ප. පටිඤ්ඤා: ආමන්තා.
ස. අනු: නනු වුත්තං භගවතා: “යස්මිං භික්ඛවෙ සමයෙ අරියසාවකස්ස විරජං වීතමලං ධම්මචක්ඛුං උදපාදිං: යං කිඤ්චි සමුදයධම්මං සබ්බං තං නිරොධධම්මන්ති, සහ දස්සනුප්පාදා භික්ඛවෙ අරියසාවකස්ස තීණි සඤ්ඤොජනානි පහීයන්ති: සක්කායදිට්ඨි විචිකිච්ඡා සීලබ්බතපරාමාසො”ති. අත්ථෙ’ව සුත්තන්තො’ති.
ප. පටිඤ්ඤා: ආමන්තා.
අනු. පා: තෙන හි න වත්තබ්බං: අත්ථී අරහතො අඤ්ඤාණන්ති.
32. ප. පු: න වත්තබ්බං: අත්ථී අරහතො අඤ්ඤාණන්ති.
ස. පටිඤ්ඤා: ආමන්තා.
ප. අනු: නනු අරහා ඉත්ථීපුරිසානං නාමගොත්තං න ජානෙය්ය, මග්ගාමග්ගං න ජානෙය්ය, තිණකට්ඨවනප්පතීනං නාමං න ජානෙය්යා’ති.
ස. පටිඤ්ඤා: ආමන්තා.
අනු. ඨ: හඤ්චි අරහා ඉත්ථීපුරිසානං නාමගොත්තං න ජානෙය්ය, මග්ගාමග්ගං න ජානෙය්ය, තිණකට්ඨවනප්පතීනං නාමං න ජානෙය්ය,
අනු. පා: තෙන වත රෙ වත්තබ්බෙ: අත්ථී අරහතො අඤ්ඤාණන්ති.
33. ස. පු: “අරහා ඉත්ථීපුරිසානං නාමගොත්තං න ජානෙය්ය, මග්ගාමග්ගං න ජානෙය්ය, තිණකට්ඨවනප්පතීනං නාමං න ජානෙය්යා”ති අත්ථී අරහතො අඤ්ඤාණන්ති.
ප. පටිඤ්ඤා: ආමන්තා.
ස. අනු: අරහා සොතාපත්තිඵලං වා සකදාගාමිඵලං වා අනාගාමිඵලං වා අරහත්තං වා න ජානෙය්යා’ති.
ප. පටි: න හෙවං වත්තබ්බෙ -පෙ-
අඤ්ඤාණකථා නිට්ඨිතා.
2. 3.
කඞ්ඛාකථා
1. ස. පු: අත්ථී අරහතො කඞ්ඛා’ති.
ප. පටිඤ්ඤා: ආමන්තා.
ස. අනු: අත්ථී අරහතො විචිකිච්ඡා, විචිකිච්ඡාපරියුට්ඨානං, විචිකිච්ඡාසඤ්ඤොජනං, විචිකිච්ඡානීවරණන්ති.
ප. පටි: න හෙවං වත්තබ්බෙ -පෙ-
2. ස. පු: නත්ථී අරහතො විචිකිච්ඡා, විචිකිච්ඡාපරියුට්ඨානං, විචිකිච්ඡාසඤ්ඤොජනං, විචිකිච්ඡානීවරණන්ති.
ප. පටිඤ්ඤා: ආමන්තා.
අනු. ඨ: හඤ්චි නත්ථී අරහතො විචිකිච්ඡා, විචිකිච්ඡාපරියුට්ඨානං, විචිකිච්ඡාසඤ්ඤොජනං, විචිකිච්ඡානීවරණං,
අනු. පා: නො ච වත රෙ වත්තබ්බෙ “අත්ථී අරහතො කඞ්ඛා”ති.
3. ස. පු: අත්ථී පුථුජ්ජනස්ස කඞ්ඛා, අත්ථී තස්ස විචිකිච්ඡා, විචිකිච්ඡාපරියුට්ඨානං, විචිකිච්ඡා සඤ්ඤොජනං, විචිකිච්ඡානීවරණන්ති.
ප. පටිඤ්ඤා: ආමන්තා.
ස. අනු: අත්ථී අරහතො කඞ්ඛා, අත්ථී තස්ස විචිකිච්ඡා, විචිකිච්ඡාපරියුට්ඨානං, විචිකිච්ඡාසඤ්ඤොජනං, විචිකිච්ඡානීවරණන්ති.
ප. පටි: න හෙවං වත්තබ්බෙ -පෙ-
4. ස. පු: අත්ථී අරහතො කඞ්ඛා. නත්ථී තස්ස විචිකිච්ඡා, විචිකිච්ඡාපරියුට්ඨානං, විචිකිච්ඡාසඤ්ඤොජනං, විචිකිච්ඡානීවරණන්ති.
ප. පටිඤ්ඤා: ආමන්තා.
ස. අනු: අත්ථී පුථුජ්ජනස්ස කඞ්ඛා. නත්ථී තස්ස විචිකිච්ඡා, විචිකිච්ඡාපරියුට්ඨානං, විචිකිච්ඡාසඤ්ඤොජනං, විචිකිච්ඡානීවරණන්ති.
ප. පටි: න හෙවං වත්තබ්බෙ -පෙ-
5. ස. පු: අත්ථී අරහතො කඞ්ඛා’ති.
ප. පටිඤ්ඤා: ආමන්තා.
ස. අනු: අත්ථී අරහතො සත්ථරි කඞ්ඛා ධම්මෙ කඞ්ඛා සඞ්ඝෙ කඞ්ඛා සික්ඛාය කඞ්ඛා පුබ්බන්තෙ කඞ්ඛා අපරන්තෙ කඞ්ඛා පුබ්බාපරන්තෙ කඞ්ඛා ඉදප්පච්චයතා පටිච්චසමුප්පන්නෙසු ධම්මෙසු කඞ්ඛා’ති.
ප. පටි: න හෙවං වත්තබ්බෙ -පෙ-
ස. පු: නත්ථී අරහතො සත්ථරි කඞ්ඛා ධම්මෙ කඞ්ඛා -පෙ- ඉදප්පච්චයතාපටිච්චසමුප්පන්නෙසු ධම්මෙසු කඞ්ඛා’ති.
ප. පටිඤ්ඤා: ආමන්තා.
අනු. ඨ: හඤ්චි නත්ථී අරහතො සත්ථරි කඞ්ඛා ධම්මෙ කඞ්ඛා -පෙ- ඉදප්පච්චයතාපටිච්චසමුප්පන්නෙසු ධම්මෙසු කඞ්ඛා,
අනු. පා: නො ච වත රෙ වත්තබ්බෙ: අත්ථී අරහතො කඞ්ඛා’ති.
6. ස. පු: අත්ථී පුථුජ්ජනස්ස කඞ්ඛා. අත්ථී තස්ස සත්ථරි කඞ්ඛා ධම්මෙ කඞ්ඛා -පෙ- ඉදප්පච්චයතාපටිච්චසමුප්පන්නෙසු ධම්මෙසු කඞ්ඛා’ති.
ප. පටිඤ්ඤා: ආමන්තා.
ස. අනු: අත්ථී අරහතො කඞ්ඛා. අත්ථී තස්ස සත්ථරි කඞ්ඛා ධම්මෙ කඞ්ඛා -පෙ- ඉදප්පච්චයතාපටිච්චසමුප්පන්නෙසු ධම්මෙසු කඞ්ඛා’ති.
ප. පටි: න හෙවං වත්තබ්බෙ -පෙ-
7. ස. පු: අත්ථී අරහතො කඞ්ඛා. නත්ථී තස්ස සත්ථරි කඞ්ඛා ධම්මෙ කඞ්ඛා -පෙ- ඉදප්පච්චයතාපටිච්චසමුප්පන්නෙසු ධම්මෙසු කඞ්ඛා’ති.
ප. පටිඤ්ඤා: ආමන්තා.
ස. අනු: අත්ථී පුථුජ්ජනස්ස කඞ්ඛා. නත්ථී තස්ස සත්ථරි කඞ්ඛා ධම්මෙ කඞ්ඛා -පෙ- ඉදප්පච්චයතාපටිච්චසමුප්පන්නෙසු ධම්මෙසු කඞ්ඛා’ති.
ප. පටි: න හෙවං වත්තබ්බෙ -පෙ-
8. ස. පු: අත්ථී අරහතො කඞ්ඛා’ති.
ප. පටිඤ්ඤා: ආමන්තා.
ස. අනු: නනු අරහතො රාගො පහීනො උච්ඡින්නමූලො, තාලාවත්ථුකතො අනභාවකතො ආයතිං අනුප්පාදධම්මො’ති.
ප. පටිඤ්ඤා: ආමන්තා.
අනු. ඨ: හඤ්චි අරහතො රාගො පහීනො උච්ඡින්නමූලො තාලාවත්ථුකතො අනභාවකතො ආයතිං අනුප්පාදධම්මො,
අනු. පා: නො ච වත රෙ වත්තබ්බෙ: අත්ථී අරහතො කඞ්ඛා’ති.
9. ස. පු: අත්ථි අරහතො කඞ්ඛා’ති.
ප. පටිඤ්ඤා: ආමන්තා.
ස. අනු: නනු අරහතො දොසො පහීනො -පෙ- මොහො පහීනො -පෙ- අනොතප්පං පහීනං -පෙ- රාගප්පහානාය මග්ගො භාවිතො -පෙ- බොජ්ඣඞ්ගා භාවිතා -පෙ- දොසප්පහානාය -පෙ- අනොත්තප්පප්පහානාය මග්ගො භාවිතො -පෙ- බොජ්ඣඞ්ගා භාවිතා, නනු අරහා වීතරාගො වීතදොසො වීතමොහො -පෙ- සච්ඡිකාතබ්බං සච්ඡිකතන්ති.
ප. පටිඤ්ඤා: ආමන්තා.
අනු. ඨ: හඤ්චි අරහා වීතරාගො වීතදොසො වීතමොහො -පෙ- සච්ඡිකාතබ්බං සච්ඡිකතං.
අනු. පා: නො ච වත රෙ වත්තබ්බෙ: අත්ථී අරහතො කඞ්ඛා’ති.
10. ස. පු: අත්ථී අරහතො කඞ්ඛා’ති.
ප. වි: සද්ධම්මකුසලස්ස අරහතො අත්ථී කඞ්ඛා, පරධම්මකුසලස්ස අරහතො නත්ථී කඞ්ඛා’ති.
ස. අනු: සධම්මකුසලස්ස අරහතො අත්ථී කඞ්ඛා’ති.
ප. පටිඤ්ඤා: ආමන්තා.
ස. අනු: පරධම්මකුසලස්ස අරහතො අත්ථී කඞ්ඛා’ති.
ප. පටි: න හෙවං වත්තබ්බෙ -පෙ-
ස. අනු: පරධම්මකුසලස්ස අරහතො නත්ථී කඞ්ඛා’ති.
ප. පටිඤ්ඤා: ආමන්තා.
ස. අනු: සධම්මකුසලස්ස අරහතො නත්ථී කඞ්ඛා’ති.
ප. පටි: න හෙවං වත්තබ්බෙ -පෙ-
11. ස. පු: සධම්මකුසලස්ස අරහතො රාගො පහීනො. අත්ථී තස්ස තස්ස කඞ්ඛා’ති.
ප. පටිඤ්ඤා: ආමන්තා.
ස. අනු: පරධම්මකුසලස්ස අරහතො රාගො පහීනො. අත්ථී තස්ස කඞ්ඛා’ති.
ප. පටි: න හෙවං වත්තබ්බෙ -පෙ-
12. ස. පු: සධම්මකුසලස්ස අරහතො දොසො පහීනො -පෙ- මොහො පහීනො -පෙ- අනොත්තප්පං පහීනං -පෙ- රාගප්පහානාය මග්ගො භාවිතො -පෙ- බොජ්ඣඞ්ගා භාවිතා -පෙ- දොසප්පහානාය -පෙ- මොහප්පහානාය -පෙ- අනොත්තප්පහානාය මග්ගො භාවිතො -පෙ- බොජ්ඣඞ්ගා භාවිතා -පෙ-
13. ස. පු: සධම්මකුසලො අරහා වීතරාගො වීතදොසො වීතමොහො -පෙ- සච්ඡිකාතබ්බං සච්ඡිකතං. අත්ථී තස්ස කඞ්ඛා’ති.
ප. පටිඤ්ඤා: ආමන්තා.
ස. අනු: පරධම්මකුසලො අරහා වීතරාගො වීතදොසො වීතමොහො -පෙ- සච්ඡිකාතබ්බං සච්ඡිකතං. අත්ථී තස්ස කඞ්ඛා’ති.
ප. පටි: න හෙවං වත්තබ්බෙ -පෙ-
14. ස. පු: පරධම්මකුසලස්ස අරහතො රාගො පහීනො. නත්ථී තස්ස කඞ්ඛා’ති.
ප. පටිඤ්ඤා: ආමන්තා.
ස. අනු: සධම්මකුසලස්ස අරහතො රාගො පහීනො. නත්ථී තස්ස කඞ්ඛා’ති
ප. පටි: න හෙවං වත්තබ්බෙ -පෙ-
ස. පු: පරධම්මකුසලස්ස අරහතො දොසො පහීනො -පෙ- මොහො පහීනො -පෙ- අනොත්තප්පං පහීනං -පෙ- රාගප්පහානාය මග්ගො භාවිතො -පෙ- බොජ්ඣඞ්ගා භාවිතා -පෙ- දොසප්පහානාය -පෙ- මොහප්පහානාය -පෙ- අනොත්තප්පප්පහානාය මග්ගො භාවිතො -පෙ- බොජ්ඣඞ්ගා භාවිතා -පෙ- පරධම්මකුසලො අරහා වීතරාගො වීතදොසො වීතමොහො -පෙ- සච්ඡිකාතබ්බං සච්ඡිකතං නත්ථී තස්ස නත්ථී තස්ස කඞ්ඛා’ති.
ප. පටිඤ්ඤා: ආමන්තා.
ස. අනු: සධම්මකුසලො අරහා වීතරාගො වීතදොසො වීතමොහො -පෙ- සච්ඡිකාතබ්බං සච්ඡිකතං. නත්ථී තස්ස කඞ්ඛා’ති.
ප. පටි: න හෙවං වත්තබ්බෙ -පෙ-
15. ස. පු: අත්ථී අරහතො කඞ්ඛා’ති.
ප. පටිඤ්ඤා: ආමන්තා.
ස. අනු: නනු වුත්තං භගවතා: “ජානතො’හං{1} භික්ඛවෙ පස්සතො ආසවානං ඛයං වදාමි, නො අජානතො නො අපස්සතො. කිඤ්ච භික්ඛවෙ ජානතො කිං පස්සතො ඛයො හොති: ‘ඉතිරූපං -පෙ- ඉති විඤ්ඤාණස්ස අත්ථඞ්ගමො’ති. එවං ඛො භික්ඛවෙ ජානතො එවං පස්සතො ආසවානං ඛයො හොතී”ති.{a} අත්ථෙ’ව සුත්තන්තො’ති.
ප. පටිඤ්ඤා: ආමන්තා.
අනු. පා: තෙන හි න වත්තබ්බං ‘අත්ථී අරහතො කඞ්ඛා’ති.
16. ස. පු: අත්ථී අරහතො කඞ්ඛා’ති.
ප. පටිඤ්ඤා: ආමන්තා.
ස. අනු: නනු වුත්තං භගවතා: “ජානතො’හං” භික්ඛවෙ පස්සතො ආසවානං ඛයං වදාමි, නො අජානතො නො අපස්සතො, කිඤ්ච භික්ඛවෙ ජානතො කිං පස්සතො ආසවානං ඛයො හොති. “ඉදං දුක්ඛන්ති භික්ඛවෙ -පෙ- අයං දුක්ඛනිරොධගාමිනී පටිපදාති ජානතො පස්සතො ආසවානං ඛයො හොති. එවං ඛො භික්ඛවෙ ජානතො එවං පස්සතො ආසවානං ඛයො හොතී”ති.{b} අත්ථෙව සුත්තන්තො’ති.
ප. පටිඤ්ඤා: ආමන්තා.
අනු. ඨ: තෙන හි න වත්තං “අත්ථී අරහතො කඞ්ඛා”ති.
17. ස. පු: අත්ථී අරහතො කඞ්ඛා’ති.
ප. පටිඤ්ඤා: ආමන්තා.