ස. අනු: එකදෙසං අනාගාමී, එකදෙසං න අනාගාමී -පෙ- එකදෙසං උද්ධංසොතො අකනිට්ඨගාමී{1}, එකදෙසං න උද්ධංසොතො අකනිට්ඨගාමී’ති.
ප. පටි: න හෙවං වත්තබ්බෙ -පෙ-
12. ස. පු: මග්ගදස්සනෙන කිං ජහතී’ති.
ප. වි: තදෙකට්ඨෙ ච කිලෙස ජහතී’ති.
ස. අනු: එකදෙසං අනාගාමී, එකදෙසං න අනාගාමී, එකදෙසං අනාගාමිඵලප්පත්තො පටිලද්ධො අධිගතො සච්ඡිකතො උපසජ්ජජ්ජි විහරති. [එකදෙසං] කායෙන ඵුසිත්වා විහරති, එකදෙසං න කායෙන ඵුසිත්වා විහරති. එකදෙසං අන්තරාපරිනිබ්බායී -පෙ- උපහච්චපරිනිබ්බායී -පෙ- අසංඛාරපරිනිබ්බායී -පෙ- සසංඛාරපරිනිබ්බායී -පෙ- උද්ධංසොතො අකනිට්ඨගාමී -පෙ- එකදෙසං න උද්ධංසොතො අකනිට්ඨගාමී’ති.
ප. පටි: න හෙවං වත්තබ්බෙ -පෙ-
13. ස. පු: අරහත්තසච්ඡිකිරියාය පටිපන්නො පුග්ගලො දුක්ඛදස්සනෙ කිං ජහතී’ති.
ප. වි: රූපරාගං අරූපරාගං මානං උද්ධච්චං අවිජ්ජං තදෙකට්ඨෙ ච කිලෙසෙ එකදෙසෙ ජහතී’ති.
ස. අනු: එකදෙසං අරහා, එකදෙසං න අරහා, එකදෙසං අරහත්තප්පත්තො පටිලද්ධො අධිගතො සච්ඡිකතො උපසප්පජ්ජ විහරති. [එකදෙසං] කායෙන ඵුසිත්වා විහරති. එකදෙසං වීතරාගො වීතදොසො වීතමොහො කතකරණීයො ඔහිතභාරො අනුප්පත්තසදත්ථො පරික්ඛීණභවසඤ්ඤොජනො සම්මදඤ්ඤා විමුත්තො උක්ඛිත්තපලිඝො සංකිණ්ණපරිඛො අබ්බුළ්හෙසිකො නිරග්ගලො අරියො පන්නද්ධජො පන්නභාරො විසඤ්ඤුත්තො සුවිජිතවිජයො, දුක්ඛං තස්ස පරිඤ්ඤාතං, සමුදයො පහීනො, නිරොධො සච්ඡිකතො, මග්ගොභාවිතො අභිඤ්ඤෙය්යං අභිඤ්ඤාතං, පරිඤ්ඤෙය්යං පරිඤ්ඤාතං, පහාතබ්බං පහීනං, භාවෙතබ්බං භාවිතං, සච්ඡිකාතබ්බං සච්ඡිකතං, (එකදෙසං සච්ඡිකාතබ්බං සච්ඡිකතං,) එකදෙසං සච්ඡිකාතබ්බං න සච්ඡිකතන්ති.
ප. පටි: න හෙවං වත්තබ්බෙ -පෙ-
14. ස. පු: සමුදයදස්සනෙන කිං ජහතී’ති.
ප. වි: රූපරාගං අරූපරාගං ජහති, මානං උද්ධච්චං අවිජ්ජං තදෙකට්ඨෙ ච කිලෙසෙ එකදෙසෙ ජහතී’ති.
ස. අනු: එකදෙසං අරහා, එකදෙසං න අරහා -පෙ- එකදෙසං සච්ඡිකාතබ්බං සච්ඡිකතං, එකදෙසං සච්ඡිකාතබ්බං න සච්ඡිකතන්ති.
ප. පටි: න හෙවං වත්තබ්බෙ -පෙ-
15. ස. පු: නිරොධදස්සනෙන කිං ජහතී’ති.
ප. වි: මානං ජහති උද්ධච්චං අවිජ්ජං තදෙකට්ඨෙ ච කිලෙසෙ එකදෙසෙ ජහතී’ති.
ස. අනු: එකදෙසං අරහා, එකදෙසං න අරහා -පෙ- එකදෙසං සච්ඡිකාතබ්බං සච්ඡිකතං, එකදෙසං සච්ඡිකාතබ්බං න සච්ඡිකතන්ති.
ප. පටි: න හෙවං වත්තබ්බෙ -පෙ-
16. ස. පු: මග්ගදස්සනෙන කිං ජහතී’ති.
ප. වි: උද්ධච්චං ජහති, අවිජ්ජං තදෙකට්ඨෙ ච කිලෙසෙ ජහතී’ති.
ස. අනු: එකදෙසං අරහා, එකදෙසං න අරහා, එකදෙසං අරහත්තප්පත්තො පටිලද්ධො අධිගතො සච්ඡිකතො උපසම්පජ්ජ විහරති. [එකදෙසං] කායෙන ඵුසිත්වා විහරති එකදෙසං, න කායෙන ඵුසිත්වා විහරති. එකදෙසං වීතරාගො වීතදොසො වීතමොහො කතකරණීයො ඔහිතභාරො අනුප්පත්තසදත්ථො පරික්ඛීණභවසඤ්ඤොජනො සම්මදඤ්ඤාවිමුත්තො උක්ඛිත්තපලිඝො සංකිණ්ණපරිඛො අබ්බූළ්හෙසිකො නිරග්ගලො අරියො පන්නද්ධජො පන්නභාරො විසඤ්ඤුත්තො සුවිජිතවිජයො, දුක්ඛං තස්ස පරිඤ්ඤාතං සමුදයො පහීනො නිරොධො සච්ඡිකතො මග්ගො භාවිතො, අභිඤ්ඤෙය්යං අභිඤ්ඤාතං පරිඤ්ඤෙය්යං පරිඤ්ඤාතං පහාතබ්බං පහීනං භාවෙතබ්බං භාවිතං සච්ඡිකාතබ්බං සච්ඡිකතං, (එකදෙසං සච්ඡිකාතබ්බං සච්ඡිකතං,) එකදෙසං සච්ඡිකාතබ්බං න සච්ඡිකතන්ති.
ප. පටි: න හෙවං වත්තබ්බෙ -පෙ-
17. ප. පු: න වත්තබ්බං ඔධිසො’ධිසො කිලෙසෙ ජහතී’ති.
ස. පටිඤ්ඤා: ආමන්තා.
ප. අනු: නනු වුත්තං භගවතා:
“අනුපුබ්බෙන මෙධාවී ථොක ථොකං ඛණෙ ඛණෙ කම්මාරො රජතස්සෙ’ව නිද්ධමෙ මලමත්තනො’ති.{a}
අත්ථෙව සුත්තන්තො’ති.
ස. පටිඤ්ඤා: ආමන්තා.
ප. නිග: තෙන හි වත්තබ්බං.{1} ඔධිසො’ධිසො කිලෙසෙ ජහතී”ති.
18. ස. පු: ඔධිසො’ධිසො කිලෙස ජහතී’ති.
ප. පටිඤ්ඤා: ආමන්තා:
ස. අනු: නනු වුත්තං භගවතා:
“සහාවස්ස දස්සනසම්පදාය තයස්සු ධම්මා ජහිතා භවන්ති: සක්කායදිට්ඨි විචිකිච්ඡිතඤ්ච සීලබ්බතං වා’පි යදත්ථි කිඤ්චි. චතූහපායෙහි ච විප්පමුත්තො ඡ චාභිඨානානි අභබ්බො කාතුන්ති”{b}
අත්ථෙව සුත්තන්තො’ති.
ප. පටිඤ්ඤා: ආමන්තා.
ස. නිග: තෙන හි න වත්තබ්බං “ඔධිසො’ධිසො කිලෙසෙ ජහතී”ති.
19. ස. පු: ඔධිසො’ධිසො කිලෙස ජහතී’ති.
ප. පටිඤ්ඤා: ආමන්තා.
ස. අනු: නනු වුත්තං භගවතා: “යස්මිං භික්ඛවෙ සමයෙ අරියසාවකස්ස විරජං වීතමලං ධම්මචක්ඛුං උදපාදි: ‘යං කිඤ්චි සමුදයධම්මං සබ්බං තං නිරොධධම්ම’න්ති. සහ දස්සනුප්පාදා භික්ඛවෙ අරියසාවකස්ස තීණි සඤ්ඤොජනානි පහීයන්ති: සක්කායදිට්ඨි, විචිකිච්ඡා, සීලබ්බතපරාමාසො” ති අත්ථෙ’ව සුත්තන්තො’ති.
ප. පටිඤ්ඤා: ආමන්තා.
ස. නිග: තෙන හි න වත්තබ්බං ඔධිසො’ධිසො කිලෙස ජහතී’ති.
ඔධිසො කථා නිට්ඨිතා:
1. 5.
ජහතිකථා.
1. ස. පු: ජහති පුථුජ්ජනො කාමරාගව්යාපාදන්ති.
ප. පටිඤ්ඤා: ආමන්තා.
ස. අනු: අච්චන්තං ජහති, අනවසෙසං ජහති, අප්පටිසන්ධියං ජහති, සමූලං ජහති, සතණ්හං ජහති, සානුසයං ජහති, අරියෙන ඤාණෙන ජහති, අරියෙන මග්ගෙන ජහති, අකුප්පං පටිවිජ්ඣන්තො ජහති, අනාගාමිඵලං සච්ඡිකරොන්තො ජහතී’ති.
ප. පටි: න හෙවං වත්තබ්බෙ -පෙ-
2. ස. පු: වික්ඛම්භෙති පුථුජ්ජනො කාමරාගව්යාපාදන්ති.
ප. පටි: ආමන්තා.
ස. අනු: අච්චන්තං වික්ඛම්භෙති, අනවසෙසං වික්ඛම්භෙති, අප්පටිසන්ධියං වික්ඛම්භෙති, සමූලං වික්ඛම්භෙති, සතණ්හං වික්ඛම්භෙති, සානුසයං වික්ඛම්භෙති, අරියෙන ඤාණෙන වික්ඛම්භෙති, අරියෙන මග්ගෙන වික්ඛම්භෙති, අකුප්පං පටිවිජ්ඣන්තො වික්ඛම්භෙති, අනාගාමිඵලං සච්ඡිකරොන්තො වික්ඛම්භෙතී’ති.
ප. පටි: න හෙවං වත්තබ්බෙ -පෙ-
3. ස. පු: ජහති අනාගාමිඵලසච්ඡිකිරියාය පටිපන්නො පුග්ගලො කාමරාගව්යාපාදං, සො ච අච්චන්තං ජහති, අනවසෙසං ජහති -පෙ- අනාගාමිඵලං සච්ඡිකරොන්තො ජහතී’ති.
ප. පටිඤ්ඤා: ආමන්තා.
ස. අනු: ජහති පුථුජ්ජනො කාමරාගව්යාපාදං, සො ච අච්චන්තං ජහති, අනවසෙසං ජහති -පෙ- අනාගාමිඵලං සච්ඡිකරොන්තො ජහතී’ති.
ප. පටි: න හෙවං වත්තබ්බෙ -පෙ-
4. ස. පු: වික්ඛම්භෙති අනාගාමිඵලසච්ඡිකිරියාය පටිපන්නො පුග්ගලො කාමරාගව්යාපාදං, සො ච අච්චන්තං වික්ඛම්භෙති අනවසෙසං වික්ඛම්භෙති -පෙ- අනාගාමිඵලං සච්ඡිකරොන්තො වික්ඛම්භෙති’ති.
ප. පටිඤ්ඤා: ආමන්තා.
ස. අනු: වික්ඛම්භෙති පුථුජ්ජනො කාමරාගව්යාපාදං, සො ච අච්චන්තං වික්ඛම්භෙති, අනවසෙසං වික්ඛම්භෙති -පෙ- අනාගාමිඵලං සච්ඡිකරොන්තො වික්ඛම්භෙතී’ති.
ප. පටි: න හෙවං වත්තබ්බෙ -පෙ-
5. ස. පු: ජහති පුථුජ්ජනො කාමරාගව්යාපාදං, සො ච න අච්චන්තං ජහති, න අනවසෙසං ජහති -පෙ- න අනාගාමිඵලං සච්ඡිකරොන්තො ජහතී’ති.
ප. පටිඤ්ඤා: ආමන්තා.
ස. අනු: ජහති අනාගාමිඵලසච්ඡිකිරියාය පටිපන්නො පුග්ගලො කාමරාගව්යාපාදං, සො ච න අච්චන්තං ජහති -පෙ- න අනාගාමිඵලං සච්ඡිකරොන්තො ජහතී’ති.
ප. පටි: න හෙවං වත්තබ්බෙ -පෙ-
6. ස. පු: වික්ඛම්භෙති පුථුජ්ජනො කාමරාගව්යාපාදං, සො ච න අච්චන්තං වික්ඛම්භෙති, න අනවසෙසං වික්ඛම්භෙති -පෙ- න අනාගාමිඵලං සච්ඡිකරොන්තො වික්ඛම්භෙතී’ති.
ප. පටිඤ්ඤා: ආමන්තා.
ස. අනු: වික්ඛම්භෙති අනාගාමිඵලසච්ඡිකිරියාය පටිපන්නො පුග්ගලො කාමරාගව්යාපාදං, සො ච න අච්චන්තං වික්ඛම්භෙති න අනවසෙසං වික්ඛම්භෙති -පෙ- න අනාගාමිඵලං සච්ඡිකරොන්තො වික්ඛම්භෙතී’ති.
ප. පටි: න හෙවං වත්තබ්බෙ -පෙ-
7. ස. පු: ජහති පුථුජ්ජනො කාමරාගව්යාපාදන්ති.
ප. පටිඤ්ඤා: ආමන්තා.
ස. පු: කතමෙන මග්ගෙනා’ති.
ප. වි: රූපාවචරෙන මග්ගෙනා’ති.
ස. අනු: රූපාවචරො මග්ගො නිය්යානිකො ඛයගාමී බොධගාමී අපචයගාමී අනාසවො අසඤ්ඤොජනියො අගන්ථනීයො{1} අනොඝනීයො{2} අයොගනීයො{3} අනීවරණියො{4} අපරාමට්ඨො අනුපාදානියො අසංකිලෙසියො’ති.
ප. පටි: න හෙවං වත්තබ්බෙ -පෙ-
ස. අනු: නනු රූපාවචරො මග්ගො අනිය්යානිකො න ඛයගාමී න බොධගාමී න අපචයගාමී සාසවො සඤ්ඤොජනියො -පෙ- සංකිලෙසියො’ති.
ප. පටිඤ්ඤා: ආමන්තා.
අනු. ඨ: හඤ්චි රූපාවචරො මග්ගො අනිය්යානිකො න ඛයගාමී -පෙ- සංකිලෙසියො,
අනු. පා: නො ච වත රෙ වත්තබ්බෙ “ජහති පුථුජ්ජනො රූපාවචරෙන මග්ගෙන කාමරාගව්යාපාදන්ති.”
8. ස. පු: ජහති අනාගාමිඵලසච්ඡිකිරියාය පටිපන්නො පුග්ගලො අනාගාමිමග්ගෙන කාමරාගව්යාපාදං, සො ච මග්ගො නිය්යානිකො ඛයගාමී බොධගාමී අපචයගාමී අනාසවො -පෙ- අසංකිලෙසියො’ති.
ප. පටිඤ්ඤා: ආමන්තා.
ස. අනු: ජහති පුථුජ්ජනො රූපාවචරෙන මග්ගෙන කාමරාගව්යාපාදං, සො ච මග්ගො නිය්යානිකො ඛයගාමී බොධගාමී අපචයගාමී අනාසවො -පෙ- අසංකිලෙසියො’ති.
ප. පටි: න හෙවං වත්තබ්බෙ -පෙ-
9. ස. පු: ජහති පුථුජ්ජනො රූපාවචරෙන මග්ගෙන කාමරාගව්යාපාදං, සො ච මග්ගො අනිය්යානිකො න ඛයගාමී න බොධගාමී න අපචයගාමී සාසවො -පෙ- සංකිලෙසියො’ති.
ප. පටිඤ්ඤා: ආමන්තා.
ස. අනු: ජහති අනාගාමිඵලසච්ඡිකිරියාය පටිපන්නො පුග්ගලො අනාගාමිමග්ගෙන කාමරාගව්යාපාදං, සො ච මග්ගො අනිය්යානිකො න ඛයගාමී න බොධගාමී න අපචයගාමී සාසවො -පෙ- සංකිලෙසියො’ති.
ප. පටි: න හෙවං වත්තබ්බෙ -පෙ-
10. ස. පු: පුථුජ්ජනො කාමෙසු වීතරාගො සහ ධම්මාභිසමයා අනාගාමිඵලෙ සණ්ඨාතී’ති.
ප. පටිඤ්ඤා: ආමන්තා.
ස. අනු: අරහත්තෙ සණ්ඨාතී’ති.
ප. පටි: න හෙවං වත්තබ්බෙ -පෙ-
11. ස. පු: පුථුජ්ජනො කාමෙසු වීතරාගො සහ ධම්මාභිසමයා අනාගාමිඵලෙ සණ්ඨාතී’ති.
ප. පටිඤ්ඤා: ආමන්තා.
ස. අනු: අපුබ්බං අචරිමං තයො මග්ගෙ භාවෙතීති.
ප. පටි: න හෙවං වත්තබ්බෙ -පෙ-
12. ස. පු: අපුබ්බං අචරිමං තයො මග්ගෙ භාවෙතී’ති.
ප. පටිඤ්ඤා: ආමන්තා.
ස. අනු: අපුබ්බං අචරිමං තීණි සාමඤ්ඤඵලානි සච්ඡිකරොතී’ති.
ප. පටි: න හෙවං වත්තබ්බෙ -පෙ-
13. ස. පු: අපුබ්බං අචරිමං තීණි සාමඤ්ඤඵලානි සච්ඡිකරොතී’ති.
ප. පටිඤ්ඤා: ආමන්තා.