අනු. ආ: යං තත්ථ වදෙසි: වත්තබ්බෙ ඛො පුග්ගලො උපලබ්භති සච්චිකට්ඨපරමත්ථෙන, නො ච වත්තබ්බෙ පුග්ගලස්මිං අඤ්ඤාතාවින්ද්රියන්ති මිච්ඡා.
පටි. ඨ: නො චෙ පන වත්තබ්බෙ පුග්ගලස්මිං අඤ්ඤාතාවින්ද්රියන්ති,
පටි. පා: නො ච වත රෙ වත්තබ්බෙ පුග්ගලො උපලබ්භති සච්චිකට්ඨපරමත්ථෙනා’ ති.
පටි. ආ: යං තත්ථ වදෙසි: වත්තබ්බෙ ඛො පුග්ගලො උපලබ්භති සච්චිකට්ඨපරමත්ථෙන, නො ච වත්තබ්බෙ පුග්ගලස්මිං අඤ්ඤාතාවින්ද්රියන්ති මිච්ඡා -පෙ-
142. ප. පු: පුග්ගලො නූපලබ්භති සච්චිකට්ඨපරමත්ථෙනා’ති.
ස. පටිඤ්ඤා: ආමන්තා.
ප. පු: වුත්තං භගවතා “අත්ථි පුග්ගලො අත්තහිතාය පටිපන්නො” ති.
ස. පටිඤ්ඤා: ආමන්තා.
ප. අනු: රූපං පුග්ගලො’ති.
ස. පටි: න හෙවං වත්තබ්බෙ.
ප. පටිකම්මං: ආජානාහි පටිකම්මං.
අනු. ඨ: හඤ්චි වුත්තං භගවතා “අත්ථි පුග්ගලො අත්තහිතාය පටිපන්නො”ති,
අනු. පා: තෙන වත රෙ වත්තබ්බෙ ‘රූපං පුග්ගලො’ති.
අනු. ආ: යං තත්ථ වදෙසි: වත්තබ්බෙ ඛො වුත්තං භගවතා අත්ථි පුග්ගලො අත්තහිතාය පටිපන්නො, නො ච වත්තබ්බෙ රූපං පුග්ගලො’ති මිච්ඡා.
පටි. ඨ: නො චෙ පන වත්තබ්බෙ ‘රූපං පුග්ගලො’ති.
පටි. පා: නො ච වත රෙ වත්තබ්බෙ “වුත්තං භගවතා අත්ථි පුග්ගලො අත්තහිතාය පටිපන්නො”ති.
පටි. ආ: යං තත්ථ වදෙසි: වත්තබ්බෙ ඛො වුත්තං භගවතා අත්ථි පුග්ගලො අත්තහිතාය පටිපන්නො, නො ච වත්තබ්බෙ රූපං පුග්ගලො’ති මිච්ඡා -පෙ-
143. ප. පු: පුග්ගලො නූපලබ්භති සච්චිකට්ඨපරමත්ථෙනා’ති.
ස. පටිඤ්ඤා: ආමන්තා.
ප. පු: වුත්තං භගවතා “අත්ථි පුග්ගලො අත්තහිතාය පටිපන්නො”ති.
ස. පටිඤ්ඤා: ආමන්තා.
ප. අනු: රූපස්මිං පුග්ගලො -පෙ- අඤ්ඤත්ර රූපා පුග්ගලො -පෙ- පුග්ගලස්මිං රූපං -පෙ- වෙදනා පුග්ගලො -පෙ- වෙදනාය පුග්ගලො -පෙ- අඤ්ඤත්ර වෙදනාය පුග්ගලො -පෙ- පුග්ගලස්මිං වෙදනා -පෙ- සඤ්ඤා පුග්ගලො -පෙ- සඤ්ඤාය පුග්ගලො -පෙ- අඤ්ඤත්ර සඤ්ඤාය පුග්ගලො -පෙ- පුග්ගලස්මිං සඤ්ඤා -පෙ- සඞ්ඛාරා පුග්ගලො -පෙ- සඞ්ඛාරෙසු පුග්ගලො -පෙ- අඤ්ඤත්ර සඞ්ඛාරෙහි පුග්ගලො -පෙ- පුග්ගලස්මිං සඞ්ඛාරා -පෙ- විඤ්ඤාණං පුග්ගලො -පෙ- විඤ්ඤාණස්මිං පුග්ගලො -පෙ- අඤ්ඤත්ර විඤ්ඤාණා පුග්ගලො -පෙ- පුග්ගලස්මිං විඤ්ඤාණන්ති.
ස. පටි. න හෙවං වත්තබෙබ.
ප. පටිකම්මං: අජානාහි පටිකම්මං.
අනු. ඨ: හඤ්චි වුත්තං භගවතා අත්ථි පුග්ගලො අත්තහිතාය පටිපන්නො,
අනු. පා: තෙන වත රෙ වත්තබ්බෙ පුග්ගලස්මිං විඤ්ඤාණන්ති.
අනු. ආ: යං තත්ථ වදෙසි: වත්තබ්බෙ ඛො වුත්තං භගවතා: අත්ථි පුග්ගලො අත්තහිතාය පටිපන්නො, නො ච වත්තබ්බෙ පුග්ගලස්මිං විඤ්ඤාණන්ති මිච්ඡා.
පටි. ඨ: නො චෙ පන වත්තබ්බෙ පුග්ගලස්මිං විඤ්ඤාණන්ති,
පටි පා: නො ච වත රෙ වත්තබ්බෙ වුත්තං භගවතා ‘අත්ථි පුග්ගලො අත්තහිතාය පටිපන්නො’ති.
පටි. ආ: යං තත්ථ වදෙසි: වත්තබ්බෙ ඛො වුත්තං භගවතා අත්ථි පුග්ගලො අත්තහිතාය පටිපන්නො, නො ච වත්තබ්බෙ පුග්ගලස්මිං විඤ්ඤාණන්ති මිච්ඡා -පෙ-
144. ප. පු: පුග්ගලො නූපලබ්භති{1} සච්චිකට්ඨපරමත්ථෙනා’ති.
ස. පටිඤ්ඤා: ආමන්තා.
ප. පු: වුත්තං භගවතා අත්ථි පුග්ගලො අත්තහිතාය පටිපන්නො’ති.
ස. පටිඤ්ඤා: ආමන්තා.
ප. අනු: චක්ඛායතනං පුග්ගලො -පෙ- චක්ඛායතනස්මිං පුග්ගලො -පෙ- අඤ්ඤත්ර චක්ඛායතනා පුග්ගලො -පෙ- පුග්ගලස්මිං චක්ඛායතනං -පෙ- ධම්මායතනං පුග්ගලො -පෙ- ධම්මායතනස්මිං පුග්ගලො -පෙ- අඤ්ඤත්ර ධම්මායතනා පුග්ගලො -පෙ- පුග්ගලස්මිං ධම්මායතනං -පෙ-
චක්ඛුධාතු පුග්ගලො -පෙ- චක්ඛුධාතුයා පුග්ගලො -පෙ- අඤ්ඤත්ර චක්ඛුධාතුයා පුග්ගලො -පෙ- පුග්ගලස්මිං චක්ඛුධාතු -පෙ- මනොවිඤ්ඤාණධාතු පුග්ගලො -පෙ- මනොවිඤ්ඤාණධාතුයා පුග්ගලො -පෙ- අඤ්ඤත්ර මනොවිඤ්ඤාණධාතුයා පුග්ගලො -පෙ- පුග්ගලස්මිං මනොවිඤ්ඤාණධාතු -පෙ-
චක්ඛුන්ද්රියං පුග්ගලො -පෙ- චක්ඛුන්ද්රියස්මිං පුග්ගලො -පෙ- අඤ්ඤත්ර චක්ඛුන්ද්රියා පුග්ගලො -පෙ- පුග්ගලස්මිං චක්ඛුන්ද්රියං -පෙ- අඤ්ඤාතාවින්ද්රියං පුග්ගලො -පෙ- අඤ්ඤාතාවින්ද්රියස්මිං පුග්ගලො -පෙ- අඤ්ඤත්ර අඤ්ඤාතාවින්ද්රියා පුග්ගලො -පෙ- පුග්ගලස්මිං අඤ්ඤාතාවින්ද්රියන්ති.
ස. පටි: න හෙවං වත්තබ්බෙ.
ප. පටිකම්මං: ආජානාහි පටිකම්මං.
අනු. ඨ: හඤ්චි වුත්තං භගවතා අත්ථි පුග්ගලො අත්තහිතාය පටිපන්නො,
අනු. පා: තෙන වත රෙ වත්තබ්බෙ පුග්ගලස්මිං අඤ්ඤාතාවින්ද්රියන්ති.
අනු. ආ: යං තත්ථ වදෙසි: වත්තබ්බෙ ඛො වුත්තං භගවතා අත්ථි පුග්ගලො අත්තහිතාය පටිපන්නො, නො ච වත්තබ්බෙ පුග්ගලස්මිං අඤ්ඤාතාවින්ද්රියන්ති මිච්ඡා.
පටි. ඨ: නො චෙ පන වත්තබ්බෙ පුග්ගලස්මිං අඤ්ඤාතාවින්ද්රියන්ති,
පටි. පා: නො ච වත රෙ වත්තබ්බෙ වුත්තං භගවතා අත්ථි පුග්ගලො අත්තහිතාය පටිපන්නො,
පටි. ආ: යං තත්ථ වදෙසි: වත්තබ්බෙ ඛො වුත්තං භගවතා අත්ථි පුග්ගලො අත්තහිතාය පටිපන්නො, නො ච වත්තබ්බෙ පුග්ගලස්මිං අඤ්ඤාතාවින්ද්රියන්ති මිච්ඡා -පෙ-
චතුක්කනය සංසන්දනං.
145. ස. පු: පුග්ගලො උපලබ්භති සච්චිකට්ඨපරමත්ථෙනා’ති.
ප. පටිඤ්ඤා: ආමන්තා.
ස. අනු: පුග්ගලො සප්පච්චයො -පෙ- පුග්ගලො අප්පච්චයො -පෙ- පුග්ගලො සඞ්ඛතො -පෙ- පුග්ගලො අසඞ්ඛතො -පෙ- පුග්ගලො සස්සතො -පෙ- පුග්ගලො අසස්සතො -පෙ- පුග්ගලො සනිමිත්තො -පෙ- පුග්ගලො අනිමිත්තො’ති.
ප. පටි: න හෙවං වත්තබ්බෙ -පෙ-
146. ප. පු: පුග්ගලො නූපලබ්භති සච්චිකට්ඨපරමත්ථෙනා’ති,
ස. පටිඤ්ඤා: ආමන්තා.
ප. පු: වුත්තං භගවතා “අත්ථි පුග්ගලො අත්තහිතාය පටිපන්නො”ති.
ස. පටිඤ්ඤා: ආමන්තා.
ප. අනු: පුග්ගලො සප්පච්චයො -පෙ- පුග්ගලො අප්පච්චයො -පෙ- පුග්ගලො සඞ්ඛතො -පෙ- පුග්ගලො අසඞ්ඛතො -පෙ- පුග්ගලො සස්සතො -පෙ- පුග්ගලො අසස්සතො -පෙ- පුග්ගලො සනිමිත්තො -පෙ- පුග්ගලො අනිමිත්තො’ති.
ස. පටි: න හෙවං වත්තබ්බෙ -පෙ-
ලක්ඛණයුත්තිකථා.
147. ස. පු: පුග්ගලො උපලබ්භති, උපලබ්භති පුග්ගලො’ති.
ප. පටිඤ්ඤා: පුග්ගලො උපලබ්භති, උපලබ්භති කෙහිචි පුග්ගලො, කෙහිචි න පුග්ගලො’ති.
ස. අනු: පුග්ගලො කෙහිචි උපලබ්භති, කෙහිචි න උපලබ්භතී’ති.
ප. පටි: න හෙවං වත්තබ්බෙ -පෙ-
148. ස. පු: පුග්ගලො සච්චිකට්ඨො, සච්චිකට්ඨො පුග්ගලො’ති.
ප. පටිඤ්ඤා: පුග්ගලො සච්චිකට්ඨො, සච්චිකට්ඨො කෙහිචි පුග්ගලො, කෙහිචි න පුග්ගලො’ති.
ස. අනු: පුග්ගලො කෙහිචි සච්චිකට්ඨො, කෙහිචි න සච්චිකට්ඨො’ති.
ප. පටි: න හෙවං වත්තබ්බෙ -පෙ-
149. ස. පු: පුග්ගලො විජ්ජමානො, විජ්ජමානො පුග්ගලො’ති.
ප. පටිඤ්ඤා: පුග්ගලො විජ්ජමානො, විජ්ජමානො කෙහිචි පුග්ගලො, කෙහිචි න පුග්ගලො’ති.
ස. අනු: පුග්ගලො කෙහිචි විජ්ජමානො. කෙහිචි න විජ්ජමානො’ති.
ප. පටි: න හෙවං වත්තබ්බෙ -පෙ-
150. ස. පු: පුග්ගලො සංවිජ්ජමානො, සංවිජ්ජමානො පුග්ගලො’ති.
ප. පටිඤ්ඤා: පුග්ගලො සංවිජ්ජමානො, සංවිජ්ජමානො කෙහිචි පුග්ගලො, කෙහිචි න පුග්ගලො’ති.
ස. අනු: පුග්ගලො කෙහිචි සංවිජ්ජමානො, කෙහිචි න සංවිජ්ජමානො’ති.
ප. පටි: න හෙවං වත්තබ්බෙ -පෙ-
151. ස. පු: පුග්ගලො අත්ථි, අත්ථි පුග්ගලො’ති.
ප. පටිඤ්ඤා: පුග්ගලො අත්ථි, අත්ථි කෙහිචි පුග්ගලො, කෙහිචි න පුග්ගලො’ති.
ස. අනු: පුග්ගලො කෙහිචි අත්ථි, කෙහිචි නත්ථි’ති.
ප. පටි: න හෙවං වත්තබ්බෙ -පෙ-
152. ස. පු: පුග්ගලො අත්ථි, අත්ථි න සබ්බො පුග්ගලො’ති.
ස. පටිඤ්ඤා: ආමන්තා.
ස. අනු: පුග්ගලො නත්ථි, නත්ථි න සබ්බො පුග්ගලො’ති.
ප. පටි: න හෙවං වත්තබ්බෙ -පෙ-
වචනසොධනං.
153. ස. පු: රූපධාතුයා රූපී පුග්ගලො’ති.
ප. පටිඤ්ඤා: ආමන්තා.
ස. අනු: කාමධාතුයා කාමී පුග්ගලො’ති.
ප. පටි: න හෙවං වත්තබ්බෙ -පෙ-
154. ස. පු: රූපධාතුයා රූපිනො සත්තා’ති.
ප. පටිඤ්ඤා: ආමන්තා.
ස. අනු: කාමධාතුයා කාමිනො සත්තා’ති.
ප. පටි: න හෙවං වත්තබ්බෙ -පෙ-
155. ස. පු: අරූපධාතුයා අරූපී පුග්ගලො’ති.
ප. පටිඤ්ඤා ආමන්තා.
ස. අනු: කාමධාතුයා කාමී පුග්ගලො’ති.
ප. පටි: න හෙවං වත්තබ්බෙ -පෙ-
156. ස. පු. අරූපධාතුයා අරූපිනො සත්තා’ති.
ප. පටිඤ්ඤා: ආමන්තා.
ස. අනු: කාමධාතුයා කාමිනො සත්තා’ති.
ප. පටි: න හෙවං වත්තබ්බෙ -පෙ-
157. ස. පු රූපධාතුයා රූපී පුග්ගලො. අරූපධාතුයා අරූපී පුග්ගලො. අත්ථි ච කොචි රූපධාතුයා චුතො අරූපධාතුං උප්පජ්ජතී’ති.
ප. පටිඤ්ඤා: ආමන්තා.