ස. අනු: පරධම්මකුසලස්ස අරහතො නත්ථී පරවිතරණා’ති.
ප. පටිඤ්ඤා: ආමන්තා.
ස. අනු: සධම්මකුසලස්ස අරහතො නත්ථී පරවිතරණා’ති.
ප. පටි: න හෙවං වත්තබ්බෙ -පෙ-
12. ස. පු: සධම්මකුසලස්ස අරහතො රාගො පහීනො අත්ථී තස්ස පරවිතරණා’ති.
ප. පටිඤ්ඤා: ආමන්තා.
ස. අනු: පරධම්මකුසලස්ස අරහතො රාගො පහීනො අත්ථී තස්ස පරවිතරණා’ති.
ප. පටි: න හෙවං වත්තබ්බෙ -පෙ-
13. ස. පු: සධම්මකුසලස්ස අරහතො දොසො පහීනො, මොහො පහීනො -පෙ- අනොත්තප්පං පහීනං. අත්ථී තස්ස පරවිතරණා’ති.
ප. පටිඤ්ඤා: ආමන්තා.
ස. අනු: පරධම්මකුසලස්ස අරහතො අනොත්තප්පං පහීනං. අත්ථී තස්ස පරවිතරණා’ති.
ප. පටි: න හෙවං වත්තබ්බෙ -පෙ-
14. ස. පු: සධම්මකුසලස්ස අරහතො රාගප්පහානාය මග්ගො භාවිතො -පෙ- බොජ්ඣඞ්ගා භාවිතා. අත්ථී තස්ස පරවිතරණා’ති.
ප. පටිඤ්ඤා: ආමන්තා.
ස. අනු: පරධම්මකුසලස්ස අරහතො රාගප්පහානාය මග්ගො භාවිතො -පෙ- බොජ්ඣඞ්ගා භාවිතා. අත්ථී තස්ස පරවිතරණා’ති.
ප. පටි: න හෙවං වත්තබ්බෙ -පෙ-
15. ස. පු: සධම්මකුසලස්ස අරහතො දොසප්පහානාය -පෙ- අනොත්තප්පප්පහානාය මග්ගො භාවිතො -පෙ- බොජ්ඣඞ්ගා භාවිතා. අත්ථී තස්ස පරවිතරණා’ති.
ප. පටිඤ්ඤා: ආමන්තා.
ස. අනු: පරධම්මකුසලස්ස අරහතො අනොත්තප්පප්පහානාය බොජ්ඣඞ්ගා භාවිතා. අත්ථී තස්ස පරවිතරණා’ති.
ප. පටි: න හෙවං වත්තබ්බෙ -පෙ-
16. ස. පු: සධම්මකුසලො අරහා වීතරාගො වීතදොසො වීතමොහො -පෙ- සච්ඡිකාතබ්බං සච්ඡිකතං. අත්ථී තස්ස පරවිතරණා’ති.
ප. පටිඤ්ඤා: ආමන්තා.
ස. අනු: පරධම්මකුසලො අරහා වීතරාගො වීතදොසො වීතමොහො -පෙ- සච්ඡිකාතබ්බං සච්ඡිකතං නත්ථී තස්ස පරවිතරණා’ති.
ප. පටි: න හෙවං වත්තබ්බෙ -පෙ-
17. ස. පු: පරධම්මකුසලස්ස අරහතො රාගො පහීනො. නත්ථී තස්ස පරවිතරණා’ති.
ප. පටිඤ්ඤා: ආමන්තා.
ස. අනු: සධම්මකුසලස්ස අරහතො රාගො පහීනො. නත්ථී තස්ස පරවිතරණා’ති.
ප. පටි: න හෙවං වත්තබ්බෙ -පෙ-
18. ස. පු: පරධම්මකුසලස්ස අරහතො දොසො පහීනො, -පෙ- අනොත්තප්පං පහීනං. නත්ථී තස්ස පරවිතරණා’ති.
ප. පටිඤ්ඤා: ආමන්තා.
ස. අනු: සධම්මකුසලස්ස අරහතො දොසො පහීනො, මොහො පහීනො -පෙ- අනොත්තප්පං පහීනං. නත්ථී තස්ස පරවිතරණා’ති.
ප. පටි: න හෙවං වත්තබ්බෙ -පෙ-
19. ස. පු: පරධම්මකුසලස්ස අරහතො රාගප්පහානාය මග්ගො භාවිතො -පෙ- බොජ්ඣඞ්ගා භාවිතා -පෙ- දොසප්පහානාය -පෙ- අනොත්තප්පප්පහානාය මග්ගො භාවිතො -පෙ- බොජ්ඣඞ්ගා භාවිතා නත්ථී තස්ස පරවිතරණා’ති.
ප. පටිඤ්ඤා: ආමන්තා.
ස. අනු: සධම්මකුසලස්ස අරහතො අනොත්තප්පප්පහානාය බොජ්ඣඞ්ගා භාවිතා. නත්ථී තස්ස පරවිතරණා’ති.
ප. පටි: න හෙවං වත්තබ්බෙ -පෙ-
20. ස. පු: පරධම්මකුසලො අරහා වීතරාගො, වීතදොසො වීතමොහො -පෙ- සච්ඡිකාතබ්බං සච්ඡිකතං. නත්ථී තස්ස පරවිතරණා’ති.
ප. පටිඤ්ඤා: ආමන්තා.
ස. අනු: සධම්මකුසලො අරහා වීතරාගො, වීතදොසො, වීතමොහො -පෙ- සච්ඡිකාතබ්බං සච්ඡිකතං. නත්ථී තස්ස පරවිතරණා’ති.
ප. පටි: න හෙවං වත්තබ්බෙ -පෙ-
21. ස. පු: අත්ථී අරහතො පරවිතරණා’ති.
ප. පටිඤ්ඤා: ආමන්තා.
ස. අනු: නනු වුත්තං භගවතා “ජානතො’හං{1} භික්ඛවෙ පස්සතො ආසවානං ඛයං වදාමි, නො අජානතො නො අපස්සතො. කිඤ්ච භික්ඛවෙ ජානතො කිං පස්සතො ආසවානං ඛයො හොති ‘ඉති රූපං -පෙ- ඉති විඤ්ඤාණස්ස අත්ථඞ්ගමො’ති. එවං ඛො භික්ඛවෙ ජානතො එවං පස්සතො ආසවානං ඛයො හොතී”ති.{a} අත්ථෙව සුත්තන්තො’ති.
ප. පටිඤ්ඤා: ආමන්තා.
අනු. පා: තෙන හි න වත්තබ්බං ‘අත්ථී අරහතො පරවිතරණා’ති.
22. ස. පු: අත්ථී අරහතො පරවිතරණා’ති.
ප. පටිඤ්ඤා: ආමන්තා.
ස. අනු: නනු වුත්තං භගවතා “ජානතො’හං භික්ඛවෙ පස්සතො ආසවානං ඛයං වදාමි, නො අජානතො නො අපස්සතො. කිඤ්ච භික්ඛවෙ ජානතො කිං පස්සතො ආසවානං ඛයො හොති ‘ඉදං දුක්ඛන්ති භික්ඛවෙ ජානතො පස්සතො ආසවානං ඛයො හොති, අයං දුක්ඛසමුදයො’ති -පෙ- අයං දුක්ඛනිරොධො’ති -පෙ- අයං දුක්ඛනිරොධගාමිනී පටිපදා’ති ජානතො පස්සතො ආසවානං ඛයො හොතී”ති.{b} අත්ථෙව සුත්තන්තො’ති.
ප. පටිඤ්ඤා: ආමන්තා.
අනු. පා: තෙන හි න වත්තබ්බං “අත්ථී අරහතො පරවිතරණා”ති.
23. ස. පු: අත්ථී අරහතො පරවිතරණා’ති.
ප. පටිඤ්ඤා: ආමන්තා.
ස. අනු: නනු වුත්තං භගවතා “සබ්බං භික්ඛවෙ අනභිජානං අපරිජානං අවිරාජයං අප්පජහං අභබ්බො දුක්ඛක්ඛයාය -පෙ- ඉදං ඛො භික්ඛවෙ{1} අභිජානං පරිජානං විරාජයං පජහං භබ්බො. දුක්ඛක්ඛයායා”ති.{a} අත්ථෙ’ව සුත්තන්තො’ති.
ප. පටිඤ්ඤා: ආමන්තා.
අනු. පා: තෙන හි න වත්තබ්බං: අත්ථී අරහතො පරවිතරණා’ති.
24. ස. පු: අත්ථී අරහතො පරවිතරණා’ති.
ප. පටිඤ්ඤා: ආමන්තා.
ස. අනු: නනු වුත්තං භගවතා.
“සහාවස්ස දස්සනසම්පදාය -පෙ- ඡ චාභිඨානානි අභබ්බො කාතුන්ති”.
අත්ථෙ’ව සුත්තන්තො’ති.
ප. පටිඤ්ඤා: ආමන්තා.
අනු. පා: තෙන හි න වත්තබ්බං: අත්ථී අරහතො පරවිතරණා’ති.
25. ස. පු: අත්ථී අරහතො පරවිතරණා’ති.
ප. පටිඤ්ඤා: ආමන්තා.
ස. අනු: නනු වුත්තං භගවතා “යස්මිං භික්ඛවෙ සමයෙ අරියසාවකස්ස විරජං වීතමලං ධම්මචක්ඛුං උදපාදි යං කිඤ්චි සමුදයධම්මං සබ්බං තං නිරොධධම්මන්ති. සහදස්සනුප්පාදා භික්ඛවෙ අරියසාවකස්ස තීණි සඤ්ඤොජනානි පහීයන්ති: සක්කායදිට්ඨි විචිකිච්ඡා සීලබ්බතපරාමාසොති අත්ථෙව සුත්තන්තො’ති.
ප. පටිඤ්ඤා: ආමන්තා.
අනු. පා: තෙන හි න වත්තබ්බං: අත්ථී අරහතො පරවිතරණා’ති.
26. ස. පු: අත්ථී අරහතො පරවිතරණා’ති.
ප. පටිඤ්ඤා: ආමන්තා.
ස. අනු: නනු වුත්තං භගවතා
“නාහං සහිස්සාමි{1} පමොචනාය කථාකථිං{2} ධොතක කඤ්චි ලොකෙ, ධම්මඤ්ච සෙට්ඨං අභිජානමානො එවං තුවං ඔඝමිමං තරෙසී”ති.{a}
අත්ථෙ’ව සුත්තන්තො’ති.
ප. පටිඤ්ඤා: ආමන්තා.
අනු. පා: තෙන හි න වත්තබ්බං ‘අත්ථී අරහතො පරවිතරණා’ති.
27. ප. පු: න වත්තබ්බං ‘අත්ථී අරහතො පරවිතරණා’ති.
ස. පටිඤ්ඤා: ආමන්තා.
ප. අනු: නනු අරහතො ඉත්ථිපුරිසානං නාමගොත්තං පරෙ විතරෙය්යුං{3}, මග්ගාමග්ගං පරෙ විතරෙය්යුං,{3} තිණකට්ඨවනප්පතීනං නාමං පරෙ විතරෙය්යුන්ති.{3}
ස. පටිඤ්ඤා: ආමන්තා.
අනු. ඨ: හඤ්චි අරහතො ඉත්ථී පුරිසානං නාමගොත්තං පරෙ විතරෙය්යුං, මග්ගාමග්ගං පරෙ විතරෙය්යුං, තිණකට්ඨවනප්පතීනං නාමං පරෙ විතරෙය්යුං,
අනු. පා: තෙන වත රෙ වත්තබ්බෙ ‘අත්ථී අරහතො පරවිතරණා’ති.
28. ස. පු: ‘අරහතො ඉත්ථීපුරිසානං නාමගොත්තං පරෙ විතරෙය්යුං, මග්ගාමග්ගං පරෙ විතරෙය්යුං, තිණකට්ඨවනප්පතීනං නාමං පරෙ විතරෙය්යුන්ති’ අත්ථී අරහතො පරවිතරණා’ති.
ප. පටිඤ්ඤා: ආමන්තා.
ස. අනු: අරහතො සොතාපත්තිඵලං වා සකදාගාමිඵලං වා අනාගාමිඵලං වා අරහත්තං{4} වා පරෙ විතරෙය්යුන්ති.
ප. පටි: න හෙවං වත්තබ්බෙ -පෙ-
පරවිතරණකථා නිට්ඨිතා.
2. 5.
වචීභෙදකථා.
1. ස. පු: සමාපන්නස්ස අත්ථී වචීභෙදො’ති.
ප. පටිඤ්ඤා: ආමන්තා.
ස. අනු: සබ්බත්ථ සමාපන්නානං අත්ථී වචීභෙදො’ති.
ප. පටි: න හෙවං වත්තබ්බෙ -පෙ-
2. ස. පු: සමාපන්නස්ස අත්ථී වචීභෙදො’ති.
ප. පටිඤ්ඤා: ආමන්තා.
ස. අනු: සබ්බදා සමාපන්නානං අත්ථී වචීභෙදො’ති.
ප. පටි: න හෙවං වත්තබ්බෙ -පෙ-
3. ස. පු: සමාපන්නස්ස අත්ථී වචීභෙදො’ති.
ප. පටිඤ්ඤා: ආමන්තා.
ස. අනු: සබ්බෙසං සමාපන්නානං අත්ථී වචීභෙදො’ති.
ප. පටි: න හෙවං වත්තබ්බෙ -පෙ-
4. ස. පු: සමාපන්නස්ස අත්ථී වචීභෙදො’ති.