධං දිබ්බචක්ඛුං හොතීති.
ප. පටිඤ්ඤා: ආමන්තා.
ස. අනු: මංසචක්ඛුං දිබ්බචක්ඛුං, දිබ්බචක්ඛුං මංසචක්ඛුන්ති.
ප. පටි: න හෙවං වත්තබ්බෙ -පෙ-
2. ස. පු: මංසචක්ඛුං ධම්මූපත්ථද්ධං දිබ්බචක්ඛුං හොතීති.
ප. පටිඤ්ඤා: ආමන්තා.
ස. අනු: යාදිසං මංසචක්ඛුං තාදිසං දිබ්බචක්ඛුං, යාදිසං දිබ්බචක්ඛුං තාදිසං මංසචක්ඛුන්ති.
ප. පටි: න හෙවං වත්තබ්බෙ -පෙ-
3. ස. පු: මංසචක්ඛුං ධම්මූපත්ථද්ධං දිබ්බචක්ඛුං හොතීති.
ප. පටිඤ්ඤා: ආමන්තා.
ස. අනු: තඤ්ඤෙව මංසචක්ඛුං තං දිබ්බචක්ඛුං, තං දිබ්බචක්ඛුං තං මංසචක්ඛුන්ති.
ප. පටි: න හෙවං වත්තබ්බෙ -පෙ-
4. ස. පු: මංසචක්ඛුං ධම්මූපත්ථද්ධං දිබ්බචක්ඛුං හොතීති.
ප. පටිඤ්ඤා: ආමන්තා.
ස. අනු: යාදිසො මංසචක්ඛුස්ස විසයො, අනුභවො{1} ගොචරො, තාදිසො දිබ්බස්ස චක්ඛුස්ස විසයො අනුභවො ගොචරොති.
ප. පටි: න හෙවං වත්තබ්බෙ -පෙ-
5. ස. පු: මංසචක්ඛුං ධම්මූපත්ථද්ධං දිබ්බචක්ඛුං හොතීති.
ප. පටිඤ්ඤා: ආමන්තා.
ස. අනු: උපාදින්නං හුත්වා අනුපාදින්නං හොතීති.
ප. පටි: න හෙවං වත්තබ්බෙ -පෙ-
6. ස. පු: උපාදින්නං හුත්වා අනුපාදින්නං හොතීති.
ප. පටිඤ්ඤා: ආමන්තා.
ස. අනු: කාමාවචරං හුත්වා රූපාවචරං හොතීති.
ප. පටි: න හෙවං වත්තබ්බෙ -පෙ-
7. ස. පු: කාමාවචරං හුත්වා රූපාවචරං හොතීති.
ප. පටිඤ්ඤා: ආමන්තා.
ස. අනු: රූපාවචරං හුත්වා අරූපාවචරං හොතීති.
ප. පටි: න හෙවං වත්තබ්බෙ -පෙ-
8. ස. පු: රූපාවචරං හුත්වා අරූපාවචරං හොතීති.
ප. පටිඤ්ඤා: ආමන්තා.
ස. අනු: පරියාපන්නං හුත්වා අපරියාපන්නං හොතීති.
ප. පටි: න හෙවං වත්තබ්බෙ -පෙ-
9. ස. පු: මංසචක්ඛුං ධම්මූපත්ථද්ධං දිබ්බචක්ඛුං හොතීති.
ප. පටිඤ්ඤා: ආමන්තා.
ස. අනු: දිබ්බචක්ඛුං ධම්මූපත්ථද්ධං මංසචක්ඛුං හොතීති.
ප. පටි: න හෙවං වත්තබ්බෙ -පෙ-
10. ස. පු: මංසචක්ඛුං ධම්මූපත්ථද්ධං දිබ්බචක්ඛුං හොතීති.
ප. පටිඤ්ඤා: ආමන්තා.
ස. අනු: දිබ්බචක්ඛුං ධම්මූපත්ථද්ධං පඤ්ඤාචක්ඛුං හොතීති.
ප. පටි: න හෙවං වත්තබ්බෙ -පෙ-
11. ස. පු: මංසචක්ඛුං ධම්මූපත්ථද්ධං දිබ්බචක්ඛුං හොතීති.
ප. පටිඤ්ඤා: ආමන්තා.
ස. අනු: දිබ්බචක්ඛුං ධම්මූපත්ථද්ධං මංසචක්ඛුං හොතීති.
ප. පටි: න හෙවං වත්තබ්බෙ -පෙ-
12. ස. පු: මංසචක්ඛුං ධම්මූපත්ථද්ධං දිබ්බචක්ඛුං හොතීති.
ප. පටිඤ්ඤා: ආමන්තා.
ස. අනු: ද්වෙව චක්ඛූනීති.
ප. පටි: න හෙවං වත්තබ්බෙ -පෙ-
13. ස. පු: ද්වෙ’ව චක්ඛූනී’ති.
ප. පටිඤ්ඤා: ආමන්තා.
ස. අනු: නනු තීණි චක්ඛූනි වුත්තානි භගවතා: මංසචක්ඛුං දිබ්බචක්ඛුං පඤ්ඤාචක්ඛුන්ති.
ප. පටිඤ්ඤා: ආමන්තා.
අනු. ඨ: හඤ්චි තීණි චක්ඛූනි වුත්තානි භගවතා: මංසචක්ඛුං දිබ්බචක්ඛුං පඤ්ඤාචක්ඛුං,
අනු. පා: නො ච වත රෙ වත්තබ්බෙ ‘ද්වෙ’ව චක්ඛූනී’ති.
14. ස. පු: ද්වෙ’ව චක්ඛූනී’ති.
ප. පටිඤ්ඤා: ආමන්තා.
ස. අනු: නනු වුත්තං භගවතා: තීණිමානි භික්ඛවෙ, චක්ඛූනි. කතමානි තීණි: මංසචක්ඛුං. දිබ්බචක්ඛුං පඤ්ඤාචක්ඛුන්ති. ඉමානි ඛො භික්ඛවෙ, තීණි චක්ඛූනී’ති.
“මංසචක්ඛුං දිබ්බචක්ඛුං පඤ්ඤාචක්ඛුං අනුත්තරං, එතානි තීණි චක්ඛූනි අක්ඛාසි පුරිසුත්තමො, මංසචක්ඛුස්ස උප්පාදො මග්ගො දිබ්බස්ස චක්ඛුනො.
යදා ච ඤාණං උදාපාදි පඤ්ඤාචක්ඛුං අනුත්තරං, තස්ස චක්ඛුස්ස පටිලාභා සබ්බදුක්ඛා පමුච්චතී”ති.{a}
අත්ථෙව සුත්තන්තොති.
ප. පටිඤ්ඤා: ආමන්තා.
අනු. පා: තෙන හි න වත්තබ්බං. ද්වෙ’ව චක්ඛූනී’ති.
දිබ්බචක්ඛුකතා නිට්ඨිතා.
3. 8.
දිබ්බසොතකථා.
1. ස. පු: මංසසොතං ධම්මූපත්ථද්ධං දිබ්බසොතං හොතීති.
ප. පටිඤ්ඤා: ආමන්තා.
ස. අනු: මංසසොතං දිබ්බසොතං, දිබ්බසොතං මංසසොතන්ති.
ප. පටි: න හෙවං වත්තබ්බෙ -පෙ-