ප. පටිඤ්ඤා: ආමන්තා.
ස. පු: කින්තත්ථී කින්ති නත්ථී’ති.
ප. වි: පච්චුප්පන්නං පච්චුප්පන්නන්ති හෙවත්ථී, පච්චුප්පන්නං අතීතන්ති හෙව නත්ථී, පච්චුප්පන්නං අනාගතන්ති හෙව නත්ථී’ති.
ස. අනු: සෙවත්ථී සෙව නත්ථී’ති.
ප. පටි: න හෙවං වත්තබ්බෙ -පෙ-
12. ස. පු: සෙවත්ථී සෙව නත්ථී’ති.
ප. පටිඤ්ඤා: ආමන්තා.
ස. අනු: අත්ථට්ඨො නත්ථට්ඨො -පෙ- සමෙ සමභාගෙ තජ්ජාතෙ’ති.
ප. පටි: න හෙවං වත්තබ්බෙ -පෙ-
13. ප. පු: න වත්තබ්බං අතීතං හෙවත්ථී හෙව නත්ථී, අනාගතං හෙවත්ථී හෙව නත්ථී, පච්චුප්පන්නං හෙවත්ථී හෙව නත්ථී’ති.
ස. පටිඤ්ඤා: ආමන්තා.
ප. අනු: අතීතං අනාගතන්ති හෙවත්ථී, අතීතං පච්චුප්පන්නන්ති හෙවත්ථී, අනාගතං අතීතන්ති හෙවත්ථී, අනාගතං පච්චුප්පන්නන්ති හෙවත්ථී, පච්චුප්පන්නං අතීතන්ති හෙවත්ථී, පච්චුප්පන්නං අනාගතන්ති හෙවත්ථී’ති.
ස. පටි: න හෙවං වත්තබ්බෙ -පෙ-
අනු. පා: තෙන හි අතීතං හෙවත්ථී හෙව නත්ථී, අනාගතං හෙවත්ථී හෙව නත්ථී, පච්චුප්පන්නං හෙවත්ථී හෙව නත්ථී’ති.
14. ස. පු: රූපං අත්ථී’ති.
ප. වි: හෙවත්ථී හෙව නත්ථී’ති.
ස. අනු: සෙවත්ථී සෙව නත්ථී’ති.
ප. පටි: න හෙවං වත්තබ්බෙ -පෙ-
15. ස. පු: සෙවත්ථී සෙව නත්ථී’ති.
ප. පටිඤ්ඤා: ආමන්තා.
ස. අනු: අත්ථට්ඨො නත්ථට්ඨො, නත්ථට්ඨො අත්ථට්ඨො, අත්ථීභාවො නත්ථීභාවො, නත්ථීභාවො අත්ථීභාවො, අත්ථී’ති වා නත්ථී’ති වා, නත්ථී’ති වා අත්ථී’ති වා, එසෙසෙ එකට්ඨෙ සමෙ සමභාගෙ තජ්ජාතෙ’ති.
ප. පටි: න හෙවං වත්තබ්බෙ -පෙ-
16. ස. පු: වෙදනා -පෙ- සඤ්ඤා -පෙ- සඞ්ඛාරා -පෙ- විඤ්ඤාණං අත්ථී’ති.
ප. වි: හෙවත්ථී හෙව නත්ථී’ති.
ස. අනු: සෙවත්ථී සෙව නත්ථී’ති.
ප. පටි: න හෙවං වත්තබ්බෙ -පෙ-
17. ස. පු: සෙවත්ථී සෙව නත්ථී’ති.
ප. පටිඤ්ඤා: ආමන්තා.
ස. අනු: අත්ථට්ඨො නත්ථට්ඨො -පෙ- සමෙ සමභාගෙ තජ්ජාතෙ’ති.
ප. පටි: න හෙවං වත්තබ්බෙ -පෙ-
18. ස. පු: රූපං හෙවත්ථී හෙව නත්ථී’ති.
ප. පටිඤ්ඤා: ආමන්තා.
ස. පු: කින්තත්ථී කින්ති නත්ථී’ති.
ප. වි: රූපං රූපන්ති හෙවත්ථී, රූපං වෙදනා’ති හෙව නත්ථී -පෙ- රූපං සඤ්ඤා’ති හෙව නත්ථී -පෙ- රූපං සඞ්ඛාරා’ති හෙව නත්ථී -පෙ- රූපං විඤ්ඤාණන්ති හෙව නත්ථී’ති.
ස. අනු: සෙවත්ථී සෙව නත්ථී’ති.
ප. පටි: න හෙවං වත්තබ්බෙ -පෙ-
19. ස. පු: සෙවත්ථී සෙව නත්ථී’ති.
ප. පටිඤ්ඤා: ආමන්තා.
ස. අනු: අත්ථට්ඨො නත්ථට්ඨො -පෙ- සමෙ සමභාගෙ තජ්ජාතෙ’ති.
ප. පටි: න හෙවං වත්තබ්බෙ -පෙ-
20. ස. පු: වෙදනා -පෙ- සඤ්ඤා -පෙ- සඞ්ඛාරා -පෙ- විඤ්ඤාණං හෙවත්ථී හෙව නත්ථී’ති.
ප. පටිඤ්ඤා: ආමන්තා.
ස. පු: කින්තත්ථී කින්ති නත්ථී’ති.
ප. වි: විඤ්ඤාණං විඤ්ඤාණන්ති හෙවත්ථී, විඤ්ඤාණං රූපන්ති හෙව නත්ථී -පෙ- විඤ්ඤාණං වෙදනා’ති හෙව නත්ථී -පෙ- විඤ්ඤාණං සඤ්ඤා’ති හෙව නත්ථී -පෙ- විඤ්ඤාණං සඞ්ඛාරා’ති හෙව නත්ථී’ති.
ස. අනු: සෙවත්ථී සෙව නත්ථී’ති.
ප. පටි: න හෙවං වත්තබ්බෙ -පෙ-
21. ස. පු: සෙවත්ථී සෙව නත්ථී’ති.
ප. පටිඤ්ඤා: ආමන්තා.
ස. අනු: අත්ථට්ඨො නත්ථට්ඨො -පෙ- සමෙ සමභාගෙ තජ්ජාතෙ’ති.
ප. පටි: න හෙවං වත්තබ්බෙ -පෙ-
22. ප. පු: න වත්තබ්බං: “රූපං හෙවත්ථී හෙව නත්ථී’ති, වෙදනා -පෙ- සඤ්ඤා -පෙ- සඞ්ඛාරා -පෙ- විඤ්ඤාණං හෙවත්ථී හෙව නත්ථී”ති.
ස. පටිඤ්ඤා: ආමන්තා.
ප. අනු: රූපං වෙදනා’ති හෙවත්ථී -පෙ- රූපං සඤ්ඤා’ති හෙවත්ථී -පෙ- රූපං සඞ්ඛාරා’ති හෙවත්ථී -පෙ- රූපං විඤ්ඤාණන්ති හෙවත්ථී -පෙ- වෙදනා -පෙ- සඤ්ඤා -පෙ- සඞ්ඛාරා -පෙ- විඤ්ඤාණං රූපන්ති හෙවත්ථී -පෙ- විඤ්ඤාණං වෙදනා’ති හෙවත්ථී -පෙ- විඤ්ඤාණං සඤ්ඤා’ති හෙවත්ථී -පෙ- විඤ්ඤාණං සඞ්ඛාරා’ති හෙවත්ථී’ති.
ස. පටි: න හෙවං වත්තබ්බෙ -පෙ-
අනු. පා: තෙන හි රූපං හෙවත්ථී හෙව නත්ථී, වෙදනා -පෙ- සඤ්ඤා - සඞ්ඛාරා - විඤ්ඤාණං හෙවත්ථී, හෙව නත්ථී’ති.
හෙවත්ථීකථා නිට්ඨිතා.
මහාවග්ගො.
තස්ස උද්දානං:
උපලබ්භො පරිහානං බ්රහ්මචරියවාසො ඔධිසො පරිඤ්ඤා කාමරාගප්පහානං සබ්බත්ථීවාදො ආයතනං අතීතානාගතො සුභඞ්ගො සබ්බෙ ධම්මා සතිපට්ඨානා හෙවත්ථී හෙව නත්ථී’ති.
දුතියො වග්ගො
2. 1.
පරූපහාරකථා.
1. ස. පු: අත්ථී අරහතො අසුචි සුක්කවිසට්ඨි’ති.
ප. පටිඤ්ඤා: ආමන්තා.
ස. අනු: අත්ථී අරහතො රාගො කාමරාගො කාමරාගපරියුට්ඨානං කාමරාග සඤ්ඤොජනං කාමොඝො කාමයොගො කාමච්ඡන්දනීවරණන්ති.
ප. පටි: න හෙවං වත්තබ්බෙ -පෙ-
2. ස. පු: නත්ථී අරහතො රාගො කාමරාගො කාමරාගපරියුට්ඨානං කාමරාගසඤ්ඤොජනං කාමොඝො කාමයොගො කාමච්ඡන්දනීවරණන්ති.
ප. පටිඤ්ඤා: ආමන්තා.
අනු. ඨ: හඤ්චි නත්ථී අරහතො රාගො කාමරාගො කාමරාගපරියුට්ඨානං කාමරාගසඤ්ඤොජනං කාමොඝො කාමයොගො කාමච්ඡන්දනීවරණං.
අනු. පා: නො ච වත රෙ වත්තබ්බෙ: “අත්ථී අරහතො අසුචි සුක්කවිසට්ඨී”ති.
3. ස. පු: අත්ථී පුථුජ්ජනස්ස අසුචි සුක්කවිසට්ඨි, අත්ථී තස්ස රාගො කාමරාගො කාමරාගපරියුට්ඨානං කාමරාගසඤ්ඤොජනං කාමොඝො කාමයොගො කාමච්ඡන්දනීවරණන්ති.
ප. පටිඤ්ඤා: ආමන්තා.
ස. අනු: අත්ථී අරහතො අසුචි සුක්කවිසට්ඨි, අත්ථී තස්ස රාගො කාමරාගො කාමරාගපරියුට්ඨානං -පෙ- කාමච්ඡන්දනීවරණන්ති.
ප. පටි: න හෙවං වත්තබ්බෙ -පෙ-
4. ස. පු: අත්ථි අරහතො අසුචි සුක්කවිසට්ඨි, නත්ථී තස්ස රාගො කාමරාගො කාමරාගපරියුට්ඨානං -පෙ- කාමච්ඡන්දනීවරණන්ති.
ප. පටිඤ්ඤා: ආමන්තා.
ස. අනු: අත්ථී පුථුජ්ජනස්ස අසුචි සුක්කවිසට්ඨි, නත්ථී තස්ස රාගො කාමරාගො කාමරාගපරියුට්ඨානං -පෙ- කාමච්ඡන්දනීවරණන්ති.
ප. පටි: න හෙවං වත්තබ්බෙ -පෙ-
5. ස. පු: අත්ථී අරහතො අසුචි සුක්කවිසට්ඨි’ති.
ප. පටිඤ්ඤා: ආමන්තා.
ස. පු: කෙනට්ඨෙනා’ති.
ප. වි: හන්ද හි මාරකායිකා දෙවතා අරහතො අසුචිං සුක්කවිසට්ඨිං උපසංහරන්තී’ති.
ස. පු: මාරකායිකා දෙවතා අරහතො අසුචිං සුක්කවිසට්ඨිං උපසංහරන්තී’ති.
ප. පටිඤ්ඤා: ආමන්තා.
ස. අනු: අත්ථී මාරකායිකානං දෙවතානං අසුචි සුක්කවිසට්ඨී’ති.
ප. පටි: න හෙවං වත්තබ්බෙ -පෙ-
ස. පු: නත්ථී මාරකායිකානං දෙවතානං අසුචි සුක්කවිසට්ඨී’ති.
ප. පටිඤ්ඤා: ආමන්තා.
අනු. ඨ: හඤ්චි නත්ථී මාරකායිකානං දෙවතානං අසුචි සුක්කවිසට්ඨි,
අනු. පා: නො ච වත{1} රෙ වත්තබ්බෙ: ‘මාරකායිකා, දෙවතා{2} අරහතො අසුචිං සුක්කවිසට්ඨිං උපසංහරන්තී’ති.
6. ස. පු: මාරකායිකා දෙවතා අරහතො අසුචිං සුක්කවිසට්ඨිං උපසංහරන්තී’ති.
ප. පටිඤ්ඤා: ආමන්තා.
ස. අනු: මාරකායිකා දෙවතා අත්තනො අසුචිං සුක්කවිසට්ඨිං උපසංහරන්ති, අඤ්ඤෙසං අසුචිං සුක්කවිසට්ඨිං උපසංහරන්ති, තස්ස අසුචිං සුක්කවිසට්ඨිං උපසංහරන්තී’ති.
ප. පටි: න හෙවං වත්තබ්බෙ -පෙ-
7. ස. පු: මාරකායිකා දෙවතා නෙව අත්තනො න අඤ්ඤෙසං න තස්ස අසුචිං සුක්කවිසට්ඨිං උපසංහරන්තී’ති.
ප. පටිඤ්ඤා: ආමන්තා.
අනු. ඨ: හඤ්චි මාරකායිකා දෙවතා නෙව අත්තනො න අඤ්ඤෙසං න තස්ස අසුචිං සුක්කවිසට්ඨිං උපසංහරන්ති,
අනු. පා: නො ච වත රෙ වත්තබ්බෙ: “මාරකායිකා දෙවතා අරහතො අසුචිං සුක්කවිසට්ඨිං උපසංහරන්තී”ති.
8. ස. පු: මාරකායිකා දෙවතා අරහතො අසුචිං සුක්කවිසට්ඨිං උපසංහරන්තී’ති.
ප. පටිඤ්ඤා: ආමන්තා.