ප. පටිඤ්ඤා: ආමන්තා.
අනු. පා: තෙන හි වත්තබ්බං: සබ්බෙ සඞ්ඛාරා අනොධිං කත්වා කුක්කුළාති.
6. ස. පු: සබ්බෙ සඞ්ඛාරා අනොධිං කත්වා කුක්කුළා’ති.
ප. පටිඤ්ඤා: ආමන්තා.
ස. අනු: නනු වුත්තං භගවතා “ලාභා වො භික්ඛවෙ, සුලද්ධං වො භික්ඛවෙ, ඛණො වො පටිලද්ධො බ්රහ්මචරියවාසාය, දිට්ඨා මයා භික්ඛවෙ ඡ ඵස්සායතනිකා නාම සග්ගා. තත්ථ යං කිඤ්චි චක්ඛුනා රූපං පස්සති ඉට්ඨරූපඤ්ඤෙ’ව පස්සති නො අනිට්ඨරූපං, කන්තරූපඤ්ඤෙ’ව පස්සති නො අකන්තරූපං, මනාපරූපඤ්ඤෙ’ව පස්සති නො අමනාපරූපං. යං කිඤ්චි සොතෙන සද්දං සුණාති -පෙ- ඝානෙන ගන්ධං ඝායති -පෙ- ජිව්හාය රසං ඝායති -පෙ-
කායෙන ඵොට්ඨබ්බං ඵුසති -පෙ- මනසා ධම්මං විජානාති, ඉට්ඨරූපඤ්ඤෙ’ව විජානාති නො අනිට්ඨරූපං, කන්තරූපඤ්ඤෙ’ව විජානාති නො අකන්තරූපං, මනාපරූපඤ්ඤෙ’ව විජානාති නො අමනාපරූපන්ති.”{a} අත්ථෙව සුත්තන්තො’ති.
ප. පටිඤ්ඤා: ආමන්තා.
අනු. පා: තෙන හි න වත්තබ්බං: සබ්බෙ සඞ්ඛාරා අනොධිං කත්වා කුක්කුළාති.
7. ප. පු: න වත්තබ්බං: සබ්බෙ සඞ්ඛාරා අනොධි කත්වා කුක්කුළාති.
ස. පටිඤ්ඤා: ආමන්තා.
ප. අනු: නනු “යදනිච්චං තං දුක්ඛං” වුත්තං භගවතා. සබ්බෙ සඞ්ඛාරා අනිච්චාති.
ස. පටිඤ්ඤා: ආමන්තා.
අනු. ඨ: හඤ්චි “යදනිච්චං තං දුක්ඛං” වුත්තං භගවතා, සබ්බෙ සඞ්ඛාරා අනිච්චාති,
අනු. පා: තෙන වත රෙ වත්තබ්බෙ: සබ්බෙ සඞ්ඛාරා අනොධිං කත්වා කුක්කුළාති.
8. ස. පු: සබ්බෙ සඞ්ඛාරා අනොධිං කත්වා කුක්කුළාති.
ප. පටිඤ්ඤා: ආමන්තා.
ස. අනු: දානං අනිට්ඨඵලං අකන්තඵලං අමනුඤ්ඤඵලං සෙචනකඵලං දුක්ඛුද්රයං{1} දුක්ඛවිපාකන්ති.
ප. පටි: න හෙවං වත්තබ්බෙ -පෙ-
ස. අනු: සීලං -පෙ- උපොසථො -පෙ- භාවනා -පෙ- බ්රහ්මචරියං අනිට්ඨඵලං අකන්තඵලං අමනුඤ්ඤඵලං සෙචනකඵලං දුක්ඛුද්රයන්ති.
ප. පටි: න හෙවං වත්තබ්බෙ -පෙ-
ස. අනු: නනු දානං ඉට්ඨඵලං කන්තඵලං මනුඤ්ඤඵලං අසෙචනකඵලං සුඛුද්රයං{2} සුඛවිපාකන්ති.
ප. පටිඤ්ඤා: ආමන්තා.
අනු. ඨ: හඤ්චි දානං ඉට්ඨඵලං කන්තඵලං මනුඤ්ඤඵලං අසෙචනකඵලං සුඛුද්රයං සුඛවිපාකං,
අනු. පා: නො ච වත රෙ වත්තබ්බෙ: සබ්බෙ සඞ්ඛාරා අනොධිං කත්වා කුක්කුළාති.
ස. අනු: නනු සීලං -පෙ- උපොසථො -පෙ- භාවනා -පෙ- බ්රහ්මචරියං ඉට්ඨඵලං කන්තඵලං මනුඤ්ඤඵලං අසෙචනකඵලං සුඛුද්රයං සුඛවිපාකන්ති.
ප. පටිඤ්ඤා: ආමන්තා.
අනු. ඨ: හඤ්චි බ්රහ්මචරියං ඉට්ඨඵලං කන්තඵලං මනුඤ්ඤඵලං අසෙචනකඵලං සුඛුද්රයං සුඛවිපාකං.
අනු. පා: නො ච වත රෙ වත්තබ්බෙ: සබ්බෙ සඞ්ඛාරා අනොධිං කත්වා කුක්කුළාති.
9. ස. පු: සබ්බෙ සඞ්ඛාරා අනොධිං කත්වා කුක්කුළාති.
ප. පටිඤ්ඤා: ආමන්තා.
ස. අනු: නනු වුත්තං භගවතා:
“සුඛො විවෙකො තුට්ඨස්ස සුතධම්මස්ස පස්සතො, අබ්යාපජ්ජං සුඛං ලොකෙ පාණභූතෙසු සංයමො.
සුඛා විරාගතා ලොකෙ කාමානං සමතික්කමො, අස්මිමානස්ස යො විනයො එතං වෙ පරමං සුඛං”{a}
“තං සුඛෙන සුඛං පත්තං අච්චන්තසුඛමෙව තං, තිස්සො විජ්ජා අනුප්පත්තා එතං වෙ පරමං සුඛන්ති”
අත්ථෙව සුත්තන්තො’ති.
ප. පටිඤ්ඤා: ආමන්තා.
අනු. පා: තෙන හි න වත්තබ්බං: සබ්බෙ සඞ්ඛාරා අනොධිං කත්වා කුක්කුළාති.
කුක්කුළකථා නිට්ඨිතා.
2. 9.
අනුපුබ්බාභිසමයකථා.
1. ස. පු: අනුපුබ්බාභිසමයො’ති.
ප. පටිඤ්ඤා: ආමන්තා.
ස. අනු: අනුපුබ්බෙන සොතාපත්තිමග්ගං භාවෙතී’ති.
ප. පටි: න හෙවං වත්තබ්බෙ -පෙ-
ස. පු: අනුපුබ්බෙන සොතාපත්තිමග්ගං භාවෙතී’ති.
ප. පටිඤ්ඤා: ආමන්තා.
ස. අනු: අනුපුබ්බෙන සොතාපත්තිඵලං සච්ඡිකරොතී’ති.
ප. පටි: න හෙවං වත්තබ්බෙ -පෙ-
2. ස. පු: අනුපුබ්බාභිසමයො’ති.
ප. පටිඤ්ඤා: ආමන්තා.
ස. අනු: අනුපුබ්බෙන සකදාගාමිමග්ගං භාවෙතී’ති.
ප. පටි: න හෙවං වත්තබ්බෙ -පෙ-
ස. පු: අනුපුබ්බෙන සකදාගාමිමග්ගං භාවෙතී’ති.
ප. පටිඤ්ඤා: ආමන්තා.
ස. අනු: අනුපුබ්බෙන සකදාගාමිඵලං සච්ඡිකරොතී’ති.
ප. පටි: න හෙවං වත්තබ්බෙ -පෙ-
3. ස. පු: අනුපුබ්බාභිසමයො’ති.
ප. පටිඤ්ඤා: ආමන්තා.
ස. අනු: අනුපුබ්බෙන අනාගාමිමග්ගං භාවෙතී’ති.
ප. පටි: න හෙවං වත්තබ්බෙ -පෙ-
ස. පු: අනුපුබ්බෙන අනාගාමිමග්ගං භාවෙතී’ති.
ප. පටිඤ්ඤා: ආමන්තා.
ස. අනු: අනුපුබ්බෙන අනාගාමිඵලං සච්ඡිකරොතී’ති.
ප. පටි: න හෙවං වත්තබ්බෙ -පෙ-
4. ස. පු: අනුපුබ්බාභිසමයො’ති.
ප. පටිඤ්ඤා: ආමන්තා.
ස. අනු: අනුපුබ්බෙන අරහත්තමග්ගං භාවෙතී’ති.
ප. පටි: න හෙවං වත්තබ්බෙ -පෙ-
ස. පු: අනුපුබ්බෙන අරහත්තමග්ගං භාවෙතී’ති.
ප. පටිඤ්ඤා: ආමන්තා.
ස. අනු: අනුපුබ්බෙන අරහත්තඵලං සච්ඡිකරොතී’ති.
ප. පටි: න හෙවං වත්තබ්බෙ -පෙ-
5. ස. පු: සොතාපත්තිඵලසච්ඡිකිරියායපටිපන්නො පුග්ගලො දුක්ඛදස්සනෙන කිං ජහතී’ති.
ප. වි: සක්කායදිට්ඨිං විචිකිච්ඡං සීලබ්බතපරාමාසං තදෙකට්ඨෙ ච කිලෙසෙ චතුභාගං ජහතී’ති.
ස. අනු: චතුභාගං සොතාපන්නො, චතුභාගං න සොතාපන්නො, චතුභාගං සොතාපත්තිඵලප්පත්තො පටිලද්ධො අධිගතො සච්ඡිකතො උපසම්පජ්ජ විහරති, කායෙන ඵුසිත්වා විහරති, චතුභාගං න කායෙන ඵුසිත්වා විහරති. චතුභාගං සත්තක්ඛත්තුපරමො කොලංකොලො එකබීජී, බුද්ධෙ අවෙච්චප්පසාදනෙ සමන්නාගතො ධම්මෙ -පෙ- සඞ්ඝෙ -පෙ- අරියකන්තෙහි සීලෙහි සමන්නාගතො, චතුභාගං න අරියකන්තෙහි සීලෙහි සමන්නාගතො’ති.
ප. පටි: න හෙවං වත්තබ්බෙ -පෙ-
6. ස. පු: සමුදයදස්සනෙන -පෙ- නිරොධදස්සනෙන -පෙ- මග්ගදස්සනෙන කිං ජහතී’ති.
ප. වි: සක්කායදිට්ඨිං විචිකිච්ඡං සීලබ්බතපරාමාසං තදෙකට්ඨෙ ච කිලෙසෙ චතුභාගං ජහතී’ති.
ස. අනු: චතුභාගං සොතාපන්නො, චතුභාගං න සොතාපන්නො, චතුභාගං සොතාපත්තිඵලප්පත්තො පටිලද්ධො අධිගතො සච්ඡිකතො උපසම්පජ්ජ විහරති, කායෙන ඵුසිත්වා විහරති, චතුභාගං න කායෙන ඵුසිත්වා විහරති. චතුභාගං සත්තක්ඛත්තුපරමො කොලංකොලො එකබීජී, බුද්ධෙ අවෙච්චප්පසාදෙන සමන්නාගතො ධම්මෙ -පෙ- සඞ්ඝෙ -පෙ- අරියකන්තෙහි සීලෙහි සමන්නාගතො. චතුභාගං න අරියකන්තෙහි සීලෙහි සමන්නාගතො’ති.
ප. පටි: න හෙවං වත්තබ්බෙ -පෙ-
7. ස. පු: සකදාගාමිඵලසච්ඡිකිරියාය පටිපන්නො පුග්ගලො දුක්ඛදස්සනෙන කිං ජහතී’ති.
ප. වි: ඔළාරිකං කාමරාගං ඔළාරිකං බ්යාපාදං තදෙකට්ඨෙ ච කිලෙසෙ චතුභාගං ජහතී’ති.
ස. අනු: චතුභාගං සකදාගාමී චතුභාගං න සකදාගාමී, චතුභාගං සකදාගාමිඵලප්පත්තො පටිලද්ධො අධිගතො සච්ඡිකතො උපසම්පජ්ජ විහරති, කායෙන ඵුසිත්වා විහරති, චතුභාගං න කායෙන ඵුසිත්වා විහරතී’ති.
ප. පටි: න හෙවං වත්තබ්බෙ -පෙ-
8. ස. පු: සමුදයදස්සනෙන -පෙ- නිරොධදස්සනෙන -පෙ- මග්ගදස්සනෙන කිං ජහතී’ති.
ප. වි: ඔළාරිකං කාමරාගං ඔළාරිකං බ්යාපාදං තදෙකට්ඨෙ ච කිලෙසෙ චතුභාගං ජහතී’ති.
ස. අනු: චතුභාගං සකදාගාමී, චතුභාගං න සකදාගාමී, චතුභාගං සකදාගාමිඵලප්පත්තො පටිලද්ධො අධිගතො සච්ඡිකතො උපසම්පජ්ජ විහරති, කායෙන ඵුසිත්වා විහරති, චතුභාගං න කායෙන ඵුසිත්වා විහරතී’ති.
ප. පටි: න හෙවං වත්තබ්බෙ -පෙ-
9. ස. පු: අනාගාමිඵලසච්ඡිකිරියාය පටිපන්නො පුග්ගලො දුක්ඛදස්සනෙන කිං ජහතී’ති.
ප. වි: අණුසහගතං කාමරාගං අණුසහගතං බ්යාපාදං තදෙකට්ඨෙ ච කිලෙසෙ චතුභාගං ජහතී’ති.
ස. අනු: චතුභාගං අනාගාමී, චතුභාගං න අනාගාමී, චතුභාගං අනාගාමිඵලප්පත්තො පටිලද්ධො අධිගතො සච්ඡිකතො උපසම්පජ්ජ විහරති, කායෙන ඵුසිත්වා විහරති, චතුභාගං න කායෙන ඵුසිත්වා විහරති, චතුභාගං අන්තරාපරිනිබ්බායී -පෙ- උපහච්චපරිනිබ්බායී -පෙ- අසඞ්ඛාරපරිනිබ්බායී -පෙ- සසඞ්ඛාරපරිනිබ්බායී -පෙ- උද්ධංසොතො අකනිට්ඨගාමී{1}, චතුභාගං න උද්ධංසොතො අකනිට්ඨගාමී’ති.
ප. පටි: න හෙවං වත්තෙබ්බෙ -පෙ-
10. ස. පු: සමුදයදස්සනෙන -පෙ- නිරොධදස්සනෙන -පෙ- මග්ගදස්සනෙන කිං ජහතී’ති.
ප. වි: අණුසහගතං කාමරාගං අණුසහගතං බ්යාපාදං තදෙකට්ඨෙ ච කිලෙසෙ චතුභාගං ජහතී’ති.
ස. අනු: චතුභාගං අනාගාමී, චතුභාගං න අනාගාමී, චතුභාගං අනාගාමිඵලප්පත්තො පටිලද්ධො අධිගතො සච්ඡිකතො උපසම්පජ්ජ විහරති, කායෙන ඵුසිත්වා විහරති, චතුභාගං න කායෙන ඵුසිත්වා විහරති, චතුභාගං අන්තරාපරිනිබ්බායී -පෙ- උපහච්චපරිනිබ්බායී -පෙ- අසඞ්ඛාරපරිනිබ්බායී -පෙ- සසඞ්ඛාරපරිනිබ්බායී -පෙ- උද්ධංසොතො අකනිට්ඨගාමී, චතුභාගං න උද්ධංසොතො අකනිට්ඨගාමී’ති.
ප. පටි: න හෙවං වත්තබ්බෙ -පෙ-
11. ස. පු: අරහත්තඵලසච්ඡිකිරියාය පටිපන්නො පුග්ගලො දුක්ඛදස්සනෙන කිං ජහතී’ති.
ප. වි: රූපරාගං අරූපරාගං මානං උද්ධච්චං අවිජ්ජං තදෙකට්ඨෙ ච කිලෙසෙ චතුභාගං ජහතී’ති.
ස. අනු: චතුභාගං අරහා, චතුභාගං න අරහා, චතුභාගං අරහත්තප්පත්තො පටිලද්ධො අධිගතො සච්ඡිකතො උපසම්පජ්ජ විහරති, කායෙන ඵුසිත්වා විහරති, චතුභාගං න කායෙන ඵුසිත්වා විහරති, චතුභාගං වීතරාගො -පෙ- වීතදොසො -පෙ- වීතමොහො -පෙ- කතකරණීයො ඔහිතභාරො අනුප්පත්තසදත්ථො පරික්ඛීණභවසඤ්ඤොජනො සම්මදඤ්ඤාවිමුත්තො උක්ඛිත්තපලිඝො සඞ්කිණ්ණපරිඛො අබ්බූළ්හෙසිකො නිරග්ගළො අරියොපන්නද්ධජො පන්නභාරො විසඤ්ඤුත්තො සුවිජිතවිජයො, දුක්ඛං තස්ස පරිඤ්ඤාතං සමුදයො පහීනො නිරොධො සච්ඡිකතො මග්ගො භාවිතො, අභිඤ්ඤෙය්යං අභිඤ්ඤාතං පරිඤ්ඤෙය්යං පරිඤ්ඤාතං පහාතබ්බං පහීනං භාවෙතබ්බං භාවිතං -පෙ- සච්ඡිකාතබ්බං සච්ඡිකතං, චතුභාගං සච්ඡිකාතබ්බං න සච්ඡිකතන්ති.
ප. පටි: න හෙවං වත්තෙබ්බෙ -පෙ-