33. ස. පු: අනුපුබ්බාභිසමයො’ති.
ප. පටිඤ්ඤා: ආමන්තා.
ස. අනු: නනු වුත්තං භගවතා: “යස්මිං භික්ඛවෙ සමයෙ අරියසාවකස්ස විරජං වීතමලං ධම්මචක්ඛුං උදපාදි: ‘යං කිඤ්චි සමුදයධම්මං සබ්බං තං නිරොධධම්මන්ති’. සහදස්සනුප්පාදා භික්ඛවෙ අරියසාවකස්ස තීණි සඤ්ඤොජනානි පහීයන්ති: සක්කායදිට්ඨි විචිකිච්ඡා සීලබ්බතපරාමාසො”ති අත්ථෙ’ව සුත්තන්තො’ති.
ප. පටිඤ්ඤා: ආමන්තා.
අනු. පා: තෙන හි න වත්තබ්බං “අනුපුබ්බාභිසමයො”ති.
අනුපුබ්බාභිසමයකථා නිට්ඨිතා.
2. 10.
වොහාරකථා
1. ස. පු: බුද්ධස්ස භගවතො වොහාරො ලොකුත්තරො’ති.
ප. පටිඤ්ඤා: ආමන්තා.
ස. අනු: ලොකුත්තරෙ සොතෙ පටිහඤ්ඤති නො ලොකියො, ලොකුත්තරෙන විඤ්ඤාණෙන පටිවිජානන්ති නො ලොකියෙන, සාවකා පටිවිජානන්ති නො පුථුජ්ජනා’ති.
ප. පටි: න හෙවං වත්තබ්බෙ -පෙ-
2. ස. පු: නනු බුද්ධස්ස භගවතො වොහාරො ලොකියෙ සොතෙ පටිහඤ්ඤතී’ති.
ප. පටිඤ්ඤා: ආමන්තා.
අනු. ඨ: හඤ්චි බුද්ධස්ස භගවතො වොහාරෙ ලොකියෙ සොතෙ පටිහඤ්ඤති,
අනු. පා: නො ච වත රෙ වත්තබ්බෙ: බුද්ධස්ස භගවතො වොහාරො ලොකුත්තරො’ති.
3. ස. පු: නනු බුද්ධස්ස භගවතො වොහාරං ලොකියෙන විඤ්ඤාණෙන පටිවිජානන්තී’ති.
ප. පටිඤ්ඤා: ආමන්තා.
අනු. ඨ: හඤ්චි බුද්ධස්ස භගවතො වොහාරං ලොකියෙන විඤ්ඤාණෙන පටිවිජානන්ති,
අනු. පා: නො ච වත රෙ වත්තබ්බෙ: බුද්ධස්ස භගවතො වොහාරො ලොකුත්තරො’ති.
4. ස. පු: නනු බුද්ධස්ස භගවතො වොහාරං පුථුජ්ජනා පටිවිජානන්තී’ති.
ප. පටිඤ්ඤා: ආමන්තා.
අනු. ඨ: හඤ්චි බුද්ධස්ස භගවතො වොහාරං පුථුජ්ජනා පටිවිජානන්ති,
අනු. පා: නො ච වත රෙ වත්තබ්බෙ: බුද්ධස්ස භගවතො වොහාරො ලොකුත්තරො’ති.
5. ස. පු: ‘බුද්ධස්ස භගවතො වොහාරො ලොකුත්තරො’ති.
ප. පටිඤ්ඤා: ආමන්තා.
ස. අනු: මග්ගෙ ඵලං නිබ්බානං සොතාපත්තිමග්ගො සොතාපත්තිඵලං සකදාගාමිමග්ගො සකදාගාමිඵලං අනාගාමිමග්ගො අනාගාමිඵලං අරහත්තමග්ගො අරහත්තඵලං සතිපට්ඨානං සම්මප්පධානං ඉද්ධිපාදො ඉන්ද්රියං බලං බොජ්ඣඞ්ගො’ති.
ප. පටි: න හෙවං වත්තබ්බෙ -පෙ-
6. ස. පු: බුද්ධස්ස භගවතො වොහාරො ලොකුත්තරො’ති.
ප. පටිඤ්ඤා: ආමන්තා.
ස. අනු: අත්ථී කෙචි බුද්ධස්ස භගවතො වොහාරං සුණන්තී’ති.
ප. පටිඤ්ඤා: ආමන්තා.
ස. අනු: ලොකුත්තරො ධම්මො සොතවිඤ්ඤෙය්යො සොතස්මිං පටිහඤ්ඤති, සොතස්ස ආපාථං ආගච්ඡතී’ති.
ප. පටි: න හෙවං වත්තබ්බෙ -පෙ-
7. ස. පු: නනු ලොකුත්තරො ධම්මෙ න සොතවිඤ්ඤෙය්යො න සොතස්මිං පටිහඤ්ඤති, න සොතස්ස ආපාථං ආගච්ඡතී’ති.
ප. පටිඤ්ඤා: ආමන්තා.
අනු. ඨ: හඤ්චි ලොකුත්තරො ධම්මො න සොතවිඤ්ඤෙය්යො න සොතස්මිං පටිහඤ්ඤති න සොතස්ස ආපාථං ආගච්ඡති,
අනු. පා: නො ච වත රෙ වත්තබ්බෙ: බුද්ධස්ස භගවතො වොහාරො ලොකුත්තරොති.
8. ස. පු: බුද්ධස්ස භගවතො වොහාරො ලොකුත්තරො’ති.
ප. පටිඤ්ඤා: ආමන්තා.
ස. අනු: අත්ථී කෙචි බුද්ධස්ස භගවතො වොහාරෙ රජ්ජෙය්යුන්ති.
ප. පටිඤ්ඤා: ආමන්තා.
ස. අනු: ලොකුත්තරො ධම්මො රාගට්ඨානියො රජනීයො කමනීයො මදනීයො බන්ධනීයො මුච්ඡනීයො’ති.
ප. පටි: න හෙවං වත්තබ්බෙ -පෙ-
9. ස. පු: නනු ලොකුත්තරො ධම්මො න රාගට්ඨානියො න රජනීයො න කමනීයො න මදනීයො න බන්ධනීයො න මුච්ඡනීයො’ති.
ප. පටිඤ්ඤා: ආමන්තා.
අනු. ඨ: හඤ්චි ලොකුත්තරො ධම්මො න රාගට්ඨානියො න රජනීයො න කමනීයො න මදනීයො න බන්ධනීයො න මුච්ඡනීයො,
අනු. පා: නො ච වත රෙ වත්තබ්බෙ: බුද්ධස්ස භගවතො වොහාරො ලොකුත්තරො’ති.
10. ස. පු: බුද්ධස්ස භගවතො වොහාරො ලොකුත්තරො’ති.
ප. පටිඤ්ඤා: ආමන්තා.
ස. අනු: අත්ථී කෙචි බුද්ධස්ස භගවතො වොහාරෙ දුස්සෙය්යුන්ති.
ප. පටිඤ්ඤා: ආමන්තා.
ස. අනු: ලොකුත්තරො ධම්මො දොසට්ඨානීයො කොපට්ඨානීයො පටිඝට්ඨානීයො’ති.
ප. පටි: න හෙවං වත්තබ්බෙ -පෙ-
11. ස. පු: නනු ලොකුත්තරො ධම්මෙ න දොසට්ඨානීයො න කොපට්ඨානීයො න පටිඝට්ඨානීයො’ති.
ප. පටිඤ්ඤා: ආමන්තා.
අනු. ඨ: හඤ්චි ලොකුත්තරො ධම්මො න දොසට්ඨානීයො න කොපට්ඨානීයො න පටිඝට්ඨානීයො,
අනු. පා: නො ච වත රෙ වත්තබ්බෙ: බුද්ධස්ස භගවතො වොහාරො ලොකුත්තරො’ති.
12. ස. පු: බුද්ධස්ස භගවතො වොහාරො ලොකුත්තරො’ති.
ප. පටිඤ්ඤා: ආමන්තා.
ස. අනු: අත්ථී කෙචි බුද්ධස්ස භගවතො වොහාරෙ මුය්හෙය්යුන්ති.
ප. පටිඤ්ඤා: ආමන්තා.
ස. අනු: ලොකුත්තරො ධම්මො මොහට්ඨානියො අඤ්ඤාණකරණො අචක්ඛුකරණො පඤ්ඤානිරොධිකො විඝාතපක්ඛිකො අනිබ්බානසංවත්තනිකො’ති.
ප. පටි: න හෙවං වත්තබ්බෙ -පෙ-
13. ස. පු: නනු ලොකුත්තරො ධම්මො න මොහට්ඨානියො න අඤ්ඤාණකරණො න අචක්ඛුකරණො පඤ්ඤාවුද්ධිකො{1} අවිඝාතපක්ඛිකො නිබ්බානසංවත්තනිකො’ති.
ප. පටිඤ්ඤා: ආමන්තා.
අනු. ඨ: හඤ්චි ලොකුත්තරො ධම්මො න මොහට්ඨානියො න අඤ්ඤාණකරණො න අචක්ඛුකරණො පඤ්ඤාවුද්ධිකො{1} අවිඝාතපක්ඛිකො නිබ්බානසංවත්තනිකො,
අනු. පා: නො ච වත රෙ වත්තබ්බෙ: බුද්ධස්ස භගවතො වොහාරො ලොකුත්තරො’ති.
14. ස. පු: බුද්ධස්ස භගවතො වොහාරො ලොකුත්තරො’ති.
ප. පටිඤ්ඤා: ආමන්තා.
ස. අනු: යෙ කෙචි බුද්ධස්ස භගවතො වොහාරං සුණන්ති, සබ්බෙ තෙ මග්ගං භාවෙන්තී’ති.
ප. පටි: න හෙවං වත්තබ්බෙ -පෙ-
15. ස. පු: යෙ කෙචි බුද්ධස්ස භගවතො වොහාරං සුණන්ති, සබ්බෙ තෙ මග්ගං භාවෙන්තී’ති
ප. පටිඤ්ඤා: ආමන්තා.
ස. අනු: බාලපුථුජ්ජනා බුද්ධස්ස භගවතො වොහාරං සුණන්ති, බාලපුථුජ්ජනා මග්ගං භාවෙන්තී’ති.
ප. පටි: න හෙවං වත්තබ්බෙ -පෙ-
ස. අනු: මාතුඝාතකා{2} -පෙ- පිතුඝාතකා -පෙ- අරහන්තඝාතකා -පෙ- රුහිරුප්පාදකා -පෙ- සඞ්ඝභෙදකා බුද්ධස්ස භගවතො වොහාරං සුණන්ති. සඞ්ඝභෙදකා මග්ගං භාවෙන්තී’ති{3}.
ප. පටි: න හෙවං වත්තබ්බෙ -පෙ-
16. ප. පු: ලබ්භා සොවණ්ණමයාය ලට්ඨියා ධඤ්ඤපුඤ්ජො’පි සුවණ්ණපුඤ්ජො’පි ආචික්ඛිතුන්ති.
ස. පටිඤ්ඤා: ආමන්තා.
අනු. පා: එවමෙවං භගවා ලොකුත්තරෙන වොහාරෙන ලොකියම්පි ලොකුත්තරම්පි ධම්මං වොහරතී’ති.
17. ස. පු: ලබ්භා එළණ්ඩියාය ලට්ඨියා ධඤ්ඤපුඤ්ජො’පි සුවණ්ණපුඤ්ජා’පි අචික්ඛිතුන්ති.
ප. පටිඤ්ඤා: ආමන්තා.
අනු. පා: එවමෙවං භගවා ලොකියෙන වොහාරෙන ලොකියම්පි ලොකුත්තරම්පි ධම්මං වොහරති’ති.
18. ස. පු: බුද්ධස්ස භගවතො වොහාරො ලොකියං වොහරන්තස්ස ලොකියා හොති, ලොකුත්තරං වොහරන්තස්ස ලොකුත්තරො හොතී’ති.
ප. පටිඤ්ඤා: ආමන්තා.
ස. අනු: ලොකියං වොහරන්තස්ස ලොකියෙ සොතෙ පටිහඤ්ඤති, ලොකුත්තරං වොහරන්තස්ස ලොකුත්තරෙ සොතෙ පටිහඤ්ඤති, ලොකියං වොහරන්තස්ස ලොකියෙන විඤ්ඤාණෙන පටිවිජානන්ති, ලොකුත්තරං වොහරන්තස්ස ලොකුත්තරෙන විඤ්ඤාණෙන පටිවිජානන්ති, ලොකියං වොහරන්තස්ස පුථුජ්ජනා පටිවිජානන්ති, ලොකුත්තරං වොහරන්තස්ස සාවකා පටිවිජානන්තී’ති.
ප. පටි: න හෙවං වත්තබ්බෙ -පෙ-
19. ප. පු: න වත්තබ්බං බුද්ධස්ස භගවතො වොහාරො ලොකියං වොහරන්තස්ස ලොකියො හොති, ලොකුත්තරං වොහරන්තස්ස ලොකුත්තරො හොතී’ති.
ස. පටිඤ්ඤා: ආමන්තා.
ප. අනු: නනු භගවා ලොකියම්පි ලොකුත්තරම්පි ධම්මං වොහරතී’ති.
ස. පටිඤ්ඤා: ආමන්තා.
අනු. ඨ: හඤ්චි භගවා ලොකියම්පි ලොකුත්තරම්පි ධම්මං වොහරති,
අනු. පා: තෙන වත රෙ වත්තබ්බෙ: බුද්ධස්ස භගවතො වොහාරො ලොකියං වොහරන්තස්ස ලොකියො හොති, ලොකුත්තරං වොහරන්තස්ස ලොකුත්තරො හොතී’ති.
20. ස. පු: බුද්ධස්ස භගවතො වොහාරො ලොකියං වොහරන්තස්ස ලොකියො හොති, ලොකුත්තරං වොහරන්තස්ස ලොකුත්තරො හොතී’ති.
ප. පටිඤ්ඤා: ආමන්තා.
ස. අනු: මග්ගං වොහරන්තස්ස මග්ගෙ හොති, අමග්ගං වොහරන්තස්ස අමග්ගො හොති, ඵලං වොහරන්තස්ස ඵලං හොති, අඵලං වොහරන්තස්ස අඵලං හොති, නිබ්බානං වොහරන්තස්ස නිබ්බානං හොති, අනිබ්බානං වොහරන්තස්ස අනිබ්බානං හොති, සඞ්ඛතං වොහරන්තස්ස සඞ්ඛතං හොති, අසඞ්ඛතං වොහරන්තස්ස අසඞ්ඛතං හොති, රූපං වොහරන්තස්ස රූපං හොති, අරූපං වොහරන්තස්ස අරූපං හොති, වෙදනං වොහරන්තස්ස වෙදනා හොති, අවෙදනං වොහරන්තස්ස අවෙදනා හොති, සඤ්ඤං වොහරන්තස්ස සඤ්ඤා හොති, අසඤ්ඤං වොහරන්තස්ස අසඤ්ඤා හොති, සඞ්ඛාරෙ වොහරන්තස්ස සඞ්ඛාරා හොන්ති, අසඞ්ඛාරෙ වොහරන්තස්ස අසඞ්ඛාරා හොන්ති, විඤ්ඤාණං වොහරන්තස්ස විඤ්ඤාණං හොති, අවිඤ්ඤාණං වොහරන්තස්ස අවිඤ්ඤාණං හොතීති.
ප. පටි: න හෙවං වත්තබ්බෙ -පෙ-
වොහාරකථා නිට්ඨිතා.
2. 11.