ස. අනු: ලොමකූපෙහි උපසංහරන්තී’ති.
ප. පටි: න හෙවං වත්තබ්බෙ -පෙ-
9. ස. පු: මාරකායිකා දෙවතා අරහතො අසුචිං සුක්කවිසට්ඨිං උපසංහරන්තී’ති.
ප. පටිඤ්ඤා: ආමන්තා.
ස. පු: කිං කාරණා’ති.
ප. වි: හන්ද හි විමතිං ගාහයිස්සාමා’ති.
ස. අනු: අත්ථී අරහතො විමතී’ති.
ප. පටි: න හෙවං වත්තබ්බෙ -පෙ-
10. ස. පු: අත්ථී අරහතො විමතී’ති.
ප. පටිඤ්ඤා: ආමන්තා.
ස. අනු: අත්ථී අරහතො සත්ථරි විමති, ධම්මෙ විමති, සඞ්ඝෙ විමති, සික්ඛාය විමති, පුබ්බන්තෙ විමති, අපරන්තෙ විමති, පුබ්බන්තාපරන්තෙ විමති, ඉදප්පච්චයතාපටිච්චසමුප්පන්නෙසු ධම්මෙසු විමතී’ති.
ප. පටි: න හෙවං වත්තබ්බෙ -පෙ-
11. ස. පු: නත්ථී අරහතො සත්ථරි විමති, ධම්මෙ විමති, සඞ්ඝෙ විමති, සික්ඛාය විමති, පුබ්බන්තෙ විමති, අපරන්තෙ විමති, පුබ්බන්තාපරන්තෙ විමති, ඉදප්පච්චයතාපටිච්චසමුප්පන්නෙසු ධම්මෙසු විමතී’ති.
ප. පටිඤ්ඤා: ආමන්තා.
අනු. ඨ: හඤ්චි නත්ථී අරහතො සත්ථරි විමති -පෙ- ඉදප්පච්චයතාපටිච්චසමුප්පන්නෙසු ධම්මෙසු විමති.
අනු. පා: නො ච වත රෙ වත්තබ්බෙ: “අත්ථී අරහතො විමතී”ති.
12. ස. පු: අත්ථී පුථුජ්ජනස්ස විමති, අත්ථී තස්ස සත්ථරි විමති -පෙ- ඉදප්පච්චයතාපටිච්චසමුප්පන්නෙසු ධම්මෙසු විමතී’ති.
ප. පටිඤ්ඤා: ආමන්තා.
ස. අනු: අත්ථී අරහතො විමති, අත්ථී තස්ස සත්ථරි විමති -පෙ- ඉදප්පච්චයතාපටිච්චසමුප්පන්නෙසු ධම්මෙසු විමතී’ති.
ප. පටි: න හෙවං වත්තබ්බෙ -පෙ-
13. ස. පු: අත්ථී අරහතො විමති, නත්ථී තස්ස සත්ථරි විමති -පෙ- ඉදප්පච්චයතාපටිච්චසමුප්පන්නෙසු ධමෙමසු විමතී’ති.
ප. පටිඤ්ඤා: ආමන්තා.
ස. අනු: අත්ථී පුථුජ්ජනස්ස විමති, නත්ථී තස්ස සත්ථරි විමති -පෙ- ඉදප්පච්චයතාපටිච්චසමුප්පන්නෙසු ධම්මෙසු විමතී’ති.
ප. පටි: න හෙවං වත්තබ්බෙ.
14. ස. පු: අත්ථී අරහතො අසුචි සුක්කවිසට්ඨි’ති.
ප. පටිඤ්ඤා: ආමන්තා.
ස. පු: අරහතො අසුචි සුක්කවිසට්ඨි කිස්ස නිස්සන්දො’ති.
ප. වි: අසිතපීතඛායිතසායිතස්ස නිස්සන්දො’ති.
ස. පු: අරහතො අසුචි සුක්කවිසට්ඨි අසිතපීතඛායිතසායිතස්ස නිස්සන්දො’ති.
ප. පටිඤ්ඤා: ආමන්තා.
ස. අනු: යෙ කෙචි අසන්ති පිවන්ති ඛාදන්ති{1} සායන්ති, සබ්බෙසඤ්ඤෙව අත්ථී අසුචි සුක්කවිසට්ඨි’ති.
ප. පටි: න හෙවං වත්තබ්බෙ -පෙ-
15. ස. පු: යෙ කෙචි අසන්ති පිවන්ති ඛාදන්ති සායන්ති, සබ්බෙසඤ්ඤෙව අත්ථී අසුචි සුක්කවිසට්ඨි’ති.
ප. පටිඤ්ඤා: ආමන්තා.
ස. අනු: දාරකා අසන්ති පිවන්ති ඛාදන්ති සායන්ති, අත්ථී දාරකානං අසුචි සුක්කවිසට්ඨි’ති.
ප. පටි: න හෙවං වත්තබ්බෙ -පෙ-
ස. අනු: පණ්ඩකා අසන්ති පිවන්ති ඛාදන්ති සායන්ති, අත්ථී පණ්ඩකානං අසුචි සුක්කවිසට්ඨි’ති.
ප. පටි: න හෙවං වත්තබ්බෙ -පෙ-
ස. අනු: දෙවා අසන්ති පිවන්ති ඛාදන්ති1 සායන්ති, අත්ථී දෙවානං අසුචි සුක්කවිසට්ඨි’ති.
ප. පටි: න හෙවං වත්තබ්බෙ -පෙ-
16. ස. පු: අරහතො අසුචි සුක්කවිසට්ඨි අසිතපීතඛායිතසායිතස්ස නිස්සන්දො’ති.
ප. පටිඤ්ඤා: ආමන්තා.
ස. අනු: අත්ථී තස්ස ආසයො’ති.
ප. පටි: න හෙවං වත්තබ්බෙ -පෙ-
17. ස. පු: අරහතො උච්චාරපස්සාවො අසිතපීතඛායිතසායිතස්ස නිස්සන්දො, අත්ථි තස්ස ආසයො’ති.
ප. පටිඤ්ඤා: ආමන්තා.
ස. අනු: අරහතො අසුචි සුක්කවිසට්ඨි අසිතපීතඛායිතසායිතස්ස නිස්සන්දො, අත්ථී තස්ස ආසයො’ති.
ප. පටි: න හෙවං වත්තබ්බෙ -පෙ-
18. ස. පු: අරහතො අසුචි සුක්කවිසට්ඨි අසිතපීතඛායිතසායිතස්ස නිස්සන්දො, නත්ථී තස්ස ආසයො’ති.
ප. පටිඤ්ඤා: ආමන්තා.
ස. අනු: අරහතො උච්චාරපස්සාවො අසිතපීතඛායිතසායිතස්ස නිස්සන්දො, නත්ථී තස්ස ආසයො’ති.
ප. පටි: න හෙවං වත්තබ්බෙ -පෙ-
19. ස. පු: අත්ථී අරහතො අසුචි සුක්කවිසට්ඨී’ති.
ප. පටිඤ්ඤා: ආමන්තා.
ස. අනු: අරහා මෙථුනං ධම්මං පටිසෙවෙය්ය, මෙථුනං ධම්මං උප්පාදෙය්ය, පුත්තසම්බාධසයනං අජ්ඣාවසෙය්ය, කාසිකචන්දනං පච්චනුභවෙය්ය, මාලාගන්ධවිලෙපනං ධාරෙය්ය, ජාතරූපරජතං සාදියෙය්යා’ති.
ප. පටි: න හෙවං වත්තබ්බෙ -පෙ-
20. ස. පු: අත්ථී පුථුජ්ජනස්ස අසුචි සුක්කවිසට්ඨි, පුථුජ්ජනො මෙථුනං ධම්මං පටිසෙවෙය්ය, මෙථුනං ධම්මං උප්පාදෙය්ය, පුත්තසම්බාධසයනං අජ්ඣාවසෙය්ය, කාසිකචන්දනං පච්චනුභවෙය්ය, මාලාගන්ධවිලෙපනං ධාරෙය්ය, ජාතරූපරජතං සාදියෙය්යා’ති.
ප. පටිඤ්ඤා: ආමන්තා.
ස. අනු: අත්ථී අරහතො අසුචි සුක්කවිසට්ඨි, අරහා මෙථුනං ධම්මං පටිසෙවෙය්ය, මෙථුනං ධම්මං උප්පාදෙය්ය, පුත්තසම්බාධසයනං අජ්ඣාවසෙය්ය, කායිකචන්දනං පච්චනුභවෙය්ය, මාලාගන්ධවිලෙපනං ධාරෙය්ය, ජාතරූපරජතං සාදියෙය්යා’ති.
ප. පටි: න හෙවං වත්තබ්බෙ -පෙ-
21. ස. පු: අත්ථී අරහතො අසුචි සුක්කවිසට්ඨි, න ච අරහා මෙථුනං ධම්මං පටිසෙවෙය්ය, මෙථුනං ධම්මං උප්පාදෙය්ය, පුත්තසම්බාධසයනං අජ්ඣාවසෙය්ය, කාසිකචන්දනං පච්චනුභවෙය්ය, මාලාගන්ධවිලෙපනං ධාරෙය්ය, ජාතරූපරජතං සාදියෙය්යා’ති.
ප. පටිඤ්ඤා: ආමන්තා.
ස. අනු: අත්ථී පුථුජ්ජනස්ස අසුචි සුක්කවිසට්ඨි, න ච පුථුජ්ජනො මෙථුනං ධම්මං පටිසෙවෙය්ය, මෙථුනං ධම්මං උප්පාදෙය්ය, පුත්තසම්බාධසයනං අජ්ඣාවසෙය්ය, කාසිකචන්දනං පච්චනුභවෙය්ය, මාලාගන්ධවිලෙපනං ධාරෙය්ය, ජාතරූපරජතං සාදියෙය්යා’ති.
ප. පටි: න හෙවං වත්තබ්බෙ -පෙ-
22. ස. පු: අත්ථී අරහතො අසුචි සුක්කවිසට්ඨි’ති.
ප. පටිඤ්ඤා: ආමන්තා.
ස. අනු: නනු අරහතො රාගො පහීනො උච්ඡින්නමූලො තාලාවත්ථුකතො අනභාවකතො ආයතිං අනුප්පාදධම්මො’ති.
ප. පටිඤ්ඤා: ආමන්තා.
අනු. ඨ: හඤ්චි අරහතො රාගො පහීනො උච්ඡින්නමූලො තාලාවත්ථුකතො අනභාවකතො ආයතිං අනුප්පාදධම්මො,
අනු. පා: නො ච වත රෙ වත්තබ්බෙ: අත්ථී අරහතො අසුචි සුක්කවිසට්ඨි’ති.
23. ස. පු: අත්ථී අරහතො අසුචි සුක්කවිසට්ඨි’ති.
ප. පටිඤ්ඤා: ආමන්තා.
ස. අනු: නනු අරහතො දොසො පහීනො -පෙ- මොහො පහීනො -පෙ- මානො පහීනො -පෙ- දිට්ඨී පහීනා -පෙ- විචිකිච්ඡා පහීනා -පෙ- ථිනං පහීනං -පෙ- මිද්ධං පහීනං -පෙ- උද්ධච්චං පහීනං -පෙ- අහිරිකං පහීනං -පෙ- අනොත්තප්පං පහීනං උච්ඡින්නමූලං තාලාවත්ථුකතං අනභාවකතං ආයතිං අනුප්පාදධම්මන්ති.
ප. පටිඤ්ඤා: ආමන්තා.
අනු. ඨ: හඤ්චි අරහතො අනොත්තප්පං පහීනං උච්ඡින්නමූලං තාලාවත්ථුකතං අනභාවකතං ආයතිං අනුප්පාදධම්මං.
අනු. පා: නො ච වත රෙ වත්තබ්බෙ: අත්ථී අරහතො අසුචි සුක්කවිසට්ඨී’ති.
24. ස. පු: අත්ථී අරහතො අසුචි සුක්කවිසට්ඨි’ති.
ප. පටිඤ්ඤා: ආමන්තා.
ස. අනු: නනු අරහතො රාගප්පහානාය මග්ගො භාවිතො’ති.
ප. පටිඤ්ඤා: ආමන්තා.
අනු. ඨ: හඤ්චි අරහතො රාගප්පහානාය මග්ගො භාවිතො,
අනු. පා: නො ච වත රෙ වත්තබ්බෙ: අත්ථී අරහතො අසුචි සුක්කවිසට්ඨි’ති.
25. ස. පු: අත්ථී අරහතො අසුචි සුක්කවිසට්ඨි’ති.
ප. පටිඤ්ඤා: ආමන්තා.
ස. අනු: නනු අරහතො රාගප්පහානාය සතිපට්ඨානං භාවිතා -පෙ- සම්මප්පධානා භාවිතා -පෙ- ඉද්ධිපාදා භාවිතා -පෙ- ඉන්ද්රියා භාවිතා -පෙ- බලා භාවිතා -පෙ- බොජ්ඣඞ්ගා භාවිතා’ති.
ප. පටිඤ්ඤා: ආමන්තා.
අනු. ඨ: හඤ්චි අරහතො රාගප්පහානාය බොජ්ඣඞ්ගා භාවිතා,
අනු. පා: නො ච වත රෙ වත්තබ්බෙ: අත්ථී අරහතො අසුචි සුක්කවිසට්ඨී’ති.
26. ස. පු: අත්ථී අරහතො අසුචි සුක්කවිසට්ඨී’ති.
ප. පටිඤ්ඤා: ආමන්තා.
ස. අනු: නනු අරහතො දොසප්පහානාය -පෙ- මොහප්පනාය -පෙ- අනොත්තප්පප්පහානාය -පෙ- මග්ගො භාවිතො -පෙ- බොජ්ඣඞ්ගා භාවිතා’ති.
ප. පටිඤ්ඤා: ආමන්තා.
අනු. ඨ: හඤ්චි අරහතො අනොත්තප්පහානාය බොජ්ඣඞ්ගා භාවිතා,
අනු. පා: නො ච වත රෙ වත්තබ්බෙ: අත්ථී අරහතො අසුචි සුක්කවිසට්ඨි’ති.
27. ස. පු: අත්ථී අරහතො අසුචි සුක්කවිසට්ඨි’ති.
ප. පටිඤ්ඤා: ආමන්තා.
ස. අනු: නනු අරහා වීතරාගො වීතදොසො වීතමොහො කතකරණීයො ඔහිතභාරො අනුප්පත්තසදත්ථො පරික්ඛීණභවසඤ්ඤොජනො සම්මදඤ්ඤා විමුත්තො උක්ඛිත්තපලිඝො සංකිණ්ණපරිඛො අබ්බූළ්හෙසිකො නිරග්ගළො අරියො පන්නධජො පන්නභාරො විසඤ්ඤුත්තො සුවිජිතවිජයො, දුක්ඛං තස්ස පරිඤ්ඤාතං සමුදයො පහීනො නිරොධො සච්ඡිකතො මග්ගො භාවිතො, අභිඤ්ඤෙය්යං අභිඤ්ඤාතං පරිඤ්ඤෙය්යං පරිඤ්ඤාතං පහාතබ්බං පහීනං භාවෙතබ්බං භාවිතං සච්ඡිකාතබ්බං සච්ඡිකතන්ති.
ප. පටිඤ්ඤා: ආමන්තා.
අනු: ඨ: හඤ්චි අරහා වීතරාගො වීතදොසො වීතමොහො කතකරණීයො -පෙ- සච්ඡිකාතබ්බං සච්ඡිකතං,
අනු. පා: නො ච වත රෙ වත්තබ්බෙ: අත්ථී අරහතො අසුචි සුක්කවිසට්ඨී’ති.