ස. අනු. නනු වුත්තං භගවතා: “සබ්බං භික්ඛවෙ අනභිජානං අපරිජානං අවිරාජයං අප්පජහං අභබ්බො දුක්ඛක්ඛයාය -පෙ- ඉදං ඛො භික්ඛවෙ{1} අභිජානං පරිජානං විරාජයං පජහං භබ්බො දුක්ඛක්ඛයා යා’ති.{a} අත්ථෙව සුත්තන්තොති.
ප. පටිඤ්ඤා: ආමන්තා.
අනු. පා: තෙන හි න වත්තබ්බං “අත්ථි අරහතො කඞ්ඛා”ති.
18. ස. පු: අත්ථි අරහතො කඞ්ඛා’ති.
ප. පටිඤ්ඤා: ආමන්තා.
ස. අනු: නනු වුත්තං භගවතා:
“සහාවස්ස දස්සනසම්පදාය -පෙ- ඡ චාභිඨානානි අභබ්බො කාතුන්ති”
අත්ථෙ’ව සුත්තන්තො’ති.
ප. පටිඤ්ඤා: ආමන්තා.
අනු. පා: තෙන හි න වත්තබ්බං “අත්ථි අරහතො කඞ්ඛා”ති.
19. ස. පු: අත්ථි අරහතො කඞ්ඛා”ති.
ප. පටිඤ්ඤා: ආමන්තා.
ස. අනු: නනු වුත්තං භගවතා. “යස්මිං භික්ඛවෙ සමයෙ අරියසාවකස්ස විරජං වීතමලං ධම්මචක්ඛුං උදපාදි: ‘යං කිඤ්චි සමුදයධම්මං සබ්බං තං නිරොධධම්මන්ති’ සහදස්සනුප්පාදා භික්ඛවෙ අරියසාවකස්ස තීණි සඤ්ඤොජනානි පහීයන්ති: ‘සක්කායදිට්ඨි විචිකිච්ඡා සීලබ්බතපරාමාසො’ති” අත්ථෙ’ව සුත්තන්තො’ති.
ප. පටිඤ්ඤා: ආමන්තා.
අනු. පා: තෙන හි න වත්තබ්බං “අත්ථි අරහතො කඞ්ඛා”ති.
20. ස. පු: අත්ථි අරහතො කඞ්ඛා’ති.
ප. පටිඤ්ඤා: ආමන්තා.
ස. අනු: නනු වුත්තං භගවතා:
“යදා හවෙ පාතුභවන්ති ධම්මා ආතාපිනො ඣායතො බ්රාහ්මණස්ස, අථස්ස කඞ්ඛා වපයන්ති සබ්බා යතො පජානාති සහෙතුධම්මන්ති.
යදා හවෙ පාතු භවන්ති ධම්මා ආතාපිනො ඣායතො බ්රාහ්මණස්ස, අථස්ස කඞ්ඛා වපයන්ති සබ්බා. යතො ඛයං පච්චයානං අවෙදී’ති.
යදා හවෙ පාතුභවන්ති ධම්මා ආතාපිනො ඣායතො බ්රාහ්මණස්ස, විධූපයං තිට්ඨති මාරසෙනං සුරියො’ව ඔභාසයමන්තළික්ඛන්ති.{a}
යා කාචි කඞ්ඛා ඉධ වා හුරං වා සකවෙදියා වා පරවෙදියා වා, ඣායිනො තා පජහන්ති සබ්බා ආතාපිනො බ්රහ්මචරියං චරන්තා’ති.{b}
යෙ කඞ්ඛා සමතික්කන්තා කඞ්ඛා භූතෙසු පාණිසු, අසංසයා විසංයුත්තා තෙසු දින්නං මහප්ඵලන්ති.
එතාදිසී ධම්මපකාසනෙත්ථ න තත්ථ කිං{1} කඞ්ඛති කොචි සාවකො, නිත්තිණ්ණඔඝං{2} විචිකිච්ඡඡින්නං, බුද්ධං නමස්සාම ජිනං ජනින්දන්ති.{3}{c}
අත්ථෙ’ව සුත්තන්තො’ති.
ප. පටිඤ්ඤා: ආමන්තා.
අනු. පා: තෙන හි න වත්තබ්බං “අත්ථී අරහතො කඞ්ඛා”ති.
21. ප. පු: න වත්තබ්බං අත්ථී අරහතො කඞ්ඛා’ති.
ස. පටිඤ්ඤා: ආමන්තා.
ප. අනු: නනු අරහා ඉත්ථීපුරිසානං නාමගොත්තෙ කඞ්ඛෙය්ය, මග්ගාමග්ගෙ කඞ්ඛෙය්ය, තිණකට්ඨවනප්පතීනං නාමෙ කඞ්ඛෙය්යා’ති.
ස. පටිඤ්ඤා: ආමන්තා.
අනු. ඨ: හඤ්චි අරහා ඉත්ථීපුරිසානං නාමගොත්තෙ කඞ්ඛෙය්ය, මග්ගාමග්ගෙ කඞ්ඛෙය්ය, තිණකට්ඨවනප්පතීනං නාමෙ කඞ්ඛෙය්ය,
අනු. පා: තෙන වත රෙ වත්තබ්බෙ “අත්ථී අරහතො කඞ්ඛා”ති.
22. ස. පු: අරහා ඉත්ථීපුරිසානං නාමගොත්තෙ කඞ්ඛෙය්ය, මග්ගාමග්ගෙ කඞ්ඛෙය්ය, තිණකට්ඨවනප්පතීනං නාමෙ කඞ්ඛ්යො’ති අත්ථී අරහතො කඞ්ඛෙය්යා’ති.
ප. පටිඤ්ඤා: ආමන්තා.
ස. අනු: අරහා සොතාපත්තිඵලෙ වා සකදාගාමිඵලෙ වා අනාගාමිඵලෙ වා අරහත්තෙ වා කඞ්ඛෙය්යා’ති.
ප. පටි: න හෙවං වත්තබ්බෙ -පෙ-
කඞ්ඛාකථා නිට්ඨිතා.
2. 4.
පරවිතරණකථා{1}
1. ස. පු: අත්ථී අරහතො පරවිතරණා’ති.{2}
ප. පටිඤ්ඤා: ආමන්තා.
ස. අනු: අරහා පරනෙය්යො පරපත්තියො පරපච්චයො පරපටිබද්ධභූ න ජානාති න පස්සති සම්මූළ්හො අසම්පජානො’ති.
ප. පටි: න හෙවං වත්තබ්බෙ -පෙ-
ස. අනු: නනු අරහා න පරනෙය්යො න පරපත්තියො න පරපටිබද්ධිභූ ජානාති පස්සති අසම්මූළ්හො සම්පජානො’ති.
ප. පටිඤ්ඤා: ආමන්තා.
අනු. ඨ: හඤ්චි අරහා න පරනෙය්යො න පරපත්තියො න පරපච්චයො න පරපටිබද්ධභූ ජානාති පස්සති අසම්මූළ්හො සම්පජානො,
අනු. පා: නො ච වත රෙ වත්තබ්බෙ: අත්ථී අරහතො පරවිතරණා’ති.
2. ස. පු: අත්ථී පුථුජනස්ස පරවිතරණා, සො ච පරනෙය්යො පරපත්තියො පරපච්චයො පරපටිබද්ධභූ, න ජානාති න පස්සතී සම්මූළ්හො අසම්පජානො’ති.
ප. පටිඤ්ඤා: ආමන්තා.
ස. අනු: අත්ථී අරහතො පරවිතරණා, සො ච පරනෙය්යා පරපත්තියො පරපච්චයො පරපටිබද්ධභූ න ජානාති න පස්සති සම්මූළ්හො අසම්පජානො’ති.
ප. පටි: න හෙවං වත්තබ්බෙ -පෙ-
3. ස. පු: අත්ථී අරහතො පරවිතරණා. සො ච න පරනෙය්යො න පරපත්තියො න පරපච්චයො න පරපටිපද්ධභූ ජානාති පස්සති අසම්මූළ්හො සම්පජානො’ති.
ප. පටිඤ්ඤා: ආමන්තා.
ස. අනු: අත්ථී පුථුජ්ජනස්ස පරවිතරණා සො ච න පරනෙය්යො න පරපත්තියො න පරපටිබද්ධභූ ජානාති පස්සති අසම්මූළ්හො සම්පජානො’ති.
ප. පටි: න හෙවං වත්තබ්බෙ -පෙ-
4. ස. පු: අත්ථී අරහතො පරවිතරණා’ති.
ප. පටිඤ්ඤා: ආමන්තා.
ස. අනු: අත්ථී අරහතො සත්ථරි පරවිතරණා. ධම්මෙ පරවිතරණා සඞ්ඝෙ පරවිතරණා සික්ඛාය පරවිතරණා පුබ්බන්තෙ පරවිතරණා අපරන්තෙ පරවිතරණා පුබ්බන්තාපරන්තෙ පරවිතරණා ඉදප්පච්චයතාපටිච්චසමුප්පන්නෙසු ධම්මෙසු පරවිතරණා’ති.
ප. පටි: න හෙවං වත්තබ්බෙ -පෙ-
ස. අනු: නත්ථී අරහතො සත්ථරි පරවිතරණා ධම්මෙ පරවිතරණා -පෙ- ඉදප්පච්චයතාපටිච්චසමුප්පන්නෙසු ධම්මෙසු පරවිතරණා’ති.
ප. පටිඤ්ඤා: ආමන්තා.
අනු. ඨ: හඤ්චි නත්ථී අරහතො සත්ථරි පරවිතරණා ධම්මෙ පරවිතරණා -පෙ- ඉදප්පච්චයතාපටිච්චසමුප්පන්නෙසු ධම්මෙසු පරවිතරණා,
අනු. පා: නො ච වත රෙ වත්තබ්බෙ ‘අත්ථී අරහතො පරවිතරණා’ති.
5. ස. පු: අත්ථී පුථුජ්ජනස්ස පරවිතරණා. අත්ථී තස්ස සත්ථරි පරවිතරණා ධම්මෙ පරවිතරණා -පෙ- ඉදප්පච්චයතාපටිච්චසමුප්පන්නෙසු ධම්මෙසු පරවිතරණා’ති.
ප. පටිඤ්ඤා: ආමන්තා.
ස. අනු: අත්ථී අරහතො පරවිතරණා. අත්ථී තස්ස සත්ථරි පරවිතරණා, ධම්මෙ පරවිතරණා -පෙ- ඉදප්පච්චයතාපටිච්චසමුප්පන්නෙසු ධම්මෙසු පරවිතරණා’ති.
ප. පටි: න හෙවං වත්තබ්බෙ -පෙ-
6. ස. පු: අත්ථී අරහතො පරවිතරණා. නත්ථී තස්ස සත්ථරි පරවිතරණා, ධම්මෙ පරවිතරණා -පෙ- ඉදප්පච්චයතාපටිච්චසමුප්පන්නෙසු ධම්මෙසු පරවිතරණා’ති.
ප. පටිඤ්ඤා: ආමන්තා.
ස. අනු: අත්ථී පුථුජ්ජනස්ස පරවිතරණා. නත්ථී තස්ස සත්ථරි පරවිතරණා ධම්මෙ පරවිතරණා -පෙ- ඉදප්පච්චයතාපටිච්චසමුප්පන්නෙසු ධම්මෙසු පරවිතරණා’ති.
ප. පටි: න හෙවං වත්තබ්බෙ -පෙ-
7. ස. පු: අත්ථී අරහතො පරවිතරණා’ති.
ප. පටිඤ්ඤා: ආමන්තා.
ස. අනු: නනු අරහතො රාගො පහීනො උච්ඡින්නමූලො තාලාවත්ථුකතො අනභාවකතො ආයතිං අනුප්පාදධම්මො’ති.
ප. පටිඤ්ඤා: ආමන්තා.
අනු. ඨ: හඤ්චි අරහතො රාගො පහීනො උච්ඡින්නමූලො තාලාවත්ථුකතො අනභාවකතො ආයතිං අනුප්පාදධම්මො,
අනු. පා: නො ච වත රෙ වත්තබ්බෙ “අත්ථී අරහතො පරවිතරණා”ති.
8. ස. පු: අත්ථී අරහතො පරවිතරණා’ති.
ප. පටිඤ්ඤා: ආමන්තා.
ස. අනු: නනු අරහතො දොසො පහීනො -පෙ- මොහො පහීනො -පෙ- අනොත්තප්පං පහීනං උච්ඡින්නමූලං තාලාවත්ථුකතං අනභාවකතං ආයතිං අනුප්පාදධම්මන්ති.
ප. පටිඤ්ඤා: ආමන්තා.
අනු. ඨ: හඤ්චි අරහතො අනොත්තප්පං පහීනං උච්ඡින්නමූලං තාලාවත්ථුකතං අනභාවකතං ආයතිං අනුප්පාදධම්මං,
අනු. පා: නො ච වත රෙ වත්තබ්බෙ: අත්ථී අරහතො පරවිතරණා’ති.
9. ස. පු: අත්ථී අරහතො පරවිතරණා’ති.
ප. පටිඤ්ඤා: ආමන්තා.
ස. අනු: නනු අරහතො රාගප්පහානාය මග්ගො භාවිතො -පෙ- බොජ්ඣඞ්ගා භාවිතා -පෙ- දොසප්පහානාය -පෙ- අනොත්තප්පප්පහානාය මග්ගො භාවිතො -පෙ- බොජ්ඣඞ්ගා භාවිතා’ති.
ප. පටිඤ්ඤා: ආමන්තා.
අනු. ඨ: හඤ්චි අරහතො රාගප්පහානාය බොජ්ඣඞ්ගා භාවිතා,
අනු. පා: නො ච වත රෙ වත්තබ්බෙ: අත්ථී අරහතො පරවිතරණා’ති.
10. ස. පු: අත්ථී අරහතො පරවිතරණා’ති.
ප. පටිඤ්ඤා: ආමන්තා.
ස. අනු: නනු අරහා වීතරාගො වීතදොසො වීතමොහො -පෙ- සච්ඡිකාතබ්බං සච්ඡිකතන්ති.
ප. පටිඤ්ඤා: ආමන්තා.
අනු. ඨ: හඤ්චි අරහා වීතරාගො වීතදොසො වීතමොහො -පෙ- සච්ඡිකාතබ්බං සච්ඡිකතං,
අනු. පා: නො ච වත රෙ වත්තබ්බෙ: අත්ථී අරහතො පරවිතරණා’ති.
11. ස. පු: අත්ථී අරහතො පරවිතරණා’ති.
ප. වි: සධම්මකුසලස්ස අරහතො අත්ථී පරවිතරණා. පරධම්මකුසලස්ස අරහතො නත්ථී පරවිතරණා’ති.
ස. අනු: පරධම්මකුසලස්ස අරහතො අත්ථී පරවිතරණා’ති.
ප. පටි: න හෙවං වත්තබ්බෙ -පෙ-