ස. අනු: අසමයවිමුත්තස්ස අරහතො රාගප්පහානාය මග්ගො භාවිතො, පරිහායති අසමයවිමුත්තො අරහා අරහත්තා’ති.
ප. පටි: න හෙවං වත්තබ්බෙ -පෙ-
97. ස. පු: සමයවිමුත්තස්ස අරහතො රාගප්පහානාය සතිපට්ඨානා භාවිතා -පෙ- සම්මප්පධානා භාවිතා -පෙ- ඉද්ධිපාදා භාවිතා -පෙ- ඉන්ද්රියා භාවිතා -පෙ- බලා භාවිතා -පෙ- බොජ්ඣඞ්ගා භාවිතා, පරිහායති සමයවිමුත්තො අරහා අරහත්තා’ති.
ප. පටිඤ්ඤා: ආමන්තා.
ස. අනු: අසමයවිමුත්තස්ස අරහතො රාගප්පහානාය සතිපට්ඨානා භාවිතා -පෙ- බොජ්ඣඞ්ගා භාවිතා, පරිහායති අසමයවිමුත්තො අරහා අරහත්තා’ති.
ප. පටි: න හෙවං වත්තබ්බෙ -පෙ-
98. ස. පු: සමයවිමුත්තස්ස අරහතො දොසප්පහානාය -පෙ- අනොත්තප්පප්පහානාය මග්ගො භාවිතො -පෙ- බොජ්ඣඞ්ගා භාවිතා, පරිහායති සමයවිමුත්තො අරහා අරහත්තා’ති.
ප. පටිඤ්ඤා: ආමන්තා.
ස. අනු: අසමයවිමුත්තස්ස අරහතො අනොත්තප්පප්පහානාය මග්ගො භාවිතො -පෙ- බොජ්ඣඞ්ගා භාවිතා, පරිහායති අසමයවිමුත්තො අරහා අරහත්තා’ති.
ප. පටි: න හෙවං වත්තබ්බෙ -පෙ-
99. ස. පු: සමයවිමුත්තො අරහා වීතරාගො වීතදොසො වීතමොහො කතකරණීයො ඔහිතභාරො අනුප්පත්තසදත්ථො පරික්ඛීණභවසඤ්ඤොජනො සම්මදඤ්ඤාවිමුත්තො උක්ඛිත්තපලිඝො සඞ්කිණ්ණ පරිඛො අබ්බුළ්හෙසිකො නිරග්ගලො අරියො පන්නද්ධජො පන්නභාරො විසඤ්ඤුත්තො සුවිජිතවිජයො. දුක්ඛං තස්ස පරිඤ්ඤාතං, සමුදයො පහීනො, නිරොධො සච්ඡිකතො, මග්ගො භාවිතො, අභිඤ්ඤෙය්යං අභිඤ්ඤාතං, පරිඤ්ඤෙය්යං පරිඤ්ඤාතං, පහාතබ්බං පහීනං, භාවෙතබ්බං භාවිතං, සච්ඡිකාතබ්බං සච්ඡිකතං. පරිහායති සමයවිමුත්තො අරහා අරහත්තා’ති.
ප. පටිඤ්ඤා: ආමන්තා.
ස. අනු: අසමයවිමුත්තො අරහා වීතරාගො වීතදොසො වීතමොහො -පෙ- සච්ඡිකාතබ්බං සච්ඡිකතං. පරිහායති අසමයවිමුත්තො අරහා අරහත්තා’ති.
ප. පටි: න හෙවං වත්තබ්බෙ -පෙ-
100. ස. පු: අසමයවිමුත්තස්ස අරහතො රාගො පහීනො, න පරිහායති අසමයවිමුත්තො අරහා අරහත්තා’ති.
ප. පටිඤ්ඤා: ආමන්තා.
ස. අනු: සමයවිමුත්තස්ස අරහතො රාගො පහීනො, න පරිහායති සමයවිමුත්තො අරහා අරහත්තා’ති.
ප. පටි: න හෙවං වත්තබ්බෙ -පෙ-
101. ස. පු: අසමයවිමුත්තස්ස අරහතො දොසො පහීනො -පෙ- අනොත්තප්පං පහීනං, න පරිහායති අසමයවිමුත්තො අරහා අරහත්තා’ති.
ප. පටිඤ්ඤා: ආමන්තා.
ස. අනු: සමයවිමුත්තස්ස අරහතො අනොත්තප්පං පහීනං, න පරිහායති සමයවිමුත්තො අරහා අරහත්තා’ති.
ප. පටි: න හෙවං වත්තබ්බෙ -පෙ-
102. ස. පු: අසමයවිමුත්තස්ස අරහතො රාගප්පහානාය මග්ගො භාවිතො -පෙ- බොජ්ඣඞ්ගා භාවිතා, න පරිහායති අසමයවිමුත්තො අරහා අරහත්තා’ති.
ප. පටිඤ්ඤා: ආමන්තා.
ස. අනු: සමයවිමුත්තස්ස අරහතො රාගප්පහානාය මග්ගො භාවිතො -පෙ- බොජ්ඣඞ්ගා භාවිතා, න පරිහායති සමයවිමුත්තො අරහා අරහත්තා’ති.
ප. පටි: න හෙවං වත්තබ්බෙ -පෙ-
103. ස. පු: අසමයවිමුත්තස්ස අරහතො දොසප්පහානාය මග්ගො භාවිතො -පෙ- අනොත්තප්පප්පහානාය මග්ගො භාවිතො -පෙ- බොජ්ඣඞ්ගා භාවිතා, න පරිහායති අසමයවිමුත්තො අරහා අරහත්තා’ති.
ප. පටිඤ්ඤා: ආමන්තා.
ස. අනු: සමයවිමුත්තස්ස අරහතො අනොත්තප්පප්පහානාය මග්ගො භාවිතො -පෙ- බොජ්ඣඞ්ගා භාවිතා, න පරිහායති සමයවිමුත්තො අරහා අරහත්තා’ති.
ප. පටි: න හෙවං වත්තබ්බෙ -පෙ-
104. ස. පු: අසමයවිමුත්තො අරහා වීතරාගො වීතදොසො වීතමොහො -පෙ- සච්ඡිකාතබ්බං සච්ඡිකතං, න පරිහායති අසමයවිමුත්තො අරහා අරහත්තා’ති.
ප. පටිඤ්ඤා: ආමන්තා.
ස. අනු: සමයවිමුත්තො අරහා වීතරාගො වීතදොසො වීතමොහො -පෙ- සච්ඡිකාතබ්බං සච්ඡිකතං, න පරිහායති සමයවිමුත්තො අරහා අරහත්තාති.
ප. පටි: න හෙවං වත්තබ්බෙ -පෙ-
105. ස. පු: පරිහායති අරහා අරහත්තා’ති.
ප. පටිඤ්ඤා: ආමන්තා.
ස. අනු: සාරිපුත්තො ථෙරො පරිහායිත්ථ අරහත්තා’ති.
ප. පටි: න හෙවං වත්තබ්බෙ -පෙ-
ස. පු: මොග්ගල්ලානො ථෙරො -පෙ- මහාකස්සපො ථෙරො -පෙ- මහාකච්චායනො ථෙරො -පෙ- මහාකොට්ඨිතො ථෙරො -පෙ- මහාපන්ථකො ථෙරො පරිහායිත්ථ අරහත්තා’ති.
ප. පටි: න හෙවං වත්තබ්බෙ -පෙ-
ස. අනු: සාරිපුත්තො ථෙරො න පරිහායිත්ථ අරහත්තා’ති.
ප. පටිඤ්ඤා: ආමන්තා.
අනු. ඨ: හඤ්චි සාරිපුත්තො ථෙරො න පරිහායිත්ථ අරහත්තා,
අනු. පා: නො ච වත රෙ වත්තබ්බෙ “පරිහායති අරහා අරහත්තා”ති.
ස. අනු: මහාමොග්ගල්ලානො ථෙරො -පෙ- මහාකස්සපො ථෙරො -පෙ- මහාකච්චායනො ථෙරො -පෙ- මහාකොට්ඨිතො ථෙරො -පෙ- මහාපන්ථකො ථෙරො න පරිහායිත්ථ අරහත්තා’ති
ප. පටිඤ්ඤා: ආමන්තා.
අනු. ඨ: හඤ්චි මහාපන්ථකො ථෙරො න පරිහායිත්ථ අරහත්තා
අනු. පා: නො ච වත රෙ වත්තබ්බෙ “පරිහායති අරහා අරහත්තා’ති.
අරියපුග්ගලසංසන්දනා.
106. ස. පු: පරිහායති අරහා අරහත්තා’ති.
ප. පටිඤ්ඤා: ආමන්තා.
ස. අනු: නනු වුත්තං භගවතා:
“උච්චාවචා{1} හි පටිපදා{2} සමණෙන පකාසිතා, න පාරං දිගුණං{3} යන්ති නයිදං එකගුණං මුතන්ති”{a}
අත්ථෙව සුත්තන්තො’ති.
ප. පටිඤ්ඤා: ආමන්තා.
ස. නිග: තෙන හි න වත්තබ්බං පරිහායති අරහා අරහත්තා’ති.
107. ස. පු: පරිහායති අරහා අරහත්තා’ති.
ප. පටිඤ්ඤා: ආමන්තා.
ස. අනු: අත්ථි ඡින්නස්ස ඡෙදියන්ති
ප. පටි: න හෙවං වත්තබ්බෙ -පෙ-
ස. පු: අත්ථි ඡින්නස්ස ඡෙදියන්ති.
ප. පටිඤ්ඤා: ආමන්තා.
ස. අනු: නනු වුත්තං භගවතා:
“වීතතණ්හො අනාදානො කිච්චං යස්ස න විජ්ජති, ඡින්නස්ස ඡෙදියං නත්ථි ඔඝපාසො සමූහතො”ති.
අත්ථෙව සුත්තන්තො’ති.
ප. පටිඤ්ඤා: ආමන්තා.
ස. නිග: තෙන හි න වත්තබ්බං ‘අත්ථි ඡින්නස්ස ඡෙදියන්ති.’
108. ස. පු: පරිහායති අරහා අරහත්තා’ති.
ප. පටිඤ්ඤා: ආමන්තා.
ස. අනු: අත්ථි කතස්ස පතිචයො’ති.
ප. පටි: න හෙවං වත්තබ්බෙ -පෙ-
ස. පු: අත්ථි කතස්ස පතිචයො’ති.
ප. පටිඤ්ඤා: ආමන්තා.
ස. අනු: නනු වුත්තං භගවතා:
“තස්ස සම්මා විමුත්තස්ස සන්තචිත්තස්ස භික්ඛුනො, කතස්ස පතිචයො{1} නත්ථි කරණීයං න විජ්ජති”
සෙලො යථා එකඝනො වාතෙන න සමීරති, එවං රූපා රසා සද්දා ගන්ධා ඵස්සා ච කෙවලා
ඉට්ඨා ධම්මා අනිට්ඨා ච නප්පවෙධෙන්ති තාදිනො, ඨිතං චිත්තං විප්පමුත්තං වයං චස්සා’නු පස්සතී”ති.{a}
අත්ථෙව සුත්තන්තො’ති.
ප. පටිඤ්ඤා: ආමන්තා.
ස. නිග: තෙන හි න වත්තබ්බං අත්ථි කතස්ස පතිචයො’ති.
109. ප. පු: න. වත්තබ්බං පරිහායති ‘අරහා අරහත්තා’ති.
ස. පටිඤ්ඤා: ආමන්තා.
ප. අනු: නනු වුත්තං භගවතා “පඤ්චිමෙ භික්ඛවෙ ධම්මා සමයවිමුත්තස්ස භික්ඛුනො පරිහානාය සංවත්තන්ති. කතමෙ පඤ්ච: කම්මාරාමතා භස්සාරාමතා නිද්දාරාමතා සඞ්ගණිකාරාමාතා යථා විමුත්තං චිත්තං න පච්චවෙක්ඛති. ඉමෙ ඛො භික්ඛවෙ, පඤ්ච ධම්මා සමයවිමුත්තස්ස භික්ඛුනො පරිහානාය සංවත්තන්තීති”{b} අත්ථෙව සුත්තන්තො’ති.
ස. පටිඤ්ඤා: ආමන්තා.
ප. නිග: තෙන හි පරිහායති අරහා අරහත්තා’ති.
110. ස. පු: අත්ථි අරහතො කම්මාරාමතා’ති.
ප. පටි: න හෙවං වත්තබ්බෙ -පෙ-
ස. පු: අත්ථි අරහතො කම්මාරාමතා’ති.
ප. පටිඤ්ඤා: ආමන්තා.
ස. අනු: අත්ථි අරහතො රාගො කාමරාගො කාමරාගපරියුට්ඨානං කාමරාගසංයොජනං කාමොඝො කාමයොගො කාමච්ඡන්දනීවරණන්ති.
ප. පටි: න හෙවං වත්තබ්බෙ -පෙ-
ස. අනු: අත්ථි අරහතො භස්සාරාමතා, අත්ථි අරහතො නිද්දාරාමතා, අත්ථි අරහතො සඞ්ගණිකාරාමතා’ති.
ප. පටි: න හෙවං වත්තබ්බෙ -පෙ-
111. ස. පු: අත්ථී අරහතො සඞ්ගණිකාරාමතා’ති.
ප. පටිඤ්ඤා: ආමන්තා.
ස. අනු: අත්ථි අරහතො රාගො කාමරාගො කාමරාගපරියුට්ඨානං කාමරාගසංයොජනං කාමොඝො කාමයොගො කාමච්ඡන්දනීවරණන්ති.
ප. පටි: න හෙවං වත්තබ්බෙ -පෙ-
112. ස. පු: පරිහායති අරහා අරහත්තා’ති.
ප. පටිඤ්ඤා: ආමන්තා.
ස. අනු: අරහා අරහත්තා පරිහායමානො කිං පරියුට්ඨිතො පරිහායතී’ති.